Mohamed
Hussein
6 سبتمبر 2018 ·
دروس مستفاده من
حكاية محمود نظمي اللي قتل أولاده في ميت سلسيل .
.
- المجرم اتحول
لمحكمة الجنايات بتهمة القتل العمد .
.
- النيابه و الشرطه
و الطب الشرعي في مصر مش فاضيين والله ولا هايفين عشان يقعدو أيام و ليالي يلفّقو في
ادله و فيديوهات لواحد في بلد في أخر الدنيا , لا هو كان بيزلزل أركان النظام ولا حد
يسمع عنه.
.
- الدوله اللي
سجنت اتنين رؤساء و طابور طويل من الوزرا و القضاه و رجال الأعمال المليارديرات مفهاش
حد فوق القانون ولا حد ممكن تداري عليه .
.
- كون إن القضيه
صعبه على النفس البشريه وعلى القلوب النضيفه انها تصدقها ف ده مايمنعش انها تمت , و
إجمالا اللي هيقعد من حضراتكو مع وكيل نيابه أو ظابط مباحث و يقوله إيه أغرب 10 جرايم
قتل شوفتهم في حياتك , هيحكيلك عن ألف جريمه مش هتلاقي لهم مبرر ولا منطق , بس جرايم
حصلت فعلا .
.
- أكتر حاجات بتخرج
الإنسان من عقله و تحوله لكائن أسوأ بكتير من الحيوان , هما المخدرات , حب المال بشكل
جشع , غسيل المخ حتى ولو بالدين , في ال 3 حالات بتتحول لمجرد عبد مطيع , عقلك مش موجود
, ممكن تعمل أي حاجه في أي حد , عشان كده المخابرات الأمريكيه و البريطانيه مابتكتفيش
مثلا بغسيل مخ البهاليل ( المجاهدين ) بالدين و الشهاده و حور العين قبل ما تستخدمهم
في حروبها و مخططاتها , لا بتحاول كمان تضيف بند المخدرات , بيعمل معاهم شغل كويس
.
.
- خرفان الجماعه
الإرهابيه حاولو يعملو من محمود بطل و أيقونه , حاولو يخلقو خالد سعيد جديد بس فشلو
لأن الشعب وعي , و شمامين الكوله اتركبو كعادتهم من 8 سنين ( شكلهم حبو الحكايه دي
أوي ) .
.
- في القانون
, قدام النيابه و قدام القضاء , بند بيقول الإعتراف سيد الأدله , يعني لو فيه جريمه
معينه واعترفت بتشيلها يا معلم , خصوصا لو عندك لوكشة أدلة و فيديوهات وتسجيلات بتقول
إنك الجاني .
.
- قمة الحماقه
اللي روج لها الخرفان ( الراكبين ) و الشمامين ( المركوبين ) , لما قالو انه اعترف
عشان يداري على ناس تانيين او عشان اتهدد , ياهبل يابن الاهبل , الاعتراف بالقتل عقوبته
الإعدام , و الإعدام يعني الموت , هو بعد ما تاخد نفسك لسكة الموت و حبل عشماوي ممكن
تكون اتهددت بايه ؟ هيرمو على وشك ماية نار مثلا فانت خوفت و قررت انك تروح تتعدم ؟!
.
..........................................................................................................
Mohamed
Hussein
5
سبتمبر 2018·
التعويذه السنويه
, يعني ال ( سابلاي بالإنجليزي ) , ماهو العلم لا يكيل بالبتنجان
.
- 6 كشاكيل cw سلك 80 ورقه مقاس A4
- 8 كشاكيل 60
ورقه , مش سلك و مش A4
- 12 كراسه 28
ورقه
- 3 كشاكيل 40
ورقه بيج سكويرز
- كشكولين 40 ورقه
سمول سكويرز
- 6 كراريس سكيتش
حجم سمول
- 4 كراريس سكيتش
حجم مش سمول
- لانش بوكس و
لانش باج ولانش قوات بحريه
- 5 جلو و 5 امواه
و كراستين قص و لزق
- عدة هندسه و
ماتنساش البروتراكتور
- إبرة كروشيه
و بكرة صوف ناعم يعني سوفت
- زراير و خيط
بنفس اللون و جلاد بكل الألوان اللي خلقها ربنا
- علبة ألوان خشب
12 قلم و زيها فلوماستر و برايات و أساتيك
- 2 كوبشه !! و
2 كبسون !! و فوطه و مريله وصابونتين
- 3 فرخ كانسون
و 3 جليتر و عريس يقدس الحياه الزوجيه
- أنتريه بحالة
جيده و تلاجه 16 قدم
- ديل سحليه يتيمه
و ودن غراب دكر و لسان قرد يكون راضع صدر امه
.
