فلاش بوست- اكتوبر 2013 -1

1-

اقنعنى انت إن خالة حجاج عبد العظيم لسة ممكن تولد ، وأنا أقنعك إن مرسى راجع. 2- زي بكرة من سنة بالظبط، كان عبود الزمر وطارق الزمر وعاصم عبد الماجد بيحضروا الاحتفال بنصر أكتوبر اللي كان سبب من أسبابه السادات،اللي هما قتلوه، الاحتفال كان ف استاد القاهرة تحت رعاية المعزول مرسي.اعتقد لو مرسي كان كمل معانا، كان السنة دي هيهدي نوط الشجاعة من الدرجة الأولي لروح العقيد الصهيوني عساف ياجوري 3- تتميز الأنثي ال (أشتون) بأنها تضع بيضها في مصر باستمرار منذ ال 30 من يونيو الماضي وتنجذب بصورة لافتة لذكر الخروف. ‫#‏ناشيونال_جيوجرافيك_أبو‬ جدي. 4- شبكة رصد بعد حصولها علي تسريب لفيديو السيسي ،تؤكد حصولها علي فيديو آخر يظهر فيه مرسي مرتديا الجلابية ، اللي لبسهالو السيسي بنفسه. 5- رغم إن المصريين بيلعنوا ويسبوا ف قناة الجزيرة طول النهار، إلا إنهم مجبرين غير مخيرين علي مشاهدة الجزيرة الرياضية اللي احتكرت كل بطولات مجرة (درب التبانة)، وبتدور علي مجرات تانية،إحساس بشع لما تحس إن امير خيمة زي قطر ماسك الريموت بتاع العالم العربي كله وبيتحكم فيهم، ومش بعيد لما الدوري بتاعنا يرجع ،يحتكر إذاعة الدربي المفضل بتاعي واللي بستناه من السنة للسنة: اف سي اسمنت أسيوط vs سي اف بترول اسيوط. 6- زي بكرة من 40 سنة ، وفي نفس الوقت اللي فيه اشجع جندي مصري ب (يغرس) علم مصر في أرض سيناء، كان صبحي صالح ب(يغرف) محشي من الحلة وهو بيتغدي في نهار رمضان. 7- لو فيه تويتر سنة 73 كنتم هتقروا التويتات دى:- -البرادعى:- من غير المقبول إقصاء الصهاينة من المشهد السياسى...العنف لايولد إلا العنف، لا بد من إجراء مصالحة شاملة مع اسرائيل على أسس ديمقراطية. -ابو الفتوح:- ماحدث ليس حربا ، وليس تحريراً للارض...ماحدث نصف حرب ونصف تحرير. -جولدا مائير :- محتاجين نابالم زيادة عند خط بارليف ...ريتويت بغباء . -شارون :- أقول لكل العالم...أن سلميتنا اقوى من الرصاص...نخوض حرباً سلمية فقط...صور يابنى صور. -المطرب الاسرائيلى عاموش ميزراح : حرب دى ولا انكيلاب...انكيلاب ..انكيلاب. 8- بلد ظالمة بصحيح ، يكرموا طنطاوي ويقعدوه في الصف الأول ، وينسوا اللي ضحت بكل جسمها وروحها ، وشيبت اسرائيل وخلتها تنام من المغرب: فين مدام نادية الجندي ياكفرة؟. 9- المكتبة الحديثة تقدم ( روايات إخوانية للجيب) ،سلسلة(فانتازيا اخوان) العدد الأول: مرسي هيفطر ف القصر العدد الثاني : مرسي هيعيد ف القصر العدد الثالث: 30-8 يوم النصر العدد الرابع: مرسي راجع القصر العدد الخامس: 6 أكتوبر مرسي راجع بعد العصر بادر بحجز نسختك وتعرف علي أقوي روايات الخيال العلمي 10

عملوا سؤال لعينة عشوائية من المصريين ،السؤال كان :ياتري إيه أهم عيوبك..96% كانت إجابتهم: أني طيب وبثق ف الناس بسرعة الإجابة دي محتاجة معاها موسيقي المال والبنون ؛ و إيموشن :‫#‏ليه_يازمان_ماسبتناش_أبريا

11-

شركة (ماكس فاكتور) المتخصصة في تصنيع مستحضرات التجميل ، قررت تعمل كريم بشرة اسمه (c.c) ، بكرة تلاقي واحد إخوانجي كاتب: حتي ماكس فاكتور طلعت من عبيد البيادة.

12-

عملوا ف أمريكا أول قناة تليفزيونية للترفيه عن الكلاب ، الخبر ده واللي ذكرته قناة بي بي سي إمبارح ما أدهشنيش ،لأن قطر عدت المرحلة دي وعملت أول قناة تليفزيونية يشرف عليها و يعد ويقدم برامجها الكلاب بنفسها.

13-

أعطني خبزا ومسرحا ، أعطيك شعبا مثقفا ( الأديب الفرنسي :فولتير) أعطني رقاصة و منولجست وأغنية مهرجان وممثل شكله بلطجي ، أعطيك فيلما يكسر الدنيا ( المنتج المصري :محمد السبكي)