Mohamed Hussein
1 أبريل 2019
حزب أردوغان خسر الانتخابات المحليه في تركيا , شعبيته جارفه مفيش كلام .
........................
طب تعمل ايه يارجب ؟ , تتصرف ازاي يارجب ؟, تسوي كيف يا رجب ؟ أه تاهت و لقيناها , انت قدامك كذا اختيار ترجّع بيهم شعبيتك شويه
.
1- بتجيب سيرة السيسي مرتين في اليوم ؟ خليهم تلات مرات ( بعد الأكل ) , صدقني الحكايه دي بتنتزع أهات الخرفان , قول لهم السيسي جالي في المنام وكان معلق صليب على صدره واعترف لي و قالي أنا صهيوني , صهيوني يارجب , و امي يهوديه و اسمها الحاجه راشيل , و بعدين سابني وراح يصلي العصر .
.
2- الليره عماله تنزل قدام الدولار و ده مأثر على شعبيتك ؟ قول لخرفانك يعملو أبحاث و مقالات وبوستات عن فوايد نزول الليره على الاقتصاد الوطني و على الصحه العامه و أهميتها في علاج حب الشباب و الروماتيزم .
.
3- إطلع في خطبه عصماء وقول هنحرر القدس و نطرد الاحتلال الصهيوني و إلعب دور الداده الرفيقه عطيات ( سنناضل سنناضل ), و بعدين ابعت مركب عليها كرتونتين شاش و قطن لقطاع غزه , و الجزيره تقول عليك صلاح الدين الأيوبي
.
4 - قول إن ملايين الأتراك اللي عارضوك في الانتخابات كلهم على علاقه بفتح الله جولن , و اعتقلهم و اقتلهم , و اخر النهار اهبد هبده عن النظام الفاشي في مصر اللي بياكل دراع العيال الصغيره و هيومان رايتس واتش و عمرو واكد و خالد ابو اللامؤاخذه و هيثم خليل و البي بي سي هيشهدو معاك , و معتز مطر هيعمل حزقه ناريه ويقول أمي عمرها 70 سنه قاعده في النادي الأهلي و جيوش جراره بتطاردها .
.
5- قول ان السبب في خسارتك للانتخابات و في تدهور الإقتصاد التركي هو إن البنك الدولي الكافر ابن الحرام مارجعش الفلوس اللي عليه لحد دلوأتي , الفلوس اللي انتو مسلفينهاله
.
6 - إمشي بموكبك في طريق و معاك مصور بكاميرا و خلّي بنت صغيره تقف على جنب و وقف الموكب و سلم عليها و احضنها و امسح دموعها و إبكي حتى يبتل بنطلونك , و مد ايدك في جيب الجاكيت طلّع لها عروسه لعبه وقالب شوكلاته و ديب فريزر و تلاجه عشرين قدم و عربيه فيات 127 بحاله جيده .
...........................................................................................................
Mohamed Hussein
1 أبريل 2019
·
موقف كوميدي حصل معايا من فتره .
.
قاعد في الصيدليه و الوقت متأخر , دخل اتنين ورا بعض اخدوا حاجات زي الفياجرا ( سياليس و إيريك ) و مشيو
.
جت بنت ساكنه في عماره جنبنا تاخد دوا للبرد , وهي ماشيه لمحت موبايل عالكاونتر , قلت لها خدي الموبايل بتاعك , قالت لا ده مش بتاعي , عرفت ان واحد من الاتنين ناسيه .
.
خدت الموبايل جنبي و اتحرجت افتحه عشان اوصل لأي بيانات تخص صاحبه , قلت هستنى لما حد يتصل و اقوله الموبايل ده اتنسى عندي في الصيدليه
.
بالفعل , اول مكالمه اسم متسجل , الحاج مرعي , فتحت وقلت ألو , هو ماستفهمش , ايه ياض مابتردش على امي ليه ؟ ماتنجز و تقول هتشتري ولا لا ؟, قمت انا بهدوء قلت له يا حاج مرعي الموبايل ده صاحبه نسيه في المكان الفلاني , الراجل اعتذر و قال هحاول أوصل لرقم تاني له و أبلغه .
.
كل اللي فات ده حماده واللي جاي حماده تاني خالص
- بعد دقايق الموبايل رن , رقم متسجل ( نانسي الجديد ) فتحت و قلت ألو , لسه ماكملتش الكلمه , لقيت صوت واحده شكلها في الضياع , قالت بمنتهى الرقه والمياصه (, والله ؟ انت نسيتني و مابقيتش حتى تفتح النت ؟ ) انا من لبختي ماعرفتش أعمل ايه , قعدت ادوس إلغاء للمكالمه ييجي 7 مرات ورا بعض .
.
- بعد دقايق واحده بتتصل و الأسم متسجل ( سلمى عبد الحميد ) مسكت الموبايل في ايدي وقلت بس انا شكلي كده هلعب دور اللمبي في الفيلم , والله يسامحك يا عم بخ , جايبني هنا أنظم المرور .
.
- استجمعت قوايا و قلت هرد بقى واللي يحصل يحصل , لقيت واحده بتتكلم عادي , قلت لها الموبايل ده صاحبه نسيه في المكان الفلاني , قامت ندهت عليه وقالت يا حازم يا حازم موبايلك في الصيدليه , الست للأمانه شكرتني جدا , بس انا اتضايقت من نفسي بصراحه لأني قفلت معاها من غير ما اقول لها تبلغ حازم ان الأخت نانسي اتصلت بيه و شكلها تعبانه أوي , للأسف فاتني فعل الخير ده .
........................................................................................................
Mohamed Hussein
1 ابريل 2019 ·
المصريين وقت الجد بيعرفو يفكرو و ينفّذو ومحدش بيلوي دراعهم .
.
شوف يا سيدي , هو انت تعرف ؟ لا أكيد ماتعرفش , و عشان ماتعرفش بتقول عدس أو بمعنى اصح بتشتري اللحمه من عند الجزار
......................
هو ايه اللي حصل ؟ هقولك اهو , من سنه كان العجل أو الدبيحه نفترض مثلا ب 20 ألف جنيه و كان الجزار بيبيع لك اللحمه ب 140 ج الكيلو , السنادي البهايم رخصت و سعرها نزل حوالي 25 % , بمعنى إن العجل اللي اشتريته السنه اللي فاتت ب 20 ألف هتجيب النهارده زيه بالظبط , نفس الوزن و الحجم ب 15, طب الجزار بقى نزّل السعر من 140 ل 110 أو ل 100 ؟ لا حضرتك بيبيعه ب 140 برضه , طبعا لو سألته ليه هيقعد يتشقلب و يجيب لك افتكاسات من أيام حرب الهكسوس .
.
الناس لقت الحل وبدأو ينفذوه فعلا , مجرد فكره بسيطه اوي بدأو يعملوها كتير خصوصا عندنا في الأرياف , كل عشره او عشرين نفر يشتركو و يجيبو عجل ب 15 ألف , و يجيبو جزار يدبحه ب 500 ج , الجزار بيدبحه و يقطعه و يوزنه و يظبط الليله دي كلها في ساعتين
.
هتلاقي عند حضرتك ايه بقى ؟ هتلاقي العجل ده عامل 170 كيلو في المتوسط , غير الحاجات التانيه ( الكوارع و الممبار و الكبده و الكلاوي و القلب و المخ و الفشه و الطحال و الجلد ) , تقوم اللحمه تتقسم عاللي اشتركو بحسب الفلوس اللي دفعوها , هتلاقيك مثلا لو دفعت 500 خدت بيهم 6 كيلو لحمه , يعني الكيلو هيقف عليك بالكتير ب 90 ج مش ب 140 , و لحمه صابحه طازه مدبوحه قدام عنيك ( زي الأضحيه ) , مش مركونه في تلاجات من شهور ولا حاجه .
.
أدي الفكره بكل بساطه , مفهاش أي تعب , الناس تشترك على قد احتياجها و مقدرتها الماليه , ب 500 أو ب 1000 , هتلاقي عندك لحمه تكفيك شهر او شهرين , و كل شهرين تكررو الحكايه .
.
طب بالنسبه حضرتك للجزارين ؟ والله الجزار من دول هيبقى قدامه خيار من اتنين , إما انه يقعد يفلّي صبيانه في ساعة العصاري أو يقعد يراقب أسراب القريدس و هي بتحمي صغارها من هجمات السلطعون المتكرره .
.
ملحوظه : ياريت اللي يطبقو الفكره يلتزمو بتعليمات السلامه و النضافه و مش هتكلفهم حاجه , يختارو مكان متبلط وفيه صرف للمايه , ويجيبو شوية مايه جنبهم للغسيل , و كام كيس زباله يلمو فيه الحاجات اللي بتترمي , و ممكن يجيبو عربية زباله تشيل الأكياس في الاخر و يدو لعامل النضافه نص كيلو لحمه أو 50 ج.
.................................................................................................................
Mohamed Hussein
2 ابريل 2019 ·
وقالك السيسي رفع الحد الأدنى للأجور قبل الاستفتاء كرشوه للناس عشان يصوتو بنعم للتعديلات الدستوريه !! .
....................
بص يا حماده , تعالى اكلمك عن الراجل اللي اسمه عبد الفتاح السيسي و علاقته بالرشاوي الإنتخابيه و إزاي بيحاول يزود شعبيته بشتى الطرق و الكباري!!
.
- في يونيو 2013 وقف عبد الفتاح السيسي في وجه أكبر و أقذر تنظيم ارهابي في تاريخ البشريه , في اللحظه دي مبقاش اسمه مرشح أول لرئاسة مصر , لا بقى إسم اختيار أول على قايمة الإغتيالات بتاعة الجماعه الإرهابيه اللي وراهم طبعا (الأم اللي خلفت ( بريطانيا ) و الأم اللي ربت ( أمريكا ) ), ويمكن مستقبلا نبقى نعرف بالتقريب عدد محاولات الاغتيال اللي اتعرض لها السيسي .
.
- الناس عملت تفويض و قالت له اترشح و اترشح , و خد أصوات انتخابيه مش هياخدها حد في مصر لمدة 100 سنه جايين ولا حد كان يقدر ياخدها في تاريخنا الحديث إلا جمال عبد الناصر .
.
- بدأ يشتغل كرئيس دوله وطني أمين صريح مش بيبيع لك الوهم زي غيره , وقال القماشه اللي في ايدي لا تنفع جلابيه ولا وش سديري , نعمل ايه بقى ؟ هنربط الحزام ونعمل اصلاحات اقتصاديه و نرفع الدعم , واللي مش عاجبه يضرب دماغه في الحيطه , في اللحظه دي كان السيسي بينقذ دوله على حساب شعبيته ( الاحتياطي النقدي وصل ل 13مليار و أوشكت الدوله على اعلان افلاسها ) و الدعم بياكل ربع الميزانية .
.
- اللي فات كان أول صدام بين السيسي و بين شعبيته , قرار قبل ماياخده كان متأكد انه هييجي بالسلب و بشكل جارف على حساب شعبيته , اتردد فيه ؟ لأ .
.
- قال نسكت بقى و نلم الدور ؟ لا ابدا , يادوب لسه هيفوق من الصدمه دي قام طالع لنفسه بصدمه تانيه , ترسيم حدود ويقولو باع الجزيرتين و اه يانا يامه يانا يامه , اللي هو القرار اللي رفضه رؤساء قبله ( حفاظا على شعبيتهم ) , عمل كده ليه ؟ عشان سيادتك عندك ثروات في البحرين الاحمر و المتوسط و غيرك مكانشي عنده الشجاعه انه ياخد القرار, انما الراجل ده لا , الثروات دي حق الشعب و الاجيال اللي جايه , و لو مالحقنهاش غيرنا هيسرقها , طب و شعبيتك ؟ طز في شعبيتي .
.
- عمل تعويم للجنيه قصاد الدولار عشان السعر كان وهمي , سعر عبيط مدعوم من الدوله , أسعار السلع اتضاعفت مرتين , طب و شعبيتك ؟ طز في شعبيتي .
.
- قالو له اوعى بقى الخرفان بيروجو لثورة جياع , وشمامين الكوله هيتركبو كالعاده , وبلاش تاخد الخطوه الفلانيه , قام خدها قبل ميعاد ثورتهم المزعومه ب 48 ساعه , طب شعبيتك و كرسي الرئاسه ؟ طز في الاتنين .
.
- قالو له الاحتياطي النقدي بتاعك زباله , ماتيجي تاخد شيك على بياض تنعش بيه اقتصاد البلد و الناس تحبك و تعزف لك عالربابه بس في المقابل تبعت جنودك يحاربو ضد الجيش السوري , قال لهم هناكل قش و جيش مصر التاني و التالت مش هيحارب جيشها الأول , يا مولانا اقتصادك بيقع , مش هيقع بإذن الله , هنحاول نلحقه , طب و شعبيتك ؟ طز في شعبيتي .
