Mohamed Hussein
16 ابريل 2019
شوف يابني , كلمتين أبرك من عشره , عبد الفتاح السيسي مسك حكم مصر في 2014 , لو اتمررت التعديلات الدستوريه هيكمل بصفه استثنائيه ل 2030 , الفتره التالته هتكون له هو بس عشان ظروف المرحله و الشألباظات اللي بتحصل في كوكب الأرض , و اجمالا يعني لحد أخر يوم في حكمه ( ربنا يطول في عمره ) هيكون حكم مصر أول عن أخر 16 سنه !! .
.
و عشان انت حد مثقف و سابقنا بمليون فدان و ماتعرفش الألف من كوز الدره فعايز أقولك , الفتره دي ( 16 سنه بحد أقصى ) هتكون أقل بكتير من فترة حكم أردوغان لتركيا , و أقل من فترة حكم نتنياهو لاسرائيل و أقل من فترة حكم بوتين لروسيا و أقل من فترة حكم ميركل لألمانيا , الدول اللي فاتت نماذج بتتغنى معاليك بديموقراطيتها و انت نايم على بطنك عالسرير .
.
طب بعد سنة 2030 هنعمل ايه ؟ لو كان ليا عمر و للسيسي عمر هقوله كفايه , ليه كفايه ؟ هو مش زعيم مصري وطني مخلص لبلده ؟ أه طبعا , طب ليه كفايه ؟ عشان ستاشر سنه حكم و في أصعب مرحله في تاريخ مصر الحديث هي فتره كفيله بإنها تهد أي بني أدم صحيا و جسديا و نفسيا , وقدرته على ممارسة مهامة الوظيفيه هتقل و تنزل لأدنى مستوياتها , و بالتالي لو كمل هيبقى مجرد منظر و هتظهر جنبه حاشيه تدير البلاد و تخربها زي ماحصل مع مبارك في أخر سنينه .
.
و ليه كفايه برضه ؟ عشان الفتره الجايه كافيه إن الدوله المصريه تكون أكملت بناء و تجهيز مؤسساتها السياديه بشكل نموذجي يخلينا مانقلقش على مصر من إسم أي رئيس و فتره كافيه إنه يكون اتجهز بديلين و تلاته للسيسي بمواصفات مصريه خالصه , و طبعا الشعب هو اللي بيختار و جايز ربنا يكرمنا و يظهر جيل من المعارضه المصريه الوطنيه تشكّل أحزاب حقيقيه و تفهم كويس إن السياسه بتتلعب في الشارع و في صناديق الإنتخابات , مش بالهبد على تويتر ولا ترديد إشاعات ولا تشويه لدوله و جيش ولا لقاءات على البي بي سي ( اللي بتملكها المخابرات البريطانيه )
.
لا لا احنا مش عايزين فكرة تجهيز و إعداد بدائل و كوادر حتى لو ماظهرتش أحزاب سياسيه حقيقيه , احنا عايزين نجيب رئيس من قارعة الطريق و يبقى زي البطيخه كده تطلع حمره أو قارعه أو مليانه بذر , يطلع خروف أو شمام كوله قد الدنيا مش مهم , لا يا ضنايا الكلام ده ينفع تعمله عالقهوه و تهبده على تويتر و تدندن بيه وانت بتستحمى و تقوله في خطبه عصماء في حضور لفيف من أصحابك الصيع , لكن مابينفعش في حكم الأوطان اللي عايزه تبقى كبيره و مستقره , مستقبل الأوطان مش بطيخه بتشتريها يا صابت يا خابت , لو مش فاهم كده لازم تروح تتعلم من أول ألف باء و تمحو أميتك السياسيه عشان أعتبرك بني ادم عاقل بدرجة مواطن .
........................................................................................................
Mohamed Hussein
16 ابريل 2019·
شكراً , روح لأمك
...........................
...........................
وانت يا حبيبي بتحب السيسي و تثق فيه ؟
- أيوه طبعا
.
أومال رافض التعديلات الدستوريه ليه ؟
- أصل دي توريطه من البرلمان للسيسي , البرلمان عايز يورطه , و السيسي مايعرفش حاجه عن الموضوع ده
.
ممممممممم شكرا يا ضنايا , روح لأمك
....................................
وانتي يا أبله بتحبي السيسي و تثقي فيه ؟
- أيوه أكيد
.
أومال رافضه التعديلات الدستوريه ليه ؟
- أصل التعديلات دي هتشجع على الفساد
.
تشجع عالفساد ؟ المواد اللي هتتعدل بتقول هنشجع عالفساد ؟
- بصراحة لا , مش عارفه , بس البؤ ده قريته و عجبني
.
طب شكرا يا كتكوته , روحي لأمك
.......................................
و الأستاذ اللي ورا انت بتحب الريس و بتثق فيه ؟
- أيوه أومال ايه
.
طب رافض التعديلات الدستوريه ليه ؟
- أصل انا حاسس اااا
.
بسسسسسس , والله مانت مكمل , طالما قلت حاسس يبقى انا عرفتك , انت حساس الجيل , ألف شكر , روح لأمك .
.........................................
وانتي يا خالتي ياللي هناك بتحبي السيسي و تثقي فيه ؟
- أيوه أكيد طبعا
.
أومال رافضه التعديلات الدستوريه ليه ؟
- اصل فيه واحد شرح المواد اللي هتتعدل و اقتنعت بشرحه و عشان كده رفضت
.
مممممممم ده أكيد بيشتغل فقيه دستوري وبيشرح بضمير و علم و كده ؟
- لا حضرتك بيشتغل محاسب في التوحيد والنور .
.
طب متشكرين خالص , روحي لأمك .
..............................................................................................................
Mohamed Hussein
16 ابريل 2019 ·
لو سمحت لو سمحت , أيوه حضرتك , ممكن يعني فضلا وليس أمراً , ممكن لو فيها رزاله مني .
.
ممكن سيادتك تعرف ان التعديلات الدستوريه دي بتتعرض في النهايه عالشعب يقبلها أو يرفضها , يعني الكوره في ملعبنا و في حجرنا ؟ و ممكن تعرف ان التعديلات مش بتجبر السيسي عالترشح لفتره تالته و ممكن مايترشحش عادي , و انه حتى لما يترشح فنجاحه من عدمه برضه في إيد الشعب ؟
.
ممكن معاليك تقتنع بفكرة نعم أو فكرة لا , بس من غير هبد و أفوره ؟
.
يعني ممكن جنابك مثلا مثلا يعني , تروج على صفحتك لرفض التعديلات بس على أسس اسمها العقل و المنطق ؟ يعني معاليك تنشر المواد المطلوب تعديلها مع شرح مبسط لها من ناس مختصين ( مش عربجيه ) و تقول أنا هرفض الماده الفلانيه و الفلانيه عشان كذا ؟ مش عشان اللي كتبهم شكله مش عاجبني ولا عشان سواق التاكسي اللي بيوصله مش بيغسل سنانه بسيجنال 2 ؟
.
لو سمحت , ممكن معاليك ترفض التعديلات الدستوريه على قاعدة و مبدأ انها دستوريه فعلا ؟ يعني مش متعارضه مع مفاهيم الديمقراطيه ولا فيها خروج عن الدستور لأن الدستور بيسمح بتعديل نفسه ؟ يعني ممكن ترفض من غير ما تهبد ؟
.
لو سمحت , ممكن تعرف ان التعديلات دي اتعمل زيها في دول تانيه ( ديموقراطيه عريقه ) و في أوقات مختلفه و إننا مش بنخترع الذره ولا حاجه , و ممكن تقر بكده حتى لو هترفض التعديلات ؟ .
.
لو سمحت , ممكن سيادتك تعرف و تعترف إن اللي هيقولو نعم لا بيصنعو ديكتاتور ولا بيصنعو فرعون ولا بيصنعو بيتزا , كل الحكايه انهم حاسين بس بخطورة المرحله دي و مش عايزين بلدهم تبقى على المحك أو على شفا حفره ؟.
.
لو سمحت , ممكن تقرا الكلمتين اللي فوق زي ماهما و لو شايف فيهم غلط تشاور لي عليه , غلط في الكلمتين مش في صاحبهم , يعني ماتقولش أصل محمد ده بيأيد السيسي يبقى بيكتب غلط , اصله زملكاوي فانا مش هسمع كلامه , أصله كان بيسرح بالغنم وهو صغير و بيمشي حافي , اصله بيحب الجوافه و محدش بيحبها غيره ؟.
.
لو سمحتو يا بني أدمين , ممكن باختصار تبقو بني أدمين ؟! .
........................................................................................................
Mohamed Hussein
17 ابريل 2019 ·
الجزيره ( القطريه ) و طارق سويدان ( الكويتي ) و البي بي سي ( البريطانيه ) و ال سي ان ان ( الأمريكيه ) , و مكملين ( التركيه ) و الكيزان ( السودانيه ) و الحاجه أم نتاشا ( البرازيليه ) و الحطابون في الجبال و البردانون في كازاخستان , كل هؤلاء يقولون لا لتعديل الدستور ( المصري ) !!.
.
طب نستأذن الساده الأفاضل ولاد الوسخه اللي فوق إننا كمصريين يعني ننزل نقول نعم لتعديل الدستور المصري اللي هو بتاعنا ؟! وشنا منكو في الأرض والله , و مش عارفين بأي حق هننزل كمصريين نصوت على تعديل دستور مصري !!, يالله احنا هنروح من ربنا فين , ده طبعا بعد إذن جناب معالي قدس أمكو جميعا .
.................................................................................................
Mohamed Hussein
17 ابريل 2019 ·
للهبدجيه و الصيع و تجار الشعارات و الروبابيكيا
.
في 2017 كان أردوغان بيحكم تركيا من 14 سنه و نظام الحكم برلماني , اتعمل تعديل للدستور التركي و اتغير نظام الحكم لرئاسي عشان يرضي غرور أردوغان و بموجب التعديل هيكمل في حكم تركيا لحد 2029 , يعني هيبقى حكم فعليا 26 سنه !! , طبعا وقتها الميديا العالميه و الرأي العام الدولي ماتقلبوش على تركيا و لو سألتهم هيقولو ( شئون داخليه ) ,على اعتبار ان اللي عندنا ( شئون طلبه ) !!.
.
بنيامين نتنياهو بيحكم اسرائيل من يوم ماوعينا عالدنيا , و زيه ميركل في ألمانيا و بوتين في روسيا , وفي الصين تعديل دستوري يسمح للرئيس بالحكم مدى الحياه طالما الشعب بينتخبه .
.
الدول السابق ذكرها بيعتبرها الهبدجيه عندنا نموذج يحتذى بيه في الديموقراطيه العريقه الطويله العريضه اللي بتمشي عالحيط , و لما احنا ناخد اجراء مماثل في ظروف منطقه مايعلم بيها إلا ربنا نبقى فاشيه و ديكتاتوريه و صناعة فرعون و صناعة بيتزا , و تسمع جمل بنت كلب حمضانه من نوعية , هما ال 100 مليون مافهمش واحد تاني ينفع ؟ ( ده على اساس اننا حقل تجارب ؟) , طب هما مئات الملايين في تركيا و اسرائيل و ألمانيا و روسيا مكانش فيهم واحد تاني ينفع ؟ يا شوية بقر ؟ .
.
و أخيرا للهبدجيه برضه , عبد الفتاح السيسي مابيحكمش مصر من كهف في جبل , والبرلمان بتاعنا مش ماشي على حل شعره , يعني أعضاء البرلمان ماقعدوش في ساعة عصاري و عملو كام ماده كده للتعديل , لا يا مولانا الهبدجي , كل المواد المطلوب تعديلها راحت في الأول لجهة الإختصاص زي الجيش و القضاء , و كل المواد و كل البنود و كل كلمه و كل حرف لازم تعدّي على مؤسسة الرئاسه و على رئيس الجمهوريه وعالمؤسسات السياديه و تتراجع بالحرف ولازم موافقة الرئيس على عرض التعديلات المقترحه للإستفتاء , سيادتك في دوله مش في جُرْن الهبله , و الحكايه مش أكشاك سجاير كل كشك بيعمل اللي في مزاج أهله
..........................................................................................................
Mohamed Hussein
18 ابريل 2019 ·
معركتنا الأهم , ولا عزاء للمغفلين
.
محمد ناصر عامل مناحه على تعديل الدستور المصري في قنوات الخرفان و ناقص يجيب تراب يحطه على دماغه , هو الحقيقه ساب كل المواد بما فيها الماده بتاعة مدة رئيس الجمهوريه , و ركز في المادة 200 بتاعة القوات المسلحه , انا طبعا عاذره و عاذر أسياده اللي مشغلينه لأن الماده دي بتوجع أوي , أنا عارف والله .
.
طبعا الخروف لما حب يركب الحمار زي مابيركبه كل مره , قاله الماده دي يا حمار هتخلي اي رئيس جاي مجرد موظف عند القوات المسلحه و مش من حقه يقرب من الدستور ولا من حقه يعمل أي حاجه , و طبعا الحمار بيتركب كالعاده.
والحقيقه لما حضرتك تقرا الماده كبني أدم عاقل مش خروف ولا حمار , هتلاقي التالي
....................
صون الدستور مش معناها إن أي رئيس قادم مش هيقدر يقرب منه , اللي من حقه يعمل التعديلات الدستوريه هو البرلمان , و رئيس الدوله بيعرض التعديل للشعب للاستفتاء عليها , هنا القوات المسلحه لازم توافق , طب هي هترفض امتى ؟ هترفض عند الكلمه اللي موجوده في نفس الماده المعدله , اللي هي ايه ؟ مدنية الدوله يا محترم , و دي الحقنه اللي واجعه الخرفان عشان بتعني باختصار نهايتهم للأبد
.
يعني إيه مدنية الدوله ؟ يعني لا أحزاب على أساس ديني و لا تنظيمات و لا جماعه تتشكل بإسم الدين ولا رئيس أيا مايكون اسمه من حقه يلعب في مفهوم مدنية الدوله دي , يعني ماتشوفشي في يوم من الأيام رئيس يقول ( لبيك يا سوريا ) ولا هتشوف عناصر من حماس شايلين السلاح في مكتب الإرشاد في مصر ( عشان أصلا مش هيبقى فيه مكتب ارشاد )
.
طب مين هيحمي مدنية الدوله ؟ الجيش يافندم , أيا مايكون شكل ولون و هوية الرئيس ؟ أيوه بالظبط , طب دي يبقى اسمها ايه ؟ اسمها لوحة النهايه للتنظيم الإرهابي في مصر , اسمها ضربة بالمرزبه ولا 100 بالشاكوش .
.
طب ليه الجيش يحمي مدنية الدوله ؟ السؤال ده مهم جدا , وبيمثل الفرق بين الحلم و الواقع , الحلم بيقول اننا مش محتاجين جيش يحمي المدنية لان الدستور نفسه اللي بيحميها , إنما الواقع بيقول لأ محتاجين, بعد سبعين تمانين سنه من الفكر الوهابي و الإخواني , بعد ما عقول ملايين من البسطاء ( و من الطبقه الراقيه ) اتملو سباخ , الحكايه دي محتاجه مده زمنيه مماثله عشان العقول تنضف , و وقتها هتكون مادة حماية مدنية الدوله مركونه عالرف ملهاش لازمه , زي النيش بتاع العروسه .
.
طب ليه الجيش برضه حريص على حماية مدنية الدوله ؟ لأنه في نفس الوقت هو اللي بيشيل الليله سعادتك , مئات و ألاف الجنود, و تكلفه مليارات , عشان حضرتك في يوم من الأيام سمحت بتكوين احزاب و جماعات متطرفه و لما طبلت على دماغك قلت إلحقنا يا جيش ,طب أهو الجيش بعد إذن معاليك عايز يلحقك من الأول .
.
نقطة أخيره في نفس الماده , هي حماية الديموقراطيه معناها إن الجيش هيمنع المظاهرات و الثورات ؟ لا يا محترم , لأنه ببساطه المظاهرات و الثورات في حد ذاتها خيار ديموقراطي ( زي ما بيحصل في فرنسا حاليا وهي بلد ديموقراطيه ) , و لأنه الديموقراطيه و الدستور بيعنو صوت الشعب, هو اللي بيكتبهم و بيوافق عليهم , و بالتالي مفيش حاجه في الدنيا أعلى من (المكتوب ) إلا (الكاتب ) , يعني مفيش حاجه فوق الدستور والديموقراطيه إلا الشعب نفسه.
......................................................................................................
Mohamed Hussein
18 ابريل 2019 ·
للأجيال اللي جايه , للأطفال و حديثي الولاده و المبتسرين , للأجنه في بطون امهاتهم , لو سمحتو , من فضلكو , احفظو شكل أحمد طنطاوي و إسمه , احفظوه أوي , عشان بعد 40 سنه هيقرفكو في عيشتكو و يطلع لكو في كل مؤتمر و ينزل لكو من كل حنفيه و هتبقى كل إنجازاته في الحياه إنه وقف في البرلمان في 2019 و قال مابحبش السيسي ولا بثق فيه , غالبا وقتها هتلاقو عنده سشوار و 7 ألاف جنيه في البنك .
..............................................................................................................
Mohamed Hussein
18 ابريل 2019 ·
للأسف ماشوفتش بداية مباراة الأهلي و بيراميدز , ماشوفتش لحظة السلام الوطني , ماشوفتش جماهير الأهلي ( العريقه ) و هي بتصفر وقت السلام الوطني و تغني و تسب السيسي و الجيش ( المصري ) و غيرهم , الحمد لله اني ماشوفتش ولا سمعت .
.
عايز أقول بس كلمتين , ممتنع عن الفرحه و الإحتفال بخسارة الأهلي و فوز الزمالك النهارده , ملعون أبو الدوري كله , و ملعون أبو اي حد مايحترمش السلام الوطني لبلده و يسب جيشها , سواء كان أهلاوي أو زملكاوي , و ملعون أبو أي حد في الأصدقاء يكون مرحب بكده أو شايفها حركه جريئه أو مالعنش جدود أبو اللي عمل كده في المدرجات , أيوه انت يا مولانا أيا مايكون إسمك , ملعون أبوك ألف مره .
.
وللكابتن محمود الخطيب بلدياتي اللي بحبه جدا من أيام ماكان لاعب كوره واللي بعتبره أسطورة الكوره المصريه في القرن العشرين , عايز أقوله , لو مش عارف تدير نادي , لو هتسيب المدرجات لألتراس خيرت الشاطر , لو السلام الوطني مش فارق معاك , يبقى احترم تاريخك العريق و أقعد في بيتكو .
...........................................................................................................
Mohamed Hussein
19 ابريل 2019 ·
من إمتى البوس بيجيب عيال ؟
.
بعد 8 سنين من الهري و الهبد و الهاشتاجات و الشألباظات لسه الخرفان و ألاضيشهم لحد النهارده بيعملو استفتاءات عالفيس بوك و تويتر قبل كل استحقاق إنتخابي , و كل واحد يدخل بعشرين تلاتين أكاونت و يجيب معاه العماني و السوداني و التنزاني و البصراوي و الغزاوي واللي من سكان طربييل , اللمه دي لمة مخابيل
.
طب ايه رأيكو و احنا قاعدين فاضيين كده في ساعة عصاري نعمل استفتاء فيسبوكي على رئاسة مصر 2024 , أنا شخصيا هرشح الفنانه نرمين الفقي لرئاسة الجمهوريه , و سمية الخشاب في منصب نائب الرئيس ( عشان في حالة خلو منصب الرئيس لأي سبب ) , و الكابتن فرجاني ساسي لتشكيل الوزاره , انت عارف حضرتك لما تقوم من النوم الصبح تلاقي نفسك بتصطبح بالوجه الملائكي لنرمين الفقي في لقاء تليفزيوني و هي بتكلمنا و تحكي لنا عن مشاكلنا ؟ أقسم بالله هنحب مشاكلنا وقتها و هنقبل برفع الدعم وزيادة الأسعار و التعويم و أي مواطن هيعترض هقوله إخرس يا كافر يا عدو الله .
..........................................................................................................
Mohamed Hussein
19 ابريل 2019 ·
ترامب بيتصل بحفتر و يتطمن على مكافحته للإرهاب و تأمينه لأبار النفط !! , وقبلها أمريكا و روسيا رفضو قرارين من مجلس الأمن ضد زخف حفتر على طرابلس
...........................
الحكايه أهي ببساطه ( و من وجهة نظري الشخصيه )
.
- مصر على مدار سنين ماتخلتش عن الملف الليبي تحت كل الضغوطات الدوليه , و من يوم ماكان حفتر معاه 20 جندي و هي بتدعمه لتكوين جيش ليبي وطني يطهر ليبيا من ميليشيات الإرهابيين و المرتزقه ( ليبيا كان بيلعب جوه أراضيها جيوش و أجهزة مخابرات من عشرين تلاتين دوله ) .
