Mohamed Hussein
16 مارس 2019
الأرضُ كرويتُن بتلف حول نفسها و بتلف سجاير بانجو أخر النهار
.
راجل في البرازيل رجع البيت لقى مراته ماجهزتش الغدا , وهو كان واقع من الجوع , كلمه من هنا على كلمه من هنا الراجل اتعصب و نزل في مراته ضرب لحد ماتسبب لها في خلع في الكتف و كسر في سنتين و كدمات في اماكن متفرقه , مراته اتصلت بالشرطه و عملت محضر , بعد البحث و التحري تبين ان الراجل ده بيشرب مخدرات و بيعاني من مشاكل نفسيه و اتحول للنيابه و للمحاكمه واتسجن .
.
بينما تأكدت قناة الخنزيره و خرفان تركيا وكل قبيلة الصيع في العالم إن السبب في ضرب الراجل البرازيلي لمراته هو عبد الفتاح السيسي عشان من فتره كده قعد يقول عظيمات مصر عظيمات مصر , فقامت الست البرازيليه سمعت السيسي و هو بيقول كده , قالت لنفسها يعني اللي في مصر عظيمات وانا لا ؟ طب والله مانا عامله الغدا لجوزي و اللي يحصل يحصل .
.
بينما خرج المتظاهرون في الجزائر للتعبير عن غضبهم من عدم تداول السلطه و رغبتهم في التغيير و تحقيق حلم الديموقراطيه و الحريه و رفعو لوحة ( ارحل يا سيسي ) , ممممممم أكيد رفعو اللوحه دي تعاطفا مع الست البرازيليه اللي كتفها اتخلع .
...........................................................................................................................
Mohamed Hussein
16 مارس 2019
الريس عمل دايت و ابتسامته رجعت له تاني بعد سنين طويله من الحرب المتواصله اللي محدش في الدنيا كان يستحملها , حمد الله عالسلامه ياريس , و النبي لك حق تعمل قلق في كوكب الأرض و المجموعه الشمسيه .
.
بكره أردوغان يقول هبدأ دايت و يطلب من مساعديه انهم يختارو مدينه في تركيا و يسموها أسوان و يعملو له مؤتمر عشان يروح يتصور هناك , و الجزيره و الخرفان يقولو السيسي باع أسوان لمستثمر موزمبيقي و هيومان رايتس واتش تقول انك روحت أسوان عشان تعمل اختفاء قسري لنهر النيل , و المتظاهرون في الجزائر و النشطاء في نيوزيلندا و العواطليه في بريطانيا و الصيع في أمريكا و الحطابون في الجبال و العجائز حول نار المدفأه يقولو ارحل يا سيسي ,مش بقولك ياريس ؟ انت عامل قلق في المجره كلها
........................................................................................................................
Mohamed Hussein
17 مارس 2019
يوميات رجب
.
أردوغان يصرّح : ناس كتير حاولت تعمل صلح بيني وبين السيسي بس انا رافض , رافض تماما , رافض أوي جدا خالص .
..........................................................
بتخيل والله ان يوميات خليفة الصيع و الشواذ بتكون بالشكل ده
.
رجب صحي من النوم و لبس و ركب عربية الرئاسه , السواق بص لورا و سأله عايز تروح فين يا ريس ؟ رجب يفكر تفكير عميق و يقول للسواق , وديني أي حته مايكونشي فيها السيسي .
.
بعد ساعتين رجب في مؤتمر صحفي عن الركود الاقتصادي في تركيا , وبيتكلم عن الأزمه الاقتصاديه العالميه و العقوبات الامريكيه و بعدين يسكت ثواني و يفتكر و يقول لقطيع الحضور إن أهم سبب للركود الاقتصادي هو وصول السيسي للحكم في مصر وسط تصفيق القطيع
.
بعد ساعتين , رجب في ندوه بتتكلم عن أثر الكسبره و البقدونس على طعم المحشي فيقول ان طعم المحشي اتغير عن زمان , واتغير تحديدا بعد مالسيسي وصل للحكم في مصر .
.
بعد ساعه رجب يمشي بالموكب بتاعه يقومو يجيبوله شاب يعمل انه هينتحر , فينزل رجب يحضنه و ينقذه و الكاميرات تصور , الشاب يقول لرجب سيبني اموت انا عايز اموت , رجب يبص له و يقوله , معقوله يابني عايز تنتحر بسبب وصول السيسي للحكم ؟
.
بعد ربع ساعه و في نفس الطريق يجيبو لرجب بنت صغيره تشاور للموكب يقوم رجب واقف بالعربيه و مطلع من جيب الجاكيت عروسه لعبه و انتريه و تلاجه 16 قدم و يديها للبنت , تقوله انت بتعمل معايا كده ليه يا عمو رجب ؟ يقول لها هو انتي فاكراني السيسي يا بنتي ؟
.
رجب يرجع البيت خلصان و يدخل ينام شويه , يجيله كابوس في المنام , قال خير اللهم اجعله خير , كان ماشي في الصحرا و شاف أسدين و هجم عليهم و ضربهم بصباع رجله الصغير بعد ماقال الله اكبر , و بعدين جه اسد تالت و هجم على رجب و قرم مؤخرته , رجب يجيب مفسرين الأحلام و يحكي لهم الحلم , يقولو له اتغطى كويس وانت نايم وابقى غطيها , يقول لهم يعني مايكونشي الأسد التالت اللي قرمني من ورا ده هو عبد الفتاح السيسي ؟
..
رجب يفوق من النوم و من الكابوس ويسجن مفسرين الاحلام عشان هما أكيد على علاقه بفتح الله جولن , و تدخل عليه مراته و تسأله تحب تتغدى ايه ؟ رجب يفكر شويه و يسألها , أنا ولا السيسي ؟! .
....................................................................................................................
Mohamed Hussein
17 مارس 2019
أصدقائي الأهلاويه دايما أصحاب واجب
.
داخل محل قبل ماتش الزمالك لقيت اتنين شباب اهلاويه جابو سيرة ماتش الاهلي بتاع امبارح و بعدين جت سيرة ماتش الزمالك , واحد فيهم قال هنشجع الزمالك و التاني رد عليه و قاله طبعا لازم نشجعه و يصعد .
.
قمت انا كواحد زملكاوي اتأثرت و الدمعه فرت من عيني و شكرتهم جدا على روحهم الرياضيه وكنت خلاص هاخدهم حضن مطارات , قالو روح رياضيه ايه ؟ احنا عايزين الزمالك يكمل في أفريقيا عشان مايبقاش متفرغ و مركز أوي في الدوري !! .
..........................................................................................................
Mohamed Hussein
18 مارس 2019
شاب تركي يطلق النار على مجموعه من الأشخاص في مدينة أوترخت الهولنديه , 3 قتلى حتى الأن و 10 مصابين !! .
.
واضحه زي الشمس أهي , السيسي اتأثر جامد بانضمام عصام حجي لحملة زماره و غطا حله بتاعة معتز مطر فأصدر قراراته الفاشيه لأحد ظباط المخابرات بإنه يقنع مواطن تركي انه يسافر لهولندا و يقتل شوية هولنديين والشخص التركي ده و هو ماشي في الطريق لهولندا اتأثر جامد بكتب التراث و مناهج الأزهر الشريف , و في نفس اللحظه ظابط المخابرات المصري سبقه على هناك و قدر انه يقنع الشرطه الهولنديه بأهمية و ضرورة و حتمية الفشل الأمني , و اضحه تماما و ملهاش أي تفسير تاني ممكن يدخل العقل .
.
يا أستاذ يا أستاذ !!
- نعم يا حبيبي ؟
.
هو السيسي ليه اختار هولندا لتنفيذ العمليه ؟ اشمعنى هولندا ؟
- ممممممم اشمعنى هولندا صحيح ؟,الحكايه دي ملهاش غير تفسير واحد .
.
ايه هو ؟
- بص يابني , هولندا دي احنا لاعبناها في كاس العالم سنة 90 , و جبنا فيه جون , الجون بتاع مجدي عبد الغني اللي جابه من ضربة جزاء و ذلنا بيه لمدة 28 سنه
.
ايوه ايه علاقته برضه ؟
- مانا جايلك في الكلام اهو , السيسي ياسيدي كل مايفتح يوتيوب و يشوف الجون ده يحس ان حارس هولندا هيصد ضربة الجزاء بتاعة مجدي عبد الغني لأن ايده كانت قريبه اوي من الكوره , و بالتالي هنطلع مغلوبين 1/0 , من ساعتها و هو شايل اوي من هولندا و معبّي جواه , فقال مابدهاش بقى .
.
والله مانا فاهم منك حاجه
- بص يا حبيبي , عارف فرغلي بتاع العصير اللي في مصر الجديده ؟
.
اه عارفه
- و عارف طبعا ان عيد الأم قرّب ؟.
.
اه طبعا
- خلاص يا سيدي , انت يوم عيد الأم تاخد مراتك و تعزمها على عصير من عند فرغلي , اظن كده وضحت لك الفكره , لو مافهمتش تبقى غبي وانا بصراحه مش فاضيلك بقى .
.
..................................................................................................................
Mohamed Hussein
18 مارس 2019
مشهد حصري للمصريين , تراب الأرض دي و ملحها .
.
وانا صغير , من يوم ماوعيت عالدنيا يعني , و انا اتعودت و اتربيت على إني أبوس ايد أبويا و أمي , و أعمامي و أخوالي و خالاتي , يبقو قاعدين كده و لما تدخل عليهم لازم توطي و تحني ضهرك و تمسك ايديهم تبوس ضهرها .
.
كبرت و بقيت شحط كده و ملو هدومي و لسه ببوس ايد عمي الكبير و خالتي الكبيره , بقية اعمامي و خالاتي مش بيرضو دلوأتي , ليّا خاله لما اجي ابوس ايدها تقوم شاده ايدها بسرعه و عم نفس الشئ , يعني نبقى زي الصورتين دول بالظبط , و انا هنا مكان الانسان النوبي الجميل اللي شد ايد الريس عشان يبوسها , والريس المحترم شد ايده بحركه عفويه , و تكملة المشهد العفوي التلقائي ده ان كل واحد من الطرفين ب ( يكمض ) ايده و يبوسها زي الصور بالظبط .
.
الراجل النوبي حاول يبوس ايد الريس من باب المحبه و الاحترام و التوقير , مشاعر كتير بتبقى جواه , لا عبد الفتاح السيسي معلّق له حبل المشنقه ولا هيديله وظيفه و شقه بعد الحركه ( اللي الريس أصلا رفضها بابتسامه وعفويه )
.
المشهد اتكرر معايا بشكل أوضح بعد ما اتخرجت و سافرت و اتجوزت و خلفت و رجعت مصر , قابلت مدرس من اللي كانو بيدرسو لي في ثانوي , نزلت من العربيه و سلمت عليه و من غير ما احس لقيتني بوطي أبوس إيده وبرضه شدها .
.................................................................................................................
Mohamed Hussein
20 مارس 2019
- و أحب أشكر ألاف الأصدقاء و ملايين البني أدمين و مليارات المعجبين و الحطابون في الجبال و البردانون حول نار المدفأه , اللي لاحظو غيابي و سألو عليا النهارده
.
يا عم لا حد سأل ولا حد في دماغه أساسا
- صح بس هنكر
..................................................................................................................
Mohamed Hussein
20 مارس 2019
القوه الثلاثيه المدمره ( علي علوكه و سيد كٌخه و ريري سيلان )
.
صباح الخير
مستشار الحزب الحاكم في تركيا عمل مؤتمر برعاية قناة الخنزيره القطريه و لم شوية الخرفان و شوية الصيع الهربانين عندهم , عشان ايه المؤتمر ده بقى ؟ عشان يناقشو التعديلات الدستوريه في مصر , اه و عهد الله زي مابقول لكو كده , قطر و تركيا و الجماعه الإرهابيه الدوليه بيناقشو التعديلات الدستوريه المقترحه عندنا , لا سحر ولا شعوذه .
.
وقال مستشار الحزب الحاكم في بلد خليفة الشواذ , قال ايه بقى ؟ خير اللهم اجعله خير , ان تركيا متقدمه اقتصاديا و سياسا و علميا و منفلوطيا عشان الديموقراطيه و ارادة الشعب و محاسبة الحاكم و إن التعديل الدستوري في مصر ده فعل وحش اوي و يندى له جبين البشريه المعذبه وسط تصفيق من قطيع الحضور و تصوير الخنزيره و يا دين النبي ايه الحلاوه دي
..............
ملاحظات عالهامش
- تركيا عدلت الدستور بتاعها في ابريل 2017 و غيرت نظام الحكم تماما عشان يبقى بدله تفصيل لأردوغان .
.
- أردوغان بيحكم تركيا من يوم ماوعينا عالدنيا في تطبيق رائع و بديع لتداول السلطه لأنه معروف للجميع إن السلطه مداوله مش مناوله .
.
- أردوغان سجن و عزل و اعتقل مايقرب من نص مليون تركي بعد مسرحية الانقلاب الوهميه بحجة انهم على علاقه بفتح الله جولن أو بيحلقو عند الحلاق اللي كان بيحلق لابن خالة فتح الله جولن .
.
- مستشار اردوغان قال قصايد شعر في اقتصاد تركيا بس نسي يقول إنهم مسلفين صندوق النقد الدولي و معاهم وصولات أمانه بكده .
.
- التعليم في تركيا مبهر لدرجة إن بنت خريجة كلية اقتصاد سألوها في برنامج مسابقات سور الصين العظيم بيقع فين ؟ في الصين ولا الهند ولا اليابان ؟ فطلبت حذف اجابتين و الاستعانه بصديق .
.
- أما قطر , الكشك الخليجي فيمثل نموذج للديموقراطيه اللي ماتخرش المايه و بيعتمدو في نظام حكم الكشك على نظريه بتقول , ان اللي بيصحى من النوم الأول بيفتح القصر و يبقى هو الأمير و لو قفل باب الحمام على ابوه من بره يبقى قشطه .
.
- يووه كنت هنسى حاجه مهمه , الجماعه الإرهابيه الدوليه مش معترفين أصلا بالدستور بس رافضين تعديله , يعني هو وحش بس حلو أوي .
........................................................................................................................
Mohamed Hussein
21 مارس 2019
غنّي تركي يا لوسي
.
صور عجيبه شوفتها امبارح لعريس بيوطي عالأرض يبوس رجل و جزمة عروسته أو خطيبته !! , هي دي هتبقى الموضه سيادتك ؟, داحنا استوينا أوي و طلبنا الأكّيله , ومابقيناش محتاجين لا المسيخ الدجال ولا عطوه البقال , و دلوأتي أي عيل أجنبي يقلع بنطلونه و يمشي في الشارع ممكن نعتبرها موضه و يقلدها الكبار تحت بند التحرر و التطور والألمعيه و الألمظيه .
.
