Mohamed
Hussein
16
مارس 2017·
الناس في مصر شايفه
القصه دولار و أسعار و أوطه و خيار , و أنا
شايفها بشكل تاني , شايفها حصار
.
القصه يا حضرات
من الجلده للجلده , بتقول التالي , بتقول في الجنوب دوله اتقسمت نصين و نصها الحدودي
معاك بيحكمه خروف ضاني ممسوك من رقبته بقرار
اعتقال عشان يمشي عالعجين مايلخبطوش , و بتقول في الشمال الشرقي دوله تانيه اتقسمت
نصين برضه و النص الحدودي معاك بيحكمه خروف ضاني برضه ممسوك من رقبته بشوية دولارات
عشان يمشي زي الألف , و بتقول ان المحاولات و المليارات بتتصرف على حدودك الغربيه عشان
يحكمها خروف ضاني تالت , و في الشرق بلح , عندنا في شرق مصر بلح , عربان و أغنام و
مئات المليارات اتصرفت على خراب المنطقه و على حصار مصر بالشكل ده , مش حقيقي إن الامريكان
صرفو دولار واحد في خراب الشرق الأوسط , الفاتوره و الشيكات مسبقة الدفع اتكفل بيها
حبايبنا , يعني من دقنه و افتل له .
.
معالي وزير الخارجيه
المصري يطلع يقول العلاقات الثنائيه التاريخيه و الخليج أمن قومي و أمن غذائي و أمن
الجيزه , لازم يقول كده , ده شغله الدبلوماسي , بس انا كمواطن لازم أبقى عارف الصوره و متخيلها , مصر بدأ حصارها من سنين طويله
, كله مترتب , مصر محاصره من 3 جهات , عشان كده موضوع ليبيا بالنسبالنا شديد الأهميه
, مصر هتنتصر , ده كتاب ربنا اللي بيقول كده و كتاب التاريخ , و لحد ما نفهم و لحد
مصر ما تنتصر فانا ممتنع عن اني أجيب سيرة الدولار و الأسعار و الاوطه و الخيار .
...................................................................................................................
Mohamed
Hussein
16
مارس 2016·
الأستاذ : هه يا
ولاد عارفين هتقولو ايه ؟
- عارفين يا أستاذ
.
.
الأستاذ : طب سمعوني
كده اللي هتقولوه .
- كولجي 1 : عيسى
حياتو مكانشي فاسد , ده كان حد جميل
- كولجي 2 : أصلا
مصر ماعملتش أي حاجه تذكر .
- كولجي 3 : هو
صوت انتخابي لا بيقدم ولا بيأخر , مش بطوله يعني .
.
الأستاذ : برافو
يا ولاد , طب عارفين لو كان حياتو نجح كنا هنقول ايه ؟
- عارفين يا أستاذ
.
.
الأستاذ : طب سمعوني
كده ؟
- كولجي 1 : الفاسد
عيسى حياتو نجح غصب عن عينا , فشل ما بعده فشل .
- كولجي 2 : اللي
حصل ده فضيحه لمصر بكل المقاييس المحليه و الدوليه .
- كولجي 3 : يا
فضيحتك يا مااااااااااسر .
.
الأستاذ : برافو
يا ولاد , انتو هايلين , أنا فخور بيكو .
- كولجي 1 : يا
أستاذ يا أستاذ , احنا بقالنا 6 سنين بنعمل كده و نبرّر الحاجه و عكسها و ندوّر بإبره
و منكاش على أي حاجه نهين بيها البلد و نقلل من قيمتها , تفتكر امتى بقى ممكن ناخد
أغلبيه برلمانيه ساحقه و نحكم مصر ؟
.
الأستاذ : قريب
جدا يا حبيبي , يومين تلاته بالكتير .
- كولجي 1 : هيييييه
, افرحو يا عيال , هنحكم مصر بعد بكره .
- كولجي 2 : هييييييه
, هنحكم مصر بعد بكره , انا همسك الخارجيه يا أستاذ و النبي و النبي .
- كولجي تلاته
: هيييييه , هنحكم مصر بعد بكره , بس انا همسك إيه يا أستاذ ؟ .
.
