Mohamed
Hussein
6
مارس 2017·
من بين الوزراء
و المسئولين اللي اختارهم السيسي في الفتره اللي فاتت و صحّو أوي , اتنين بس , سامح
شكري و كامل الوزير , واحد شغال زي النحله بره و واحد زي النحله جوه , يعني دول العكازين
اللي نقدر نقول بيتسند عليهم السيسي من بين
رجالته الكتير , و ممكن نضيف لهم كمان وزير الداخليه الحالي , باعتبار ان حجم التحدي
الأمني كبير جدا , وانه بالشكل ده يبقى ناجح بتقدير ( جيد جدا ) .
.
و من الاختيارات
اللي طلعت بطيخه قرعه كان وزير العدل السابق , الزند الزند , الزند أبو شامه على جبينه
, كان شخصيه مستفزه في تصريحاته و كلامه , و أحسن واحد يلبّسنا في الحيطه , ماخدناش
منه إلا استفزاز و أنعره كدابه .
.
فكرة إنك تختار
وزراء أو مسئولين مش معناها إنك ( مغسّل و ضامن جنه ) , المفروض ان البني أدم بيجتهد
بشكل ما في الأختيار , بس الاختيار مش بيكون ( صك براءه مسبق أو صك نجاح مسبق ) , احنا بشر , طب لو اخترت وزير
و طلع هبلولي و بطيخه قرعه ؟ يتشال يا حبيبي
, طب لو اختارته و طلع بعد كده حرامي ؟ يتحاكم يا حبيبي ( زي وزير الزراعه ) , طب لو
اختارته و طلع كويس و مجتهد ؟ يكمل يا حبيبي .
.
طب يعني ماينفعشي
نهيج و نزيط و نزربح و نقول ماهو فلان الفلاني ده الرئيس اللي اختاره ؟ والله يا مولانا
خد لك جوله مكوكيه كده في امريكا و الدول الأوروبيه ( اللي سابقانا بمليون فدان )
, و شوف كام وزير بيتشال بعد تهم فساد أو بعد فشل , و اضرب رؤساء الدول دي كلها بالنار
( عشان ده اختيارهم ) , و ابقى تعالى عشان أنا نويت أخلّيك تشكل الحكومه الجديده ,
و تجيب الناس المضمونين اللي زي البرلنت اللي انت عارفهم و مصاحبهم , عربي كونته يمسك
العدل , و سيد كيتو للخارجيه , و محتار و الله مين يمسك الداخليه , هل الواد سوكا حرامي
الولاعات ولا العيال اللي سرقو ملفات أمن الدوله ؟
.....................................................................................................................
ليست هناك تعليقات:
إرسال تعليق