مشاهد كتير بشوفها مترابطه و متشابهه لحد التطابق , واحد يهرب بره مصر لدوله معاديه و يقعد يشوه في بلده ليل ونهار , واحد يهرب و ينضم لتنظيم ارهابي عشان يحارب جيش مصر و يقولو عنه مختفى قسريا ولو مات يبقى شهيد و الجنه و حور العين في الانتظار ( ده طبعا على اساس ان ربنا سبحانه و تعالى بيخدعه مايخدع الناس و البسطاء ), شاب يكون دوره في الحياه انه يألف قصص عن تعذيب ويشوه رموز تاريخيه و لو ماعرفش يألف يستعين بصديقه الاخوانجي ( أساتذة التأليف ) , واحد عنده شذوذ جنسي فعجبته الحدوته وشايف اننا لازم نسمح له بممارسة اللامؤاخذه على قارعة الطريق والا نبقى متخلفين , واحده عايزه تقلع حجابها فتقوم تعمل حفله و بث مباشر , واحده اتطلقت تعمل حفله , واحده تلبس نقاب و تسمي نفسها المؤمنه بالله عالفيس بوك , ليه يا ستي كده ؟ اصل ملامح وشي عوره و صوتي عوره و اسمي عوره, ممممم يعني أفهم من كده انك شخص ما ولا شئ ما ؟ بني أدم ولا شئ ؟ someone ولا something ؟ هو ربنا كرم البني ادم و نسيكي ؟ ولا كرم البني ادم وانتي معاه ؟
.
كل المشاهد اللي فوق بشوفها مترابطه و تحت بند واحد , خلل , شذوذ , abnormality , ضرب في الجينات و الهويه , أحيانا كتير بيكون متعمد و وراه جهات بتدعمه و تخطط له , ماهي الأوطان يابني اللي مابتقعش بالضربه القاضيه بتقع بمجموع النقاط , و الإنجليز مثلا عندهم فلسفه خاصه بديعه , لو فيه سمكه في بحر و عايز السمكه دي تحديدا فانت ممكن تعمل أي شئ حتى لو هتجيب معلقه و تنزح البحر بالمعلقه لحد مايبقى مفهوش مايه خالص و مش باقي غير السمكه , طولة البال تبلغ الأمل .
.
عشان كده مش هبطل اقول , معركتنا مش طرق و كباري و مشاريع , معركتنا في الأساس معركه فكريه , معركة هويه و عقل , بناء الإنسان زي ماقال السيسي كده , انسان مصري وبس , لا بيتركب ويحرق بلده تحت بند التدين و الفرقه الناجيه ولا بيبوس جزمة عروسته تحت بند التحرر و الفرقه المتقدمه , لا بيتأثر بحدف الشرق , ولا بيتمنظر بحدف الغرب , إنسان مايكونشي عجينه طريه سيادتك و أي عيل فايت يشكلها على مزاجه , ماينفعش الإنسان اللي عمره 10 الاف سنه يبقى عجينه طريه , و عهد الله ماينفع .
...................................................................................................................
Mohamed Hussein
21 مارس 2019
شيرين عبد الوهاب : اللي بيتكلم في مصر بيتسجن
علاء الأسواني : اللي بيتكلم في مصر بيتسجن
خالد ابو النجا : اللي بيتكلم في مصر بيتسجن
عمرو واكد : اللي بيتكلم في مصر بيتسجن
حمدين صباحي : اللي بيتكلم في مصر بيتسجن
مرعي بتاع الكليمه : اللي بيتكلم في مصر بيتسجن
عم محفوظ اللي ماسك الجراج : اللي بيتكلم في مصر بيتسجن
أم نحمده بتاعة الكرشه : اللي بيتكلم في مصر بيتسجن .
الطائر الحزين المجنح على فيس بوك : اللي بيتكلم في مصر بيتسجن .
.....................
يا أستاذ يا أستاذ !!
- نعم يا حبيبي ؟
.
كلهم بيقولو اللي بيتكلم في مصر بيتسجن ؟
- اه .
.
أومال محدش فيهم بيتسجن ليه ؟
- يا غبي مانت مش فاهم .
.
مش فاهم ايه حضرتك ؟
- احنا يابني عشان نظام فاشي و قمعي و ديكتاتوري و منفلوطي بنستورد مخلوقات فضائيه و نقول لهم اتكلمو , اغلطو في السيسي , اتكلم يابن الشعب , و أول مايتكلم نسجنه على طول .
.
اه فهمت فهمتك , يعني اللي بيتسجن المخلوقات الفضائيه ؟
- ايوه بالظبط كده , بنستوردهم و يتكلمو و نسجنهم و نعذبهم و نحط العصايه في مؤخرتهم
.
ايه الحته الاخيره دي يا استاذ ؟
- هي يابني بتتقال كده بؤ واحد , نسجنهم و نعذبهم و نحط العصايه .
.
طب ليه حضرتك نسجن المخلوقات الفضائيه ؟
- مزاجنا كده يا اخي , أومال نبقى نظام فاشي و قمعي ازاي ؟ ولا انت عايز سمعتنا تنضرب في سوق الأنظمه الفاشيه ؟
.........................................................................................................
Mohamed Hussein
22 مارس 2019
الحدوته
.
صباح الخير
- ترامب : حان الوقت لاعتراف الولايات المتحده بسيادة اسرائيل على الجولان !! , مصر رفضت التصريح الأمريكي و أصرت إن الجولان أرض عربيه محتله .
.
ايه بقى الحدوته ؟ بص يا مولانا بس حاول تركز و النبي
- في يناير 2011 حصلت ثوره و هوجه و شألباظات, بعدها شوية انفلات امني حلوين و اقتصاد بيكح تراب و هووب بقت الدوله المصريه في أضعف حالاتها , يعني ممكن تقول في المربع صفر .
.
- الدوله بتكون في أضعف حالاتها امتى ؟ لما بتقع اقتصاديا و أمنيا و يكون مفهاش استقرار سياسي , هنا بقى لا فيه عجلة انتاج و لا عجلة عربيه كارو ولا دولاب عمل ولا نيش ولا استثمار ولا بطيخ .
.
- بعد يناير 2011 بدأت اثيوبيا تبني في سد النهضه اللي متخطط له من تلاتين اربعين سنه , طب ليه اختارت التوقيت ده ؟ عشان الدوله المصريه في أضعف حالاتها .
.
- الدوله المصريه بدات تستعيد هيبتها و قوتها و تقف على رجلها تاني من بعد ثورة يونيو 2013 ( اعظم ثوره في التاريخ الحديث ) , و استعادنا بلدنا المخطوفه و دي كانت أصعب و أهم نقطه .
.
- تفاوضنا في موضوع السد عشان نكسب وقت , و كل مابتبقى اقوى بتتفاوض من فوق ( من عَلي ) و حاليا حضرتك مش هتسمع عن السد ولا هتسمع عنه بعد كده عشان تبقى فاهم يعني .
.
- طب هبسطهالك , بعد سقوط العراق و الجيش العراقي و وصول الدوله العراقيه الى اضعف نقطه بقت مرتع لكل من هب و دب , أردوغان استغل مرحلة الضعف دي و بنى سدود و بالتالي مناطق كتير في شمال العراق اصابها الجفاف .
.
- طب نقول كمان , مصر عملت ترسيم حدود في البحرين الاحمر و المتوسط و هاجت الدنيا و اتقلبت , بعدها مصر نقبت عن الغاز و لقينا احتياطات ضخمه هتدخلنا في مصاف الدول الكبرى المصدره للغاز ( الحكايه دي كان يلزمها اعادة تسليح لجيشك عشان تحمي ثرواتك وكان يلزمها ترسيم حدود , يعني باختصار عايزه قلب ميت ) .
.
- ترامب لقى الوقت مناسب للاعتراف بسيادة الكيان الصهيوني على الجولان , عشان الدوله السوريه وقعت هي و جيشها و بقو في أضعف حالاتهم
...................
طب الكلام اللي فوق ده ملخبط و مش راكب على بعضه ؟ لا خالص , كلهم بيدورو في نفس الحدوته , اللي هي ايه ؟الحدوته هي صراع قوه , لو ضعيف هتنداس وتتفرم , لو قوي هتفرض ارادتك , و لما تتفاوض تتفاوض من فوق مش من تحت , الحدوته اقتصاد و غاز و بترول و نفوذ اقليمي و دولي و جيوش تتدمر او تعيش و تحمي , الحدوته يلزمها جيش قوي و اقتصاد متماسك و استقرار سياسي
.
باختصار شديد , مصر 2011 ماقدرتش تقول لأثيوبيا عيب و هي بتبني سد النهضه , مصر 2019 تقدر تقول لأمريكا لأ في تصريحاتها عن الجولان , أمريكا مش أثيوبيا !! .
.
هي دي حدوتة ال 10 سنين اللي فاتو , طب والربيع العربي و الحريات ؟ ممممممممممم ابقى تعالى بكره و هات معاك سلطانيتين , واحده خد فيها ربيع عربي و التاني عبّيها حريات , بس اوعى يدلدقو منك وانت ماشي
..................................................................................................................
Mohamed Hussein
· 23 مارس 2019
زماره و غطا حلّه
.
حمدين صباحي من فتره كده راح لندن و عمل لقاء مع ال bbc , طبعا حمدين كراجل مفوه و كل شغلته من 50 سنه هي الكلام , قال و بدّع و انجعص , الدوله الفاشيه و حكم العسكر و المعتقلين و البطيخ اللي من غير بذر , رجع حمدين من لندن و دخل من مطار القاهره و روح بيتهم ونام و صحى عشان يدور على اي مؤتمر او اي سبوبه يطلع يقول فيها كلمتين , لا حد سجنه ولا حد قاله بتهبب ايه .
.
علاء الأسواني لما لقى الأضواء انحسرت عنه بقى كل كام شهر يخترع افتكاسه , بنتي خبطت موتوسكل بعربيتها و جالنا الأمن الوطني بالليل و المخابرات و الصاعقه و خدو البنت وكسرو الباب و اكيد يعني قال عذبوها و حطو العصايه في مؤخرتها , زي اللي بيكتبه في رواياته البلهاء , انحسرت عنه الأضواء اكتر قام نزل خبر انه متقدم للمحاكمه العسكريه في مصر!! , مع اننا يا اخي بنحاكم الارهابيين القتله محاكمات مدنيه , بس علاء الاسواني هنحاكمه عسكريا بقى , و ايه بيتحاكم وهو في باريس و قاعد بيكتب تويتات و مقالات اثناء المحاكمه العسكريه , لقيت عندي صديقه مصدقه الهجايص دي و ناشراها و حاطه علامة استفهام و علامه تعجب قد غطا الحله , يبقى البلوك وجب يا عطيه .
.
خالد ابو النجا عايزها مليطه عشان نبقى متحررين و تنويرين و عقولنا ألماظات و طبعا دولتنا فاشيه بتاكل دراع العيال الصغيره , و عمرو واكد نفس الحدوته , و يسافرو و يروحو و ييجو ينامو في بيوتهم , والنبي الفاشيه دي حلوه مفيش كلام , فاشيه بس طريه شويه .
.
الحقيقه ان السنين اللي فاتت مش بس كشفت لنا وجه الجماعه الارهابيه القبيح , مش بس خلتنا نشوف ارهابهم و دمويتهم و خيانتهم و كذبهم و تزييفهم للحقايق و للواقع و للتاريخ عيني عينك و على قارعة الطريق , انما كشفت لنا الوجه الساذج المنحط الخاين للي بيسمو نفسهم معارضين سياسيين , 6 سنين يامؤمن لا عملو حزب سياسي عليه القيمه ولا نزلو انتخابات و لا شاركو في الحياه السياسيه , 6 سنين بيخدعو قطيعهم و خرفانهم بشوية قصص بيألفوها في ساعة عصاري و شوية شعارات حمضانه و شوية هاشتاجات و شألباظات .
.
الحقيقه اننا ماعندناش شريحه في مصر ينفع نقول عليها معارضه سياسيه , و عهد الله ما عندنا , يابني مانت لازم تتعلم الأول الفرق بين المعارضه و الخيانه والفرق بين المعارضه و المر*عه عدم اللامؤاخذه , لازم تتعلم ألف باء , لازم تعرف ان ابجديات المعارضه مفهاش تزييف للحقايق ولا تأليف قصص للاستدلال , لازم تعرف ان ابجديات المعارضه مفهاش معارضه للتاريخ و الجغرافيا و الأمن القومي و للمؤسسات اللي بتحمي البلد , لازم تعرف ان ابجديات المعارضه مفهاش سخريه من اسم بلدك ولا علمها ولا نشيدها و لا فيها تطاول على جيشها , لازم تعرف ان أليات المعارضه السياسيه موجوده في الأحزاب و انتخابات المحليات و البرلمان و الرئاسه , مش في هاشتاج و لا في قصه متألفه ولا في زماره و غطا حلّه .
.................................................................................................................
Mohamed Hussein
· 23 مارس 2019
و ما ظلمناهم
.
أخوكم في الله زياد العليمي , و بالنسبه للي مش فاكر الإسم ده أحب أقوله انه كان واحد من أيقونات لامؤاخذه يناير , الناس اللي كانو بيطلعو لنا في التليفزيون 3 مرات في اليوم بعد الأكل و بينزلو لنا من الحنفيه و عندهم حلول و شالباظات و عقولهم ألماظات و عندهم أفكار لحكم الكره الأرضيه و الكره الشراب .
.
أخوكم زياد بقى شايف ان تحليل المخدرات للناس على الطرق مش قانوني ولا دستوري , وانه من حقك ترفض و تعترض , وبيستشهد مولانا الأيقونه بإن الدستور بيقول ( "لا يجوز إجراء أى تجربة طبية أو عملية على أى إنسان بغير رضائه الحر ) .
......................
عزيزي وروح قلبي و فسيفساء أحشائي زياد العليمي , تحيه مش طيبه و بعد
.
- في كل دول العالم يا مولانا , الغربيه و الشرقيه و المنفلوطيه بيعملو تحاليل مخدرات و خمور للناس عالطريق , و محدش من حقه يعترض , ده حق الدوله و القانون و غرضه حماية الناس من أخطاء و كوارث و خطايا الغير, ده أولا يعني .
.
- ثانيا , التجارب الطبيه و العلميه على أي انسان بتعني تجربه دوا معين لسه جديد على بني أدم او تجربة جهاز جديد عليه أو تقنيه حديثه أو أو أو , أما تحليل المخدرات فملوش أي تلاتين علاقه بكده , و عزة جلال الله بنتي اللي في تالته ابتدائي لو ماتعرفش الفرق بين تحليل مخدرات لناس عالطريق و بين تجارب طبيه عالناس هقعدها من المدرسه و تشتغل خياطه و يبقى كفايه عليها تعليم لحد كده .
.