الأستاذ : مممممممممممم
بعد بكره أقولك هتمسك إيه .
..................................................................................................................
Mohamed
Hussein
16
مارس 2017·
تركيا بعد المناوشات
الأخيره مع هولندا , رجّعت لهم شحنة بقر هولندي و قالت لهم مش عايزين البقر بتاعكو
ده , كده مش باقي لهولندا حاجه عند تركيا غير الجوابات و الدباديب و شرايط عبد الحليم
حافظ , و يبقى مفيش جواز ولا مأذون ولا اتحاد أوروبي , خلصانه بعلبتين سمنه .
...............................................................................................................
Mohamed
Hussein
16
مارس 2017·
عيسى حياتو كان
بيمهد لنقل مقر الإتحاد الأفريقي من مصر للمغرب , و طالما الحكايه جت فيها سيرة المغرب
و نقل مقر الإتحاد , يبقى اللعب فيها كان بفلوس قطر بنت الوسخه .
النهارده في انتخابات
الإتحاد الأفريقي لكرة القدم طيّرنا عيسى حياتو , شلّوت معتبر و خساره بفضيحه , مصر
لا تفقد أبدا تأثيرها و قوتها الناعمه , هذه الإنتخابات تأتيكم برعاية الهيئه الهندسيه
للقوات المسلحه .
.................................................................................................................
Mohamed
Hussein
16
مارس 2017·
تركيا اللي عساكرها
بيقلعو ملط عايزه تعمل قاعده عسكريه في قطر بنت الوسخه , طب تمام تمام , كده هيبقى
الوضع كالتالي , امريكا لها قاعده عسكريه في تركيا و لها برضه قاعده عسكريه في قطر
, و تركيا هيبقى لها قاعده عسكريه في قطر , يعني الوضع بالظبط بالظبط زي تلاته واقفين
طابور ورا بعض و كل واحد حاطط صباعه في بؤ التاني ( أه مشيها صباعه في بؤ التاني )
و طبعا قطر هي اللي كسبانه لأنها في أول الطابور و واخده صباعين مش زي تركيا الهبله
اللي واخده صباع واحد بس !! .
.
و كده الخليج اجمالا
هيبقى فيه قواعد أمريكيه و قواعد بريطانيه و قواعد تركيه , يعني 3 صوابع بحالهم , و
دي طبعا أفضل طريقه زي ما كلكو عارفين لحماية المؤخره الخليجيه من هجمات السلطعون المتكرره
, طريقه التنوّيع في القواعد العسكريه و الصوابع , بحيث لو صباع ماظبطش الصباع التاني
يظبط على طول .
.
و تيجي حضرتك تقولي
أصل الخليج ده أمن قومي مصر ؟ يابه الحاج أمن قومي ايه بس , ده بقى حمام عمومي .
.......................................................................................................................
Mohamed
Hussein
15
مارس 2017·
أرامكو السعوديه
هتستأنف توريد شحناتها البتروليه لمصر من تاني !! .
.
التوقّف ده حصل
من شهور طويله , كانت حركه زباله و وصمة عار في علاقة السعوديه بمصر , عشان التوقيت
نفسه كان صعب , بعدها مصر اضطرت تشتري احتياجاتها من السوق الخارجي و من العراق , أتمنى
من الساده الأشاوس في المملكه يدركو بقى ان مصر مابيتلويش دراعها , و يكبرو شويه و
يبطّلو يمشو ورا الواد الشاذ اللي بيحكم كشك عالخليج
.....................................................................................................................
Mohamed Hussein
15
مارس 2017·
ربنا الحمد لله
رزقني بمعزتين هما كل حياتي , صحيح كان نفسي في ذئب بشري صغير كده جنبهم و ياخد باله
منهم بس النصيب بقى , الغريبه اني لما كنت بحلم بالذئب البشري النونو كنت ناوي و الله
اسميه ( عبد الرحمن !! ) , خلاص مش مشكله , المهم ربنا يبارك لي في المعزتين بتوعي
و يحفظهم هما و كل معيز البلد و ذئابها البشريه , اللهم أمين .
.......................................................................................................................
