Mohamed Hussein
16 مايو 2019 ·
التليفزيون الصيني عامل تقرير عن مدرسة الضبعه النوويه , أول مدرسه نوويه في الشرق الأوسط في منطقة الضبعه , و احنا مانعرفش عنها حاجه , الخبر وصل الصين و الهند و السند وبلاد تركب الأفيال ولسه ماوصلش عندنا !! .
.
مصر بتكبر و بتعمر و بتتبني على نضافه و بهدوء و بخطه محكمه , بنيه تحتيه و طرق و كباري و محاور و استثمار و صناعه و صحه و تعليم و بحث علمي , وعشان تعمل مفاعل نووي لازم تأهل كوادر و تعمل تعليم نووي و تعمل كمان طرق و محاور توصل لمنطقة الضبعه و تعمل هناك مدن جديده و مستشفيات و جامعات و مصادر طاقه و تنميه شامله , الحكايه أصلها مش عاركه في خماره ولا المشاريع العملاقه بتدار بطريقة هبلولة الشغاله , دي حلقات في سلسله , حلقات واصله ببعضها و بتكمل بعضها .
.
كل ده بيحصل على أرض مصر , و احنا مشغولين بالكنافه اللي بالمانجا و بشاي البلكونه و خفة دم مي عز الدين في المسلسل الكوميدي اللي هي عاملاه , و عمّالين نفكر في الوقت الضايع اللي هيحسبه حكم النهارده في ماتش الأهلي .
...................................................................................................
Mohamed Hussein
17 مايو 2019 ·
اشتريت بطيخه كبيره المغرب من عند ولاد الحاج رجب ب 47 ج , و خدتها من غير فاتوره ولا كيس , أصلا لا بحب اخد فواتير ولا اكياس خصوصا للبطيخ , بحب اشيلها كده كأني شايل عيل صغير, ماتعرفش ده فولكلور بقى ولا مزاج ولا عقدة نقص ولا ايه بالظبط , المهم دخلت عليهم بالبطيخه في البيت كأني أبو زيد الهلالي اللي جايب الديب من ديله , بعد شوية شقوها و اتصلو بيا قالو لي البطيخه بايظه خالص و ماينفعش حتى نأكلها للقطط , فانا هروح ارجعها بعد شويه من غير فاتوره , لو ماظهرتش عالفيس بكره اعرفو انهم رفضو يرجعو البطيخه و إني اتغابيت عليهم و هما عندهم سكاكين كتير اللي بيقطعو بيها الموز دي , والقاعده العلميه بتقول , أربعه ماتتناقش معاهم ولا تجر شكلهم , الفكهاني و الجزار و الحلاق و مرتضى منصور , أشوف وشكو على خيرة الله .
...........................................................................................
Mohamed Hussein
17 مايو 2019 ·
تخيلو لو محور روض الفرج ده اتعمل من عشرين سنه بس !! .
.........................
الممشى الزجاجي بتاع كوبري تحيا مصر
- ماله يا حفيظه ؟
يتكتب بإسمي يا عتمان
- إزاي بس يا وليه ؟
من غير إزاي , و مش بس الممشى الزجاجي , ده الممشى و الكوبري و محور روض الفرج , كله يتكتب باسمي , ويبقى محور حفيظه مرات عتمان
...............................................................................................
Mohamed Hussein
18 مايو 2019 ·
زي مانتو شايفين كده , الكوبري ده بتاع تحيا مصر بعناه لمستثمر إماراتي و سجلنا العقد في الشهر العقاري فرع أبو ظبي , ليا ابن خالتي ساكن قدام الشهر العقاري بتاع أبو ظبي و كان واقف في البلكونه بيشرب سيجاره بالصدفه و شاف عملية التسجيل بعنيه , تحت الكوبري هتلاقو ماية النيل نشفت بسبب سد النهضه اللي اكتمل بناؤه و خزن المايه زي مانتو شايفين برضه , و لو ركزتو في الصوره هتلاقو إن التماسيح و الديناصورات ظهرو فوق أسطح العماير على جانبي النيل بسبب إن ماية النيل نشفت , و معلومة يمكن مايعرفهاش ناس كتير , الدوله الفاشيه اللي مفيش في قلبها شفقه ولا رحمة قررت إنها تصدر التماسيح و الديناصورات دي لأمريكا زي ماصدرت لهم القطط و كلاب الشوارع , فمحتاجين بقى لو سمحتو نفعّل الهاشتاج , #لا_لتصدير_القطط_والكلاب_والتماسيح_والديناصورات_الرضيعه .
..................................................................................
Mohamed Hussein
18 مايو 2019 ·
على سيرة وسط البلد
.
في يناير 2011 كنت بشم كوله , قاعد في قعر البرطمان و بجيب من الشمخ الجواني , يمكن كان الفرق الوحيد إني عايش بره مصر , فالكوله بتاعتي من النوع الفاخر المستورد , معلوماتي و مشاهدي و عيني اللي بشوف بيها كانو هما الجزيره و البي بي سي و ليليان داود و يسري فوده و كل الأشكال الزباله الجميله دي .
.
طولت في شم الكوله و استمريت سنه بحالها , يمكن عشان انا عايش بره ومانزلتش ميادين ولا شوفت الحقيقه بعنيا , يمكن لو كنت في مصر كنت اتعالجت و خفيت من أول يومين في ميدان التحرير
.
المهم , في الفتره دي و مع أهمية الفيس بوك وإنه وسيله للتواصل , بدأت تتسرسب شوية حاجات خلتني أفوق , يمكن مش بس كدب و تدليس الجزيره والبي بي سي , يمكن مش بس احساس جوايا بالخطر و الخوف عالبلد دي , يمكن مش بس إني حسيت إننا ماعملناش ثوره انما اتعمل بينا ثوره , زي الفرخه كده لما يتعمل عليها شوربه
.
فيه حاجه أهم خلتني أفوق , هي شباب وسط البلد , العيال الهبدجيه رفقاء الثوره , اللي كانو أصدقائي و حبايبي و أصحاب بيت , الثورجيه إجمالا من أول قمة الجبل بتاعهم لحد القاع , بدأت أركز شويه بشويه في عقولهم و تصرفاتهم و شعاراتهم و حبشتكاناتهم , ولاحظت 3 حاجات مهمين أوي
.
1- في يوم من الأيام بعتت لي صديقه رساله بتقول فيها إنها ست متجوزه و على خلاف مع جوزها و انها كانت بتنزل الميدان عشان مؤمنه بالثوره و كده , وانه فيه شاب خدعها و بدأ يلعب عليها و هي استجابت و اتطلقت من جوزها على أساس انه الشاب ده هيتجوزها بعد ماعملو علاقه مع بعض , و طبعا الشاب طار و اكتشفت انه لعب على غيرها كتير , طبعا مش هقول أسماء لأن ده مش دوري , انا بس بوضح الفكره , الست دي بعتت لي عشان أكتب بوست أوعّى اللي بينزلو الميدان انه مش كل الشباب نازل عشان الثوره و الشعارات البراقه , وقتها مكانتش صفحتي كبيره لسه , بس اهي النوايه بتسند الزير , و كتبت فعلا , و بعدها عرفت ان الموضوع ده متكرر بشكل كتير , وانا هنا مش بقصد التعميم ولا إنه كله كان بينزل للغرض ده , انما كتير كانو بينزلو يهببو مش اكتر , وبرضه أنا هنا مش ضد العلاقات الشخصيه ولا انا متدين و مقطع حصر الجامع , انا بس ضد انك تحمس شباب و تدفعهم للنار و للقتل أحيانا و للحرق و التخريب وانت نازل تشقط مزز , انا ضد إنك تتاجر بشعارات نبيله جدا لأغراض دنيئه .
.
2- لقيت إن الشباب دول غاوي جدا يهبد كلمتين مقعرين و لما فكرت في الظاهره دي بهدوء مالقيتش لها تفسير غير انها إفلاس , انت ماعندكش لا فكره ولا نظريه ولا وجهة نظر , انت مخوخ من جوه و فاضي و ضعيف و بتداري ضعفك في أي شعار و أي كلمتين مقعرين ممكن أصلا ماتكونشي فاهم معناهم , وقتها شبهتهم بتشبيه المثقف الحمار , اللي بيهبد من غير ما يفهم , كمثل الحمار يحمل أسفارا .
.
