Mohamed
Hussein
30
أغسطس 2018·
إنك تكون مرشح
من تلاته لجايزة أحسن لاعب في أوروبا ف ده انجاز تاريخي في حد ذاته .
.
صلاح في ظرف سنه
واحده فاز بجايزة أحسن لاعب في أفريقيا و أحسن لاعب في انجلترا و هداف الدوري الإنجليزي
, و اترشح ضمن تلاته لجايزة أحسن لاعب في أوروبا و مرشح كمان لجايزة أحسن لاعب في العالم
.
.
لسه عمره 26 سنه
و قدامه ست سنين كوره عالاقل , بإذن الله السنه الجايه ييجي يقف في نفس المكان و يفوز
بالمركز الأول , باقي عالحلم الكبير تكّه .
..............................................................................................................
Mohamed
Hussein
29
أغسطس 2018·
الجريمتين بتوع
أطفال ميت سلسيل و الشاب اللي اتقتل في الرحاب على إيد أبو خطيبته , فيهم حاجه مشتركه
مهمه أوي محدش خد باله منها , المستوى اللي وصل له البحث الجنائي و الطب الشرعي في
مصر , خصوصا في جرايم القتل , السرعه و الدقه .
.
في الجريمه الأولى
أخر حد ممكن يتشك فيه هو الأب , و في الجريمه التانيه و بعد مالمجرم اعترف و مثّل الجريمه
وضح جدا إنه ذكي و متزن و كان مخطط لكل حاجه , بما فيها حفره في مطبخ شقه مستأجره و
صندوق خشب , و كيس فحم كبير يرميه فوق الجثه عشان الريحه , و استدراج للضحيه .
.
و إجمالا المجرم
بيبقى عارف إن القتل معناه إعدام , و بالتالي مش هيعترف و يمثّل الجريمه إلا لو قدّمت
له خمسين دليل ملموس بيقولو بشكل صريح انت اتكشفت يا مولانا و إنكارك مش هيقدم ولا
هيأخر , لدرجة إن المجرم في الحاله التانيه ماعرفش يلعب على وتر الشرف ولا يقول إن
الضحيه حاول يعتدي على بنته .
.
الساده بقى خبراء
البحث الجنائي و الطب الشرعي بتوع الفيس بوك , الأستاذ اللي قاعد ورا هناك بيفتي و
هو بيشرب حجر المعسل و الأبله اللي فكّت لغز الجريمه و هي قاعده بترضّع ابنها الصغير
, عايز أقول لهم كلمتين , في كل جريمة من الإتنين دول فيه مالا يقل عن 100 شخص اشتركو
في التحقيقات , مابين شرطه و نيابه و بحث جنائي و طب شرعي , ناس محترفين مش بتوع بليله
, اشتغلو ساعات طويله متصله عشان في النهايه يوصلو للحقيقه و للجاني .
.
يعني باختصار
, عشان خاطر ربنا و عشان خاطر البلد دي و عشان خاطر عقلي الباطن بالراحه على نفسكو
شويه , مش هيجرى حاجه أبدا لو امتنعتو عن الهري و الهبد و اتعلمتو إنكو تدّو العيش
لخبازه , أه و عهد الله .
.................................................................................................................
Mohamed
Hussein
29
أغسطس 2018·
المنظومة الصهيونيه
.
3 خطوات مفيش غيرهم
, اختار الحدث بعناية شديده ( مش بالضروره تصنعه ) , اعمل focus
عليه , إعلى بسقف الشعارات بشكل تدريجي .
.