.
- أمنا الغوله اللي بتحكم كوكب الأرض و بتلمع اللي هي عايزاه و بتشوه اللي هي عايزاه ( بإعلامها و منظماتها الحقوقيه ) قالت له اتصالح مع الجماعه الارهابيه و اديهم اي حته من التورته و خرجهم من السجون , قال لهم على جثتي اتصالح مع اللي قالو يا نحكمكو يا نقتلكو , قالو له طب خلاص هنشوهك ليل و نهار و نسرّح خرفانا و قنواتنا و جرايدنا و نرسم عنك صوره زباله , قال لهم ابقو علقو الصوره في الأنتريه أو في مدخل الكونجرس , طب و شعبيتك ؟ طز في شعبيتي
.................................................................................................................
Mohamed Hussein
3 ابريل 2019 ·
شوية صبر و تأني , جايز يكون فيه سبب
.
امبارح روحت اجيب البنات من المدرسه , طلعت لقيت عربيه قافله على عربيتي صف تاني و مفهاش حد , الساعه كانت 3 والبنات كده خرجو , ناديت على بنت البواب و قلت لها العربيه بتاعة مين ؟ قالت بتاع الدكتور فلان هطلع له حالا , و طلعت له فعلا , وقالت هو خلاص نازل دلوأتي
.
قعدت في العربيه مستنيه ينزل , فات دقيقه و خمسه و عشره و فات ربع ساعه وانا مستني , روحت ناديت على بنت البواب تاني و زعقت , طلعت له تاني , قالت هو نازل عالسلم أهو , استنيت 10 د كمان لحد مانزل , كل ده و انا بقول البنات اكيد بقو لوحدهم .
.
لقيت راجل عمره 80 سنه تقريبا خارج من باب العماره مبتسم و رافع صباعه لفوق في وضع الحلفان , قالي قبل ماعتذر لك عايز أقولك , لما البنت طلعت لي اول مره انا نزلت على طول و لقيت عمال بيشتغلو في الشقه اللي تحتي وقفت اتكلمت معاهم و بعدها والله نسيت انا كنت نازل ليه و نسيت اني كنت نازل أصلا .
.
وبعدين الراجل دقق شويه في ملامحي و افتكر اني الصيدلي اللي جنبه و سألني على دوا , قلت له عندي و لفت انتباهي بسرعه إن الدوا بتاع ( زهايمر ) فضحكت و قلت له كويس ان حضرتك اتأخرت فوق , انا قعدت لعبت كاندي كراش و عديت 15 ليفل , يعني جت مصلحه , الراجل ضحك و مشي وانا ركبت العربيه و مشيت ( و للأمانه يعني أنا عمري ما لعبت كاندي كراش ) .
...................................................................................................................
Mohamed Hussein
3 ابريل 2019 ·
لا حول ولا قوة إلا بالله و الحمد لله رب العالمين , فوزنا بضربة جزاء مش حقيقيه كما لو كنا الأهلي , يالله معلش , سجدة شكر للمولى .
...............................................................................................................
Mohamed Hussein
4 ابريل 2019 ·
بيان لوزارة الداخليه : ضبط 2 طن هيروين على متن إحدى السفن في المياه الإقليميه بالبحر الأحمر قبل دخولها لمصر !! .
.
مممممممم 2 طن هيروين يعني 2000 كيلو , يعني 2 مليون جرام سيادتك , يعني مايكفي لتحويل مئات الألاف من الشباب إلى لقب مدمن !! , يعني اكتر من مليار جنيه كانو هيندفعو من جيوب الشعب لصالح فخامة تاجر المخدرات الكيوت .
...............................
- خروف رقم 1 يبحث على جوجل : فوايد الهيروين على الصحه العامه .
- خروف رقم 2 على جوجل : هل يتعارض الهيروين مع وجبات البرسيم ؟
.
- خروف رقم 3 : قبضو على تاجر الهيروين و هو بيصلي , قبضو عليه وهو ساجد , ده كان الأول عالثانويه العامه يا جدعان , اللهم عليك بالدوله الظالم أهلها .
.
- خروف رقم 4 : اللي قبضو عليه و بيقولو انه تاجر مخدرات كان معارض للنظام و الحكومه و العسكر , وكان بيلف بسفينه في البحر الاحمر عشان يقول للشعب المرجانيه ( اتطمني انتي مش لوحدك ) و بالمره يدور على اخوه اللي مختفى قسريا من 950 سنه .
........................
- شمام كوله 1 : حتى الهيروين بيمنعوه عن الناس ؟ مش عايزين دماغ الشعب تكون صاحيه و تتظبط عشان مايعرفوش يطالبو بحقوقهم السياسيه .
.
- شمام كوله 2 : احنا ماشوفناش عملية الضبط عالهوا مباشرة و حتى لو شوفناها هنشكك فيها ونستنى الجزيره نشوفها هتقول لنا ايه و نعرف الحقيقه من حزقات الاستاذ معتز مطر ( بالمناسبه لقيت صديق كاتب عند صديق هو احنا ليه مانعرفش الحاجات اللي بيصنعها الجيش المصري ؟ ليه مش بيعرضوها للعامه ؟ أكاد من فرط الجمال أبيضُ , أه و عهد الله ) .
.
- شمام كوله 3 : مش جايز الدوله اوقفت الشحنه دي عشان الجيش عايز يصنع هيروين و بالتالي ماتبقاش فيه منافسه و يقضو على صغار المستثمرين ؟ القطاع الخاص في خطر .
.
- شمام كوله 4 : في أوروبا و الدول المتقدمه الهيروين بيتباع في الصيدليات و عالرصيف و في محلات الحواوشي .
.
- شمام كوله رقم 5 : ضبط الشحنه للتغطيه على التعديلات الدستوريه ( بص العصفوره ) .
.
- شمام كوله رقم 6 : و هنستفيد ايه من ضبط شحنات الهيروين ؟ أهم حاجه تنمية الإنسان .
- شمام كوله رقم 7 : عارفين فيه كام واحد في مصر بيشتغلو ديلر و كانو هيسترزقو من الشغلانه دي ؟ هيعيشو منين دلوأتي ؟ هيفتحو بيوتهم إزاي ؟ ماهو محدش حاسس بالغلابه .
...................................................................................................................
Mohamed Hussein
4 ابريل 2019 ·
يحكي ظابط جيش مصري
.
من 20 سنه كنت في مهمة تأمين لنقطة حدوديه في الصحراء الغربيه و اقترب مني شاب قدّم نفسه على أنه عصام حجي العالم الجبار التنين اللي بيفهم كل حاجه في كل حاجه , بطل ثورة الطماطم و اللي بيحب الناس من (قلبو)
فسألته انت بتشتغل ايه ؟ رد الشاب : ببحث عن مايه على سطح المريخ و سابقكو بمليون سنه ضوئيه , وانت بتشتغل ايه ؟ فقلت له بحمي حدود بلدك عشان لما تنزل من على سطح المريخ بعد ماتكتشف المايه تلاقي بلدك لسه موجوده عالخريطه , فظبط الشاب المعجزه نظارته و سألني , أيوه و بتشترو سلاح ليه بقى , ماكنا نوفر الفلوس دي و نروح نكتشف بيها مايه على سطح المريخ ؟ فابتسمت و ربتت على كتفه و قلت له : بس يا خو* .
.................................................................................................................
Mohamed Hussein
4 ابريل 2019 ·
قوات الجيش الليبي تستعد لتحرير مدينة طرابلس ( العاصمه ) من يد الإرهابيين و الصيع و المرتزقه و شماشرجية تركيا و صبيان الصهاينه و أمريكا و بريطانيا , ولا عزاء لقناة الخنزيره و لأميرهم الشاذ .
.
انتظرو من بكره عواء الكلاب , هيومان رايتس واتش تنزل تقارير عن تعذيب المساجين في ليبيا ( وبيحطو العصايه في مؤخرتهم ) , إنهم يغتصبون النساء , و ماذا عن الإختفاء القسري ل 350 مليون مواطن ليبي ( هتلاقي عندهم خواجة زي جمال عيد , مش هيغلبو ) , حزقات معتز مطر , فبركات الخنزيره , تأوهات ال bbc , زيارة شويه صيع ليبيين للكونجرس الأمريكي و يعملو لوبي و يعملو تاتو فراشه .
.....................
ليبيا أمن قومي لمصر من الدرجه الأولى , دولة جوار , حدود بريه بطول 1200 كيلو , يعني 1200 خط احمر , و يقيني إن أي تحرك و أي نجاح للجيش الليبي مابيتمش بدون مباركة و دعم كامل من جيشنا المصري العظيم , لأن مصيرنا واحد و قضيتنا واحده و عدونا واحد .
....................................................................................................
Mohamed Hussein
5 ابريل 2019·
- مصر أصدرت بيان عن الوضع في ليبيا و بتقول انها تشعر بالقلق.
.
- الإمارات دخلت في بيان خماسي مع امريكا وبريطانيا و ايطاليا و فرنسا و قالت معاهم في بؤ واحد ( نشعر بالقلق ) , ده بعد زيارة محمد بن زايد لمصر من كام يوم , و بعد زيارة خليفه حفتر للسعوديه من كام يوم برضه .
.
- و انا من موقعي هذا لازم أقول لكو إني أشعر بالقلق ( ماتيجو تشعرو بالقلق معايا و أعزمكو على شاي ؟ ) .
.
- قناة الخنزيره عامله مناحه من امبارح هي و الأمير الشاذ و خرفان تركيا و خليفة المثليين بتاعهم .
....................
الكلام اللي فوق ده معناه ايه و ليه مصر بتشعر بالقلق و ليه الامارات دخلت تشعر بالقلق في بيان خماسي ؟ الكلام ده يابني معناه ان ملف ليبيا بقى في ايدينا ( في إيد مصر و التحالف العربي ) و بنلعب سياسه دوليه بطريقه محترفه , بالطريقه اللي بندلع بيها الزبون , يعني بننطط القرود و احنا قاعدين و حاطين رجل على رجل , ماهو كله بأوان .
......................
نقول تاني :
الجيش الليبي بيعمل ايه ؟ بيحرر العاصمه من ايد الارهابيين و بيبسط نفوذه على كامل الأراضي الليبيه ( ضاعت فلوس تركيا و قطر )
و احنا بنعمل ايه ؟ احنا بنشعر بالقلق .
...............
يعني حضرتك احنا مش بندعم الجيشي الليبي ؟ عيب عليك , أقسم بالله عيب عليك , قوم ياض صلي ركعتين و استغفر كتير عالحكايه دي و تعالى اقعد معانا عشان نعرف نشعر بالقلق زي مخاليق ربنا .
.............................................................................................................
Mohamed Hussein
5 ابريل 2019·
إبننا صلاح أحرز هدف الفوز لليفربول في الدقيقه 80 بمجهود فردي و مهاراته الخاصه , الدهب ممكن صحيح ينزل شويه بس بيفضل دهب .
...................................................................................................................
Mohamed Hussein
6ابريل 2019 ·
إوعى تيأس أبدا أو تفقد الأمل و يصيبك الإحباط , و لو في يوم لقيت اليأس بيقرب من بابك افتكر الأهلي و اللي حصل معاه , أهو اتغلب خمسه من صن داونز و مع ذلك هيرتب أوراقه من جديد و يقف على رجليه و اللاعيبه هتنزل في ماتش العوده تاكل النجيله بتاعة الملعب و هيتغلبو تلاته بس .
..................................................................................................................
Mohamed Hussein
7 ابريل 2019 ·
كبير كهنة المعبد محمد البرادعي من قصره في النمسا و هو مدلدل رجليه في ماية البيسين , أحدث هبداته , تويته مثيره للشفقه , أه و عهد الله
..........................
مش عارف أوصل لكو وجهة نظر البرادعي لانه سابقنا بمليون سنه ضوئيه زي مانتو عارفين , إنما هحاول
.
بصو يا جدعان , هي انتفاضة شعوب من أجل الحريه جالها شوية خطر و منطقه بتتأكل أمام أعيننا , غالبا المنطقه دي بتتأكل لوحدها من غير مؤامره , تأكل ذاتي يعني , منطقه صحيت من النوم الصبح قالت نتأكل شويه كده من باب التغيير , و الناس تقول لها يا منطقه بلاش تتأكلي , و هي تقولهم ابدا , و النبي لا ممكن لازم أتأكل , بس وصيتكو يا ولاد وانا بتأكل تقولو اللي بيحصل ده حريه و ربيع عربي و مفيش مؤامره , وابقو سلمو لي عالبرادعي , قولو له المنطقه بتسلم عليك و بتقولك رجليك دابت من النقعه في ماية البيسين .
.........................