3- مشكلة تالته كان بيعاني منها النوعيه دي من الشباب و هي الإجابه عالسؤال ده , انت عارف يعني ايه تشارك في ثوره ؟ عارف ايه المؤهلات المطلوبه عشان تشارك في ثوره ؟ أسباب و أهداف و طريقه و بدايل متاحه ولا مش عارف ؟ طب عارف ان امكانياتك كبني أدم بيشارك في ثوره لا تعني بالضروره إنك تكون بني أدم قادر على الحكم و إدارة الاوطان ؟ عارف ان الحكايه التانيه لها مواصفات تانيه خالص ؟ عارف إنه انت لما تكون بتعرف شوية عن دورة كربس و بتعرف رمز الصوديوم و بتعرف تقول انفراستراكشر ف ده مش معناه إنك قادر على حكم الاوطان , للأسف أغلبهم كان كده , مجرد مايهبد بوستين و يجمع 17 لايك و ينام في الميدان ساعتين تلاته يتخيل إنه لازم يتعين فورا في منصب رئيس وزراء ماليزيا .
............................................................................................................
Mohamed Hussein
19 مايو 2019 ·
ياريس مراتي بتقعد كتير قدام الشيف شربيني , و النهارده حبّت تجود عالفطار فبعتت جابت رقاق من المخبز اللي قدامنا وقال ايه هتعمل لنا ساندوتشات شاورما سوري باين , المغرب أدّن و جابت الساندوتشات , مسكت بإيدي الساندوتش و انا لا بيا ولا عليا , و بدوقه لقيت اللي جواه شاورما فعلا , بس من بره ياريس الساندوتش نصه الفوقاني عباره عن عجين و نصه التحتاني مممممممم عباره عن عجين برضه , فانا احترت أبدأ من العجين اللي فوق ولا العجين اللي تحت , المهم كلت و شبعت و بلعت و قلت لها تسلم ايديكي , ماحنا رجاله جامدين أوي و بناكل عيش زي ما سيادتك عارف , بس حبيت أقول لمعاليك ان مراتي احتمال كبير تكون بتأيد الإخوان و البرادعي و بتعمل لحساب منظمات أجنبيه و على علاقه بال CIA و الموساد , و انا من منطلق واجبي الوطني ببلغ عنها الجهات المعنيه , هي و الشيف شربيني .
.........................................................................................................
Mohamed Hussein
20 مايو 2019 ·
دور المذيعه شهيره في مسلسل كلبش 3 دور رائع , هو أشبه بدور يسري فوده وابراهيم عيسى و الإبراشي وريم ماجد و ليليان داوود, ماحنا بقى من حقنا نعرف , الشعب من حقه يعرف , ولا هي الحكومه بتداري على ايه بالظبط ؟ تكونشي بتداري على حاجه ولا تكون هي اللي عاملاها , يا ترى هيدارو على ايه بإيه وبيقتلو الناس ليه , و هينيمونا ازاي , والإرهابي اللي اتقتل وهو في ايديهم اتقتل ليه ؟ اللي هو باختصار دور ابن الوسخه الجاهل المتحمس لجهله , اللي بيقبض ملايين عشان يلعب دور ابن الوسخه الجاهل المتحمس ( و طبعا كلنا عرفنا الملايين بتاعتهم بتيجي منين ) , واللي بيحاول يقنع المشاهد دايما إن أقصى درجات جهله و خيانته هي أقصى درجات الألمعيه و الوطنيه و العبقريه والثقافه و التحرر و العمق الأقحواني و البطيخ اللي من غير بذر .
.................................................................................................................
Mohamed Hussein
22 مايو 2019 ·
و هتعمل ايه يابني لما يخلص شهر رمضان و تبدأ تشوف صفقة القرن و تكتشف انها بمفهومها المصري مفهاش تفريط لشبر واحد من أرض سينا , لا للفلسطينيين ولا للصهاينه ؟
- مممممم هقول ان الصهاينه تغاضو عن توطين الفلسطينيين في سينا إكراما للسيسي لأنه عميلهم و ابن خالتهم و واكلين عيش و ملح مع بعض ولأن أشاوس حماس رفضو الصفقه و أجبرو الصهاينه على كده .
.
و مين يابني هيصدقك في الهبده الجديده دي ؟
- نفس البهايم اللي بيصدقوني في كل هبده من 8 سنين فاتو .
...................................................................................................................
Mohamed Hussein
23 مايو 2019 ·
ماتقلقيش يا همت , دولا الدراويش ولاد عمنا ضيعو نقطتين من الأهلي عشان لما نفوز بالمؤجلات نتربع على قمة الدوري و نفوز بالدوري مع الكونفدراليه وتبقى شبكة و كتب كتاب مع بعض و نعمل حفله كبيره و ندبح وزه نفرقها عالغلابه .
...............................................................................
Mohamed Hussein
23 مايو 2019 ·
وانت يا صاحبي فطرت ايه النهارده ؟
- انا حضرتك فطرت لقمه بجبنه في المطبخ , عالواقف كده .
.
ليه ؟ هي مراتك ماطبختش النهارده ؟
- بصراحه لأ , كانت زعلانه و مقموصه .
.
مانت أكيد عملت مصيبه , قول و اعترف , هببت ايه ؟
- انا هعترف فعلا , بصراحه كده , في لحظة غضب و كنت صايم و ريقي ناشف و دماغي خرمانه عشان السجاير و النسكافيه , لقيت الأنسه بيري اللي عمرها 3 سنين بتلعب و بتشد في السلك بتاع باب البلكونه و كان ممكن تقطعه أو تعوّر نفسها فانا انفعلت و زعقت لها و قلت لها بس بقى عيب , و برّقت كداهو .
.
يا أخي حرام عليك , ده الأطفال أحباب الله , ماتسيبها تلعب , وبعدين مراتك معذوره , ماهي أم برضه و مفيش أم تستحمل تشوف جوزها بيزعق للبنات .
- لا حضرتك مراتي مابتزعلش لو زعقت للبنات ولا ضربتهم بالجزمه ولا علقتهم في النجفه حتى .
.
يعني ايه ؟ مانت بتقول زعقت لبيري , بنت سيادتك و عشان كده مراتك اتقمصت .
- لا يافندم , الأنسه بيري دي تبقى القطه بتاعة مراتي .
.
نعم ياخويا !!
- أه و عهد الله زي مابقولك كده .
...................................................................................................
Mohamed Hussein
25 مايو 2019 ·
أهمية الدراما في معركة الوعي
.
مسلسل كلبش الجزء التالت في رأيي الشخصي نجاحه الأهم هو إنه خرج من الحلقه الضيقه بتاعة مشاهد الأكشن و المطاردات و الفتونه و العضلات و دخل في دايره أوسع و أعمق , دايره بتوضح صوره أو حقيقه .
.
الحقيقه اللي بتقول التالي : الخراب اللي ضرب المنطقه أخر عشر سنين اتصرف عليه مئات المليارات من الدولارات , و رغم ضخامة المبلغ ده لكن لو حبينا نقسمه بقسمة عقل و منطق , هنلاقي إن 10 % منه بالكتير انصرف على الارهابيين و تسليحهم و مرتباتهم و حشيشهم و نسوانهم و مخيماتهم والليله دي على بعضها , الجزء الأكبر و الأهم كان بيتصرف على رجال الأعمال الفاسدين و الإعلاميين الفاسدين و القنوات الفضائيه و عالسوشيال ميديا و تكوين الصفحات و تجميع الفولورز , المافيا الأهم اللي كانت بتحرك الأحداث , رجل أعمال وإعلامي و صحفي و ناشط سياسي , و المصطلحات جاهزه , معارض سياسي , صحفي مناضل , جمعيات حقوقيه , مدونين , منابر الرأي , أعمال خير في شمال سينا , و إعلام لامؤاخذه نزيه , و حلقات في سلسله ملهاش أول من أخر , كل حلقه فيهم ماتعرفش التانيه , واللي بيعرف كتير منهم بيقوم بدوره و بعد كده يتقتل ( مرحلة التنضيف ) , ولما يتقتل نتهم الدوله اللي كان بيتأمر ضدها ( ماهو ده الشغل المظبوط ) .
.
المعركه في الأصل معركة نفوذ و هدم جيوش و تفتيت دول و سيطرة على أبار غاز و بترول و مصادر الطاقه , و خطوط إنتاج توصل من فين لفين و تمشي في أنهي اتجاه بالظبط .
.