.
- أردوغان حاول بكل الطرق يبعت سفن أسلحه للإرهابيين و لحكومة الوفاق اللي معينها , و ابن موزه رمى في ليبيا فلوس ملهاش أول من أخر على امل .
.
- راح أوباما و جه ترامب , ترامب دوره إنه ( بيلم التعابين بتاعة أوباما ) ,خلاص التعابين عملت اللي عليها و أسقطت جيوش و هزت دول , و مصر في كل الأحوال وقفت على رجليها و ليبيا بالنسبالنا خط أحمر , حتى لو كوكب الأرض عمل شألباظات قدامنا ( بالمناسبه موضوع ريجيني كان غرضه لوي دراعنا في ملف ليبيا )
.
- السيسي استعاد السعوديه و الإمارات و قال لهم عدوكو أهو , بالورقه و القلم و الدليل و البرهان , و معركتنا واحده , بلاش عيل برياله يسرح بيكو , جت السعوديه و الإمارات و عملنا التحالف العربي .
.
- السيسي زار ترامب من كام يوم و رجع , الزياره في اعتقادي كان هدفها الرئيسي الملف الليبي , ترامب في اللحظه دي عارف ان الحدوته خلصانه و إن افتكاسة الإرهاب بقت مكشوفه للكل , و مش هيفضل له حاليا في ملف ليبيا غير شوية عقود للنفط , هنا السيسي بيبقى الضمانه .
.
- رجع السيسي من أمريكا و حفتر جه زار مصر والسيسي قاله دوس و حرر بلدك عشان نقفل الصفحه دي ونركز في حاجات تانيه ورانا .
.
- باختصار ممكن نقول إن شعار المرحله الحاليه ( اللي عايزاه مصر في المنطقه هو اللي هيكون ) و باقي لنا مطب واحد اسمه التعديل الدستوري اللي اهم بنوده إن السيسي يحكم مصر ل 2030 ( استقرار سياسي و اقتصادي و أمني ) و إن الجيش بيحمي مدنية الدوله ( باي باي جماعات ارهابيه ) , بعد المطب ده هتتنقل مصر لمرحلة بشعار جديد اسمه ( اللي كسر كوبايه هيدفع تمنها ) , من مرحلة الدفاع لمرحلة الهجوم , يعني بلغة الكوره احنا بنلعب دفاع منطقه من 6 سنين عشان نحافظ على نظافة شباكنا , هنهاجم بقى ونجيب أجوان على قد ما نقدر , و ربنا وحده اللي يعلم الفوره هتبقى من كام .
.
#إوعى_التجربه_المصريه_تعضك
.................................................................................................
Mohamed Hussein
19 ابريل 2019 ·
باختصار برضه و رأيي الشخصي بعيد عن الهجص و الشعارات العبيطه
.
واحده من أكبر مساوئ مبارك على الإطلاق إنه ساب دول الجوار من غير تواجد مصري جواها , فلما طبّلت في ليبيا و لما السودان حكمها نظام اخوانجي ضاني دفعنا فاتوره كبيره أوي في تأمين حدود بطول ألفين كيلو و بقينا في موقف المدافع و اللي بيطبطب واللي بيحاول يلم الليله بس مش عارف إزاي .
.
السنين اللي فاتت تحديدا بيقولو إن ده خطأ كارثي , لأن فاتورة تأمين حدود بالشكل ده و الطبطبه على أي نظام بالشكل ده بتبقى مرهقه لأي دوله , مئات و ألاف الشهداء , و مليارات تتصرف على عمليات لتأمين الحدود , و وصلنا في وقت إن نهر النيل اللي هو عصب الحياه بالنسبالنا كان عالمحك بسبب واحد خاين بيتلعب بيه بشوية دولارات .
.
عايز أقول بعيد عن الهجايص و الشعارات المعلبه , وجود الدوله المصريه داخل ليبيا و السودان مهم جدا , بشكل مباشر و غير مباشر , و هنا مابقصدش احتلال ولا انتقاص سياده ولا حكومات عميله ولا الهجايص دي , بالعكس احنا عمرنا ماكنا دوله معتديه ولا دوله محتله لغيرها و لا دوله بتحمل أي شر لأشقائها في الدول التانيه , عمر ما إيدينا اتمدت إلا بالخير دايما
.
إنما الدول يا مولانا عامله زي البيوت اللي لازقه في بعضها بالظبط , لو جيرانك بيوتهم مالت هتوقّع بيتك أو تهزه عالأقل , وجودك هنا بيوفر لجارك كل الدعم اللي بيحتاجه وقت الطوارئ في سبيل ان بيته ده مايميلش ولا يقع , و الفايده بتبقى مشتركه , إنقاذ لبيوت و شعوب الأشقاء و حماية لبيتك من أي خطر حتى لو كان خطر غير مقصود أو غير متعمد .
.
بالمناسبه , عشرات المليارات اللي دفعها الشاذ القطري في ليبيا و السودان , و شحنات الأسلحه اللي بعتها خليفة الشواذ التركي لليبيا و قاعدة سواكن مكانشي مقصود بيهم ليبيا ولا السودان , انت اللي كنت مقصود و مستهدف , و بيشتغلو بنفس النظريه , نخلي البيت ده يميل شويه و البيت ده يميل شويه يمكن البيت الكبير يقع !!, ممكن تسميها الكماشه اللي حاولو أهل الشر وصبيانهم في المنطقه يعملوها علينا , نفس الشئ على فكره في قطاع غزه الحدودي برضه و في حكم حركة حماس للقطاع , ولا انت متخيل ان حماس حكمت قطاع غزه و عملت عشرات الأنفاق مع مصر عشان تحرر القدس اللي هي في الناحيه التانيه ؟! .
............................................................................................................
Mohamed Hussein
20 ابريل 2019·
و بعد سنين يا مؤمن يروح نفس الصياد يرمي الشبك و يصطاد سمكه كبيره أوي و شكلها سبحان الخالق ,ايه قولك بقى إنه لما فتح بطن السمكه ملقاش الخاتم اللي كان ضاع من مراته في المايه, بس لقى ورقه مكتوب فيها ( نعم للتعديلات الدستوريه ).
..............................................................................................
Mohamed Hussein
20 ابريل 2019 ·
أصدقائي الأفاضل .
.
إنزل و شارك واقف في الطابور و قول رأيك ب ( نعم أو لا ) و غطس صباعك في الحبر الفسفوري , ده حقك عالبلد و حق البلد عليك , أي تجاوز تشوفه قدام اللجنه بلغ عنه الجهه المختصه بمراقبة الإنتخابات من غير بروباجاندا ولا تعميم , بس اتأكد الأول انك فاهم صح , و بعد انتهاء الاستفتاء نقعد بقى و يبقى لنا كلام تاني كتير , كلام يخصنا احنا معشر الفيسبوكيين المؤيدين للدوله و المدركين لطبيعة المرحله دي , مش عاجبنا شكل الحزب الفلاني ولا العلاني , ولا عاجبنا السحنه و المنظر ولا عاجبنا التصرف و اللي واللي واللي , بس الحياه السياسيه لازم تستمر بينا أو من غيرنا , و العمليه الديموقراطيه لازم تكتمل حتى لو ( شكلا ) .
.
يبقى الحل ايه ؟ الحل بعد تفكير طويل و من فتره بيقول التالي :
قاعدتنا عالشط و إننا نعدّل على غيرنا في طريقة العوم مش صح , بنكتب عالفيس و ننظر و نشرح و نقول و نهاتي و سايبين الشارع لأشكال معينه محفوظه و معلبه و عقول عفى عليا الزمن و أكل على ضهرها الزمان و شرب , الحل لو احنا شايفين اننا صح وإننا ( سحنات ) تستحق التواجد يبقى نتواجد , ننزل للشارع و نعمل حزب يليق بإسم مصر , و ندعم السيسي في الصح و نعارضه في الغلط , و ندخل برلمان و محليات حتى لو بنسب بسيطه , إسمها عملية الإحلال , كرسي انت شايفه مش نضيف وشايف نفسك نضيف إقعد عليه بدل غيرك ( بدل ماتقعد تولول عالفيس ), الموضوع طبعا كبير جدا و محتاج إداره و تمويل مناسب , انا شخصيا مليش في الحياه الحزبيه و الانتخابات بس ممكن أشارك و يكون ليا دور ولو بسيط .
................................................................................................................
Mohamed Hussein
20 ابريل 2019 ·
عملنا شوية بلوكات حلوين أوي يا حسن , موسم بقى كل سنه وانت طيب , لا نشرح إيه بس ونشرح لمين ؟ ماحنا بقالنا سنين بنشرح , عارف يا حسن , كان عندنا حماره بيضا وانا صغير جايبينها جديد , بعد مرتين بالظبط عرفت الطريق من البيت للغيط لوحدها و مابقتش تتوه فيه , الحمير يا حسن حتى الحمير مابيحتاجوش شرح أكتر من مرتين .
....................................
Mohamed Hussein
21 ابريل 2019 ·
هبدة الإقتصاد و قصة عنب ديبو عند الهريجيه والشمامين , نقول تاني و عاشر وبهدوء شديد , بص يا مولانا
............................
لما كنت في السعوديه من خمس ست سنين كان لتر البنزين 95 ب 60 هلله , السعوديه بدأت تحرك أسعار الوقود الفتره اللي فاتت , لحد ماوصل نفس لتر البنزين ل 2.1 ريال , يعني زياده بنسبة 350 % , نسيت أقول لكو ان السعوديه أكبر منتج و مصدر للنفط في العالم و عندها احتياطي نقدي يتجاوز ال 500 مليار دولار !! و نسيت أقول لكو برضه ان السعوديه لا حصل فيها ثورات و لا توقف عجلة انتاج ولا كانت مضطره لاصلاحات اقتصاديه ولا لغيره .
.............................
مش عارف أجيبهالكو ازاي كمان , الدولار في 2005 كان بيساوي 1.3 ليره تركيه , والنهارده ب 5.8 ب , الزياده 450 % , برضه تركيا لا حصل فيها ثورات ولا ربيع عربي ولا خراب ولا تحالفت الدول ضدها ولا بتحارب ارهاب , بالعكس هي جزء من المؤامره و جزء من التواطئ و جزء من الإرهاب ( و طبعا مسلفه البنك الدولي زي مانتو عارفين ) , و النهارده تركيا بتحتل المركز الرابع في مؤشر البؤس العالمي بعد فنزويلا و الأرجنتين و جنوب أفريقيا ( أه و الله مؤشر البؤس مش مؤشر الفخفخينا )
............................
في نفس الفتره الزمنيه دي زاد الدولار قدام الجنيه المصري من 5.75 سنة 2005 ل 17 وشويه , الزياده تساوي 300 % , ده بعد ماكان الدولار سعره مدعم و سعر وهمي مش حقيقي , و بعد ثورات و خراب و ربيع و هباب , وبعد اضطرارنا للتعويم وبعد حرب متواصله على الإرهاب و بعد ما تجاوزنا حاجز ال 100 مليون نسمه و بعد ماعجلة الإنتاج توقفت تماما و السياحه انضربت لمدة 3 سنين .
.........................
تاخدو التقيله ؟ الدولار سنة 90 كان ب 20 جنيه سوداني , زاد سنة 2000 ل 2570 ج ( والله الرقم مكتوب صح ) , في 2019 وصل الدولار ل 75000 جنيه سوداني ( اه وعهد الله 75 ألف بس بيقولوها 75 بس عشان البشير عمل تعدير للعمله و خلّى ال 1000 = 1 ) .
..........................
نسيت أقول لكو كمان , تركيا و السودان نموذج لأنظمة الحكم الخرفاني الضاني اللذيذه , تجار الدين , بتوع أنهار العسل و براميل القشطه , معاهم نموذج تالت اسمه حركة حماس , تحبو أقول لكو حركة حماس عملت ايه في اقتصاد قطاع غزه من 2006 ل النهارده ؟ ولا بلاش , عشان عيب و فيه ستات قاعدين .
........................
لما تجيب جحش بقى و تقوله الوضع الإقليمي مشتعل و فيه أزمه اقتصاديه عالميه و جيوش بتقع و بلاد بتختفي من عالخريطه و دول بتتقسم و كله واصل ببعضه , السياسه والإقتصاد و التسليح و مصادر الطاقه و الحروب و الاتفاقات الدوليه كلهم شابكين في بعض يفتح بؤه ويتنح و بعدها يقعد على تويتر يهبد , طيب يابني ماتزعلش خالص , المنطقه زي الفل و مش ناقصها غير اكلة سمك .
................................................................................................................
Mohamed Hussein
21 ابريل 2019 ·
قواعد و بروتوكولات الفيس بوك الأربعون
قاعدة رقم 17 ( قبول طلبات الصداقه )
.
إزاي احنا معشر الرجاله بنقبل طلبات الصداقه اللي بتجيلنا و إيه المعايير و الأسس و التقييمات و الإختبارات و الستاتستكس اللي بنقبل أو بنرفض بناءً عليها ؟ شوف يا مولانا , دايما فيه احتمالين مالهمش تالت
...................
1- لو اللي بعت طلب الصداقه راجل زي حالاتنا ؟ اوك استنى بقى :
- نشوف صفحته و دماغه من أيام فحت البحر؟مش عاجبانا توجهاته دي , رفض .
- الواد ده ماله متصور بتناكه كده ؟ لا رفض طبعا .
- مش كاتب تاريخ ميلاده و هواياته ليه ؟ رفض .
- اسم ابوه عبد المتجلي ؟ هو لسه في حد في الدنيا اسمه عبد المتجلي ؟ رفض
- له بوست من 17 سنه مكانشي واضح هويته فيه ؟ رفض
- بيشجع الأهلي وانا زملكاوي , مش هنرتاح سوا اكيد , رفض
- تسريحة شعره مش عاجباني , ولابس أقميص ازرق ليه ؟ رفض.
- كاتب انه بيحب الرنجه , هيزفر الصفحه و يقرفنا , رفض
- بينا 2451 صديق مشترك بس؟ لا مش كفايه طبعا , رفض
- حاطط صوره من أيام ماكان في اعدادي , طب صور ابتدائي فين ؟ رفض
- بيحب تمثيل فيفي عبده ؟ ده يبقى خنيق أوي , رفض
- من أبو قراميط ايه بس , هو فيه بلد في الدنيا اسمها ابو قراميط ؟ رفض
- بينزل 3 بوستات في اليوم ؟ طب و بقية اليوم بيعمل ايه ؟ رفض
- بيغلط في حرف ال ذ و حرف ال ز و مايعرفهمش من بعض ؟ رفض طبعا
- ايه ده رجله كبيره اوي تلاقيه بيلبس جزمه مقاس 79 , رفض
- مابيعرفش يكتب لكن و بيكتبها لاكن , رفض
- حاسس كده إن الكيميا بتاعته مش متوافقه مع الكيميا بتاعتي , رفض
- مواليد برج الجدي , على أخر الزمن هنضيف واحد من برج الجدي , رفض
- شنبر نضارته مش عاجبني , شكلها نضارة جده , رفض
............................
2- لو اللي بعت طلب الصداقه ست ؟ اوك استنى كده
.
جميله أوي و ركبها حلوين ؟ يبقى على خيرة الله , قبول بإذن واحد أحد .
................................................................................................
Mohamed Hussein
22 ابريل 2019·
اللي عمله حزب مستقبل وطن و حكاية توزيع كراتين عشان يشجعو الناس عالتصويت في بعض اللجان ده عمل مشين و مقرف ولا يجوز , وأنا على يقين إننا هنتعلم من الدرس و إن اللي حصل ده مش هيتكرر تاني خصوصا في الإستفتاء اللي هنعمله سنة 2028 عشان نمدد فترة حكم السيسي ل 2042
.........................................................................................................
Mohamed Hussein
22 ابريل 2019 ·
و نشربُ إن وردنا الماءَ صفواً , و يشربُ غيرنا كدراً و طينا ( من معلقة عمرو بن كلثوم ) .
.
لجنتي في مدرسة هدى شعراوي , مدينة السلام , هات إيدك كده ؟ و شبكة العشره دول لا فيه قدامها كراتين ولا بونات ولا ظابط مباحث ولا رجال أعمال ولا تجار أثار مهمين ( مع إنها منطقه شعبيه جدا ) , عملية في منتهى الاحترام و اتجمعنا ناس كتير لأن اعضاء اللجنه كان بيصلو المغرب وقت ماوصلت , كنا حوالي 30 قدام اللجنه في ظرف 10 د , لا حد قال لنا صوتو بنعم ولا صوتو ب لا , والناس البسيطه بتدعي لبلدها من غير ماتكون فيه كاميرات بتصورهم , أسف يعني لو كنت بفسد على البعض دور المفتش كرومبو اللي عايش فيه من يومين , او دور أرشميدس لما نط بلبوص من البانيو وقال وجدتها و جدتها .
.
صوتت ب نعم عشان ماده أهم من تمديد فترة الرئاسه و من السماح للسيسي بفتره تالته كاجراء استثنائي , صوتت بنعم عشان الجيش يحمي مدنية الدوله و دستورها , صوتت بنعم عشان الأحفاد و أحفاد الأحفاد مايحكمهمش خروف ضاني تاني بيشتغل مجرد سكرتير في جماعه إرهابيه دوليه و يقول لهم ( لبيك يا سوريا ) أو خروف يتعامل مع أقباط مصر على إنهم مواطنين درجه تانيه و يمن عليهم بحمايتهم , أو خروف يقسم جيش بلدي و يعمل ميليشيات و حرس ثوري تابعين لجماعته الإرهابيه , أو شمام كوله يوصل للرئاسه و يسأل , هو احنا بنشتري سلاح ليه ؟.
.
الصوره اهداء لمحمد ناصر بتاع قنوات الخرفان في تركيا , صورتي أهي و صباعي أهو , و يوم ماتفكرو ترجعو مصر عشان تحكموها انت و أيات عرابي و عاصم عبد الماجد و كل شلة الصيع هيبقى على جثتنا , وانا أول واحد في الطابور , البلد دي مش هيحكمها تاني لا خ ولا خ ولا خ , لا خواجه ولا خاين ولا خو* لامؤاخذه .
..............................................................................................................
Mohamed Hussein
22 ابريل 2019 ·
شهادة حق للتاريخ , ماحنا كمان لازم نشاور عالسلبيات و الأخطاء و الكوارث و نعترف بيها و إلا هيبقى زينا زي غيرنا .
.
امبارح بالليل كنت قاعد على كنبة الأنتريه في أمان الله بتفرج عالمسلسل و القطه البيضا وايتي قاعده تتمسح فيا كالعاده , فجأه لقيت ميكروباص فايت جنب مني , شاورت له , قلت له رايح ناحية الحمّام ياسطى ؟ قالي اشبط بس هنزلك عند المطبخ و انت تكمل الحته الباقيه دي مشي , قلت مش مشكله , اهو الأعور أحسن من الاعمى , وركبت معاه فعلا , يادوب لسه داخلين النفق بتاع الطرقه وقفنا كمين , مع ان المكان ده مش بعاده بيقف فيه كماين , عربيتين شرطه و عربية أمن مركزي , الظابط قال لنا كلنا ننزل , و انا كنت وصلت أصلا , و قال كله لازم يرجع و يروح يشارك في الإستفتاء يا ولاد التيت و انا هستناكو هنا , اي حد مش هلاقي على صباعه حبر فسفوري هعلقه في عمود الستاره دي , هنفتش عالحبر الفسفوري و عالضوافر كمان .
.
أنا بصراحه انفعلت و قلت له يافندم حضرتك اللي بتعمله ده مش قانوني ولا دستوري , قالي انت هتعلمني القانون يابن التييييت ؟ طب و رحمة أمي إنت بالذات لو ماروحتش الإستفتاء و جيت وريتني الحبر الفسفوري على صباعك هسجنك و هنعذب القطه وايتي و نمنع عنها الدراي فود و هناخد خالك رمضان رهينه , و قام مطلع من جيبه مدفع رشاش و دبابه و طياره سوخوي بحالة جيده , قلت له خلاص يا باشا خلاص هو انا يعني هعرف القانون اكتر منكو ؟
.
و روحت النهارده فعلا الاستفتاء عشان ماخلصنيش ان الظابط اللي حلف برحمة أمه يمينه يقع عالأرض , و انا راجع من الاستفتاء لقيت نفسي مبسوط أوي و فرحان , واحد هيقولي انت فرحت عشان شاركت في العمليه الديموقراطيه و أديت حق البلد عليك ؟ أقول له لا يا مغفل , أنا فرحت لأني افتكرت ان سواق الميكروباص اللي ركبت معاه امبارح بالليل اتلهى في الكمين و نسي ياخد مني الأجره .
....................................................................................................................