اختيار الحدث بعنايه
, زي ما حصل مع خالد سعيد , شاب مات في قسم الشرطه , الداخليه لها تجاوزات كتير , طب
كويس , نقول بقى انهم عذّبوه لحد مامات و جايز عذبوه فعلا لحد مامات , بس ده يبقى حدث
خاص بفردين تلاته بلطجيه و مجرمين ( حتى لو بيشتغلو في الداخليه ) , لأ ماحنا هنخليه
اسقاط على قطاع كامل اسمه جهاز الشرطه , يعني لو طبيب بيعمل عمليات اجهاض خارج القانون
هنعمل إسقاط على وزارة الصحه و نقابة الأطباء ؟ لو صيدلي بيتاجر في المخدرات هنعمل
اسقاط على نقابة الصيادله و قطاعهم ؟ لأ حضرتك , دول مش مهمين في هدم الدول , عشان
تهدم دوله خلي تركيزك في التشويه و التعميم على القضاء , الشرطه , الجيش .
.
نعمل focus بقى و نسلط الضوء و نكبّر الصوره و نعمل magnification بحيث إن السحليه الناس تشوفها تمساح , و الحادثه
الفرديه الناس تشوفها على إنها ظاهره و بتحصل بمعدل حاله في كل عمارتين في مصر , يا
عم انت بتتكلم عن 100 مليون و حادثتين تلاته قتل في اسبوع ؟ لأ لأ , التشويه مابيؤمنش
بالكلام ده
.
نرفع سقف الشعارات
و نصنع من بطل الحدث بتاعنا أيقونه , بس ده تاجر أثار و مدمن مخدرات , يا عم مش مهم
هو احنا هنتجوزه ؟ بس حضرتك فيه اعتراف رسمي و تسجيلات كاميرات و ليله طويله ؟ لا لا
ماحنا هنشكك في النيابه و في الطب الشرعي , ليه كده ؟ اه مانا نسيت أقولك إن تشوية
النيابه و الطب الشرعي دي برضه من اهدافنا زي الداخليه و الجيش و القضاء , بس كده حضرتك
عايز مايبقاش فيه دوله لما تشكك في المؤسسات دي و نوصل لمفهوم الغابه الجميل أو ل
( جُرْن الهبله ) , ماهو ده عز الطلب يابني .
.
يعني حضرتك هتقول
ايه في الحدوته دي ؟ هقول بيلبسو محمود التهمه عشان يدارو على ناس مهمين , مهمين ايه
يا حبيبي داحنا سجنا اتنين رؤساء و أوفة وزرا و رجال أعمال مليارديرات , مين ممكن يكون
أهم منهم , محدش في مصر أهم من اللي اتسجنو وله شعبيه جارفه و يتعمل له حساب غير عبد
الفتاح السيسي و محمد صلاح و عادل إمام و أم كلثوم الله يرحمها , تفتكر حد فيهم يكون
هو القاتل أو اللي حرض على قتل ولاد محمود ؟ انا شاكك في عادل إمام بصراحه .
.
حاجة أخيره عايز
أقولها , المنظومه الصهيونيه هي طريقة تفكير بتشمل الكيان الصهيوني نفسه , و الجماعه
الارهابيه اللي عندنا و النظام الحاكم في تركيا و قطر , و طريقة شغل الحكومات الأمريكيه
و البريطانيه بإعلامهم و مراكزهم اللامؤاخذه الحقوقيه , و بالمناسبه المنظومه الصهيونيه
مش بالضروره تعمل الخطوات اللي فوق عشان توصل لنتيجة نهائيه ملموسه , إنما بيكفيها
جدا قاعدة ( العيار اللي مابيصبشي بيدوش ) .
................................................................................................................
Mohamed
Hussein
28
أغسطس 2018·
هذا النظام فاشي
و قمعي ( و بياكل دراع العيال الصغيره ) .
هذه السلطه جائره
الناس اللي اتحبست
دي كويسه أوي و قامات وطنيه وانا عارفهم نفر نفر
معصوم و رائد والقزاز
و عربي كونته و سيد كيتو .