ايه ده ؟ يعني مكانشي فيه ثورات و حريات و ربيع عربي وأنظمة فاشيه و الورد اللي فتح في جناين الشرق الأوسط ؟ طب و دموع وائل غنيم و شحتفة منى الشاذلي وتأتأة البرادعي و مقالات الأسواني و شعارات حمدين صباحي , و احنا الصوت لما يضيع منا البسكوت ؟ ممممممممم يابني احنا في رمضان و الجو حر و خنقه , بص ؟ ابقى فكرني بعد العيد ألعن جدود أبو اللي خلفوك في ساعة عصاري , اوعى تنسى و النبي .
.......................................................................................................
Mohamed Hussein
25 مايو 2019 ·
القوه المفرطه
.
1- صحيفة ايطاليه : (( مصر ستصبح محور الطاقه الكهربائيه الرئيسي ل 3 قارات , أفريقيا و أسيا و أوروبا )) , ده واحنا لسه ماعملناش مفاعل الضبعه النووي , و غير إننا هنبقى المركز الإقليمي لتصدير و إعادة تصدير الغاز , بقينا محور الطاقه الكهربائيه ل 3 قارات بعد ماكنا بنشوف الكهربا ساعتين في اليوم ونسمع عنها سمع خير , و اللي له قريب نازل من الخليج يحلّفه بالله يجيب له معاه موتور كهربا صيني و كشّافين و بعض الناس كانت رجعت تاني تستخدم اللمبه الجاز و الكلوب أبو رتينه .
.
2- (( رئيس المجلس العسكري الإنتقالي في السودان ( عبد الفتاح ) البرهان يزور القاهره في أول زياره خارجيه له !! )) , كده أنا اتطمنت عالسودان و مستقبلها و شعبها و أرضها , و كده نقدر نبصم بالعشره ان مليارات الدولارات اللي صرفها تميم ابن موزه و أردوغان خليفة الشواذ هتندرج تحت بند بضاعة أتلفها الهوى والصبيانيه و أبصم كمان إنها بداية النهايه للفار اللي كان بيحلم إنه يكبر و يكون أسد .
.
فيه جمله شهيره بتيجي في الافلام الأمريكيه لما واحد يمسك لص أو جاسوس أو شخص غريب جاي من بلد بعيدة و ناوي عالشر ( زي اردوغان و تميم مثلا ) , يمسكه من قفاه و ترجمة الجمله بتظهر عالشاشه كده ( لقد بعدتم كثيرا عن الديار ) , انما الترجمه الحقيقه المفروض تتكتب كده ( انتو ايه اللي جابكو هنا يا ولاد الوسخه ؟ ) , أو ممكن ترجمه بصوت الشاويش عطيه ( يا مرحب يا مرحب , انت وقعت ولا الهوا اللي رماك ؟! ) .
.
#اوعى_التجربه_المصريه_تعضك .
........................................................................................................................
Mohamed Hussein
26 مايو 2019 ·
من ( عبد الفتاح ) البرهان ل ( عبد الفتاح ) السيسي , تمام يافندم , بلدنا هنضفها , تركيا و قطر و البلطجيه و الخواجات مالهمش مكان في السودان , و الخرفان اللي ربّاهم عمر البشير عندنا هنبعتهم لسيادتك متعلقين من قرونهم و أهو العيد الكبير قرّب , اعتبرهم عربون محبه .
.
من ( عبد الفتاح ) السيسي ل ( عبد الفتاح ) البرهان , لو محتاجين أي حاجه قولو من غير كسوف , ده حقكو علينا , مصر بكل امكانياتها و أجهزتها تحت أمر السودان , أمن السودان و شعبها و أرضها مسئوليه في رقبتنا , احنا شعب واحد بتاريخ واحد و حاضر واحد و مستقبل واحد .
.
#حوار_افتراضي_يلامس_الواقع
.................................................................................................................
Mohamed Hussein
27 مايو 2019 ·
طارق حامد رغم عصبيته إلا انه لاعب ماينفعش يتقال عليه غير انه مقاتل , فايتر , مش لاعب لامؤاخذه علق , ولا بتشغله مثلا تسريحة شعره قبل الماتش , لما امبارح يصاب و الشورت بتاعه يغرق دم و يكمل الماتش و مايبقاش عايز يخرج يبقى اسمه لاعب مقاتل , مش ماده للسخريه و التريأه من شوية صيع و عواطليه .
.
و رأيي الشخصي إن أهم لاعب في الزمالك في اخر كام سنه هو طارق حامد , و تاني اهم لاعب في منتخب مصر بعد محمد صلاح هو طارق حامد برضه , حتى محمد النني كنت بحس ان وجوده جنب طارق حامد مجرد واجهه شكلها حلو أو ديكور جميل أيام ماكان بيلعب في أرسنال الإنجليزي .
.
مشكلة طارق حامد انه ملوش ألتراس ولا بتاع أضواء و بروباجاندا ولافيه ناس مهمتها إنها تلمّعه , هو بتاع ملعب , تنزله و ياكل النجيله و عنده استعداد يلعب ماتشين ملضومين في بعض بنفس الحماس و التركيز , مشكلة طارق حامد انه مش بتاع سهوكه ولا مُحن ولا سوشيال ميديا ولا تويتر ولا برامج توك شو ولا قلوب و دباديب , و لا في يوم من الأيام هيرفع التي شيرت بتاعه و نلاقي مكتوب تحته ( تعاطفا مع غزه ) , هو لاعب زملكاوي مصري وبس , زملكاوي جدا و مصري للنخاع .
.
الشورت الغرقان دم ده شرف ليا كزملكاوي و شرف ليا كمصري .
..........................................................................................................
Mohamed Hussein
28 مايو 2019 ·
أيام ما كانت طابونه
.
أيام ما كانت طابونه ظهرت منطقه عشوائيه اسمها نزلة السمان في حضن الأهرامات و أبو الهول , يعني تخيّل سيادتك أبو الهول يفتّح عينيه كل يوم الصبح على صورة لباس المعلم سبعاوي اللي عنده حصان بيشتغل بيه مع السياح او بيشتغل بيه السياح واللي بقى عنده قناعه ان الحته اللي مشي فيها الحصان تبقى ورثه أباً عن جد , الدوله الجديده اللي محدش بيلوي دراعها قالت لسبعاوي و تمنياوي و تسعاوي لأ , ولأ يعني no , هنعوضكو ببيوت أدميه في أماكن تانيه بعيد عن المنطقه الأثريه , مش عشان نعمل في المنطقه دي فيلا لعبد الفتاح السيسي او بيسين لعياله , لأ , عشان نطورها و ننميها و ننضفها و نخليها تليق باسم مصر و بعظمة الأهرامات .
.
أيام ما كانت طابونه , الناس و الأهالي في الأقصر بنو بيوت عشوائيه في محيط معبد الكرنك الأثري العظيم و في طريق الكباش , تخيل حضرتك تبقى قاعد في بلكونة بيت عشوائي متهالك زي ده و المدام الحاجه أم نحمده بتقطع لك شقة بطيخ وانت في البلكونه بتشرب معسل و بتبص على الأثار بتاعة حضارة 10 ألاف سنه , وهي قدام عينيك , و ممكن كمان تناولهم الليّ بتاع الشيشه و ياخدو نفسين معاك , برضه الدوله الجديده اللي مابيتلويش دراعها قالت لأ , لأ بالذوق أو لأ بالعافيه , بعصاية موسى أو بعصاية فرعون , هنعوضك بشقه في مكان بعيد و ننضف المنطقه و ننضف طريق الكباش عشان السياح و عشان احترامنا لبلدنا و لأثارنا و لحضارة أجدادنا اللي بالتأكيد مكانوش بيشربو معسل في البلكونه مع جناب اللي خلفوك .
.................................................................................................................
Mohamed Hussein
29 مايو 2019·
العيد لما بييجي قبل معاده بإسبوع
..........................
ايه اللي حصل ؟
- رئيس المخابرات المصريه راح ليبيا و رجع , قابل المشير خليفه حفتر هناك , و القنوات المصريه قطعت ارسالها لبث خبر الوصول بشكل مباشر .
.
راح ليه ؟
- رئيس المخابرات المصريه اجمالا مابيطلعش في زياره عشان يرمي السلام أو يقول للناس كل سنه وانتو طيبين رمضان كريم , ده رئيس لأكبر و أهم جهاز مخابرات في المنطقه .
.
رجع لوحده ولا إيده كانت مليانه ؟
- لا كان فيه طياره تانيه معاه مارجعتش بإيديها فاضيه .
.
الطياره فيها مين ؟
- فيها هشام عشماوي .
.