مش عزيزي محمد البرادعي , تحيه غير طيبه و بعد :
- مخابرات ستاشر سبعتاشر دوله أجنبيه سارحين في المنطقه بقالهم 10 سنين , كمية أسلحة تم تداولها اكتر من اللي استخدمت في الحرب العالميه التانيه , مئات الألاف من الإرهابيين و المرتزقه منهم اللي جه من أدغال أفريقيا و من شرق أوروبا , مئات المليارات من الدولارات اتصرفت على خراب المنطقه , دول اختفت و بقت أثر بعد عين , جيوش وقعت وانتهت , شعوب مابقتش لاقيه تاكل , ملاييين القتلى و الجرحى و المشردين , و لسه بتقول حريات و مفيش مؤامره ؟ لعنة الله عليك و عاللي جابك و عاللي جابتك و عالبطن اللي شالتك .
........................................................................................................
Mohamed Hussein
7 ابريل 2019 ·
أصدقائي الأهلاويه , عندنا ماتش بعد شويه و محدش ضامن ظروفه , طبعا احنا امبارح ما حفلناش ولا عملنا كوميكس ولا اتحركنا من مكاننا , و كنا طيبين و كيوت أوي شبه الأستاذه نرمين الفقي و الأستاذ كمال أبو ريه و المرحوم عبد الوارث عسر , أظن الرساله وصلت .
...........................................................................................................
Mohamed Hussein
8 ابريل 2019 ·
الحدوته من الجلده للجلده .
.
- مشاهد مكرره بشكل ممل في مسرحية هزليه اسمها الشرق أوسط الجديد اللي خطط له أهل الشر و اعوانه من عشرين تلاتين سنه .
.
- أمريكا و بريطانيا يا مولانا بيدينو تحرك الجيش الليبي ( قصدي قوات حفتر ) للعاصمه الليبيه طرابلس ( ولاد الحرام عايزين يحررو أراضيهم من سيطرة الإرهابيين و المرتزقه !! ) , و الخنزيره عامله مناحه , و خرفان الجماعه الارهابيه بيمارسو التزييف و المرقعه زي ماتعودو في اخر 10 سنين .
.
- ال bbc بتلطم و تجيب تراب تحطه على دماغها و بتحذر ( الثوار ) في الجزائر و ( المدنيين ) في ليبيا و ( الأحرار ) في السودان و الحطابون في الجبال و العجائز حول نار المدفئه من ظهور نموذج السيسي , الراجل ده اصله باختصار وقف في يونيو 2013 قال كلمتين لما الشعب نزل للشارع , قام بعدها داس على رقبة أقذر تنظيم ارهابي في تاريخ البشريه قام أوباما كان ناقص يطلع عالهوا يرفع شعار رابعه , قامت بريطانيا قطعت علاقتها , قامت تركيا لمت الإرهابيين الهربانين , قامت الخنزيره لطمت على وشها , عارف سيادتك لما تمسك عيل صايع في الشارع في الخصوص و تضربه قلم يقوم واحد في الجيزه يقول أي و واحده في نيروبي تشق هدومها و واحد في بيونج يانج يقول السيسي خلع لي كتفي , اهو ده اللي حصل , عنيف أوي السيسي ده يا اخي .
.
- ماحضرتش عبد الناصر ولا اوعى عالسادات و حياتك , بس مابقيتش أسأل ليه حملة التشويه الممنهجه لسيرة عبد الناصر الراجل اللي مات من 50 سنه ؟ ليه بيتصرف ملايين و مليارات و تقف دول كبيره على تشويه واحد مات من 50 سنه ؟ و بقيت على يقين ان نفس ال bbc لو كانت موجوده وقتها فهي بالتأكيد حذرت الدول العربيه من ظهور نموذج لعبد الناصر , اوعو يا مواطني الدوله الفلانيه يظهر عندكو عبد الناصر جديد و يحرركو من الاستعمار و من التبعيه و يبني لكو جيش وطني ويرفع راسكو لفوق
.
الحدوته يا مولانا هي الحدوته , لا زادت سطر ولا نقصت كلمه , دوله قويه يعني جيش قوي متماسك , مفيش جيش قوي متماسك يبقى مفيش اقتصاد ولا فيه استقرار سياسي ولا أمني , و تتحول الدوله لسلسلة مفاتيح يلفها عيل صايع بيحكم كشك عالخليج على صوابعه بشوية دولارات .
.
- حملات التشويه بتستخدم نفس المفردات و الأدوات , نفس التزييف , نفس المصطلحات , لوي الحقايق , لعب بالعقول , و طول ماعندك في الوطن العربي قناه حقيره زي الخنزيره و عندك تنظيم ارهابي بيشتغل بطريقة قطيع الخرفان و عندك شمامين كوله أدمنو الركوب من الخرفان يبقى التزييف و التشويه نتيجتهم مضمونه .
.
- معركتنا في الأساس مش ضد أهل الشر اللي بيحكمو كوكب الأرض , معركتنا الأهم ضد صبيانهم , ضد الخروف و الحمار اللي عايشين وسطينا , ضد الخروف اللي بيركب و الحمار اللي بيتركب , لعن الله الراكب و المركوب .
.....................................................................................................................
Mohamed Hussein
8 ابريل 2019·
فن خداع الشعوب
.
دي غلطه قاتله وقعت فيها قناة الخنزيره , أدامن الصفحه اللي عليها 13 مليون فولور ظهرو , و فيهم 3 من اسرائيل !! , اه من اسرائيل و الفيس بوك لو هما من فلسطين هيكتب فلسطين عادي , بالعربي او بالانجليزي , اه سيادتك الأدامن اللي بتدير الصفحه دي فيهم صهاينه عايشين في اسرائيل , القناه نفسها بتديرها منظومه صهيونيه كامله .
.
زمان قلت لحضراتكو ان مفيش حاجه اسمها تنظيم داعش , ده تنظيم وهمي و عبايه وهميه بتحط تحتها امريكا وبريطانيا و صبيانهم ( تركيا و قطر ) اي جماعه ارهابيه عايزه تستخدمها في أي مكان في الشرق الأوسط , و قلت ان بيانات تنظيم داعش و حتى فيديوهاتهم اللي بيظهر فيها شخص ملثم ممكن تكون بتتعمل في اوضه فوق قناة الخنزيره أو في مكتب في البنتاجون أو في شقه في لندن .
.
من شويه لقيت صفحه لشاب ليبي من نوعية النشطاء السياسيين بتوعنا , يعني الصيع و الخونه اللي بيقول عليهم الرئيس الفرنسي ( مدونين ) , حبيبنا الشاب الليبي قاعد يهبد على صفحته عن الوضع في طرابلس , قام ربنا فضحه بتعليق من صديق , قاله انا عايش في طرابلس وانت مقيم في سويسرا بتجيب الأخبار دي منين ؟ ( من سويسرا للنمسا يا قلبي لا تحزن ) , نشر صاحبنا صوره له مع واحد من قيادات المجالس الليبيه اللي بتصرف عليها قطر, دخل واحد قاله الصوره دي خلفيتها ضلمه , و تعمدتو كده عشان انتو الاتنين هربانين !! , المهم أشقائنا في ليبيا عملو الواجب مع صاحبنا الناشط الصايع , و استخدمو كل الكوميكس و على رأسها الكوميكس المصريه و أفشات أفلامنا , وقتها اتطمنت ان الشعب الليبي بخير.
.
ماهو بص يابني , سيبك من الأسلحه و الطيارات و الدبابات و الخطط العسكريه , فيه حاجه اهم , اسمها عقول الشعوب و وعيها , انك ماتنخدعش , ماتدقش عصافير على دراعك , تعرف تشوف الخروف و تميزه و الحمار و تميزه و تشاور عليهم , لو عرفت بس تميزهم و تشاور عليهم تبقى كسبت تلتين المعركه .
...............................................................................
Mohamed Hussein
9 ابريل 2019·
و لما الناس عرفو ان عيد ميلادك النهارده بعتو لك تورته و ورد ؟
- يابني التورته و الورد دول للعيال التوتو , إنما احنا بيجيلنا في عيد ميلادنا حلة محشي و قفصين جوافه
........................................................................................................
Mohamed Hussein
10 ابريل 2019 ·
الحاج دونالد ترامب و أولاده و الحاجه أم العيال يقولون نعم للتعديلات الدستوريه في مصر
.
- بس بس , أنا عرفت السبب , تلاقيه راح يصرف تموين الشهر قامو مضّوه على استمارة و قالو له تسلّمها في لجنة الاستفتاء بتاعتك اللي في مدرسة كفر واشنطن الثانويه بنين و إلا مش هنصرف لك الزيت و السكر بعد كده .
ناس مابتجيش إلا بالعين الحمره .
.
#عُضّ_قلبي_ولا_تعض_رغيفي_المدعّم
.........................................................................................................
Mohamed Hussein
10 ابريلل 2019 ·
شمام كوله 1 : السيسي راح أمريكا عشان يوافقو عالتعديلات الدستوريه في مصر
شمام كولة 2 : بس هما كده كده هيزورو نتيجة الاستفتاء , مكانش فيه داعي يروح
.
شمام كوله 1 : معاك حق , يبقى هو راح عشان يبيع سينا
شمام كوله 2 : طب مبعهاش ليه ؟
.
شمام كوله 1 : تلاقيه نسي ياخد موظف الشهر العقاري معاه
شمام كولة 2 : تمام , كده وضحت الصوره , ماتيجي بقى في الخرابه ؟
.
شمام كولة 1 : لازم دلوأتي ؟
شمام كوله 2 : اه عشان نحتفل , دي ساعة الحظ ماتتعوضش .
.
شمام كوله 1 : بس احنا كده هنغيب شويه عن تويتر
شمام كولة 2 : مفيش مشكله , نقول للوله حمو يكتب اننا مختفين قسريا
.
شمام كوله 1 : صح و لما نرجع من الخرابه نبقى أيقونات و هيومان رايتس واتش تكتب تقارير عننا .
شمام كوله 2 : و نتشهر و مش بعيد نطلع في قناة الجزيره و نقبض بالدولار و نحكى عن معاناتنا في سجون العسكر و انهم كانو بيحطو العصايا في مؤخرتنا
.
شمام كوله 1 : ياريت
شمام كوله 2 : ياريت ايه ؟
.
شمام كوله 1 : لا ولا حاجه, بس تفتكر لما نروح الجزيره هنلاقي هناك خرابه نتقابل فيها ؟
شمام كوله 2 : هي كلها خرابه يا حُبي .
...........................................................................................................
Mohamed Hussein
11 ابريل 2019 ·
مصر و السودان و تنحي البشير
.
- ايه علاقة السودان بمصر ؟ السودان دوله عربيه حدوديه بطول حدود ألف كيلو متر , يعني ايه ؟ يعني أمن قومي لمصر و ألف خط أحمر .
.
- طب ايه علاقة السودان بمصر كمان ؟ مجرى النيل , احنا دولة مصب بتسبقها دوله هي السودان و عشان كده كانت مشاركه باستمرار في المباحثات الثلاثيه بخصوص سد النهضه .
.
- طب الشعب السوداني مجال للتريأه و السخريه و النقد ؟ لا الشعوب دايما بره أي معادله , انتقد حاكم او حكومه , انما الشعوب لأ , خصوصا الشعب السوداني لأن تاريخنا واحد وبينا جذور و صهر و نسب .
.
- طب ايه علاقة عمر البشير بمصر مؤخراً ؟ الكلام ده مش تاريخ قديم هندور عليه في مراجع , الكلام ده من شهور و سنين قليله , عمل فيهم ايه عمر البشير و احنا عملنا ايه ؟ جبنا البشير كذا مره و حضر احتفالات اكتوبر و كان خطابنا دايما يابن الناس عيب , يابن الناس مايصحش , يابن الناس ما تضطرناش نخرج عن شعورنا .
.
- البشير نفسه عمل ايه ؟ مفيش يا مولانا , تجيبه عندك و تقوله عيب و يرجع السودان يلاقي موزه او ابنها او اي عيل صايع من الكشك جايب له شوية دولارات يقوم طالع مهلفط , حلايب و شلاتين , لا عندنا اهرامات , أو يلم له شوية ارهابيين صيع هربانين من مصر , يأويهم و يخزن لهم سلاح , يعني باختصار زي ما قلت و بقول دايما , البشير قزّم دوله عريقه و عظيمه اسمها السودان و حولها لمجرد سلسلة مفاتيح يلعب بيها الصايع بتاع الكشك الخليجي و يلفها على صوابعه ( كان وقتها أشقائنا في السودان بيزعلو مني ) .
.
- البشير عمل ايه في سد النهضه ؟ كان أثيوبي أكتر من الأثيوبيين نفسهم , و مصلحه السودان مع مين ؟ معانا , حتى في سد النهضه معانا , اومال كان بيعمل كده ليه ؟ عشان يرضي الصايع اللي بيرمي له الدولارات .
.
- البشير جاب تركيا و إداهم جزيره عنده تحت بند الإستثمار , ليه برضه ؟ عشان يرضي الصايع أبو دولارات .