عزيزي زياد العليمي , خدتو فرصه كامله تظهرو و يظهر اللي جواكو و قواكو العقليه ايه و المينتالتي بتاعتكو واصله لحد فين ؟ عايز أقولك بقى ان حكم الأوطان بيختلف تماما عن إدارة كشك سجاير و عايز أقولك الاهم , ليه تشتغل ناشط سياسي والبلد أصلا فيها أزمة بوابين و شغالات ؟ ( مع كل و كامل احترامي لمهنة البواب و الشغاله لأنها مهن شريفه مش لامؤاخذه زي شغلانتهم ) .
....................................................................................................................
Mohamed Hussein
· 24 مارس 2019
تقرير لأهم وجهات سياحيه لأثرياء العالم , التقرير بيقول إن أهم وجهه على الإطلاق , رقم واحد يعني , هي مصر , واليابان في المركز التاني و أيسلاند في المركز التالت
.
بيتكلم التقرير عن المقاصد السياحيه في مصر لأثرياء العالم و ركز على منطقة الأقصر و أسوان و منطقة الأهرامات بما فيها المتحف الكبير اللي هيضم أكتر من 100 ألف قطعه أثريه للحضاره الفرعونيه ( أغلبهم ماتعرضش قبل كده ) و هيبقى أكبر متحف في العالم !! .
.....................
يا عم التقرير دي مضروب و تلاقي أحمد موسى اللي عامله , أو تلاقي المخابرات عاملاه عشان تداري على موضوع التعديلات الدستوريه أو تداري على اعتراف أمريكا بسيادة اسرائيل على الجولان أو تداري على انضمام عصام حجي لحملة زماره و غطا حلّه أو تداري على طلاق ست أم شوشو من المعلم عبد الجبار في ظروف غامضه .
- لا يابني ده تقرير أجنبي
.
طب خلاص طالما تقرير أجنبي تبقى تاهت و لقيناها , التقرير مظبوط فعلا و السيسي بيجيب أثرياء العالم عشان يبيع لهم الأقصر و أسوان و المتحف الكبير و التل الكبير و الأهرامات و أبو الهول و أبو المطامير و أبو مازن بتاع الشاورما .
..........................................................................................................................
Mohamed Hussein
· 25 مارس 2019
باريس و أدب باريس
.
الجيش الفرنسي نزل يأمن المرافق العامه أثناء مظاهرات السترات الصفراء , و الحاكم العسكري لباريس لا يستبعد لجوء الجيش لفتح النار إذا تطلب الأمر !! .
.................................................
مممممممم لقد ترك الجيش الفرنسي ثكناته و ربما يفتح النار على ( المدونين ) الفرنسيين يا سيدي الدوق , أه و عهد الله زي مابقولك كده .
......................................................................................................................
Mohamed Hussein
· 26 مارس 2019
ذهبَ الحمارُ بأم عمروٍ و راح لحد الكونجرس الأمريكي , و كان معاهم عيل لامؤاخذه قامو سابوه يتربى هناك !! .
.........................
عمرو واكد و خالد أبو النجا راحو الكونجرس عشان يناقشو التعديلات الدستوريه في مصر !!, ويضغطو عالنظام المصري المغتصب من أجل مصلحة الشعب المصري ( اللي هو احنا يعني ) , اه و عهد الله زي مابقول لكو كده .
.
شوف يابني
- هو مش غريبه ان عمرو و اكد و ابو النجا بتوع الترويج للشذوذ الجنسي هما اللي يروحو الكونجرس ؟ لا مش غريبه خالص , لو مكانشي هما اللي يروحو أومال مين هيروح ؟! ده حتى المثل بيقولك الطيبون للطيبات و اللامؤاخذه للامؤاخذات .
.
- طب مش غريبه ان نفس المكان اللي راحوه هو اللي راح له قيادات الجماعه الارهابيه من أربع خمس سنين ؟ لا مش غريبه , كلهم عرايس في نفس مسرح العرايس بيحركهم نفس المخرج , ده من قديم الأزل على فكره , الخاين باسم الحريات و حقوق الإنسان و حقوق بني سويف و الخاين باسم الدين و الجنه و حور العين , كلهم من صناعة امنا الغوله ,عشان كده وقت الجد هتلاقيهم هناك, ماهي البايره لبيت أبوها .
.
- طب ايه التعديلات الدستوريه دي ؟ تعديل على دستور مصري ( اتعمل تعديل زيه في تركيا من سنتين و بيتعمل زيه في كل دول العالم ) , الدستور نفسه بيسمح بتعديله بموافقة عدد معين من الاعضاء وبعد كده يتعرض للشعب , الشعب يقول أه او لا , طب انت معترض و ناشط سياسي في نفسك كده تعمل ايه ؟ تقول للشعب انزلو قولو لا و تنزل معاهم , سهله خالص اهي .
.
- طب مين أمريكا ؟ لو هنجيب سطر الجلاليب بتاعها من أول خالص مش هيكفينا ألف بوتيك , ممكن بس نجيب اول جلابيه بتاعة نشأة امريكا على جثث ملايين من الهنود الحمر , ونجيب اخر جلابيه بتاعة رعايتها لخراب الدول العربيه و اسقاط جيوشها و توفير الدعم السياسي و الاعلامي لقتل و حرب و تخريب و تشريد ملايين من العرب , وأخيرا وليس أخرا أمريكا اعترفت امبارح بإن الجولان أرض اسرائيليه .
- أنا بقى يا مولانا على دين دولتي , على دين وطني , على دين جيشي , لا هتاجر بدين ربنا واشتغل ارهابي و ايدي تغرق بالدم ولا هتاجر بحقوق الناس و اشتغل لامؤاخذه و اتشألب على سراير الأمريكان .
.
- لحد امبارح بس كنت متردد في موضوع التعديلات الدستوريه ,النهارده مش محتاج حتى أعرف المواد المطلوب تعديلها ايه ؟ و هنزل اقول نعم وانا مغمض عنيا , لا هقول نعمين تلاته , أربع خمس نعمات .
.
- نصيحه اخيره لفنانا المبدع الطري الجميل عمرو واكد , اسمها تسليط الضوء مش تصليت الضوء , مانت ماتبقاش بتشتغل لامؤاخذه و تبقى حمار في نفس اللحظه.
...............................................................................................................
Mohamed Hussein
· 26 مارس 2019
حكاية بطن وسخه ( اه هي وسخه زي ما حضرتك قريتها كده ) .
.
- طالبه في سكن الطالبات في جامعة الأزهر فرع أسيوط , كانت قاعده بتذاكر داخل المدينه , قام واحد نط من عالسور و خدها من ايدها و خرجو للأحراش و غابات السافانا المجاوره للمدينه الجامعيه , قامو البنات قعدو يصوتو و يقولو الحقونا الحقونا , قام الأمن قال لهم لا احنا مش فاضيين , احنا بنلعب كاندي كراش , و بعدين فين وفين بقى لما جت الشرطه و دورو لقوها مغتصبه ومقتوله داخل الاحراش و داخل غابات السافانا دي , قامو الطالبات عملو مظاهرات داخل المدينه و هتفو يانجيب حقها يا نموت زيها , قامت الأخت الصحفيه اللي انا مش فاكر اسمها وامها نفسها بتتلخبط في اسمها تصدت لهذا الفعل الدنئ و كيف أن جامعة الأزهر تسترت على المجرم و نفت الحادثه , قام الاستاذ المناضل معتز مطر جاب صورة البنت و حزق حزقه ناريه و أعراضنا تنتهك , واين الرجوله و أين النخوه , وين الكمترى ؟
....................
حلوه الحكايه اللي فوق دي يا حاج محمد ؟ حلوه صح و بتنتزع أهات الجماهير
.
طب بص يا مولانا , الحقيقه كالتالي
- جامعة الازهر اصدرت بيان بإن مفيش الهجايص دي و تحدّت أي حد يقول اسم البنت و رقم غرفتها , يعني حدوته كلها فستك من أولها لأخرها .
.
- الصحفيه اللي هي بتشتغل في جريده الكترونيه من الجرايد اللي بتتعمل ب 17 دولار وانت قاعد عالمكتب هتشم ريحتها الضاني من على بعد .
.
- النائب العام أصدر بيان للتحقيق مع اللي روجو الشائعه , و طبعا لا النائب العام ولا الازهر بجلالة قدره هيتسترو على مجرم ملوش اي تلاتين لازمه ولا هيتسترو على إهمال لو كان حصل ( احنا يابني حاكمنا اتنين رؤساء و مليارديرات و وزراء سابقين و حاليين , مش هنخاف بالتأكيد من علي علوكه و سيد كوخه )
.
- سور المدينه الجامعيه ارتفاعه 4 متر و بيحرسها شرطه و مفيش حد مجنون حتى يفكر يقتحمها حتى لو كان هيخطف كيم كاردشيان , و طبعا مفيش جنب المدينه أحراش ولا الجو بتاع أفريكانو ده .
.
- بنات الإخوان في أي مكان ( الخرائر ) ممكن يتظاهرو عشان اي حاجه طالما جت لهم التعليمات , يعني مثلا ممكن تقول لهم مسحوق الغسيل في المدينه الجامعيه عاملاه شركه صهيونيه و تظاهرو يا حرائر يقومو يتظاهرو و بعد كام يوم تكتشف انه مكانش عندهم مسحوق غسيل أصلا .
.
- ال 3 اسماء بنات اللي قالوهم في مرحلة التخبط , واحده منهم ماتت بسبب مرض من كام يوم و التانيه توفت بحادث سير من كام يوم , و التالته اللي جاب صورتها القذر معتز مطر متخرجه من كلية تربيه نوعيه جامعة أسوان و ملهاش علاقه بالأزهر ولا بأسيوط !! .
.
- طيب بعد ما حضرتك اتأثرت و اتشحتفت لازم تفهم التالي , اختيار جامعة الازهر لتأليف الحدوته مقصود , الازهر كمؤسسه مستهدف و شيخه الجليل مستهدف ( و النبي حبايبنا التنويرين بتوع شعلة النور في بحر البطيخ يركنو على جنب دلوأتي ) .
.
- القانون بقى بيقول ايه ؟ ان اللي عملته العاهره اللي بتسمي نفسها صحفيه ماسموش حرية رأي , ترويج اشاعه من شأنها كذا و كذا يبقى المفروض تتعلق من ضفايرها على عمود نور.
.
- الأخ معتز أبو حزقه روج للإشاعه و انتهك عرض فتاه توفت ملهاش اي علاقه بجامعة الأزهر , هنا من حق أهالي ال 3 فتيات اللي ذُكر أسمائهم إنهم يرفعو قضايا على معتز افندي و على الصحفيه الافتراضيه الوهميه الكتكوته , قضايا تشهير و أعراض وينتقمو لشرف بناتهم ربنا يرحمهم .
.
- إمتى بقى حضرتك هتصدق و تقتنع انه مفيش حاجه بتتم بالصدفه و انك دائما و باستمرار بتلاقي نفسك واقف أمام أوسخ و أقذر تنظيم في تاريخ البشريه ؟!
....................................................................................................................
Mohamed Hussein
· 27 مارس 2019
سيسيفوبيا
.
صباح الخير
أردوغان في أخر حزقاته : قادة أوروبا اجتمعو في مصر و وقفو صفا لمصافحة السيسي يوم إعدام 9 من شباب الإخوان .
.
أردوغان : هل يُعقل إن قادة أوروبا اللي ماعندهمشي عقوبة إعدام يسلمو على واحد عنده عقوبة إعدام ؟
...............
...............
مممممممم هل تعلم عزيزي القارئ , عزيزي المشاهد , عزيزي المستمع , عزيزي راكب السياره , عزيزي راكب الدراجه البخاريه , عزيزي راكب الهوا , عزيزي الدكتور و بياع الخضار و المهندس و عالم الذره
.
هل تعلم أن أردوغان خليفة الشواذ و المثليين في ال 5 سنين اللي فاتو جاب سيرة السيسي 6397 مره بينما السيسي ذكر اسم أردوغان صفر من المرات , صفر يعني زيرو , لدرجة إنه بقى عندي اعتقاد إن السيسي لو حب يجيب سيرة أردوغان بعد كده في أي مؤتمر مثلا هيضطر يبص وراه و يسأل حد من المساعدين بصوت واطي , اسمه ايه ده اللي لامم شوية خرفان و صيع عنده و فاتح لهم قنوات فضائيه ؟ أيوه اسمه ايه بقى ؟ شعبان تقريبا أو ذو القعده ؟ لا يافندم اسمه رجب , يا سيدي أهي كلها شهور ربنا .
.........................................................................................................................
Mohamed Hussein
· 27 مارس 2019
بالعربي البسيط , بالعاميه الدارجه , هات يابني عقلك معاك و تعالى , عقلك و بس , مش مطلوب منك اكتر من كده .
..............
عمرو واكد و خالد ابو النجا راحو الكونجرس و كتبو تويتات بمحض ارادتهم و اعترفو انهم عايزين يشكلو ورقه ضغط ولوبي و بطيخ من غير بذر , هي الحكايه دي تعتبر خيانه ؟ اه و عهد الله اسمها خيانه ملهاش اسم تاني .
.
ليه خيانه ؟ عشان اسمها استقواء بالخارج على دولتك , اللي هو مين الخارج ده ؟ الخارج يا سيدي أي خارج , امريكا , بريطانيا , روسيا , السعوديه , جزر المالديف , ياكشي حتى يكون الاستقواء بقبائل الكوتوموتو الأفريقيه .
.
الكلام ده يخص مصر اللي بيحكمها السيسي ؟ لا ده مبدأ يخص أي دوله و أيا ما يكون اسم اللي بيحكمها .
.
بس انا حضرتك عايز أبقى مناضل و النظام الحاكم لمصر فاشي و قمعي و تعديل الدستور ضد القانون و ضد الحشره و ضد الفار , جميل , ناضل من جوه بلدك , انزل و احشد و قول لا لتعديل الدستور , قول مش موافقين انت و الأغلبيه , ماهي الديموقراطيه يابني يعني رأي الأغلبيه.
.
لا مانا مش هنزل ولا هشارك عشان الحكايه دي هتتطرمخ و الاستفتاء هيتزور , طيب معندكش مشكله خالص , هات الملايين اللي معاك اللي هما اغلبيه الشعب و كده , و انزلو اعملو ثوره و مظاهرات و شيلو السيسي بدستوره بسلطاته , ده برضه خيار ديموقراطي على فكره , ده طبعا بفرض انكو مش هتاخدو بالجزمه من الشعب نفسه .
.
بس احنا لو نزلنا الشرطه هتعتقلنا و تسجنا و تغتصبنا و تحط العصايه في مؤخرتنا , لا يابني مفيش شرطه في الكون تقدر على اعتقال ملايين ولا عندنا سجون تكفي ملايين , ولا عندنا عصيان تكفي مؤخراتكو .
.
يعني ماينفعش أناضل من الكونجرس و من قنوات الارهابيين في تركيا و من الخنزيره و من بريطانيا ؟ لا يا حبيبي , اللي بيحصل على سراير الأمريكان والبريطانيين و الأتراك و الشاذ القطري ماسموش نضال , اللي بيحصل على سراير الأجانب و أعداء بلدك له اسم تاني انت عارفه كويس أوي , و أمك كمان عارفاه .
