Mohamed
Hussein
23
أغسطس 2018·
الشيطان بيكمن
أحيانا في الإختصار , و أحيانا في اللعب بالمصطلحات , و أحيانا في اللعب على قاعدة
إن ( الناس بتنسى بسرعه ) .
.
مفيش حاجه اسمها
التصالح مع جماعه ارهابيه دوليه , لا بتصريح تليفزيوني ولا بمقال في جريده ولا ببوست
على صفحة فيس ( لما تكون حقيقيه و متوثقه ) .
.
لو كنت رئيس مصر
كنت حاكمت أي شخص ( أيا ما يكون اسمه أو تاريخه أو صفته ) بيدعو للمصالحه مع جماعه
ارهابيه , حاكمته بتهمة الخيانه , محاكمة عسكريه مش مدنيه , يكون الحكم الصادر فيها
إعدام رميا بالرصاص .
.
ليه كده بس ؟ انت
مش قلبك رقيق زي قلب الخسايه و كيوت و بتحترم حقوق الإنسان و العصافير الكناريا ؟ لا
والله يا مولانا أنا أصلا مابستحملش أشوف فرخه و هي بتتدبح ولا بستحمل أشوف منظر سكينه
في إيد حد حتى لو هيقطع بيها بطاطس .
.
بس الحكايه أولها
و أخرها في إن البني أدم يكون عنده إتساق مع النفس , اتساق يابني أدمين , يعني عقل
متزن , مش عقل بيقبل الحاجه و عكسها .
.
ماينفعش أقعد سنين
أحارب إرهاب بتدعمه الجماعه الإرهابيه بكل الأشكال المباشره و الغير مباشره , و يموت
من عندي ألاف الشهداء من جيش و شرطه , شباب زي الورد عندهم أطفال و زوجات و أمهات
( مش مخلوقات بلاستيك ) , يستشهدو عشان يحمو أرضنا و عرضنا , و بعدين اللي بيقتلوهم
و اللي بيشاركو في قتلهم نتصالح معاهم بقى , ياخي أحا , أه و عهد الله .
.
اتساق يا بني أدمين
يعني إما إننا معندناش أرهاب ولا حاجه و جنودنا اللي ماتو دول ماتو في حادثه موتوسكل
و ماس كهربائي , و ماصرفناش مليارات على حرب ضد الإرهاب , و بالتالي نلم جنودنا و ظباطنا
و نقول لهم محدش يروح سينا , محدش يروح على حدودنا الغربيه , و تروحو ليه إذا كان مفيش
إرهاب ولا تهديد للأمن القومي ؟ و ساعتها نتصالح مع الجماعه( اللي مش إرهابيه ) و نعمل
قاعده حلوه كده و نقوم ناخد بعض حضن مطارات و نبوسهم من بؤهم .
.
أو إننا عندنا
إرهاب ( أسقط دول حوالينا و حرقها و خربها ) و بنحاربه من سنين طويله و قدمنا تضحيات
ماتقلش عن تضحياتنا في حرب نظاميه حديثه , و بالتالي مفيش حاجه اسمها مصالحه مع الإرهابي
القاتل , و اللي يقول مصالحه يتعلق على عمود نور ( حتى لو كان بنتي أو أخويا ) .
.
على فكره , من
حقك كمواطن تقول السيسي ده مش عاجبني و فاشل و تدعو لمظاهرات و تقول هنعمل ثوره كل
يوم تلات ساعة العصاري , ده حقك و حريتك الشخصيه , إنما تقول مصالحه مع اللي قتلو ولادنا
و بقالهم سنين بيحاولو يحرقو بلدنا تبقى خاين و ابن وسخه , لا أكتر ولا أقل .
..............................................................................................................
Mohamed
Hussein
23
أغسطس 2018·
صباح الخير
.
إيران طوّرت طائرة
مقاتله و أعلنت عنها و عن إمكانياتها , و قالت ان فيها كذا و كذا و بتطير في الجو و
تعوم في البحر و تمشي عالحيط كمان , المقاتله الإيرانيه أطلقو عليها إسم ( كوثر )
.