.
طب البشير عمل ايه في الشعب السوداني بعد ماحكم 30 سنه ؟ فقر يلاحق فقر , تلاتين سنه إفقار و إذلال , انا مش بقول كلام اعتباطا , انا عارف بقول ايه , ده غير دوره في تقسيم السودان لشمال و جنوب .
.
- مصيبة البشير ايه ؟ إنه وثق في الجماعه الإرهابيه و مكنهم من كل مفاصل الدوله , و ده في اعتقادي هو كارثة السودان الأكبر , الإخوانجي لا تعاشره ولا تناسبه ولا تشاركه في حكم , لأنه زي الديب و لما تجيله فرصه هينهشك
.
- يعني البشير بالنسبالنا كان طرف سلبي ؟ أه , طب نفرح بقى بانه غار في داهيه ؟ لا مش كده , نفرح أكتر لما الجيش يسيطر عالوضع في السودان أمنيا و سياسيا عشان ماتبقاش حرب أهليه جديده ( و في الحاله دي هتطرطش علينا ) و عشان تفضل السودان أرض موحده مستقره ( أقصد شمال السودان و ربنا يخرب بيت اللي ضيع جنوبها ) .
.
- مصر عامله حسابها لمرحلة ما بعد البشير ؟ أكيد , يعني مأمنين حدودنا كويس ؟ أكيد برضه , والأجمل و قناعتي , إن الجيش المصري مانزلش السودان من اسبوعين عشان يعمل مخابز عيش !!.
.
- نعمل احنا ايه بقى دلوأتي كشعب ؟ نتمنى للشعب السوداني الشقيق السلامه و ندعم وحدة و استقرار السودان , مش مطلوب مننا أكتر من كده
.....................................................................................................
Mohamed Hussein
11 ابريل 2019 ·
يعني الساعه 6 نكون الأول و الساعه 8 نبقى التاني و الساعه 10 نبقى التالت !!
احنا لو نادي الزمالك بتاعنا ده زارعينه حشيش و بانجو وأفيون و قالبينه بالليل دعاره و خمره و نسوان ربنا مش هيعاقبنا بالشكل ده .
.................................................................................................................
Mohamed Hussein
12 ابريل 2019 ·
لكل الأهل و الأصدقاء و الأشقاء و الحبايب في ليبيا و الجزائر و السودان , نتمنى لكم الرخاء و التقدم و التطور و الرفاهيه و الفخفخينا و لأرضكم السلامه
.
أما حكاية تخوفكم من تكرار النموذج المصري و إنه يظهر عندكو السيسي و كده فعايز أقول كلمتين :
.
العراق بينعم بالديموقراطيه الأمريكاني من عشرين سنه و النتيجه انك بعد عشرين سنه مش هتعرف مين بيحكم العراق بالظبط ؟ أمريكا ولا إيران ولا تركيا , واللي عايز حاجه بيدخل بطيارته ياخدها او يعملها و الحكومه العراقيه تشجب و تستنكر ( وتتشحتف ), أردوغان بنى سد و حجب المايه عن شمال العراق , و عندنا مليون عراقي هاجرو لمصر من جراء الديموقراطيه و الفخفخينا الامريكاني ( اه و عهد الله ) .
.
ليبيا و سوريا نفس الشئ و المليون بقو خمسه سته مليون واحنا أصلا عددنا 100 مليون يعني مستوعبين نفسنا بالعافيه و الواحد بينام مبقاش لاقي حته يمد فيها رجليه , فلو سمحتو استحضرو التجربه الماليزيه و مهاتير محمد , او التجربه البرازيليه و لولا دا سيلفا أو استحضرو النموذج الياباني و السويسري و السويدي , اعملو أي حاجه و اتشألبو زي مانتو عايزين بس و النبي من فضلكم بعد نجاح تجربتكو الجباره اللي بتمشي عالحيط ماترموش عندنا كام مليون لأننا زي ما قلنا كده مابقيناش نلاقي حته نمد فيها رجلنا , و عمرنا ماسمينا اللي بيجي عندنا لاجئ , يعني لو حصل و رميتو كام مليون ( و هيحصل انا عارف ) هنشيلهم على راسنا و نطبطب و نقول معلش و نعتبرهم أصحاب بيت , إنما الناس لازم يكون في عنيها ( حصوة ملح ) .
.
أما بخصوص عبد الفتاح السيسي اللي عامل خرم في دماغ الجزيره و البي بي سي و السي ان ان أكبر من الثقب الأسود و اللي بالتأكيد خرم دماغ بعضكو , فأحب أقولكو حاجه هتطمنكو خالص , الوطن العربي ده من شرقه لغربه لشماله لجنوبه بيجيب واحد بس كل 100 سنه وبيقطع الخلف بعدها , بيجيب عيل يتولد راجل , مره جابه و سماه عبد الناصر و مره جابه و سماه عبد الفتاح , نتقابل بقى في القرن ال 22 , يدينا و يديكو طولة العمر .
.
مش عايز أفكركو تاني , كل الأمنيات بالرخاء و الفخفخينا و لأرضكو بالسلامه , ويارب نسمع عنكو كل خير .
..........................................................................................................................
Mohamed Hussein
12 ابريل 2019 ·
أصدقائنا في الجزائر و السودان , لو حابين يعني , لو لكو مزاج , اقعدو قدام الجزيره عشان هي بتحبكو أوي ( هي و تميم ابن موزه و أردوغان ) و اسمعو كلامهم عشان هما عايزين يعلموكو الديموقراطيه و تداول السلطه و كده , استلهمو بقى التجارب الناجحه في ليبيا و سوريا و اليمن أو حتى في العراق وقولو عالإرهابيين معارضه وطنيه و عالجيوش بتاعتكو ميلشيات , و حذاري من تكرار التجربه المصريه ,أنا نبهت عليكو أهو , و إلا هيحصل لكو زي اللي بيحصل لنا ده , أيوه زي مانتو شايفين كده
...............................................................................................................................
Mohamed Hussein
13 ابريل 2019 ·
مش عارف أجيبهالكو إزاي , بس عوض بن عوف وزير الدفاع السوداني تنحى عن قيادة الفتره الإنتقاليه للفريق أول عبد الفتاح البرهان , طب هاتو إيدكو كده , و شبكة العشره دول أنا لا أعرف ده ولا أعرف ده بس أول ماقريت إسم الرئيس الجديد (الفريق أول عبد الفتاح ) اتطمنت شويه عالسودان , يابني فخامة الإسم تكفي
.................................................................................................................
Mohamed Hussein
14 ابريل 2019 ·
و بس يا سيدي , الإتحاد الأوروبي مقلوب على حفتر و الأمم المتحده و بريطانيا و المغول و الهكسوس و المماليك و الخنزيره و البي بي سي و الخرفان و تصريحات و مؤتمرات و تهديدات و حبشتكانات , قام السيسي استضافه النهارده في قصر الرئاسه و قاله دوس وحرر بلدك من حكم الإرهابيين و الخونه و الصيع و عملاء تركيا و قطر بنت الوسخه, و لو في يوم لقيت الكلاب بتعوي إركن القافله على جنب و إنزل إديهم بالجزمه ولا يهمك .
..................................................................................................................
Mohamed Hussein
14 ابريل 2019 ·
هدف عالمي لابننا صلاح في تشيلسي , جماهير ليفربول قربت تعمل لصلاح مقام في مدخل المدينه و يطوفو حواليه , مقام سيدي محمد ابو صلاح
...................................................................................................................
Mohamed Hussein
15 ابريل 2019 ·
الشتا استجاب لنداءاتي و توسلاتي و رفض إنه يرحل مبكرا , بصراحة انا جيبتهاله بصنعة لطافه و بشوية مكر , قلت له هترحل مبكراً ليه ؟ هو انت أهلاوي ؟ قول بقى انك أهلاوي , ماهي كل البلد عارفه انك أهلاوي , قام اتحمق و قال طب عليا الطلاق مانا ماشي .
..........................................................................................................
Mohamed Hussein
15 ابريل 2019 ·
شوفت يا عم اللي حصل ؟
- خير يا حبيبي حصل ايه ؟
.
التعديلات الدستوريه
- مالها ؟
.
هتسمح للريس انه يقعد لسنة 2030
- لسنة 2030 ؟!! , لا انا أرفض التعديلات دي , أرفضها قطعيا .
.
ايوه كده بقى ,فرحتني , عشان عايز تداول للسلطه و تمكين للشباب
- لا طبعا , عشان عايزه يقعد ل 2047 لحد مايخلص أقساط مفاعل الضبعه النووي , ولا هو يلبسنا في المفاعل و يسيب بقية الأقساط و يخلع ؟
.
انت بتقول ايه يا عم ؟
- عموما يابني تاهت و لقيناها , احنا نوافق عالتعديلات دي مؤقتا , تصبيره يعني , و قبل 2030 بسنتين تلاته نعمل تعديلات دستوريه جديده تسمح لعبد الفتاح السيسي حكم مصر لحد مالزمالك يفوز بالدوري 40 مره و نبقى قد الأهلي , و انتو وقتها اعملو نفس اللي بتعملوه من 5 سنين
.
نعمل ايه يعني ؟
- اعملو هاشتاجات على تويتر و استفتاءات عالفيس بوك و اعملو تاتو فراشه على كتفكو, و هاتو غطيان حلل و صفاره و زماره و طبق بساره و بودرة عفريت و قرن خرتيت و رجل غراب يتيم و ديل سحليه راضعه صدر أمها ونضارة البرادعي على حته من سوالف عمرو حمزاوي , و استنو حزقات معتز مطر الناريه و تابعو عناوين الجزيره و هي بتقول لكو هروب عبد الفتاح السيسي من مطار ألماظه إلى جهة غير معلومه , أظن كده عدانا العيب و أزح .
.
دانت عايز تجيب لنا شلل رباعي بقى ؟
- أه و عهد الله , شلل رباعي و كُساح و أنكلسوما , و بإذن واحد احد السيسي هيطلع لكو في أحلامكو و ينزل لكو من الحنفيه.
.................................................................................................................
Mohamed Hussein
15 ابريل 2019 ·
حريق هائل في كاتدرائية نوتردام الأثريه العريقه , إنهيار برج الكاتدرائيه التاريخي و السقف بالكامل , ماكرون يلغي خطابه بسبب الحادث و باريس تحبس أنفاسها , رجال الإطفاء فشلو في السيطره على الحريق ( بخراطيم المايه ) و التحقيقات الأوليه بتقول إن الحريق سببه أعمال صيانه !! .
....................................
عشان تبقى بني أدم حلو و جميل كده في نفسك و متسق مع ذاتك و عارف إن المخ أهميته في التفكير مش في الساندوتشات , لازم التالي :
.
- تأسف لحريق كاتدرائية نوتردام لأنها تراث إنساني و أثري و معماري عريق و تتعاطف مع الشعب الفرنسي اللي غالبا بيدفع ضريبة التغريد برّه السرب بتاع أهل الشر ( مظاهرات للسترات الصفراء , انفجارات ارهابيه في باريس , حرق للكاتدرائية العريقه ) .
.
- و بما إن الكلام عن كاتدرائيه يبقى يا ترى المجتمع الدولي هيتعامل معاها بنفس الإهمال اللي تعامل بيه في حرق الكنايس في مصر أيام الفتره الهباب ولا احنا ولاد البطه السوده ؟
.
- و بما إن الكلام عن أثر تاريخي فيا ترى راحت فين أثار العراق و سوريا اللي عمرها ألاف السنين ؟ هل العالم مهتم بإيجادها و إعادتها و ترميمهما و لا مهتم أكتر بتحطيمها و نهبها ؟! .
.
- الهراييين و الزياطين بتوع فرنسا هيتقمّصو شخصية رجل الإطفاء النهارده و يسألو فين الطيارات و يشرحو لنا الطريقه المثلى لإطفاء الحرايق و هيوجهو أصابع الإتهام والإهمال للحكومه و لماكرون و يطالبو بإقالة وزير النقل و محافظ اسكندريه و يقضوها كوميكس و سخافات ولا هيعملو إيه بالظبط ؟ الإجابه مش هيعملو حاجه و هيتعاطفو مع بلدهم و كل قرد هيلزم شجرته و يحترم تخصصه و معلوماته و محدش هيهري ولا هيهبد , الهريجيه و الهبدجيه عندنا احنا بس .
.
- يا ترى الخنزيره و خرفان الجماعه الإرهابيه في تركيا هيقولو ان ده فشل فرنسي في حماية أثر عريق ( و بدل مايصرفو الفلوس على 400 نوع جبنه كانو أمّنو الأماكن الأثريه ) ؟ طب قالو السيسي هو السبب في الحريق بتاع نوتردام عشان يداري عالتعديلات الدستوريه ولا لسّه ؟! .
..........................................................................................
.