..............................................................................................................
Mohamed Hussein
· 28 مارس 2019
كشف حساب , و نعم لتعديل الدستور , نعمين تلاته , أربع خمس نعمات
.
- بعد يونيو 2013 كان الاحتياطي النقدي لمصر وصل 13 مليار دولار و كنا حرفيا دوله على وشك إعلان افلاسها , ده حقيقي و حصل , و سياسيا كان تلتين الكره الأرضيه مقاطعنا بسبب لوبي الإخوان الصهيوني الأمريكي.
.
- عملنا ايه بعدها ؟ صرفنا عشرات المليارات لاعادة تسليح الجيش و نوعنا مصادر التسليح ( عشان محدش يلوي دراعنا ) , حلينا مشكلة الكهربا ( الحكايه دي كلفتنا 300 مليار جنيه ) , عملنا شبكة طرق و كباري كأننا بنبني بلد من جديد ( كلفتنا رقم مماثل ) , عالجنا ملايين المصريين من فيروس سي , كشف و تحليل و تشخيص وعلاج ( أكتر من 30 مليار ) , أزالنا عشوائيات خطر و عملنا للناس مساكن أدميه ( كلفتنا مليارات ) , بدأنا في قاعده صناعيه و كان يلزمها شبكة الطرق الاول و حل لمشكلة الكهربا و البحث عن مصادر الطاقه و ده اللي خلانا نعمل اتفاقيات ترسيم الحدود , بقينا بنتكلم عن اكتفاء ذاتي من الغاز و تصدير , و في النهايه وصلنا لاحتياطي نقدي 45 مليار دولار , مع كامل التزامنا بتسديد فوايد الديون و مستحقات الشركات الأجنبيه .
.
الكلام اللي فوق ده لا يندرج تحت بند إنجاز , انما اسمه اعجاز , اعجاز ليه ؟ لانك عملت الشألباظات دي وانت بتحارب الإرهاب , و حرب الإرهاب بتبقى ألعن من الحروب النظاميه المباشره و من حروب الإستنزاف , هي استنزاف حقيقي لدمائك و ثرواتك و أمنك و استقرارك , تصدق اننا عملنا الاعجاز اللي فوق و احنا بنحارب ؟! تصدق ان في حالة الحرب بيتحول اقتصاد الدوله لاقتصاد حرب أيا مايكون اسم الدوله؟ مش بقولك اعجاز , لا ياسيدي ده اسمه تطبيل , طب حقك عليا , أنا مبسوط منك اوي و امك كمان مبسوطه منك .
.
تعديل الدستور بقى ولا السيسي يمشي في 2022 ؟ هقولكو بصراحه كده , افتكاسه الديموقراطيه الأمريكاني و نظام رئيس لمدة 4 سنين و دورتين و السلام , شكلها حلو أوي ولذيذ بس تنفع دول زي أمريكا و بريطانيا , انما ماتنفعش دول زي ألمانيا و روسيا و الصين و تركيا و مصر , عشان كده الدول دي سبقتنا و عدلت دستورها و بقينا نوعى عالدنيا و نشوف ميركل و بوتين و حتى الشاذ التركي و نكبر و نعجز و هما لسه بيحكمو .
.
طب ليه أمريكا و بريطانيا يعرفو يعملو اللعبه دي عندهم ( و بيحاولو يصدروها للصيع و البهايم اللي عندنا ؟ ) , عشان الدول دي اجمالا و من عشرات السنين بيحكمها أجهزة مخابرات و اجهزه سياديه و بتشتغل بخطه طويله الأجل , الرئيس و رئيس الوزرا بيبقو مجرد واجهه لتنفيذ السياسات , و قصة الصقور و الحمائم قصه تنفع في برنامج أوتار الليل , و على كل حال الدول دي نفسها مش مستهدفه لانها الشيطان الأكبر اللي بيحكم العالم في زمن القطب الواحد .
.
عندي قناعه تامه إن الدوله المصريه مش هترجع لورا تاني , و إنه من فتره بيتم تجهيز و اعداد المؤسسات السياديه لحكم مصر بشكل كامل مع واجهة ديموقراطيه لذيذه و بالتالي مش هيبقى فيه خوف ولا قلق عالبلد لو حكمها أي حد ( زيد ولا عبيد ولا نطاط الحيط ) , إنما كون ان التعديلات الدستوريه تمشي للأخر و تنزل في استفتاء للشعب ف ده معناه إنه لسه باقي عالحلو دقه , و إنه المرحله لا تحتمل المجازفه بشخص غير الراجل ده , عبد الفتاح السيسي .
.
نعم لتعديل الدستور كخيار ديموقراطي مؤقت لظروف خاصه جدا بيمر بيها العالم و مصر ( اعتبرنا ألمانيا أو روسيا يا أخي , أو اعتبرنا زي حبيبك التركي الصايع ) , ويوم ما تعديل الدستور يتوقف و يتقال لنا مش هينزل استفتاء وقتها بس إقعد و حط في بطنك بطيخه صيفي و اعرف ساعتها إن الدوله المصريه وصلت سياسيا لمرحلة ( الحلو بزياده ) .
...........................................................................................................
Mohamed Hussein
· 29 مارس 2019
العسليه لا تزال في جيبي
.
باختصار شديد
- الألمان يوعو عالدنيا و هما يسمعو عن انجيلا ميركل اللي بتحكم ألمانيا , لا حد مسك لها الأله الحاسبه و قعد يحسب هتمشي امتى , ولا فيه مواطن ألماني راح الكونجرس عشان يستقوي بيه على دولته وقال نعمل لوبي و نعمل تاتو فراشه على كتفنا .
.
- الصين عملت تعديل دستور يسمح للرئيس بالبقاء في الحكم مدى الحياه , طالما الشعب بينتخبه كل مره , اه زي ماحضرتك قريتها كده ( مدى الحياه ) .
.
- الروس يوعو عالدنيا يلاقو فلاديمير بوتين في وشهم , محدش منهم راح عاش في دوله تانيه وقال نجيب زماره و غطا حله .
.
- الأتراك بيحكمهم الشاذ التركي من سنين طويله و عملو تعديل دستور غيرو بيه نظام الحكم كله عشان خاطر عيون نفس الشاذ البلطجي .
.....................
طب ليه الشعوب دي قبلت ببساطه حكاية تعديلات الدستور و ان الرئيس أو الحاكم يقعد في الحكم سنين طويله ؟ هما مايعرفوش ان الرئيس في أمريكا بيحكم 4 سنين و فترتين و السلام ؟ لا يعرفو طبعا
.
بس الإجابه كالتالي, عشان الشعوب دي و كل شعوب الدنيا ( ماعدا احنا ) بيتعاملو مع الشأن السياسي بطريقتين مفيش غيرهم , إما انك كمواطن تبقى مهتم بالسياسه و بالشأن العام الداخلي و الخارجي و ده بيتطلب انك تكون بتعرف أبجديات , و بتفهم إن فانوس المرسيدس حلو و جميل لكن مايركبش على لاندكروزر , بمعنى ان تجارب الأخرين مش بالضروره تنفع عندنا , و ده المواطن اللي بيبقى من حقه يهري و يشارك برأيه , أو انك تكون مش مهتم و غير مكترث و مش فارقه معاك و معندكش أبجديات ( وده مش عيب ) و في الحاله دي بتنشغل بحياتك الشخصيه و هواياتك و تتفرج على افلام و تلعب رياضه و تتعشى و تغسل رجليك و تنام .
.
احنا بس الدوله الوحيده اللي عندها شخصية ست أم شوشو اللي بتركن سبت الغسيل على جنب و تفتح الفيس و تهري في التحالفات الدوليه و التسليح و أليات الاقتصاد و نظم الحكم و القنبله الذريه , و عندنا شخصية استاذ حبظلم أبو مؤخره كبيره اللي بيلبس لباس ابيض و ينام على بطنه عالسرير بعد مايكون قعد عالقهوه و نفسه اتقطع من المعسل و يهري بالظبط زي ست ام شوشو مع انك لو قلت لهم ان رئيس وزراء بريطانيا في التمانينات كان اسمه اوجمنتين 1 جم هيقولك صح و كان شاطر اوي في شغله ( اه و ممتد المفعول ) .
.
يعني باختصار , اغلب مواطني دول العالم بيعطو ما لكسرى ل كسرى و ما لقيصر لقيصر و عارفين إن أهل مكه و أهل السياسه و أهل الأمن القومي أدرى بشعابها .
.
فهمت يا جحش ولا لسه ؟
- لا بقى انا عايز نظام حكم زي أمريكا و عايز وزير دفاع مدني و حبذا لو كان واحده ست و حامل و سمانة رجليها حلوه زي أسبانيا .
.
مممممممممممم طب خد هات لك عسليه .
......................................................................................................................
Mohamed Hussein
· 29 مارس 2019
قلنا ألف مره , النصاب يلزمه جاهل , و مفيش أسهل ولا أبسط ولا أجمل ولا احلى من انك تنصب عالناس بإسم الدين و بإسم الغلابه و البسطاء و المشردين .
.
داعيه إسلامجي هندي شهير بتتهمه السلطات الهنديه بإنه جمع تبرعات من دول اسلاميه بقيمة مليار و 900 مليون روبيه من أجل إسعاد فقراء المسلمين في العالم , و انه اشترى بالفلوس دي أصول و عقارات و كتبها بأسماء ناس قرايبه !! ( والعهده على السلطات الهنديه ) , يعني شقلط نفسه و ظبطها , على طريقة هنحفر بير في أوغندا رحمه و نور على روح المرحوم , و نوزع بطاطين في الكونغو يا بهيجه .
...........................................................................................................
Mohamed Hussein
· 30 مارس 2019
خلونا نتكلم كفنيين , النهارده لا صوت يعلو فوق صوت مباراة الأهلي و الزمالك , و أنا بصفتي مواطن زملكاوي أبيض و بخطين حمر فطبعا هيبقى قدامي اختيار من اتنين بعد الماتش , والله كسبنا هنعمل فرح و حفله وبلوليله و نقلش و نجيب ناس تقلش معانا , اتعادلنا نفس الشئ برضه لأننا سابقين بنقطتين , و لو خسرنا لا قدر الله , لا قدر الله يعني فهنستخبى في أقرب غيط دره و مانظهرش إلا بعد يومين تلاته , يعني لما يكونو الأهلاويه خلصو حفلتهم و لمو الكهارب .
.
أما بقى أصحابي الأهلاويه فهيبقى قدامهم اختيارين ليس من بينهم الهروب , والله كسبو هيعملو حفلتهم و يعلقو كهاربهم , خسرو أو اتعادلو هينزلو بالحته بتاعة ( تعالو نعد البطولات و الشرابات ) , بحبها أوي الحته دي .
...................
شجّع فريقك و هزر بس بروح رياضيه وبخفة دم مش بإهانه ولا بسماجه ولا بتهييج .
..............................................................................................................
Mohamed Hussein
· 30 مارس 2019
الريس يأمر بزيادة الحد الأدنى للأجور من 1200 ل 2000 جنيه و زيادة الحد الأدنى للمعاشات ل 900 جنيه , كما تكرم جلالته و أعلن فوز الزمالك بالدوري السنادي إستباقا لمباراة القمه و بغض النظر عن نتيجة المباراه و ذلك حرصا من سيادته على تثبيت قواعد الإستقرار السياسي و الأمني و النفسي في شتى ربوع البلاد والذي من شانه أن يدفع عجلة الإنتاج إلى الأمام و يفتح دولاب العمل على مصراعيه
والله الموفق والمستعان .
.
إمضاء : عبد الفتاح سعيد حسين خليل السيسي
......................................................................................................
Mohamed Hussein
· 30 مارس 2019
الفريقين مالعبوش كوره بتلاته جنيه على بعض , بس انا عاذرهم , ده مش ماتش كوره , دي سرحة ترحيل في أرض رز .
إنما عموما يعني و ليكن ما يكون , مبروك علينا الدوري يا رجاله , الله يبارك فيكو , ميرسي خالص .
.......................................................................................................
Mohamed Hussein
· 31 مارس 2019
حدث بالفعل
.
صباح الخير
- عشان بس الناس تعرف إن الكائن الإخوانجي المفروض حياته تنحصر بين نقطتين اتنين مفيش غيرهم , إما رصاصه في الراس عشان نخلصه من شره و نخلص البشريه كمان من شره أو جلسات كهربا في المراحل الأولى بشكل مكثف و غالبا بعد شويه كتير هنزهق و نحس انه مفيش فايده فنرجع للخيار الأول .
.
امبارح بالصدفه دخلت محل وانا عارف إن اللي شغالين فيه إخوان , كنت كل مابدخل لهم ألاقيهم مشغلين قنوات الخرفان بتاعة تركيا و مندمجين اوي مع حزقات معتز مطر , بس امبارح لقيتهم مشغلين النيل الرياضيه , قلت اكيد عشان الاستعداد لماتش الأهلى و الزمالك , طب ده عادي .
.
ايه اللي مش عادي بقى ؟ قناة النيل الرياضيه جايبه تقرير عن مباريات الأهلى و الزمالك من بدايتها و اهدافهم في المباريات دي من أول أيام أبيض و اسود , مجرد فيلم من الأرشيف و بيذيعوه يعني .
.
أنا دخلت المحل و مفيش زباين غيري , و الاتنين الموظفين اللي قاعدين اخوان , شوف بقى طريقتهم في توصيل السباخ اللي في عقولهم للغير و شوف اصلا عقولهم واصله لفين , واحد منهم أول ماشافني قال للتاني ايه اللي شغال ده ؟( كأنه اتفاجئ يعني ) قام التاني رد عليه بنفس ابتسامتهم السمجه و قال له يا سيدي جايبين ماتشات من أيام الخمسينات و الستينات , قام الأولاني قاله : اه عايزين دايما يفكرونا بالخمسينات و الستينات !! .
.
انا خرجت من المحل وانا بتشقلب من الضحك , دول لسه في مرحلة جلسات الكهربا , و عبد الناصر عامل لهم خرم بشنيور في دماغهم , الراجل مات من خمسين سنه و الشنيور بتاعه لسه شغال , لدرجة يا مؤمن انه بيظهر لهم في ماتشات الكوره و هو اللي بيجيب الجون .
.........................................................................................................
Mohamed Hussein
· 31 مارس 2019
اللي حصل كالتالي , الناس القائمين على تنظيم القمه العربيه في تونس قالو يا جماعة الخير لو سمحتو الرجاله تيجي كده و الستات تيجي كده , فقام تميم ابن موزه وقف و هرش في دماغه هرشتين ( مشّيها دماغه ) و ماعرفش هو المفروض ييجي كده ولا ييجي كده فركب الطياره بتاعته و رجع .
...................................................................................................................
