Mohamed Hussein
15 فبراير 2019
صباح الخير
.
الشيخ أسامه الأزهري في خطبة الجمعه من مسجد الفتاح العليم بيتكلم عن المؤسسات و الرموز و التاريخ , و الفرق بين النقد ( الواجب ) و بين الهدم و التشويه , الكلام اللي بنكتبه من سنين بقى يتقال على منابرنا !! .
.
طب ده من الدين ؟ اه حضرتك ده من الدين , الوعي , الفهم , الإدراك , انت فرد من مجتمع و جهلك بيكون مش بس عبء عليك , إنما عبء على مجتمعك كله , المسلم كيّس فطن , و في رأيي الشخصي و قناعتي الخاصه إن الجنه مش هيدخلها البهايم !!.
.
طب ده يتقال على منابرنا ؟ اه يا مولانا , اتمنى كل خطب الجمعه تتكلم عن الوعي , عن سلوكياتنا في الشوارع , عن احترام اشارة المرور و احترام سير الطريق , عن احترام المؤسسات و الكيانات و الممتلكات العامه و الخاصه , عن التفريق بين النقد و بين التشويه , عن إدراك الخطط و الألاعيب الشيطانيه لأهل الشر , عن فهم افتكاسة التلاعب بالألفاظ و المصطلحات , عن بر الوالدين و احترام الكبير, عن أهمية التعليم و البحث العلمي , عن تنمية المواهب , و عن و عن و عن
.
ماكنتش بلاقي أي مبرر في خطب الجمعه لقصص و افتكاسات تاريخيه مالهاش أي تلاتين لازمه , و راجل صالح عاش في كوخ مع معزه كان بيحلب لبنها , وانا مال أمي , و سيدنا ماعرفش مين من الصحابه اتجوز ماعرفش كام مره , وانا مال أمي برضه , عن تلقين الميت ( يعني نغششه يا مولانا ؟ هو ده الدين ؟ ) , عن صوت المرأه عوره , بجد والنبي ؟ طب مانقتلها و نتاويها أحسن , عن اسم زوجة الصحابي الفلاني ( هي الجنه هندخلها بامتحان mcq ? ) , عن غير المسلمين اللي هيدخلو النار بربطة المعلم كده ( هو انت ربنا ؟ ).
.
و رأيي الشخصي برضه و قناعتي التامه إن تجديد الخطاب الديني بدأ بالفعل , من الازهر و وزارة الأوقاف و دار الإفتاء , بيشتغلو بهدوء و في كذا اتجاه , من الكيانات الوحيده القادره على التجديد , مش شوية مرتزقه و أرزقجيه , و السباخ اللي اتراكم و اتكون في عقول الناس على مدار 50 سنه بينضف بشكل تدريجي .
.
#مصر_بتتغير .
.................................................................................................................................
Mohamed Hussein
15 فبراير 2019
إسمك و سنك و عنوانك
- محمد حسين , 32 سنه , مدينة نصر , مواليد السنبلاوين .
.
ممممممم 32 ولا 42 ؟
- يا باشا , انتو الحكومه واللي شايفينه صح موافق عليه .
.
انت يا فندي متهم بحيازة كمية كبيره من المخللات , ظباط البحث الجنائي لما فتشو لقو في تلاجتك 7 برطمانات مخلل انواع مختلفه , 7 برطمانات يا مفتري و مفيش حتة بسبوسه قد كده توحد ربنا .
- بص يا باشا انا هقول كل حاجه
.
اه هتقولي بقى البضاعه دي مش بتاعتي , وابن عمي شايلها عندي عشان سافر ابو ظبي و خالتي حمؤه ماتت محروقه و الهري ده , صح ؟
- لا يا باشا انا معترف , البضاعه دي بتاعتي .
.
كويس يا ابني انك اعترفت , الاعتراف هيفيدك ويخفف العقوبه
- انا أصلي يا باشا بصراحه يعني مدمن مخللات , و عايز الحكومه تعالجني
.
هي الحكومه هتعالج مين ولا مين ؟ قولي ياض مين اللي ورّد لك البضاعه دي كلها و مين الديلر , و لازم تعرف ان الانكار مش هيفيدك
- انا هعترف يا باشا , فيهم 3 برطمانات عاملاهم مرات اخويا في البلد , اللفت و الكرنب و اللمون , و 3 جايبهم من اولاد رجب , و برطمان جايبه من ولاد الحلال
.
مممممم ولاد الحلال يقربو ل ولاد رجب ؟
- لا يا باشا , تشابه أسماء .
.
ده كده يبقى إتجار مش تعاطي بس,وقعتك مهببه ,وفين المخلل اللي عاملاه مراتك ؟
- طب قرب سيادتك شويه عشان محدش يسمعنا , بصراحة ربنا يا باشا مراتي مابتعرفش تعمل مخلل .
.
اكتب عندك يا حسين
- لا ماتكتبش دي يا حسين , واستر علينا يا باشا ربنا يستر على ولاياك .
.
استر عليك ؟ دانت وقعت في شر أعمالك , يعني اتجار و تعاطي للمخللات و كمان مش عاجبك المخلل بتاع مراتك , حبس تسعميت سنه مع مصادرة البضاعه , و برطمان اللمون المعصفر ده يلزمني .
- أحب على يدك يا باشا , موافق عالحبس , بس سيب لي البرطمان ده , خد عيل من عيالي و سيب لي البرطمان .
..........................................................................................................................................
Mohamed Hussein
17 فبراير 2019
في الوقت اللي جنودنا و ظباطنا بيستشهدو و هما بيحمو حدودنا و أرضنا و عرضنا , في الوقت اللي بيسقو فيه أرض سينا الطاهره بدمهم الطاهر .
.
في نفس الوقت , فلان ده ارهابي جميل , و فلان ده بيدعمه , وفلان ده بيعمله غطاء سياسي , و فلان ده بيدور له على مبرر , وفلان ده بيقول نتصالح معاهم و هو عايش في النمسا , وفلان ده قاعد يهري و يهبد و ينظّر عالأبطال , وفلانه مشكلتها انها عايزه تقلع الحجاب في حفل جماعي و نزغرط لها كلنا , وفلان أعلن إلحاده يا ولاد فلازم نعمله حفله و نفتح أزايز شمبانيا و نقوله بارك الله فيك , قصدي فلتباركك الطبيعه , و فلان عايز شذوذ و مليطه و نعترف بحقهم و مش بعيد نكتبه ماده في الدستور عشان نعجبهم .
.
ده الفرق ببساطه شديده و باختصار , بين الشجره الطيبه والشجره الخبيثه , بين جناين التين و الورد أحفاد مينا و أحمس و كليوباترا و عبد الناصر, و بين الزرع الشيطاني اللي اترمى علينا من مزابل الشرق و الغرب .
.............................................................................................................................................
Mohamed Hussein
17 فبراير 2019
المشتتون في الأرض , أهل التيه
.
صباح الخير
- جمال حشمت , القيادي الضاني البارز , بيشحت شغل لولاده في تركيا , بيستجدى رجال الأعمال و أهل الخير إنهم يشغلو عياله و يشغلو الشباب اللي مش لاقي ياكل من سنين , و الأجر و الثواب على الله .
.
طب انا عندي اقتراح , فرصه شغل حلوه أوي لولاد جمال حشمت , لا مايشتغلوش في الدعاره ولا في بيوت الشواذ ( أعتقد الأماكن دي فيها عماله زايده و فايضه و مايصه و مليانه هئ و مئ ) , اقتراحي ان ولاد جمال حشمت يروحو يشتغلو مع أردوغان نفسه , يشتغلو ايه ؟ مممممممم يروحو معاه و هو بيسلف صندوق النقد الدولي , أهو ياخدو عمولتهم في المشوار و بوكيت موني و أجرة الميكروباص و يعيشو بقى .
.
زمان لما كان حد بيروح يبيع جاموسه من بلدنا , كان ياخد ابنه الصغير معاه , الواد يمسك في ديل الجاموسه قدام المشتري و يقول مش هنبيعها , دانا بحبها , يقوم المشتري مراضيه بخمسه جنيه أو عشره جنيه , أهو ولاد جمال حشمت يروحو مع أردوغان و يقفو قدام صندوق النقد و يمسكو شنط الفلوس بتاعة أردوعان و يقولو لمدير الصندوق مش هنسلفك و يعملو انهم بيبوظو البيعه , يقوم الراجل مراضيهم بعشره دولار أو 100 ليره عشان البيعه تمشي , يعني يمسكو في ديل الجاموسه .
..........................................................................................................................................
Mohamed Hussein
18 فبراير 2019
أستروكس
.
صباح الخير
- اتخضيتو ؟ طب ماتتخضوش بس انتبهو مش أكتر , أستروكس ماده مخدره منتشره بين شباب مصر , شوية اعشاب عاديه و شوية تبغ و بيترش عليهم الماده المخدره و احيانا ينضاف مبيدات حشريه , القصه بتخلص بهلوسه و فقدان للعقل و تشنجات و وفاه , وفاه للمتعاطي أو لحد من عيلته , شخصيا أعرف راجل اتقتل من كام يوم على ايد ابنه الشاب الكيوت مدمن الأستروكس .
.
- انما ما علينا , الأستروكس اللي أقصده هو المعنى الأشمل , مش بس الماده المخدره اللعينه , كل تغييب للعقل هو في نظري أستروكس .
.
- الإرهاب أستروكس , الإرهاب يا بني أدمين , الجماعات الارهابيه و الإسلاميه , لعبه اخترعتها بريطانيا و أمريكا من قبل قصة أفغانستان , دعم و ترويج لمشايخ التكفير و الجهل و البلاله , وفي النهايه نقتل نفسنا بإيدينا , و اللي اخترع اللعبه قاعد في التكييف لابس بدله و كرافته , و عشان هو ذكي كمّل اللعبه بحرفنه , صنع الجماعات الارهابيه و لم فيها الصيع و المخابيل بإسم الدين , عمل لهم غطاء سياسي و عسكري و إعلامي , حارب بيهم الإتحاد السوفيتي و دمر بيهم دول الشرق الأوسط , جيوش وبلاد بقت أثر بعد عين , و هو لابس نفس البدله و الكرافته , و عشان تكمل اللعبه قام لبّسها في عقول شوية الصيع اللي بيسمو نفسهم تنويرين و قال لهم كتب التراث و مناهج الأزهر هي السبب , جدر البطاطا هو السبب , كده جابو جون بكعب رجلهم من نص الملعب .
.
- الإعلام الغربي و منظمات حقوق الإنسان و التقارير و الهيئات و الحبشتكانات هي برضه أستروكس , بيسنجف لك الكلمتين و البؤين و يعمل غطاء للإرهاب و يخليك تحارب دولتك و جيشك و انت نايم على بطنك عالسرير .
.
- الإلحاد أستروكس , مفيش أديان ولا ألهه و احنا خلقنا نفسنا بنفسنا من شواشي الدره , المجد للطبيعه و لشجر الزيزفون , و ربما في وقت لاحق نعبد حجر المعسل أو مشابك الغسيل .
.
- اللعب بالمصطلحات أستروكس , الإرهابيين يبقى اسمهم جيش حر أو ولاية سينا , و الجيوش النظاميه يبقى اسمها ميليشيات فلان , و الخيانه وجهة نظر , و المروج للإرهاب و الخاين لبلده اسمه مدون أو ناشط سياسي , و الإعدام للإرهابي يبقى عمل ضد الإنسانيه , قلبي الصغير لا يحتمل .
.............................
- ماعندناش إعلام مدرك لطبيعة الحرب دي ولا محترف و عارف يتعامل معاها , عندنا شوية زلنطحيه إلا من رحم ربي .
- ماعندناش صناع دراما مدركين لخطورة المرحله , عندنا يا بيه بيشتغلو بطريقة ( شرا العبد ولا تربيته ) , هنجيب نجم و نعمله شخصيه و جنبها شوية شخصيات صغيره و نعيد و نزيد و نطبع و نصور , ستوب , كت , هايل ياخوانا .
.