يطلع مين هشام عشماوي ؟
- ده أخطر و أهم إرهابي في المنطقه , خطورته سببها إنه كان ظابط سابق في ال 999 , ظابط شرس , متدرب على أعلى مستوى , و بالتالي فهو ماينفعش نقارنه بأي حد من الصيع التانيين , أبو مصعب و أبو جلمبو و شوية الصيع اللي ربو دقونهم و كل واحد بيسمي نفسه أمير , هشام عشماوي ليفل تاني خالص , مسئول عن التدريب والتخطيط لأغلب العمليات الإرهابيه اللي حصلت في السنين اللي فاتت , سواء على حدودنا الغربيه أو في سينا .
.
طب ليه نقطع البرامج و المسلسلات و نذيع الخبر بشكل عاجل ؟
- دي بتبقى رساله موجهه لجماعات معينه و اجهزة مخابرات معينه , موجهه للخارج قبل الداخل , رساله ممكن يكون معناها ( شكرا لحسن تعاونكم ) أو ( نتقابل في العمليه الجايه ) .
.
طب هشام عشماوي ده مقبوض عليه من شهور في ليبيا , احنا لسه هنبدأ التحقيق معاه النهارده ؟
- لا طبعا , المؤكد ان التحقيق بدأ معاه من أول ماتقبض عليه وهو هناك , جبناه بقى في توقيت معين ( ماهو كله بأوان ) عشان يتعصر عالهادي واللي زي ده بيكون محرم عليه الموت لأن الموت أحيانا كتير بيبقى رحمه .
........................................................................................................
Mohamed Hussein
29 مايو 2019 ·
رُب غلطه خيرٌ من ألف مقال
.
- ده الخبر اللي نزلته يورنيوز , قبل ماتعدله و تشيل كلمة معارض بعد ما حسو ان ريحتهم وحشه أوي .
.
- طب تعالو نشوف كده , كلمة بارز يعني شهير , و بما إنه شهير و بارز تبقى القناه دي باعتبارها شهيره وبارزه برضه عارفه شغلته و تصنيفه و الجوب ديسكربيشن بتاعه ايه بالظبط ؟ معارض و النبي ؟ ولّا يكونشي مدون و ناشط سياسي ؟ ولا احتمال يعني يكون كاتب صحفي و ناشط حقوقي ؟ لا ماهو طبعا مش ارهابي قاتل ولا خطط و دبر لعشرات من العمليات الإرهابيه .
.
- هي الحكايه ايه ؟ الحكايه قولناها و بنقولها و هنقولها لحد أخر نفس في عمرنا , مش هنبطل نكتب, امبارح ظابط شرطه صديق عزيز بيشكرني عاللي كتبناه السنين اللي فاتت و توضيح الحقايق للناس و الشرح و خلافه , والله اتكسفت من نفسي , لما الناس دي تشكرنا على كلمتين بنكتبهم واحنا قاعدين في التكييف بنشرب نسكافيه , أومال احنا نقول لهم ايه ؟ نقول ايه للي فقد حياته واللي فقد زميل عمره واللي فقد دراعه واللي بينزل من بيته كل يوم و احتمالية رجوعه لبيته هي نفس احتمالية عدم رجوعه ؟ , نقول ايه للي كل يومين تلاته ولا اسبوعين تلاته بيعزي في صاحبة الشهيد و مستنى دوره في القايمه عشان خاطرنا و عشان يحمينا ؟نقول ايه للي بيقفو خدمه في الكماين و عالحدود و يطلعو مطاردات لإرهابيين و مجرمين في درجة حراره بتوصل للصفر و بتوصل ل 50 ؟ نقول إيه للي عايشين وسط ضرب النار و منظر الدم و احنا عايشين وسط الأغاني و الجناين و منظر صواني الكنافه ؟!.
.
- الحكايه باختصار , اسمها العرايس على مسرح العرايس , المسرح ده له مخرج معاه الريموت و بيحرك عرايسه زي ماهو عايز , العرايس كتير اوي يا مولانا و يخيلو عنيك من جمالهم , حاجه كده أشبه بسحرة فرعون , قنوات و جرايد اجنبيه و شفافيه و مصداقيه و بي بي سي و سن ان ان و واشنطن بوست و خنزيره , و مراكز حقوقيه و شحتفه من اللي بتنتزع أهات الجماهير المخابيل , ولوي للحقايق و تقارير مضروبه و مصطلحات جديده لانج , حريه و ربيع عربي و ديموقراطيه و نضال و معارض و مدون و ناشط سياسي و حقوقي , و كل العرايس بيخدمو بعض و كلهم في النهايه بيخدمو و يخدّمو عالإرهابي المرتزق أبو سلاح .
.
مين اللي قال اننا في السنين اللي فاتت دي كانت كل مشكلتنا شوية إرهابيين صيع شايلين سلاح ؟ دول أقل و أتفه عروسه في مسرح العرايس , بس اللي عمله المصريين بقى كلهم , المصريين اللي بجد , ظباط جيش و شرطه و مواطنين و ناس بتكتب من غير غرض وفلاحين بيزرعو أرضهم و ناس بتشتغل في مشاريع و ناس بتطور تعليم و ناس بتطور خطاب ديني , اللي عمله المصريين كان أشبه باختصار شديد بعصاية موسى , اللي واجهنا بيها السحره و العرايس و مخرجهم , و رمينا العصاية , عصاية الجينات و الهويه و النخوه و الرجوله في وقت الشده , فإذا هي تلقفُ ما يأفكون .
................................................................................................................
Mohamed Hussein
31 مايو 2019 ·
العراق بيعترض عالبيان الختامي للقمه العربيه عشان فيه إدانه لإيران !! .
.
زمان كان فيه رئيس عراقي اسمه صدام حسين , واقف في مؤتمر صحفي و حد قال له إن البيان الفلاني ده هيزعل تركيا و يخليها تنزعج
و رد صدام حسين عالهوا مباشرة : خليها تنزعج , يلعن أبو تركيا على أبو ايران !! .
........................
و بعد مامشي صدام حسين , وبعد ما اتعدم في بلده و بعد مالديموقراطيه الأمريكاني غرقت العراق من ساسها لراسها و بعد مابقو عايشين في الرفاهيه و الفخفخينا زي ما كلنا عارفين , بقت العراق عامله بالظبط بالظبط زي خروف العيد , تلت لإيران , و تلت لأمريكا و بريطانيا و تلت لتركيا و الأكراد , والعراقيين نفسهم أصحاب البلد لهم الفروه .
.
أردوغان عمل سدود و حجب المايه عن شمال العراق و ألاف الأفدنه بارت بسببه , و طيارات تركيا و أمريكا و قوات الحرس الثوري الإيراني داخله طالعه كأنها في جُرْن الهبله , دي العراق اللي كانت أيام صدام قوه اقتصاديه و عسكريه بيتعمل لها ألف حساب , و اللي كانت تركيا و إيران يفكرو مليون مره قبل مايبعتو عصفوره تعدّي للحدود العراقيه , ده طبعا بغض النظر عن أن صدام كان طايش شويه و وقع في الفخ , لكن الأرقام و الحقايق مابتكدبش , و اللي مايشوفشي من الغربال يبقى أعمى
.
الحقيقه اللي بتقول باختصار , من عشره خمستاشر سنه كان فيه دوله تاريخيه عظيمه اسمها العراق , مابقتش موجوده بعد ما ندهتها النداهه اللي اسمها الديموقراطيه الأمريكاني .
..............................................................................................................
Mohamed Hussein
31 مايو 2019 ·
عبد الفتاح السيسي عشان أمه يهوديه و خالته هندوسيه و عمه موزمبيقي و له عمه تخينه شويه و له قريب من بعيد زملكاوي زي حالاتي و بنت خاله بتطبخ كل يوم مكرونه و فراخ بانيه زي مراتي , فقرر السيسي انه يعلن اسلامه و يعمل عمره و يطوف حوالين الكعبه و يدعي لكل قرايبه اللي فوق دول إن ربنا يهديهم , خطه في منتهى الذكاء .
.
و طبعا معروف ان بشكير الإحرام اللي لابسه السيسي سعره 175 تريليون دولار لأنه مصنوع من ألياف طائر الرخ النادر وأحشاء الديناصورات و مُطعّم بالياقوت و واللولي و المرجان أحمد مرجان , و المعلومه اللي مايعرفهاش ناس كتير إن البشكير ده مقاوم للرصاص و الزلازل و البراكين و القنابل النوويه و ايفيهات الخليل كوميدي
...........................................................................................................................