16 مارس 2019
الأرضُ كرويتُن بتلف حول نفسها و بتلف سجاير بانجو أخر النهار
.
راجل في البرازيل رجع البيت لقى مراته ماجهزتش الغدا , وهو كان واقع من الجوع , كلمه من هنا على كلمه من هنا الراجل اتعصب و نزل في مراته ضرب لحد ماتسبب لها في خلع في الكتف و كسر في سنتين و كدمات في اماكن متفرقه , مراته اتصلت بالشرطه و عملت محضر , بعد البحث و التحري تبين ان الراجل ده بيشرب مخدرات و بيعاني من مشاكل نفسيه و اتحول للنيابه و للمحاكمه واتسجن .
.
بينما تأكدت قناة الخنزيره و خرفان تركيا وكل قبيلة الصيع في العالم إن السبب في ضرب الراجل البرازيلي لمراته هو عبد الفتاح السيسي عشان من فتره كده قعد يقول عظيمات مصر عظيمات مصر , فقامت الست البرازيليه سمعت السيسي و هو بيقول كده , قالت لنفسها يعني اللي في مصر عظيمات وانا لا ؟ طب والله مانا عامله الغدا لجوزي و اللي يحصل يحصل .
.
بينما خرج المتظاهرون في الجزائر للتعبير عن غضبهم من عدم تداول السلطه و رغبتهم في التغيير و تحقيق حلم الديموقراطيه و الحريه و رفعو لوحة ( ارحل يا سيسي ) , ممممممم أكيد رفعو اللوحه دي تعاطفا مع الست البرازيليه اللي كتفها اتخلع .
...........................................................................................................................
Mohamed Hussein
16 مارس 2019
الريس عمل دايت و ابتسامته رجعت له تاني بعد سنين طويله من الحرب المتواصله اللي محدش في الدنيا كان يستحملها , حمد الله عالسلامه ياريس , و النبي لك حق تعمل قلق في كوكب الأرض و المجموعه الشمسيه .
.
بكره أردوغان يقول هبدأ دايت و يطلب من مساعديه انهم يختارو مدينه في تركيا و يسموها أسوان و يعملو له مؤتمر عشان يروح يتصور هناك , و الجزيره و الخرفان يقولو السيسي باع أسوان لمستثمر موزمبيقي و هيومان رايتس واتش تقول انك روحت أسوان عشان تعمل اختفاء قسري لنهر النيل , و المتظاهرون في الجزائر و النشطاء في نيوزيلندا و العواطليه في بريطانيا و الصيع في أمريكا و الحطابون في الجبال و العجائز حول نار المدفأه يقولو ارحل يا سيسي ,مش بقولك ياريس ؟ انت عامل قلق في المجره كلها
........................................................................................................................
Mohamed Hussein
17 مارس 2019
يوميات رجب
.
أردوغان يصرّح : ناس كتير حاولت تعمل صلح بيني وبين السيسي بس انا رافض , رافض تماما , رافض أوي جدا خالص .
..........................................................
بتخيل والله ان يوميات خليفة الصيع و الشواذ بتكون بالشكل ده
.
رجب صحي من النوم و لبس و ركب عربية الرئاسه , السواق بص لورا و سأله عايز تروح فين يا ريس ؟ رجب يفكر تفكير عميق و يقول للسواق , وديني أي حته مايكونشي فيها السيسي .
.
بعد ساعتين رجب في مؤتمر صحفي عن الركود الاقتصادي في تركيا , وبيتكلم عن الأزمه الاقتصاديه العالميه و العقوبات الامريكيه و بعدين يسكت ثواني و يفتكر و يقول لقطيع الحضور إن أهم سبب للركود الاقتصادي هو وصول السيسي للحكم في مصر وسط تصفيق القطيع
.
بعد ساعتين , رجب في ندوه بتتكلم عن أثر الكسبره و البقدونس على طعم المحشي فيقول ان طعم المحشي اتغير عن زمان , واتغير تحديدا بعد مالسيسي وصل للحكم في مصر .
.
بعد ساعه رجب يمشي بالموكب بتاعه يقومو يجيبوله شاب يعمل انه هينتحر , فينزل رجب يحضنه و ينقذه و الكاميرات تصور , الشاب يقول لرجب سيبني اموت انا عايز اموت , رجب يبص له و يقوله , معقوله يابني عايز تنتحر بسبب وصول السيسي للحكم ؟
.
بعد ربع ساعه و في نفس الطريق يجيبو لرجب بنت صغيره تشاور للموكب يقوم رجب واقف بالعربيه و مطلع من جيب الجاكيت عروسه لعبه و انتريه و تلاجه 16 قدم و يديها للبنت , تقوله انت بتعمل معايا كده ليه يا عمو رجب ؟ يقول لها هو انتي فاكراني السيسي يا بنتي ؟
.
رجب يرجع البيت خلصان و يدخل ينام شويه , يجيله كابوس في المنام , قال خير اللهم اجعله خير , كان ماشي في الصحرا و شاف أسدين و هجم عليهم و ضربهم بصباع رجله الصغير بعد ماقال الله اكبر , و بعدين جه اسد تالت و هجم على رجب و قرم مؤخرته , رجب يجيب مفسرين الأحلام و يحكي لهم الحلم , يقولو له اتغطى كويس وانت نايم وابقى غطيها , يقول لهم يعني مايكونشي الأسد التالت اللي قرمني من ورا ده هو عبد الفتاح السيسي ؟
..
رجب يفوق من النوم و من الكابوس ويسجن مفسرين الاحلام عشان هما أكيد على علاقه بفتح الله جولن , و تدخل عليه مراته و تسأله تحب تتغدى ايه ؟ رجب يفكر شويه و يسألها , أنا ولا السيسي ؟! .
....................................................................................................................
Mohamed Hussein
17 مارس 2019
أصدقائي الأهلاويه دايما أصحاب واجب
.
داخل محل قبل ماتش الزمالك لقيت اتنين شباب اهلاويه جابو سيرة ماتش الاهلي بتاع امبارح و بعدين جت سيرة ماتش الزمالك , واحد فيهم قال هنشجع الزمالك و التاني رد عليه و قاله طبعا لازم نشجعه و يصعد .
.
قمت انا كواحد زملكاوي اتأثرت و الدمعه فرت من عيني و شكرتهم جدا على روحهم الرياضيه وكنت خلاص هاخدهم حضن مطارات , قالو روح رياضيه ايه ؟ احنا عايزين الزمالك يكمل في أفريقيا عشان مايبقاش متفرغ و مركز أوي في الدوري !! .
..........................................................................................................
Mohamed Hussein
18 مارس 2019
شاب تركي يطلق النار على مجموعه من الأشخاص في مدينة أوترخت الهولنديه , 3 قتلى حتى الأن و 10 مصابين !! .
.
واضحه زي الشمس أهي , السيسي اتأثر جامد بانضمام عصام حجي لحملة زماره و غطا حله بتاعة معتز مطر فأصدر قراراته الفاشيه لأحد ظباط المخابرات بإنه يقنع مواطن تركي انه يسافر لهولندا و يقتل شوية هولنديين والشخص التركي ده و هو ماشي في الطريق لهولندا اتأثر جامد بكتب التراث و مناهج الأزهر الشريف , و في نفس اللحظه ظابط المخابرات المصري سبقه على هناك و قدر انه يقنع الشرطه الهولنديه بأهمية و ضرورة و حتمية الفشل الأمني , و اضحه تماما و ملهاش أي تفسير تاني ممكن يدخل العقل .
.
يا أستاذ يا أستاذ !!
- نعم يا حبيبي ؟
.
هو السيسي ليه اختار هولندا لتنفيذ العمليه ؟ اشمعنى هولندا ؟
- ممممممم اشمعنى هولندا صحيح ؟,الحكايه دي ملهاش غير تفسير واحد .
.
ايه هو ؟
- بص يابني , هولندا دي احنا لاعبناها في كاس العالم سنة 90 , و جبنا فيه جون , الجون بتاع مجدي عبد الغني اللي جابه من ضربة جزاء و ذلنا بيه لمدة 28 سنه
.
ايوه ايه علاقته برضه ؟
- مانا جايلك في الكلام اهو , السيسي ياسيدي كل مايفتح يوتيوب و يشوف الجون ده يحس ان حارس هولندا هيصد ضربة الجزاء بتاعة مجدي عبد الغني لأن ايده كانت قريبه اوي من الكوره , و بالتالي هنطلع مغلوبين 1/0 , من ساعتها و هو شايل اوي من هولندا و معبّي جواه , فقال مابدهاش بقى .
.
والله مانا فاهم منك حاجه
- بص يا حبيبي , عارف فرغلي بتاع العصير اللي في مصر الجديده ؟
.
اه عارفه
- و عارف طبعا ان عيد الأم قرّب ؟.
.
اه طبعا
- خلاص يا سيدي , انت يوم عيد الأم تاخد مراتك و تعزمها على عصير من عند فرغلي , اظن كده وضحت لك الفكره , لو مافهمتش تبقى غبي وانا بصراحه مش فاضيلك بقى .
.
..................................................................................................................
Mohamed Hussein
18 مارس 2019
مشهد حصري للمصريين , تراب الأرض دي و ملحها .
.
وانا صغير , من يوم ماوعيت عالدنيا يعني , و انا اتعودت و اتربيت على إني أبوس ايد أبويا و أمي , و أعمامي و أخوالي و خالاتي , يبقو قاعدين كده و لما تدخل عليهم لازم توطي و تحني ضهرك و تمسك ايديهم تبوس ضهرها .
.
كبرت و بقيت شحط كده و ملو هدومي و لسه ببوس ايد عمي الكبير و خالتي الكبيره , بقية اعمامي و خالاتي مش بيرضو دلوأتي , ليّا خاله لما اجي ابوس ايدها تقوم شاده ايدها بسرعه و عم نفس الشئ , يعني نبقى زي الصورتين دول بالظبط , و انا هنا مكان الانسان النوبي الجميل اللي شد ايد الريس عشان يبوسها , والريس المحترم شد ايده بحركه عفويه , و تكملة المشهد العفوي التلقائي ده ان كل واحد من الطرفين ب ( يكمض ) ايده و يبوسها زي الصور بالظبط .
.
الراجل النوبي حاول يبوس ايد الريس من باب المحبه و الاحترام و التوقير , مشاعر كتير بتبقى جواه , لا عبد الفتاح السيسي معلّق له حبل المشنقه ولا هيديله وظيفه و شقه بعد الحركه ( اللي الريس أصلا رفضها بابتسامه وعفويه )
.
المشهد اتكرر معايا بشكل أوضح بعد ما اتخرجت و سافرت و اتجوزت و خلفت و رجعت مصر , قابلت مدرس من اللي كانو بيدرسو لي في ثانوي , نزلت من العربيه و سلمت عليه و من غير ما احس لقيتني بوطي أبوس إيده وبرضه شدها .
.................................................................................................................
Mohamed Hussein
20 مارس 2019
- و أحب أشكر ألاف الأصدقاء و ملايين البني أدمين و مليارات المعجبين و الحطابون في الجبال و البردانون حول نار المدفأه , اللي لاحظو غيابي و سألو عليا النهارده
.
يا عم لا حد سأل ولا حد في دماغه أساسا
- صح بس هنكر
..................................................................................................................
Mohamed Hussein
20 مارس 2019
القوه الثلاثيه المدمره ( علي علوكه و سيد كٌخه و ريري سيلان )
.
صباح الخير
مستشار الحزب الحاكم في تركيا عمل مؤتمر برعاية قناة الخنزيره القطريه و لم شوية الخرفان و شوية الصيع الهربانين عندهم , عشان ايه المؤتمر ده بقى ؟ عشان يناقشو التعديلات الدستوريه في مصر , اه و عهد الله زي مابقول لكو كده , قطر و تركيا و الجماعه الإرهابيه الدوليه بيناقشو التعديلات الدستوريه المقترحه عندنا , لا سحر ولا شعوذه .
.
وقال مستشار الحزب الحاكم في بلد خليفة الشواذ , قال ايه بقى ؟ خير اللهم اجعله خير , ان تركيا متقدمه اقتصاديا و سياسا و علميا و منفلوطيا عشان الديموقراطيه و ارادة الشعب و محاسبة الحاكم و إن التعديل الدستوري في مصر ده فعل وحش اوي و يندى له جبين البشريه المعذبه وسط تصفيق من قطيع الحضور و تصوير الخنزيره و يا دين النبي ايه الحلاوه دي
..............
ملاحظات عالهامش
- تركيا عدلت الدستور بتاعها في ابريل 2017 و غيرت نظام الحكم تماما عشان يبقى بدله تفصيل لأردوغان .
.
- أردوغان بيحكم تركيا من يوم ماوعينا عالدنيا في تطبيق رائع و بديع لتداول السلطه لأنه معروف للجميع إن السلطه مداوله مش مناوله .
.
- أردوغان سجن و عزل و اعتقل مايقرب من نص مليون تركي بعد مسرحية الانقلاب الوهميه بحجة انهم على علاقه بفتح الله جولن أو بيحلقو عند الحلاق اللي كان بيحلق لابن خالة فتح الله جولن .
.
- مستشار اردوغان قال قصايد شعر في اقتصاد تركيا بس نسي يقول إنهم مسلفين صندوق النقد الدولي و معاهم وصولات أمانه بكده .
.
- التعليم في تركيا مبهر لدرجة إن بنت خريجة كلية اقتصاد سألوها في برنامج مسابقات سور الصين العظيم بيقع فين ؟ في الصين ولا الهند ولا اليابان ؟ فطلبت حذف اجابتين و الاستعانه بصديق .
.
- أما قطر , الكشك الخليجي فيمثل نموذج للديموقراطيه اللي ماتخرش المايه و بيعتمدو في نظام حكم الكشك على نظريه بتقول , ان اللي بيصحى من النوم الأول بيفتح القصر و يبقى هو الأمير و لو قفل باب الحمام على ابوه من بره يبقى قشطه .
.
- يووه كنت هنسى حاجه مهمه , الجماعه الإرهابيه الدوليه مش معترفين أصلا بالدستور بس رافضين تعديله , يعني هو وحش بس حلو أوي .
........................................................................................................................
Mohamed Hussein
21 مارس 2019
غنّي تركي يا لوسي
.
صور عجيبه شوفتها امبارح لعريس بيوطي عالأرض يبوس رجل و جزمة عروسته أو خطيبته !! , هي دي هتبقى الموضه سيادتك ؟, داحنا استوينا أوي و طلبنا الأكّيله , ومابقيناش محتاجين لا المسيخ الدجال ولا عطوه البقال , و دلوأتي أي عيل أجنبي يقلع بنطلونه و يمشي في الشارع ممكن نعتبرها موضه و يقلدها الكبار تحت بند التحرر و التطور والألمعيه و الألمظيه .
.