- ده دورنا عالفيس بوك بقى , فرض عين مش فرض كفايه , نشرح للناس يعني إيه استروكس بالمعنى الشامل , عشان بمثل هذا مات شباب و شباب قتلو أهاليهم و شباب حرقو بلادهم ( و هم يحسبون أنهم يحسنون صنعا ).
.
- لأول مره هطلب من الناس , انشرو البوست ده واشرحوه لولادكو خصوصا اللي في سن المراهقه , عشان تحموهم و تبعدوهم عن كل أشكال و أنواع الأستروكس .
.......................................................................................................................................
Mohamed Hussein
18 فبراير 2019
مالك يا حبيبي زعلان و مكتئب كده ليه ؟
- مفيش يا أستاذ مفيش , عندي حالة ملل و زهق مش طبيعيه
.
يا راجل ؟ معقول مش لاقي حاجه تعملها خالص في حياتك ؟
- اه والله زي مابقولك كده
.
إزاي بس ؟ ماتدخل على تويتر تهبد و تهري في أي حاجه و تعملك هاشتاجين تلاته يسلّوك و تقول عسكر و فاشيه و دولة الزولم
- عملت و هريت و هبدت كتير لحد ما زهقت
.
طب خلاص ادخل عالفيس بوك وقول انك اتعرضت للتهديد من المخابرات و الأمن الوطني و من قصر الاتحاديه وقصر الكريملين وقصر المندي و انهم مش سايبينك في حالك لانك جبار وبتمشي عالحيط و بتزلزل أركان النظام
- عملت كتير برضه لحد ما زهقت
.
طب يا سيدي غير صورة البروفايل بصورة افتراضيه يكون فيها مثلا واحد جمجمته مفتوحه و طالع منها شجره و شعاع نور و مشبكين غسيل , أي حاجه تدل على العمق و كده
- عملت برضه و زهقت
.
طب ادعي زمايلك و سوسو و توتو و طنط أم نحمده بتاعة البدرشين لعمل ثورة جديده
- عملت و دعيتهم و كنا بنعمل إيفينت لثورة كل يوم تلات
.
ممممممم طب فكرت تجوّز صباع رجلك الصغير لصباع رجلك الكبير في حفل مهيب يحضره بقية صوابع رجلك ؟
- جوزتهم كتير و قربو يخلفو عيال
.
بس بس , تاهت ولقيناها , عندي لك فكره حلوه و بره الصندوق , أكيد ماعملتهاش
- إلحقني بيها أبوس ايدك
.
انت يا سيدي تدخل على صفحتك و تكتب , مساء الخير يا شباب أنا أعلنت إلحادي , المجد للطبيعه
- ها و بعدين
.
و تاني يوم تدخل على صفحتك تقول , سلامو عليكو يا شباب انا تراجعت عن إلحادي , سبحان الله العظيم
- يااااه , دي فكره هايله , عمري ما عملتها , هتسمّع جامد .
.
أي خدمه , تعاشرب شاي بقى , اتفضل والله
.........................................................................................................................................
Mohamed Hussein
19 فبراير 2019
شاب عمره 37 سنه , معاه جنسيه أمريكيه , و أبوه طبيب عايش في أمريكا , يعني لا فقير ولا مضطهد ولا متأثر بمناهج الأزهر الشريف !! و جاي يعمل عمليه انتحاريه عندنا .
.
بصو يا بني أدمين , نقول تاني , قصدي نقول عاشر
- الإرهاب اللي داير في المنطقه و في العالم كله له راعي رسمي , اسمه الصهيونيه العالميه اللي بتشمل معاها مخابرات أمريكا و بريطانيا
.
- تركيا دخلت اللعبه و بقت شريك في الإرهاب و بترعاه و تدعمه عشان أردوغان كلب فلوس , بيستخدم الارهابيين زي ما أمريكا وبريطانيا بيستخدموهم , كلب فلوس و كلب نفوذ و كلب مساومه
.
- قطر بنت الوسخه دخلت اللعبه من البدايه خالص هي و قناة الخنزيره عشان ده دورهم في المنطقه , دورهم اللي حددته لهم ستهم أمريكا , و اللي بترعاه القاعده الأمريكيه في قطر .
.
- و طبعا التنظيم الإرهابي الدولي دخل اللعبه من يوم ما اتولد .
.
- الإرهابي بقى اللي هو العنصر المنفذ بيكون نوع من اتنين مفيش غيرهم
.
1- نوع بيمارس الإرهاب بمعنى القتل , يعني يقتل , و ده لا تلزمه قصص الدين و حور العين و الجنه و الجهاد و البطيخ ده , بتلزمه دولارات لا اكتر ولا اقل و شوية أفيون لزوم تظبيط الدماغ , النوع ده بيمثل 99 % من الارهابيين , عشان كده بتلاقيهم جايين من دول تانيه , خصوصا دول شرق أوروبا و دول أفريقيا الفقيره , بيدربوه و يدوله دولارات و يوفرو له غطاء شرعي بإعلامهم و مواقعهم الإلكترونيه و المنظمات و الحبشتكانات .
.
2- نوع بيمارس الإرهاب بمعنى الإنتحار و ده لا يزيد عن 1 % , النوع ده يلزمه 3 حاجات , مفيش فيهم كتب تراث ولا مناهج أزهر , يلزمه انه يكون اتربى في بيت اخوانجي ارهابي رسمي , يعني لأب و أم من نفس الفصيل و يرضعوه الزباله و الكراهيه من يوم ما يتولد , ويلزمه شوية قصص و كربلائيات من بتاعة التنظيم , وفلانه اللي قعدو يغتصبوها 500 سنه في السجون , و الهجايص الجميله دي , و يلزمه كمان مخدرات , عنصر المخدرات بيبقى مهم جدا , و اجمالا النوع ده بيكون عامل بالظبط زي ما قال صديق عزيز , عامل زي الذخيره اللي بتفضل مرميه و تعيش و تموت و هي مرميه , زي طلقه الرصاص مثلا , امتى الطلقه دي تقتل ؟ لو اتوفر لها سلاح , طبنجة او مسدس , هنا السلاح بيبقى رغبة التنظيم الإرهابي اللي من وراه التنظيم الصهيوني
.
قولنا ألف مره إن مناهج الأزهر محتاجه تنقيح و تطوير ( و بدأو بالفعل ) , و إن كتب التراث محتاجه شغل كتير ( و بدأو ) و إن وزارة الأوقاف محتاجه كذا ( و بدأو ) .
.
أما ان سيادتك تلبّس الإرهاب اللي خرب دول و هزم جيوش و اتصرف عليه عشرات المليارات و بترعاه اجهزة مخابرات عالميه , تلبس الحدوته دي لعمة شيخ الأزهر بعد كل اللي شوفته بعنيك , تبقى لامؤاخذه مُصرّ إنك تمارس العلوقيه على قارعة الطريق , و مش بلاقي فرق بينك و بين اللي بيقول الجيش بيقتل جنوده و الشرطه بتقتل عساكرها , انتو الإتنين زبون لقطه لمخرج العرايس اللي اخترع اللعبه و بيحرك عرايسه .
................................................................................................................................
Mohamed Hussein
20 فبراير 2019
أجيال و هويه و دم طاهر
.
صباح الخير
- كل واحد فينا له جد أو أب أو عم أو خال شارك في حروب ضد الكيان الصهيوني , من أول 48 ل 56 ل 67 ل 73 , وفيهم اللي شارك في أكتر من حرب , كل واحد فينا ايديه و توبه و جيناته متعطره بدم طاهر , دم شهيد أو دم مصاب في الحرب .
.
- الجيل بتاعنا احنا مادخلش حروب , أو بمعنى أصح مادخلش حروب لحد 2011 , بعد 2011 دخلنا كلنا حرب شكلها مختلف , حرب مش تقليديه ولا نظاميه , حرب مابنشوفشي فيها طيارات حربيه طايره فوقينا ولا صواريخ بتنضرب ولا بنسمع جرس إنذار ولا بننزل مخابئ , حرب ألعن ما فيها ان كتير مننا مش عارف يحدد عدوه فين ولا عارف يشاور عليه , عدوه أصلا ممكن يكون معاه في الشغل أو العماره أو حتى بياكل معاه في نفس الطبق و هو مايعرفش .
.
- و من غير ما نخوض في تفاصيل حروب الجيل الرابع و سلسلة الأعداء اللي هي عباره عن حلقات واصله ببعضها , انا عايز هنا اتكلم عن حاجه تانيه خالص , فيه جزء ملموس لحرب ما بعد 2011 , فيه دم جديد طهرنا بيه ايدينا و توبنا و جيناتنا , دم كل عسكري و كل ظابط , كل مسلم و كل مسيحي , و بقى لنا تار جديد عند عدو جديد , البلد دي يابني قدرها كده , من يوم ماتولدت , اكتر دوله في التاريخ دخلت في حروب بحكم موقعها الجغرافي و أهميتها و ثرواتها و خلافه , الحكايه دي لما تفهمها هتبطل تهري و تهبد و تحط عيشه على أم الخير و تجيب نماذج لدول تانيه في أقصى الكره الأرضيه و تقول نطبقها عندنا .
.
- الأجيال اللي جايه محتاجه توعيه مش اكتر , توعيه مننا , من البيت قبل المدرسه و قبل الجامع و الكنيسه وقبل الإعلام و الدراما , البيوت هي اللي بتربي , و إجمالا الأجيال اللي طالعه هتبقى عندها ميزه كبيره ماكنتش عندنا , ميزة ان عدوهم ظاهر قدامهم , لا متنكر في توب الرجل التقي الصالح ولا متداري بزبية صلاه .
.
مصر في اخر 90 سنه لها عدوين اتنين , واحد كان ظاهر للكل اسمه العدو الصهيوني و التاني كان متداري وسطينا اسمه التنظيم الإرهابي الدولي , مبقاش متداري , و دي ميزة كبيره أوي , ماهو أهم و أول سلاح تقدر تحارب بيه عدوك هو انك تعرفه , تعرف تشاور عليه صح , هو انه ينكشف قدامك .
.
- مصر في 90 سنه كان لها عدوين , الصهاينه و الإخوان , ديب بيحاول ينهش في لحمك من بره و سوس بيحاول ينخر في عضمك من جوه , و الغريبه يا أخي إن العدوين ظهرو في نفس التوقيت بالظبط , و الأغرب إن العدوين أنشأتهم المخابرات بتاعة بريطانيا , البلد المتحضره الكيوت اللي قلبها قلب خسايه , و طبعا بالصدفه البحته !! .
....................................................................................................................................
Mohamed Hussein
20 فبراير 2019
العثور على 17 قنبله داخل سياره دفع رباعي بجوار محطة القطار في مدينة درسدن الألمانيه !! .
.
طبعا معروف إن الأزهر الشريف فرع درسدن هو مفرخة الإرهاب , و معروف برضه إن أنجيلا ميركل عامله الحكايه دي عشان تمرّر التعديلات الدستوريه عندها , خلاص يا ميركل خلاص , بلاش تفجّري الألمان وهما هيقولو نعم للتعديلات الدستوريه .
.
واحد يسألني و يقولي يا كابتن حسين , هي فين التعديلات الدستوريه اللي عاملاها ميركل و تعملها ليه أصلا إذا كانت بتحكم ألمانيا من أيام مسلسل الضوء الشارد و ذئاب الجبل ؟
- ممممممممم و هو فين الأزهر الشريف فرع درسدن يا جحش ؟!
.....................................................................................................................................
Mohamed Hussein
20 فبراير 2019
ذكرياتنا ....... أول حب في حياتي .
.
كنت في الكليه و بشتغل في صيدليه بعد العصر , اتعرفت عليها , كانت شبه مارتينا هينجز السويسريه بتاعة التنس , أياميها كان لسه الكتالوج بيقول جوابات غراميه و شرايط عبد الحليم و أم كلثوم .
.
جت في يوم و قالت لي انا بيتقدم لي عرسان كتير( و انا طبعا عارف و متأكد ) , مش عايزاك تيجي تتقدم ولا تطلب إيدي , انا بس عايزه استأذنك إنه لو ماما سألتني انتي بترفضي العرسان ليه ؟ أقول لها فلان الفلاني بيحبني و هييجي يتقدم لي حتى لو بعد 10 سنين , وقتها كانت حالتي الماديه ض ج , و عندي 5 أصغر مني عايزين يتعلمو و يتجوزو , منهم 3 بنات , ....... رفضت فكرة إني أقعدها جنبي وانا لسه قدامي كليه و جيش و سفر و سنين مش عارف هتبقى كام سنه , و مش عارف أصلا انا كده كنت جدع ولا ندل ( غالبا كنت ندل , لا أكيد مش غالبا ) .