Mohamed Hussein
23 ابريل 2019 ·
ما بين الحرامي القبيح الغبي و النصاب الذكي الوسيم
.
نتكلم جد بقى , من غير تهويل ولا تهوين :
.
1- حصل تجاوزات في الاستفتاء الاخير ؟ أه , شكلها ايه ؟ حشد لبعض الناس و الموظفين عشان يروحو يصوتو و كوبونات و كراتين في ( بعض ) اللجان , طب ده اسمه تزوير أو تزييف للعمليه الانتخابيه ؟ لأ , ده اسمه اغراء ( مرفوض ) عشان يشجعو الناس عالمشاركه , أكتر المتشائمين و المعارضين و الهجاصين مقالشي إن فيه مواطن مصري أجبر على التصويت ب نعم , الإجبار و الإكراه و الأغراء كانو عالمشاركه نفسها , و هي رغم رفضي ليها بتساوي حركه كانت بتعملها الدوله الفتره اللي فاتت , اللي هي التهديد بإن اللي مش هيشارك هيدفع غرامة 500 ج , ماعملوش حكاية التهديد و الوعيد و قلبوها بإغراء , غيرو من عصاية فرعون لعصاية موسى , رغم رفضي التام للي حصل بس هو ده وصفه , له مبرر ؟ لا خالص , له تأثير كبير ؟ أبدا , بالعكس , ولا قدرو يغرو أكتر من 3 % من الناس اللي شاركت بالفعل , و في المقابل فيه أكتر من 3 % لما ( سمعو ) بحكاية الكراتين امتنعو عن المشاركه رغم انهم كانو متحمسين , يعني النتيجه هنا سلبيه , بالمناسبه قصص الميكروباص اللي وقفه امين الشرطه عباره عن 1000 قصه هتلاقوهم مطرطشين في التايم لاين , منهم 15 قصه حقيقيه و الباقي من وحي خيال المؤلف و الهبدجي , ماحنا كلنا شعب موهوب في التأليف .
.
2- نقطه مهمه جدا عايز اتكلم فيها يارب الناس تستوعبها , فكرة الديموقراطيه في المطلق مش موجوده في أي مكان في العالم , الاحزاب السياسيه الباليه في مصر زي الوطني و الإخوان كانت بتلعب الديموقراطيه بطريقة ( الحرامي القبيح الغبي ) اللي بيبقى مكشوف و مفضوح للكل ( تزوير حقيقي و على عينك يا تاجر لإرادة الناخبين ) , حزب مستقبل وطن لعب بس دور القبيح الغبي ( لكن مش الحرامي ) , في حين ان الدول المتقدمه و ( العريقه ) ديموقراطيا بتلعب دور ( النصاب الذكي الوسيم ) , الحكايه دي محتاجه شرح كتير , و يوم ما نتطور جدا و نبقى محترفين ديموقراطيه هنلعبها زي الدول المتقدمه بطريقة النصاب الذكي الوسيم , وانا شخصيا هرحب جدا بكده , عشان الدول بتلعبها بالشكل ده مش لصالح أشخاص معينين انما لصالح مستقبل أوطان و اجيال جايه و شعوب , شعوب مش مطلوب منها انها تعرف كل حاجه ولا تعرف الأسباب الحقيقيه للتوجيه في اتجاه معين .
.
3- لو ليا عمر هشرح فكرتي و رأيي , انما ممكن أقول دلوأتي باختصار , دول العالم في حدوتة الديموقراطيه بتتقسم لنوعين , نوع ماينفعش يلعبها ديموقراطيه في المطلق و ده بيشمل دول عظمى زي أمريكا و بريطانيا و روسيا و الصين و اليابان و دول اوروبا الكبيره , و بيشمل كمان دول اقليميه لها وضع خاص زي مصر و السعوديه و سوريا والعراق و تركيا و ايران و اسرائيل , النوع التاني بيشمل اغلب دول العالم , اللي مالهمشي تأثير أوي أو مش مستهدفين أو مفيش عين عليهم أو مش بيسعو لأدوار معينه اقليميه و دوليه , الدول دي تلعبها ديكتاتوريه او ديموقراطيه في المطلق أو تلعب حوكشة و نط الحبل مش مشكله خالص .
.
هكمل فكرتي في بوست تاني بإذن الله و أوضحها بأمثله عشان إيدي وجعتني من الكتابه .
............................................................................................................
Mohamed Hussein
23 ابريل 2019·
27 مليون شاركو في الإستفتاء , بنسبة 44 % , جميل أوي .
23.4 مليون موافق بنسبة 88.83 %.
2.9 مليون غير موافق بنسبة 11 % .
....................
ألف مليون مبروك لشعب مصر العظيم ولا عزاء للخرفان و الشمامين و الجزيره و مكملين و أيمن سيليكون و حمدين و عمرو واخد و كل اللي واخدين .
.................................................................................................
Mohamed Hussein
23 ابريل 2019 ·
شوفت حضرتك اللي حصل ؟
- اه و فرحان أوي , 27 مليون صوت انتخابي , اللهم صل عالنبي .
.
لالا مش قصدي ده
- يبقى قصدك ان 23 مليون صوتو بنعم , نتيجة ممتازه فوق الوصف .
.
لا برضه ولا قصدي كده
- مممممممم أومال قصدك ايه يا حيوان ؟
.
بتشتم ليه طيب ؟
- عشان عارف اللي في دماغك
.
أيوه , اتغلبتو من بيراميدز و شيلتو أوبح
- اخرس , احنا ناس وطنيين بنحب بلدنا , بقى نسيب احتفالات البلد بالاستحقاق التاريخي و نتكلم في الكوره و الكلام الفارغ يا خاين لبلدك يا عدو الدستور و الإستقرار السياسي ؟ .
.......................................................................................................
Mohamed Hussein
24 ابريل 2019 ·
أيقونات و فانلات و شرابات و تويتات و حبشتكانات ( الناس اللي سابقينا بمليون سنه ضوئيه و يومين و عصريه ) .
.
مولانا عمرو واكد بتاع الكونجرس الأمريكي اللي هيعلم الشباب الديموقراطيه و النضال مايعرفش ألف باء ولا جدول الضرب , وقالك يا سيدي ان 88.8 + 11.2+ 3 يساوي 103 % مع ضحكات رقيعه اه و عهد الله رقيعه , يعني ماينفعش مثلا يا أستاذ عمرو تتقال نسبة الأصوات الباطله 3 % من الاجمالي , و بقية النسبه تتقسم موافق و غير موافق ومجموعهم يكون 100 ؟ بالمناسبه المعادلات دي بتاخدها لوجي بنتي في ساته ابتدائي ولو هبدت الهبد بتاعك ده هقعدها في البيت و تشتغل خياطه , انت بس كل الحكايه محتاج مشوار لحد الكونجرس تاني و تقول لهم يجيبو لك مدرس رياضيات لأنك كنت غايب في ساته ابتدائي أو بلاش مدرس رياضيات , مممممممممم يجيبولك مدرس فرنساوي .
.
استاذ احمد هبد نفس الهبده بتاعة عمرو واخد , برضه طلع المجموع 102 , سبحان الله لا سحر ولا شعوذه , يا استاذ عمرو ابقى خد الاستاذ احمد في ايدك وربنا يعين مدرس الفرنساوي بقى .
.
دكتوره هاله هبدت هبده لانج , ماهي دكتوره و الناس مقامات برضه , وقالت لك كده اللي ماراحوش + اللي قالو لا + الاصوات الباطله يساوي 70 % يعني اغلبيه يا عالم اغلبيه يا هوووه , فاحنا يا دكتوره في نتيجة الاستفتاء بنجيب اصوات الناس اللي ماراحتش و الباطله و نضيف عليهم المغول و الفرنساويين و نجيب رجل غراب يتيم و ديل سحليه راضعه صدر امها و نحسب النسبه بقى , طبعا أكيد امك قاعده في البيت تقول الدكتوره بنتي راحت و الدكتوره بنتي جت .
.
أما الأستاذ حماده فجابها من الشمخ الجواني و قالك ال 88 % فيها 20 % مقاطعين و اخوان و 10 % مثقافين , اه هي مثقافين ( زي من قلبه بتاعة عصام حجي ) , ماهو الشاهد و القاعده العامه في كل شمامين الكوله هي انهم بيمارسو الجهل بمنتهى التناكه, بيمارسو الحموريه بمنتهى الغرور , بيمارسو الغباوه بمنتهى الأنعره و الفشخره .
.
اجمالا يعني و رأيي الشخصي ان الدوله تحاول تستفيد من هبدات شمامين الكوله في إطار خطتها المستقبليه لإعادة تدوير المنتج , ممكن نجمع التويتات دي و الريبلاي اللذيذ و ننزلهم على حلقات في برنامج ( خمسة لقلبك ).
...........................................................................................................
Mohamed Hussein
24 ابريل 2019 ·
بس حضرتك انتو كده بتصنعو فرعون
- أه بنصنع فرعون وبنصنع بيتزا و أثاث منزلي و رخام و جرانيت , عشان تعرف بس اننا مهتمين بالصناعه , ماتيجي تصنع معانا ؟ مدّ إيدك ده حتى الإيد البطاله ريحتها مش حلوه
.
بذمتك يا اخي بذمتك مش مكسوف من نفسك ؟
- والله طالما ذممتني هقولك , انا مكسوف من نفسي فعلا , مكسوف و وشي في الأرض.
.
يااااه اخيرا فرحتني و طمنتني , قولي بقى مكسوف من ايه ؟
- مكسوف يا اخي اننا نحدد عدد سنين للريس يحكم فيها , بنتشرط عليه و نحدد له هيمشي امتى ؟ ماراعيناش العيش و الملح اللي بينا ولا صوننا العشره
.
انتو عايزين تشلّونا صح ؟
- اه صح , و بإذن واحد احد هنضيف حكاية إننا نشلّكو دي كماده مستحدثه في التعديل الدستوري اللي جاي .
.
ايه ده ؟ هو انتو هتعدلو الدستور تاني ؟
- مممممممم مش انا يابني لسه قايلك من شويه إني مكسوف و وشي في الأرض عشان حددنا للسيسي فتره زمنيه ؟ يبقى لازم ننزل تاني و نصلح غلطتنا و نخلي عدد سنين الرئاسه أوبن بوفيه .
.
يعني هتعملو صياغه مختلفه لمادة فترة الرئاسه و تنزلو تستفتو عليها تاني ؟
- لا احنا كبرنا خلاص وعرفنا غلطتنا و مش عيب ان الواحد يعترف بغلطته , احنا هننزل الإستفتاء و نقول نعم عالماده الجديده اللي احنا مش هنبقى عارفينها , و بعد مانقول نعم يبقى السيسي يصيغ الماده زي ماهو عايز , احنا ائتمناه على أرضنا و بلدنا , معقوله هنخوّنه و نسأله شكل الماده الدستوريه ايه ؟ دي تبقى عيبه في حقنا , والله عيب علينا
............................................................................................
Mohamed Hussein
25 ابريل 2019
كلمتين بجد بقى
.
بص يابني , البلد دي لها شعب و الشعب ده له جيش و الجيش له بلد , هي دايره مقفوله علينا احنا التلاته .
.
في 2013 نزل الشعب و الجيش و رجعو البلد اللي كانت مخطوفه في أيد جماعه ارهابيه دوليه بمباركتك و بابتسامتك البلهاء , اه احنا اللي رجعناها وقت ماكنت انت نايم على بطنك عالسرير بتهبد عن رفقاء الميدان و المصالحه و بتتشألب في شوية شعارات عبيطه , الجيش والشرطه قدمو شهداء و مصابين اكتر من اللي قدمانهم في حرب الإستنزاف مع العدو الصهيوني , و الشعب ربط الحزام و استحمل ظروف اقتصاديه صعبه جدا , و احنا نفسنا استحملنا سخافات كتير و قلة أدب و شتايم و تهديد , ماكلنا كنا جنود بنحامي عالبلد اللي اتخطفت مننا في لحظه و مش مستعدين أبدا انها تتخطف تاني .
.
اه يابني , احنا اللي نضّفنا الأرض دي من السحالي و التعابين و الخونه و الصيع و حرسناها و حرتناها و زرعناها , احنا الشعب و الجيش أصحاب البلد اللي شيلنا الليله و شيلنا الجمل بما حمل , نعملها بقى ديموقراطيه واستفتاء و تعديل دستور , نعملها ملكيه و فاسقيه و وش سديري , نعملها زي مانحب , الحلال حلانا و المال ده مالنا , و مَنْ حكم في ماله فما ظلم .
.
أما انت فقدامك اختيار من اتنين , إما انك تفوق من الغيبوبه و تبطل تتركب و تتعلم ألف باء معارضه و تعرف الفرق بين المعارضه و الخيانه و الفرق بين المعارضه و المر*عه و تبقى بني ادم زي بقية مخاليق ربنا , أو تضرب دماغك في أوسخ حيطه و تشرب من أوسع بحر و تعض في بوز اللحاف و تفضل طول الليل تكلم الدولاب جايز في يوم من الأيام الدولاب يرد عليك و يشيد بنضالك الفيسبوكي و هبداتك التويتريه و ينبهر بعقلك الألماظات .
.....................................................................................................
Mohamed Hussein
25 ابريل 2019 ·
لأشقائنا و اخواتنا في السودان
.
- عبد الفتاح السيسي بيتكلم عن الوضع السوداني و يحيي ثورة الشعب و جهود المجلس العسكري السوداني و يتمنى وحدة و استقرار السودان بصفته رئيس الإتحاد الأفريقي حاليا .
.
- السودان بالنسبه لمصر أمن قومي و هنا احنا ( ك مصر ) بيهمنا تأمين الحدود وان دولة الجوار تبقى مستقره أمنيا و سياسيا عشان ماتطرطش علينا ارهابيين و سلاح زي ماحصل لما وقعت ليبيا و زي ماحصل من قطاع غزه .
.
- محدش عنده أي اطماع داخليه في السودان حاليا , محدش إطلاقا , هقول لكو تشبيه يوضح الصوره مع كل و كامل اعتذاري المسبق , الدول احيانا بتبقى عامله زي الستات كده , لو واحد طماع و عنيه زايغه هيفكر انه يخطف واحده مزه من الشارع انما السودان للأسف بظروفه الحاليه عامل زي الست اللي عندها امراض الدنيا و الأخره و محتاجه 30 سنه تظبط أمورها في التأمين الصحي عشان بس توصل لنقطة الصفر , السودان حاليا اقتصاديا و سياسيا و أمنيا تحت الصفر بسبع طبقات , و ده للأسف لأننا مش بنتمنى للشعب السوداني والله غير كل خير , انما دي الصوره بدون مجامله ( الدولار سعره زاد في ظرف 20 سنه من 20 جنيه سوداني ل 75000 جنيه !! ) .
.
- قولو لي نسبة كام في الميه منكو لسه بيتفرجو على قناة الخنزيره ويصدقوها و انا اقول لكو بلدكو رايحه على فين بالظبط ؟ الحكايه أصلها مش حسبة برمه .
.
- الشعب المصري في المجمل أكتر ثقافه و وعي و تحضر من الشعب السوداني و ده مش غرضه اهانه ولا تقليل انما وصف لتوضيح صوره معينه , إنه احنا رغم ثقافتنا و تحضرنا انضحك علينا في 2011 و لبسنا سلطانيه زي الفل و كانت بلدنا هتضيع لولا إننا فوقنا و استوعبنا الدرس بسرعه في 2013 , يمكن ألاقي لنا مبرر في 2011 ان الصوره كانت ضبابيه و مش واضحه , انتو بقى لو ضيعتو بلدكو بعد مالمشهد اتكرر قدامكو بحذافيره خمس ست مرات هيبقى مبرركو ايه قدام نفسكو ؟
.
- التجمع المعتصم حاليا اللي اسمه اتحاد المهنيين من غير ماشوفه كده اقدر اوصفه , شوية شباب متحمس و طيب و ( غشيم ) بيقودهم شوية صيع و خونه , هتعرفو انهم شوية صيع و خونه لو لا قدر الله الدنيا طربقت على دماغكو , لانكو هتلاقوهم وقتها هربانين بره السودان و معاهم جنسيات أمريكيه و بريطانيه و تركيه و بياخدو جايزة نوبل للسلام , مانا بقول لكو مشهد مكرر بشكل ممل .
.
- احذرو من كلمة ناشط سياسي لأنها زي كلمة مدون بتاعة الرئيس الفرنسي كده , كلمه لوصف أي صايع و اي خاين و أي عواطلي , و احذرو من فضلكو من اهانة جيش بلدكو و اوعو تفرحو لو حصل لا قدر الله انشقاق داخل الجيش ده عشان وقتها هتلاقو نفسكو جوه ثقب أسود بيأكل الأخضر و اليابس و وقتها برضه هتلاقو الجزيره بتشيد جدا بنجاح ثورتكو الملهمه !! .
.
- نصيحه أخيره , عندنا سته سبعه مليون سوري على عراقي على ليبي على يمني ( بعد نجاح ثوراتهم ) , مش عايزينهم يبقو 12 مليون , مش عايزين نزود عليهم 5 مليون سوداني كمان مع اننا هنرحب بيهم اكيد , اهلنا و هنشيلهم على راسنا , بس مجرد لجوئهم و هجرتهم بتعنى ان السودان ضاعت و ده اللي مش بنتمناه ابدا .
......................................................................................................
Mohamed Hussein
26 ابريل 2019 ·
صوره و كلمتين
.
اللي عالشمال ده رئيس الصين , القوه السياسيه و العسكريه و الاقتصاديه المخيفه , الصين بجلالة قدرها اللي عدد سكانها اكتر من مليار نسمة , قد سكان قارتين تلاته , الدستور بتاعهم بيسمح للرئيس بالحكم مدى الحياه طالما الشعب بينتخبه كل مره , مفيش واحد صيني هيقعد يهبد و يقول يعني هي الصين مفهاش غيره و مفهاش كفاءات ؟ المليار و نص مليار صيني مافهمش حد ينفع ؟ ده اسمه هبد .
.
اللي في النص رئيس روسيا , القوه العظمى عسكريا و اقتصاديا و سياسيا , وريثة الإتحاد السوفيتي بجلالة قدره , اللي مساحتها قد مساحة أربعين خمسين دوله , بوتين بيحكم روسيا بشكل فعلي من يوم ماوعينا عالدنيا , مش هتلاقي برضه شمام كوله روسي بيقول يعني هي روسيا خليت من الرجاله و الكفاءات ؟ مش هتلاقي .
.
واللي عاليمين الزعيم , رئيس أقدم و أعرق دوله في التاريخ , الدوله اللي دخلت في عدد من الحروب قد عدد سكان دول و دويلات و أكشاك , الراجل اللي حارب وبيحارب أقذر تنظيم ارهابي في تاريخ البشريه , تنظيم عمره 90 سنه أنشاته المخابرات البريطانيه و بترعاه أمريكا و بريطانيا بكل قوتهم , الراجل اللي بيبني بلده بإيد و يحارب بالتانيه , اللي شال السكينه من على رقبة مصر , اللي رجع لنا بلدنا المخطوفه .
.
مصر و أهميتها و خطورتها في محيطها الإقليمي جغرافيا و تاريخيا , ماتقلش أبدا عن أهمية روسيا و الصين في المحيط الدولي , و مفهوم تداول السلطه مفهوم جميل اوي بس مش في المطلق , أوقات كتير بيبقى الإستقرار السياسي والأمني أهم ألف مره , أوقات كتير بيكون مفهوم ( تداول السلطه ) يساوي الإنتحار , أوقات كتير بيكون مفهوم تداول السلطه بيساوي ( الطعم ) اللي بيصطادوك بيه بعد مافشلو في اصطيادك بكل الطرق , أوقات كتير بيكون مفهوم تداول السلطه هو الحفره اللي بتتحفر عشان تقع فيها , زي مصطلحات كتير جميله و راقيه في معناها إنما بتستخدم كطعم أو كحفره , أوقات كتير الاوطان الكبيره و المهمه و المستهدفه ماينفعش أبدا تكون ( حقل تجارب ) لا تحت إسم الديموقراطيه ولا تحت إسم الحمصيه .
................................................................................................
Mohamed Hussein
27 ابريل 2019 ·
المحبه الحقيقيه
.....
لما المصريين بيحبو حد , بيحبوه أوي يعني , ماتعرفش أبدا تتوقع أو تتخيل رد فعلهم يكون إزاي .
.
محبة المصريين لعبد الناصرخلتهم يعملو صوانات عزا في بيوتهم يوم ما مات و ياخدو العزا من بعض , ده واحد من أهل البيت و مات .
.
محبة المصريين لأم كلثوم , للست , لكوكب الشرق , يتكتب فيها قصايد و كتب و مجلدات .
.