1 أبريل 2019
حزب أردوغان خسر الانتخابات المحليه في تركيا , شعبيته جارفه مفيش كلام .
........................
طب تعمل ايه يارجب ؟ , تتصرف ازاي يارجب ؟, تسوي كيف يا رجب ؟ أه تاهت و لقيناها , انت قدامك كذا اختيار ترجّع بيهم شعبيتك شويه
.
1- بتجيب سيرة السيسي مرتين في اليوم ؟ خليهم تلات مرات ( بعد الأكل ) , صدقني الحكايه دي بتنتزع أهات الخرفان , قول لهم السيسي جالي في المنام وكان معلق صليب على صدره واعترف لي و قالي أنا صهيوني , صهيوني يارجب , و امي يهوديه و اسمها الحاجه راشيل , و بعدين سابني وراح يصلي العصر .
.
2- الليره عماله تنزل قدام الدولار و ده مأثر على شعبيتك ؟ قول لخرفانك يعملو أبحاث و مقالات وبوستات عن فوايد نزول الليره على الاقتصاد الوطني و على الصحه العامه و أهميتها في علاج حب الشباب و الروماتيزم .
.
3- إطلع في خطبه عصماء وقول هنحرر القدس و نطرد الاحتلال الصهيوني و إلعب دور الداده الرفيقه عطيات ( سنناضل سنناضل ), و بعدين ابعت مركب عليها كرتونتين شاش و قطن لقطاع غزه , و الجزيره تقول عليك صلاح الدين الأيوبي
.
4 - قول إن ملايين الأتراك اللي عارضوك في الانتخابات كلهم على علاقه بفتح الله جولن , و اعتقلهم و اقتلهم , و اخر النهار اهبد هبده عن النظام الفاشي في مصر اللي بياكل دراع العيال الصغيره و هيومان رايتس واتش و عمرو واكد و خالد ابو اللامؤاخذه و هيثم خليل و البي بي سي هيشهدو معاك , و معتز مطر هيعمل حزقه ناريه ويقول أمي عمرها 70 سنه قاعده في النادي الأهلي و جيوش جراره بتطاردها .
.
5- قول ان السبب في خسارتك للانتخابات و في تدهور الإقتصاد التركي هو إن البنك الدولي الكافر ابن الحرام مارجعش الفلوس اللي عليه لحد دلوأتي , الفلوس اللي انتو مسلفينهاله
.
6 - إمشي بموكبك في طريق و معاك مصور بكاميرا و خلّي بنت صغيره تقف على جنب و وقف الموكب و سلم عليها و احضنها و امسح دموعها و إبكي حتى يبتل بنطلونك , و مد ايدك في جيب الجاكيت طلّع لها عروسه لعبه وقالب شوكلاته و ديب فريزر و تلاجه عشرين قدم و عربيه فيات 127 بحاله جيده .
...........................................................................................................
Mohamed Hussein
1 أبريل 2019
·
موقف كوميدي حصل معايا من فتره .
.
قاعد في الصيدليه و الوقت متأخر , دخل اتنين ورا بعض اخدوا حاجات زي الفياجرا ( سياليس و إيريك ) و مشيو
.
جت بنت ساكنه في عماره جنبنا تاخد دوا للبرد , وهي ماشيه لمحت موبايل عالكاونتر , قلت لها خدي الموبايل بتاعك , قالت لا ده مش بتاعي , عرفت ان واحد من الاتنين ناسيه .
.
خدت الموبايل جنبي و اتحرجت افتحه عشان اوصل لأي بيانات تخص صاحبه , قلت هستنى لما حد يتصل و اقوله الموبايل ده اتنسى عندي في الصيدليه
.
بالفعل , اول مكالمه اسم متسجل , الحاج مرعي , فتحت وقلت ألو , هو ماستفهمش , ايه ياض مابتردش على امي ليه ؟ ماتنجز و تقول هتشتري ولا لا ؟, قمت انا بهدوء قلت له يا حاج مرعي الموبايل ده صاحبه نسيه في المكان الفلاني , الراجل اعتذر و قال هحاول أوصل لرقم تاني له و أبلغه .
.
كل اللي فات ده حماده واللي جاي حماده تاني خالص
- بعد دقايق الموبايل رن , رقم متسجل ( نانسي الجديد ) فتحت و قلت ألو , لسه ماكملتش الكلمه , لقيت صوت واحده شكلها في الضياع , قالت بمنتهى الرقه والمياصه (, والله ؟ انت نسيتني و مابقيتش حتى تفتح النت ؟ ) انا من لبختي ماعرفتش أعمل ايه , قعدت ادوس إلغاء للمكالمه ييجي 7 مرات ورا بعض .
.
- بعد دقايق واحده بتتصل و الأسم متسجل ( سلمى عبد الحميد ) مسكت الموبايل في ايدي وقلت بس انا شكلي كده هلعب دور اللمبي في الفيلم , والله يسامحك يا عم بخ , جايبني هنا أنظم المرور .
.
- استجمعت قوايا و قلت هرد بقى واللي يحصل يحصل , لقيت واحده بتتكلم عادي , قلت لها الموبايل ده صاحبه نسيه في المكان الفلاني , قامت ندهت عليه وقالت يا حازم يا حازم موبايلك في الصيدليه , الست للأمانه شكرتني جدا , بس انا اتضايقت من نفسي بصراحه لأني قفلت معاها من غير ما اقول لها تبلغ حازم ان الأخت نانسي اتصلت بيه و شكلها تعبانه أوي , للأسف فاتني فعل الخير ده .
........................................................................................................
Mohamed Hussein
1 ابريل 2019 ·
المصريين وقت الجد بيعرفو يفكرو و ينفّذو ومحدش بيلوي دراعهم .
.
شوف يا سيدي , هو انت تعرف ؟ لا أكيد ماتعرفش , و عشان ماتعرفش بتقول عدس أو بمعنى اصح بتشتري اللحمه من عند الجزار
......................
هو ايه اللي حصل ؟ هقولك اهو , من سنه كان العجل أو الدبيحه نفترض مثلا ب 20 ألف جنيه و كان الجزار بيبيع لك اللحمه ب 140 ج الكيلو , السنادي البهايم رخصت و سعرها نزل حوالي 25 % , بمعنى إن العجل اللي اشتريته السنه اللي فاتت ب 20 ألف هتجيب النهارده زيه بالظبط , نفس الوزن و الحجم ب 15, طب الجزار بقى نزّل السعر من 140 ل 110 أو ل 100 ؟ لا حضرتك بيبيعه ب 140 برضه , طبعا لو سألته ليه هيقعد يتشقلب و يجيب لك افتكاسات من أيام حرب الهكسوس .
.
الناس لقت الحل وبدأو ينفذوه فعلا , مجرد فكره بسيطه اوي بدأو يعملوها كتير خصوصا عندنا في الأرياف , كل عشره او عشرين نفر يشتركو و يجيبو عجل ب 15 ألف , و يجيبو جزار يدبحه ب 500 ج , الجزار بيدبحه و يقطعه و يوزنه و يظبط الليله دي كلها في ساعتين
.
هتلاقي عند حضرتك ايه بقى ؟ هتلاقي العجل ده عامل 170 كيلو في المتوسط , غير الحاجات التانيه ( الكوارع و الممبار و الكبده و الكلاوي و القلب و المخ و الفشه و الطحال و الجلد ) , تقوم اللحمه تتقسم عاللي اشتركو بحسب الفلوس اللي دفعوها , هتلاقيك مثلا لو دفعت 500 خدت بيهم 6 كيلو لحمه , يعني الكيلو هيقف عليك بالكتير ب 90 ج مش ب 140 , و لحمه صابحه طازه مدبوحه قدام عنيك ( زي الأضحيه ) , مش مركونه في تلاجات من شهور ولا حاجه .
.
أدي الفكره بكل بساطه , مفهاش أي تعب , الناس تشترك على قد احتياجها و مقدرتها الماليه , ب 500 أو ب 1000 , هتلاقي عندك لحمه تكفيك شهر او شهرين , و كل شهرين تكررو الحكايه .
.
طب بالنسبه حضرتك للجزارين ؟ والله الجزار من دول هيبقى قدامه خيار من اتنين , إما انه يقعد يفلّي صبيانه في ساعة العصاري أو يقعد يراقب أسراب القريدس و هي بتحمي صغارها من هجمات السلطعون المتكرره .
.
ملحوظه : ياريت اللي يطبقو الفكره يلتزمو بتعليمات السلامه و النضافه و مش هتكلفهم حاجه , يختارو مكان متبلط وفيه صرف للمايه , ويجيبو شوية مايه جنبهم للغسيل , و كام كيس زباله يلمو فيه الحاجات اللي بتترمي , و ممكن يجيبو عربية زباله تشيل الأكياس في الاخر و يدو لعامل النضافه نص كيلو لحمه أو 50 ج.
.................................................................................................................
Mohamed Hussein
2 ابريل 2019 ·
وقالك السيسي رفع الحد الأدنى للأجور قبل الاستفتاء كرشوه للناس عشان يصوتو بنعم للتعديلات الدستوريه !! .
....................
بص يا حماده , تعالى اكلمك عن الراجل اللي اسمه عبد الفتاح السيسي و علاقته بالرشاوي الإنتخابيه و إزاي بيحاول يزود شعبيته بشتى الطرق و الكباري!!
.
- في يونيو 2013 وقف عبد الفتاح السيسي في وجه أكبر و أقذر تنظيم ارهابي في تاريخ البشريه , في اللحظه دي مبقاش اسمه مرشح أول لرئاسة مصر , لا بقى إسم اختيار أول على قايمة الإغتيالات بتاعة الجماعه الإرهابيه اللي وراهم طبعا (الأم اللي خلفت ( بريطانيا ) و الأم اللي ربت ( أمريكا ) ), ويمكن مستقبلا نبقى نعرف بالتقريب عدد محاولات الاغتيال اللي اتعرض لها السيسي .
.
- الناس عملت تفويض و قالت له اترشح و اترشح , و خد أصوات انتخابيه مش هياخدها حد في مصر لمدة 100 سنه جايين ولا حد كان يقدر ياخدها في تاريخنا الحديث إلا جمال عبد الناصر .
.
- بدأ يشتغل كرئيس دوله وطني أمين صريح مش بيبيع لك الوهم زي غيره , وقال القماشه اللي في ايدي لا تنفع جلابيه ولا وش سديري , نعمل ايه بقى ؟ هنربط الحزام ونعمل اصلاحات اقتصاديه و نرفع الدعم , واللي مش عاجبه يضرب دماغه في الحيطه , في اللحظه دي كان السيسي بينقذ دوله على حساب شعبيته ( الاحتياطي النقدي وصل ل 13مليار و أوشكت الدوله على اعلان افلاسها ) و الدعم بياكل ربع الميزانية .
.
- اللي فات كان أول صدام بين السيسي و بين شعبيته , قرار قبل ماياخده كان متأكد انه هييجي بالسلب و بشكل جارف على حساب شعبيته , اتردد فيه ؟ لأ .
.
- قال نسكت بقى و نلم الدور ؟ لا ابدا , يادوب لسه هيفوق من الصدمه دي قام طالع لنفسه بصدمه تانيه , ترسيم حدود ويقولو باع الجزيرتين و اه يانا يامه يانا يامه , اللي هو القرار اللي رفضه رؤساء قبله ( حفاظا على شعبيتهم ) , عمل كده ليه ؟ عشان سيادتك عندك ثروات في البحرين الاحمر و المتوسط و غيرك مكانشي عنده الشجاعه انه ياخد القرار, انما الراجل ده لا , الثروات دي حق الشعب و الاجيال اللي جايه , و لو مالحقنهاش غيرنا هيسرقها , طب و شعبيتك ؟ طز في شعبيتي .
.
- عمل تعويم للجنيه قصاد الدولار عشان السعر كان وهمي , سعر عبيط مدعوم من الدوله , أسعار السلع اتضاعفت مرتين , طب و شعبيتك ؟ طز في شعبيتي .
.
- قالو له اوعى بقى الخرفان بيروجو لثورة جياع , وشمامين الكوله هيتركبو كالعاده , وبلاش تاخد الخطوه الفلانيه , قام خدها قبل ميعاد ثورتهم المزعومه ب 48 ساعه , طب شعبيتك و كرسي الرئاسه ؟ طز في الاتنين .
.
- قالو له الاحتياطي النقدي بتاعك زباله , ماتيجي تاخد شيك على بياض تنعش بيه اقتصاد البلد و الناس تحبك و تعزف لك عالربابه بس في المقابل تبعت جنودك يحاربو ضد الجيش السوري , قال لهم هناكل قش و جيش مصر التاني و التالت مش هيحارب جيشها الأول , يا مولانا اقتصادك بيقع , مش هيقع بإذن الله , هنحاول نلحقه , طب و شعبيتك ؟ طز في شعبيتي .