.
الموضوع خلص بدموع و شحتفه و هاني شاكر , و هي بعد فتره اتخطبت لمهندس شغال في الخليج ,جت في الصيدليه و عزمتني على فرحها و لما قلت لها اني يادوب في أجازه من الجيش و ميعاد رجوعي يوم التلات وانتي فرحك الخميس يعني مستحيل , قامت عيطت قدام الناس , برضه مش لاقي تفسير للحكايه دي .
.
المهم نخرج من جو الشحتفه و احكي لكو على موقف كوميدي حصل وقتها , وانا في مركز تدريب الخدمات الطبيه, العساكر كلهم اطباء و صيادله و اطباء اسنان , جه عليا الدور إني أمسك توزيع الأكل في الغدا , من ضمن العساكر كان دكتور زميلنا ماعرفوش لانه من جامعه تانيه , فانا بقى في التوزيع كنت بدّي لكل عسكري ربع فرخه ما عدا ده , بديله نص فرخه , هو يستغرب و الدكاتره اللي بيوزعو معايا يستغربو , و كل مره اعمل كده و محدش عارف السبب , والسبب ببساطه شديده و باختصار إنه حواجبه بالظبط بالظبط شبه حواجب البنت اللي بحبها , أه و عهد الله , لا أكتر ولا أقل .
................................
الموقف الكوميدي ده أكد لي حاجه مهمه , إني عاطفي في تفكيري ( وماعنديش ضمير ) و بالتالي مستحيل أنفع في موقع مسئوليه , يعني مثلا مثلا لو بقيت رئيس مصر أول قرار هاخده هو ان جمهورية مصر العربيه عاصمتها المنصوره , عشان بحب المنصوره جدا ( بلدي ) , و أنقل لها بقى قصر الرئاسه و البرلمان و الوزارات و الأهرامات التلاته و سيتي ستارز و الشرقاوي بتاع المخ و الكبده , و تاني قرار رئاسي هو إن الزمالك يفوز بالدوري لمدة 30 سنه متواصله ( يعني لحد ما اخلص فترة رئاستي الأولانيه ) عشان يبقى كسب الدوري أكتر من الأهلي .
........................................................................................................................
Mohamed Hussein
21 فبراير 2019
ولاد الأفاعي
.
البرادعي ضد عقوبة الإعدام يا منى , ضد الإعدام يا يسري , حتى لو كان المتهم قاتل و إرهابي و معترف يا لميس , الإعدام حاجه وحشه خالص و هيخر دم يا ابراهيم , ليه نعدم اللي قتلو نائب الشعب يا عايده ؟.
.
عمرو واكد ضد عقوبة الإعدام , عشان الأصل في العقوبه يا أغبيا ياللي مش فاهمين زي الأستاذ عمرو واكد , الأصل هو إعادة التأهيل , يعني يا ولاد لما واحد يقتل مانعدموش , نعيد تأهيله و نعلمه و نربيه و نقوله اللي عملته ده كخ , كخ يا حماده .
.
فاحنا بقى بإذن واحد أحد نسيب ظباطنا و جنودنا و مسلمينا و أقباطنا ضهرهم مكشوف للإرهابيين و القتله و السفاحين , والله يابني عايز تقتل حد منهم اتفضل , يا أهلا و سهلا , احنا في ديك الساعه لما نتقتل على إيديك ؟,و لو ماتمسكتش خير و بركه , ولو اتمسكت مش هنعدمك لأنك ضحيه فكر خاطئ و محتاج اعادة تأهيل و محتاج ساونا و جاكوزي و مدرس بيانو يعلمك العزف , هنسجنك بس و نعلفك في السجن و نعالجك و تكلف الدوله 3000 جنيه في الشهر يقوم ابن عمك الإرهابي الكيوت اللي زيك يتشجع و يقتل شويه مننا برضه , دي شغلانه حلوه , شغلانه هايله .
.
و عزة جلال الله , و ربنا المعبود أنا لو رئيس مصر و عندي صلاحيات إصدار أحكام قضائيه كنت طالبت بإعدام البرادعي و عمرو واكد و كل الأشكال الزباله اللي زيهم , إعدامهم قبل إعدام الإرهابي اللي بيشيل سلاح , عشان بمثل هؤلاء الصيع ولاد الأفاعي فيه بلاد خربت و جيوش وقعت و حضارات أصبحت أثر بعد عين .
........................................................................................................................................
Mohamed Hussein
21 فبراير 2019
شوفي يا ستي , ولا ستك و ستي إلا بلدنا دي اللي عايشين في ضلها .
شوف يا سيدي , ولا سيدك و سيدي إلا تراب البلد دي و دم الشهدا اللي بيحمو أرضها و عرضها .
.
الحكايه أهي ببساطه شديده و باختصار و في مستوى الطالب المتخلف عقليا , يعني يفهمها عادي , صلي بقى على سيدك النبي :
.
- فلان الفلاني ده تاجر مخدرات عقبال أملتك , إتجار مش تعاطي , اتقبض عليه و اتحكم عليه بالإعدام و الإعدام اتنفذ , فيه و في ألف واحد زيه في الكام سنه اللي فاتو .
.
- علان العلاني , ده شاب كيوت و جميل اغتصب واحده و قتلها , فلما اتقبض عليه اتحكم عليه بالإعدام , و الإعدام اتنفذ , فيه و في ألف واحد زيه في الكام سنه اللي فاتو .
- ترتان الترتاني ده قاتل و قاطع طريق و بيسرق عربيات , اتقبض عليه و اتحكم عليه بالإعدام و الإعدام اتنفذ , فيه و في ألف واحد زيه في الكام سنه اللي فاتو
.
جميل كده ؟ قولو جميل
.
- فلان الفلاني و علان العلاني و ترتان الترتاني , لهم صور أكيد و هما كيوت و لابسين بدل و مسرحين شعرهم , و لهم صور و هما متخرجين من الجامعه و لهم صور و هما بيحجو بيت الله 300 مره , بس الصور دي محدش بيطلعها ولا حد بيهتم بيها لأنها ببساطه شديده قدام كتاب القانون ملهاش أي تلاتين لازمه
.
- خد التقيله بقى , معاك حاجه تاخد فيها ؟ فلان و علان و ترتان لما اتعدمو و اتعدم ألاف زيهم بجرايم مختلفه , ماتحركتش منظمات حقوق الإنسان ولا هيومان رايتس بيتش , ولا الصيع و الخو*ات أمثال البرادعي و عمرو واكد , ولا الميديا الغربيه ولا قناة الخنزيره ولا حد قال ليه تعدموهم و احنا ضد الإعدام .
.
طب ليه ماتحركوش مع فلان و علان و ترتان و ألاف زيهم اتنفذ فيهم حكم الإعدام ؟ وليه كلهم اتحركو في وقت واحد و هاجو و ماجو وقت إعدام إرهابيين قتله معترفين بجريمتهم ؟ عشان الإجابه ببساطه شديده و باختصار , كل دول منظومه واحده , أمنا الغوله اللي اسمها أمريكا اللي بتحكم العالم صنعت إرهاب و صنعت له السنّيده بتوعه , اللي هما الميديا الغربيه و منظمات حقوق الإنسان و الخوا*ات اللي حضراتكو شوفتوهم بيمارسو العلوقيه على قارعة تويتر و على عيون الأشهاد .
................................................................................................................................................
Mohamed Hussein
22 فبراير 2019
قيراط عقل ولا فدان هري و هبد و شألبه
.
صباح الخير
1- دار الإفتاء عامله شغل رائع عن التعريف بالجماعات الإرهابيه و خطورتها على الوطن , دور داعم و مساند للدوله المصريه العريقه
.
2- وزارة الأوقاف عامله شغل كبير جدا في السنتين اللي فاتو , توحيد خطبة الجمعه , اختيار المواضيع , تطوير و تدريب للأئمه و الخطباء , مؤتمرات و ندوات مالهاش أول من أخر
.
3- الأزهر الشريف , المؤسسه العظيمه اللي عمرها 10 قرون , واللي خرجت ألاف العلماء , المؤسسه دي بدأت تستعيد دورها من جديد و تنضف نفسها بنفسها من الدنس الإخوانجي والوهابي و تطور الخطاب الديني بالفعل .
.
4- نقطة مهمه جدا لازم الناس تفهمها بتركيز , اللي نفذو عملية اغتيال النائب العام كلهم متخرجين من كليات تابعه لجامعة الأزهر , هو الأزهر فيه طلبه اخوان ؟ ايوه يا فندم , وفيه قدهم 100 مره في كل الجامعات المصريه , في القاهره و عين شمس و المنصوره والزقازيق و أسيوط كل الجامعات , بصو لسحنة الإرهابيين اللي نفذو العمليه ؟ بصيتو كويس ؟ أيوه هي نفس السحنه اللي بتشوفوها في طلبة الإخوان في كليات التجاره و الطب و الصيدله و الحقوق والهندسه و خلافه .
.
5- طب انا عايز أقول ايه ؟ عايز اقول ان الاختيار ده مقصود , اللي بيدير المنظومه مش قيادات الإخوان لأنهم أتفه من إنهم يعرفو يفكرو , المنظومه بيديرها اجهزة مخابرات اجنبيه , و العمليه بالشكل ده بتبقى اسمها العمليه المتكامله , هنختار أي 10 عناصر و ندربهم لعملية اغتيال , نجيبهم بقى من طلبة هندسة المنصوره او طب أسيوط ؟ لا نجيبهم من جامعة الازهر , ليه يا مولانا ؟ عشان نبقى ضربنا عصفورين بحجر , قتلنا نائب الشعب و لو العيال اتمسكت نبقى لبّسناها في رقبة الازهر الشريف , وتلاقي ست أم شوشو ركنت سبت الغسيل على جنب و دخلت تهبد و تقول ( الأزهر مفرخة الإرهاب ) , البؤ ده بيسعد جدا اللي بيدير المنظومه .
.
6- طب الإرهابي بيتكون و بينشأ فين ؟ في البيت يا مولانا , في بيت إرهابي يرضع الكراهيه و الغل من يوم مايتولد , و كتب التراث ؟ كتب التراث بتتباع على الأرصفه , الأزهر مش واخدها حصري ولا حاجه , طب ناخد الإرهابي يدرس في الأزهر عشان يبقى جاهز للتنفيذ ؟ لا هو هيبقى جاهز للتنفيذ حتى لو درس في السوربون او هارفارد .
.
7- 99 % من قيادات الجماعه الارهابيه على مر تاريخهم القذر, مكانوش من علماء الأزهر الشريف , فلو يعني مثلا مثلا , مرشد الجماعه كان استاذ في طب بيطري الزقازيق يبقى حضرتك مناهج طب بيطري الزقازيق هي السبب ؟
.
8- الازهر نفسه مستهدف زي ماكانت الشرطه مستهدفه و زي مالجيش مستهدف و زي مالقضاء مستهدف .
.
9- أنا مش أزهري ولا انا متدين و مقطع حصر الجامع , انا بس عايز أقول لكو ان فيه حاجه اسمها مؤسسات دوله و أعمدتها , وفيه حاجه اسمها القوه الناعمه لمصر , اللي منها مؤسسة الأزهر الشريف , أعدائك بيستهدفوها بكل الطرق , و هي بتحاول تطور و تنضف نفسها , يبقى نقف جنبها و نطالب بتعديل و تطوير و تنقيح المناهج مع كل و كامل احترام للكيان
.
اللهم قد بلغت , اللهم فاشهد .
..................................................................................................................................
Mohamed Hussein
22 فبراير 2019
ذكرياتنا , و بؤ مايه
.