محبة المصريين لعبد الفتاح السيسي خلته يقدر ياخد قرارات و لا ألف رئيس تاني كان يقدر ياخدها , ترسيم حدود و تعويم للجنيه و هيكلة اقتصاد و رفع دعم و ربط حزام عالبطن و احنا مبتسمين ولا في دماغنا , البطل المصري الوطني الشجاع يعمل اللي هو عايزه و ياخد القرارات اللي شايفها صح , ياكشي يقرر إن الزمالك يفوز بالدوري لمدة 70 سنة متصله ( قولو أمين ) .
.
محبة المصريين لمحمد صلاح , خلتنا امبارح بنتفرج عالماتش بشكل عجيب , صلاح جاب جون و الحيوان ساديو ماني ( اللي بيغير من صلاح و بيحقد عليه ) جاب جونين و بقو قد بعض , والاتنين هدافين الدوري الانجليزي ب 20 هدف , لسه الماتش شغال , صلاح جاب جون كمان فرحنا بيه عشان بقى 21 وانفرد بصدارة الهدافين , بس فرحتنا الأكبر كانت لما ماني ضرب كوره براسه و خبطت في القائم , الناس عالقهاوي قامت نطت من الفرحه , الحمد لله جت في القائم , اللهم لك الحمد و الشكر, مع انه كان هدف زياده لنفس الفريق بتاع صلاح , بس مايلزمناش الجون ده يا عم , مايطلعو 5/0 و كده زي الفل و اتعشت .
.
محبة المصريين بتخليك كمان تكره أي حد يكون بيكره اللي بتحبه أو واقف في طريق نجاحه , اعتقد اكتر ناس بيكرهم المصريين و يدعو عليهم حاليا , هما أردوغان و تميم بن موزه و قناة الخنزيره و الخرفان و ال بي بي سي و ساديو ماني بتاع ليفربول , و بيب جوارديولا مدرب مانشستر سيتي .
.......................................................................................................
Mohamed Hussein
27 ابريل 2019 ·
وعندهم ديك رومي , و عندهم بط , و عندهم فراخ بلدي , و عندهم رقاق , و عندهم لحمه محمره , و عمرهم ماعزمو , هو حد قال لهم اننا نباتيين ولا يكونو خايفين علينا من النقرس ؟!
.
كل سنه وانتو طيبين يا حبايب مصر
..................................................................................................
Mohamed Hussein
28 ابريل 2019 ·
تجار الدين و الروبابيكيا
.
دي تويته لابن الحويني , قصدي ابن مولاهم الحويني , عايز يقول ايه ؟ عايز يقول باختصار انك لما تحفظ لك أيتين و كام حديث يبقى من حقك تحكم أوطان و تقود بلاد و تهري و تهبد في السياسه و الاقتصاد و التسليح و القنبله الذريه ( زي ابو اسماعيل كده ) , و طبعا كعادة تجار الدين والصيع التمحك في الصحابه و خبط بؤين من اللي بينتزعو أهات القطيع .
.
من كام شهر في لقاء مع معالي الأستاذ الدكتور وزير الأوقاف اتكلم عن كتاب كتبه بنفسه , بيشرح فيه الفرق بين سيدنا محمد النبي والرسول و سيدنا محمد قائد الجيوش و سيدنا محمد رئيس الدوله , وبيفند فيه قصة الغنائم وليه كانت تصلح زمان ولا تجوز دلوأتي , ده الفرق باختصار بين عالم جليل تقعد قدامه تحس انك قدام بني ادم بيحترم عقول البشر و بين صايع و تاجر دين زي اللي فوق ده .
.
ولابن الحويني و للحويني و قطيعهم عايز اقول كلمتين من واحد لا متخصص في الدين ولا معاه صكوك جنه ونار ولا ربنا قاله انت دورك في الحياه انك تكفر البشر و تقتلهم أو تحرض على قتلهم , كلمتين من واحد مؤمن تماما ان ربنا كرّمه على بقية المخلوقات بالعقل مش بالدقن
.
الحويني وابنه لما بيتعبو و يحبو يتعالجو بيروحو لطبيب مش لشيخ جامع , ولو مانفعش الطبيب في بلدهم بيسافرو لطبيب من الكفار , الحويني وابنه لما بيحبو يبنو بيت بيجيبو مهندس مش إمام زاويه , و ممكن مهندس من المرتدين والملحدين و البوذيين , الحويني وابنه بيحلقو شعرهم و يصلحو الحنفيه عند الحلاق و السباك مش عند واحد حافظ شوية أحاديث , الحويني وابنه لما بيهربو و يعيشو في أي دوله بيلاقو الدوله دي بيقود جيشها واحد دارس عسكريه و بيقود اقتصادها واحد دارس اقتصاد .
.
أما هبدة التويته نفسها فعايز أقول له برضه يمكن يفهم و يعرف ان الحياه والدين أوسع و أجمل و أرقى من كتب ( أحكام الفساء ) , أبو بكر مادرسش العلوم السياسيه عشان مكانشي فيه كلية سياسه و اقتصاد وقتها ولو كان فيه كان أول واحد هيلتحق بيها , عمر مادرسش القانون الدولي عشان مكانش فيه كلية حقوق , من 1400 سنه مكانش فيه كليات و لا معاهد لأي حاجه وكانت الناس بتعتمد في أمور حياتها على شوية خبرات متراكمه مش اكتر , إلا إن سيدنا النبي والخلفاء الراشدين كانو من أوائل الناس اللي بتؤمن بالتخصص , و لذلك كانو بيختارو خالد بن الوليد لقيادة الجيوش عشان خبرته العسكريه مش عشان هو الأتقى أو الأكثر حفظا لكتاب الله .
.
أخيرا بصفتي بني أدم مسلم , عايز أدعي ربنا دعوه من القلب , اللهم عليك بتجار الدين و تجار الجهل و المغيبين للعقول و الصيع و من على شاكلتهم , أما أعدائي فأنا كفيل بهم .
.....................................................................................................
Mohamed Hussein
· 28 ابريل 2019
إوعى التجربه المصريه تعضّك
.
في ظرف أربع خمس سنين
- عملنا 4 أنفاق تحت قناة السويس و جسور فوقها ( مدنيه - عسكريه ) و بننمى سينا بأكتر من 300 مليار جنيه ( مشاريع صناعيه و سكنيه و بنيه تحتيه ) .
.
- بدأنا في مشروع شامل لتطوير التعليم شغال عليه عالم متخصص عمل دراسه متكامله للمشروع استمرت سنتين ( مش جايبين واحد من قارعة الطريق ) .
.
- مشروع استصلاح و زراعة 1.5 مليون فدان في الصحرا .
.
- حلينا مشكلة الكهربا حل جذرى و بقى عندنا اكتفاء و زياده للتصدير , الحكايه دي كلفت اكتر من 300 مليار .
.
- إعادة تسليح الجيش المصري بأحدث الأسلحه التكنولوجيه , طيارات و غواصات و رادارات و منظومة دفاع جوي , و نوعنا مصادر التسليح عشان ماتكونشي رقبتنا تحت سكينة حد .
.
- عملنا شبكة طرق و كباري ماتعملتش في 50 سنه فاتو , كلفتنا أكتر من نص تريليون جنيه
.
- اكتشافات الغاز و البترول حققت الإكتفاء الذاتي و أوشكنا على تصدير الغاز و مصر تبقى مركز إقليمي لتصدير الغاز و لإعادة التصدير .
.
- عملنا مشاريع تنمويه و صناعيه بمئات المليارت و تم توزيعها على محافظات و أقاليم مصر من الشمال للجنوب للشرق للغرب ( يعني مفيش تنميه مركزيه ) .
.
- كل اللي فوق ده عملناه واحنا بنحارب إرهاب مدعوم من دول عظمى و دويلات و أكشاك و مصروف عليه مليارات الدولارات , ماحولناش اقتصاد البلد لاقتصاد حرب , بنينا بلدنا واحنا عندنا جبهات مفتوحه بطول 2200 كيلو مع ليبيا و السودان و بنأمنها من طرف واحد ( تكلفة الحرب و التأمين باهظه ) .
.
- كل اللي فوق عملناه واحنا بادئين باحتياطي نقدي 13 مليار دولار ( كانت مصر أوشكت على إعلان إفلاسها ) , النهارده الاحتياطي النقدي 45 مليار مع كامل التزامنا بتسديد أقساط الديون و مستحقات الشركات الأجنبيه .
.
- و أخيرا وليس اخرا , بعد حملة 100 مليون صحه و بعد علاج ملايين المصابين بفيروس سي بنتكلم النهارده في مشروع تأمين صحي متكامل بتكلفة 600 مليار جنيه و تدريب ل 300 طبيب على المشروع البريطاني للتأمين الصحي عشان نعمل زيه .
.
شوفتو بقى إحنا بقينا اضحوكة الامم إزاي ؟ عشان كده عايز أقول لكل أصدقائنا المعتصمين في السودان والثائرون في الجزائر و المناضلون في ليبيا و الحطابون في الجبال والبردانون في كازاخستان , اوعو تكررو بقى النموذج المصري ده , أنا نبهت عليكو اهو , خليكو انتو عايشين في الفخفخينا اللي عندكو , اوعى يابني انت وهو تكررو النموذج المصري و إلا هيحصل لكو زي اللي حصل لعبشكور .
........................................................................................................
Mohamed Hussein
29 ابريل 2019·
أردوغان يهدد الجيش الليبي بقيادة حفتر من التقدم في طرابلس ويقول أنه لن يسمح !! .
شوف يا أردغ يا حبيبي
.
- انت ممكن تشلح الجيش بتاعك و تقلعه ملط و تعمل انقلاب وهمي و تستخبى في حمام سيدات و بعدها تعتقل و تسجن و ترفد نص مليون مواطن تركي من قاضي لطبيب لاستاذ جامعه لظابط بحجة انهم على علاقه بفتح الله جولن أو بيحلقو شعرهم عند الحلاق اللي بيحلق لابن خالة فتح الله جولن .
.
- انت ممكن تسرح بهاليلك و خرفانك يتغنو بالاقتصاد التركي المتين وانكو طبعا مسلفين البنك الدولي , مع ان تويته من رئيس دوله تانيه بتخلي الليره التركيه تنام على بطنها , يا أخي انا اعرف الدول اقتصادها بيتأثر بوقف عجلة انتاج , بثورات , بزلازل و براكين , بسرقة مخزون الدهب عندها , بأوبئه , بحروب , أول مره أشوف اقتصاد يتهز و يرقص عشره بلدي بسبب تويته !! .
.
- انت ممكن تقول لخرفانك ان اقتصاد تركيا بيواجه مؤامره من المخلوقات الفضائيه و الاحتياطي النقدي بتاعك عمال ينزل و ديون تركيا وصلت ل 500 مليار دولار , اوعى تقول لهم المواطن التركي بيتولد مديون بكام , بيقولك فيه 20 مليار دولار في الاحتياطي النقدي اللي بتعلن عنه محدش عارف هما فين ولا بتوع ايه , خبراء الاقتصاد من كام يوم بيدورو عليهم, تعرفشي هما بتوع ايه يا أردغ ؟ .
.
- انت ممكن تحول جيشك لشوية مرتزقه و تبعتهم لقطر بنت الوسخه , عشان يحموها جنبا الى جنب مع القواعد الأمريكيه هناك والقوات الايرانيه , و يحمو الكشك القطري من ايه ؟ أكيد من هجمات السلطعون المتكرره .
.
- انت ممكن تعمل 40 ألف بيت دعاره وبيوت للشذوذ الجنسي يشتغل فيها نص مليون مواطن تركي ( بيعرقو ) و تاخد منهم ضرايب بس تيجي اخر النهار تعمل هديه بسكلته للطفل اللي بيروح يصلي الفجر , عموما لو عايز بسكلته جاهزه ممكن تاخد خالد ابو النجا او عمرو واكد أو اي عيل صايع من اللي فاتح لهم قنوات عندك .
.
- انت ممكن تستقفى واحد زي عمر البشير كان مجرد قفا و قطر تدفع له قرشين و تقوله هنعمل قاعده عسكريه عندك , بس عمر البشير بح , مدبولي مات
.
- انت ممكن تعمل اكبر شراكه اقتصاديه و عسكريه مع الكيان الصهيوني و في نفس الوقت تخدع خرفانك بكام شعار عن تحرير القدس(و أكيد هتحرر القدس بمساعدة قاعدة أنجرليك الأمريكيه !! ) , و تسرح الصيع بتوعك في حماس يعلقو صورتك , و لما تطبل على دماغهم و دماغ امهم تبعت لهم مركب عليها كرتونتين شاش و قطن و ميكروكروم , و صوري يا جزيره , يا سلام عالحنيه , يا سلام عالانسانيه .
.
- باختصار , انت ممكن تستمر في مسرحيتك الكوميديه , تخدع الشعب التركي باقتصاد وهمي , و تحول الجيش التركي لمرتزقه , و تبيع لخرفانك شعارات وفلايات , و تسرق بترول سوريا و العراق , لكن ليبيا و السودان ألف خط احمر , هنعمل فيهم اللي يحفظ لنا أمننا القومي , هنحفظ شعوبهم من خرفانك و بهاليلك و الإرهابيين اللي مسرحهم , هنحافظ على سيادتهم و وحدة أراضيهم و جيوشهم , بأي طريقه و بأي تمن , عشان دي دول حدوديه لمصر, مش عشان احنا دوله بتسرق بترول و غاز ولا عشان بنشغل جيشنا مرتزقه زي مابتعمل .
.
- نصيحه اخيره , ماتحاولش تقرب لحقول الغاز المصري في البحر المتوسط , عشان من كام شهر كده خرج من عندك شوية سفن حربيه و مارجعوش لحد دلوأتي , تعرفشي راحو فين ؟ عموما الغايب حجته معاه , تلاقيهم بيجببو طابع بوسته و راجعين .
.....................................................................................
Mohamed Hussein
29 ابريل 2019 ·
فسيخ و رنجه و سردين و أردبين بصل أخضر و مشنة عيش و بعدهم جردل مايه , تنميل في الأطراف , تُقل في الدماغ , زغلله خفيفه في العين , شعور بالإمتلاء , كرشة نفس , نشفان في الريق , خفقان في القلب , بطء في الحركه , تتنيحه متواصله مع توقف المخ و المخيخ عن العمل , عصيان مدني في المعده و الجهاز الهضمي , ألام عامه و متفرقه في الجسم مجهولة المصدر , طنين في الأذن , ضغط عالحجاب الحاجز أكتر من الضغط اللي هيحصل على دفاع الزمالك في ماتش العوده .
.
- يا عم احمد ربنا بقى مانت صوابع رجليك سليمه اهي و متأثرتش بحاجه , و لا انت بتخزي العين عنك ؟! .
.................................................................................................................
Mohamed Hussein
30 ابريل 2019 ·
عبد الفتاح السيسي عن مشاركة ملايين المصريين في الإستفتاء : انتو جبرتو خاطري و خاطر مصر .
.
الكلمتين دول عايز أبعتهم رساله لحبايبنا الحلوين الأمامير الناعمين زي الغُريبه اللي كانو بيروّجو قبل الإستفتاء إن فيه شوية اعضاء في البرلمان ( ريحتهم مش حلوه )عملو التعديلات دي من ورا السيسي و عايزين يلبسوه السلطانيه , و السيسي مايعرفش حاجه ولا دريان بحاجه , و عشان هو أمور في نفسه و كتكوت كده و بيحب السيسي و مش عايز حد يلبسه السلطانيه هينزل الإستفتاء و يقول ( لا ) يعني ( no ) بالإنجليزي , كأن البلد دي طابونه و السيسي بيحكمها من كهف في قلب الصحراء.
.
بص يا مولانا , مراتك هتيجي في يوم كده و تبعت لك رساله عالواتس تقولك هات لنا معاك وانت راجع اتنين كيلو بطاطس و بطيخه , تقوم انت تقرا الرساله و تشك في إدارة الواتس أب و أكيد هما بعتو الرساله دي من ورا مراتك , و عشان انت بقى بتحب مراتك و مش عايز حد يستكردها تقوم راجع البيت في ايدك حزمة جرجير و 7 كيلو توم و شريط انتوسيد , لأنك طبعا دماغك دي ألماظات و محدش هيلبسك السلطانيه , هات بوسه بقى .
...............................................................................................................
Mohamed Hussein
30ابريل 2019
الولايات المتحده الأمريكيه في إطار خطتها لمحاربة الإرهاب تعتزم إدراج جماعة الإخوان كمنظمه إرهابيه !! .
.
صلو بقى على سيدنا النبي , الأوضاع واللي حصل و اللي بيحصل مابقوش محتاجين خبير سياسي ولا محلل استراتيجي و طبعا مش محتاجين الصقور التي لا تنام ولا الفراخ التي لا تبيض , كل الحكايه انهم محتاجين بني ادم يعرف ان ربنا ميزه بالعقل و يكون بيشوف من الغربال عشان اللي مابيشوفش من الغربال يبقى أعمى .
..................
بص يا سيدي
1- قصة الإرهاب و الجماعات الإسلاميه المتطرفه مع اختلاف مسمياتها , و من غير لت كتير هي صنيعة المخابرات الأمريكيه البريطانيه, من أول جماعة الاخوان لا مؤاخذه المسلمين لحد باقي الجماعات و الحركات و الحبشتكانات .
.
2- ليه أمريكا وبريطانيا يصنعو جماعات من دي و يوفرو لهم الدعم و الغطاء السياسي و خلافه ؟ عشان يحاربو بيهم و يلوو دراع الشعوب و الحكومات و يخلقو بؤر توتر هنا و هناك و مصانع السلاح بتاعتهم تشتغل , عشان الحروب الحديثه بقت كلها حروب بالوكاله و الخواجه الأمريكي البريطاني في التكييف لابسه البدله و الكرافته و بيبيع لك أحلى شوية شعارات عن الحريه و حقوق الإنسان .
.
3- إمتى امريكا هتدرج جماعة الاخوان جماعه ارهابيه بس مش إدراج عالورق , ادراج في الواقع مع تعقب و مطارده ؟ مش هيحصل ولا بعد 500 سنه , الأم اللي خلفت و الأم اللي ربت مش بيفرطو في ابنهم بالساهل , لو حصل هيبقى عالورق مع لعبة جميله في المسميات و عشان كده بيخلقو لجماعة الاخوان خمسين فرع و خمسين اسم , و وقت مايدرجو يدرجو فرع من الأفرع الوهميه .
.
4- أغلب قيادات الاخوان معاهم جنسيات أمريكيه و بريطانيه , يعني صبيانهم و محاسيبهم و المنابر في أمريكا و بريطانيا بيسيطر عليها الاخوان بكل أشكالهم ( اخوان مصر و حماس و غيره ) بعلم و مباركة المخابرات في الدولتين , و الخطبه بتاعة الجمعه لو تلت ساعه بيبقى فيها ربع ساعه شتيمه في السيسي و في جيش مصر و بعدها أستغفر الله لي ولكم و أقم الصلاه .
.
5- التصريح الأمريكي ده بيطلع كل كام شهر , برضه للمساومه و الابتزاز ( أو للتودد لمصر و السعوديه ) و كأن عبد الفتاح السيسي داقق عصافير على دراعه , بس الحقيقه انه مش داقق عصافير ولا حاجه و عارف إن أمريكا بنت وسخه ولازم يشيد بالعلاقات الثنائيه التاريخيه بين البلدين ( أصول السياسه كده ) .
.
6- مفيش فرق بين ترامب و أوباما والعفريت الأزرق , و أمريكا مفهاش ديموقراطيه بالمفهوم المطلق اللي في دماغ المخابيل عندنا, ولا فيها صقور وحمام و حدايه دكر , كل الحكايه توزيع أدوار , و الرئيس مش بييجي يحكم من دماغ أهله , امريكا بيحكمها خطط طويلة الأجل وبتديرها أجهزه سياديه , و الرئيس اللي بييجي مجرد منفذ سياسات , يعني زكي قدره , ترامب بيلم التعابين ورا أوباما , و الإقتصاد والفلوس لهم اليد العليا في كل حاجه .
.
7- افتكاسة إدراج جماعة الإخوان كجماعه ارهابيه عامله بالظبط زي قانون جاستا اللي عاملاه أمريكا لابتزاز السعوديه كل مايتزنقو في قرشين , نسيت أقول لكو كمان مفيش حاجه اسمها فصل سلطات في المطلق كده زي مالمخابيل عندنا فاهمين برضه , قانون جاستا بدأ بحكم قضائي في أمريكا ( السلطه القضائيه ) و محتفظ بيه البرلمان الأمريكي في أدراجه ( السلطه التشريعيه ) و بيطلع من الدرج لما الحكومه و الرئيس يحتاجو شوية فلوس ( السلطه التنفيذيه ) , 3 أضلاع لنفس المثلث .