و بس يا سيدي
, تجيب الحاجات دي و تنام على جنبك اليمين طول الليل وانت متوضي و قبل ماتنام تقرا
أية الكرسي 17 مره , هتصحى تلاقي نفسك زي الفل .
.......................................................................................................
Mohamed
Hussein
5
سبتمبر 2018·
حريتك يا مولانا
و خصوصياتك و حقوقك .
.
حريتك يعني بيتك
و عربيتك و حتة الأرض بتاعتك و قميصك و بنطلونك و بوكسرك و طريقة حياتك و تسريحة شعرك
و صفحتك عالفيس و معاملتك لولادك و مراتك .
.
حريتك يعني تلبس
بنطلون جينز و قميص أو جلابيه , تلبس جزمه أو شبشب , تاكل مانجه و تلغوص و تنيل هدومك
أو تاكلها بالشوكه و السكينه , تسمي ابنك حماده أو تسميه جعيضي , تروح شغلك بعربيه
او ميكروباص , تملى صفحتك بتاعة الفيس تواشيح و ابتهالات أو تملاها صور سكس , تشجع
الاهلي او الزمالك , تصلي ال 5 فروض في الجامع او تصليهم في البيت أو ماتركعهاش , تصوم
او ماتصومشي , تبر والديك أو تقاطعهم , انت حر , حياتك و انت حر فيها , قربة المايه
اللي انت شايلها اخرمها أو ماتخرمهاش انت حر .
.
حريتك و خصوصياتك
دي بقى كبني أدم و ( مواطن ) لازم تقف انتباه قدام حرية و خصوصيات الأخر , و الأخر
هو جارك او زميلك او زميلتك أو أي ناس ماتعرفهاش او ممتلكات عامه أو خاصه .
.
حريتك مفهاش انك
تشوف واحد ماشي بياكل دره مشوي تروح تقوله بتاكل دره في الشارع ليه ( وانت مال امك
؟ ) , مفهاش انك تشوف بنت لابسه جيبه و بلوزه تقول لها مش بتلبسي بنطلون ليه ( و انت
مال الحاجه ؟ ), تشوف جارك بياكل سمك كل يوم تقوله مابتغيّرش ليه ( و انت مال الست
الوالده ؟) , تشوف ناس بتبني جامع او كنيسه او معبد بوذي أو محل عصير قصب أو مدرسه
أو حتى غرزة حشيش تروح تعتدي عليهم و تضربهم ليه ( و انت مال قدس أمك بقى ؟ ) .
.
طب ماهو أصل مَنْ
رأى منكم منكراً فليغيره بيده , على اعتبار يعني ان دور العباده منكر في عقل البقر
و قطعان المعيز , بس استنى يا خروف , انت اسمك مواطن و عندك ولي أمر يعني دوله و حكومه
و رئيس و مؤسسات و شرطه و نيابه و قضاء , يده دي مش مقصود بيها يدك و لا يد جناب اللي
خلفتك , يده مقصود بيها يد ولي الأمر , مستاء من واحد بيبني كنيسه أو ست لابسه بلوزه
او راجل بياكل دره في الشارع و المنظر ده جرح مشاعر أمك المرهفه , تروح تقدم بلاغ لولي
الأمر , يقوم ولي الأمر يقولك هو ضرّك في ايه ؟ اعتدى على حريتك و خصوصياتك في ايه
؟ ( يعني و انت مال أمك ؟ ) , و لو طولت في الكلام يعلّقوك , عشان ده اسمه مفهوم الدوله
يا مولانا الخروف .
.............................................................................................................
Mohamed
Hussein
4
سبتمبر 2018·
في حكاية أحداث
المنيا
.