الولد اللي بيذاكر ده يبقى أنا , مش أنا أنا يعني , انا ماكنتش حليوه كده , انما الحركه دي بتاعتي , من أول ماكان عمري 12 سنه لحد ما بقيت شحط و خلصت جامعه , لو حد من بلدنا لمح عيل على مدد الشوف بيذاكر و هو ماشي وسط الغيطان هيقول وهو مغمض , ده محمد ابن احمد أبو حسين .
.
تقولي يعني ايه تمسك كتاب و معاك قلم مكسور من غير لبيسه و تمشي تذاكر وسط الأراضي و الخضره و نسمة الهوا و نور ربنا ؟ تقولي يعني ايه تمشي خمسه سته كيلو من غير ماتحس , و توصل لبلاد تانيه , لا رجليك تتعب ولا كعب رجليك يشتكي , فاتح كتابك بتقرا و تراجع مع نفسك بصوت عالي , صوت بيسمعه شجر الفول و عيدان البرسيم و سنابل القمح , بس مفيش بني أدمين حواليك , و كل ماتتعب شوية من المذاكره تبص للمنظر و السجاده الربانيه , تملى عنيك خير و طاقه و تكمل تاني , تقولي يعني ايه الكلام ده ؟ أقولك يعني مرحلة مابعد الجمال بمترين .
.
في الصوره التانيه شوية وز وترعه صغيره و جنينه فيها نخل وبيت بسيط من الطين , لو قلت لي ده وصف الجنه ولازم يا محمد تصلي 5 مرات في اليوم طول عمرك عشان تدخلها , هصلي و ألتزم .
.
الصوره التانيه من جوجل , و لو يعني ماخانتنيش الذاكره , و مع علمي ان المناظر الرائعه بتتكرر و تتشابه في قرانا , لكن ممكن أقول إن دي عزبة مظهر اللي كنت بوصل لها و أنا بذاكر , و النخل ده بتاع عقيل مظهر, كان بيطلع منه أجمل بلح ممكن تاكله في حياتك
.
تقولي يعني ايه تقعد جنب الوز ده على شط ترعه و تشوف المنظر قدامك و انت بتشرب كوباية شاي في ساعة عصاري أقولك يعني ألف حقنة فيتامين و ألف كتاب تنمية بشريه و ألف اسطوانة اكسجين بنحطهم في صدرنا
.
تقولي يا محمد هنجيب لك شنطه فيها مليون دولار و تروح تزور الأماكن اللي ماتقدرش على تمنها , و تصيف في المالديف و هاسيندا , و تزور أفخم المولات و الفنادق في العالم أقولك مليش في البلاستيك , مليش يابني في البلاستيك , خلي فلوسك معاك و وديني عند الصورتين دول , بنروح هناك ببلاش عشان نعيش و نتنفس .
.
و لو مطلوب مني وصف في كلمة واحده للصورتين , أقولك وصفهم اسمه ( الحُسْن ) , فسجدتُ لحسنكَ أعبدهُ .
.....................................................................................................................................
Mohamed Hussein
22 فبراير 2019
من كام يوم ظهر لنا الدكتور الخروف الضاني الجميل اللي قال احنا عندنا سمنه عشان فقرا
- احنا فقرا اوي يا مسعودي , و الصومال عندها نحافه عشان اغنيا اخر فيصل طبعا , و الخليج عنده سمنه عشان فقرا اوي زي حالاتنا !! .
.
والنهارده خروف ضاني تاني بدرجة دكتور, قالك سرقو القلوب و الكلاوي و القرنيه و الفشه و الطحال بتاعة المتهمين قبل اعدامهم , وبالنسبه للي مش دارس الطب أحب أوضح له الحاجات دي بتتسرق ازاي من غير مايكون فيه أثر في الجثه ولا خربوش من بره , و ازاي الأهالي استلمو الجثث سليمه زي الفل رغم سرقة الأعضاء دي
.
مانتو عشان جهله مش عارفين , الحكايه و ما فيها , هاتو ورقه و قلم و سجلو عندكو بقى
- انت تجيب عيل صغير تكون ايده صغيره و راضع صدر أمه , و تقوله يابني هتمد ايدك في بؤ الجثه , قصدي في بؤ المتهم قبل ما يتعدم , هتلاقي القلب على ايدك الشمال تسحبه كده بالراحه
- و تمد ايدك شويه لتحت لحد ماتلاقي ال 7 كلاوي , تجيبهم واحده واحده , وابقى هات البنكرياس معاك , أهو ينفع برضه .
- و تمد ايدك في ودنه عشان تسحب القرنيه بس خلي بالك القرنيه محتاجه معامله خاصه زي الجيلي كده
- و بسرعه يابني عشان الأثرياء العرب واقفين هما و الصهاينه و كل واحد معاه حلّه ياخد فيها البضاعه بتاعته .
.
و بس يا سيدي , أدي كل الحكايه , ماتنسوش بقى لما الخروف ابن الكلب ده يتمسك و يتعلق على عمود نور تتشحتفو عليه و تقولو ده دكتور من أبو 99 % و تنزلو بصوره بالبالطو الأبيض و بالبدله و الكرافته و تقولو ده حافظ القرأن الكريم و حاجج بيت الله 400 مره و ان اللي كتبه ده يندرج تحت بند حرية الرأي , ايه يعني لما يتهم الدوله بأجهزتها بسرقة أعضاء من جثث سليمه ؟! حرية رأي يا أخي .
................................................................................................................................
Mohamed Hussein
26 فبراير 2019
قديماً قال أدولف هتلر , إعطني شوية صفافير و شوية زمامير و شوية صاجات و شوية غطيان حلل و شوية خرفان و معتز مطر و حزمتين برسيم و أنا اخلّيك تتشألب على ضهرك من الضحك .
.............................................................................................................................................
Mohamed Hussein
27 فبراير 2019
دماء على القضبان
.
- عشرين شهيد و 40 مصاب في انفجار جرار قطار في محطة رمسيس !! .
.
المعلومه الوحيده المؤكده لحد دلوأتي ان الجرار كان ماشي بدون سائق و الفيديو اللي شوفته و اللي اتمنى ان محدش ينشره ولا يشوفه , بيقول ان الجرار داخل المحطه بسرعه جنونيه , و تنك الوقود انفجر
.
محطة رمسيس أكبر محطة قطار في مصر , بيدخلها عشرات او مئات الألاف يوميا , اغلبهم من الأقاليم , اللي جايين من بلادهم واللي راجعين بلادهم , ناس بتجري على مصالحها و أكل عيشها
.
الحادث ممكن يكون اهمال غير متعمد أو اهمال متعمد ؟ اه وارد , التحقيقات هي اللي هتقول
.
الحادث ممكن يكون إرهابي مدبر خصوصا بعد تنفيذ أحكام الإعدام و بعد ماتفتح موضوع تعديل الدستور ؟ أه وارد , التحقيقات هي اللي هتقول
.
الحادث ممكن يكون مرتبط بأي شكل من الأشكال بالدعوه الإرهابيه بتاعة الصفافير و الهبل ده ؟ أه ورارد برضه , التحقيقات هي اللي هتقول .
.
الحادث له علاقه بصيانة الجرارات و القضبان و الكلام ده ؟ لا ماعتقدش , حادث بالشكل ده ملوش علاقه بفكرة جرارات متهالكه او قضبان مش سليمه , وبرضه التحقيقات هي اللي هتقول
.
حوادث القطارات بتحصل بشكل يومي في كل مكان في العالم ؟ اه و لأسباب كتير مختلفه و متنوعه .
.
طب لو سائق الجرار هو المسئول يتحاسب لوحده ؟ لا , المسئولين عن السكه الحديد يتحاسبو معاه .
.
يعني نستني نتيجة التحقيقات ؟ ايوه يافندم زي أي مواطن محترم في أي دوله محترمه , و الحمد لله عندنا وزرا و متحدثين رسميين و صفحات رسميه و ناس بتطلع عالهوا تقول النتايج بدون خوف أو تردد , يعني لو الحادث له اسباب ارهابيه مش هيتكسفو يقولو , ولو سببه اهمال متعمد أو غير متعمد مش هيتكسفو يقولو .
.
عبد الفتاح السيسي عليه فواتير لحد أو حد لاوي دراعه ؟ لا , و بالتالي ماعندوش أي غضاضه لو حس من نتيجة التحقيقات بإهمال كبير إنه يشيل أي حد حتى وزير النقل نفسه .
.
أتمنى من كل الأصدقاء احترام جلال و هيبة المشهد , يبطلو نشر أخبار من مصادر مجهوله و ماينشروش فيديوهات ولا صور للضحايا عشان الموت له حرمه
.
ربنا يرحم شهدائنا و يشفي مصابينا
......................................................................................................................................
Mohamed Hussein
28 فبراير 2019
إستقيل يا ريس , قدم استقالتك
.
قدم استقالتك عشان حادثه سببها إهمال عنصر بشري قذر عديم المسئوليه , حادثه بيحصل زيها في كل دول العالم المتقدمه و المتخلفه و مفيش رئيس بيستقيل ولا حتى حكومه , بس انت لازم تستقيل و تاخد الحكومه في ايدك
.
استقيل ياريس عشان حادثه ممكن تحصل في كل بلد مرتين تلاته في السنه و لأسباب مختلفه فيبقى مطلوب مننا رئيس كل 3 شهور و حكومه كل اسبوعين
.
قدم استقالتك عشان فيه عيل صايع لقى الشعب المصري الأصيل ملموم قدام بنك الدم و بيتبرع بدمه فكتب إنه تف عليهم وقال دمي أشرف منكو !! , استقيل عشان الواد الصايع ده يتبسط .
.
استقيل ياريس عشان سواق ساب الجرار شغال و نزل يتخانق و بعدين طلع عالهوا يضحك , هو يضحك وانت تستقيل .
.
قدم استقالتك عشان معتز مطر و كل الخرفان اللي هربانين بره مصر يتبسطو بعد ماحاولو سنين يحرقو البلد دي و يخربوها وفشلو , فانت بقى تقدم استقالتك و الله غالب .
.
استقيل يا ريس عشان شمامين الكوله عندنا عارفين و متأكدين إن الإرهاب و الخراب هيتوقف لما الجماعه الارهابيه ترجع تحكمنا بس لما تيجي تقول لهم دي جماعه ارهابيه يقولك عرفت منين ؟ دانت بتفتري عليهم .
.
قدم استقالتك عشان أبله أم شوشو و هي بتنشر الغسيل جت لها فكره , إن الجرار اللي اتحرك لوحده ده و اتسبب في الكارثه مكانش هيتحرك لو عندنا صيانه و قضبان كويسه و أمشاط و فلايات , أبله أم شوشو دي أصلها ناصحه أوي و سابقانا بمليون سنه ضوئيه .
.
استقيل ياريس عشان مصر يحكمها أيمن نور و البرادعي و احمد المغير و علاء الأسواني و معتز مطر و أيات عرابي و تبقى مليطه زي الفل , لأن عقولهم ألماظات و دمهم طاهر و طاهر نفسه ممكن يحلف عالمصحف بكده
.
قدم استقالتك عشان مصر اللي دايسه على رقبة الشاذ التركي و النعجه القطريه تتحول لمجرد ولايه تابعه ليهم , سلسلة مفاتيح بيلفها الصيع و الأوباش حوالين صوابعهم .
.
استقيل ياريس عشان تجار الغلابه و تجار الدم و تجار الشعارات اللي بيتاجرو بالفقرا و هما نايمين على بطنهم في قصورهم يحكمونا و أول حاجه يعملوها هي دهس الغلابه و فرمهم , ماهي التجاره و الشعارات وقتها مش هيبقى لهم لازمه .
.
قدم استقالتك عشان سوسو و توتو و فوفو و كوكي و طنط نحمده قعدو عالسرير و كتبو يا جماعه احنا في التحرير و العدد بيزيد , انزلو بسرعه , استقيل بقى بدل ماقعدتهم في السرير دي ترعبك و تطير النوم من عينيك .
.
استقيل ياريس و خد الشعب معاك , احنا أصلنا مش بنتاجر بدم ولا بفقرا ولا بدين , احنا و العياذ بالله من بتوع تحيا مصر , الناس اللي بتعتبر للموت حرمه و للدين قداسه و للوطن و هويته و تاريخه و أمنه القومي و جيشه ألف خط أحمر
15 فبراير 2019
صباح الخير
.