هذا النظام بيحبس
الناس الكويسين
الناس اللي بيتحبسو
وطنيين
هذه السلطه ضاره
بالشعب و بالدوله
واحنا الشعب معانا
ولازم يكون معانا
احنا محتاجين الشعب
يكون معانا بس هو أصلا معانا
هذا النظام بيجوع
الشعب
ولا يحقق العداله
الاجتماعيه
وبيحبس الناس الوطنيين
اللي بيقولو كلمة حق في وجة سطان جائر
النظام ده لازم
يرحل
والسلطه كمان لازم
ترحل
و مايحبسوش الناس
الوطنيين اللي انا عارفهم
النظام ده فاشل
والسلطه كمان فاشله
وانا عارف الناس
الوطنيين
هذا النظام أهلك
الحرث و النسل و أتى على الأخضر و اليابس
, والخضره في أيده
ناشفه
....................
....................
ممممممممم شوف
يابني , الكام جمله اللي فاتو دول ممكن ترتّبهم بأي ترتيب و تشألبهم في إزازتين بيره
و تلزق جنبهم أي تاريخ , أي يوم و أي شهر و أي سنه , تاريخ قديم أو جديد , من 10 سنين
أو بعد 20 سنه , سواء كان مصر بيحكمها عبد الفتاح السيسي أو عبد الحليم حافظ أو عبد
الحميد بسيوني , و تضربهم في الخلاط ضربا مبرحا , و بعد كده تصبهم في كوباية بلاستيك
هيطلعو في النهايه خطبة عصماء لحمدين صباحي أمام حشد و لفيف من أنصاره (اللي هما الشعب
), أيوه كام يعني ؟ عشرات الملايين يا أستاذ , يابني كام بالظبط ؟ 7 أنفار يا أستاذ
و عيل صغير .
.......................................................................................................................
Mohamed
Hussein
27
أغسطس 2018·
شوفت حضرتك اللي
حصل ؟
- خير يا حبيبي
؟ حصل ايه ؟
.
الزما...
- أه أه انت تقصد
الفيديو بتاع صلاح , طلع فعلا و وضح حقايق مهمه , معاه حق ربنا يوفقه و ياخد شوية الزلنطحيه
بتوع اتحاد الكوره , قادر يا كريم .
.
يا أستاذ انا عايز
أقولك الزماااا
- أه فهمتك , انت
أكيد تقصد الطياره كوثر الإيرانيه اللي وقعت في أول طلعه لها و الطيار مات , هما دول
هيفلحو في حاجه أبدا , بالك انت , لو عملو تعديل على سفينه حربيه هتغرق في الترعه من
أول يوم زي نورماندي تو .
.
يافندم أنا بكلمك
على موضوع الزماااال....
- بس بس , خدت
بالي , انت عايز تقولي على موضوع إطلاق النار اللي في أمريكا و الضحايا و الناس اللي
ماشيه بمسدسات في الشارع , ماهما مش هيشوفو خير أبدا , دانا بدعي عليهم كل فجريه .
.
يا محترم أنا قصدي
أكلمك عن فريق الزمااا...
- ماهو شوف يابني
, من الأخر كده , انا ممكن أجيب لك أحداث من أيام سعد زغلول و حادثة دنشواي و أحكي
لك عن أسباب إنهيار الإتحاد السوفيتي و العوامل التي أدت إلى ثقب الأوزون , و هفضل
ألغوش عليك عشان ماتقولشي الزمالك و تكلمني عن فضيحتنا بتاعة النهارده .
..................................................................................................................
Mohamed
Hussein
27
أغسطس 2018·
النداء التاني
.
لإبننا الغالي
محمد صلاح , أعظم لاعب مصري و عربي و أفريقي بلا منازع , و قريب جدا بإذن الله تفوز
بجايزة أحسن لاعب في أوروبا و على اخر السنه نشوفك بترفع راسك و راسنا في جايزة أحسن
لاعب في العالم .
.
بص يا محمد , كلمتين
أبرك من عشره , أتمنى يوصلو لك و تقراهم , بخصوص أزمتك الأخيره مع اتحاد الكوره :
- إتحاد الكوره
بتاعنا فاشل و مليان زلنطحيه و أرزقجيه ؟ ده صحيح
- مش بنفهم أوي
في لغة الإحتراف أو يمكن ماجربناش قبل كده انه يكون عندنا لاعب بحجمك و نجوميتك ؟ ده
صحيح .