مشاهد كتير بشوفها مترابطه و متشابهه لحد التطابق , واحد يهرب بره مصر لدوله معاديه و يقعد يشوه في بلده ليل ونهار , واحد يهرب و ينضم لتنظيم ارهابي عشان يحارب جيش مصر و يقولو عنه مختفى قسريا ولو مات يبقى شهيد و الجنه و حور العين في الانتظار ( ده طبعا على اساس ان ربنا سبحانه و تعالى بيخدعه مايخدع الناس و البسطاء ), شاب يكون دوره في الحياه انه يألف قصص عن تعذيب ويشوه رموز تاريخيه و لو ماعرفش يألف يستعين بصديقه الاخوانجي ( أساتذة التأليف ) , واحد عنده شذوذ جنسي فعجبته الحدوته وشايف اننا لازم نسمح له بممارسة اللامؤاخذه على قارعة الطريق والا نبقى متخلفين , واحده عايزه تقلع حجابها فتقوم تعمل حفله و بث مباشر , واحده اتطلقت تعمل حفله , واحده تلبس نقاب و تسمي نفسها المؤمنه بالله عالفيس بوك , ليه يا ستي كده ؟ اصل ملامح وشي عوره و صوتي عوره و اسمي عوره, ممممم يعني أفهم من كده انك شخص ما ولا شئ ما ؟ بني أدم ولا شئ ؟ someone ولا something ؟ هو ربنا كرم البني ادم و نسيكي ؟ ولا كرم البني ادم وانتي معاه ؟
.
كل المشاهد اللي فوق بشوفها مترابطه و تحت بند واحد , خلل , شذوذ , abnormality , ضرب في الجينات و الهويه , أحيانا كتير بيكون متعمد و وراه جهات بتدعمه و تخطط له , ماهي الأوطان يابني اللي مابتقعش بالضربه القاضيه بتقع بمجموع النقاط , و الإنجليز مثلا عندهم فلسفه خاصه بديعه , لو فيه سمكه في بحر و عايز السمكه دي تحديدا فانت ممكن تعمل أي شئ حتى لو هتجيب معلقه و تنزح البحر بالمعلقه لحد مايبقى مفهوش مايه خالص و مش باقي غير السمكه , طولة البال تبلغ الأمل .
.
عشان كده مش هبطل اقول , معركتنا مش طرق و كباري و مشاريع , معركتنا في الأساس معركه فكريه , معركة هويه و عقل , بناء الإنسان زي ماقال السيسي كده , انسان مصري وبس , لا بيتركب ويحرق بلده تحت بند التدين و الفرقه الناجيه ولا بيبوس جزمة عروسته تحت بند التحرر و الفرقه المتقدمه , لا بيتأثر بحدف الشرق , ولا بيتمنظر بحدف الغرب , إنسان مايكونشي عجينه طريه سيادتك و أي عيل فايت يشكلها على مزاجه , ماينفعش الإنسان اللي عمره 10 الاف سنه يبقى عجينه طريه , و عهد الله ماينفع .
...................................................................................................................
Mohamed Hussein
21 مارس 2019
شيرين عبد الوهاب : اللي بيتكلم في مصر بيتسجن
علاء الأسواني : اللي بيتكلم في مصر بيتسجن
خالد ابو النجا : اللي بيتكلم في مصر بيتسجن
عمرو واكد : اللي بيتكلم في مصر بيتسجن
حمدين صباحي : اللي بيتكلم في مصر بيتسجن
مرعي بتاع الكليمه : اللي بيتكلم في مصر بيتسجن
عم محفوظ اللي ماسك الجراج : اللي بيتكلم في مصر بيتسجن
أم نحمده بتاعة الكرشه : اللي بيتكلم في مصر بيتسجن .
الطائر الحزين المجنح على فيس بوك : اللي بيتكلم في مصر بيتسجن .
.....................
يا أستاذ يا أستاذ !!
- نعم يا حبيبي ؟
.
كلهم بيقولو اللي بيتكلم في مصر بيتسجن ؟
- اه .
.
أومال محدش فيهم بيتسجن ليه ؟
- يا غبي مانت مش فاهم .
.
مش فاهم ايه حضرتك ؟
- احنا يابني عشان نظام فاشي و قمعي و ديكتاتوري و منفلوطي بنستورد مخلوقات فضائيه و نقول لهم اتكلمو , اغلطو في السيسي , اتكلم يابن الشعب , و أول مايتكلم نسجنه على طول .
.
اه فهمت فهمتك , يعني اللي بيتسجن المخلوقات الفضائيه ؟
- ايوه بالظبط كده , بنستوردهم و يتكلمو و نسجنهم و نعذبهم و نحط العصايه في مؤخرتهم
.
ايه الحته الاخيره دي يا استاذ ؟
- هي يابني بتتقال كده بؤ واحد , نسجنهم و نعذبهم و نحط العصايه .
.
طب ليه حضرتك نسجن المخلوقات الفضائيه ؟
- مزاجنا كده يا اخي , أومال نبقى نظام فاشي و قمعي ازاي ؟ ولا انت عايز سمعتنا تنضرب في سوق الأنظمه الفاشيه ؟
.........................................................................................................
Mohamed Hussein
22 مارس 2019
الحدوته
.
صباح الخير
- ترامب : حان الوقت لاعتراف الولايات المتحده بسيادة اسرائيل على الجولان !! , مصر رفضت التصريح الأمريكي و أصرت إن الجولان أرض عربيه محتله .
.
ايه بقى الحدوته ؟ بص يا مولانا بس حاول تركز و النبي
- في يناير 2011 حصلت ثوره و هوجه و شألباظات, بعدها شوية انفلات امني حلوين و اقتصاد بيكح تراب و هووب بقت الدوله المصريه في أضعف حالاتها , يعني ممكن تقول في المربع صفر .
.
- الدوله بتكون في أضعف حالاتها امتى ؟ لما بتقع اقتصاديا و أمنيا و يكون مفهاش استقرار سياسي , هنا بقى لا فيه عجلة انتاج و لا عجلة عربيه كارو ولا دولاب عمل ولا نيش ولا استثمار ولا بطيخ .
.
- بعد يناير 2011 بدأت اثيوبيا تبني في سد النهضه اللي متخطط له من تلاتين اربعين سنه , طب ليه اختارت التوقيت ده ؟ عشان الدوله المصريه في أضعف حالاتها .
.
- الدوله المصريه بدات تستعيد هيبتها و قوتها و تقف على رجلها تاني من بعد ثورة يونيو 2013 ( اعظم ثوره في التاريخ الحديث ) , و استعادنا بلدنا المخطوفه و دي كانت أصعب و أهم نقطه .
.
- تفاوضنا في موضوع السد عشان نكسب وقت , و كل مابتبقى اقوى بتتفاوض من فوق ( من عَلي ) و حاليا حضرتك مش هتسمع عن السد ولا هتسمع عنه بعد كده عشان تبقى فاهم يعني .
.
- طب هبسطهالك , بعد سقوط العراق و الجيش العراقي و وصول الدوله العراقيه الى اضعف نقطه بقت مرتع لكل من هب و دب , أردوغان استغل مرحلة الضعف دي و بنى سدود و بالتالي مناطق كتير في شمال العراق اصابها الجفاف .
.
- طب نقول كمان , مصر عملت ترسيم حدود في البحرين الاحمر و المتوسط و هاجت الدنيا و اتقلبت , بعدها مصر نقبت عن الغاز و لقينا احتياطات ضخمه هتدخلنا في مصاف الدول الكبرى المصدره للغاز ( الحكايه دي كان يلزمها اعادة تسليح لجيشك عشان تحمي ثرواتك وكان يلزمها ترسيم حدود , يعني باختصار عايزه قلب ميت ) .
.
- ترامب لقى الوقت مناسب للاعتراف بسيادة الكيان الصهيوني على الجولان , عشان الدوله السوريه وقعت هي و جيشها و بقو في أضعف حالاتهم
...................
طب الكلام اللي فوق ده ملخبط و مش راكب على بعضه ؟ لا خالص , كلهم بيدورو في نفس الحدوته , اللي هي ايه ؟الحدوته هي صراع قوه , لو ضعيف هتنداس وتتفرم , لو قوي هتفرض ارادتك , و لما تتفاوض تتفاوض من فوق مش من تحت , الحدوته اقتصاد و غاز و بترول و نفوذ اقليمي و دولي و جيوش تتدمر او تعيش و تحمي , الحدوته يلزمها جيش قوي و اقتصاد متماسك و استقرار سياسي
.
باختصار شديد , مصر 2011 ماقدرتش تقول لأثيوبيا عيب و هي بتبني سد النهضه , مصر 2019 تقدر تقول لأمريكا لأ في تصريحاتها عن الجولان , أمريكا مش أثيوبيا !! .
.
هي دي حدوتة ال 10 سنين اللي فاتو , طب والربيع العربي و الحريات ؟ ممممممممممم ابقى تعالى بكره و هات معاك سلطانيتين , واحده خد فيها ربيع عربي و التاني عبّيها حريات , بس اوعى يدلدقو منك وانت ماشي
..................................................................................................................
Mohamed Hussein
· 23 مارس 2019
زماره و غطا حلّه
.
حمدين صباحي من فتره كده راح لندن و عمل لقاء مع ال bbc , طبعا حمدين كراجل مفوه و كل شغلته من 50 سنه هي الكلام , قال و بدّع و انجعص , الدوله الفاشيه و حكم العسكر و المعتقلين و البطيخ اللي من غير بذر , رجع حمدين من لندن و دخل من مطار القاهره و روح بيتهم ونام و صحى عشان يدور على اي مؤتمر او اي سبوبه يطلع يقول فيها كلمتين , لا حد سجنه ولا حد قاله بتهبب ايه .
.
علاء الأسواني لما لقى الأضواء انحسرت عنه بقى كل كام شهر يخترع افتكاسه , بنتي خبطت موتوسكل بعربيتها و جالنا الأمن الوطني بالليل و المخابرات و الصاعقه و خدو البنت وكسرو الباب و اكيد يعني قال عذبوها و حطو العصايه في مؤخرتها , زي اللي بيكتبه في رواياته البلهاء , انحسرت عنه الأضواء اكتر قام نزل خبر انه متقدم للمحاكمه العسكريه في مصر!! , مع اننا يا اخي بنحاكم الارهابيين القتله محاكمات مدنيه , بس علاء الاسواني هنحاكمه عسكريا بقى , و ايه بيتحاكم وهو في باريس و قاعد بيكتب تويتات و مقالات اثناء المحاكمه العسكريه , لقيت عندي صديقه مصدقه الهجايص دي و ناشراها و حاطه علامة استفهام و علامه تعجب قد غطا الحله , يبقى البلوك وجب يا عطيه .
.
خالد ابو النجا عايزها مليطه عشان نبقى متحررين و تنويرين و عقولنا ألماظات و طبعا دولتنا فاشيه بتاكل دراع العيال الصغيره , و عمرو واكد نفس الحدوته , و يسافرو و يروحو و ييجو ينامو في بيوتهم , والنبي الفاشيه دي حلوه مفيش كلام , فاشيه بس طريه شويه .
.
الحقيقه ان السنين اللي فاتت مش بس كشفت لنا وجه الجماعه الارهابيه القبيح , مش بس خلتنا نشوف ارهابهم و دمويتهم و خيانتهم و كذبهم و تزييفهم للحقايق و للواقع و للتاريخ عيني عينك و على قارعة الطريق , انما كشفت لنا الوجه الساذج المنحط الخاين للي بيسمو نفسهم معارضين سياسيين , 6 سنين يامؤمن لا عملو حزب سياسي عليه القيمه ولا نزلو انتخابات و لا شاركو في الحياه السياسيه , 6 سنين بيخدعو قطيعهم و خرفانهم بشوية قصص بيألفوها في ساعة عصاري و شوية شعارات حمضانه و شوية هاشتاجات و شألباظات .
.
الحقيقه اننا ماعندناش شريحه في مصر ينفع نقول عليها معارضه سياسيه , و عهد الله ما عندنا , يابني مانت لازم تتعلم الأول الفرق بين المعارضه و الخيانه والفرق بين المعارضه و المر*عه عدم اللامؤاخذه , لازم تتعلم ألف باء , لازم تعرف ان ابجديات المعارضه مفهاش تزييف للحقايق ولا تأليف قصص للاستدلال , لازم تعرف ان ابجديات المعارضه مفهاش معارضه للتاريخ و الجغرافيا و الأمن القومي و للمؤسسات اللي بتحمي البلد , لازم تعرف ان ابجديات المعارضه مفهاش سخريه من اسم بلدك ولا علمها ولا نشيدها و لا فيها تطاول على جيشها , لازم تعرف ان أليات المعارضه السياسيه موجوده في الأحزاب و انتخابات المحليات و البرلمان و الرئاسه , مش في هاشتاج و لا في قصه متألفه ولا في زماره و غطا حلّه .
.................................................................................................................
Mohamed Hussein
· 23 مارس 2019
و ما ظلمناهم
.
أخوكم في الله زياد العليمي , و بالنسبه للي مش فاكر الإسم ده أحب أقوله انه كان واحد من أيقونات لامؤاخذه يناير , الناس اللي كانو بيطلعو لنا في التليفزيون 3 مرات في اليوم بعد الأكل و بينزلو لنا من الحنفيه و عندهم حلول و شالباظات و عقولهم ألماظات و عندهم أفكار لحكم الكره الأرضيه و الكره الشراب .
.
أخوكم زياد بقى شايف ان تحليل المخدرات للناس على الطرق مش قانوني ولا دستوري , وانه من حقك ترفض و تعترض , وبيستشهد مولانا الأيقونه بإن الدستور بيقول ( "لا يجوز إجراء أى تجربة طبية أو عملية على أى إنسان بغير رضائه الحر ) .
......................
عزيزي وروح قلبي و فسيفساء أحشائي زياد العليمي , تحيه مش طيبه و بعد
.
- في كل دول العالم يا مولانا , الغربيه و الشرقيه و المنفلوطيه بيعملو تحاليل مخدرات و خمور للناس عالطريق , و محدش من حقه يعترض , ده حق الدوله و القانون و غرضه حماية الناس من أخطاء و كوارث و خطايا الغير, ده أولا يعني .
.
- ثانيا , التجارب الطبيه و العلميه على أي انسان بتعني تجربه دوا معين لسه جديد على بني أدم او تجربة جهاز جديد عليه أو تقنيه حديثه أو أو أو , أما تحليل المخدرات فملوش أي تلاتين علاقه بكده , و عزة جلال الله بنتي اللي في تالته ابتدائي لو ماتعرفش الفرق بين تحليل مخدرات لناس عالطريق و بين تجارب طبيه عالناس هقعدها من المدرسه و تشتغل خياطه و يبقى كفايه عليها تعليم لحد كده .
.