الشيخ أسامه الأزهري في خطبة الجمعه من مسجد الفتاح العليم بيتكلم عن المؤسسات و الرموز و التاريخ , و الفرق بين النقد ( الواجب ) و بين الهدم و التشويه , الكلام اللي بنكتبه من سنين بقى يتقال على منابرنا !! .
.
طب ده من الدين ؟ اه حضرتك ده من الدين , الوعي , الفهم , الإدراك , انت فرد من مجتمع و جهلك بيكون مش بس عبء عليك , إنما عبء على مجتمعك كله , المسلم كيّس فطن , و في رأيي الشخصي و قناعتي الخاصه إن الجنه مش هيدخلها البهايم !!.
.
طب ده يتقال على منابرنا ؟ اه يا مولانا , اتمنى كل خطب الجمعه تتكلم عن الوعي , عن سلوكياتنا في الشوارع , عن احترام اشارة المرور و احترام سير الطريق , عن احترام المؤسسات و الكيانات و الممتلكات العامه و الخاصه , عن التفريق بين النقد و بين التشويه , عن إدراك الخطط و الألاعيب الشيطانيه لأهل الشر , عن فهم افتكاسة التلاعب بالألفاظ و المصطلحات , عن بر الوالدين و احترام الكبير, عن أهمية التعليم و البحث العلمي , عن تنمية المواهب , و عن و عن و عن
.
ماكنتش بلاقي أي مبرر في خطب الجمعه لقصص و افتكاسات تاريخيه مالهاش أي تلاتين لازمه , و راجل صالح عاش في كوخ مع معزه كان بيحلب لبنها , وانا مال أمي , و سيدنا ماعرفش مين من الصحابه اتجوز ماعرفش كام مره , وانا مال أمي برضه , عن تلقين الميت ( يعني نغششه يا مولانا ؟ هو ده الدين ؟ ) , عن صوت المرأه عوره , بجد والنبي ؟ طب مانقتلها و نتاويها أحسن , عن اسم زوجة الصحابي الفلاني ( هي الجنه هندخلها بامتحان mcq ? ) , عن غير المسلمين اللي هيدخلو النار بربطة المعلم كده ( هو انت ربنا ؟ ).
.
و رأيي الشخصي برضه و قناعتي التامه إن تجديد الخطاب الديني بدأ بالفعل , من الازهر و وزارة الأوقاف و دار الإفتاء , بيشتغلو بهدوء و في كذا اتجاه , من الكيانات الوحيده القادره على التجديد , مش شوية مرتزقه و أرزقجيه , و السباخ اللي اتراكم و اتكون في عقول الناس على مدار 50 سنه بينضف بشكل تدريجي .
.
#مصر_بتتغير .
.................................................................................................................................
Mohamed Hussein
15 فبراير 2019
إسمك و سنك و عنوانك
- محمد حسين , 32 سنه , مدينة نصر , مواليد السنبلاوين .
.
ممممممم 32 ولا 42 ؟
- يا باشا , انتو الحكومه واللي شايفينه صح موافق عليه .
.
انت يا فندي متهم بحيازة كمية كبيره من المخللات , ظباط البحث الجنائي لما فتشو لقو في تلاجتك 7 برطمانات مخلل انواع مختلفه , 7 برطمانات يا مفتري و مفيش حتة بسبوسه قد كده توحد ربنا .
- بص يا باشا انا هقول كل حاجه
.
اه هتقولي بقى البضاعه دي مش بتاعتي , وابن عمي شايلها عندي عشان سافر ابو ظبي و خالتي حمؤه ماتت محروقه و الهري ده , صح ؟
- لا يا باشا انا معترف , البضاعه دي بتاعتي .
.
كويس يا ابني انك اعترفت , الاعتراف هيفيدك ويخفف العقوبه
- انا أصلي يا باشا بصراحه يعني مدمن مخللات , و عايز الحكومه تعالجني
.
هي الحكومه هتعالج مين ولا مين ؟ قولي ياض مين اللي ورّد لك البضاعه دي كلها و مين الديلر , و لازم تعرف ان الانكار مش هيفيدك
- انا هعترف يا باشا , فيهم 3 برطمانات عاملاهم مرات اخويا في البلد , اللفت و الكرنب و اللمون , و 3 جايبهم من اولاد رجب , و برطمان جايبه من ولاد الحلال
.
مممممم ولاد الحلال يقربو ل ولاد رجب ؟
- لا يا باشا , تشابه أسماء .
.
ده كده يبقى إتجار مش تعاطي بس,وقعتك مهببه ,وفين المخلل اللي عاملاه مراتك ؟
- طب قرب سيادتك شويه عشان محدش يسمعنا , بصراحة ربنا يا باشا مراتي مابتعرفش تعمل مخلل .
.
اكتب عندك يا حسين
- لا ماتكتبش دي يا حسين , واستر علينا يا باشا ربنا يستر على ولاياك .
.
استر عليك ؟ دانت وقعت في شر أعمالك , يعني اتجار و تعاطي للمخللات و كمان مش عاجبك المخلل بتاع مراتك , حبس تسعميت سنه مع مصادرة البضاعه , و برطمان اللمون المعصفر ده يلزمني .
- أحب على يدك يا باشا , موافق عالحبس , بس سيب لي البرطمان ده , خد عيل من عيالي و سيب لي البرطمان .
..........................................................................................................................................
Mohamed Hussein
17 فبراير 2019
في الوقت اللي جنودنا و ظباطنا بيستشهدو و هما بيحمو حدودنا و أرضنا و عرضنا , في الوقت اللي بيسقو فيه أرض سينا الطاهره بدمهم الطاهر .
.
في نفس الوقت , فلان ده ارهابي جميل , و فلان ده بيدعمه , وفلان ده بيعمله غطاء سياسي , و فلان ده بيدور له على مبرر , وفلان ده بيقول نتصالح معاهم و هو عايش في النمسا , وفلان ده قاعد يهري و يهبد و ينظّر عالأبطال , وفلانه مشكلتها انها عايزه تقلع الحجاب في حفل جماعي و نزغرط لها كلنا , وفلان أعلن إلحاده يا ولاد فلازم نعمله حفله و نفتح أزايز شمبانيا و نقوله بارك الله فيك , قصدي فلتباركك الطبيعه , و فلان عايز شذوذ و مليطه و نعترف بحقهم و مش بعيد نكتبه ماده في الدستور عشان نعجبهم .
.
ده الفرق ببساطه شديده و باختصار , بين الشجره الطيبه والشجره الخبيثه , بين جناين التين و الورد أحفاد مينا و أحمس و كليوباترا و عبد الناصر, و بين الزرع الشيطاني اللي اترمى علينا من مزابل الشرق و الغرب .
.............................................................................................................................................
Mohamed Hussein
17 فبراير 2019
المشتتون في الأرض , أهل التيه
.
صباح الخير
- جمال حشمت , القيادي الضاني البارز , بيشحت شغل لولاده في تركيا , بيستجدى رجال الأعمال و أهل الخير إنهم يشغلو عياله و يشغلو الشباب اللي مش لاقي ياكل من سنين , و الأجر و الثواب على الله .
.
طب انا عندي اقتراح , فرصه شغل حلوه أوي لولاد جمال حشمت , لا مايشتغلوش في الدعاره ولا في بيوت الشواذ ( أعتقد الأماكن دي فيها عماله زايده و فايضه و مايصه و مليانه هئ و مئ ) , اقتراحي ان ولاد جمال حشمت يروحو يشتغلو مع أردوغان نفسه , يشتغلو ايه ؟ مممممممم يروحو معاه و هو بيسلف صندوق النقد الدولي , أهو ياخدو عمولتهم في المشوار و بوكيت موني و أجرة الميكروباص و يعيشو بقى .
.
زمان لما كان حد بيروح يبيع جاموسه من بلدنا , كان ياخد ابنه الصغير معاه , الواد يمسك في ديل الجاموسه قدام المشتري و يقول مش هنبيعها , دانا بحبها , يقوم المشتري مراضيه بخمسه جنيه أو عشره جنيه , أهو ولاد جمال حشمت يروحو مع أردوغان و يقفو قدام صندوق النقد و يمسكو شنط الفلوس بتاعة أردوعان و يقولو لمدير الصندوق مش هنسلفك و يعملو انهم بيبوظو البيعه , يقوم الراجل مراضيهم بعشره دولار أو 100 ليره عشان البيعه تمشي , يعني يمسكو في ديل الجاموسه .
..........................................................................................................................................
Mohamed Hussein
18 فبراير 2019
أستروكس
.
صباح الخير
- اتخضيتو ؟ طب ماتتخضوش بس انتبهو مش أكتر , أستروكس ماده مخدره منتشره بين شباب مصر , شوية اعشاب عاديه و شوية تبغ و بيترش عليهم الماده المخدره و احيانا ينضاف مبيدات حشريه , القصه بتخلص بهلوسه و فقدان للعقل و تشنجات و وفاه , وفاه للمتعاطي أو لحد من عيلته , شخصيا أعرف راجل اتقتل من كام يوم على ايد ابنه الشاب الكيوت مدمن الأستروكس .
.
- انما ما علينا , الأستروكس اللي أقصده هو المعنى الأشمل , مش بس الماده المخدره اللعينه , كل تغييب للعقل هو في نظري أستروكس .
.
- الإرهاب أستروكس , الإرهاب يا بني أدمين , الجماعات الارهابيه و الإسلاميه , لعبه اخترعتها بريطانيا و أمريكا من قبل قصة أفغانستان , دعم و ترويج لمشايخ التكفير و الجهل و البلاله , وفي النهايه نقتل نفسنا بإيدينا , و اللي اخترع اللعبه قاعد في التكييف لابس بدله و كرافته , و عشان هو ذكي كمّل اللعبه بحرفنه , صنع الجماعات الارهابيه و لم فيها الصيع و المخابيل بإسم الدين , عمل لهم غطاء سياسي و عسكري و إعلامي , حارب بيهم الإتحاد السوفيتي و دمر بيهم دول الشرق الأوسط , جيوش وبلاد بقت أثر بعد عين , و هو لابس نفس البدله و الكرافته , و عشان تكمل اللعبه قام لبّسها في عقول شوية الصيع اللي بيسمو نفسهم تنويرين و قال لهم كتب التراث و مناهج الأزهر هي السبب , جدر البطاطا هو السبب , كده جابو جون بكعب رجلهم من نص الملعب .
.
- الإعلام الغربي و منظمات حقوق الإنسان و التقارير و الهيئات و الحبشتكانات هي برضه أستروكس , بيسنجف لك الكلمتين و البؤين و يعمل غطاء للإرهاب و يخليك تحارب دولتك و جيشك و انت نايم على بطنك عالسرير .
.
- الإلحاد أستروكس , مفيش أديان ولا ألهه و احنا خلقنا نفسنا بنفسنا من شواشي الدره , المجد للطبيعه و لشجر الزيزفون , و ربما في وقت لاحق نعبد حجر المعسل أو مشابك الغسيل .
.
- اللعب بالمصطلحات أستروكس , الإرهابيين يبقى اسمهم جيش حر أو ولاية سينا , و الجيوش النظاميه يبقى اسمها ميليشيات فلان , و الخيانه وجهة نظر , و المروج للإرهاب و الخاين لبلده اسمه مدون أو ناشط سياسي , و الإعدام للإرهابي يبقى عمل ضد الإنسانيه , قلبي الصغير لا يحتمل .
.............................
- ماعندناش إعلام مدرك لطبيعة الحرب دي ولا محترف و عارف يتعامل معاها , عندنا شوية زلنطحيه إلا من رحم ربي .
- ماعندناش صناع دراما مدركين لخطورة المرحله , عندنا يا بيه بيشتغلو بطريقة ( شرا العبد ولا تربيته ) , هنجيب نجم و نعمله شخصيه و جنبها شوية شخصيات صغيره و نعيد و نزيد و نطبع و نصور , ستوب , كت , هايل ياخوانا .
.
- ده دورنا عالفيس بوك بقى , فرض عين مش فرض كفايه , نشرح للناس يعني إيه استروكس بالمعنى الشامل , عشان بمثل هذا مات شباب و شباب قتلو أهاليهم و شباب حرقو بلادهم ( و هم يحسبون أنهم يحسنون صنعا ).