- لك حق تطلب طلبات
احترافيه معينه , زي انك تلعب وقت قد ايه في معسكرات المنتخب و تحتاج حراسه من باب
المطار لباب المطار , و مفيش تصوير ولا دعايه إلا بعلم وكيل اعمالك لأنك متعاقد مع
شركات رعاية معينه و ماينفعش نتسبب لك في مشكله ؟ ده صحيح و حقك تماما .
.
و لكن , لإحقاق
الحق و من باب الخوف عليك
- تفاصيل الأزمه
كلها قريتها , و اتحاد الكوره اتأخر في الرد النهائي عشان أجازة العيد , هيجتمع النهارده
و يرد عليك بعد الخطاب الرسمي اللي وصلهم , مش غريبه شوية ان وكيل اعمالك يبعت الخطاب
الرسمي أو الإيميل الرسمي في أيام أجازة العيد و يقولك دول مابيردوش علينا ؟ .
.
- هو ينفع وكيل
اعمالك يبعت في طلباتك بند بيقول ( إما إنكو كاتحاد كوره تقبلو بالطلبات دي أو تستقيلو
؟ ) سمعت عن لاعب أو وكيل اعماله هددو اتحاد الكوره في بلدهم ؟
.
طب هقولك تاني
, و عزة جلال الله انا لا يهمني اتحاد الكوره ولا بحب ولا بحترم أي حد فيهم , و يوم
مايستقيل بكره الصبح هبقى أسعد واحد في مصر , إنما أنا خوفي عليك انت , يمكن عندي علامة
أو مؤشر بسيط مش قد المقام يعني , من سنه لما كنت بكتب بوست عنك كان التفاعل يساوي
x , دلوأتي التفاعل على البوستات اللي تخصك قل
لأكتر من النص مع انه زاد مع البوستات التانيه , تفتكر ده له تفسير ؟ حالة فتور من
الناس ؟ بداية زهق ؟ بينفضّو شويه شويه من حولك ؟
.
عشان كده هقولك
نصيحه من أخ أكبر ماتعرفوش و لا تسمع عنه , نجوميتك و احترافك في أكبر أندية العالم
ده شئ عظيم , تفوز بكل الجوايز اللي خلقها ربنا ( يارب تفوز بيها دايما و تحتكرها
) , سعرك يوصل لمليار يورو ( يارب و ربنا يزيد و يبارك ) , إنما ثروتك الاهم و الأعظم
هي محبة المصريين لك , الناس البسيطه اللي بتحبك من غير هدف ولا غرض .
.
نصيحتي باختصار
, ركز في الملعب , ركز أوي في حلمك و حلمنا , ركز في مستقبلك , إحذر من النداهه اللي
اسمها تويتر و مواقع التواصل , و احذر جدا من وكيل أعمالك .
.
اللهم قد بلغت
, اللهم فاشهد .
...............................................................................................................
Mohamed
Hussein
26
أغسطس 2018·
على فكره حضرتك
- نعم يا حبيبي
.
الراجل بتاع ميت
سلسيل
- ماله ؟
.
مش هو اللي قتل
ولاده و رماهم في المايه
- بجد ؟
.
أيوه زي مابقولك
كده
- بس الراجل اعترف
و مثّل الجريمه كمان و كاميرات المراقبه جابته والشهود و الدنيا , يعني مكانشي فيه
فايده من الإنكار .
.
لا لا ده مش حقيقي
.
- أومال ؟
.
بص حضرتك
- بصيت أهو .
.
الموضوع ده كبير
أوي أوي أوي , و داخل فيه مسئولين كبار و تجار أثار و تجار مخدرات و تجار سلاح .
- ممممممم و تجار
العبور ؟
.
أه و تجار العبور
- عملو ايه بقى
المسئولين الكبار و التجار الكبار أوي جدا خالص ؟
.
هما اللي ورا الحكايه
دي و ضغطو عالراجل عشان يقول انا اللي قتلتهم و مش بعيد يكونو هددوه .