16 مايو 2019 ·
التليفزيون الصيني عامل تقرير عن مدرسة الضبعه النوويه , أول مدرسه نوويه في الشرق الأوسط في منطقة الضبعه , و احنا مانعرفش عنها حاجه , الخبر وصل الصين و الهند و السند وبلاد تركب الأفيال ولسه ماوصلش عندنا !! .
.
مصر بتكبر و بتعمر و بتتبني على نضافه و بهدوء و بخطه محكمه , بنيه تحتيه و طرق و كباري و محاور و استثمار و صناعه و صحه و تعليم و بحث علمي , وعشان تعمل مفاعل نووي لازم تأهل كوادر و تعمل تعليم نووي و تعمل كمان طرق و محاور توصل لمنطقة الضبعه و تعمل هناك مدن جديده و مستشفيات و جامعات و مصادر طاقه و تنميه شامله , الحكايه أصلها مش عاركه في خماره ولا المشاريع العملاقه بتدار بطريقة هبلولة الشغاله , دي حلقات في سلسله , حلقات واصله ببعضها و بتكمل بعضها .
.
كل ده بيحصل على أرض مصر , و احنا مشغولين بالكنافه اللي بالمانجا و بشاي البلكونه و خفة دم مي عز الدين في المسلسل الكوميدي اللي هي عاملاه , و عمّالين نفكر في الوقت الضايع اللي هيحسبه حكم النهارده في ماتش الأهلي .
...................................................................................................
Mohamed Hussein
17 مايو 2019 ·
اشتريت بطيخه كبيره المغرب من عند ولاد الحاج رجب ب 47 ج , و خدتها من غير فاتوره ولا كيس , أصلا لا بحب اخد فواتير ولا اكياس خصوصا للبطيخ , بحب اشيلها كده كأني شايل عيل صغير, ماتعرفش ده فولكلور بقى ولا مزاج ولا عقدة نقص ولا ايه بالظبط , المهم دخلت عليهم بالبطيخه في البيت كأني أبو زيد الهلالي اللي جايب الديب من ديله , بعد شوية شقوها و اتصلو بيا قالو لي البطيخه بايظه خالص و ماينفعش حتى نأكلها للقطط , فانا هروح ارجعها بعد شويه من غير فاتوره , لو ماظهرتش عالفيس بكره اعرفو انهم رفضو يرجعو البطيخه و إني اتغابيت عليهم و هما عندهم سكاكين كتير اللي بيقطعو بيها الموز دي , والقاعده العلميه بتقول , أربعه ماتتناقش معاهم ولا تجر شكلهم , الفكهاني و الجزار و الحلاق و مرتضى منصور , أشوف وشكو على خيرة الله .
...........................................................................................
Mohamed Hussein
17 مايو 2019 ·
تخيلو لو محور روض الفرج ده اتعمل من عشرين سنه بس !! .
.........................
الممشى الزجاجي بتاع كوبري تحيا مصر
- ماله يا حفيظه ؟
يتكتب بإسمي يا عتمان
- إزاي بس يا وليه ؟
من غير إزاي , و مش بس الممشى الزجاجي , ده الممشى و الكوبري و محور روض الفرج , كله يتكتب باسمي , ويبقى محور حفيظه مرات عتمان
...............................................................................................
Mohamed Hussein
18 مايو 2019 ·
زي مانتو شايفين كده , الكوبري ده بتاع تحيا مصر بعناه لمستثمر إماراتي و سجلنا العقد في الشهر العقاري فرع أبو ظبي , ليا ابن خالتي ساكن قدام الشهر العقاري بتاع أبو ظبي و كان واقف في البلكونه بيشرب سيجاره بالصدفه و شاف عملية التسجيل بعنيه , تحت الكوبري هتلاقو ماية النيل نشفت بسبب سد النهضه اللي اكتمل بناؤه و خزن المايه زي مانتو شايفين برضه , و لو ركزتو في الصوره هتلاقو إن التماسيح و الديناصورات ظهرو فوق أسطح العماير على جانبي النيل بسبب إن ماية النيل نشفت , و معلومة يمكن مايعرفهاش ناس كتير , الدوله الفاشيه اللي مفيش في قلبها شفقه ولا رحمة قررت إنها تصدر التماسيح و الديناصورات دي لأمريكا زي ماصدرت لهم القطط و كلاب الشوارع , فمحتاجين بقى لو سمحتو نفعّل الهاشتاج , #لا_لتصدير_القطط_والكلاب_والتماسيح_والديناصورات_الرضيعه .
..................................................................................
Mohamed Hussein
18 مايو 2019 ·
على سيرة وسط البلد
.
في يناير 2011 كنت بشم كوله , قاعد في قعر البرطمان و بجيب من الشمخ الجواني , يمكن كان الفرق الوحيد إني عايش بره مصر , فالكوله بتاعتي من النوع الفاخر المستورد , معلوماتي و مشاهدي و عيني اللي بشوف بيها كانو هما الجزيره و البي بي سي و ليليان داود و يسري فوده و كل الأشكال الزباله الجميله دي .
.
طولت في شم الكوله و استمريت سنه بحالها , يمكن عشان انا عايش بره ومانزلتش ميادين ولا شوفت الحقيقه بعنيا , يمكن لو كنت في مصر كنت اتعالجت و خفيت من أول يومين في ميدان التحرير
.
المهم , في الفتره دي و مع أهمية الفيس بوك وإنه وسيله للتواصل , بدأت تتسرسب شوية حاجات خلتني أفوق , يمكن مش بس كدب و تدليس الجزيره والبي بي سي , يمكن مش بس احساس جوايا بالخطر و الخوف عالبلد دي , يمكن مش بس إني حسيت إننا ماعملناش ثوره انما اتعمل بينا ثوره , زي الفرخه كده لما يتعمل عليها شوربه
.
فيه حاجه أهم خلتني أفوق , هي شباب وسط البلد , العيال الهبدجيه رفقاء الثوره , اللي كانو أصدقائي و حبايبي و أصحاب بيت , الثورجيه إجمالا من أول قمة الجبل بتاعهم لحد القاع , بدأت أركز شويه بشويه في عقولهم و تصرفاتهم و شعاراتهم و حبشتكاناتهم , ولاحظت 3 حاجات مهمين أوي
.
1- في يوم من الأيام بعتت لي صديقه رساله بتقول فيها إنها ست متجوزه و على خلاف مع جوزها و انها كانت بتنزل الميدان عشان مؤمنه بالثوره و كده , وانه فيه شاب خدعها و بدأ يلعب عليها و هي استجابت و اتطلقت من جوزها على أساس انه الشاب ده هيتجوزها بعد ماعملو علاقه مع بعض , و طبعا الشاب طار و اكتشفت انه لعب على غيرها كتير , طبعا مش هقول أسماء لأن ده مش دوري , انا بس بوضح الفكره , الست دي بعتت لي عشان أكتب بوست أوعّى اللي بينزلو الميدان انه مش كل الشباب نازل عشان الثوره و الشعارات البراقه , وقتها مكانتش صفحتي كبيره لسه , بس اهي النوايه بتسند الزير , و كتبت فعلا , و بعدها عرفت ان الموضوع ده متكرر بشكل كتير , وانا هنا مش بقصد التعميم ولا إنه كله كان بينزل للغرض ده , انما كتير كانو بينزلو يهببو مش اكتر , وبرضه أنا هنا مش ضد العلاقات الشخصيه ولا انا متدين و مقطع حصر الجامع , انا بس ضد انك تحمس شباب و تدفعهم للنار و للقتل أحيانا و للحرق و التخريب وانت نازل تشقط مزز , انا ضد إنك تتاجر بشعارات نبيله جدا لأغراض دنيئه .
.
2- لقيت إن الشباب دول غاوي جدا يهبد كلمتين مقعرين و لما فكرت في الظاهره دي بهدوء مالقيتش لها تفسير غير انها إفلاس , انت ماعندكش لا فكره ولا نظريه ولا وجهة نظر , انت مخوخ من جوه و فاضي و ضعيف و بتداري ضعفك في أي شعار و أي كلمتين مقعرين ممكن أصلا ماتكونشي فاهم معناهم , وقتها شبهتهم بتشبيه المثقف الحمار , اللي بيهبد من غير ما يفهم , كمثل الحمار يحمل أسفارا .
.