.
- لأول مره هطلب من الناس , انشرو البوست ده واشرحوه لولادكو خصوصا اللي في سن المراهقه , عشان تحموهم و تبعدوهم عن كل أشكال و أنواع الأستروكس .
.......................................................................................................................................
Mohamed Hussein
18 فبراير 2019
مالك يا حبيبي زعلان و مكتئب كده ليه ؟
- مفيش يا أستاذ مفيش , عندي حالة ملل و زهق مش طبيعيه
.
يا راجل ؟ معقول مش لاقي حاجه تعملها خالص في حياتك ؟
- اه والله زي مابقولك كده
.
إزاي بس ؟ ماتدخل على تويتر تهبد و تهري في أي حاجه و تعملك هاشتاجين تلاته يسلّوك و تقول عسكر و فاشيه و دولة الزولم
- عملت و هريت و هبدت كتير لحد ما زهقت
.
طب خلاص ادخل عالفيس بوك وقول انك اتعرضت للتهديد من المخابرات و الأمن الوطني و من قصر الاتحاديه وقصر الكريملين وقصر المندي و انهم مش سايبينك في حالك لانك جبار وبتمشي عالحيط و بتزلزل أركان النظام
- عملت كتير برضه لحد ما زهقت
.
طب يا سيدي غير صورة البروفايل بصورة افتراضيه يكون فيها مثلا واحد جمجمته مفتوحه و طالع منها شجره و شعاع نور و مشبكين غسيل , أي حاجه تدل على العمق و كده
- عملت برضه و زهقت
.
طب ادعي زمايلك و سوسو و توتو و طنط أم نحمده بتاعة البدرشين لعمل ثورة جديده
- عملت و دعيتهم و كنا بنعمل إيفينت لثورة كل يوم تلات
.
ممممممم طب فكرت تجوّز صباع رجلك الصغير لصباع رجلك الكبير في حفل مهيب يحضره بقية صوابع رجلك ؟
- جوزتهم كتير و قربو يخلفو عيال
.
بس بس , تاهت ولقيناها , عندي لك فكره حلوه و بره الصندوق , أكيد ماعملتهاش
- إلحقني بيها أبوس ايدك
.
انت يا سيدي تدخل على صفحتك و تكتب , مساء الخير يا شباب أنا أعلنت إلحادي , المجد للطبيعه
- ها و بعدين
.
و تاني يوم تدخل على صفحتك تقول , سلامو عليكو يا شباب انا تراجعت عن إلحادي , سبحان الله العظيم
- يااااه , دي فكره هايله , عمري ما عملتها , هتسمّع جامد .
.
أي خدمه , تعاشرب شاي بقى , اتفضل والله
.........................................................................................................................................
Mohamed Hussein
19 فبراير 2019
شاب عمره 37 سنه , معاه جنسيه أمريكيه , و أبوه طبيب عايش في أمريكا , يعني لا فقير ولا مضطهد ولا متأثر بمناهج الأزهر الشريف !! و جاي يعمل عمليه انتحاريه عندنا .
.
بصو يا بني أدمين , نقول تاني , قصدي نقول عاشر
- الإرهاب اللي داير في المنطقه و في العالم كله له راعي رسمي , اسمه الصهيونيه العالميه اللي بتشمل معاها مخابرات أمريكا و بريطانيا
.
- تركيا دخلت اللعبه و بقت شريك في الإرهاب و بترعاه و تدعمه عشان أردوغان كلب فلوس , بيستخدم الارهابيين زي ما أمريكا وبريطانيا بيستخدموهم , كلب فلوس و كلب نفوذ و كلب مساومه
.
- قطر بنت الوسخه دخلت اللعبه من البدايه خالص هي و قناة الخنزيره عشان ده دورهم في المنطقه , دورهم اللي حددته لهم ستهم أمريكا , و اللي بترعاه القاعده الأمريكيه في قطر .
.
- و طبعا التنظيم الإرهابي الدولي دخل اللعبه من يوم ما اتولد .
.
- الإرهابي بقى اللي هو العنصر المنفذ بيكون نوع من اتنين مفيش غيرهم
.
1- نوع بيمارس الإرهاب بمعنى القتل , يعني يقتل , و ده لا تلزمه قصص الدين و حور العين و الجنه و الجهاد و البطيخ ده , بتلزمه دولارات لا اكتر ولا اقل و شوية أفيون لزوم تظبيط الدماغ , النوع ده بيمثل 99 % من الارهابيين , عشان كده بتلاقيهم جايين من دول تانيه , خصوصا دول شرق أوروبا و دول أفريقيا الفقيره , بيدربوه و يدوله دولارات و يوفرو له غطاء شرعي بإعلامهم و مواقعهم الإلكترونيه و المنظمات و الحبشتكانات .
.
2- نوع بيمارس الإرهاب بمعنى الإنتحار و ده لا يزيد عن 1 % , النوع ده يلزمه 3 حاجات , مفيش فيهم كتب تراث ولا مناهج أزهر , يلزمه انه يكون اتربى في بيت اخوانجي ارهابي رسمي , يعني لأب و أم من نفس الفصيل و يرضعوه الزباله و الكراهيه من يوم ما يتولد , ويلزمه شوية قصص و كربلائيات من بتاعة التنظيم , وفلانه اللي قعدو يغتصبوها 500 سنه في السجون , و الهجايص الجميله دي , و يلزمه كمان مخدرات , عنصر المخدرات بيبقى مهم جدا , و اجمالا النوع ده بيكون عامل بالظبط زي ما قال صديق عزيز , عامل زي الذخيره اللي بتفضل مرميه و تعيش و تموت و هي مرميه , زي طلقه الرصاص مثلا , امتى الطلقه دي تقتل ؟ لو اتوفر لها سلاح , طبنجة او مسدس , هنا السلاح بيبقى رغبة التنظيم الإرهابي اللي من وراه التنظيم الصهيوني
.
قولنا ألف مره إن مناهج الأزهر محتاجه تنقيح و تطوير ( و بدأو بالفعل ) , و إن كتب التراث محتاجه شغل كتير ( و بدأو ) و إن وزارة الأوقاف محتاجه كذا ( و بدأو ) .
.
أما ان سيادتك تلبّس الإرهاب اللي خرب دول و هزم جيوش و اتصرف عليه عشرات المليارات و بترعاه اجهزة مخابرات عالميه , تلبس الحدوته دي لعمة شيخ الأزهر بعد كل اللي شوفته بعنيك , تبقى لامؤاخذه مُصرّ إنك تمارس العلوقيه على قارعة الطريق , و مش بلاقي فرق بينك و بين اللي بيقول الجيش بيقتل جنوده و الشرطه بتقتل عساكرها , انتو الإتنين زبون لقطه لمخرج العرايس اللي اخترع اللعبه و بيحرك عرايسه .
................................................................................................................................
Mohamed Hussein
20 فبراير 2019
أجيال و هويه و دم طاهر
.
صباح الخير
- كل واحد فينا له جد أو أب أو عم أو خال شارك في حروب ضد الكيان الصهيوني , من أول 48 ل 56 ل 67 ل 73 , وفيهم اللي شارك في أكتر من حرب , كل واحد فينا ايديه و توبه و جيناته متعطره بدم طاهر , دم شهيد أو دم مصاب في الحرب .
.
- الجيل بتاعنا احنا مادخلش حروب , أو بمعنى أصح مادخلش حروب لحد 2011 , بعد 2011 دخلنا كلنا حرب شكلها مختلف , حرب مش تقليديه ولا نظاميه , حرب مابنشوفشي فيها طيارات حربيه طايره فوقينا ولا صواريخ بتنضرب ولا بنسمع جرس إنذار ولا بننزل مخابئ , حرب ألعن ما فيها ان كتير مننا مش عارف يحدد عدوه فين ولا عارف يشاور عليه , عدوه أصلا ممكن يكون معاه في الشغل أو العماره أو حتى بياكل معاه في نفس الطبق و هو مايعرفش .
.
- و من غير ما نخوض في تفاصيل حروب الجيل الرابع و سلسلة الأعداء اللي هي عباره عن حلقات واصله ببعضها , انا عايز هنا اتكلم عن حاجه تانيه خالص , فيه جزء ملموس لحرب ما بعد 2011 , فيه دم جديد طهرنا بيه ايدينا و توبنا و جيناتنا , دم كل عسكري و كل ظابط , كل مسلم و كل مسيحي , و بقى لنا تار جديد عند عدو جديد , البلد دي يابني قدرها كده , من يوم ماتولدت , اكتر دوله في التاريخ دخلت في حروب بحكم موقعها الجغرافي و أهميتها و ثرواتها و خلافه , الحكايه دي لما تفهمها هتبطل تهري و تهبد و تحط عيشه على أم الخير و تجيب نماذج لدول تانيه في أقصى الكره الأرضيه و تقول نطبقها عندنا .
.
- الأجيال اللي جايه محتاجه توعيه مش اكتر , توعيه مننا , من البيت قبل المدرسه و قبل الجامع و الكنيسه وقبل الإعلام و الدراما , البيوت هي اللي بتربي , و إجمالا الأجيال اللي طالعه هتبقى عندها ميزه كبيره ماكنتش عندنا , ميزة ان عدوهم ظاهر قدامهم , لا متنكر في توب الرجل التقي الصالح ولا متداري بزبية صلاه .
.
مصر في اخر 90 سنه لها عدوين اتنين , واحد كان ظاهر للكل اسمه العدو الصهيوني و التاني كان متداري وسطينا اسمه التنظيم الإرهابي الدولي , مبقاش متداري , و دي ميزة كبيره أوي , ماهو أهم و أول سلاح تقدر تحارب بيه عدوك هو انك تعرفه , تعرف تشاور عليه صح , هو انه ينكشف قدامك .
.
- مصر في 90 سنه كان لها عدوين , الصهاينه و الإخوان , ديب بيحاول ينهش في لحمك من بره و سوس بيحاول ينخر في عضمك من جوه , و الغريبه يا أخي إن العدوين ظهرو في نفس التوقيت بالظبط , و الأغرب إن العدوين أنشأتهم المخابرات بتاعة بريطانيا , البلد المتحضره الكيوت اللي قلبها قلب خسايه , و طبعا بالصدفه البحته !! .
....................................................................................................................................
Mohamed Hussein
20 فبراير 2019
العثور على 17 قنبله داخل سياره دفع رباعي بجوار محطة القطار في مدينة درسدن الألمانيه !! .
.
طبعا معروف إن الأزهر الشريف فرع درسدن هو مفرخة الإرهاب , و معروف برضه إن أنجيلا ميركل عامله الحكايه دي عشان تمرّر التعديلات الدستوريه عندها , خلاص يا ميركل خلاص , بلاش تفجّري الألمان وهما هيقولو نعم للتعديلات الدستوريه .
.
واحد يسألني و يقولي يا كابتن حسين , هي فين التعديلات الدستوريه اللي عاملاها ميركل و تعملها ليه أصلا إذا كانت بتحكم ألمانيا من أيام مسلسل الضوء الشارد و ذئاب الجبل ؟
- ممممممممم و هو فين الأزهر الشريف فرع درسدن يا جحش ؟!
.....................................................................................................................................
Mohamed Hussein
20 فبراير 2019
ذكرياتنا ....... أول حب في حياتي .
.
كنت في الكليه و بشتغل في صيدليه بعد العصر , اتعرفت عليها , كانت شبه مارتينا هينجز السويسريه بتاعة التنس , أياميها كان لسه الكتالوج بيقول جوابات غراميه و شرايط عبد الحليم و أم كلثوم .
.
جت في يوم و قالت لي انا بيتقدم لي عرسان كتير( و انا طبعا عارف و متأكد ) , مش عايزاك تيجي تتقدم ولا تطلب إيدي , انا بس عايزه استأذنك إنه لو ماما سألتني انتي بترفضي العرسان ليه ؟ أقول لها فلان الفلاني بيحبني و هييجي يتقدم لي حتى لو بعد 10 سنين , وقتها كانت حالتي الماديه ض ج , و عندي 5 أصغر مني عايزين يتعلمو و يتجوزو , منهم 3 بنات , ....... رفضت فكرة إني أقعدها جنبي وانا لسه قدامي كليه و جيش و سفر و سنين مش عارف هتبقى كام سنه , و مش عارف أصلا انا كده كنت جدع ولا ندل ( غالبا كنت ندل , لا أكيد مش غالبا ) .