.
قامت أمريكا ردت
على إيران و قالت لهم الطياره اللي بالمواصفات دي احنا صنعناها من 60 سنه ( يعني من
أيام فحت البحر ) وانتو اشتريتوها مننا و العيال الشبيحه عندنا دلوأتي بيستخدموها ك
مزيل عرق أو بيربّو فيها فراخ .
.
رأيي الشخصي إن
الغلطه في الأساس غلطة إيران , فيه حاجه اسمها فن اختيار الإسم , كوثر ده اسم ناعم
و رقيق ماينفعش يكون إسم لطائرة مقاتله , ممكن يكون إسم لمحل ورد أو كازينو عالنيل
, إنما يا سعادة الملا الكبير لما تكون عايز تعمل طائره مقاتله و لها هيبه و شمخه اختار
لها اسم مناسب , يعني مثلا سمّيها عنايات أبو سنه , شفاعات أبو ركبه , مش تقولي كوثر
؟ إيه كوثر دي ؟ طب ما تسميها نرمين أحسن , الطائرة المقاتله نرمين ( نِغمين ) .
.............................................................................................................
Mohamed
Hussein
20
أغسطس 2018·
رسميا إبننا محمد
صلاح ضمن القايمه الثلاثيه النهائيه لاختيار أحسن لاعب في أوروبا .
.
محمد صلاح ...
مصر
كرستيانو رونالدو
... البرتغال
لوكا مودريتش
... كرواتيا
.
صلاح فاز بجايزة
أحسن لاعب في أفريقيا السنه اللي فاتت و أحسن لاعب في انجلترا السنادي و جايزة هداف
الدوري الإنجليزي , و مرشح كمان لجايزة أحسن لاعب في العالم 2018 .
.
هقول تاني , أي
مقارنه بين شعبية و نجومية محمد صلاح مع اي لاعب مصري أو عربي أيا مايكون اسمه أو تاريخه
أو شعبيته هي مقارنه مايقولهاش غير عيل في أولى ابتدائي , لا يعرف حاجه عن الشعبيه
و النجوميه ولا يعرف الألف من كوز الدره .
......................................................................................................................
Mohamed
Hussein
19
أغسطس 2018·
مره وأنا صغير
أبويا جاب لنا طائر رضيع و قال لنا لازم تهتمو بيه يا ولاد , و بالفعل بدأنا نرعاه
و نأكله و نعالجه و نهتم بيه ( زي النمسا و الدول المتقدمه ) لحد ما كبر و بقى معزه
علو كداهو .
.
بعد شوية المعزه
بدأت تبيض , قلنا مصلحه و بقينا ناخد البيضه بتاعتها كل يوم نفقشها و ناكلها , لحد
ما زهقنا من أكل بيض المعيز و قولنا والله ماحنا جايبين البيضه النهارده .
.
روحنا بالليل نبص
عالمعزه لقيناها راقده عالبيضه اللي ماخدنهاش , نحركها يمين و شمال انها تقوم ؟ أبدا
, يا ستي يهديكي يرضيكي , طب هنجيب لك برسيم ؟ هجيب لك شوب عصير و نص كيلو كبده ؟ هعزمك
على قهوه في أون ذا رن ؟ ولا الهوا , قولنا أمرنا لله بقى , هنسيبها راقده كده .
.
استنينا اسبوع
و اتنين لحد مالمعزه قامت , و البيضه بدأت تفقس , قعدنا جنب البيضه و كلنا مستنيين
المعزه الصغيره اللي هتطلع لنا , كانت المفاجأه , البيضه لما فقست طلع منها ديناصور
و مشبكين غسيل و طياره إف 16 .
.