- أعرف ناس كتير
, دكاتره و عهد الله , لما بتيجي سيرة المسيحيين ويفتح بؤه تحس إنك واقف قدام بقره
( مع كل و كامل احترامي للبقره ) .
.
- العقول اللي
اتشوهت في عشرات السنين , العقول اللي اتملت سباخ من بتاع الوهابيه , مش هتنضف في يوم
و ليله ولا في سنه و اتنين , مئات الكتب المضروبه و شرايط الكاسيت المنحطه و الخطب
الساذجه اللي كان بيخطبها صبي الفرارجي و صبي العجلاتي على المنبر , عشان تنضّف الليله
دي و تكنسها محتاج وقت و برنامج تعليمي ثقافي درامي كامل متكامل , يعني محتاج مكنسه
كهربائيه عملاقه و تصبر عليها كمان .
.
- جلسات العرفي
حاجه جميله أوي أخر فيصل , بتنفع والله , بتنفع مثلا لما واحد يكون خاطب واحده و قبل
الفرح بيومين اختلفو في نقطه جوهريه , هل طقم كاسات الجيلي على العريس ولا العروسه
؟ و كلمه من هنا و كلمه من هناك يقررو ان الجوازه لا يمكن تتم , في الحاله دي بيتدخل
ناس و يعملو قاعده عرفي و يجيبو ابو العريس و ابو العروسه و يحلو الموضوع و يقومو يحضنو
بعض , و بتنفع برضه لما عيلين يتخانقو و حماده يقول لكوكي انت نوتي و كوكي يرد على
حماده و يقوله انت اللي نوتي و ستين نوتي , تقوم مامة حماده و مامة كوكي يقعدو في أي
نادي و يعملو قاعده عرفي , يشربو كابتشينو و يصالحو حماده و كوكي على بعض .
.
أما إن شوية مخابيل
و صيع يروحو يعتدو على ناس و يحرقو و يكسّرو و يخربو و يضربو و يهجّرو , ف دي حضرتك
ماينفعش فيها نظرية القاعده العرفي بتاعة طقم كاسات الجيلي و حماده و كوكي , القاعده
الوحيده اللي تنفع هي قاعده على عمود نور , من فوق كده و بطريقة التلبيس , و على عيون
الأشهاد عشان الصيع الأولانيين يبقو عبره للصيع التانيين .
.
ده اللي اعرفه
في مفهوم القانون و مفهوم هيبة الدوله , ماينفعش نستنى لما ننضف العقول من السباخ
, لأ , نضف براحتك و خد وقتك , بس لما واحد سباخه ينقح عليه تعلقه على عمود نور
......................................................................................................
Mohamed
Hussein
3
سبتمبر 2018
رسميا , الفيفا
يعلن القائمة النهائيه لجايزة أفضل لاعب في العالم 2018 .
.
القائمه ضمت 3
لاعبين ( أفضل تلاته في العالم حاليا ) و هم :
- ابننا المدعو
محمد صلاح ....مصر ( ليفربول )
- المدعو كرستيانو
رونالدو ...البرتغال ( يوفنتوس )
- المدعو لوكا
مودريتش ...كرواتيا ( ريال مدريد )
.
ماهو لما يكون
واحد من أفضل 3 لاعبين في العالم ( في العالم مش في السنبلاوين ) , و مرشح إنه يكون
رقم 1 مش 2 و لا 3 , يبقى مدعو ده ولا مش مدعو يا متعلمين يا بتوع المدارس ؟! .
.......................................................................................................................
Mohamed
Hussein
3
سبتمبر 2018·
هوس اللايكات
, وجنون الشهره (حتى لو كانت شهره وهميه في عالم افتراضي)
.