.
الموضوع خلص بدموع و شحتفه و هاني شاكر , و هي بعد فتره اتخطبت لمهندس شغال في الخليج ,جت في الصيدليه و عزمتني على فرحها و لما قلت لها اني يادوب في أجازه من الجيش و ميعاد رجوعي يوم التلات وانتي فرحك الخميس يعني مستحيل , قامت عيطت قدام الناس , برضه مش لاقي تفسير للحكايه دي .
.
المهم نخرج من جو الشحتفه و احكي لكو على موقف كوميدي حصل وقتها , وانا في مركز تدريب الخدمات الطبيه, العساكر كلهم اطباء و صيادله و اطباء اسنان , جه عليا الدور إني أمسك توزيع الأكل في الغدا , من ضمن العساكر كان دكتور زميلنا ماعرفوش لانه من جامعه تانيه , فانا بقى في التوزيع كنت بدّي لكل عسكري ربع فرخه ما عدا ده , بديله نص فرخه , هو يستغرب و الدكاتره اللي بيوزعو معايا يستغربو , و كل مره اعمل كده و محدش عارف السبب , والسبب ببساطه شديده و باختصار إنه حواجبه بالظبط بالظبط شبه حواجب البنت اللي بحبها , أه و عهد الله , لا أكتر ولا أقل .
................................
الموقف الكوميدي ده أكد لي حاجه مهمه , إني عاطفي في تفكيري ( وماعنديش ضمير ) و بالتالي مستحيل أنفع في موقع مسئوليه , يعني مثلا مثلا لو بقيت رئيس مصر أول قرار هاخده هو ان جمهورية مصر العربيه عاصمتها المنصوره , عشان بحب المنصوره جدا ( بلدي ) , و أنقل لها بقى قصر الرئاسه و البرلمان و الوزارات و الأهرامات التلاته و سيتي ستارز و الشرقاوي بتاع المخ و الكبده , و تاني قرار رئاسي هو إن الزمالك يفوز بالدوري لمدة 30 سنه متواصله ( يعني لحد ما اخلص فترة رئاستي الأولانيه ) عشان يبقى كسب الدوري أكتر من الأهلي .
........................................................................................................................
Mohamed Hussein
21 فبراير 2019
ولاد الأفاعي
.
البرادعي ضد عقوبة الإعدام يا منى , ضد الإعدام يا يسري , حتى لو كان المتهم قاتل و إرهابي و معترف يا لميس , الإعدام حاجه وحشه خالص و هيخر دم يا ابراهيم , ليه نعدم اللي قتلو نائب الشعب يا عايده ؟.
.
عمرو واكد ضد عقوبة الإعدام , عشان الأصل في العقوبه يا أغبيا ياللي مش فاهمين زي الأستاذ عمرو واكد , الأصل هو إعادة التأهيل , يعني يا ولاد لما واحد يقتل مانعدموش , نعيد تأهيله و نعلمه و نربيه و نقوله اللي عملته ده كخ , كخ يا حماده .
.
فاحنا بقى بإذن واحد أحد نسيب ظباطنا و جنودنا و مسلمينا و أقباطنا ضهرهم مكشوف للإرهابيين و القتله و السفاحين , والله يابني عايز تقتل حد منهم اتفضل , يا أهلا و سهلا , احنا في ديك الساعه لما نتقتل على إيديك ؟,و لو ماتمسكتش خير و بركه , ولو اتمسكت مش هنعدمك لأنك ضحيه فكر خاطئ و محتاج اعادة تأهيل و محتاج ساونا و جاكوزي و مدرس بيانو يعلمك العزف , هنسجنك بس و نعلفك في السجن و نعالجك و تكلف الدوله 3000 جنيه في الشهر يقوم ابن عمك الإرهابي الكيوت اللي زيك يتشجع و يقتل شويه مننا برضه , دي شغلانه حلوه , شغلانه هايله .
.
و عزة جلال الله , و ربنا المعبود أنا لو رئيس مصر و عندي صلاحيات إصدار أحكام قضائيه كنت طالبت بإعدام البرادعي و عمرو واكد و كل الأشكال الزباله اللي زيهم , إعدامهم قبل إعدام الإرهابي اللي بيشيل سلاح , عشان بمثل هؤلاء الصيع ولاد الأفاعي فيه بلاد خربت و جيوش وقعت و حضارات أصبحت أثر بعد عين .
........................................................................................................................................
Mohamed Hussein
21 فبراير 2019
شوفي يا ستي , ولا ستك و ستي إلا بلدنا دي اللي عايشين في ضلها .
شوف يا سيدي , ولا سيدك و سيدي إلا تراب البلد دي و دم الشهدا اللي بيحمو أرضها و عرضها .
.
الحكايه أهي ببساطه شديده و باختصار و في مستوى الطالب المتخلف عقليا , يعني يفهمها عادي , صلي بقى على سيدك النبي :
.
- فلان الفلاني ده تاجر مخدرات عقبال أملتك , إتجار مش تعاطي , اتقبض عليه و اتحكم عليه بالإعدام و الإعدام اتنفذ , فيه و في ألف واحد زيه في الكام سنه اللي فاتو .
.
- علان العلاني , ده شاب كيوت و جميل اغتصب واحده و قتلها , فلما اتقبض عليه اتحكم عليه بالإعدام , و الإعدام اتنفذ , فيه و في ألف واحد زيه في الكام سنه اللي فاتو .
- ترتان الترتاني ده قاتل و قاطع طريق و بيسرق عربيات , اتقبض عليه و اتحكم عليه بالإعدام و الإعدام اتنفذ , فيه و في ألف واحد زيه في الكام سنه اللي فاتو
.
جميل كده ؟ قولو جميل
.
- فلان الفلاني و علان العلاني و ترتان الترتاني , لهم صور أكيد و هما كيوت و لابسين بدل و مسرحين شعرهم , و لهم صور و هما متخرجين من الجامعه و لهم صور و هما بيحجو بيت الله 300 مره , بس الصور دي محدش بيطلعها ولا حد بيهتم بيها لأنها ببساطه شديده قدام كتاب القانون ملهاش أي تلاتين لازمه
.
- خد التقيله بقى , معاك حاجه تاخد فيها ؟ فلان و علان و ترتان لما اتعدمو و اتعدم ألاف زيهم بجرايم مختلفه , ماتحركتش منظمات حقوق الإنسان ولا هيومان رايتس بيتش , ولا الصيع و الخو*ات أمثال البرادعي و عمرو واكد , ولا الميديا الغربيه ولا قناة الخنزيره ولا حد قال ليه تعدموهم و احنا ضد الإعدام .
.
طب ليه ماتحركوش مع فلان و علان و ترتان و ألاف زيهم اتنفذ فيهم حكم الإعدام ؟ وليه كلهم اتحركو في وقت واحد و هاجو و ماجو وقت إعدام إرهابيين قتله معترفين بجريمتهم ؟ عشان الإجابه ببساطه شديده و باختصار , كل دول منظومه واحده , أمنا الغوله اللي اسمها أمريكا اللي بتحكم العالم صنعت إرهاب و صنعت له السنّيده بتوعه , اللي هما الميديا الغربيه و منظمات حقوق الإنسان و الخوا*ات اللي حضراتكو شوفتوهم بيمارسو العلوقيه على قارعة تويتر و على عيون الأشهاد .
................................................................................................................................................
Mohamed Hussein
22 فبراير 2019
قيراط عقل ولا فدان هري و هبد و شألبه
.
صباح الخير
1- دار الإفتاء عامله شغل رائع عن التعريف بالجماعات الإرهابيه و خطورتها على الوطن , دور داعم و مساند للدوله المصريه العريقه
.
2- وزارة الأوقاف عامله شغل كبير جدا في السنتين اللي فاتو , توحيد خطبة الجمعه , اختيار المواضيع , تطوير و تدريب للأئمه و الخطباء , مؤتمرات و ندوات مالهاش أول من أخر
.
3- الأزهر الشريف , المؤسسه العظيمه اللي عمرها 10 قرون , واللي خرجت ألاف العلماء , المؤسسه دي بدأت تستعيد دورها من جديد و تنضف نفسها بنفسها من الدنس الإخوانجي والوهابي و تطور الخطاب الديني بالفعل .
.
4- نقطة مهمه جدا لازم الناس تفهمها بتركيز , اللي نفذو عملية اغتيال النائب العام كلهم متخرجين من كليات تابعه لجامعة الأزهر , هو الأزهر فيه طلبه اخوان ؟ ايوه يا فندم , وفيه قدهم 100 مره في كل الجامعات المصريه , في القاهره و عين شمس و المنصوره والزقازيق و أسيوط كل الجامعات , بصو لسحنة الإرهابيين اللي نفذو العمليه ؟ بصيتو كويس ؟ أيوه هي نفس السحنه اللي بتشوفوها في طلبة الإخوان في كليات التجاره و الطب و الصيدله و الحقوق والهندسه و خلافه .
.
5- طب انا عايز أقول ايه ؟ عايز اقول ان الاختيار ده مقصود , اللي بيدير المنظومه مش قيادات الإخوان لأنهم أتفه من إنهم يعرفو يفكرو , المنظومه بيديرها اجهزة مخابرات اجنبيه , و العمليه بالشكل ده بتبقى اسمها العمليه المتكامله , هنختار أي 10 عناصر و ندربهم لعملية اغتيال , نجيبهم بقى من طلبة هندسة المنصوره او طب أسيوط ؟ لا نجيبهم من جامعة الازهر , ليه يا مولانا ؟ عشان نبقى ضربنا عصفورين بحجر , قتلنا نائب الشعب و لو العيال اتمسكت نبقى لبّسناها في رقبة الازهر الشريف , وتلاقي ست أم شوشو ركنت سبت الغسيل على جنب و دخلت تهبد و تقول ( الأزهر مفرخة الإرهاب ) , البؤ ده بيسعد جدا اللي بيدير المنظومه .
.
6- طب الإرهابي بيتكون و بينشأ فين ؟ في البيت يا مولانا , في بيت إرهابي يرضع الكراهيه و الغل من يوم مايتولد , و كتب التراث ؟ كتب التراث بتتباع على الأرصفه , الأزهر مش واخدها حصري ولا حاجه , طب ناخد الإرهابي يدرس في الأزهر عشان يبقى جاهز للتنفيذ ؟ لا هو هيبقى جاهز للتنفيذ حتى لو درس في السوربون او هارفارد .
.
7- 99 % من قيادات الجماعه الارهابيه على مر تاريخهم القذر, مكانوش من علماء الأزهر الشريف , فلو يعني مثلا مثلا , مرشد الجماعه كان استاذ في طب بيطري الزقازيق يبقى حضرتك مناهج طب بيطري الزقازيق هي السبب ؟
.
8- الازهر نفسه مستهدف زي ماكانت الشرطه مستهدفه و زي مالجيش مستهدف و زي مالقضاء مستهدف .
.
9- أنا مش أزهري ولا انا متدين و مقطع حصر الجامع , انا بس عايز أقول لكو ان فيه حاجه اسمها مؤسسات دوله و أعمدتها , وفيه حاجه اسمها القوه الناعمه لمصر , اللي منها مؤسسة الأزهر الشريف , أعدائك بيستهدفوها بكل الطرق , و هي بتحاول تطور و تنضف نفسها , يبقى نقف جنبها و نطالب بتعديل و تطوير و تنقيح المناهج مع كل و كامل احترام للكيان
.
اللهم قد بلغت , اللهم فاشهد .
..................................................................................................................................
Mohamed Hussein
22 فبراير 2019
ذكرياتنا , و بؤ مايه
.
الولد اللي بيذاكر ده يبقى أنا , مش أنا أنا يعني , انا ماكنتش حليوه كده , انما الحركه دي بتاعتي , من أول ماكان عمري 12 سنه لحد ما بقيت شحط و خلصت جامعه , لو حد من بلدنا لمح عيل على مدد الشوف بيذاكر و هو ماشي وسط الغيطان هيقول وهو مغمض , ده محمد ابن احمد أبو حسين .