Mohamed Hussein
15
مارس 2017·
من يومين و انا
بشوف الخبر و الصور بتاعته و عقلي مش قادر يستوعب انه خبر حقيقي , قلت خبر مضروب و
صور فوتوشوب , الخبر بتاع زيارة موزه أم الواد القطري الشاذ للسودان , و صورها و هي
بتشوف أهرامات السودان ( اللي محدش بيشوفها ولا يعرفها )
.
ماهو انا أعرف
حجم و شكل عقدة النقص اللي جوه عربان الخليج محدثي النعمه و خصوصا قطر بنت الوسخه
, و اعرف ان اللي بيحكمو قطر هما صهاينة العرب و دورهم المرسوم من المخابرات الأمريكيه
و البريطانيه هو خراب الدول العربيه باعتبارهم فرد من أفراد أم البيت العربي , و أعرف
ان تميم و امه و ابوه و كل عيلة الشواذ دي تصادفت الخطه بتاعة الشرق أوسط الجديد مع
عقدة النقص اللي عندهم أو بمعنى أصح طريقة تفكيرهم الصهيونية و مبدأ ( اننا كدوله أو
دويله مش هنعرف نكبر لا في الحجم و لا عدد السكان ولا نعمل لنا تاريخ ) و بالتالي يبقى
الحل اننا نصغّر الدول العربيه الكبيره و نخربها و نقسمها و نحاول نشوه حضارتها و تاريخها
, نفس الفكره الصهيونيه .
.
و اعرف كمان ان
عمر البشير مجرد خروف إخوانجي ضاني , ضيّع نص السودان و النص الباقي في طريقه للتقسيم
و معندوش مشكلة يمشي زي الكلب أبو سلسله في ايد واحده شر*وطه من عربان الخليج , بس
برضه ماكنتش مصدق , مش مصدق ان مستوى النطاعه يوصل لكده من ناحية موزه ولا من ناحية
البشير , ده شغل بتاع كي جي , ينطبق عليه تماما موضوع عبد الرحمن و المعزه , و للأسف
المعزه هنا مش موزه , المعزه هي عمر البشير !! .
.
ليه مش مصدق ؟
و ليه عندي علامة استفهام و علامة تعجب من هنا لحد أم درمان ؟ , عشان قابلت سودانيين
كتير في حياتي , و اعرف انهم مثقفين , مؤدبين , شعب حضاري , مش مصدق انهم يقبلو بكده
, يقبلو ان بلادهم تخرب و تتقسم رسمي و في النهايه يتحوّلو لمجرد أضحوكه قدام الناس
, مش مصدق انهم يستحملو كم الإهانه و هما شايفين بلدهم و تاريخها مش اكتر من سلسله
مفاتيح بتلعب بيها واحده لامؤاخذه .
.
انتباه يا سودانيين
, انتباه يا زول , بكره موزه تجر المعزه بتاعتها بسلسله و تجيب بنت سودانيه مطربه و
تقولها امسكي منديل و اطلعي عالمسرح عشان هسمّيكي ام كلثوم !! و العالم كله يضحك عليكو
.
.........................................................................................................................
Mohamed Hussein
15
مارس 2017·
العدسجيه
.
و عندنا في بلدنا
يا بيه , اللي مابيعرفش بيقول عدس , محدش بيقول ( ماعرفشي ) .
.
أغلب الهيصه اللي
معموله في سيرة جمال عبد الناصر حاليا هي من نوع ( العدس ) , و 99.9 % من اللي بيهرو
من نوع ( العدسجيه ) , اللي بيتأففو إنهم يقولو ( ماعرفشي ) , و يقولو معرفشي ليه ؟
, أومال الخرفان هيركبو مين ؟ معقوله الخرفان ييجي عليهم يوم في مصر و مايلاقوش ( مطيه
) ؟! .
.