3- مشكلة تالته كان بيعاني منها النوعيه دي من الشباب و هي الإجابه عالسؤال ده , انت عارف يعني ايه تشارك في ثوره ؟ عارف ايه المؤهلات المطلوبه عشان تشارك في ثوره ؟ أسباب و أهداف و طريقه و بدايل متاحه ولا مش عارف ؟ طب عارف ان امكانياتك كبني أدم بيشارك في ثوره لا تعني بالضروره إنك تكون بني أدم قادر على الحكم و إدارة الاوطان ؟ عارف ان الحكايه التانيه لها مواصفات تانيه خالص ؟ عارف إنه انت لما تكون بتعرف شوية عن دورة كربس و بتعرف رمز الصوديوم و بتعرف تقول انفراستراكشر ف ده مش معناه إنك قادر على حكم الاوطان , للأسف أغلبهم كان كده , مجرد مايهبد بوستين و يجمع 17 لايك و ينام في الميدان ساعتين تلاته يتخيل إنه لازم يتعين فورا في منصب رئيس وزراء ماليزيا .
............................................................................................................
Mohamed Hussein
19 مايو 2019 ·
ياريس مراتي بتقعد كتير قدام الشيف شربيني , و النهارده حبّت تجود عالفطار فبعتت جابت رقاق من المخبز اللي قدامنا وقال ايه هتعمل لنا ساندوتشات شاورما سوري باين , المغرب أدّن و جابت الساندوتشات , مسكت بإيدي الساندوتش و انا لا بيا ولا عليا , و بدوقه لقيت اللي جواه شاورما فعلا , بس من بره ياريس الساندوتش نصه الفوقاني عباره عن عجين و نصه التحتاني مممممممم عباره عن عجين برضه , فانا احترت أبدأ من العجين اللي فوق ولا العجين اللي تحت , المهم كلت و شبعت و بلعت و قلت لها تسلم ايديكي , ماحنا رجاله جامدين أوي و بناكل عيش زي ما سيادتك عارف , بس حبيت أقول لمعاليك ان مراتي احتمال كبير تكون بتأيد الإخوان و البرادعي و بتعمل لحساب منظمات أجنبيه و على علاقه بال CIA و الموساد , و انا من منطلق واجبي الوطني ببلغ عنها الجهات المعنيه , هي و الشيف شربيني .
.........................................................................................................
Mohamed Hussein
20 مايو 2019 ·
دور المذيعه شهيره في مسلسل كلبش 3 دور رائع , هو أشبه بدور يسري فوده وابراهيم عيسى و الإبراشي وريم ماجد و ليليان داوود, ماحنا بقى من حقنا نعرف , الشعب من حقه يعرف , ولا هي الحكومه بتداري على ايه بالظبط ؟ تكونشي بتداري على حاجه ولا تكون هي اللي عاملاها , يا ترى هيدارو على ايه بإيه وبيقتلو الناس ليه , و هينيمونا ازاي , والإرهابي اللي اتقتل وهو في ايديهم اتقتل ليه ؟ اللي هو باختصار دور ابن الوسخه الجاهل المتحمس لجهله , اللي بيقبض ملايين عشان يلعب دور ابن الوسخه الجاهل المتحمس ( و طبعا كلنا عرفنا الملايين بتاعتهم بتيجي منين ) , واللي بيحاول يقنع المشاهد دايما إن أقصى درجات جهله و خيانته هي أقصى درجات الألمعيه و الوطنيه و العبقريه والثقافه و التحرر و العمق الأقحواني و البطيخ اللي من غير بذر .
.................................................................................................................
Mohamed Hussein
22 مايو 2019 ·
و هتعمل ايه يابني لما يخلص شهر رمضان و تبدأ تشوف صفقة القرن و تكتشف انها بمفهومها المصري مفهاش تفريط لشبر واحد من أرض سينا , لا للفلسطينيين ولا للصهاينه ؟
- مممممم هقول ان الصهاينه تغاضو عن توطين الفلسطينيين في سينا إكراما للسيسي لأنه عميلهم و ابن خالتهم و واكلين عيش و ملح مع بعض ولأن أشاوس حماس رفضو الصفقه و أجبرو الصهاينه على كده .
.
و مين يابني هيصدقك في الهبده الجديده دي ؟
- نفس البهايم اللي بيصدقوني في كل هبده من 8 سنين فاتو .
...................................................................................................................
Mohamed Hussein
23 مايو 2019 ·
ماتقلقيش يا همت , دولا الدراويش ولاد عمنا ضيعو نقطتين من الأهلي عشان لما نفوز بالمؤجلات نتربع على قمة الدوري و نفوز بالدوري مع الكونفدراليه وتبقى شبكة و كتب كتاب مع بعض و نعمل حفله كبيره و ندبح وزه نفرقها عالغلابه .
Mohamed Hussein
23 مايو 2019 ·
وانت يا صاحبي فطرت ايه النهارده ؟
- انا حضرتك فطرت لقمه بجبنه في المطبخ , عالواقف كده .
.
ليه ؟ هي مراتك ماطبختش النهارده ؟
- بصراحه لأ , كانت زعلانه و مقموصه .
.
مانت أكيد عملت مصيبه , قول و اعترف , هببت ايه ؟
- انا هعترف فعلا , بصراحه كده , في لحظة غضب و كنت صايم و ريقي ناشف و دماغي خرمانه عشان السجاير و النسكافيه , لقيت الأنسه بيري اللي عمرها 3 سنين بتلعب و بتشد في السلك بتاع باب البلكونه و كان ممكن تقطعه أو تعوّر نفسها فانا انفعلت و زعقت لها و قلت لها بس بقى عيب , و برّقت كداهو .
.
يا أخي حرام عليك , ده الأطفال أحباب الله , ماتسيبها تلعب , وبعدين مراتك معذوره , ماهي أم برضه و مفيش أم تستحمل تشوف جوزها بيزعق للبنات .
- لا حضرتك مراتي مابتزعلش لو زعقت للبنات ولا ضربتهم بالجزمه ولا علقتهم في النجفه حتى .
.
يعني ايه ؟ مانت بتقول زعقت لبيري , بنت سيادتك و عشان كده مراتك اتقمصت .
- لا يافندم , الأنسه بيري دي تبقى القطه بتاعة مراتي .
.
نعم ياخويا !!
- أه و عهد الله زي مابقولك كده .
...................................................................................................
Mohamed Hussein
25 مايو 2019 ·
أهمية الدراما في معركة الوعي
.
مسلسل كلبش الجزء التالت في رأيي الشخصي نجاحه الأهم هو إنه خرج من الحلقه الضيقه بتاعة مشاهد الأكشن و المطاردات و الفتونه و العضلات و دخل في دايره أوسع و أعمق , دايره بتوضح صوره أو حقيقه .
.
الحقيقه اللي بتقول التالي : الخراب اللي ضرب المنطقه أخر عشر سنين اتصرف عليه مئات المليارات من الدولارات , و رغم ضخامة المبلغ ده لكن لو حبينا نقسمه بقسمة عقل و منطق , هنلاقي إن 10 % منه بالكتير انصرف على الارهابيين و تسليحهم و مرتباتهم و حشيشهم و نسوانهم و مخيماتهم والليله دي على بعضها , الجزء الأكبر و الأهم كان بيتصرف على رجال الأعمال الفاسدين و الإعلاميين الفاسدين و القنوات الفضائيه و عالسوشيال ميديا و تكوين الصفحات و تجميع الفولورز , المافيا الأهم اللي كانت بتحرك الأحداث , رجل أعمال وإعلامي و صحفي و ناشط سياسي , و المصطلحات جاهزه , معارض سياسي , صحفي مناضل , جمعيات حقوقيه , مدونين , منابر الرأي , أعمال خير في شمال سينا , و إعلام لامؤاخذه نزيه , و حلقات في سلسله ملهاش أول من أخر , كل حلقه فيهم ماتعرفش التانيه , واللي بيعرف كتير منهم بيقوم بدوره و بعد كده يتقتل ( مرحلة التنضيف ) , ولما يتقتل نتهم الدوله اللي كان بيتأمر ضدها ( ماهو ده الشغل المظبوط ) .
.
المعركه في الأصل معركة نفوذ و هدم جيوش و تفتيت دول و سيطرة على أبار غاز و بترول و مصادر الطاقه , و خطوط إنتاج توصل من فين لفين و تمشي في أنهي اتجاه بالظبط .
.