.
تقولي يعني ايه تمسك كتاب و معاك قلم مكسور من غير لبيسه و تمشي تذاكر وسط الأراضي و الخضره و نسمة الهوا و نور ربنا ؟ تقولي يعني ايه تمشي خمسه سته كيلو من غير ماتحس , و توصل لبلاد تانيه , لا رجليك تتعب ولا كعب رجليك يشتكي , فاتح كتابك بتقرا و تراجع مع نفسك بصوت عالي , صوت بيسمعه شجر الفول و عيدان البرسيم و سنابل القمح , بس مفيش بني أدمين حواليك , و كل ماتتعب شوية من المذاكره تبص للمنظر و السجاده الربانيه , تملى عنيك خير و طاقه و تكمل تاني , تقولي يعني ايه الكلام ده ؟ أقولك يعني مرحلة مابعد الجمال بمترين .
.
في الصوره التانيه شوية وز وترعه صغيره و جنينه فيها نخل وبيت بسيط من الطين , لو قلت لي ده وصف الجنه ولازم يا محمد تصلي 5 مرات في اليوم طول عمرك عشان تدخلها , هصلي و ألتزم .
.
الصوره التانيه من جوجل , و لو يعني ماخانتنيش الذاكره , و مع علمي ان المناظر الرائعه بتتكرر و تتشابه في قرانا , لكن ممكن أقول إن دي عزبة مظهر اللي كنت بوصل لها و أنا بذاكر , و النخل ده بتاع عقيل مظهر, كان بيطلع منه أجمل بلح ممكن تاكله في حياتك
.
تقولي يعني ايه تقعد جنب الوز ده على شط ترعه و تشوف المنظر قدامك و انت بتشرب كوباية شاي في ساعة عصاري أقولك يعني ألف حقنة فيتامين و ألف كتاب تنمية بشريه و ألف اسطوانة اكسجين بنحطهم في صدرنا
.
تقولي يا محمد هنجيب لك شنطه فيها مليون دولار و تروح تزور الأماكن اللي ماتقدرش على تمنها , و تصيف في المالديف و هاسيندا , و تزور أفخم المولات و الفنادق في العالم أقولك مليش في البلاستيك , مليش يابني في البلاستيك , خلي فلوسك معاك و وديني عند الصورتين دول , بنروح هناك ببلاش عشان نعيش و نتنفس .
.
و لو مطلوب مني وصف في كلمة واحده للصورتين , أقولك وصفهم اسمه ( الحُسْن ) , فسجدتُ لحسنكَ أعبدهُ .
.....................................................................................................................................
Mohamed Hussein
22 فبراير 2019
من كام يوم ظهر لنا الدكتور الخروف الضاني الجميل اللي قال احنا عندنا سمنه عشان فقرا
- احنا فقرا اوي يا مسعودي , و الصومال عندها نحافه عشان اغنيا اخر فيصل طبعا , و الخليج عنده سمنه عشان فقرا اوي زي حالاتنا !! .
.
والنهارده خروف ضاني تاني بدرجة دكتور, قالك سرقو القلوب و الكلاوي و القرنيه و الفشه و الطحال بتاعة المتهمين قبل اعدامهم , وبالنسبه للي مش دارس الطب أحب أوضح له الحاجات دي بتتسرق ازاي من غير مايكون فيه أثر في الجثه ولا خربوش من بره , و ازاي الأهالي استلمو الجثث سليمه زي الفل رغم سرقة الأعضاء دي
.
مانتو عشان جهله مش عارفين , الحكايه و ما فيها , هاتو ورقه و قلم و سجلو عندكو بقى
- انت تجيب عيل صغير تكون ايده صغيره و راضع صدر أمه , و تقوله يابني هتمد ايدك في بؤ الجثه , قصدي في بؤ المتهم قبل ما يتعدم , هتلاقي القلب على ايدك الشمال تسحبه كده بالراحه
- و تمد ايدك شويه لتحت لحد ماتلاقي ال 7 كلاوي , تجيبهم واحده واحده , وابقى هات البنكرياس معاك , أهو ينفع برضه .
- و تمد ايدك في ودنه عشان تسحب القرنيه بس خلي بالك القرنيه محتاجه معامله خاصه زي الجيلي كده
- و بسرعه يابني عشان الأثرياء العرب واقفين هما و الصهاينه و كل واحد معاه حلّه ياخد فيها البضاعه بتاعته .
.
و بس يا سيدي , أدي كل الحكايه , ماتنسوش بقى لما الخروف ابن الكلب ده يتمسك و يتعلق على عمود نور تتشحتفو عليه و تقولو ده دكتور من أبو 99 % و تنزلو بصوره بالبالطو الأبيض و بالبدله و الكرافته و تقولو ده حافظ القرأن الكريم و حاجج بيت الله 400 مره و ان اللي كتبه ده يندرج تحت بند حرية الرأي , ايه يعني لما يتهم الدوله بأجهزتها بسرقة أعضاء من جثث سليمه ؟! حرية رأي يا أخي .
................................................................................................................................
Mohamed Hussein
26 فبراير 2019
قديماً قال أدولف هتلر , إعطني شوية صفافير و شوية زمامير و شوية صاجات و شوية غطيان حلل و شوية خرفان و معتز مطر و حزمتين برسيم و أنا اخلّيك تتشألب على ضهرك من الضحك .
.............................................................................................................................................
Mohamed Hussein
27 فبراير 2019
دماء على القضبان
.
- عشرين شهيد و 40 مصاب في انفجار جرار قطار في محطة رمسيس !! .
.
المعلومه الوحيده المؤكده لحد دلوأتي ان الجرار كان ماشي بدون سائق و الفيديو اللي شوفته و اللي اتمنى ان محدش ينشره ولا يشوفه , بيقول ان الجرار داخل المحطه بسرعه جنونيه , و تنك الوقود انفجر
.
محطة رمسيس أكبر محطة قطار في مصر , بيدخلها عشرات او مئات الألاف يوميا , اغلبهم من الأقاليم , اللي جايين من بلادهم واللي راجعين بلادهم , ناس بتجري على مصالحها و أكل عيشها
.
الحادث ممكن يكون اهمال غير متعمد أو اهمال متعمد ؟ اه وارد , التحقيقات هي اللي هتقول
.
الحادث ممكن يكون إرهابي مدبر خصوصا بعد تنفيذ أحكام الإعدام و بعد ماتفتح موضوع تعديل الدستور ؟ أه وارد , التحقيقات هي اللي هتقول
.
الحادث ممكن يكون مرتبط بأي شكل من الأشكال بالدعوه الإرهابيه بتاعة الصفافير و الهبل ده ؟ أه ورارد برضه , التحقيقات هي اللي هتقول .
.
الحادث له علاقه بصيانة الجرارات و القضبان و الكلام ده ؟ لا ماعتقدش , حادث بالشكل ده ملوش علاقه بفكرة جرارات متهالكه او قضبان مش سليمه , وبرضه التحقيقات هي اللي هتقول
.
حوادث القطارات بتحصل بشكل يومي في كل مكان في العالم ؟ اه و لأسباب كتير مختلفه و متنوعه .
.
طب لو سائق الجرار هو المسئول يتحاسب لوحده ؟ لا , المسئولين عن السكه الحديد يتحاسبو معاه .
.
يعني نستني نتيجة التحقيقات ؟ ايوه يافندم زي أي مواطن محترم في أي دوله محترمه , و الحمد لله عندنا وزرا و متحدثين رسميين و صفحات رسميه و ناس بتطلع عالهوا تقول النتايج بدون خوف أو تردد , يعني لو الحادث له اسباب ارهابيه مش هيتكسفو يقولو , ولو سببه اهمال متعمد أو غير متعمد مش هيتكسفو يقولو .
.
عبد الفتاح السيسي عليه فواتير لحد أو حد لاوي دراعه ؟ لا , و بالتالي ماعندوش أي غضاضه لو حس من نتيجة التحقيقات بإهمال كبير إنه يشيل أي حد حتى وزير النقل نفسه .
.
أتمنى من كل الأصدقاء احترام جلال و هيبة المشهد , يبطلو نشر أخبار من مصادر مجهوله و ماينشروش فيديوهات ولا صور للضحايا عشان الموت له حرمه
.
ربنا يرحم شهدائنا و يشفي مصابينا
......................................................................................................................................
Mohamed Hussein
28 فبراير 2019
إستقيل يا ريس , قدم استقالتك
.
قدم استقالتك عشان حادثه سببها إهمال عنصر بشري قذر عديم المسئوليه , حادثه بيحصل زيها في كل دول العالم المتقدمه و المتخلفه و مفيش رئيس بيستقيل ولا حتى حكومه , بس انت لازم تستقيل و تاخد الحكومه في ايدك
.
استقيل ياريس عشان حادثه ممكن تحصل في كل بلد مرتين تلاته في السنه و لأسباب مختلفه فيبقى مطلوب مننا رئيس كل 3 شهور و حكومه كل اسبوعين
.
قدم استقالتك عشان فيه عيل صايع لقى الشعب المصري الأصيل ملموم قدام بنك الدم و بيتبرع بدمه فكتب إنه تف عليهم وقال دمي أشرف منكو !! , استقيل عشان الواد الصايع ده يتبسط .
.
استقيل ياريس عشان سواق ساب الجرار شغال و نزل يتخانق و بعدين طلع عالهوا يضحك , هو يضحك وانت تستقيل .
.
قدم استقالتك عشان معتز مطر و كل الخرفان اللي هربانين بره مصر يتبسطو بعد ماحاولو سنين يحرقو البلد دي و يخربوها وفشلو , فانت بقى تقدم استقالتك و الله غالب .
.
استقيل يا ريس عشان شمامين الكوله عندنا عارفين و متأكدين إن الإرهاب و الخراب هيتوقف لما الجماعه الارهابيه ترجع تحكمنا بس لما تيجي تقول لهم دي جماعه ارهابيه يقولك عرفت منين ؟ دانت بتفتري عليهم .
.
قدم استقالتك عشان أبله أم شوشو و هي بتنشر الغسيل جت لها فكره , إن الجرار اللي اتحرك لوحده ده و اتسبب في الكارثه مكانش هيتحرك لو عندنا صيانه و قضبان كويسه و أمشاط و فلايات , أبله أم شوشو دي أصلها ناصحه أوي و سابقانا بمليون سنه ضوئيه .
.
استقيل ياريس عشان مصر يحكمها أيمن نور و البرادعي و احمد المغير و علاء الأسواني و معتز مطر و أيات عرابي و تبقى مليطه زي الفل , لأن عقولهم ألماظات و دمهم طاهر و طاهر نفسه ممكن يحلف عالمصحف بكده
.
قدم استقالتك عشان مصر اللي دايسه على رقبة الشاذ التركي و النعجه القطريه تتحول لمجرد ولايه تابعه ليهم , سلسلة مفاتيح بيلفها الصيع و الأوباش حوالين صوابعهم .
.
استقيل ياريس عشان تجار الغلابه و تجار الدم و تجار الشعارات اللي بيتاجرو بالفقرا و هما نايمين على بطنهم في قصورهم يحكمونا و أول حاجه يعملوها هي دهس الغلابه و فرمهم , ماهي التجاره و الشعارات وقتها مش هيبقى لهم لازمه .
.
قدم استقالتك عشان سوسو و توتو و فوفو و كوكي و طنط نحمده قعدو عالسرير و كتبو يا جماعه احنا في التحرير و العدد بيزيد , انزلو بسرعه , استقيل بقى بدل ماقعدتهم في السرير دي ترعبك و تطير النوم من عينيك .
.
استقيل ياريس و خد الشعب معاك , احنا أصلنا مش بنتاجر بدم ولا بفقرا ولا بدين , احنا و العياذ بالله من بتوع تحيا مصر , الناس اللي بتعتبر للموت حرمه و للدين قداسه و للوطن و هويته و تاريخه و أمنه القومي و جيشه ألف خط أحمر
ليست هناك تعليقات:
إرسال تعليق