في الأول اتخضينا
شويه من منظر الديناصور لأنه مكانشي غاسل وشه ولا مسرح شعره , بس استجمعنا قوتنا و
قررنا اننا نحاربه , ركبنا الطياره ال F16
, و بدأنا في مطاردة الديناصور , مع العلم إنه كان بيطلّع نار من ودانه , و فضلنا نطارده
لحد مابطّل يطلع نار , وقتها عرفنا ان البنزين خلص و هجمنا عليه و ركبنا على ضهره و
مسكناه من ودانه ( بمشبكين الغسيل اللي معانا ) , و بقينا نلف بيه في الشوارع و العيال
يقولو ( من ده بكره بقرشين ), و هو يعيط و يقول دانا ابن ناس يا ناس , دانا سابقكو
بمليون سنه ضوئيه , دانا كنت زعيم و أيقونه و بعرف أجيب الزتونه .
...........................................................................................................................
Mohamed
Hussein
19
أغسطس 2018·
اللي هيلف في شوارع
المحروسه الأيام دي هيلاقي كمية خرفان و عجول معروضه للبيع تكفي قاره بحالها .
.
مليارات يا مولانا
هنشتري بيها أضاحي , عندنا ازمة اقتصاديه صحيح , و ظروف صعبه أكيد , بس دراعنا مابيتلويش
ولا بنموت من الجوع ولا مخلوق في الكون يقدر يمنع فرحتنا , اللقمه اللي ياكلها اتنين
بتتقسم على أربعه و بتكفي سبعه و الأضاحي بنتشارك فيها , كل واحد ياخد حتة لحمه و قريبه
ياخد حته و الفقير ياخد حته .
.
لو قالولنا الأمريكان
و البريطانيين و الروم و الهكسوس و المغول على أبواب مصر , هنقول لهم و ماله , نحتفل
بس الأول و نعيّد و ندبح الأضاحي و نفرح و نفرّح الناس و نبقى نشوفهم عايزين إيه بالظبط
.
.
مين يصدق إن البلد
دي فات عليها من سبع سنين طوفان متواصل لحد النهارده و مؤامره من كلاب السكك و حرب
اقتصاديه و إرهابيين بالألاف و مخابرات دول عظمى ؟! .
.
يابني إحنا مصر
, إحنا مصر , الدوله اللي نشأت قبل كتاب التاريخ بيومين , إحنا الكتاب كله , مش مجرد
سطرين .
..........................................................................................................
Mohamed
Hussein
18
أغسطس 2018·
إجتهد يابني و
عافر وإمسك في حلمك بإيديك و سنانك , و لما تقع ماتستسلمش , قوم تاني و عافر تاني
, أكيد هتوصل , و لو في يوم اليأس قرب منك إفتكر الشاب بتاع أون ذا رن اللي البنت رفضت
عزومته , اهو بقى أشهر من ساندوتشات الحواوشي , و جميلات و مزز و نجمات مصر بيجرو يتصورو
معاه و مش بعيد يكونو هما اللي بيعزموه عالقهوه .
....................................................................................................................
Mohamed
Hussein
18
أغسطس 2018·
الإخوان في تونس
ماعندهمشي مشكله في مسألة المساواه في الميراث .
و الإخوان في تركيا
ماعندهمشي مشكله في 40 ألف بيت دعاره ( الزنا )
و الإخوان في أوروبا
ماعندهمشي مشكله في قبول الشذوذ الجنسي (اللواط ) .
.
و الإخوان في مصر
كفّرو الجيش المصري ( اللي وصى عليه سيدنا النبي ) و كفّرو الأزهر ( اللي نشر تعاليم
الإسلام في العالم كله و اللي عمره ألف سنه ) , و كفرو الأقباط و كفّرو مؤيدين السيسي
اللي عددهم تمانين تسعين مليون , و لعنو أحمد زويل وقالو عليه كافر عشان برضه كان بيأيد
السيسي .
.
كان معايا حق لما
قلت إن أسوأ لعنه أصابت مصر و المنطقه كلها في العصر الحديث مش وجود الكيان الصهيوني
إنما وجود الكيان الإخواني .
.
الصهاينه و الإخوان
متشابهين في حاجات كتير , الإتنين أنشأتهم المخابرات البريطانيه من 90 سنه , الإتنين
حلمهم هو تدمير الدوله المصريه لإقامة دولتهم , بس الفرق الوحيد بينهم , إن الصهاينه
عايشين جنبنا و الإخوان عايشين وسطينا!!, عشان كده هما ألعن .