1- و كتب صديقي
العزيز فلان الفلاني , حبيب قلبي من جوه , إن عبد الناصر لما عمل الوحده بين مصر و
سوريا سمّاها الجمهوريه العربيه المتحده و شال اسم مصر اللي مذكور في القرأن !! , و
أه يانا يامه يانا يامه , و طبعا ايموشن بيفكر أو ايموشن بيضحك ( اللي هو سلو الكولجيه
عموما ), و مش عارف والله صديقي اللذيذ يقصد ايه تحديدا ؟ ان عبد الناصر مابيحبش اسم
مصر يعني خاين لبلده ؟ ولا عبد الناصر مايعرفش ربنا و مافتحش مصحف في حياته يعني كافر
؟ طب كان يسميها ايه يا حماده ؟ الجمهوريه المصريه السوريه العربيه المتحده ؟ فكره
برضه , و لو كنا ضمينا اليمن و العراق للتحالف ده كنا نسميها الجمهوريه المصريه السوريه
اليمنيه العراقيه العربيه المتحده !! ده اسم ولا مقاله ؟! .
..
2- و قال صديقي
العزيز التاني , جمال عبد الناصر فتت الرقعه الزراعيه لما وزع عالفلاحين كل واحد 5
فدادين , ملوش حق أبدا , كان المفروض الأراضي تفضل في عب البشوات و الصيع و ألاضيش
مولانا الملك , و الشعب يشتغل عبيد و كلافين , و ولاد الفلاحين محدش فيهم يتعلم , يزرعو
الأرض و بس , بدل ماهما اتعلمو كده و بنو بيوت بالمسلح و بقو دكاتره و مهندسين و هجرو
الأراض الزراعيه , يا مولانا عبد الناصر مات من نص قرن , و حكاية هجرة الأرض الزراعيه
و عدم وجود ايد عامله دي سببها مش التعليم , سببها الميكنه الحديثه اللي حلّت محل
99 % من الشغل اللي كنا بنعمله بايدينا , و حكاية تفتيت الأرض الزراعيه ده طبيعي بمرور
السنين , راجل خد 5 فدادين و مات , مخلف ولدين و بنت , هتتقسم الأرض عليهم , الولد
فدانين و البنت فدان , الأولاد اتجوزو و خلفو و ماتو و هتتقسم الأرض عالأحفاد , و كل
واحد هيبقى عنده 5 قراريط , مش ذنب جمال عبد الناصر والله , و الحل كان في اللي جم
بعده يعملو مجتمعات زراعيه جديده و يغرو الناس بمرافق , و يحافظو على أدوات و مفردات
الزراعه بحيث تفضل مهنه مربحه ( يعني تأكل صاحبها عيش عالأقل مش يطلع أخر الزرعه يلاقي
نفسه خسران و مديون ) .
.
3- صديقي العزيز
التالت كتب و قال , التعليم المجاني بتاع عبد الناصر خرب الدنيا و المفروض يكون مجاني
في المرحله الابتدائيه بس زي ما بيحصل في كل بلاد الدنيا , لا أحا بقى , كده كتير على
مرارتي , واللي كاتب كده لا يعرف حاجه عن بلاد الدنيا ولا يعرف حاجه عن اي حاجه , في
بلاد الدنيا التعليم الأساسي كله مجاني يعني لحد الجامعه , و في الجامعه بتختلف الدول
, منها اللي عامله مجاني و منها اللي عامله لا , و ده اللي نتكلم فيه و محتاج توعية
شعب و تثقيفه قبل ماناخد قرار , ان التعليم لحد تالته ثانوي , بعد كده مجانا للمتفوقين
و مش مجانا للي عايز يتعلم بفلوسه و فلوس باباه أو يشتغل عشان يتعلم .
.
4- صديقي الرابع
قعد يعيط عالقطن طويل التيله اللي كنا بنزرعه و برضه مطلّع عبد الناصر اللي غلطان
!! , ماهو مفيش اكتر من احا هقولها , محدش يستفزني عشان اقول اكتر من كده , قطن ايه
اللي عبد الناصر دمر زراعته ؟ أومال الكارنافال اللي كنت بحضره لحد 20 سنه فاتو كان
اسمه ايه ؟ هو عبد الناصر مات من 20 سنه ؟ يعني انا حضرت ايام عبد الناصر و عمري من
عمر صباح و حسنين هيكل ؟! .
.