.
- أمنا الغوله اللي بتحكم كوكب الأرض و بتلمع اللي هي عايزاه و بتشوه اللي هي عايزاه ( بإعلامها و منظماتها الحقوقيه ) قالت له اتصالح مع الجماعه الارهابيه و اديهم اي حته من التورته و خرجهم من السجون , قال لهم على جثتي اتصالح مع اللي قالو يا نحكمكو يا نقتلكو , قالو له طب خلاص هنشوهك ليل و نهار و نسرّح خرفانا و قنواتنا و جرايدنا و نرسم عنك صوره زباله , قال لهم ابقو علقو الصوره في الأنتريه أو في مدخل الكونجرس , طب و شعبيتك ؟ طز في شعبيتي
.................................................................................................................
Mohamed Hussein
3 ابريل 2019 ·
شوية صبر و تأني , جايز يكون فيه سبب
.
امبارح روحت اجيب البنات من المدرسه , طلعت لقيت عربيه قافله على عربيتي صف تاني و مفهاش حد , الساعه كانت 3 والبنات كده خرجو , ناديت على بنت البواب و قلت لها العربيه بتاعة مين ؟ قالت بتاع الدكتور فلان هطلع له حالا , و طلعت له فعلا , وقالت هو خلاص نازل دلوأتي
.
قعدت في العربيه مستنيه ينزل , فات دقيقه و خمسه و عشره و فات ربع ساعه وانا مستني , روحت ناديت على بنت البواب تاني و زعقت , طلعت له تاني , قالت هو نازل عالسلم أهو , استنيت 10 د كمان لحد مانزل , كل ده و انا بقول البنات اكيد بقو لوحدهم .
.
لقيت راجل عمره 80 سنه تقريبا خارج من باب العماره مبتسم و رافع صباعه لفوق في وضع الحلفان , قالي قبل ماعتذر لك عايز أقولك , لما البنت طلعت لي اول مره انا نزلت على طول و لقيت عمال بيشتغلو في الشقه اللي تحتي وقفت اتكلمت معاهم و بعدها والله نسيت انا كنت نازل ليه و نسيت اني كنت نازل أصلا .
.
وبعدين الراجل دقق شويه في ملامحي و افتكر اني الصيدلي اللي جنبه و سألني على دوا , قلت له عندي و لفت انتباهي بسرعه إن الدوا بتاع ( زهايمر ) فضحكت و قلت له كويس ان حضرتك اتأخرت فوق , انا قعدت لعبت كاندي كراش و عديت 15 ليفل , يعني جت مصلحه , الراجل ضحك و مشي وانا ركبت العربيه و مشيت ( و للأمانه يعني أنا عمري ما لعبت كاندي كراش ) .
...................................................................................................................
Mohamed Hussein
3 ابريل 2019 ·
لا حول ولا قوة إلا بالله و الحمد لله رب العالمين , فوزنا بضربة جزاء مش حقيقيه كما لو كنا الأهلي , يالله معلش , سجدة شكر للمولى .
...............................................................................................................
Mohamed Hussein
4 ابريل 2019 ·
بيان لوزارة الداخليه : ضبط 2 طن هيروين على متن إحدى السفن في المياه الإقليميه بالبحر الأحمر قبل دخولها لمصر !! .
.
مممممممم 2 طن هيروين يعني 2000 كيلو , يعني 2 مليون جرام سيادتك , يعني مايكفي لتحويل مئات الألاف من الشباب إلى لقب مدمن !! , يعني اكتر من مليار جنيه كانو هيندفعو من جيوب الشعب لصالح فخامة تاجر المخدرات الكيوت .
...............................
- خروف رقم 1 يبحث على جوجل : فوايد الهيروين على الصحه العامه .
- خروف رقم 2 على جوجل : هل يتعارض الهيروين مع وجبات البرسيم ؟
.
- خروف رقم 3 : قبضو على تاجر الهيروين و هو بيصلي , قبضو عليه وهو ساجد , ده كان الأول عالثانويه العامه يا جدعان , اللهم عليك بالدوله الظالم أهلها .
.
- خروف رقم 4 : اللي قبضو عليه و بيقولو انه تاجر مخدرات كان معارض للنظام و الحكومه و العسكر , وكان بيلف بسفينه في البحر الاحمر عشان يقول للشعب المرجانيه ( اتطمني انتي مش لوحدك ) و بالمره يدور على اخوه اللي مختفى قسريا من 950 سنه .
........................
- شمام كوله 1 : حتى الهيروين بيمنعوه عن الناس ؟ مش عايزين دماغ الشعب تكون صاحيه و تتظبط عشان مايعرفوش يطالبو بحقوقهم السياسيه .
.
- شمام كوله 2 : احنا ماشوفناش عملية الضبط عالهوا مباشرة و حتى لو شوفناها هنشكك فيها ونستنى الجزيره نشوفها هتقول لنا ايه و نعرف الحقيقه من حزقات الاستاذ معتز مطر ( بالمناسبه لقيت صديق كاتب عند صديق هو احنا ليه مانعرفش الحاجات اللي بيصنعها الجيش المصري ؟ ليه مش بيعرضوها للعامه ؟ أكاد من فرط الجمال أبيضُ , أه و عهد الله ) .
.
- شمام كوله 3 : مش جايز الدوله اوقفت الشحنه دي عشان الجيش عايز يصنع هيروين و بالتالي ماتبقاش فيه منافسه و يقضو على صغار المستثمرين ؟ القطاع الخاص في خطر .
.
- شمام كوله 4 : في أوروبا و الدول المتقدمه الهيروين بيتباع في الصيدليات و عالرصيف و في محلات الحواوشي .
.
- شمام كوله رقم 5 : ضبط الشحنه للتغطيه على التعديلات الدستوريه ( بص العصفوره ) .
.
- شمام كوله رقم 6 : و هنستفيد ايه من ضبط شحنات الهيروين ؟ أهم حاجه تنمية الإنسان .
- شمام كوله رقم 7 : عارفين فيه كام واحد في مصر بيشتغلو ديلر و كانو هيسترزقو من الشغلانه دي ؟ هيعيشو منين دلوأتي ؟ هيفتحو بيوتهم إزاي ؟ ماهو محدش حاسس بالغلابه .
...................................................................................................................
Mohamed Hussein
4 ابريل 2019 ·
يحكي ظابط جيش مصري
.
من 20 سنه كنت في مهمة تأمين لنقطة حدوديه في الصحراء الغربيه و اقترب مني شاب قدّم نفسه على أنه عصام حجي العالم الجبار التنين اللي بيفهم كل حاجه في كل حاجه , بطل ثورة الطماطم و اللي بيحب الناس من (قلبو)
فسألته انت بتشتغل ايه ؟ رد الشاب : ببحث عن مايه على سطح المريخ و سابقكو بمليون سنه ضوئيه , وانت بتشتغل ايه ؟ فقلت له بحمي حدود بلدك عشان لما تنزل من على سطح المريخ بعد ماتكتشف المايه تلاقي بلدك لسه موجوده عالخريطه , فظبط الشاب المعجزه نظارته و سألني , أيوه و بتشترو سلاح ليه بقى , ماكنا نوفر الفلوس دي و نروح نكتشف بيها مايه على سطح المريخ ؟ فابتسمت و ربتت على كتفه و قلت له : بس يا خو* .
Mohamed Hussein
4 ابريل 2019 ·
قوات الجيش الليبي تستعد لتحرير مدينة طرابلس ( العاصمه ) من يد الإرهابيين و الصيع و المرتزقه و شماشرجية تركيا و صبيان الصهاينه و أمريكا و بريطانيا , ولا عزاء لقناة الخنزيره و لأميرهم الشاذ .
.
انتظرو من بكره عواء الكلاب , هيومان رايتس واتش تنزل تقارير عن تعذيب المساجين في ليبيا ( وبيحطو العصايه في مؤخرتهم ) , إنهم يغتصبون النساء , و ماذا عن الإختفاء القسري ل 350 مليون مواطن ليبي ( هتلاقي عندهم خواجة زي جمال عيد , مش هيغلبو ) , حزقات معتز مطر , فبركات الخنزيره , تأوهات ال bbc , زيارة شويه صيع ليبيين للكونجرس الأمريكي و يعملو لوبي و يعملو تاتو فراشه .
.....................
ليبيا أمن قومي لمصر من الدرجه الأولى , دولة جوار , حدود بريه بطول 1200 كيلو , يعني 1200 خط احمر , و يقيني إن أي تحرك و أي نجاح للجيش الليبي مابيتمش بدون مباركة و دعم كامل من جيشنا المصري العظيم , لأن مصيرنا واحد و قضيتنا واحده و عدونا واحد .
....................................................................................................
Mohamed Hussein
5 ابريل 2019·
- مصر أصدرت بيان عن الوضع في ليبيا و بتقول انها تشعر بالقلق.
.
- الإمارات دخلت في بيان خماسي مع امريكا وبريطانيا و ايطاليا و فرنسا و قالت معاهم في بؤ واحد ( نشعر بالقلق ) , ده بعد زيارة محمد بن زايد لمصر من كام يوم , و بعد زيارة خليفه حفتر للسعوديه من كام يوم برضه .
.
- و انا من موقعي هذا لازم أقول لكو إني أشعر بالقلق ( ماتيجو تشعرو بالقلق معايا و أعزمكو على شاي ؟ ) .
.
- قناة الخنزيره عامله مناحه من امبارح هي و الأمير الشاذ و خرفان تركيا و خليفة المثليين بتاعهم .
....................
الكلام اللي فوق ده معناه ايه و ليه مصر بتشعر بالقلق و ليه الامارات دخلت تشعر بالقلق في بيان خماسي ؟ الكلام ده يابني معناه ان ملف ليبيا بقى في ايدينا ( في إيد مصر و التحالف العربي ) و بنلعب سياسه دوليه بطريقه محترفه , بالطريقه اللي بندلع بيها الزبون , يعني بننطط القرود و احنا قاعدين و حاطين رجل على رجل , ماهو كله بأوان .
......................
نقول تاني :
الجيش الليبي بيعمل ايه ؟ بيحرر العاصمه من ايد الارهابيين و بيبسط نفوذه على كامل الأراضي الليبيه ( ضاعت فلوس تركيا و قطر )
و احنا بنعمل ايه ؟ احنا بنشعر بالقلق .
...............
يعني حضرتك احنا مش بندعم الجيشي الليبي ؟ عيب عليك , أقسم بالله عيب عليك , قوم ياض صلي ركعتين و استغفر كتير عالحكايه دي و تعالى اقعد معانا عشان نعرف نشعر بالقلق زي مخاليق ربنا .
.............................................................................................................
Mohamed Hussein
5 ابريل 2019·
إبننا صلاح أحرز هدف الفوز لليفربول في الدقيقه 80 بمجهود فردي و مهاراته الخاصه , الدهب ممكن صحيح ينزل شويه بس بيفضل دهب .
...................................................................................................................
Mohamed Hussein
6ابريل 2019 ·
إوعى تيأس أبدا أو تفقد الأمل و يصيبك الإحباط , و لو في يوم لقيت اليأس بيقرب من بابك افتكر الأهلي و اللي حصل معاه , أهو اتغلب خمسه من صن داونز و مع ذلك هيرتب أوراقه من جديد و يقف على رجليه و اللاعيبه هتنزل في ماتش العوده تاكل النجيله بتاعة الملعب و هيتغلبو تلاته بس .
..................................................................................................................
Mohamed Hussein
7 ابريل 2019 ·
كبير كهنة المعبد محمد البرادعي من قصره في النمسا و هو مدلدل رجليه في ماية البيسين , أحدث هبداته , تويته مثيره للشفقه , أه و عهد الله
..........................
مش عارف أوصل لكو وجهة نظر البرادعي لانه سابقنا بمليون سنه ضوئيه زي مانتو عارفين , إنما هحاول
.
بصو يا جدعان , هي انتفاضة شعوب من أجل الحريه جالها شوية خطر و منطقه بتتأكل أمام أعيننا , غالبا المنطقه دي بتتأكل لوحدها من غير مؤامره , تأكل ذاتي يعني , منطقه صحيت من النوم الصبح قالت نتأكل شويه كده من باب التغيير , و الناس تقول لها يا منطقه بلاش تتأكلي , و هي تقولهم ابدا , و النبي لا ممكن لازم أتأكل , بس وصيتكو يا ولاد وانا بتأكل تقولو اللي بيحصل ده حريه و ربيع عربي و مفيش مؤامره , وابقو سلمو لي عالبرادعي , قولو له المنطقه بتسلم عليك و بتقولك رجليك دابت من النقعه في ماية البيسين .
.........................