.
عهدي بعبد الفتاح
السيسي أو بأي رئيس يحكم مصر من بعده هو النقطه دي , هتتعامل ازاي مع الجماعة الإرهابيه
الدوليه ؟ هترجعهم للمشهد تاني ؟ هتسمح لهم يعملو كيانهم الوثني تاني ؟ تبقى مش رئيسي
ولا رئيس مصر أيا مايكون إسمك و صفتك و إنجازاتك .
.
الحكايه مفهاش
كراهية مسبقه , أغلبنا اتولد و وعي عالدنيا لقى نفسه بيتعاطف مع الإخوان و يدافع عنهم
, إنما لما بانت الحقيقه للاعمى مبقاش ينفع فيها هزار ولا مرونه ولا باب موارب ولا
مصالحه ولا أي هجص من اللي بيروج له الخرفان الكبار و شمامين الكوله الكبار زي البرادعي
كده .
.
الحكايه يا حضرات
و باختصار شديد , إما إنك تكون بتؤمن بمفهوم الوطن , يعني إسم و علم و نشيد و حدود
و أمن قومي و تاريخ و هوية و جينات و جيش و مؤسسات و تركيبه اجتماعيه معينه , أو إنك
تكون بتؤمن بمفهوم الجماعه , يعني قتل و إرهاب و تكفير و كدب و تزييف و تشويه و فبركه
لأي حاجه تخص الوطن , و يعني الوطن (حفنة من تراب عفن ) , و هي دي كل الحدوته .
..........................................................................................................
Mohamed
Hussein
17
أغسطس 2018·
لو سمحت لو سمحت
- نعم يا حبيبي
.
.
أنا حضرتك عايز
أبقى عميق , عملت كل حاجه عشان أبقى عميق بس مفيش فايده
- عملت ايه , إحكي
لي .
.
بقيت أشرب قهوه
- ها , و بعدين
.
.
و أسمع فيروز
.
- ها , كمل .
.
و بقرا لمحمود
درويش .
- ها و ايه كمان
؟ .
.
و بس كده حضرتك
- طب قولي .
.
نعم
- اتصورت صوره
وانت ساند راسك على صباعين من ايدك و كأنك بتفكر و كده ؟
.
لأ .
- طب نزلت صوره
افتراضيه على بروفايلك لراجل جمجمته مفتوحه و طالع منها دخانه و جنبها حمامه طايره
و مشبكين غسيل و باكو معسل ؟
.
لأ .
- طب في يوم من
الأيام و انت قاعد بالفانله و اللباس في ساعة عصاري بتاكل مانجه تخيلت انك سابق كوكب
الأرض بمليون سنه ضوئيه و بتفهم في الاقتصاد احسن من وزراء المجموعه الاقتصاديه و في
التسليح احسن من قيادات الجيش ؟
.
لأ .
- طب نزلت بوست
على صفحتك يكون فاضي أو فيه نقطه بس ؟ .
.
لأ .
- طب كتبت بوست
عبارة عن كلمتين ( وطن العبث ) , أو قلت أنا مع مصر الوطن بس ضد مصر المقاصه قصدي مصر
الدوله ؟
.
لأ .
- طب اتصورت مره
في أوضة النوم بالليل و انت لابس نضاره شمس زي الأستاذ علاء الأسواني كنوع من التميز
يعني , أو فكّرت تلبس البنطلون في نصك الفوقاني و التي شيرت في نصك التحتاني كنوع من
التميز برضه ؟ .
.
لأ .
- طب يابني انت
كده حالتك ميئوس منها , للأسف مفيش أمل .
.
يعني ايه ؟ يعني
أنا مستحيل أبقى عميق ؟ .
- للأسف يا ابني
هي دي الحقيقه , و انت مكتوب عليك تعيش معانا زي عامة الشعب و البسطاء كده , شدّلك
كرسي بقى و اقعد .
............................................................................................................
ليست هناك تعليقات:
إرسال تعليق