16 ابريل 2019
شوف يابني , كلمتين أبرك من عشره , عبد الفتاح السيسي مسك حكم مصر في 2014 , لو اتمررت التعديلات الدستوريه هيكمل بصفه استثنائيه ل 2030 , الفتره التالته هتكون له هو بس عشان ظروف المرحله و الشألباظات اللي بتحصل في كوكب الأرض , و اجمالا يعني لحد أخر يوم في حكمه ( ربنا يطول في عمره ) هيكون حكم مصر أول عن أخر 16 سنه !! .
.
و عشان انت حد مثقف و سابقنا بمليون فدان و ماتعرفش الألف من كوز الدره فعايز أقولك , الفتره دي ( 16 سنه بحد أقصى ) هتكون أقل بكتير من فترة حكم أردوغان لتركيا , و أقل من فترة حكم نتنياهو لاسرائيل و أقل من فترة حكم بوتين لروسيا و أقل من فترة حكم ميركل لألمانيا , الدول اللي فاتت نماذج بتتغنى معاليك بديموقراطيتها و انت نايم على بطنك عالسرير .
.
طب بعد سنة 2030 هنعمل ايه ؟ لو كان ليا عمر و للسيسي عمر هقوله كفايه , ليه كفايه ؟ هو مش زعيم مصري وطني مخلص لبلده ؟ أه طبعا , طب ليه كفايه ؟ عشان ستاشر سنه حكم و في أصعب مرحله في تاريخ مصر الحديث هي فتره كفيله بإنها تهد أي بني أدم صحيا و جسديا و نفسيا , وقدرته على ممارسة مهامة الوظيفيه هتقل و تنزل لأدنى مستوياتها , و بالتالي لو كمل هيبقى مجرد منظر و هتظهر جنبه حاشيه تدير البلاد و تخربها زي ماحصل مع مبارك في أخر سنينه .
.
و ليه كفايه برضه ؟ عشان الفتره الجايه كافيه إن الدوله المصريه تكون أكملت بناء و تجهيز مؤسساتها السياديه بشكل نموذجي يخلينا مانقلقش على مصر من إسم أي رئيس و فتره كافيه إنه يكون اتجهز بديلين و تلاته للسيسي بمواصفات مصريه خالصه , و طبعا الشعب هو اللي بيختار و جايز ربنا يكرمنا و يظهر جيل من المعارضه المصريه الوطنيه تشكّل أحزاب حقيقيه و تفهم كويس إن السياسه بتتلعب في الشارع و في صناديق الإنتخابات , مش بالهبد على تويتر ولا ترديد إشاعات ولا تشويه لدوله و جيش ولا لقاءات على البي بي سي ( اللي بتملكها المخابرات البريطانيه )
.
لا لا احنا مش عايزين فكرة تجهيز و إعداد بدائل و كوادر حتى لو ماظهرتش أحزاب سياسيه حقيقيه , احنا عايزين نجيب رئيس من قارعة الطريق و يبقى زي البطيخه كده تطلع حمره أو قارعه أو مليانه بذر , يطلع خروف أو شمام كوله قد الدنيا مش مهم , لا يا ضنايا الكلام ده ينفع تعمله عالقهوه و تهبده على تويتر و تدندن بيه وانت بتستحمى و تقوله في خطبه عصماء في حضور لفيف من أصحابك الصيع , لكن مابينفعش في حكم الأوطان اللي عايزه تبقى كبيره و مستقره , مستقبل الأوطان مش بطيخه بتشتريها يا صابت يا خابت , لو مش فاهم كده لازم تروح تتعلم من أول ألف باء و تمحو أميتك السياسيه عشان أعتبرك بني ادم عاقل بدرجة مواطن .
........................................................................................................
Mohamed Hussein
16 ابريل 2019·
شكراً , روح لأمك
...........................
...........................
وانت يا حبيبي بتحب السيسي و تثق فيه ؟
- أيوه طبعا
.
أومال رافض التعديلات الدستوريه ليه ؟
- أصل دي توريطه من البرلمان للسيسي , البرلمان عايز يورطه , و السيسي مايعرفش حاجه عن الموضوع ده
.
ممممممممم شكرا يا ضنايا , روح لأمك
....................................
وانتي يا أبله بتحبي السيسي و تثقي فيه ؟
- أيوه أكيد
.
أومال رافضه التعديلات الدستوريه ليه ؟
- أصل التعديلات دي هتشجع على الفساد
.
تشجع عالفساد ؟ المواد اللي هتتعدل بتقول هنشجع عالفساد ؟
- بصراحة لا , مش عارفه , بس البؤ ده قريته و عجبني
.
طب شكرا يا كتكوته , روحي لأمك
.......................................
و الأستاذ اللي ورا انت بتحب الريس و بتثق فيه ؟
- أيوه أومال ايه
.
طب رافض التعديلات الدستوريه ليه ؟
- أصل انا حاسس اااا
.
بسسسسسس , والله مانت مكمل , طالما قلت حاسس يبقى انا عرفتك , انت حساس الجيل , ألف شكر , روح لأمك .
.........................................
وانتي يا خالتي ياللي هناك بتحبي السيسي و تثقي فيه ؟
- أيوه أكيد طبعا
.
أومال رافضه التعديلات الدستوريه ليه ؟
- اصل فيه واحد شرح المواد اللي هتتعدل و اقتنعت بشرحه و عشان كده رفضت
.
مممممممم ده أكيد بيشتغل فقيه دستوري وبيشرح بضمير و علم و كده ؟
- لا حضرتك بيشتغل محاسب في التوحيد والنور .
.
طب متشكرين خالص , روحي لأمك .
..............................................................................................................
Mohamed Hussein
16 ابريل 2019 ·
لو سمحت لو سمحت , أيوه حضرتك , ممكن يعني فضلا وليس أمراً , ممكن لو فيها رزاله مني .
.
ممكن سيادتك تعرف ان التعديلات الدستوريه دي بتتعرض في النهايه عالشعب يقبلها أو يرفضها , يعني الكوره في ملعبنا و في حجرنا ؟ و ممكن تعرف ان التعديلات مش بتجبر السيسي عالترشح لفتره تالته و ممكن مايترشحش عادي , و انه حتى لما يترشح فنجاحه من عدمه برضه في إيد الشعب ؟
.
ممكن معاليك تقتنع بفكرة نعم أو فكرة لا , بس من غير هبد و أفوره ؟
.
يعني ممكن جنابك مثلا مثلا يعني , تروج على صفحتك لرفض التعديلات بس على أسس اسمها العقل و المنطق ؟ يعني معاليك تنشر المواد المطلوب تعديلها مع شرح مبسط لها من ناس مختصين ( مش عربجيه ) و تقول أنا هرفض الماده الفلانيه و الفلانيه عشان كذا ؟ مش عشان اللي كتبهم شكله مش عاجبني ولا عشان سواق التاكسي اللي بيوصله مش بيغسل سنانه بسيجنال 2 ؟
.
لو سمحت , ممكن معاليك ترفض التعديلات الدستوريه على قاعدة و مبدأ انها دستوريه فعلا ؟ يعني مش متعارضه مع مفاهيم الديمقراطيه ولا فيها خروج عن الدستور لأن الدستور بيسمح بتعديل نفسه ؟ يعني ممكن ترفض من غير ما تهبد ؟
.
لو سمحت , ممكن تعرف ان التعديلات دي اتعمل زيها في دول تانيه ( ديموقراطيه عريقه ) و في أوقات مختلفه و إننا مش بنخترع الذره ولا حاجه , و ممكن تقر بكده حتى لو هترفض التعديلات ؟ .
.
لو سمحت , ممكن سيادتك تعرف و تعترف إن اللي هيقولو نعم لا بيصنعو ديكتاتور ولا بيصنعو فرعون ولا بيصنعو بيتزا , كل الحكايه انهم حاسين بس بخطورة المرحله دي و مش عايزين بلدهم تبقى على المحك أو على شفا حفره ؟.
.
لو سمحت , ممكن تقرا الكلمتين اللي فوق زي ماهما و لو شايف فيهم غلط تشاور لي عليه , غلط في الكلمتين مش في صاحبهم , يعني ماتقولش أصل محمد ده بيأيد السيسي يبقى بيكتب غلط , اصله زملكاوي فانا مش هسمع كلامه , أصله كان بيسرح بالغنم وهو صغير و بيمشي حافي , اصله بيحب الجوافه و محدش بيحبها غيره ؟.
.
لو سمحتو يا بني أدمين , ممكن باختصار تبقو بني أدمين ؟! .
........................................................................................................
Mohamed Hussein
17 ابريل 2019 ·
الجزيره ( القطريه ) و طارق سويدان ( الكويتي ) و البي بي سي ( البريطانيه ) و ال سي ان ان ( الأمريكيه ) , و مكملين ( التركيه ) و الكيزان ( السودانيه ) و الحاجه أم نتاشا ( البرازيليه ) و الحطابون في الجبال و البردانون في كازاخستان , كل هؤلاء يقولون لا لتعديل الدستور ( المصري ) !!.
.
طب نستأذن الساده الأفاضل ولاد الوسخه اللي فوق إننا كمصريين يعني ننزل نقول نعم لتعديل الدستور المصري اللي هو بتاعنا ؟! وشنا منكو في الأرض والله , و مش عارفين بأي حق هننزل كمصريين نصوت على تعديل دستور مصري !!, يالله احنا هنروح من ربنا فين , ده طبعا بعد إذن جناب معالي قدس أمكو جميعا .
.................................................................................................
Mohamed Hussein
17 ابريل 2019 ·
للهبدجيه و الصيع و تجار الشعارات و الروبابيكيا
.
في 2017 كان أردوغان بيحكم تركيا من 14 سنه و نظام الحكم برلماني , اتعمل تعديل للدستور التركي و اتغير نظام الحكم لرئاسي عشان يرضي غرور أردوغان و بموجب التعديل هيكمل في حكم تركيا لحد 2029 , يعني هيبقى حكم فعليا 26 سنه !! , طبعا وقتها الميديا العالميه و الرأي العام الدولي ماتقلبوش على تركيا و لو سألتهم هيقولو ( شئون داخليه ) ,على اعتبار ان اللي عندنا ( شئون طلبه ) !!.
.
بنيامين نتنياهو بيحكم اسرائيل من يوم ماوعينا عالدنيا , و زيه ميركل في ألمانيا و بوتين في روسيا , وفي الصين تعديل دستوري يسمح للرئيس بالحكم مدى الحياه طالما الشعب بينتخبه .
.
الدول السابق ذكرها بيعتبرها الهبدجيه عندنا نموذج يحتذى بيه في الديموقراطيه العريقه الطويله العريضه اللي بتمشي عالحيط , و لما احنا ناخد اجراء مماثل في ظروف منطقه مايعلم بيها إلا ربنا نبقى فاشيه و ديكتاتوريه و صناعة فرعون و صناعة بيتزا , و تسمع جمل بنت كلب حمضانه من نوعية , هما ال 100 مليون مافهمش واحد تاني ينفع ؟ ( ده على اساس اننا حقل تجارب ؟) , طب هما مئات الملايين في تركيا و اسرائيل و ألمانيا و روسيا مكانش فيهم واحد تاني ينفع ؟ يا شوية بقر ؟ .
.
و أخيرا للهبدجيه برضه , عبد الفتاح السيسي مابيحكمش مصر من كهف في جبل , والبرلمان بتاعنا مش ماشي على حل شعره , يعني أعضاء البرلمان ماقعدوش في ساعة عصاري و عملو كام ماده كده للتعديل , لا يا مولانا الهبدجي , كل المواد المطلوب تعديلها راحت في الأول لجهة الإختصاص زي الجيش و القضاء , و كل المواد و كل البنود و كل كلمه و كل حرف لازم تعدّي على مؤسسة الرئاسه و على رئيس الجمهوريه وعالمؤسسات السياديه و تتراجع بالحرف ولازم موافقة الرئيس على عرض التعديلات المقترحه للإستفتاء , سيادتك في دوله مش في جُرْن الهبله , و الحكايه مش أكشاك سجاير كل كشك بيعمل اللي في مزاج أهله
..........................................................................................................
Mohamed Hussein
18 ابريل 2019 ·
معركتنا الأهم , ولا عزاء للمغفلين
.
محمد ناصر عامل مناحه على تعديل الدستور المصري في قنوات الخرفان و ناقص يجيب تراب يحطه على دماغه , هو الحقيقه ساب كل المواد بما فيها الماده بتاعة مدة رئيس الجمهوريه , و ركز في المادة 200 بتاعة القوات المسلحه , انا طبعا عاذره و عاذر أسياده اللي مشغلينه لأن الماده دي بتوجع أوي , أنا عارف والله .
.
طبعا الخروف لما حب يركب الحمار زي مابيركبه كل مره , قاله الماده دي يا حمار هتخلي اي رئيس جاي مجرد موظف عند القوات المسلحه و مش من حقه يقرب من الدستور ولا من حقه يعمل أي حاجه , و طبعا الحمار بيتركب كالعاده.
والحقيقه لما حضرتك تقرا الماده كبني أدم عاقل مش خروف ولا حمار , هتلاقي التالي
....................
صون الدستور مش معناها إن أي رئيس قادم مش هيقدر يقرب منه , اللي من حقه يعمل التعديلات الدستوريه هو البرلمان , و رئيس الدوله بيعرض التعديل للشعب للاستفتاء عليها , هنا القوات المسلحه لازم توافق , طب هي هترفض امتى ؟ هترفض عند الكلمه اللي موجوده في نفس الماده المعدله , اللي هي ايه ؟ مدنية الدوله يا محترم , و دي الحقنه اللي واجعه الخرفان عشان بتعني باختصار نهايتهم للأبد
.
يعني إيه مدنية الدوله ؟ يعني لا أحزاب على أساس ديني و لا تنظيمات و لا جماعه تتشكل بإسم الدين ولا رئيس أيا مايكون اسمه من حقه يلعب في مفهوم مدنية الدوله دي , يعني ماتشوفشي في يوم من الأيام رئيس يقول ( لبيك يا سوريا ) ولا هتشوف عناصر من حماس شايلين السلاح في مكتب الإرشاد في مصر ( عشان أصلا مش هيبقى فيه مكتب ارشاد )
.
طب مين هيحمي مدنية الدوله ؟ الجيش يافندم , أيا مايكون شكل ولون و هوية الرئيس ؟ أيوه بالظبط , طب دي يبقى اسمها ايه ؟ اسمها لوحة النهايه للتنظيم الإرهابي في مصر , اسمها ضربة بالمرزبه ولا 100 بالشاكوش .
.
طب ليه الجيش يحمي مدنية الدوله ؟ السؤال ده مهم جدا , وبيمثل الفرق بين الحلم و الواقع , الحلم بيقول اننا مش محتاجين جيش يحمي المدنية لان الدستور نفسه اللي بيحميها , إنما الواقع بيقول لأ محتاجين, بعد سبعين تمانين سنه من الفكر الوهابي و الإخواني , بعد ما عقول ملايين من البسطاء ( و من الطبقه الراقيه ) اتملو سباخ , الحكايه دي محتاجه مده زمنيه مماثله عشان العقول تنضف , و وقتها هتكون مادة حماية مدنية الدوله مركونه عالرف ملهاش لازمه , زي النيش بتاع العروسه .
.
طب ليه الجيش برضه حريص على حماية مدنية الدوله ؟ لأنه في نفس الوقت هو اللي بيشيل الليله سعادتك , مئات و ألاف الجنود, و تكلفه مليارات , عشان حضرتك في يوم من الأيام سمحت بتكوين احزاب و جماعات متطرفه و لما طبلت على دماغك قلت إلحقنا يا جيش ,طب أهو الجيش بعد إذن معاليك عايز يلحقك من الأول .
.
نقطة أخيره في نفس الماده , هي حماية الديموقراطيه معناها إن الجيش هيمنع المظاهرات و الثورات ؟ لا يا محترم , لأنه ببساطه المظاهرات و الثورات في حد ذاتها خيار ديموقراطي ( زي ما بيحصل في فرنسا حاليا وهي بلد ديموقراطيه ) , و لأنه الديموقراطيه و الدستور بيعنو صوت الشعب, هو اللي بيكتبهم و بيوافق عليهم , و بالتالي مفيش حاجه في الدنيا أعلى من (المكتوب ) إلا (الكاتب ) , يعني مفيش حاجه فوق الدستور والديموقراطيه إلا الشعب نفسه.
......................................................................................................
Mohamed Hussein
18 ابريل 2019 ·
للأجيال اللي جايه , للأطفال و حديثي الولاده و المبتسرين , للأجنه في بطون امهاتهم , لو سمحتو , من فضلكو , احفظو شكل أحمد طنطاوي و إسمه , احفظوه أوي , عشان بعد 40 سنه هيقرفكو في عيشتكو و يطلع لكو في كل مؤتمر و ينزل لكو من كل حنفيه و هتبقى كل إنجازاته في الحياه إنه وقف في البرلمان في 2019 و قال مابحبش السيسي ولا بثق فيه , غالبا وقتها هتلاقو عنده سشوار و 7 ألاف جنيه في البنك .
..............................................................................................................
Mohamed Hussein
18 ابريل 2019 ·
للأسف ماشوفتش بداية مباراة الأهلي و بيراميدز , ماشوفتش لحظة السلام الوطني , ماشوفتش جماهير الأهلي ( العريقه ) و هي بتصفر وقت السلام الوطني و تغني و تسب السيسي و الجيش ( المصري ) و غيرهم , الحمد لله اني ماشوفتش ولا سمعت .
.
عايز أقول بس كلمتين , ممتنع عن الفرحه و الإحتفال بخسارة الأهلي و فوز الزمالك النهارده , ملعون أبو الدوري كله , و ملعون أبو اي حد مايحترمش السلام الوطني لبلده و يسب جيشها , سواء كان أهلاوي أو زملكاوي , و ملعون أبو أي حد في الأصدقاء يكون مرحب بكده أو شايفها حركه جريئه أو مالعنش جدود أبو اللي عمل كده في المدرجات , أيوه انت يا مولانا أيا مايكون إسمك , ملعون أبوك ألف مره .
.
وللكابتن محمود الخطيب بلدياتي اللي بحبه جدا من أيام ماكان لاعب كوره واللي بعتبره أسطورة الكوره المصريه في القرن العشرين , عايز أقوله , لو مش عارف تدير نادي , لو هتسيب المدرجات لألتراس خيرت الشاطر , لو السلام الوطني مش فارق معاك , يبقى احترم تاريخك العريق و أقعد في بيتكو .
...........................................................................................................
Mohamed Hussein
19 ابريل 2019 ·
من إمتى البوس بيجيب عيال ؟
.
بعد 8 سنين من الهري و الهبد و الهاشتاجات و الشألباظات لسه الخرفان و ألاضيشهم لحد النهارده بيعملو استفتاءات عالفيس بوك و تويتر قبل كل استحقاق إنتخابي , و كل واحد يدخل بعشرين تلاتين أكاونت و يجيب معاه العماني و السوداني و التنزاني و البصراوي و الغزاوي واللي من سكان طربييل , اللمه دي لمة مخابيل
.
طب ايه رأيكو و احنا قاعدين فاضيين كده في ساعة عصاري نعمل استفتاء فيسبوكي على رئاسة مصر 2024 , أنا شخصيا هرشح الفنانه نرمين الفقي لرئاسة الجمهوريه , و سمية الخشاب في منصب نائب الرئيس ( عشان في حالة خلو منصب الرئيس لأي سبب ) , و الكابتن فرجاني ساسي لتشكيل الوزاره , انت عارف حضرتك لما تقوم من النوم الصبح تلاقي نفسك بتصطبح بالوجه الملائكي لنرمين الفقي في لقاء تليفزيوني و هي بتكلمنا و تحكي لنا عن مشاكلنا ؟ أقسم بالله هنحب مشاكلنا وقتها و هنقبل برفع الدعم وزيادة الأسعار و التعويم و أي مواطن هيعترض هقوله إخرس يا كافر يا عدو الله .
..........................................................................................................
Mohamed Hussein
19 ابريل 2019 ·
ترامب بيتصل بحفتر و يتطمن على مكافحته للإرهاب و تأمينه لأبار النفط !! , وقبلها أمريكا و روسيا رفضو قرارين من مجلس الأمن ضد زخف حفتر على طرابلس
...........................
الحكايه أهي ببساطه ( و من وجهة نظري الشخصيه )
.
- مصر على مدار سنين ماتخلتش عن الملف الليبي تحت كل الضغوطات الدوليه , و من يوم ماكان حفتر معاه 20 جندي و هي بتدعمه لتكوين جيش ليبي وطني يطهر ليبيا من ميليشيات الإرهابيين و المرتزقه ( ليبيا كان بيلعب جوه أراضيها جيوش و أجهزة مخابرات من عشرين تلاتين دوله ) .