ايه ده ؟ يعني مكانشي فيه ثورات و حريات و ربيع عربي وأنظمة فاشيه و الورد اللي فتح في جناين الشرق الأوسط ؟ طب و دموع وائل غنيم و شحتفة منى الشاذلي وتأتأة البرادعي و مقالات الأسواني و شعارات حمدين صباحي , و احنا الصوت لما يضيع منا البسكوت ؟ ممممممممم يابني احنا في رمضان و الجو حر و خنقه , بص ؟ ابقى فكرني بعد العيد ألعن جدود أبو اللي خلفوك في ساعة عصاري , اوعى تنسى و النبي .
.......................................................................................................
Mohamed Hussein
25 مايو 2019 ·
القوه المفرطه
.
1- صحيفة ايطاليه : (( مصر ستصبح محور الطاقه الكهربائيه الرئيسي ل 3 قارات , أفريقيا و أسيا و أوروبا )) , ده واحنا لسه ماعملناش مفاعل الضبعه النووي , و غير إننا هنبقى المركز الإقليمي لتصدير و إعادة تصدير الغاز , بقينا محور الطاقه الكهربائيه ل 3 قارات بعد ماكنا بنشوف الكهربا ساعتين في اليوم ونسمع عنها سمع خير , و اللي له قريب نازل من الخليج يحلّفه بالله يجيب له معاه موتور كهربا صيني و كشّافين و بعض الناس كانت رجعت تاني تستخدم اللمبه الجاز و الكلوب أبو رتينه .
.
2- (( رئيس المجلس العسكري الإنتقالي في السودان ( عبد الفتاح ) البرهان يزور القاهره في أول زياره خارجيه له !! )) , كده أنا اتطمنت عالسودان و مستقبلها و شعبها و أرضها , و كده نقدر نبصم بالعشره ان مليارات الدولارات اللي صرفها تميم ابن موزه و أردوغان خليفة الشواذ هتندرج تحت بند بضاعة أتلفها الهوى والصبيانيه و أبصم كمان إنها بداية النهايه للفار اللي كان بيحلم إنه يكبر و يكون أسد .
.
فيه جمله شهيره بتيجي في الافلام الأمريكيه لما واحد يمسك لص أو جاسوس أو شخص غريب جاي من بلد بعيدة و ناوي عالشر ( زي اردوغان و تميم مثلا ) , يمسكه من قفاه و ترجمة الجمله بتظهر عالشاشه كده ( لقد بعدتم كثيرا عن الديار ) , انما الترجمه الحقيقه المفروض تتكتب كده ( انتو ايه اللي جابكو هنا يا ولاد الوسخه ؟ ) , أو ممكن ترجمه بصوت الشاويش عطيه ( يا مرحب يا مرحب , انت وقعت ولا الهوا اللي رماك ؟! ) .
.
#اوعى_التجربه_المصريه_تعضك .
........................................................................................................................
Mohamed Hussein
26 مايو 2019 ·
من ( عبد الفتاح ) البرهان ل ( عبد الفتاح ) السيسي , تمام يافندم , بلدنا هنضفها , تركيا و قطر و البلطجيه و الخواجات مالهمش مكان في السودان , و الخرفان اللي ربّاهم عمر البشير عندنا هنبعتهم لسيادتك متعلقين من قرونهم و أهو العيد الكبير قرّب , اعتبرهم عربون محبه .
.
من ( عبد الفتاح ) السيسي ل ( عبد الفتاح ) البرهان , لو محتاجين أي حاجه قولو من غير كسوف , ده حقكو علينا , مصر بكل امكانياتها و أجهزتها تحت أمر السودان , أمن السودان و شعبها و أرضها مسئوليه في رقبتنا , احنا شعب واحد بتاريخ واحد و حاضر واحد و مستقبل واحد .
.
#حوار_افتراضي_يلامس_الواقع
.................................................................................................................
Mohamed Hussein
27 مايو 2019 ·
طارق حامد رغم عصبيته إلا انه لاعب ماينفعش يتقال عليه غير انه مقاتل , فايتر , مش لاعب لامؤاخذه علق , ولا بتشغله مثلا تسريحة شعره قبل الماتش , لما امبارح يصاب و الشورت بتاعه يغرق دم و يكمل الماتش و مايبقاش عايز يخرج يبقى اسمه لاعب مقاتل , مش ماده للسخريه و التريأه من شوية صيع و عواطليه .
.
و رأيي الشخصي إن أهم لاعب في الزمالك في اخر كام سنه هو طارق حامد , و تاني اهم لاعب في منتخب مصر بعد محمد صلاح هو طارق حامد برضه , حتى محمد النني كنت بحس ان وجوده جنب طارق حامد مجرد واجهه شكلها حلو أو ديكور جميل أيام ماكان بيلعب في أرسنال الإنجليزي .
.
مشكلة طارق حامد انه ملوش ألتراس ولا بتاع أضواء و بروباجاندا ولافيه ناس مهمتها إنها تلمّعه , هو بتاع ملعب , تنزله و ياكل النجيله و عنده استعداد يلعب ماتشين ملضومين في بعض بنفس الحماس و التركيز , مشكلة طارق حامد انه مش بتاع سهوكه ولا مُحن ولا سوشيال ميديا ولا تويتر ولا برامج توك شو ولا قلوب و دباديب , و لا في يوم من الأيام هيرفع التي شيرت بتاعه و نلاقي مكتوب تحته ( تعاطفا مع غزه ) , هو لاعب زملكاوي مصري وبس , زملكاوي جدا و مصري للنخاع .
.
الشورت الغرقان دم ده شرف ليا كزملكاوي و شرف ليا كمصري .
..........................................................................................................
Mohamed Hussein
28 مايو 2019 ·
أيام ما كانت طابونه
.
أيام ما كانت طابونه ظهرت منطقه عشوائيه اسمها نزلة السمان في حضن الأهرامات و أبو الهول , يعني تخيّل سيادتك أبو الهول يفتّح عينيه كل يوم الصبح على صورة لباس المعلم سبعاوي اللي عنده حصان بيشتغل بيه مع السياح او بيشتغل بيه السياح واللي بقى عنده قناعه ان الحته اللي مشي فيها الحصان تبقى ورثه أباً عن جد , الدوله الجديده اللي محدش بيلوي دراعها قالت لسبعاوي و تمنياوي و تسعاوي لأ , ولأ يعني no , هنعوضكو ببيوت أدميه في أماكن تانيه بعيد عن المنطقه الأثريه , مش عشان نعمل في المنطقه دي فيلا لعبد الفتاح السيسي او بيسين لعياله , لأ , عشان نطورها و ننميها و ننضفها و نخليها تليق باسم مصر و بعظمة الأهرامات .
.
أيام ما كانت طابونه , الناس و الأهالي في الأقصر بنو بيوت عشوائيه في محيط معبد الكرنك الأثري العظيم و في طريق الكباش , تخيل حضرتك تبقى قاعد في بلكونة بيت عشوائي متهالك زي ده و المدام الحاجه أم نحمده بتقطع لك شقة بطيخ وانت في البلكونه بتشرب معسل و بتبص على الأثار بتاعة حضارة 10 ألاف سنه , وهي قدام عينيك , و ممكن كمان تناولهم الليّ بتاع الشيشه و ياخدو نفسين معاك , برضه الدوله الجديده اللي مابيتلويش دراعها قالت لأ , لأ بالذوق أو لأ بالعافيه , بعصاية موسى أو بعصاية فرعون , هنعوضك بشقه في مكان بعيد و ننضف المنطقه و ننضف طريق الكباش عشان السياح و عشان احترامنا لبلدنا و لأثارنا و لحضارة أجدادنا اللي بالتأكيد مكانوش بيشربو معسل في البلكونه مع جناب اللي خلفوك .
Mohamed Hussein
29 مايو 2019·
العيد لما بييجي قبل معاده بإسبوع
..........................
ايه اللي حصل ؟
- رئيس المخابرات المصريه راح ليبيا و رجع , قابل المشير خليفه حفتر هناك , و القنوات المصريه قطعت ارسالها لبث خبر الوصول بشكل مباشر .
.
راح ليه ؟
- رئيس المخابرات المصريه اجمالا مابيطلعش في زياره عشان يرمي السلام أو يقول للناس كل سنه وانتو طيبين رمضان كريم , ده رئيس لأكبر و أهم جهاز مخابرات في المنطقه .
.
رجع لوحده ولا إيده كانت مليانه ؟
- لا كان فيه طياره تانيه معاه مارجعتش بإيديها فاضيه .
.
الطياره فيها مين ؟
- فيها هشام عشماوي .
.