عزيزي زياد العليمي , خدتو فرصه كامله تظهرو و يظهر اللي جواكو و قواكو العقليه ايه و المينتالتي بتاعتكو واصله لحد فين ؟ عايز أقولك بقى ان حكم الأوطان بيختلف تماما عن إدارة كشك سجاير و عايز أقولك الاهم , ليه تشتغل ناشط سياسي والبلد أصلا فيها أزمة بوابين و شغالات ؟ ( مع كل و كامل احترامي لمهنة البواب و الشغاله لأنها مهن شريفه مش لامؤاخذه زي شغلانتهم ) .
....................................................................................................................
Mohamed Hussein
· 24 مارس 2019
تقرير لأهم وجهات سياحيه لأثرياء العالم , التقرير بيقول إن أهم وجهه على الإطلاق , رقم واحد يعني , هي مصر , واليابان في المركز التاني و أيسلاند في المركز التالت
.
بيتكلم التقرير عن المقاصد السياحيه في مصر لأثرياء العالم و ركز على منطقة الأقصر و أسوان و منطقة الأهرامات بما فيها المتحف الكبير اللي هيضم أكتر من 100 ألف قطعه أثريه للحضاره الفرعونيه ( أغلبهم ماتعرضش قبل كده ) و هيبقى أكبر متحف في العالم !! .
.....................
يا عم التقرير دي مضروب و تلاقي أحمد موسى اللي عامله , أو تلاقي المخابرات عاملاه عشان تداري على موضوع التعديلات الدستوريه أو تداري على اعتراف أمريكا بسيادة اسرائيل على الجولان أو تداري على انضمام عصام حجي لحملة زماره و غطا حلّه أو تداري على طلاق ست أم شوشو من المعلم عبد الجبار في ظروف غامضه .
- لا يابني ده تقرير أجنبي
.
طب خلاص طالما تقرير أجنبي تبقى تاهت و لقيناها , التقرير مظبوط فعلا و السيسي بيجيب أثرياء العالم عشان يبيع لهم الأقصر و أسوان و المتحف الكبير و التل الكبير و الأهرامات و أبو الهول و أبو المطامير و أبو مازن بتاع الشاورما .
..........................................................................................................................
Mohamed Hussein
· 25 مارس 2019
باريس و أدب باريس
.
الجيش الفرنسي نزل يأمن المرافق العامه أثناء مظاهرات السترات الصفراء , و الحاكم العسكري لباريس لا يستبعد لجوء الجيش لفتح النار إذا تطلب الأمر !! .
.................................................
مممممممم لقد ترك الجيش الفرنسي ثكناته و ربما يفتح النار على ( المدونين ) الفرنسيين يا سيدي الدوق , أه و عهد الله زي مابقولك كده .
......................................................................................................................
Mohamed Hussein
· 26 مارس 2019
ذهبَ الحمارُ بأم عمروٍ و راح لحد الكونجرس الأمريكي , و كان معاهم عيل لامؤاخذه قامو سابوه يتربى هناك !! .
.........................
عمرو واكد و خالد أبو النجا راحو الكونجرس عشان يناقشو التعديلات الدستوريه في مصر !!, ويضغطو عالنظام المصري المغتصب من أجل مصلحة الشعب المصري ( اللي هو احنا يعني ) , اه و عهد الله زي مابقول لكو كده .
.
شوف يابني
- هو مش غريبه ان عمرو و اكد و ابو النجا بتوع الترويج للشذوذ الجنسي هما اللي يروحو الكونجرس ؟ لا مش غريبه خالص , لو مكانشي هما اللي يروحو أومال مين هيروح ؟! ده حتى المثل بيقولك الطيبون للطيبات و اللامؤاخذه للامؤاخذات .
.
- طب مش غريبه ان نفس المكان اللي راحوه هو اللي راح له قيادات الجماعه الارهابيه من أربع خمس سنين ؟ لا مش غريبه , كلهم عرايس في نفس مسرح العرايس بيحركهم نفس المخرج , ده من قديم الأزل على فكره , الخاين باسم الحريات و حقوق الإنسان و حقوق بني سويف و الخاين باسم الدين و الجنه و حور العين , كلهم من صناعة امنا الغوله ,عشان كده وقت الجد هتلاقيهم هناك, ماهي البايره لبيت أبوها .
.
- طب ايه التعديلات الدستوريه دي ؟ تعديل على دستور مصري ( اتعمل تعديل زيه في تركيا من سنتين و بيتعمل زيه في كل دول العالم ) , الدستور نفسه بيسمح بتعديله بموافقة عدد معين من الاعضاء وبعد كده يتعرض للشعب , الشعب يقول أه او لا , طب انت معترض و ناشط سياسي في نفسك كده تعمل ايه ؟ تقول للشعب انزلو قولو لا و تنزل معاهم , سهله خالص اهي .
.
- طب مين أمريكا ؟ لو هنجيب سطر الجلاليب بتاعها من أول خالص مش هيكفينا ألف بوتيك , ممكن بس نجيب اول جلابيه بتاعة نشأة امريكا على جثث ملايين من الهنود الحمر , ونجيب اخر جلابيه بتاعة رعايتها لخراب الدول العربيه و اسقاط جيوشها و توفير الدعم السياسي و الاعلامي لقتل و حرب و تخريب و تشريد ملايين من العرب , وأخيرا وليس أخرا أمريكا اعترفت امبارح بإن الجولان أرض اسرائيليه .
- أنا بقى يا مولانا على دين دولتي , على دين وطني , على دين جيشي , لا هتاجر بدين ربنا واشتغل ارهابي و ايدي تغرق بالدم ولا هتاجر بحقوق الناس و اشتغل لامؤاخذه و اتشألب على سراير الأمريكان .
.
- لحد امبارح بس كنت متردد في موضوع التعديلات الدستوريه ,النهارده مش محتاج حتى أعرف المواد المطلوب تعديلها ايه ؟ و هنزل اقول نعم وانا مغمض عنيا , لا هقول نعمين تلاته , أربع خمس نعمات .
.
- نصيحه اخيره لفنانا المبدع الطري الجميل عمرو واكد , اسمها تسليط الضوء مش تصليت الضوء , مانت ماتبقاش بتشتغل لامؤاخذه و تبقى حمار في نفس اللحظه.
...............................................................................................................
Mohamed Hussein
· 26 مارس 2019
حكاية بطن وسخه ( اه هي وسخه زي ما حضرتك قريتها كده ) .
.
- طالبه في سكن الطالبات في جامعة الأزهر فرع أسيوط , كانت قاعده بتذاكر داخل المدينه , قام واحد نط من عالسور و خدها من ايدها و خرجو للأحراش و غابات السافانا المجاوره للمدينه الجامعيه , قامو البنات قعدو يصوتو و يقولو الحقونا الحقونا , قام الأمن قال لهم لا احنا مش فاضيين , احنا بنلعب كاندي كراش , و بعدين فين وفين بقى لما جت الشرطه و دورو لقوها مغتصبه ومقتوله داخل الاحراش و داخل غابات السافانا دي , قامو الطالبات عملو مظاهرات داخل المدينه و هتفو يانجيب حقها يا نموت زيها , قامت الأخت الصحفيه اللي انا مش فاكر اسمها وامها نفسها بتتلخبط في اسمها تصدت لهذا الفعل الدنئ و كيف أن جامعة الأزهر تسترت على المجرم و نفت الحادثه , قام الاستاذ المناضل معتز مطر جاب صورة البنت و حزق حزقه ناريه و أعراضنا تنتهك , واين الرجوله و أين النخوه , وين الكمترى ؟
....................
حلوه الحكايه اللي فوق دي يا حاج محمد ؟ حلوه صح و بتنتزع أهات الجماهير
.
طب بص يا مولانا , الحقيقه كالتالي
- جامعة الازهر اصدرت بيان بإن مفيش الهجايص دي و تحدّت أي حد يقول اسم البنت و رقم غرفتها , يعني حدوته كلها فستك من أولها لأخرها .
.
- الصحفيه اللي هي بتشتغل في جريده الكترونيه من الجرايد اللي بتتعمل ب 17 دولار وانت قاعد عالمكتب هتشم ريحتها الضاني من على بعد .
.
- النائب العام أصدر بيان للتحقيق مع اللي روجو الشائعه , و طبعا لا النائب العام ولا الازهر بجلالة قدره هيتسترو على مجرم ملوش اي تلاتين لازمه ولا هيتسترو على إهمال لو كان حصل ( احنا يابني حاكمنا اتنين رؤساء و مليارديرات و وزراء سابقين و حاليين , مش هنخاف بالتأكيد من علي علوكه و سيد كوخه )
.
- سور المدينه الجامعيه ارتفاعه 4 متر و بيحرسها شرطه و مفيش حد مجنون حتى يفكر يقتحمها حتى لو كان هيخطف كيم كاردشيان , و طبعا مفيش جنب المدينه أحراش ولا الجو بتاع أفريكانو ده .
.
- بنات الإخوان في أي مكان ( الخرائر ) ممكن يتظاهرو عشان اي حاجه طالما جت لهم التعليمات , يعني مثلا ممكن تقول لهم مسحوق الغسيل في المدينه الجامعيه عاملاه شركه صهيونيه و تظاهرو يا حرائر يقومو يتظاهرو و بعد كام يوم تكتشف انه مكانش عندهم مسحوق غسيل أصلا .
.
- ال 3 اسماء بنات اللي قالوهم في مرحلة التخبط , واحده منهم ماتت بسبب مرض من كام يوم و التانيه توفت بحادث سير من كام يوم , و التالته اللي جاب صورتها القذر معتز مطر متخرجه من كلية تربيه نوعيه جامعة أسوان و ملهاش علاقه بالأزهر ولا بأسيوط !! .
.
- طيب بعد ما حضرتك اتأثرت و اتشحتفت لازم تفهم التالي , اختيار جامعة الازهر لتأليف الحدوته مقصود , الازهر كمؤسسه مستهدف و شيخه الجليل مستهدف ( و النبي حبايبنا التنويرين بتوع شعلة النور في بحر البطيخ يركنو على جنب دلوأتي ) .
.
- القانون بقى بيقول ايه ؟ ان اللي عملته العاهره اللي بتسمي نفسها صحفيه ماسموش حرية رأي , ترويج اشاعه من شأنها كذا و كذا يبقى المفروض تتعلق من ضفايرها على عمود نور.
.
- الأخ معتز أبو حزقه روج للإشاعه و انتهك عرض فتاه توفت ملهاش اي علاقه بجامعة الأزهر , هنا من حق أهالي ال 3 فتيات اللي ذُكر أسمائهم إنهم يرفعو قضايا على معتز افندي و على الصحفيه الافتراضيه الوهميه الكتكوته , قضايا تشهير و أعراض وينتقمو لشرف بناتهم ربنا يرحمهم .
.
- إمتى بقى حضرتك هتصدق و تقتنع انه مفيش حاجه بتتم بالصدفه و انك دائما و باستمرار بتلاقي نفسك واقف أمام أوسخ و أقذر تنظيم في تاريخ البشريه ؟!
....................................................................................................................
Mohamed Hussein
· 27 مارس 2019
سيسيفوبيا
.
صباح الخير
أردوغان في أخر حزقاته : قادة أوروبا اجتمعو في مصر و وقفو صفا لمصافحة السيسي يوم إعدام 9 من شباب الإخوان .
.
أردوغان : هل يُعقل إن قادة أوروبا اللي ماعندهمشي عقوبة إعدام يسلمو على واحد عنده عقوبة إعدام ؟
...............
...............
مممممممم هل تعلم عزيزي القارئ , عزيزي المشاهد , عزيزي المستمع , عزيزي راكب السياره , عزيزي راكب الدراجه البخاريه , عزيزي راكب الهوا , عزيزي الدكتور و بياع الخضار و المهندس و عالم الذره
.
هل تعلم أن أردوغان خليفة الشواذ و المثليين في ال 5 سنين اللي فاتو جاب سيرة السيسي 6397 مره بينما السيسي ذكر اسم أردوغان صفر من المرات , صفر يعني زيرو , لدرجة إنه بقى عندي اعتقاد إن السيسي لو حب يجيب سيرة أردوغان بعد كده في أي مؤتمر مثلا هيضطر يبص وراه و يسأل حد من المساعدين بصوت واطي , اسمه ايه ده اللي لامم شوية خرفان و صيع عنده و فاتح لهم قنوات فضائيه ؟ أيوه اسمه ايه بقى ؟ شعبان تقريبا أو ذو القعده ؟ لا يافندم اسمه رجب , يا سيدي أهي كلها شهور ربنا .
.........................................................................................................................
Mohamed Hussein
· 27 مارس 2019
بالعربي البسيط , بالعاميه الدارجه , هات يابني عقلك معاك و تعالى , عقلك و بس , مش مطلوب منك اكتر من كده .
..............
عمرو واكد و خالد ابو النجا راحو الكونجرس و كتبو تويتات بمحض ارادتهم و اعترفو انهم عايزين يشكلو ورقه ضغط ولوبي و بطيخ من غير بذر , هي الحكايه دي تعتبر خيانه ؟ اه و عهد الله اسمها خيانه ملهاش اسم تاني .
.
ليه خيانه ؟ عشان اسمها استقواء بالخارج على دولتك , اللي هو مين الخارج ده ؟ الخارج يا سيدي أي خارج , امريكا , بريطانيا , روسيا , السعوديه , جزر المالديف , ياكشي حتى يكون الاستقواء بقبائل الكوتوموتو الأفريقيه .
.
الكلام ده يخص مصر اللي بيحكمها السيسي ؟ لا ده مبدأ يخص أي دوله و أيا ما يكون اسم اللي بيحكمها .
.
بس انا حضرتك عايز أبقى مناضل و النظام الحاكم لمصر فاشي و قمعي و تعديل الدستور ضد القانون و ضد الحشره و ضد الفار , جميل , ناضل من جوه بلدك , انزل و احشد و قول لا لتعديل الدستور , قول مش موافقين انت و الأغلبيه , ماهي الديموقراطيه يابني يعني رأي الأغلبيه.
.
لا مانا مش هنزل ولا هشارك عشان الحكايه دي هتتطرمخ و الاستفتاء هيتزور , طيب معندكش مشكله خالص , هات الملايين اللي معاك اللي هما اغلبيه الشعب و كده , و انزلو اعملو ثوره و مظاهرات و شيلو السيسي بدستوره بسلطاته , ده برضه خيار ديموقراطي على فكره , ده طبعا بفرض انكو مش هتاخدو بالجزمه من الشعب نفسه .
.
بس احنا لو نزلنا الشرطه هتعتقلنا و تسجنا و تغتصبنا و تحط العصايه في مؤخرتنا , لا يابني مفيش شرطه في الكون تقدر على اعتقال ملايين ولا عندنا سجون تكفي ملايين , ولا عندنا عصيان تكفي مؤخراتكو .
.
يعني ماينفعش أناضل من الكونجرس و من قنوات الارهابيين في تركيا و من الخنزيره و من بريطانيا ؟ لا يا حبيبي , اللي بيحصل على سراير الأمريكان والبريطانيين و الأتراك و الشاذ القطري ماسموش نضال , اللي بيحصل على سراير الأجانب و أعداء بلدك له اسم تاني انت عارفه كويس أوي , و أمك كمان عارفاه .