.
- أردوغان حاول بكل الطرق يبعت سفن أسلحه للإرهابيين و لحكومة الوفاق اللي معينها , و ابن موزه رمى في ليبيا فلوس ملهاش أول من أخر على امل .
.
- راح أوباما و جه ترامب , ترامب دوره إنه ( بيلم التعابين بتاعة أوباما ) ,خلاص التعابين عملت اللي عليها و أسقطت جيوش و هزت دول , و مصر في كل الأحوال وقفت على رجليها و ليبيا بالنسبالنا خط أحمر , حتى لو كوكب الأرض عمل شألباظات قدامنا ( بالمناسبه موضوع ريجيني كان غرضه لوي دراعنا في ملف ليبيا )
.
- السيسي استعاد السعوديه و الإمارات و قال لهم عدوكو أهو , بالورقه و القلم و الدليل و البرهان , و معركتنا واحده , بلاش عيل برياله يسرح بيكو , جت السعوديه و الإمارات و عملنا التحالف العربي .
.
- السيسي زار ترامب من كام يوم و رجع , الزياره في اعتقادي كان هدفها الرئيسي الملف الليبي , ترامب في اللحظه دي عارف ان الحدوته خلصانه و إن افتكاسة الإرهاب بقت مكشوفه للكل , و مش هيفضل له حاليا في ملف ليبيا غير شوية عقود للنفط , هنا السيسي بيبقى الضمانه .
.
- رجع السيسي من أمريكا و حفتر جه زار مصر والسيسي قاله دوس و حرر بلدك عشان نقفل الصفحه دي ونركز في حاجات تانيه ورانا .
.
- باختصار ممكن نقول إن شعار المرحله الحاليه ( اللي عايزاه مصر في المنطقه هو اللي هيكون ) و باقي لنا مطب واحد اسمه التعديل الدستوري اللي اهم بنوده إن السيسي يحكم مصر ل 2030 ( استقرار سياسي و اقتصادي و أمني ) و إن الجيش بيحمي مدنية الدوله ( باي باي جماعات ارهابيه ) , بعد المطب ده هتتنقل مصر لمرحلة بشعار جديد اسمه ( اللي كسر كوبايه هيدفع تمنها ) , من مرحلة الدفاع لمرحلة الهجوم , يعني بلغة الكوره احنا بنلعب دفاع منطقه من 6 سنين عشان نحافظ على نظافة شباكنا , هنهاجم بقى ونجيب أجوان على قد ما نقدر , و ربنا وحده اللي يعلم الفوره هتبقى من كام .
.
#إوعى_التجربه_المصريه_تعضك
.................................................................................................
Mohamed Hussein
19 ابريل 2019 ·
باختصار برضه و رأيي الشخصي بعيد عن الهجص و الشعارات العبيطه
.
واحده من أكبر مساوئ مبارك على الإطلاق إنه ساب دول الجوار من غير تواجد مصري جواها , فلما طبّلت في ليبيا و لما السودان حكمها نظام اخوانجي ضاني دفعنا فاتوره كبيره أوي في تأمين حدود بطول ألفين كيلو و بقينا في موقف المدافع و اللي بيطبطب واللي بيحاول يلم الليله بس مش عارف إزاي .
.
السنين اللي فاتت تحديدا بيقولو إن ده خطأ كارثي , لأن فاتورة تأمين حدود بالشكل ده و الطبطبه على أي نظام بالشكل ده بتبقى مرهقه لأي دوله , مئات و ألاف الشهداء , و مليارات تتصرف على عمليات لتأمين الحدود , و وصلنا في وقت إن نهر النيل اللي هو عصب الحياه بالنسبالنا كان عالمحك بسبب واحد خاين بيتلعب بيه بشوية دولارات .
.
عايز أقول بعيد عن الهجايص و الشعارات المعلبه , وجود الدوله المصريه داخل ليبيا و السودان مهم جدا , بشكل مباشر و غير مباشر , و هنا مابقصدش احتلال ولا انتقاص سياده ولا حكومات عميله ولا الهجايص دي , بالعكس احنا عمرنا ماكنا دوله معتديه ولا دوله محتله لغيرها و لا دوله بتحمل أي شر لأشقائها في الدول التانيه , عمر ما إيدينا اتمدت إلا بالخير دايما
.
إنما الدول يا مولانا عامله زي البيوت اللي لازقه في بعضها بالظبط , لو جيرانك بيوتهم مالت هتوقّع بيتك أو تهزه عالأقل , وجودك هنا بيوفر لجارك كل الدعم اللي بيحتاجه وقت الطوارئ في سبيل ان بيته ده مايميلش ولا يقع , و الفايده بتبقى مشتركه , إنقاذ لبيوت و شعوب الأشقاء و حماية لبيتك من أي خطر حتى لو كان خطر غير مقصود أو غير متعمد .
.
بالمناسبه , عشرات المليارات اللي دفعها الشاذ القطري في ليبيا و السودان , و شحنات الأسلحه اللي بعتها خليفة الشواذ التركي لليبيا و قاعدة سواكن مكانشي مقصود بيهم ليبيا ولا السودان , انت اللي كنت مقصود و مستهدف , و بيشتغلو بنفس النظريه , نخلي البيت ده يميل شويه و البيت ده يميل شويه يمكن البيت الكبير يقع !!, ممكن تسميها الكماشه اللي حاولو أهل الشر وصبيانهم في المنطقه يعملوها علينا , نفس الشئ على فكره في قطاع غزه الحدودي برضه و في حكم حركة حماس للقطاع , ولا انت متخيل ان حماس حكمت قطاع غزه و عملت عشرات الأنفاق مع مصر عشان تحرر القدس اللي هي في الناحيه التانيه ؟! .
............................................................................................................
Mohamed Hussein
20 ابريل 2019·
و بعد سنين يا مؤمن يروح نفس الصياد يرمي الشبك و يصطاد سمكه كبيره أوي و شكلها سبحان الخالق ,ايه قولك بقى إنه لما فتح بطن السمكه ملقاش الخاتم اللي كان ضاع من مراته في المايه, بس لقى ورقه مكتوب فيها ( نعم للتعديلات الدستوريه ).
..............................................................................................
Mohamed Hussein
20 ابريل 2019 ·
أصدقائي الأفاضل .
.
إنزل و شارك واقف في الطابور و قول رأيك ب ( نعم أو لا ) و غطس صباعك في الحبر الفسفوري , ده حقك عالبلد و حق البلد عليك , أي تجاوز تشوفه قدام اللجنه بلغ عنه الجهه المختصه بمراقبة الإنتخابات من غير بروباجاندا ولا تعميم , بس اتأكد الأول انك فاهم صح , و بعد انتهاء الاستفتاء نقعد بقى و يبقى لنا كلام تاني كتير , كلام يخصنا احنا معشر الفيسبوكيين المؤيدين للدوله و المدركين لطبيعة المرحله دي , مش عاجبنا شكل الحزب الفلاني ولا العلاني , ولا عاجبنا السحنه و المنظر ولا عاجبنا التصرف و اللي واللي واللي , بس الحياه السياسيه لازم تستمر بينا أو من غيرنا , و العمليه الديموقراطيه لازم تكتمل حتى لو ( شكلا ) .
.
يبقى الحل ايه ؟ الحل بعد تفكير طويل و من فتره بيقول التالي :
قاعدتنا عالشط و إننا نعدّل على غيرنا في طريقة العوم مش صح , بنكتب عالفيس و ننظر و نشرح و نقول و نهاتي و سايبين الشارع لأشكال معينه محفوظه و معلبه و عقول عفى عليا الزمن و أكل على ضهرها الزمان و شرب , الحل لو احنا شايفين اننا صح وإننا ( سحنات ) تستحق التواجد يبقى نتواجد , ننزل للشارع و نعمل حزب يليق بإسم مصر , و ندعم السيسي في الصح و نعارضه في الغلط , و ندخل برلمان و محليات حتى لو بنسب بسيطه , إسمها عملية الإحلال , كرسي انت شايفه مش نضيف وشايف نفسك نضيف إقعد عليه بدل غيرك ( بدل ماتقعد تولول عالفيس ), الموضوع طبعا كبير جدا و محتاج إداره و تمويل مناسب , انا شخصيا مليش في الحياه الحزبيه و الانتخابات بس ممكن أشارك و يكون ليا دور ولو بسيط .
................................................................................................................
Mohamed Hussein
20 ابريل 2019 ·
عملنا شوية بلوكات حلوين أوي يا حسن , موسم بقى كل سنه وانت طيب , لا نشرح إيه بس ونشرح لمين ؟ ماحنا بقالنا سنين بنشرح , عارف يا حسن , كان عندنا حماره بيضا وانا صغير جايبينها جديد , بعد مرتين بالظبط عرفت الطريق من البيت للغيط لوحدها و مابقتش تتوه فيه , الحمير يا حسن حتى الحمير مابيحتاجوش شرح أكتر من مرتين .
Mohamed Hussein
21 ابريل 2019 ·
هبدة الإقتصاد و قصة عنب ديبو عند الهريجيه والشمامين , نقول تاني و عاشر وبهدوء شديد , بص يا مولانا
............................
لما كنت في السعوديه من خمس ست سنين كان لتر البنزين 95 ب 60 هلله , السعوديه بدأت تحرك أسعار الوقود الفتره اللي فاتت , لحد ماوصل نفس لتر البنزين ل 2.1 ريال , يعني زياده بنسبة 350 % , نسيت أقول لكو ان السعوديه أكبر منتج و مصدر للنفط في العالم و عندها احتياطي نقدي يتجاوز ال 500 مليار دولار !! و نسيت أقول لكو برضه ان السعوديه لا حصل فيها ثورات و لا توقف عجلة انتاج ولا كانت مضطره لاصلاحات اقتصاديه ولا لغيره .
.............................
مش عارف أجيبهالكو ازاي كمان , الدولار في 2005 كان بيساوي 1.3 ليره تركيه , والنهارده ب 5.8 ب , الزياده 450 % , برضه تركيا لا حصل فيها ثورات ولا ربيع عربي ولا خراب ولا تحالفت الدول ضدها ولا بتحارب ارهاب , بالعكس هي جزء من المؤامره و جزء من التواطئ و جزء من الإرهاب ( و طبعا مسلفه البنك الدولي زي مانتو عارفين ) , و النهارده تركيا بتحتل المركز الرابع في مؤشر البؤس العالمي بعد فنزويلا و الأرجنتين و جنوب أفريقيا ( أه و الله مؤشر البؤس مش مؤشر الفخفخينا )
............................
في نفس الفتره الزمنيه دي زاد الدولار قدام الجنيه المصري من 5.75 سنة 2005 ل 17 وشويه , الزياده تساوي 300 % , ده بعد ماكان الدولار سعره مدعم و سعر وهمي مش حقيقي , و بعد ثورات و خراب و ربيع و هباب , وبعد اضطرارنا للتعويم وبعد حرب متواصله على الإرهاب و بعد ما تجاوزنا حاجز ال 100 مليون نسمه و بعد ماعجلة الإنتاج توقفت تماما و السياحه انضربت لمدة 3 سنين .
.........................
تاخدو التقيله ؟ الدولار سنة 90 كان ب 20 جنيه سوداني , زاد سنة 2000 ل 2570 ج ( والله الرقم مكتوب صح ) , في 2019 وصل الدولار ل 75000 جنيه سوداني ( اه وعهد الله 75 ألف بس بيقولوها 75 بس عشان البشير عمل تعدير للعمله و خلّى ال 1000 = 1 ) .
..........................
نسيت أقول لكو كمان , تركيا و السودان نموذج لأنظمة الحكم الخرفاني الضاني اللذيذه , تجار الدين , بتوع أنهار العسل و براميل القشطه , معاهم نموذج تالت اسمه حركة حماس , تحبو أقول لكو حركة حماس عملت ايه في اقتصاد قطاع غزه من 2006 ل النهارده ؟ ولا بلاش , عشان عيب و فيه ستات قاعدين .
........................
لما تجيب جحش بقى و تقوله الوضع الإقليمي مشتعل و فيه أزمه اقتصاديه عالميه و جيوش بتقع و بلاد بتختفي من عالخريطه و دول بتتقسم و كله واصل ببعضه , السياسه والإقتصاد و التسليح و مصادر الطاقه و الحروب و الاتفاقات الدوليه كلهم شابكين في بعض يفتح بؤه ويتنح و بعدها يقعد على تويتر يهبد , طيب يابني ماتزعلش خالص , المنطقه زي الفل و مش ناقصها غير اكلة سمك .
................................................................................................................
Mohamed Hussein
21 ابريل 2019 ·
قواعد و بروتوكولات الفيس بوك الأربعون
قاعدة رقم 17 ( قبول طلبات الصداقه )
.
إزاي احنا معشر الرجاله بنقبل طلبات الصداقه اللي بتجيلنا و إيه المعايير و الأسس و التقييمات و الإختبارات و الستاتستكس اللي بنقبل أو بنرفض بناءً عليها ؟ شوف يا مولانا , دايما فيه احتمالين مالهمش تالت
...................
1- لو اللي بعت طلب الصداقه راجل زي حالاتنا ؟ اوك استنى بقى :
- نشوف صفحته و دماغه من أيام فحت البحر؟مش عاجبانا توجهاته دي , رفض .
- الواد ده ماله متصور بتناكه كده ؟ لا رفض طبعا .
- مش كاتب تاريخ ميلاده و هواياته ليه ؟ رفض .
- اسم ابوه عبد المتجلي ؟ هو لسه في حد في الدنيا اسمه عبد المتجلي ؟ رفض
- له بوست من 17 سنه مكانشي واضح هويته فيه ؟ رفض
- بيشجع الأهلي وانا زملكاوي , مش هنرتاح سوا اكيد , رفض
- تسريحة شعره مش عاجباني , ولابس أقميص ازرق ليه ؟ رفض.
- كاتب انه بيحب الرنجه , هيزفر الصفحه و يقرفنا , رفض
- بينا 2451 صديق مشترك بس؟ لا مش كفايه طبعا , رفض
- حاطط صوره من أيام ماكان في اعدادي , طب صور ابتدائي فين ؟ رفض
- بيحب تمثيل فيفي عبده ؟ ده يبقى خنيق أوي , رفض
- من أبو قراميط ايه بس , هو فيه بلد في الدنيا اسمها ابو قراميط ؟ رفض
- بينزل 3 بوستات في اليوم ؟ طب و بقية اليوم بيعمل ايه ؟ رفض
- بيغلط في حرف ال ذ و حرف ال ز و مايعرفهمش من بعض ؟ رفض طبعا
- ايه ده رجله كبيره اوي تلاقيه بيلبس جزمه مقاس 79 , رفض
- مابيعرفش يكتب لكن و بيكتبها لاكن , رفض
- حاسس كده إن الكيميا بتاعته مش متوافقه مع الكيميا بتاعتي , رفض
- مواليد برج الجدي , على أخر الزمن هنضيف واحد من برج الجدي , رفض
- شنبر نضارته مش عاجبني , شكلها نضارة جده , رفض
............................
2- لو اللي بعت طلب الصداقه ست ؟ اوك استنى كده
.
جميله أوي و ركبها حلوين ؟ يبقى على خيرة الله , قبول بإذن واحد أحد .
................................................................................................
Mohamed Hussein
22 ابريل 2019·
اللي عمله حزب مستقبل وطن و حكاية توزيع كراتين عشان يشجعو الناس عالتصويت في بعض اللجان ده عمل مشين و مقرف ولا يجوز , وأنا على يقين إننا هنتعلم من الدرس و إن اللي حصل ده مش هيتكرر تاني خصوصا في الإستفتاء اللي هنعمله سنة 2028 عشان نمدد فترة حكم السيسي ل 2042
.........................................................................................................
Mohamed Hussein
22 ابريل 2019 ·
و نشربُ إن وردنا الماءَ صفواً , و يشربُ غيرنا كدراً و طينا ( من معلقة عمرو بن كلثوم ) .
.
لجنتي في مدرسة هدى شعراوي , مدينة السلام , هات إيدك كده ؟ و شبكة العشره دول لا فيه قدامها كراتين ولا بونات ولا ظابط مباحث ولا رجال أعمال ولا تجار أثار مهمين ( مع إنها منطقه شعبيه جدا ) , عملية في منتهى الاحترام و اتجمعنا ناس كتير لأن اعضاء اللجنه كان بيصلو المغرب وقت ماوصلت , كنا حوالي 30 قدام اللجنه في ظرف 10 د , لا حد قال لنا صوتو بنعم ولا صوتو ب لا , والناس البسيطه بتدعي لبلدها من غير ماتكون فيه كاميرات بتصورهم , أسف يعني لو كنت بفسد على البعض دور المفتش كرومبو اللي عايش فيه من يومين , او دور أرشميدس لما نط بلبوص من البانيو وقال وجدتها و جدتها .
.
صوتت ب نعم عشان ماده أهم من تمديد فترة الرئاسه و من السماح للسيسي بفتره تالته كاجراء استثنائي , صوتت بنعم عشان الجيش يحمي مدنية الدوله و دستورها , صوتت بنعم عشان الأحفاد و أحفاد الأحفاد مايحكمهمش خروف ضاني تاني بيشتغل مجرد سكرتير في جماعه إرهابيه دوليه و يقول لهم ( لبيك يا سوريا ) أو خروف يتعامل مع أقباط مصر على إنهم مواطنين درجه تانيه و يمن عليهم بحمايتهم , أو خروف يقسم جيش بلدي و يعمل ميليشيات و حرس ثوري تابعين لجماعته الإرهابيه , أو شمام كوله يوصل للرئاسه و يسأل , هو احنا بنشتري سلاح ليه ؟.
.
الصوره اهداء لمحمد ناصر بتاع قنوات الخرفان في تركيا , صورتي أهي و صباعي أهو , و يوم ماتفكرو ترجعو مصر عشان تحكموها انت و أيات عرابي و عاصم عبد الماجد و كل شلة الصيع هيبقى على جثتنا , وانا أول واحد في الطابور , البلد دي مش هيحكمها تاني لا خ ولا خ ولا خ , لا خواجه ولا خاين ولا خو* لامؤاخذه .
..............................................................................................................
Mohamed Hussein
22 ابريل 2019 ·
شهادة حق للتاريخ , ماحنا كمان لازم نشاور عالسلبيات و الأخطاء و الكوارث و نعترف بيها و إلا هيبقى زينا زي غيرنا .
.
امبارح بالليل كنت قاعد على كنبة الأنتريه في أمان الله بتفرج عالمسلسل و القطه البيضا وايتي قاعده تتمسح فيا كالعاده , فجأه لقيت ميكروباص فايت جنب مني , شاورت له , قلت له رايح ناحية الحمّام ياسطى ؟ قالي اشبط بس هنزلك عند المطبخ و انت تكمل الحته الباقيه دي مشي , قلت مش مشكله , اهو الأعور أحسن من الاعمى , وركبت معاه فعلا , يادوب لسه داخلين النفق بتاع الطرقه وقفنا كمين , مع ان المكان ده مش بعاده بيقف فيه كماين , عربيتين شرطه و عربية أمن مركزي , الظابط قال لنا كلنا ننزل , و انا كنت وصلت أصلا , و قال كله لازم يرجع و يروح يشارك في الإستفتاء يا ولاد التيت و انا هستناكو هنا , اي حد مش هلاقي على صباعه حبر فسفوري هعلقه في عمود الستاره دي , هنفتش عالحبر الفسفوري و عالضوافر كمان .
.
أنا بصراحه انفعلت و قلت له يافندم حضرتك اللي بتعمله ده مش قانوني ولا دستوري , قالي انت هتعلمني القانون يابن التييييت ؟ طب و رحمة أمي إنت بالذات لو ماروحتش الإستفتاء و جيت وريتني الحبر الفسفوري على صباعك هسجنك و هنعذب القطه وايتي و نمنع عنها الدراي فود و هناخد خالك رمضان رهينه , و قام مطلع من جيبه مدفع رشاش و دبابه و طياره سوخوي بحالة جيده , قلت له خلاص يا باشا خلاص هو انا يعني هعرف القانون اكتر منكو ؟
.
و روحت النهارده فعلا الاستفتاء عشان ماخلصنيش ان الظابط اللي حلف برحمة أمه يمينه يقع عالأرض , و انا راجع من الاستفتاء لقيت نفسي مبسوط أوي و فرحان , واحد هيقولي انت فرحت عشان شاركت في العمليه الديموقراطيه و أديت حق البلد عليك ؟ أقول له لا يا مغفل , أنا فرحت لأني افتكرت ان سواق الميكروباص اللي ركبت معاه امبارح بالليل اتلهى في الكمين و نسي ياخد مني الأجره .
....................................................................................................................