يطلع مين هشام عشماوي ؟
- ده أخطر و أهم إرهابي في المنطقه , خطورته سببها إنه كان ظابط سابق في ال 999 , ظابط شرس , متدرب على أعلى مستوى , و بالتالي فهو ماينفعش نقارنه بأي حد من الصيع التانيين , أبو مصعب و أبو جلمبو و شوية الصيع اللي ربو دقونهم و كل واحد بيسمي نفسه أمير , هشام عشماوي ليفل تاني خالص , مسئول عن التدريب والتخطيط لأغلب العمليات الإرهابيه اللي حصلت في السنين اللي فاتت , سواء على حدودنا الغربيه أو في سينا .
.
طب ليه نقطع البرامج و المسلسلات و نذيع الخبر بشكل عاجل ؟
- دي بتبقى رساله موجهه لجماعات معينه و اجهزة مخابرات معينه , موجهه للخارج قبل الداخل , رساله ممكن يكون معناها ( شكرا لحسن تعاونكم ) أو ( نتقابل في العمليه الجايه ) .
.
طب هشام عشماوي ده مقبوض عليه من شهور في ليبيا , احنا لسه هنبدأ التحقيق معاه النهارده ؟
- لا طبعا , المؤكد ان التحقيق بدأ معاه من أول ماتقبض عليه وهو هناك , جبناه بقى في توقيت معين ( ماهو كله بأوان ) عشان يتعصر عالهادي واللي زي ده بيكون محرم عليه الموت لأن الموت أحيانا كتير بيبقى رحمه .
........................................................................................................
Mohamed Hussein
29 مايو 2019 ·
رُب غلطه خيرٌ من ألف مقال
.
- ده الخبر اللي نزلته يورنيوز , قبل ماتعدله و تشيل كلمة معارض بعد ما حسو ان ريحتهم وحشه أوي .
.
- طب تعالو نشوف كده , كلمة بارز يعني شهير , و بما إنه شهير و بارز تبقى القناه دي باعتبارها شهيره وبارزه برضه عارفه شغلته و تصنيفه و الجوب ديسكربيشن بتاعه ايه بالظبط ؟ معارض و النبي ؟ ولّا يكونشي مدون و ناشط سياسي ؟ ولا احتمال يعني يكون كاتب صحفي و ناشط حقوقي ؟ لا ماهو طبعا مش ارهابي قاتل ولا خطط و دبر لعشرات من العمليات الإرهابيه .
.
- هي الحكايه ايه ؟ الحكايه قولناها و بنقولها و هنقولها لحد أخر نفس في عمرنا , مش هنبطل نكتب, امبارح ظابط شرطه صديق عزيز بيشكرني عاللي كتبناه السنين اللي فاتت و توضيح الحقايق للناس و الشرح و خلافه , والله اتكسفت من نفسي , لما الناس دي تشكرنا على كلمتين بنكتبهم واحنا قاعدين في التكييف بنشرب نسكافيه , أومال احنا نقول لهم ايه ؟ نقول ايه للي فقد حياته واللي فقد زميل عمره واللي فقد دراعه واللي بينزل من بيته كل يوم و احتمالية رجوعه لبيته هي نفس احتمالية عدم رجوعه ؟ , نقول ايه للي كل يومين تلاته ولا اسبوعين تلاته بيعزي في صاحبة الشهيد و مستنى دوره في القايمه عشان خاطرنا و عشان يحمينا ؟نقول ايه للي بيقفو خدمه في الكماين و عالحدود و يطلعو مطاردات لإرهابيين و مجرمين في درجة حراره بتوصل للصفر و بتوصل ل 50 ؟ نقول إيه للي عايشين وسط ضرب النار و منظر الدم و احنا عايشين وسط الأغاني و الجناين و منظر صواني الكنافه ؟!.
.
- الحكايه باختصار , اسمها العرايس على مسرح العرايس , المسرح ده له مخرج معاه الريموت و بيحرك عرايسه زي ماهو عايز , العرايس كتير اوي يا مولانا و يخيلو عنيك من جمالهم , حاجه كده أشبه بسحرة فرعون , قنوات و جرايد اجنبيه و شفافيه و مصداقيه و بي بي سي و سن ان ان و واشنطن بوست و خنزيره , و مراكز حقوقيه و شحتفه من اللي بتنتزع أهات الجماهير المخابيل , ولوي للحقايق و تقارير مضروبه و مصطلحات جديده لانج , حريه و ربيع عربي و ديموقراطيه و نضال و معارض و مدون و ناشط سياسي و حقوقي , و كل العرايس بيخدمو بعض و كلهم في النهايه بيخدمو و يخدّمو عالإرهابي المرتزق أبو سلاح .
.
مين اللي قال اننا في السنين اللي فاتت دي كانت كل مشكلتنا شوية إرهابيين صيع شايلين سلاح ؟ دول أقل و أتفه عروسه في مسرح العرايس , بس اللي عمله المصريين بقى كلهم , المصريين اللي بجد , ظباط جيش و شرطه و مواطنين و ناس بتكتب من غير غرض وفلاحين بيزرعو أرضهم و ناس بتشتغل في مشاريع و ناس بتطور تعليم و ناس بتطور خطاب ديني , اللي عمله المصريين كان أشبه باختصار شديد بعصاية موسى , اللي واجهنا بيها السحره و العرايس و مخرجهم , و رمينا العصاية , عصاية الجينات و الهويه و النخوه و الرجوله في وقت الشده , فإذا هي تلقفُ ما يأفكون .
................................................................................................................
Mohamed Hussein
31 مايو 2019 ·
العراق بيعترض عالبيان الختامي للقمه العربيه عشان فيه إدانه لإيران !! .
.
زمان كان فيه رئيس عراقي اسمه صدام حسين , واقف في مؤتمر صحفي و حد قال له إن البيان الفلاني ده هيزعل تركيا و يخليها تنزعج
و رد صدام حسين عالهوا مباشرة : خليها تنزعج , يلعن أبو تركيا على أبو ايران !! .
........................
و بعد مامشي صدام حسين , وبعد ما اتعدم في بلده و بعد مالديموقراطيه الأمريكاني غرقت العراق من ساسها لراسها و بعد مابقو عايشين في الرفاهيه و الفخفخينا زي ما كلنا عارفين , بقت العراق عامله بالظبط بالظبط زي خروف العيد , تلت لإيران , و تلت لأمريكا و بريطانيا و تلت لتركيا و الأكراد , والعراقيين نفسهم أصحاب البلد لهم الفروه .
.
أردوغان عمل سدود و حجب المايه عن شمال العراق و ألاف الأفدنه بارت بسببه , و طيارات تركيا و أمريكا و قوات الحرس الثوري الإيراني داخله طالعه كأنها في جُرْن الهبله , دي العراق اللي كانت أيام صدام قوه اقتصاديه و عسكريه بيتعمل لها ألف حساب , و اللي كانت تركيا و إيران يفكرو مليون مره قبل مايبعتو عصفوره تعدّي للحدود العراقيه , ده طبعا بغض النظر عن أن صدام كان طايش شويه و وقع في الفخ , لكن الأرقام و الحقايق مابتكدبش , و اللي مايشوفشي من الغربال يبقى أعمى
.
الحقيقه اللي بتقول باختصار , من عشره خمستاشر سنه كان فيه دوله تاريخيه عظيمه اسمها العراق , مابقتش موجوده بعد ما ندهتها النداهه اللي اسمها الديموقراطيه الأمريكاني .
..............................................................................................................
Mohamed Hussein
31 مايو 2019 ·
عبد الفتاح السيسي عشان أمه يهوديه و خالته هندوسيه و عمه موزمبيقي و له عمه تخينه شويه و له قريب من بعيد زملكاوي زي حالاتي و بنت خاله بتطبخ كل يوم مكرونه و فراخ بانيه زي مراتي , فقرر السيسي انه يعلن اسلامه و يعمل عمره و يطوف حوالين الكعبه و يدعي لكل قرايبه اللي فوق دول إن ربنا يهديهم , خطه في منتهى الذكاء .
.
و طبعا معروف ان بشكير الإحرام اللي لابسه السيسي سعره 175 تريليون دولار لأنه مصنوع من ألياف طائر الرخ النادر وأحشاء الديناصورات و مُطعّم بالياقوت و واللولي و المرجان أحمد مرجان , و المعلومه اللي مايعرفهاش ناس كتير إن البشكير ده مقاوم للرصاص و الزلازل و البراكين و القنابل النوويه و ايفيهات الخليل كوميدي
...........................................................................................................................
ليست هناك تعليقات:
إرسال تعليق