مش عزيزي محمد البرادعي , تحيه غير طيبه و بعد :
- مخابرات ستاشر سبعتاشر دوله أجنبيه سارحين في المنطقه بقالهم 10 سنين , كمية أسلحة تم تداولها اكتر من اللي استخدمت في الحرب العالميه التانيه , مئات الألاف من الإرهابيين و المرتزقه منهم اللي جه من أدغال أفريقيا و من شرق أوروبا , مئات المليارات من الدولارات اتصرفت على خراب المنطقه , دول اختفت و بقت أثر بعد عين , جيوش وقعت وانتهت , شعوب مابقتش لاقيه تاكل , ملاييين القتلى و الجرحى و المشردين , و لسه بتقول حريات و مفيش مؤامره ؟ لعنة الله عليك و عاللي جابك و عاللي جابتك و عالبطن اللي شالتك .
........................................................................................................
Mohamed Hussein
7 ابريل 2019 ·
أصدقائي الأهلاويه , عندنا ماتش بعد شويه و محدش ضامن ظروفه , طبعا احنا امبارح ما حفلناش ولا عملنا كوميكس ولا اتحركنا من مكاننا , و كنا طيبين و كيوت أوي شبه الأستاذه نرمين الفقي و الأستاذ كمال أبو ريه و المرحوم عبد الوارث عسر , أظن الرساله وصلت .
...........................................................................................................
Mohamed Hussein
8 ابريل 2019 ·
الحدوته من الجلده للجلده .
.
- مشاهد مكرره بشكل ممل في مسرحية هزليه اسمها الشرق أوسط الجديد اللي خطط له أهل الشر و اعوانه من عشرين تلاتين سنه .
.
- أمريكا و بريطانيا يا مولانا بيدينو تحرك الجيش الليبي ( قصدي قوات حفتر ) للعاصمه الليبيه طرابلس ( ولاد الحرام عايزين يحررو أراضيهم من سيطرة الإرهابيين و المرتزقه !! ) , و الخنزيره عامله مناحه , و خرفان الجماعه الارهابيه بيمارسو التزييف و المرقعه زي ماتعودو في اخر 10 سنين .
.
- ال bbc بتلطم و تجيب تراب تحطه على دماغها و بتحذر ( الثوار ) في الجزائر و ( المدنيين ) في ليبيا و ( الأحرار ) في السودان و الحطابون في الجبال و العجائز حول نار المدفئه من ظهور نموذج السيسي , الراجل ده اصله باختصار وقف في يونيو 2013 قال كلمتين لما الشعب نزل للشارع , قام بعدها داس على رقبة أقذر تنظيم ارهابي في تاريخ البشريه قام أوباما كان ناقص يطلع عالهوا يرفع شعار رابعه , قامت بريطانيا قطعت علاقتها , قامت تركيا لمت الإرهابيين الهربانين , قامت الخنزيره لطمت على وشها , عارف سيادتك لما تمسك عيل صايع في الشارع في الخصوص و تضربه قلم يقوم واحد في الجيزه يقول أي و واحده في نيروبي تشق هدومها و واحد في بيونج يانج يقول السيسي خلع لي كتفي , اهو ده اللي حصل , عنيف أوي السيسي ده يا اخي .
.
- ماحضرتش عبد الناصر ولا اوعى عالسادات و حياتك , بس مابقيتش أسأل ليه حملة التشويه الممنهجه لسيرة عبد الناصر الراجل اللي مات من 50 سنه ؟ ليه بيتصرف ملايين و مليارات و تقف دول كبيره على تشويه واحد مات من 50 سنه ؟ و بقيت على يقين ان نفس ال bbc لو كانت موجوده وقتها فهي بالتأكيد حذرت الدول العربيه من ظهور نموذج لعبد الناصر , اوعو يا مواطني الدوله الفلانيه يظهر عندكو عبد الناصر جديد و يحرركو من الاستعمار و من التبعيه و يبني لكو جيش وطني ويرفع راسكو لفوق
.
الحدوته يا مولانا هي الحدوته , لا زادت سطر ولا نقصت كلمه , دوله قويه يعني جيش قوي متماسك , مفيش جيش قوي متماسك يبقى مفيش اقتصاد ولا فيه استقرار سياسي ولا أمني , و تتحول الدوله لسلسلة مفاتيح يلفها عيل صايع بيحكم كشك عالخليج على صوابعه بشوية دولارات .
.
- حملات التشويه بتستخدم نفس المفردات و الأدوات , نفس التزييف , نفس المصطلحات , لوي الحقايق , لعب بالعقول , و طول ماعندك في الوطن العربي قناه حقيره زي الخنزيره و عندك تنظيم ارهابي بيشتغل بطريقة قطيع الخرفان و عندك شمامين كوله أدمنو الركوب من الخرفان يبقى التزييف و التشويه نتيجتهم مضمونه .
.
- معركتنا في الأساس مش ضد أهل الشر اللي بيحكمو كوكب الأرض , معركتنا الأهم ضد صبيانهم , ضد الخروف و الحمار اللي عايشين وسطينا , ضد الخروف اللي بيركب و الحمار اللي بيتركب , لعن الله الراكب و المركوب .
.....................................................................................................................
Mohamed Hussein
8 ابريل 2019·
فن خداع الشعوب
.
دي غلطه قاتله وقعت فيها قناة الخنزيره , أدامن الصفحه اللي عليها 13 مليون فولور ظهرو , و فيهم 3 من اسرائيل !! , اه من اسرائيل و الفيس بوك لو هما من فلسطين هيكتب فلسطين عادي , بالعربي او بالانجليزي , اه سيادتك الأدامن اللي بتدير الصفحه دي فيهم صهاينه عايشين في اسرائيل , القناه نفسها بتديرها منظومه صهيونيه كامله .
.
زمان قلت لحضراتكو ان مفيش حاجه اسمها تنظيم داعش , ده تنظيم وهمي و عبايه وهميه بتحط تحتها امريكا وبريطانيا و صبيانهم ( تركيا و قطر ) اي جماعه ارهابيه عايزه تستخدمها في أي مكان في الشرق الأوسط , و قلت ان بيانات تنظيم داعش و حتى فيديوهاتهم اللي بيظهر فيها شخص ملثم ممكن تكون بتتعمل في اوضه فوق قناة الخنزيره أو في مكتب في البنتاجون أو في شقه في لندن .
.
من شويه لقيت صفحه لشاب ليبي من نوعية النشطاء السياسيين بتوعنا , يعني الصيع و الخونه اللي بيقول عليهم الرئيس الفرنسي ( مدونين ) , حبيبنا الشاب الليبي قاعد يهبد على صفحته عن الوضع في طرابلس , قام ربنا فضحه بتعليق من صديق , قاله انا عايش في طرابلس وانت مقيم في سويسرا بتجيب الأخبار دي منين ؟ ( من سويسرا للنمسا يا قلبي لا تحزن ) , نشر صاحبنا صوره له مع واحد من قيادات المجالس الليبيه اللي بتصرف عليها قطر, دخل واحد قاله الصوره دي خلفيتها ضلمه , و تعمدتو كده عشان انتو الاتنين هربانين !! , المهم أشقائنا في ليبيا عملو الواجب مع صاحبنا الناشط الصايع , و استخدمو كل الكوميكس و على رأسها الكوميكس المصريه و أفشات أفلامنا , وقتها اتطمنت ان الشعب الليبي بخير.
.
ماهو بص يابني , سيبك من الأسلحه و الطيارات و الدبابات و الخطط العسكريه , فيه حاجه اهم , اسمها عقول الشعوب و وعيها , انك ماتنخدعش , ماتدقش عصافير على دراعك , تعرف تشوف الخروف و تميزه و الحمار و تميزه و تشاور عليهم , لو عرفت بس تميزهم و تشاور عليهم تبقى كسبت تلتين المعركه .
...............................................................................
Mohamed Hussein
9 ابريل 2019·
و لما الناس عرفو ان عيد ميلادك النهارده بعتو لك تورته و ورد ؟
- يابني التورته و الورد دول للعيال التوتو , إنما احنا بيجيلنا في عيد ميلادنا حلة محشي و قفصين جوافه
........................................................................................................
Mohamed Hussein
10 ابريل 2019 ·
الحاج دونالد ترامب و أولاده و الحاجه أم العيال يقولون نعم للتعديلات الدستوريه في مصر
.
- بس بس , أنا عرفت السبب , تلاقيه راح يصرف تموين الشهر قامو مضّوه على استمارة و قالو له تسلّمها في لجنة الاستفتاء بتاعتك اللي في مدرسة كفر واشنطن الثانويه بنين و إلا مش هنصرف لك الزيت و السكر بعد كده .
ناس مابتجيش إلا بالعين الحمره .
.
#عُضّ_قلبي_ولا_تعض_رغيفي_المدعّم
.........................................................................................................
Mohamed Hussein
10 ابريلل 2019 ·
شمام كوله 1 : السيسي راح أمريكا عشان يوافقو عالتعديلات الدستوريه في مصر
شمام كولة 2 : بس هما كده كده هيزورو نتيجة الاستفتاء , مكانش فيه داعي يروح
.
شمام كوله 1 : معاك حق , يبقى هو راح عشان يبيع سينا
شمام كوله 2 : طب مبعهاش ليه ؟
.
شمام كوله 1 : تلاقيه نسي ياخد موظف الشهر العقاري معاه
شمام كولة 2 : تمام , كده وضحت الصوره , ماتيجي بقى في الخرابه ؟
.
شمام كولة 1 : لازم دلوأتي ؟
شمام كوله 2 : اه عشان نحتفل , دي ساعة الحظ ماتتعوضش .
.
شمام كوله 1 : بس احنا كده هنغيب شويه عن تويتر
شمام كولة 2 : مفيش مشكله , نقول للوله حمو يكتب اننا مختفين قسريا
.
شمام كوله 1 : صح و لما نرجع من الخرابه نبقى أيقونات و هيومان رايتس واتش تكتب تقارير عننا .
شمام كوله 2 : و نتشهر و مش بعيد نطلع في قناة الجزيره و نقبض بالدولار و نحكى عن معاناتنا في سجون العسكر و انهم كانو بيحطو العصايا في مؤخرتنا
.
شمام كوله 1 : ياريت
شمام كوله 2 : ياريت ايه ؟
.
شمام كوله 1 : لا ولا حاجه, بس تفتكر لما نروح الجزيره هنلاقي هناك خرابه نتقابل فيها ؟
شمام كوله 2 : هي كلها خرابه يا حُبي .
...........................................................................................................
Mohamed Hussein
11 ابريل 2019 ·
مصر و السودان و تنحي البشير
.
- ايه علاقة السودان بمصر ؟ السودان دوله عربيه حدوديه بطول حدود ألف كيلو متر , يعني ايه ؟ يعني أمن قومي لمصر و ألف خط أحمر .
.
- طب ايه علاقة السودان بمصر كمان ؟ مجرى النيل , احنا دولة مصب بتسبقها دوله هي السودان و عشان كده كانت مشاركه باستمرار في المباحثات الثلاثيه بخصوص سد النهضه .
.
- طب الشعب السوداني مجال للتريأه و السخريه و النقد ؟ لا الشعوب دايما بره أي معادله , انتقد حاكم او حكومه , انما الشعوب لأ , خصوصا الشعب السوداني لأن تاريخنا واحد وبينا جذور و صهر و نسب .
.
- طب ايه علاقة عمر البشير بمصر مؤخراً ؟ الكلام ده مش تاريخ قديم هندور عليه في مراجع , الكلام ده من شهور و سنين قليله , عمل فيهم ايه عمر البشير و احنا عملنا ايه ؟ جبنا البشير كذا مره و حضر احتفالات اكتوبر و كان خطابنا دايما يابن الناس عيب , يابن الناس مايصحش , يابن الناس ما تضطرناش نخرج عن شعورنا .
.
- البشير نفسه عمل ايه ؟ مفيش يا مولانا , تجيبه عندك و تقوله عيب و يرجع السودان يلاقي موزه او ابنها او اي عيل صايع من الكشك جايب له شوية دولارات يقوم طالع مهلفط , حلايب و شلاتين , لا عندنا اهرامات , أو يلم له شوية ارهابيين صيع هربانين من مصر , يأويهم و يخزن لهم سلاح , يعني باختصار زي ما قلت و بقول دايما , البشير قزّم دوله عريقه و عظيمه اسمها السودان و حولها لمجرد سلسلة مفاتيح يلعب بيها الصايع بتاع الكشك الخليجي و يلفها على صوابعه ( كان وقتها أشقائنا في السودان بيزعلو مني ) .
.
- البشير عمل ايه في سد النهضه ؟ كان أثيوبي أكتر من الأثيوبيين نفسهم , و مصلحه السودان مع مين ؟ معانا , حتى في سد النهضه معانا , اومال كان بيعمل كده ليه ؟ عشان يرضي الصايع اللي بيرمي له الدولارات .
.
- البشير جاب تركيا و إداهم جزيره عنده تحت بند الإستثمار , ليه برضه ؟ عشان يرضي الصايع أبو دولارات .