Mohamed Hussein
23 ابريل 2019 ·
ما بين الحرامي القبيح الغبي و النصاب الذكي الوسيم
.
نتكلم جد بقى , من غير تهويل ولا تهوين :
.
1- حصل تجاوزات في الاستفتاء الاخير ؟ أه , شكلها ايه ؟ حشد لبعض الناس و الموظفين عشان يروحو يصوتو و كوبونات و كراتين في ( بعض ) اللجان , طب ده اسمه تزوير أو تزييف للعمليه الانتخابيه ؟ لأ , ده اسمه اغراء ( مرفوض ) عشان يشجعو الناس عالمشاركه , أكتر المتشائمين و المعارضين و الهجاصين مقالشي إن فيه مواطن مصري أجبر على التصويت ب نعم , الإجبار و الإكراه و الأغراء كانو عالمشاركه نفسها , و هي رغم رفضي ليها بتساوي حركه كانت بتعملها الدوله الفتره اللي فاتت , اللي هي التهديد بإن اللي مش هيشارك هيدفع غرامة 500 ج , ماعملوش حكاية التهديد و الوعيد و قلبوها بإغراء , غيرو من عصاية فرعون لعصاية موسى , رغم رفضي التام للي حصل بس هو ده وصفه , له مبرر ؟ لا خالص , له تأثير كبير ؟ أبدا , بالعكس , ولا قدرو يغرو أكتر من 3 % من الناس اللي شاركت بالفعل , و في المقابل فيه أكتر من 3 % لما ( سمعو ) بحكاية الكراتين امتنعو عن المشاركه رغم انهم كانو متحمسين , يعني النتيجه هنا سلبيه , بالمناسبه قصص الميكروباص اللي وقفه امين الشرطه عباره عن 1000 قصه هتلاقوهم مطرطشين في التايم لاين , منهم 15 قصه حقيقيه و الباقي من وحي خيال المؤلف و الهبدجي , ماحنا كلنا شعب موهوب في التأليف .
.
2- نقطه مهمه جدا عايز اتكلم فيها يارب الناس تستوعبها , فكرة الديموقراطيه في المطلق مش موجوده في أي مكان في العالم , الاحزاب السياسيه الباليه في مصر زي الوطني و الإخوان كانت بتلعب الديموقراطيه بطريقة ( الحرامي القبيح الغبي ) اللي بيبقى مكشوف و مفضوح للكل ( تزوير حقيقي و على عينك يا تاجر لإرادة الناخبين ) , حزب مستقبل وطن لعب بس دور القبيح الغبي ( لكن مش الحرامي ) , في حين ان الدول المتقدمه و ( العريقه ) ديموقراطيا بتلعب دور ( النصاب الذكي الوسيم ) , الحكايه دي محتاجه شرح كتير , و يوم ما نتطور جدا و نبقى محترفين ديموقراطيه هنلعبها زي الدول المتقدمه بطريقة النصاب الذكي الوسيم , وانا شخصيا هرحب جدا بكده , عشان الدول بتلعبها بالشكل ده مش لصالح أشخاص معينين انما لصالح مستقبل أوطان و اجيال جايه و شعوب , شعوب مش مطلوب منها انها تعرف كل حاجه ولا تعرف الأسباب الحقيقيه للتوجيه في اتجاه معين .
.
3- لو ليا عمر هشرح فكرتي و رأيي , انما ممكن أقول دلوأتي باختصار , دول العالم في حدوتة الديموقراطيه بتتقسم لنوعين , نوع ماينفعش يلعبها ديموقراطيه في المطلق و ده بيشمل دول عظمى زي أمريكا و بريطانيا و روسيا و الصين و اليابان و دول اوروبا الكبيره , و بيشمل كمان دول اقليميه لها وضع خاص زي مصر و السعوديه و سوريا والعراق و تركيا و ايران و اسرائيل , النوع التاني بيشمل اغلب دول العالم , اللي مالهمشي تأثير أوي أو مش مستهدفين أو مفيش عين عليهم أو مش بيسعو لأدوار معينه اقليميه و دوليه , الدول دي تلعبها ديكتاتوريه او ديموقراطيه في المطلق أو تلعب حوكشة و نط الحبل مش مشكله خالص .
.
هكمل فكرتي في بوست تاني بإذن الله و أوضحها بأمثله عشان إيدي وجعتني من الكتابه .
............................................................................................................
Mohamed Hussein
23 ابريل 2019·
27 مليون شاركو في الإستفتاء , بنسبة 44 % , جميل أوي .
23.4 مليون موافق بنسبة 88.83 %.
2.9 مليون غير موافق بنسبة 11 % .
....................
ألف مليون مبروك لشعب مصر العظيم ولا عزاء للخرفان و الشمامين و الجزيره و مكملين و أيمن سيليكون و حمدين و عمرو واخد و كل اللي واخدين .
.................................................................................................
Mohamed Hussein
23 ابريل 2019 ·
شوفت حضرتك اللي حصل ؟
- اه و فرحان أوي , 27 مليون صوت انتخابي , اللهم صل عالنبي .
.
لالا مش قصدي ده
- يبقى قصدك ان 23 مليون صوتو بنعم , نتيجة ممتازه فوق الوصف .
.
لا برضه ولا قصدي كده
- مممممممم أومال قصدك ايه يا حيوان ؟
.
بتشتم ليه طيب ؟
- عشان عارف اللي في دماغك
.
أيوه , اتغلبتو من بيراميدز و شيلتو أوبح
- اخرس , احنا ناس وطنيين بنحب بلدنا , بقى نسيب احتفالات البلد بالاستحقاق التاريخي و نتكلم في الكوره و الكلام الفارغ يا خاين لبلدك يا عدو الدستور و الإستقرار السياسي ؟ .
.......................................................................................................
Mohamed Hussein
24 ابريل 2019 ·
أيقونات و فانلات و شرابات و تويتات و حبشتكانات ( الناس اللي سابقينا بمليون سنه ضوئيه و يومين و عصريه ) .
.
مولانا عمرو واكد بتاع الكونجرس الأمريكي اللي هيعلم الشباب الديموقراطيه و النضال مايعرفش ألف باء ولا جدول الضرب , وقالك يا سيدي ان 88.8 + 11.2+ 3 يساوي 103 % مع ضحكات رقيعه اه و عهد الله رقيعه , يعني ماينفعش مثلا يا أستاذ عمرو تتقال نسبة الأصوات الباطله 3 % من الاجمالي , و بقية النسبه تتقسم موافق و غير موافق ومجموعهم يكون 100 ؟ بالمناسبه المعادلات دي بتاخدها لوجي بنتي في ساته ابتدائي ولو هبدت الهبد بتاعك ده هقعدها في البيت و تشتغل خياطه , انت بس كل الحكايه محتاج مشوار لحد الكونجرس تاني و تقول لهم يجيبو لك مدرس رياضيات لأنك كنت غايب في ساته ابتدائي أو بلاش مدرس رياضيات , مممممممممم يجيبولك مدرس فرنساوي .
.
استاذ احمد هبد نفس الهبده بتاعة عمرو واخد , برضه طلع المجموع 102 , سبحان الله لا سحر ولا شعوذه , يا استاذ عمرو ابقى خد الاستاذ احمد في ايدك وربنا يعين مدرس الفرنساوي بقى .
.
دكتوره هاله هبدت هبده لانج , ماهي دكتوره و الناس مقامات برضه , وقالت لك كده اللي ماراحوش + اللي قالو لا + الاصوات الباطله يساوي 70 % يعني اغلبيه يا عالم اغلبيه يا هوووه , فاحنا يا دكتوره في نتيجة الاستفتاء بنجيب اصوات الناس اللي ماراحتش و الباطله و نضيف عليهم المغول و الفرنساويين و نجيب رجل غراب يتيم و ديل سحليه راضعه صدر امها و نحسب النسبه بقى , طبعا أكيد امك قاعده في البيت تقول الدكتوره بنتي راحت و الدكتوره بنتي جت .
.
أما الأستاذ حماده فجابها من الشمخ الجواني و قالك ال 88 % فيها 20 % مقاطعين و اخوان و 10 % مثقافين , اه هي مثقافين ( زي من قلبه بتاعة عصام حجي ) , ماهو الشاهد و القاعده العامه في كل شمامين الكوله هي انهم بيمارسو الجهل بمنتهى التناكه, بيمارسو الحموريه بمنتهى الغرور , بيمارسو الغباوه بمنتهى الأنعره و الفشخره .
.
اجمالا يعني و رأيي الشخصي ان الدوله تحاول تستفيد من هبدات شمامين الكوله في إطار خطتها المستقبليه لإعادة تدوير المنتج , ممكن نجمع التويتات دي و الريبلاي اللذيذ و ننزلهم على حلقات في برنامج ( خمسة لقلبك ).
...........................................................................................................
Mohamed Hussein
24 ابريل 2019 ·
بس حضرتك انتو كده بتصنعو فرعون
- أه بنصنع فرعون وبنصنع بيتزا و أثاث منزلي و رخام و جرانيت , عشان تعرف بس اننا مهتمين بالصناعه , ماتيجي تصنع معانا ؟ مدّ إيدك ده حتى الإيد البطاله ريحتها مش حلوه
.
بذمتك يا اخي بذمتك مش مكسوف من نفسك ؟
- والله طالما ذممتني هقولك , انا مكسوف من نفسي فعلا , مكسوف و وشي في الأرض.
.
يااااه اخيرا فرحتني و طمنتني , قولي بقى مكسوف من ايه ؟
- مكسوف يا اخي اننا نحدد عدد سنين للريس يحكم فيها , بنتشرط عليه و نحدد له هيمشي امتى ؟ ماراعيناش العيش و الملح اللي بينا ولا صوننا العشره
.
انتو عايزين تشلّونا صح ؟
- اه صح , و بإذن واحد احد هنضيف حكاية إننا نشلّكو دي كماده مستحدثه في التعديل الدستوري اللي جاي .
.
ايه ده ؟ هو انتو هتعدلو الدستور تاني ؟
- مممممممم مش انا يابني لسه قايلك من شويه إني مكسوف و وشي في الأرض عشان حددنا للسيسي فتره زمنيه ؟ يبقى لازم ننزل تاني و نصلح غلطتنا و نخلي عدد سنين الرئاسه أوبن بوفيه .
.
يعني هتعملو صياغه مختلفه لمادة فترة الرئاسه و تنزلو تستفتو عليها تاني ؟
- لا احنا كبرنا خلاص وعرفنا غلطتنا و مش عيب ان الواحد يعترف بغلطته , احنا هننزل الإستفتاء و نقول نعم عالماده الجديده اللي احنا مش هنبقى عارفينها , و بعد مانقول نعم يبقى السيسي يصيغ الماده زي ماهو عايز , احنا ائتمناه على أرضنا و بلدنا , معقوله هنخوّنه و نسأله شكل الماده الدستوريه ايه ؟ دي تبقى عيبه في حقنا , والله عيب علينا
Mohamed Hussein
25 ابريل 2019
كلمتين بجد بقى
.
بص يابني , البلد دي لها شعب و الشعب ده له جيش و الجيش له بلد , هي دايره مقفوله علينا احنا التلاته .
.
في 2013 نزل الشعب و الجيش و رجعو البلد اللي كانت مخطوفه في أيد جماعه ارهابيه دوليه بمباركتك و بابتسامتك البلهاء , اه احنا اللي رجعناها وقت ماكنت انت نايم على بطنك عالسرير بتهبد عن رفقاء الميدان و المصالحه و بتتشألب في شوية شعارات عبيطه , الجيش والشرطه قدمو شهداء و مصابين اكتر من اللي قدمانهم في حرب الإستنزاف مع العدو الصهيوني , و الشعب ربط الحزام و استحمل ظروف اقتصاديه صعبه جدا , و احنا نفسنا استحملنا سخافات كتير و قلة أدب و شتايم و تهديد , ماكلنا كنا جنود بنحامي عالبلد اللي اتخطفت مننا في لحظه و مش مستعدين أبدا انها تتخطف تاني .
.
اه يابني , احنا اللي نضّفنا الأرض دي من السحالي و التعابين و الخونه و الصيع و حرسناها و حرتناها و زرعناها , احنا الشعب و الجيش أصحاب البلد اللي شيلنا الليله و شيلنا الجمل بما حمل , نعملها بقى ديموقراطيه واستفتاء و تعديل دستور , نعملها ملكيه و فاسقيه و وش سديري , نعملها زي مانحب , الحلال حلانا و المال ده مالنا , و مَنْ حكم في ماله فما ظلم .
.
أما انت فقدامك اختيار من اتنين , إما انك تفوق من الغيبوبه و تبطل تتركب و تتعلم ألف باء معارضه و تعرف الفرق بين المعارضه و الخيانه و الفرق بين المعارضه و المر*عه و تبقى بني ادم زي بقية مخاليق ربنا , أو تضرب دماغك في أوسخ حيطه و تشرب من أوسع بحر و تعض في بوز اللحاف و تفضل طول الليل تكلم الدولاب جايز في يوم من الأيام الدولاب يرد عليك و يشيد بنضالك الفيسبوكي و هبداتك التويتريه و ينبهر بعقلك الألماظات .
.....................................................................................................
Mohamed Hussein
25 ابريل 2019 ·
لأشقائنا و اخواتنا في السودان
.
- عبد الفتاح السيسي بيتكلم عن الوضع السوداني و يحيي ثورة الشعب و جهود المجلس العسكري السوداني و يتمنى وحدة و استقرار السودان بصفته رئيس الإتحاد الأفريقي حاليا .
.
- السودان بالنسبه لمصر أمن قومي و هنا احنا ( ك مصر ) بيهمنا تأمين الحدود وان دولة الجوار تبقى مستقره أمنيا و سياسيا عشان ماتطرطش علينا ارهابيين و سلاح زي ماحصل لما وقعت ليبيا و زي ماحصل من قطاع غزه .
.
- محدش عنده أي اطماع داخليه في السودان حاليا , محدش إطلاقا , هقول لكو تشبيه يوضح الصوره مع كل و كامل اعتذاري المسبق , الدول احيانا بتبقى عامله زي الستات كده , لو واحد طماع و عنيه زايغه هيفكر انه يخطف واحده مزه من الشارع انما السودان للأسف بظروفه الحاليه عامل زي الست اللي عندها امراض الدنيا و الأخره و محتاجه 30 سنه تظبط أمورها في التأمين الصحي عشان بس توصل لنقطة الصفر , السودان حاليا اقتصاديا و سياسيا و أمنيا تحت الصفر بسبع طبقات , و ده للأسف لأننا مش بنتمنى للشعب السوداني والله غير كل خير , انما دي الصوره بدون مجامله ( الدولار سعره زاد في ظرف 20 سنه من 20 جنيه سوداني ل 75000 جنيه !! ) .
.
- قولو لي نسبة كام في الميه منكو لسه بيتفرجو على قناة الخنزيره ويصدقوها و انا اقول لكو بلدكو رايحه على فين بالظبط ؟ الحكايه أصلها مش حسبة برمه .
.
- الشعب المصري في المجمل أكتر ثقافه و وعي و تحضر من الشعب السوداني و ده مش غرضه اهانه ولا تقليل انما وصف لتوضيح صوره معينه , إنه احنا رغم ثقافتنا و تحضرنا انضحك علينا في 2011 و لبسنا سلطانيه زي الفل و كانت بلدنا هتضيع لولا إننا فوقنا و استوعبنا الدرس بسرعه في 2013 , يمكن ألاقي لنا مبرر في 2011 ان الصوره كانت ضبابيه و مش واضحه , انتو بقى لو ضيعتو بلدكو بعد مالمشهد اتكرر قدامكو بحذافيره خمس ست مرات هيبقى مبرركو ايه قدام نفسكو ؟
.
- التجمع المعتصم حاليا اللي اسمه اتحاد المهنيين من غير ماشوفه كده اقدر اوصفه , شوية شباب متحمس و طيب و ( غشيم ) بيقودهم شوية صيع و خونه , هتعرفو انهم شوية صيع و خونه لو لا قدر الله الدنيا طربقت على دماغكو , لانكو هتلاقوهم وقتها هربانين بره السودان و معاهم جنسيات أمريكيه و بريطانيه و تركيه و بياخدو جايزة نوبل للسلام , مانا بقول لكو مشهد مكرر بشكل ممل .
.
- احذرو من كلمة ناشط سياسي لأنها زي كلمة مدون بتاعة الرئيس الفرنسي كده , كلمه لوصف أي صايع و اي خاين و أي عواطلي , و احذرو من فضلكو من اهانة جيش بلدكو و اوعو تفرحو لو حصل لا قدر الله انشقاق داخل الجيش ده عشان وقتها هتلاقو نفسكو جوه ثقب أسود بيأكل الأخضر و اليابس و وقتها برضه هتلاقو الجزيره بتشيد جدا بنجاح ثورتكو الملهمه !! .
.
- نصيحه أخيره , عندنا سته سبعه مليون سوري على عراقي على ليبي على يمني ( بعد نجاح ثوراتهم ) , مش عايزينهم يبقو 12 مليون , مش عايزين نزود عليهم 5 مليون سوداني كمان مع اننا هنرحب بيهم اكيد , اهلنا و هنشيلهم على راسنا , بس مجرد لجوئهم و هجرتهم بتعنى ان السودان ضاعت و ده اللي مش بنتمناه ابدا .
......................................................................................................
Mohamed Hussein
26 ابريل 2019 ·
صوره و كلمتين
.
اللي عالشمال ده رئيس الصين , القوه السياسيه و العسكريه و الاقتصاديه المخيفه , الصين بجلالة قدرها اللي عدد سكانها اكتر من مليار نسمة , قد سكان قارتين تلاته , الدستور بتاعهم بيسمح للرئيس بالحكم مدى الحياه طالما الشعب بينتخبه كل مره , مفيش واحد صيني هيقعد يهبد و يقول يعني هي الصين مفهاش غيره و مفهاش كفاءات ؟ المليار و نص مليار صيني مافهمش حد ينفع ؟ ده اسمه هبد .
.
اللي في النص رئيس روسيا , القوه العظمى عسكريا و اقتصاديا و سياسيا , وريثة الإتحاد السوفيتي بجلالة قدره , اللي مساحتها قد مساحة أربعين خمسين دوله , بوتين بيحكم روسيا بشكل فعلي من يوم ماوعينا عالدنيا , مش هتلاقي برضه شمام كوله روسي بيقول يعني هي روسيا خليت من الرجاله و الكفاءات ؟ مش هتلاقي .
.
واللي عاليمين الزعيم , رئيس أقدم و أعرق دوله في التاريخ , الدوله اللي دخلت في عدد من الحروب قد عدد سكان دول و دويلات و أكشاك , الراجل اللي حارب وبيحارب أقذر تنظيم ارهابي في تاريخ البشريه , تنظيم عمره 90 سنه أنشاته المخابرات البريطانيه و بترعاه أمريكا و بريطانيا بكل قوتهم , الراجل اللي بيبني بلده بإيد و يحارب بالتانيه , اللي شال السكينه من على رقبة مصر , اللي رجع لنا بلدنا المخطوفه .
.
مصر و أهميتها و خطورتها في محيطها الإقليمي جغرافيا و تاريخيا , ماتقلش أبدا عن أهمية روسيا و الصين في المحيط الدولي , و مفهوم تداول السلطه مفهوم جميل اوي بس مش في المطلق , أوقات كتير بيبقى الإستقرار السياسي والأمني أهم ألف مره , أوقات كتير بيكون مفهوم ( تداول السلطه ) يساوي الإنتحار , أوقات كتير بيكون مفهوم تداول السلطه بيساوي ( الطعم ) اللي بيصطادوك بيه بعد مافشلو في اصطيادك بكل الطرق , أوقات كتير بيكون مفهوم تداول السلطه هو الحفره اللي بتتحفر عشان تقع فيها , زي مصطلحات كتير جميله و راقيه في معناها إنما بتستخدم كطعم أو كحفره , أوقات كتير الاوطان الكبيره و المهمه و المستهدفه ماينفعش أبدا تكون ( حقل تجارب ) لا تحت إسم الديموقراطيه ولا تحت إسم الحمصيه .
Mohamed Hussein
27 ابريل 2019 ·
المحبه الحقيقيه
.....
لما المصريين بيحبو حد , بيحبوه أوي يعني , ماتعرفش أبدا تتوقع أو تتخيل رد فعلهم يكون إزاي .
.
محبة المصريين لعبد الناصرخلتهم يعملو صوانات عزا في بيوتهم يوم ما مات و ياخدو العزا من بعض , ده واحد من أهل البيت و مات .
.
محبة المصريين لأم كلثوم , للست , لكوكب الشرق , يتكتب فيها قصايد و كتب و مجلدات .
.