- اه تلاقيهم هددوه
انهم هيرمو على وشة ماية نار .
.
صح كده .
- تصدق فكره عبقريه
جدا .
.
أيوه مانا بقولك
أهو
- عارف , هحكي
لك حكايه عجيبه .
.
اتفضل حضرتك انا
سامعك .
- انا مره كنت
سايق العربيه و رخصة السواقه بتاعتي منتهيه , و لمحت كمين شرطه من بعيد .
.
ها و بعدين ؟
- قعدت أفكر بسرعه
و قمت راكن العربيه على جنب , فتحت التابلوه و لقيت روزمة ورق و قلم , قعدت أكتب مبايعات
, مبايعه بالعربيه و مبايعه بالشقه و مبايعه بقيراطين الأرض اللي حيلتي , وسيبت اسم
المشتري فاضي , و مشيت لحد الكمين , أمين الشرطه لسه هيقولي رخصك !! قلت له استنى
, اتفضل أدي عقد بيع للعربيه و عقد بيع للشقه و للأرض , اكتب اسمك في خانة المشتري
.
.
يا سلام !! تبيع
له الشقه و العربيه و الأرض ببلاش ؟
- أومال يابني
أسيبه يديني مخالفه ب 200 جنيه عشان رخصتي منتهيه ؟ و مش بعيد يهددني إنه هيسحب مني
رخصة العربيه , لا دانا مكار أوي و أعجبك .
.
بس القصه دي محدش
يصدقها أبدا .
- و حياة أمك
!! يعني مش مصدق القصه اللي انا ألفتها دلوأتي و مصدق إن راجل يعترف بقتل أطفاله و
يتعدم و حبل المشنقه يتلف حوالين رقبته و سيرته و سيرة أهله كلهم تمرمط في الطين بعد
مايموت عشان خاطر يداري على ناس مهمين أو ناس ضغطو عليه ؟ يا خروف يابن الخروف ؟!
...............................................................................................................
Mohamed
Hussein
26
أغسطس 2018·
رجل بحجم المسئوليه
.
لما تكون بتدير
دوله بحجم وعظمة مصر , و عندك ملفات متراكمه قد كده , و الملف الواحد متشعب و واصل
لخمستاشر ملف تانيين ( ماهي كلها مفوته على بعض ) , و عندك سخافات من نص دول العالم
تقريبا , بيشاركو في محاولة الإيقاع بدولتك بشكل أو بأخر , بقصد أو بجهل , بإرادتهم
أو مضغوط عليهم .
.
تعمل انت ايه بقى
وقتها ؟ نسيت أقولك كمان إن عندك كام مليون من شعبك قاعدين لك عالواحده , كل ماتعمل
خير هيصوروه على انه شر , كل ما تاخد خطوه لقدام هينتقدوها و يطلعو فيها القطط الفطسانه
, طب قولي تتصرف ازاي ؟!
.
هيئتك : مبتسم
طول الوقت , هادي , بتشكر في الكل كليله , حتى الناس و الدول و الهيئات اللي انت مش
طايق سحنتها .
.
تفكيرك : عايز
توصل لطرف الخيط , و تفك المكعبات المتشابكه , و تعيد ترتيبها بشكل صحيح , مش بتلتفت
لكلام الخرفان و الشمامين , ماشي في سكتك .
.
خطتك : هتجيب الخبراء
و المختصين و تقعد تفكر في كل حاجه و كل الاحتمالات , و تعمل حساب الصغيره قبل الكبيره
و بناء عليه تتصرف .
.
ناخد مثال أو ملف
مهم جدا من الملفات الهباب و ازاي اتعاملنا معاه ( ملف سد النهضه الأثيوبي )
- ليل و نهار هتشيد
بالعلاقات الثنائيه التاريخيه بين الدولتين و الشعبين .
- هتطمن الشعب
بتاعك انك مش هتسمح له بأي ضرر مائي
- هتعيد تسليح
جيشك و تجيب طائرات حربيه مداها بعيد أوي .