.
طب البشير عمل ايه في الشعب السوداني بعد ماحكم 30 سنه ؟ فقر يلاحق فقر , تلاتين سنه إفقار و إذلال , انا مش بقول كلام اعتباطا , انا عارف بقول ايه , ده غير دوره في تقسيم السودان لشمال و جنوب .
.
- مصيبة البشير ايه ؟ إنه وثق في الجماعه الإرهابيه و مكنهم من كل مفاصل الدوله , و ده في اعتقادي هو كارثة السودان الأكبر , الإخوانجي لا تعاشره ولا تناسبه ولا تشاركه في حكم , لأنه زي الديب و لما تجيله فرصه هينهشك
.
- يعني البشير بالنسبالنا كان طرف سلبي ؟ أه , طب نفرح بقى بانه غار في داهيه ؟ لا مش كده , نفرح أكتر لما الجيش يسيطر عالوضع في السودان أمنيا و سياسيا عشان ماتبقاش حرب أهليه جديده ( و في الحاله دي هتطرطش علينا ) و عشان تفضل السودان أرض موحده مستقره ( أقصد شمال السودان و ربنا يخرب بيت اللي ضيع جنوبها ) .
.
- مصر عامله حسابها لمرحلة ما بعد البشير ؟ أكيد , يعني مأمنين حدودنا كويس ؟ أكيد برضه , والأجمل و قناعتي , إن الجيش المصري مانزلش السودان من اسبوعين عشان يعمل مخابز عيش !!.
.
- نعمل احنا ايه بقى دلوأتي كشعب ؟ نتمنى للشعب السوداني الشقيق السلامه و ندعم وحدة و استقرار السودان , مش مطلوب مننا أكتر من كده
.....................................................................................................
Mohamed Hussein
11 ابريل 2019 ·
يعني الساعه 6 نكون الأول و الساعه 8 نبقى التاني و الساعه 10 نبقى التالت !!
احنا لو نادي الزمالك بتاعنا ده زارعينه حشيش و بانجو وأفيون و قالبينه بالليل دعاره و خمره و نسوان ربنا مش هيعاقبنا بالشكل ده .
.................................................................................................................
Mohamed Hussein
12 ابريل 2019 ·
لكل الأهل و الأصدقاء و الأشقاء و الحبايب في ليبيا و الجزائر و السودان , نتمنى لكم الرخاء و التقدم و التطور و الرفاهيه و الفخفخينا و لأرضكم السلامه
.
أما حكاية تخوفكم من تكرار النموذج المصري و إنه يظهر عندكو السيسي و كده فعايز أقول كلمتين :
.
العراق بينعم بالديموقراطيه الأمريكاني من عشرين سنه و النتيجه انك بعد عشرين سنه مش هتعرف مين بيحكم العراق بالظبط ؟ أمريكا ولا إيران ولا تركيا , واللي عايز حاجه بيدخل بطيارته ياخدها او يعملها و الحكومه العراقيه تشجب و تستنكر ( وتتشحتف ), أردوغان بنى سد و حجب المايه عن شمال العراق , و عندنا مليون عراقي هاجرو لمصر من جراء الديموقراطيه و الفخفخينا الامريكاني ( اه و عهد الله ) .
.
ليبيا و سوريا نفس الشئ و المليون بقو خمسه سته مليون واحنا أصلا عددنا 100 مليون يعني مستوعبين نفسنا بالعافيه و الواحد بينام مبقاش لاقي حته يمد فيها رجليه , فلو سمحتو استحضرو التجربه الماليزيه و مهاتير محمد , او التجربه البرازيليه و لولا دا سيلفا أو استحضرو النموذج الياباني و السويسري و السويدي , اعملو أي حاجه و اتشألبو زي مانتو عايزين بس و النبي من فضلكم بعد نجاح تجربتكو الجباره اللي بتمشي عالحيط ماترموش عندنا كام مليون لأننا زي ما قلنا كده مابقيناش نلاقي حته نمد فيها رجلنا , و عمرنا ماسمينا اللي بيجي عندنا لاجئ , يعني لو حصل و رميتو كام مليون ( و هيحصل انا عارف ) هنشيلهم على راسنا و نطبطب و نقول معلش و نعتبرهم أصحاب بيت , إنما الناس لازم يكون في عنيها ( حصوة ملح ) .
.
أما بخصوص عبد الفتاح السيسي اللي عامل خرم في دماغ الجزيره و البي بي سي و السي ان ان أكبر من الثقب الأسود و اللي بالتأكيد خرم دماغ بعضكو , فأحب أقولكو حاجه هتطمنكو خالص , الوطن العربي ده من شرقه لغربه لشماله لجنوبه بيجيب واحد بس كل 100 سنه وبيقطع الخلف بعدها , بيجيب عيل يتولد راجل , مره جابه و سماه عبد الناصر و مره جابه و سماه عبد الفتاح , نتقابل بقى في القرن ال 22 , يدينا و يديكو طولة العمر .
.
مش عايز أفكركو تاني , كل الأمنيات بالرخاء و الفخفخينا و لأرضكو بالسلامه , ويارب نسمع عنكو كل خير .
..........................................................................................................................
Mohamed Hussein
12 ابريل 2019 ·
أصدقائنا في الجزائر و السودان , لو حابين يعني , لو لكو مزاج , اقعدو قدام الجزيره عشان هي بتحبكو أوي ( هي و تميم ابن موزه و أردوغان ) و اسمعو كلامهم عشان هما عايزين يعلموكو الديموقراطيه و تداول السلطه و كده , استلهمو بقى التجارب الناجحه في ليبيا و سوريا و اليمن أو حتى في العراق وقولو عالإرهابيين معارضه وطنيه و عالجيوش بتاعتكو ميلشيات , و حذاري من تكرار التجربه المصريه ,أنا نبهت عليكو أهو , و إلا هيحصل لكو زي اللي بيحصل لنا ده , أيوه زي مانتو شايفين كده
...............................................................................................................................
Mohamed Hussein
13 ابريل 2019 ·
مش عارف أجيبهالكو إزاي , بس عوض بن عوف وزير الدفاع السوداني تنحى عن قيادة الفتره الإنتقاليه للفريق أول عبد الفتاح البرهان , طب هاتو إيدكو كده , و شبكة العشره دول أنا لا أعرف ده ولا أعرف ده بس أول ماقريت إسم الرئيس الجديد (الفريق أول عبد الفتاح ) اتطمنت شويه عالسودان , يابني فخامة الإسم تكفي
.................................................................................................................
Mohamed Hussein
14 ابريل 2019 ·
و بس يا سيدي , الإتحاد الأوروبي مقلوب على حفتر و الأمم المتحده و بريطانيا و المغول و الهكسوس و المماليك و الخنزيره و البي بي سي و الخرفان و تصريحات و مؤتمرات و تهديدات و حبشتكانات , قام السيسي استضافه النهارده في قصر الرئاسه و قاله دوس وحرر بلدك من حكم الإرهابيين و الخونه و الصيع و عملاء تركيا و قطر بنت الوسخه, و لو في يوم لقيت الكلاب بتعوي إركن القافله على جنب و إنزل إديهم بالجزمه ولا يهمك .
..................................................................................................................
Mohamed Hussein
14 ابريل 2019 ·
هدف عالمي لابننا صلاح في تشيلسي , جماهير ليفربول قربت تعمل لصلاح مقام في مدخل المدينه و يطوفو حواليه , مقام سيدي محمد ابو صلاح
...................................................................................................................
Mohamed Hussein
15 ابريل 2019 ·
الشتا استجاب لنداءاتي و توسلاتي و رفض إنه يرحل مبكرا , بصراحة انا جيبتهاله بصنعة لطافه و بشوية مكر , قلت له هترحل مبكراً ليه ؟ هو انت أهلاوي ؟ قول بقى انك أهلاوي , ماهي كل البلد عارفه انك أهلاوي , قام اتحمق و قال طب عليا الطلاق مانا ماشي .
..........................................................................................................
Mohamed Hussein
15 ابريل 2019 ·
شوفت يا عم اللي حصل ؟
- خير يا حبيبي حصل ايه ؟
.
التعديلات الدستوريه
- مالها ؟
.
هتسمح للريس انه يقعد لسنة 2030
- لسنة 2030 ؟!! , لا انا أرفض التعديلات دي , أرفضها قطعيا .
.
ايوه كده بقى ,فرحتني , عشان عايز تداول للسلطه و تمكين للشباب
- لا طبعا , عشان عايزه يقعد ل 2047 لحد مايخلص أقساط مفاعل الضبعه النووي , ولا هو يلبسنا في المفاعل و يسيب بقية الأقساط و يخلع ؟
.
انت بتقول ايه يا عم ؟
- عموما يابني تاهت و لقيناها , احنا نوافق عالتعديلات دي مؤقتا , تصبيره يعني , و قبل 2030 بسنتين تلاته نعمل تعديلات دستوريه جديده تسمح لعبد الفتاح السيسي حكم مصر لحد مالزمالك يفوز بالدوري 40 مره و نبقى قد الأهلي , و انتو وقتها اعملو نفس اللي بتعملوه من 5 سنين
.
نعمل ايه يعني ؟
- اعملو هاشتاجات على تويتر و استفتاءات عالفيس بوك و اعملو تاتو فراشه على كتفكو, و هاتو غطيان حلل و صفاره و زماره و طبق بساره و بودرة عفريت و قرن خرتيت و رجل غراب يتيم و ديل سحليه راضعه صدر أمها ونضارة البرادعي على حته من سوالف عمرو حمزاوي , و استنو حزقات معتز مطر الناريه و تابعو عناوين الجزيره و هي بتقول لكو هروب عبد الفتاح السيسي من مطار ألماظه إلى جهة غير معلومه , أظن كده عدانا العيب و أزح .
.
دانت عايز تجيب لنا شلل رباعي بقى ؟
- أه و عهد الله , شلل رباعي و كُساح و أنكلسوما , و بإذن واحد احد السيسي هيطلع لكو في أحلامكو و ينزل لكو من الحنفيه.
.................................................................................................................
Mohamed Hussein
15 ابريل 2019 ·
حريق هائل في كاتدرائية نوتردام الأثريه العريقه , إنهيار برج الكاتدرائيه التاريخي و السقف بالكامل , ماكرون يلغي خطابه بسبب الحادث و باريس تحبس أنفاسها , رجال الإطفاء فشلو في السيطره على الحريق ( بخراطيم المايه ) و التحقيقات الأوليه بتقول إن الحريق سببه أعمال صيانه !! .
....................................
عشان تبقى بني أدم حلو و جميل كده في نفسك و متسق مع ذاتك و عارف إن المخ أهميته في التفكير مش في الساندوتشات , لازم التالي :
.
- تأسف لحريق كاتدرائية نوتردام لأنها تراث إنساني و أثري و معماري عريق و تتعاطف مع الشعب الفرنسي اللي غالبا بيدفع ضريبة التغريد برّه السرب بتاع أهل الشر ( مظاهرات للسترات الصفراء , انفجارات ارهابيه في باريس , حرق للكاتدرائية العريقه ) .
.
- و بما إن الكلام عن كاتدرائيه يبقى يا ترى المجتمع الدولي هيتعامل معاها بنفس الإهمال اللي تعامل بيه في حرق الكنايس في مصر أيام الفتره الهباب ولا احنا ولاد البطه السوده ؟
.
- و بما إن الكلام عن أثر تاريخي فيا ترى راحت فين أثار العراق و سوريا اللي عمرها ألاف السنين ؟ هل العالم مهتم بإيجادها و إعادتها و ترميمهما و لا مهتم أكتر بتحطيمها و نهبها ؟! .
.
- الهراييين و الزياطين بتوع فرنسا هيتقمّصو شخصية رجل الإطفاء النهارده و يسألو فين الطيارات و يشرحو لنا الطريقه المثلى لإطفاء الحرايق و هيوجهو أصابع الإتهام والإهمال للحكومه و لماكرون و يطالبو بإقالة وزير النقل و محافظ اسكندريه و يقضوها كوميكس و سخافات ولا هيعملو إيه بالظبط ؟ الإجابه مش هيعملو حاجه و هيتعاطفو مع بلدهم و كل قرد هيلزم شجرته و يحترم تخصصه و معلوماته و محدش هيهري ولا هيهبد , الهريجيه و الهبدجيه عندنا احنا بس .
.
- يا ترى الخنزيره و خرفان الجماعه الإرهابيه في تركيا هيقولو ان ده فشل فرنسي في حماية أثر عريق ( و بدل مايصرفو الفلوس على 400 نوع جبنه كانو أمّنو الأماكن الأثريه ) ؟ طب قالو السيسي هو السبب في الحريق بتاع نوتردام عشان يداري عالتعديلات الدستوريه ولا لسّه ؟! .
..........................................................................................
.
ليست هناك تعليقات:
إرسال تعليق