أستاذه صحفيه بتشتغل
في جريدة حكوميه هبدت هبدة محترمه و إنها كانت بتشتري أكلة سمك ( من مصروف ابنها عشان
هي مش معاها فلوس تجيب سمك ) و جه واحد راكب فسبه و خطف منها كيس السمك وقال لها (
ده أكل عيالي ) , رجعت هي و حكت لرئيس تحريرها اللي بيقبض دشيليون جنيه فقال لها (
لازم نستحمل البلد شويه ) ستوب , كت , هايل يا فنانه , الهبده دي محترفه و فيها حبكة
دراميه و إبداع تستحق عليه جايزة نوفل في حكاوي القهاوي , طب ليه تهبد ؟ عشان نوعية
البوستات و التأليفات دي بتنتزع أهات الجماهير و بتجيب لها بتاع نص كيلو شهره وهميه
بالسلطات و الطحينه ( يارب ماييجي واحد تاني راكب فسبه و يسرق منها كيس الشهره الوهميه
و يقول لها ده حق عيالي ).
...................
اكتشفت بالصدفه
وجود صديقه في الأصدقاء , شميت ريحة صفحتها من على بعد , اسمع الحكايات يا سيدي واستمتع
, أول بوست كتبته الصبح بتقول فيه إن ابنها كان هيتخطف في النادي , بعد ساعتين بوست
بيتكلم عن معاملة الشرطه لما اتصلت بيهم ( طبعا انتو مش محتاجين تعرفو الشرطه عملت
فيها ايه , أكيد معاملة زي الزفت و الظابط ضربها بالطبنجه في التليفون و لولا ان الرصاصه
جت في الحلق كان زمانها في خبر كان ) .
.
على بالليل بوست
بيقول يا جماعه انا في المنطقه الفلانيه و بوك الفلوس بتاعي اتسرق و مش معايا فلوس
أروّح , لالا كده غلط يا استاذه , مفيش حبكه دراميه ولا اتساق في الشخصيه , ماينفعش
تبقي سيدة نوادي الصبح و أخر النهار شايله بوك فلوس و بتركبي ميكروباص , و النبي حاولو
تجتهدو في التأليف شويه .
.
الخلاصه
- عشان تسلط الضوء
على سلبيات و مشاكل لحلها لازم يكون كلامك منطقي و عقلاني من غير هري ولا تأليف في
ساعة عصاري .
.
- فكرة ان حد يكون
حريص على ان صفحته تكبر دي فكره جميله مفهاش أي مشكله , بس بطرق شرعيه , يكون فيها
مصداقيه و اتزان نفسي , يعني مش بطريقة التأليف و الفبركه .
.
.- اللي بيألفو
حكايات لتشويه الدوله أو لتشوية الصوره مش بالضروره يكونو تبع جهات اجنبيه ولا لجان
إلكترونيه ولا بطيخ , يكفي جدا انهم يكونو مرضى بهوس اللايكات , وقتها هيبقو بيخدمو
الجهات الأجنبيه ببلاش ( يعني خدمه مجانيه ) .
.
مش مطلوب اننا
نكون ملايكه بجناحات , كل المطلوب اننا بس نكون بني أدمين .
........................................................................................................
Mohamed
Hussein
2
سبتمبر 2018·
بمناسبة اليوم
العالمي للأبيض و أسود , قلت أنزل لكو صورتي بقى لما كنت لسه طائر رضيع , قصدي و انا
طفل صغير , ياااااه نفس الملامح هي هي , حتى عوجة الدماغ وقت التصوير ماتغيّرتش , و
كأن الصوره دي مفاتشي عليها 17 سنه كاملين , سبحانك يارب .
ماهي النفوس لما
بتبقى صافيه و القلوب مرتاحه و الواحد بينه و بين ربنا عمار بيلاقي السنين بتعدّي عليه
كأنها نسمه .
................................................................................................................
Mohamed
Hussein
2
سبتمبر 2018·
و بس يا سيدي
, خرفان الجماعه الإرهابيه اللي في تركيا بيتهمو السيسي انه أجرى صفقات قذره لتخريب
سد النهضه !! اه و عهد الله زي مابقول لكو كده .
و مش بعيد لو دخلنا
حرب مع الصهاينه يتهمونا بأبشع إتهام و يقولو اننا بنستخدم خطط و أساليب و أسلحه قذره
عشان ندافع عن أرضنا و عرضنا و العياذ بالله .
.........................................................................................................
Mohamed
Hussein
1
سبتمبر 2018·
كوميديا خليفة
الشواذ ........... إضحك مع رجب
.