..............................................................................................................
Mohamed Hussein
· 28 مارس 2019
كشف حساب , و نعم لتعديل الدستور , نعمين تلاته , أربع خمس نعمات
.
- بعد يونيو 2013 كان الاحتياطي النقدي لمصر وصل 13 مليار دولار و كنا حرفيا دوله على وشك إعلان افلاسها , ده حقيقي و حصل , و سياسيا كان تلتين الكره الأرضيه مقاطعنا بسبب لوبي الإخوان الصهيوني الأمريكي.
.
- عملنا ايه بعدها ؟ صرفنا عشرات المليارات لاعادة تسليح الجيش و نوعنا مصادر التسليح ( عشان محدش يلوي دراعنا ) , حلينا مشكلة الكهربا ( الحكايه دي كلفتنا 300 مليار جنيه ) , عملنا شبكة طرق و كباري كأننا بنبني بلد من جديد ( كلفتنا رقم مماثل ) , عالجنا ملايين المصريين من فيروس سي , كشف و تحليل و تشخيص وعلاج ( أكتر من 30 مليار ) , أزالنا عشوائيات خطر و عملنا للناس مساكن أدميه ( كلفتنا مليارات ) , بدأنا في قاعده صناعيه و كان يلزمها شبكة الطرق الاول و حل لمشكلة الكهربا و البحث عن مصادر الطاقه و ده اللي خلانا نعمل اتفاقيات ترسيم الحدود , بقينا بنتكلم عن اكتفاء ذاتي من الغاز و تصدير , و في النهايه وصلنا لاحتياطي نقدي 45 مليار دولار , مع كامل التزامنا بتسديد فوايد الديون و مستحقات الشركات الأجنبيه .
.
الكلام اللي فوق ده لا يندرج تحت بند إنجاز , انما اسمه اعجاز , اعجاز ليه ؟ لانك عملت الشألباظات دي وانت بتحارب الإرهاب , و حرب الإرهاب بتبقى ألعن من الحروب النظاميه المباشره و من حروب الإستنزاف , هي استنزاف حقيقي لدمائك و ثرواتك و أمنك و استقرارك , تصدق اننا عملنا الاعجاز اللي فوق و احنا بنحارب ؟! تصدق ان في حالة الحرب بيتحول اقتصاد الدوله لاقتصاد حرب أيا مايكون اسم الدوله؟ مش بقولك اعجاز , لا ياسيدي ده اسمه تطبيل , طب حقك عليا , أنا مبسوط منك اوي و امك كمان مبسوطه منك .
.
تعديل الدستور بقى ولا السيسي يمشي في 2022 ؟ هقولكو بصراحه كده , افتكاسه الديموقراطيه الأمريكاني و نظام رئيس لمدة 4 سنين و دورتين و السلام , شكلها حلو أوي ولذيذ بس تنفع دول زي أمريكا و بريطانيا , انما ماتنفعش دول زي ألمانيا و روسيا و الصين و تركيا و مصر , عشان كده الدول دي سبقتنا و عدلت دستورها و بقينا نوعى عالدنيا و نشوف ميركل و بوتين و حتى الشاذ التركي و نكبر و نعجز و هما لسه بيحكمو .
.
طب ليه أمريكا و بريطانيا يعرفو يعملو اللعبه دي عندهم ( و بيحاولو يصدروها للصيع و البهايم اللي عندنا ؟ ) , عشان الدول دي اجمالا و من عشرات السنين بيحكمها أجهزة مخابرات و اجهزه سياديه و بتشتغل بخطه طويله الأجل , الرئيس و رئيس الوزرا بيبقو مجرد واجهه لتنفيذ السياسات , و قصة الصقور و الحمائم قصه تنفع في برنامج أوتار الليل , و على كل حال الدول دي نفسها مش مستهدفه لانها الشيطان الأكبر اللي بيحكم العالم في زمن القطب الواحد .
.
عندي قناعه تامه إن الدوله المصريه مش هترجع لورا تاني , و إنه من فتره بيتم تجهيز و اعداد المؤسسات السياديه لحكم مصر بشكل كامل مع واجهة ديموقراطيه لذيذه و بالتالي مش هيبقى فيه خوف ولا قلق عالبلد لو حكمها أي حد ( زيد ولا عبيد ولا نطاط الحيط ) , إنما كون ان التعديلات الدستوريه تمشي للأخر و تنزل في استفتاء للشعب ف ده معناه إنه لسه باقي عالحلو دقه , و إنه المرحله لا تحتمل المجازفه بشخص غير الراجل ده , عبد الفتاح السيسي .
.
نعم لتعديل الدستور كخيار ديموقراطي مؤقت لظروف خاصه جدا بيمر بيها العالم و مصر ( اعتبرنا ألمانيا أو روسيا يا أخي , أو اعتبرنا زي حبيبك التركي الصايع ) , ويوم ما تعديل الدستور يتوقف و يتقال لنا مش هينزل استفتاء وقتها بس إقعد و حط في بطنك بطيخه صيفي و اعرف ساعتها إن الدوله المصريه وصلت سياسيا لمرحلة ( الحلو بزياده ) .
...........................................................................................................
Mohamed Hussein
· 29 مارس 2019
العسليه لا تزال في جيبي
.
باختصار شديد
- الألمان يوعو عالدنيا و هما يسمعو عن انجيلا ميركل اللي بتحكم ألمانيا , لا حد مسك لها الأله الحاسبه و قعد يحسب هتمشي امتى , ولا فيه مواطن ألماني راح الكونجرس عشان يستقوي بيه على دولته وقال نعمل لوبي و نعمل تاتو فراشه على كتفنا .
.
- الصين عملت تعديل دستور يسمح للرئيس بالبقاء في الحكم مدى الحياه , طالما الشعب بينتخبه كل مره , اه زي ماحضرتك قريتها كده ( مدى الحياه ) .
.
- الروس يوعو عالدنيا يلاقو فلاديمير بوتين في وشهم , محدش منهم راح عاش في دوله تانيه وقال نجيب زماره و غطا حله .
.
- الأتراك بيحكمهم الشاذ التركي من سنين طويله و عملو تعديل دستور غيرو بيه نظام الحكم كله عشان خاطر عيون نفس الشاذ البلطجي .
.....................
طب ليه الشعوب دي قبلت ببساطه حكاية تعديلات الدستور و ان الرئيس أو الحاكم يقعد في الحكم سنين طويله ؟ هما مايعرفوش ان الرئيس في أمريكا بيحكم 4 سنين و فترتين و السلام ؟ لا يعرفو طبعا
.
بس الإجابه كالتالي, عشان الشعوب دي و كل شعوب الدنيا ( ماعدا احنا ) بيتعاملو مع الشأن السياسي بطريقتين مفيش غيرهم , إما انك كمواطن تبقى مهتم بالسياسه و بالشأن العام الداخلي و الخارجي و ده بيتطلب انك تكون بتعرف أبجديات , و بتفهم إن فانوس المرسيدس حلو و جميل لكن مايركبش على لاندكروزر , بمعنى ان تجارب الأخرين مش بالضروره تنفع عندنا , و ده المواطن اللي بيبقى من حقه يهري و يشارك برأيه , أو انك تكون مش مهتم و غير مكترث و مش فارقه معاك و معندكش أبجديات ( وده مش عيب ) و في الحاله دي بتنشغل بحياتك الشخصيه و هواياتك و تتفرج على افلام و تلعب رياضه و تتعشى و تغسل رجليك و تنام .
.
احنا بس الدوله الوحيده اللي عندها شخصية ست أم شوشو اللي بتركن سبت الغسيل على جنب و تفتح الفيس و تهري في التحالفات الدوليه و التسليح و أليات الاقتصاد و نظم الحكم و القنبله الذريه , و عندنا شخصية استاذ حبظلم أبو مؤخره كبيره اللي بيلبس لباس ابيض و ينام على بطنه عالسرير بعد مايكون قعد عالقهوه و نفسه اتقطع من المعسل و يهري بالظبط زي ست ام شوشو مع انك لو قلت لهم ان رئيس وزراء بريطانيا في التمانينات كان اسمه اوجمنتين 1 جم هيقولك صح و كان شاطر اوي في شغله ( اه و ممتد المفعول ) .
.
يعني باختصار , اغلب مواطني دول العالم بيعطو ما لكسرى ل كسرى و ما لقيصر لقيصر و عارفين إن أهل مكه و أهل السياسه و أهل الأمن القومي أدرى بشعابها .
.
فهمت يا جحش ولا لسه ؟
- لا بقى انا عايز نظام حكم زي أمريكا و عايز وزير دفاع مدني و حبذا لو كان واحده ست و حامل و سمانة رجليها حلوه زي أسبانيا .
.
مممممممممممم طب خد هات لك عسليه .
Mohamed Hussein
· 29 مارس 2019
قلنا ألف مره , النصاب يلزمه جاهل , و مفيش أسهل ولا أبسط ولا أجمل ولا احلى من انك تنصب عالناس بإسم الدين و بإسم الغلابه و البسطاء و المشردين .
.
داعيه إسلامجي هندي شهير بتتهمه السلطات الهنديه بإنه جمع تبرعات من دول اسلاميه بقيمة مليار و 900 مليون روبيه من أجل إسعاد فقراء المسلمين في العالم , و انه اشترى بالفلوس دي أصول و عقارات و كتبها بأسماء ناس قرايبه !! ( والعهده على السلطات الهنديه ) , يعني شقلط نفسه و ظبطها , على طريقة هنحفر بير في أوغندا رحمه و نور على روح المرحوم , و نوزع بطاطين في الكونغو يا بهيجه .
...........................................................................................................
Mohamed Hussein
· 30 مارس 2019
خلونا نتكلم كفنيين , النهارده لا صوت يعلو فوق صوت مباراة الأهلي و الزمالك , و أنا بصفتي مواطن زملكاوي أبيض و بخطين حمر فطبعا هيبقى قدامي اختيار من اتنين بعد الماتش , والله كسبنا هنعمل فرح و حفله وبلوليله و نقلش و نجيب ناس تقلش معانا , اتعادلنا نفس الشئ برضه لأننا سابقين بنقطتين , و لو خسرنا لا قدر الله , لا قدر الله يعني فهنستخبى في أقرب غيط دره و مانظهرش إلا بعد يومين تلاته , يعني لما يكونو الأهلاويه خلصو حفلتهم و لمو الكهارب .
.
أما بقى أصحابي الأهلاويه فهيبقى قدامهم اختيارين ليس من بينهم الهروب , والله كسبو هيعملو حفلتهم و يعلقو كهاربهم , خسرو أو اتعادلو هينزلو بالحته بتاعة ( تعالو نعد البطولات و الشرابات ) , بحبها أوي الحته دي .
...................
شجّع فريقك و هزر بس بروح رياضيه وبخفة دم مش بإهانه ولا بسماجه ولا بتهييج .
..............................................................................................................
Mohamed Hussein
· 30 مارس 2019
الريس يأمر بزيادة الحد الأدنى للأجور من 1200 ل 2000 جنيه و زيادة الحد الأدنى للمعاشات ل 900 جنيه , كما تكرم جلالته و أعلن فوز الزمالك بالدوري السنادي إستباقا لمباراة القمه و بغض النظر عن نتيجة المباراه و ذلك حرصا من سيادته على تثبيت قواعد الإستقرار السياسي و الأمني و النفسي في شتى ربوع البلاد والذي من شانه أن يدفع عجلة الإنتاج إلى الأمام و يفتح دولاب العمل على مصراعيه
والله الموفق والمستعان .
.
إمضاء : عبد الفتاح سعيد حسين خليل السيسي
......................................................................................................
Mohamed Hussein
· 30 مارس 2019
الفريقين مالعبوش كوره بتلاته جنيه على بعض , بس انا عاذرهم , ده مش ماتش كوره , دي سرحة ترحيل في أرض رز .
إنما عموما يعني و ليكن ما يكون , مبروك علينا الدوري يا رجاله , الله يبارك فيكو , ميرسي خالص .
.......................................................................................................
Mohamed Hussein
· 31 مارس 2019
حدث بالفعل
.
صباح الخير
- عشان بس الناس تعرف إن الكائن الإخوانجي المفروض حياته تنحصر بين نقطتين اتنين مفيش غيرهم , إما رصاصه في الراس عشان نخلصه من شره و نخلص البشريه كمان من شره أو جلسات كهربا في المراحل الأولى بشكل مكثف و غالبا بعد شويه كتير هنزهق و نحس انه مفيش فايده فنرجع للخيار الأول .
.
امبارح بالصدفه دخلت محل وانا عارف إن اللي شغالين فيه إخوان , كنت كل مابدخل لهم ألاقيهم مشغلين قنوات الخرفان بتاعة تركيا و مندمجين اوي مع حزقات معتز مطر , بس امبارح لقيتهم مشغلين النيل الرياضيه , قلت اكيد عشان الاستعداد لماتش الأهلى و الزمالك , طب ده عادي .
.
ايه اللي مش عادي بقى ؟ قناة النيل الرياضيه جايبه تقرير عن مباريات الأهلى و الزمالك من بدايتها و اهدافهم في المباريات دي من أول أيام أبيض و اسود , مجرد فيلم من الأرشيف و بيذيعوه يعني .
.
أنا دخلت المحل و مفيش زباين غيري , و الاتنين الموظفين اللي قاعدين اخوان , شوف بقى طريقتهم في توصيل السباخ اللي في عقولهم للغير و شوف اصلا عقولهم واصله لفين , واحد منهم أول ماشافني قال للتاني ايه اللي شغال ده ؟( كأنه اتفاجئ يعني ) قام التاني رد عليه بنفس ابتسامتهم السمجه و قال له يا سيدي جايبين ماتشات من أيام الخمسينات و الستينات , قام الأولاني قاله : اه عايزين دايما يفكرونا بالخمسينات و الستينات !! .
.
انا خرجت من المحل وانا بتشقلب من الضحك , دول لسه في مرحلة جلسات الكهربا , و عبد الناصر عامل لهم خرم بشنيور في دماغهم , الراجل مات من خمسين سنه و الشنيور بتاعه لسه شغال , لدرجة يا مؤمن انه بيظهر لهم في ماتشات الكوره و هو اللي بيجيب الجون .
.........................................................................................................
Mohamed Hussein
· 31 مارس 2019
اللي حصل كالتالي , الناس القائمين على تنظيم القمه العربيه في تونس قالو يا جماعة الخير لو سمحتو الرجاله تيجي كده و الستات تيجي كده , فقام تميم ابن موزه وقف و هرش في دماغه هرشتين ( مشّيها دماغه ) و ماعرفش هو المفروض ييجي كده ولا ييجي كده فركب الطياره بتاعته و رجع .
...................................................................................................................
ليست هناك تعليقات:
إرسال تعليق