- هتفك مكعبات
متشابكه جنب منك و تعمل تحييد و عزل للمكعب ( القذر )
- هتعيد هيكلة
اقتصادك عشان تبقى واقف على أرض صلبه .
- هتعمل قناطر
زي قناطر أسيوط و تبدأ في مشاريع تحلية مياه البحر
- هتقلل استهلاكك
للمايه و تقنن زراعة الرز ( لأنه بيستهلك كمية مايه رهيبه )
- هتحل مشكلة الكهربا
بعيد تماما عن السد العالي , تعمل محطات عملاقه زي سيمنز , تعمل محطات توليد طاقه بالرياح
, تعمل مفاعل نووي لتوليد الطاقه ,و انت أصلا حليت مشكلة الكهربا نهائيا من قبل ماتدق
مسمار في المفاعل النووي .
- تعمل مفاوضات
في سد النهضه و تجيب الناس و تروح لهم عشان تكسب وقت و عشان شكلك قدام المجتمع الدولي
يقول إنك عملت اللي عليك ( يعني مفيش عداوه مسبقه ) و تبقى ستفت أوراقك بشكل يتناسب
مع قواعد اللعبه العالميه
- كده انت عملت
حسابك على كل الاحتمالات و كل المشاكل المتوقعه و حليتها مسبقا عشان مايبقاش فيه حد
أو حدث بيلوي دراعك و دراع بلدك.
.
طب الكلام ده معناه
ان سد النهضه هيكمل و يخزن مايته و حصتنا هتقل و النيل هينشف ؟ لأ خالص , ده من تاسع
المستحيلات .
.
أومال عملنا كل
اللي فات ده ليه ؟ عشان مستقبل الأوطان مابيتسابشي للصدفة
.
باختصار يا مولانا
, مصر 2018 , الكوره بقت في ملعبك انت و بقيت واقف على أرض صلبه و لياقتك البدنيه في
أعلى فورمه , تباصي بقى أو تجيب جون أو تقعد عند دايرة السنتر تشرب سيجاره بمزاج ,
انت حر , براحتك خالص .
.
شكرا عبد الفتاح
السيسي .
...................................................................................................................
Mohamed
Hussein
25
أغسطس 2018·
رئيس وزراء أثيوبيا
: سد النهضه مُهدَّد بعدم الإكتمال بسبب مشاكل فنيه و سوء إدارة للمشروع !! .
.
يا راجل سد ايه
ده اللي ممكن مايكملش ؟ السد اكتمل من سنتين و خزن المايه جواه و نهر النيل نشف و الأرض
الزراعيه بارت و التماسيح و الديناصورات ظهرو في شوارع مدينة نصر , هتفهم احسن من الخرفان
و شمامين الكوله بتوعنا ؟ و بعدين تعرف ايه انت عن سد النهضه ؟ دانت حياله رئيس وزراء
أثيوبيا .
.............................................................................................................
Mohamed
Hussein
25
أغسطس 2018·
النهارده الأجهزه
الأمنيه و رجالتنا البواسل أحبطو هجوم انتحاري إرهابي على كمين من كماين العريش و قتلو
مجموعة من الإرهابيين .
.
طيب مفيش مشكله
خالص , تاهت و لقيناها , عشان مايبقاش حد نفسه في حاجه
.
إحنا نجيب الأبله
الشرشر اللي عملت فيديو بتقول فيه إن مفيش إرهاب في سينا و إزاي الإرهابيين لابسين
شباشب ( مش كوتشيات أديداس ) , و نجيب الأستاذ برادعي بتاع الحوار و الحب و الحضن
, و نجيب الأستاذ مزنوق مخنوق بتاع المبادره اللذيذه أخر فيصل .
.
ناخد التلاته بقى
و نوقفهم خدمه في كماين شمال سينا , لمدة 6 شهور بس , و اهو منها إن الأبله الشرشر
تتواصل مع الإرهابيين وجها لوجه و تتناقش معاهم في حكاية ( الشبشب ) و تشوفهم معاهم
سلاح ولا لأ , و تميل عليهم شويه بصدرها الحنين أثناء الحوار الودي الفريندلي ( قلبي
الضعيف لا يحتمل ) .