من فتره حكيت لحضراتكو
عن المتسابقه التركيه اللي المذيع بيسألها في برنامج ( من سيربح المليون ), أين يقع
سور الصين العظيم ؟ في الصين ولا الهند ولا اليابان ؟ و احتارت و خدت رأي الجمهور و
الجمهور كان له نفس العقليه الألماظات فاضطرت ( البونيه ) انها تستعين بصديق !! , واضح
ان أردوغان صارف جامد على التعليم , و الأجمل بقى إن المتسابقة خريجة كلية اقتصاد
( ماهو اللي بيحصل في الليره التركيه ده مش من شويه ) .
.
أردوغان عنده مشهد
بيحب يكرره كل شهرين تلاته , بيستمتع أوي بيه , و الشعب التركي كمان بيستمتع , يقولك
ايه بقى يا سيدي , اللهم صل على سيدنا النبي , أردوغان ماشي بموكبه , لقى واحد هينتحر
على كوبري ( بالصدفه البحته ) يقوم يوقف الموكب و ينزل يقنعه إنه يعيش , و الواد يقتنع
و ياخده في حضنه و يحتويه , ستوب , كت , هايل يا فنان .
.
أردوغان ماشي بموكبه
و شاورت له بنت صغيره قام موقف الموكب و مطلّع عروسه لعبه من جيبه , و البنت فرحت أوي
, بالك البنت دي لو كانت طلبت أوضة نوم أو تلاجه 16 قدم ؟ كان طلّعها من جيبه التاني
.
.
أردوغان رايح حفله
عاملاها أنصاره و قال لهم , معلش يا جماعه أنا أسف للتأخير , اصل و انا جاي بموكبي
لقيت حادثه و وقفت الموكب و كان فيه طفل مصاب قمت استأذنت من باباه و مامته و خدته
وديته المستشفى و ده سبب تأخيري , أه على يدي , قال لهم بعد اذنكو أودي الولد المستشفى
, قالو له اتفضل , و شال الواد على كتفه و فضل يجري بيه , بلاد تشيله و بلاد تحطه
, أه بلاد تحطه , لحد ماوصل للمستشفى , الدكتور قاله معقوله جايب الواد بنفسك يا معالي
فخامة رئيس البلاد و رئيس الوزرا و مدرس الفرنساوي لحد مانلاقي مدرس الفرنساوي ؟ أردوغان
قال للدكتور , لو ماكنتش أنا اعمل كده مين هيعمل كده , قلبي الضعيف لا يحتمل .
.
و في مره بقى رئيس
الوزراء التركي حب يعمل نفس الحركه بتاعة اردوغان ( يوقف الموكب و ينقذ شاب هينتحر
أو يطلع من جيبه هديه لبنت رقيقه ) قام أردوغان لغى منصب رئيس الوزرا و ضمه لصلاحياته
, عارفين ليه ؟ عشان مايجيش حتة عيل كومبارس ابن امبارح يلعب المشهد المفضل بتاعه
, رجب طول عمره نجم السيما و إسمه لازم يتكتب بالبنط العريض عالأفيش , أفيش أحلى من
كده .
.
طب واحد يسألني
و يقولي , ايه علاقة المتسابقه التركيه بتاعة سور الصين العظيم بافتكاسات رجب و مشاهده
المسرحيه الهزليه ؟ ماهو يابني الشعب اللي بقى بالسذاجه دي لازم يحكمه رئيس هجّاص
, و الرئيس الهجاص ماينفعشي يحكم غير شعب ساذج , أو زي مالمثل عندنا في البلد بيقول
( كل شئ و اللي يشبه له , حتى الحمار و اللي أنيه ) , اه و عهد الله .
..................................................................................................................
Mohamed
Hussein
31
أغسطس 2018
لو سمحتي
- نعم
.
مش حضرتك برضه
ثورة 31 أغسطس ؟
- أه انا , واضح
اني اتشهرت أوي .
.
طبعا يافندم ,
و هل يخفى القمر ؟
- ميرسي خالص
.
.
بقولك ايه صحيح
- اتفضل قول حضرتك
.
مممممممم ماتيجي
أعزمك على كوفي في أون ذا رن , بدل مانتي واقفه على تويتر كده و محدش معبّر أهلك ؟
...........................................................................................................
ليست هناك تعليقات:
إرسال تعليق