محبة المصريين لعبد الفتاح السيسي خلته يقدر ياخد قرارات و لا ألف رئيس تاني كان يقدر ياخدها , ترسيم حدود و تعويم للجنيه و هيكلة اقتصاد و رفع دعم و ربط حزام عالبطن و احنا مبتسمين ولا في دماغنا , البطل المصري الوطني الشجاع يعمل اللي هو عايزه و ياخد القرارات اللي شايفها صح , ياكشي يقرر إن الزمالك يفوز بالدوري لمدة 70 سنة متصله ( قولو أمين ) .
.
محبة المصريين لمحمد صلاح , خلتنا امبارح بنتفرج عالماتش بشكل عجيب , صلاح جاب جون و الحيوان ساديو ماني ( اللي بيغير من صلاح و بيحقد عليه ) جاب جونين و بقو قد بعض , والاتنين هدافين الدوري الانجليزي ب 20 هدف , لسه الماتش شغال , صلاح جاب جون كمان فرحنا بيه عشان بقى 21 وانفرد بصدارة الهدافين , بس فرحتنا الأكبر كانت لما ماني ضرب كوره براسه و خبطت في القائم , الناس عالقهاوي قامت نطت من الفرحه , الحمد لله جت في القائم , اللهم لك الحمد و الشكر, مع انه كان هدف زياده لنفس الفريق بتاع صلاح , بس مايلزمناش الجون ده يا عم , مايطلعو 5/0 و كده زي الفل و اتعشت .
.
محبة المصريين بتخليك كمان تكره أي حد يكون بيكره اللي بتحبه أو واقف في طريق نجاحه , اعتقد اكتر ناس بيكرهم المصريين و يدعو عليهم حاليا , هما أردوغان و تميم بن موزه و قناة الخنزيره و الخرفان و ال بي بي سي و ساديو ماني بتاع ليفربول , و بيب جوارديولا مدرب مانشستر سيتي .
.......................................................................................................
Mohamed Hussein
27 ابريل 2019 ·
وعندهم ديك رومي , و عندهم بط , و عندهم فراخ بلدي , و عندهم رقاق , و عندهم لحمه محمره , و عمرهم ماعزمو , هو حد قال لهم اننا نباتيين ولا يكونو خايفين علينا من النقرس ؟!
.
كل سنه وانتو طيبين يا حبايب مصر
Mohamed Hussein
28 ابريل 2019 ·
تجار الدين و الروبابيكيا
.
دي تويته لابن الحويني , قصدي ابن مولاهم الحويني , عايز يقول ايه ؟ عايز يقول باختصار انك لما تحفظ لك أيتين و كام حديث يبقى من حقك تحكم أوطان و تقود بلاد و تهري و تهبد في السياسه و الاقتصاد و التسليح و القنبله الذريه ( زي ابو اسماعيل كده ) , و طبعا كعادة تجار الدين والصيع التمحك في الصحابه و خبط بؤين من اللي بينتزعو أهات القطيع .
.
من كام شهر في لقاء مع معالي الأستاذ الدكتور وزير الأوقاف اتكلم عن كتاب كتبه بنفسه , بيشرح فيه الفرق بين سيدنا محمد النبي والرسول و سيدنا محمد قائد الجيوش و سيدنا محمد رئيس الدوله , وبيفند فيه قصة الغنائم وليه كانت تصلح زمان ولا تجوز دلوأتي , ده الفرق باختصار بين عالم جليل تقعد قدامه تحس انك قدام بني ادم بيحترم عقول البشر و بين صايع و تاجر دين زي اللي فوق ده .
.
ولابن الحويني و للحويني و قطيعهم عايز اقول كلمتين من واحد لا متخصص في الدين ولا معاه صكوك جنه ونار ولا ربنا قاله انت دورك في الحياه انك تكفر البشر و تقتلهم أو تحرض على قتلهم , كلمتين من واحد مؤمن تماما ان ربنا كرّمه على بقية المخلوقات بالعقل مش بالدقن
.
الحويني وابنه لما بيتعبو و يحبو يتعالجو بيروحو لطبيب مش لشيخ جامع , ولو مانفعش الطبيب في بلدهم بيسافرو لطبيب من الكفار , الحويني وابنه لما بيحبو يبنو بيت بيجيبو مهندس مش إمام زاويه , و ممكن مهندس من المرتدين والملحدين و البوذيين , الحويني وابنه بيحلقو شعرهم و يصلحو الحنفيه عند الحلاق و السباك مش عند واحد حافظ شوية أحاديث , الحويني وابنه لما بيهربو و يعيشو في أي دوله بيلاقو الدوله دي بيقود جيشها واحد دارس عسكريه و بيقود اقتصادها واحد دارس اقتصاد .
.
أما هبدة التويته نفسها فعايز أقول له برضه يمكن يفهم و يعرف ان الحياه والدين أوسع و أجمل و أرقى من كتب ( أحكام الفساء ) , أبو بكر مادرسش العلوم السياسيه عشان مكانشي فيه كلية سياسه و اقتصاد وقتها ولو كان فيه كان أول واحد هيلتحق بيها , عمر مادرسش القانون الدولي عشان مكانش فيه كلية حقوق , من 1400 سنه مكانش فيه كليات و لا معاهد لأي حاجه وكانت الناس بتعتمد في أمور حياتها على شوية خبرات متراكمه مش اكتر , إلا إن سيدنا النبي والخلفاء الراشدين كانو من أوائل الناس اللي بتؤمن بالتخصص , و لذلك كانو بيختارو خالد بن الوليد لقيادة الجيوش عشان خبرته العسكريه مش عشان هو الأتقى أو الأكثر حفظا لكتاب الله .
.
أخيرا بصفتي بني أدم مسلم , عايز أدعي ربنا دعوه من القلب , اللهم عليك بتجار الدين و تجار الجهل و المغيبين للعقول و الصيع و من على شاكلتهم , أما أعدائي فأنا كفيل بهم .
.....................................................................................................
Mohamed Hussein
· 28 ابريل 2019
إوعى التجربه المصريه تعضّك
.
في ظرف أربع خمس سنين
- عملنا 4 أنفاق تحت قناة السويس و جسور فوقها ( مدنيه - عسكريه ) و بننمى سينا بأكتر من 300 مليار جنيه ( مشاريع صناعيه و سكنيه و بنيه تحتيه ) .
.
- بدأنا في مشروع شامل لتطوير التعليم شغال عليه عالم متخصص عمل دراسه متكامله للمشروع استمرت سنتين ( مش جايبين واحد من قارعة الطريق ) .
.
- مشروع استصلاح و زراعة 1.5 مليون فدان في الصحرا .
.
- حلينا مشكلة الكهربا حل جذرى و بقى عندنا اكتفاء و زياده للتصدير , الحكايه دي كلفت اكتر من 300 مليار .
.
- إعادة تسليح الجيش المصري بأحدث الأسلحه التكنولوجيه , طيارات و غواصات و رادارات و منظومة دفاع جوي , و نوعنا مصادر التسليح عشان ماتكونشي رقبتنا تحت سكينة حد .
.
- عملنا شبكة طرق و كباري ماتعملتش في 50 سنه فاتو , كلفتنا أكتر من نص تريليون جنيه
.
- اكتشافات الغاز و البترول حققت الإكتفاء الذاتي و أوشكنا على تصدير الغاز و مصر تبقى مركز إقليمي لتصدير الغاز و لإعادة التصدير .
.
- عملنا مشاريع تنمويه و صناعيه بمئات المليارت و تم توزيعها على محافظات و أقاليم مصر من الشمال للجنوب للشرق للغرب ( يعني مفيش تنميه مركزيه ) .
.
- كل اللي فوق ده عملناه واحنا بنحارب إرهاب مدعوم من دول عظمى و دويلات و أكشاك و مصروف عليه مليارات الدولارات , ماحولناش اقتصاد البلد لاقتصاد حرب , بنينا بلدنا واحنا عندنا جبهات مفتوحه بطول 2200 كيلو مع ليبيا و السودان و بنأمنها من طرف واحد ( تكلفة الحرب و التأمين باهظه ) .
.
- كل اللي فوق عملناه واحنا بادئين باحتياطي نقدي 13 مليار دولار ( كانت مصر أوشكت على إعلان إفلاسها ) , النهارده الاحتياطي النقدي 45 مليار مع كامل التزامنا بتسديد أقساط الديون و مستحقات الشركات الأجنبيه .
.
- و أخيرا وليس اخرا , بعد حملة 100 مليون صحه و بعد علاج ملايين المصابين بفيروس سي بنتكلم النهارده في مشروع تأمين صحي متكامل بتكلفة 600 مليار جنيه و تدريب ل 300 طبيب على المشروع البريطاني للتأمين الصحي عشان نعمل زيه .
.
شوفتو بقى إحنا بقينا اضحوكة الامم إزاي ؟ عشان كده عايز أقول لكل أصدقائنا المعتصمين في السودان والثائرون في الجزائر و المناضلون في ليبيا و الحطابون في الجبال والبردانون في كازاخستان , اوعو تكررو بقى النموذج المصري ده , أنا نبهت عليكو اهو , خليكو انتو عايشين في الفخفخينا اللي عندكو , اوعى يابني انت وهو تكررو النموذج المصري و إلا هيحصل لكو زي اللي حصل لعبشكور .
........................................................................................................
Mohamed Hussein
29 ابريل 2019·
أردوغان يهدد الجيش الليبي بقيادة حفتر من التقدم في طرابلس ويقول أنه لن يسمح !! .
شوف يا أردغ يا حبيبي
.
- انت ممكن تشلح الجيش بتاعك و تقلعه ملط و تعمل انقلاب وهمي و تستخبى في حمام سيدات و بعدها تعتقل و تسجن و ترفد نص مليون مواطن تركي من قاضي لطبيب لاستاذ جامعه لظابط بحجة انهم على علاقه بفتح الله جولن أو بيحلقو شعرهم عند الحلاق اللي بيحلق لابن خالة فتح الله جولن .
.
- انت ممكن تسرح بهاليلك و خرفانك يتغنو بالاقتصاد التركي المتين وانكو طبعا مسلفين البنك الدولي , مع ان تويته من رئيس دوله تانيه بتخلي الليره التركيه تنام على بطنها , يا أخي انا اعرف الدول اقتصادها بيتأثر بوقف عجلة انتاج , بثورات , بزلازل و براكين , بسرقة مخزون الدهب عندها , بأوبئه , بحروب , أول مره أشوف اقتصاد يتهز و يرقص عشره بلدي بسبب تويته !! .
.
- انت ممكن تقول لخرفانك ان اقتصاد تركيا بيواجه مؤامره من المخلوقات الفضائيه و الاحتياطي النقدي بتاعك عمال ينزل و ديون تركيا وصلت ل 500 مليار دولار , اوعى تقول لهم المواطن التركي بيتولد مديون بكام , بيقولك فيه 20 مليار دولار في الاحتياطي النقدي اللي بتعلن عنه محدش عارف هما فين ولا بتوع ايه , خبراء الاقتصاد من كام يوم بيدورو عليهم, تعرفشي هما بتوع ايه يا أردغ ؟ .
.
- انت ممكن تحول جيشك لشوية مرتزقه و تبعتهم لقطر بنت الوسخه , عشان يحموها جنبا الى جنب مع القواعد الأمريكيه هناك والقوات الايرانيه , و يحمو الكشك القطري من ايه ؟ أكيد من هجمات السلطعون المتكرره .
.
- انت ممكن تعمل 40 ألف بيت دعاره وبيوت للشذوذ الجنسي يشتغل فيها نص مليون مواطن تركي ( بيعرقو ) و تاخد منهم ضرايب بس تيجي اخر النهار تعمل هديه بسكلته للطفل اللي بيروح يصلي الفجر , عموما لو عايز بسكلته جاهزه ممكن تاخد خالد ابو النجا او عمرو واكد أو اي عيل صايع من اللي فاتح لهم قنوات عندك .
.
- انت ممكن تستقفى واحد زي عمر البشير كان مجرد قفا و قطر تدفع له قرشين و تقوله هنعمل قاعده عسكريه عندك , بس عمر البشير بح , مدبولي مات
.
- انت ممكن تعمل اكبر شراكه اقتصاديه و عسكريه مع الكيان الصهيوني و في نفس الوقت تخدع خرفانك بكام شعار عن تحرير القدس(و أكيد هتحرر القدس بمساعدة قاعدة أنجرليك الأمريكيه !! ) , و تسرح الصيع بتوعك في حماس يعلقو صورتك , و لما تطبل على دماغهم و دماغ امهم تبعت لهم مركب عليها كرتونتين شاش و قطن و ميكروكروم , و صوري يا جزيره , يا سلام عالحنيه , يا سلام عالانسانيه .
.
- باختصار , انت ممكن تستمر في مسرحيتك الكوميديه , تخدع الشعب التركي باقتصاد وهمي , و تحول الجيش التركي لمرتزقه , و تبيع لخرفانك شعارات وفلايات , و تسرق بترول سوريا و العراق , لكن ليبيا و السودان ألف خط احمر , هنعمل فيهم اللي يحفظ لنا أمننا القومي , هنحفظ شعوبهم من خرفانك و بهاليلك و الإرهابيين اللي مسرحهم , هنحافظ على سيادتهم و وحدة أراضيهم و جيوشهم , بأي طريقه و بأي تمن , عشان دي دول حدوديه لمصر, مش عشان احنا دوله بتسرق بترول و غاز ولا عشان بنشغل جيشنا مرتزقه زي مابتعمل .
.
- نصيحه اخيره , ماتحاولش تقرب لحقول الغاز المصري في البحر المتوسط , عشان من كام شهر كده خرج من عندك شوية سفن حربيه و مارجعوش لحد دلوأتي , تعرفشي راحو فين ؟ عموما الغايب حجته معاه , تلاقيهم بيجببو طابع بوسته و راجعين .
.....................................................................................
Mohamed Hussein
29 ابريل 2019 ·
فسيخ و رنجه و سردين و أردبين بصل أخضر و مشنة عيش و بعدهم جردل مايه , تنميل في الأطراف , تُقل في الدماغ , زغلله خفيفه في العين , شعور بالإمتلاء , كرشة نفس , نشفان في الريق , خفقان في القلب , بطء في الحركه , تتنيحه متواصله مع توقف المخ و المخيخ عن العمل , عصيان مدني في المعده و الجهاز الهضمي , ألام عامه و متفرقه في الجسم مجهولة المصدر , طنين في الأذن , ضغط عالحجاب الحاجز أكتر من الضغط اللي هيحصل على دفاع الزمالك في ماتش العوده .
.
- يا عم احمد ربنا بقى مانت صوابع رجليك سليمه اهي و متأثرتش بحاجه , و لا انت بتخزي العين عنك ؟! .
.................................................................................................................
Mohamed Hussein
30 ابريل 2019 ·
عبد الفتاح السيسي عن مشاركة ملايين المصريين في الإستفتاء : انتو جبرتو خاطري و خاطر مصر .
.
الكلمتين دول عايز أبعتهم رساله لحبايبنا الحلوين الأمامير الناعمين زي الغُريبه اللي كانو بيروّجو قبل الإستفتاء إن فيه شوية اعضاء في البرلمان ( ريحتهم مش حلوه )عملو التعديلات دي من ورا السيسي و عايزين يلبسوه السلطانيه , و السيسي مايعرفش حاجه ولا دريان بحاجه , و عشان هو أمور في نفسه و كتكوت كده و بيحب السيسي و مش عايز حد يلبسه السلطانيه هينزل الإستفتاء و يقول ( لا ) يعني ( no ) بالإنجليزي , كأن البلد دي طابونه و السيسي بيحكمها من كهف في قلب الصحراء.
.
بص يا مولانا , مراتك هتيجي في يوم كده و تبعت لك رساله عالواتس تقولك هات لنا معاك وانت راجع اتنين كيلو بطاطس و بطيخه , تقوم انت تقرا الرساله و تشك في إدارة الواتس أب و أكيد هما بعتو الرساله دي من ورا مراتك , و عشان انت بقى بتحب مراتك و مش عايز حد يستكردها تقوم راجع البيت في ايدك حزمة جرجير و 7 كيلو توم و شريط انتوسيد , لأنك طبعا دماغك دي ألماظات و محدش هيلبسك السلطانيه , هات بوسه بقى .
...............................................................................................................
Mohamed Hussein
30ابريل 2019
الولايات المتحده الأمريكيه في إطار خطتها لمحاربة الإرهاب تعتزم إدراج جماعة الإخوان كمنظمه إرهابيه !! .
.
صلو بقى على سيدنا النبي , الأوضاع واللي حصل و اللي بيحصل مابقوش محتاجين خبير سياسي ولا محلل استراتيجي و طبعا مش محتاجين الصقور التي لا تنام ولا الفراخ التي لا تبيض , كل الحكايه انهم محتاجين بني ادم يعرف ان ربنا ميزه بالعقل و يكون بيشوف من الغربال عشان اللي مابيشوفش من الغربال يبقى أعمى .
..................
بص يا سيدي
1- قصة الإرهاب و الجماعات الإسلاميه المتطرفه مع اختلاف مسمياتها , و من غير لت كتير هي صنيعة المخابرات الأمريكيه البريطانيه, من أول جماعة الاخوان لا مؤاخذه المسلمين لحد باقي الجماعات و الحركات و الحبشتكانات .
.
2- ليه أمريكا وبريطانيا يصنعو جماعات من دي و يوفرو لهم الدعم و الغطاء السياسي و خلافه ؟ عشان يحاربو بيهم و يلوو دراع الشعوب و الحكومات و يخلقو بؤر توتر هنا و هناك و مصانع السلاح بتاعتهم تشتغل , عشان الحروب الحديثه بقت كلها حروب بالوكاله و الخواجه الأمريكي البريطاني في التكييف لابسه البدله و الكرافته و بيبيع لك أحلى شوية شعارات عن الحريه و حقوق الإنسان .
.
3- إمتى امريكا هتدرج جماعة الاخوان جماعه ارهابيه بس مش إدراج عالورق , ادراج في الواقع مع تعقب و مطارده ؟ مش هيحصل ولا بعد 500 سنه , الأم اللي خلفت و الأم اللي ربت مش بيفرطو في ابنهم بالساهل , لو حصل هيبقى عالورق مع لعبة جميله في المسميات و عشان كده بيخلقو لجماعة الاخوان خمسين فرع و خمسين اسم , و وقت مايدرجو يدرجو فرع من الأفرع الوهميه .
.
4- أغلب قيادات الاخوان معاهم جنسيات أمريكيه و بريطانيه , يعني صبيانهم و محاسيبهم و المنابر في أمريكا و بريطانيا بيسيطر عليها الاخوان بكل أشكالهم ( اخوان مصر و حماس و غيره ) بعلم و مباركة المخابرات في الدولتين , و الخطبه بتاعة الجمعه لو تلت ساعه بيبقى فيها ربع ساعه شتيمه في السيسي و في جيش مصر و بعدها أستغفر الله لي ولكم و أقم الصلاه .
.
5- التصريح الأمريكي ده بيطلع كل كام شهر , برضه للمساومه و الابتزاز ( أو للتودد لمصر و السعوديه ) و كأن عبد الفتاح السيسي داقق عصافير على دراعه , بس الحقيقه انه مش داقق عصافير ولا حاجه و عارف إن أمريكا بنت وسخه ولازم يشيد بالعلاقات الثنائيه التاريخيه بين البلدين ( أصول السياسه كده ) .
.
6- مفيش فرق بين ترامب و أوباما والعفريت الأزرق , و أمريكا مفهاش ديموقراطيه بالمفهوم المطلق اللي في دماغ المخابيل عندنا, ولا فيها صقور وحمام و حدايه دكر , كل الحكايه توزيع أدوار , و الرئيس مش بييجي يحكم من دماغ أهله , امريكا بيحكمها خطط طويلة الأجل وبتديرها أجهزه سياديه , و الرئيس اللي بييجي مجرد منفذ سياسات , يعني زكي قدره , ترامب بيلم التعابين ورا أوباما , و الإقتصاد والفلوس لهم اليد العليا في كل حاجه .
.
7- افتكاسة إدراج جماعة الإخوان كجماعه ارهابيه عامله بالظبط زي قانون جاستا اللي عاملاه أمريكا لابتزاز السعوديه كل مايتزنقو في قرشين , نسيت أقول لكو كمان مفيش حاجه اسمها فصل سلطات في المطلق كده زي مالمخابيل عندنا فاهمين برضه , قانون جاستا بدأ بحكم قضائي في أمريكا ( السلطه القضائيه ) و محتفظ بيه البرلمان الأمريكي في أدراجه ( السلطه التشريعيه ) و بيطلع من الدرج لما الحكومه و الرئيس يحتاجو شوية فلوس ( السلطه التنفيذيه ) , 3 أضلاع لنفس المثلث .
ليست هناك تعليقات:
إرسال تعليق