.
و منها البرادعي
يحضن الإرهابيين و يبوسهم من بؤهم و مش بعيد يلاقي طائر رضيع هناك فيعتني بيه و هو
واقف في الخدمه .
.
و منها إن مزنوق
مخنوق يعمل مبادرته بشكل اكتر جمالا و تفصيلا , من أرض الواقع , لأن التفاصيل و الديتيلز
الصغيره دي بتفرق يا اخوانا .
.
و بعد 6 شهور نروح
نجيبهم بقى , و الله رجعو و واقفين على رجليهم ؟ يبقى نعمل مؤتمر صحفي و نسأل أم صدر
حنين و أبو مبارده و أبو كف رقيق و صغير عن رأيهم في الإرهاب و نسمعهم بودانا .
.
مارجعوش ؟ يبقى
خير و بركه , 3 كلاب و ماتو ( مع كل و كامل احترامنا للكلاب ) .
................................................................................................................
Mohamed
Hussein
24
أغسطس 2018·
نقول تاني عشان
كوكب الأرض أحيانا كده بحس إنه اتملى بهايم و مفيش رصيف للبني أدمين يمشو عليه .
.
بص يا حبيبي
- ماضيك بيقول
, إنك حافظ كتاب الله أو حجيت 400 مره أو حاربت و دافعت عن وطنك في حربين تلاته قول
سته , كويس ؟
- و حاضرك بيقول
إنك أستاذ جامعي أو دكتور كبير أو عالم ذره أو سباك أو مقاول أنفار .
حلو الكلام اللي
فوق ده ؟ أهو الكلام ده ملوش أي تلاتين لازمه قدام أي قاضي أو وكيل نيابه بيوجه لك
اتهام معين , لا في مصر و لا في أي دوله في العالم , الكلام ده يساوي صفر قدام كتاب
القانون .
.
طب نبسطها أكتر
- اسمك مدحت ,
اسم جميل و هادي و كيوت , و حفظت القرأن الكريم و عمرك 3 سنين , و طلعت الأول عالثانويه
العامه , و بعدها كنت بتحج مرتين كل سنه و بعدين خدمت في الجيش المصري و حاربت و اتحاربت
, و لما جت 25 يناير نمت في ميدان التحرير 18 يوم , لأ نمت في الميدان 18 سنه , حلو
كده ؟ و بعد الماضي العظيم المشرف ده سرقت كوز دره , هيقوم القاضي يحاكمك على سرقتك
لكوز الدره فقط لا غير .
.
طب و ماضيك المشرف
جدا ؟ ده يبقى ذكرى حلوه لولادك , طب ماينفعش نشتغل بطريقة ( إن الحسنات يذهبن السيئات
) ؟ لأ , دي عند ربنا سبحانه و تعالى بس , يعملك ميزان حسنات و ميزان سيئات ( و يعفو
عن كثير ) , إنما قاضي الأرض , البشر , البني أدم بتاع القانون , بيحاكمك على تهمة
محدده لا يشفع لك فيها أي ماضي مهما كان عظيم و مشرف .
.
طب نبسطها جدا
للغايه , هو فيه حد ممكن يكون أعظم من ستنا فاطمه ؟ فيه حد تعرفه تاريخه و تقواه أعظم
؟ لأ ؟ جميل , سيدنا النبي بيقول ايه بقى ؟ بيقول , لو أن فاطمه بنت محمد سرقت لقطع
محمد يدها , طب وماضي فاطمه و ماضي أبوها اللي مفيش بعده شرف ولا عزه ؟ مايشفعش لفاطمه
لو سرقت ؟ لأ
.
أتمنى تكون وضحت
الفكره , و أتمنى ييجي اليوم اللي نلاقي فيه البهايم مربوطين في الزرايب و البني أدمين
هما اللي ماشيين عالرصيف .
...............................................................................................................
Mohamed
Hussein
24
أغسطس 2018·
اقرأ كتابك !!
.
.
مش محتاجه فزلكه
والله , امبارح بالليل و النهارده دخلت صفحتين عالفيس بوك و قلت أشوف الهري على ايه
.
.
صفحة يحيى القزاز
, اللي حضراتكو اكيد ماتعرفهوش , ولا انا والله أعرفه , ولا حد يعرفه , و خالته ذات
نفسها بتتلخبط في اسمه , و صفحته أصغر من شقق إسكان الشباب بتاعة مبارك , يعني مش جبار
ولا بيمشي عالحيط ولا حاجه .
.
طب كاتب ايه يحيى
القزاز أخر كام يوم و كام شهر ؟ هما نفس البؤين يا مولانا , بيكررهم كأنه شريط كاسيت
و سافف , السيسي خاين , السيسي عميل , لن نفرط في سيناء , المقاومه هي الحل , مع بوست
قديم اضطر يحذفه كان بيقول فيه هروب السيسي إلى أثيوبيا و منها الى اسرائيل تمهيدا
لاقامته في أمريكا ( البوست ده كان من شهور ) .
.
طيب أنا لو وكيل
نيابه و ماعنديش اتهامات تانيه للقزاز , يعني مفيش مصايب و بلاوي مانعرفهاش , بالمنطق
البسيط هسأله كام سؤال , السيسي خاين ازاي ؟ عندك دليل ؟ السيسي عميل لمين ؟ عندك دليل
؟ مين اللي لن يفرط في سيناء و مين اللي فرط فيها ؟ مقاومة ايه اللي هي الحل ؟ هل تقصد
المقاومه السلميه الكيوت ولا تقصد ايه بالظبط ؟ .
.
أظن أسئله منطقيه
جدا , لو واحد اتهمني أنا كمواطن بالاتهامات اللي فوق دي من حقي أرفع عليه قضيه و النيابه
تحقق معاه و يثبت بقى اتهاماته أو يتسجن , على فكره دي اسمها دولة القانون , مش دولة
الهوباهيصا .
...............
الصفحه التانيه
للأستاذ المناضل خالد علي أبو إصبع , اللي حسيت من بوستاته إنه كل واحد بيتقبض عليه
أول حاجه بيعملها انه بيكلم خالد علي , تقريبا كلهم ظابطين موبايلاتهم على نمرة خالد
علي , و عندي للأستاذ المحامي الجهبذ كام سؤال صغيرين خالص :
.
انت كتبت اول بوست
تم اقتيادهم إلى جهه غير معلومه ؟ ده شغل محامين ولا شغل مرقعه ؟ أصلك بعدها بساعتين
كتبت انك مع فلان و علان و ترتان في نيابة كذا ؟ يعني نيابة كذا دي جهه غير معلومه
بس انت الوحيد اللي عارف مكانها ؟ و هما مختفين قسريا و انت مثلا مختفي معاهم ؟ ولا
انت مجرد هجاص ابن وسخه ؟.
.
ليه بتكتب في كل
بوست أسماء المحامين اللي معاك ؟ هو انت رايح تدافع عن ناس شايف انهم مظلومين ولا رايح
تصيّط زمايلك على طريقة كوهين ينعي ولده و يصلّح ولاعات ؟! .
.
السؤال الأخير
لمولانا خالد علي , نيابه و تهم انت ذكرتها بالاسم , و طابور محامين , دي اسمها محاكمة
مدنيه ولا عسكريه ؟ التهم دي موجوده في كتاب القانون ولا كتاب أبله نظيره ؟ مسموح للمحامين
و للمتهم بالدفاع و الرد ولا حاطين بلاستر على بؤكو ؟ الدوله اللي بتعمل كده اسمها
دولة قانون ولا دولة فاشيه ؟ , ياريت والنبي تبقى تكتب الإجابه على صفحتك عشان متابعينك
ينهلو من علمك الغزير .
.......................................................................................................
ليست هناك تعليقات:
إرسال تعليق