أصدقائي العدسجيه
الحلوين الطيبين , ممكن لو سمحتو يبقى الواحد منكو مثقف و عميق كده بس يتعلم يقول
( ماعرفشي ) , مش عيب والله , والناس هتقول عليك عميق برضه , و ممكن تسيبو جمال عبد
الناصر في حاله عشان مش مطلوب منه الله يرحمه يصحى من قبره كل اسبوعين تلاته و ييجي
يتابع قرارات الرؤساء و سياساتهم من بعده و يقولهم اعملو كذا عشان تحافظو عالحاجه الحلوه
اللي عملتها , و بعدين يرجع يموت تاني .
..................................................................................................................
Mohamed Hussein
14
مارس 2017·
الراقص مع الكلاب
.
طفل عمره 12 سنه
اسمه عبد الرحمن , أبوه رماه في الشارع عشان يرضي مراته الجديده , الطفل عبد الرحمن
اتصاحب على 5 كلاب, و بقى بينهم صداقه كامله بالمعنى الحرفي , بيقسمو اللقمه سوا و
يلعبو سوا و ينامو جنب بعض في بيتهم الواسع الكبير ( اللي هو الشارع ) .
.
قناعتي التامه
إن الأب ده هيترمي في نفس الشارع وسط الكلاب في يوم من الأيام ( زي ماعمل في ابنه
) , بس الفرق الوحيد إن الكلاب هتقرف منه .
.......................................................................................................................
Mohamed Hussein
14
مارس 2017·
الله يسامحك يا
عبد الناصر
.
مراتي بتعمل محشي
مرتين بس في السنه , مره في طلعة رمضان و المره التانيه تقريبا في عيد العمال , و تقعد
بعد كل مره اسبوعين مش طايقه حد يكلمها و في الإسبوعين ناكل ديلفري أو ناكل عيش و جبنه
و فلفل أخضر تحت ذريعة ( مانا عملت لكو محشي من اسبوعين ) , الموضوع ده حازز في نفسي
و نفسيتي أوي , انا يا جدعان بحب المحشي , العلاقه بيني و بين المحشي علاقه ثنائيه
راسخه من قديم الأزل , و حكاية مرتين في السنه دي مش مرضيه خالص بالنسبالي , يعني انا
مش satisfied
.
.
و بعد تفكير عميق
في سبب المشكله المحشاويه اكتشفت ان عبد الناصر هو السبب , اه مفيش غيره , ليه بقى
؟ هشرح لكو اهو , ماهو انا أصلي اتعلمت و اتخرجت من مدارس الحكومه ام بلاش دي , لحد
ما خلصت الجامعه , والناس اللي بتتعلم ببلاش أمثالي تلاقيهم دايما بيحبو المحشي ( أه
خدوها قاعده كده ) , و مراتي قاهريه اتعلمت في مدارس خاصه , والناس اللي بيتعلمو في
مدارس خاصه مابيعملوش محشي ( خدوها قاعده برضه ) , و من هنا جه سوء التفاهم , ال misunderstanding , طب برضه ايه دخل عبد الناصر في كده ؟
.
يا عم ماهي واضحه
زي الشمس أهي , ماهو انا لولا مجانية التعليم ماكنتش اتعلمت و كان زماني سارح بالغنم
في بلدنا أو شغال في وسية حمدان بيه , ولا كنت جيت القاهره و لا عتّبتها و بالتالي
ماكنتش اتجوزت مراتي , أو كان زماني من الاول اتعلمت في مدارس خاصه بفلوس بابي ( مع
ان بابي مكانش عنده فلوس ) إنما لو كان حصل ماكنتش أكيد هحب المحشي ( أحبه ليه ؟ هو
انا متعلم تعليم مجاني ؟ ) , و كنت قابلت مراتي و اتجوزتها من غير سوء تفاهم محشاوي
, عرفتو بقى ان عبد الناصر هو السبب ؟ و لازم و حتما ولابد يطلع من قبره و يحل لنا
مشكلة المحشي دي , ماهو مش يعمل مجانية تعليم و يسيبنا بعدها نخبط في بعض كده , يا
تعمل الحاجه صح الصح من الأول لكل الأجيال اللي بعد كده و تبقى مغسّل و ضامن جنه يا
متعملهاش .
........................................................................................................................
Mohamed Hussein
13
مارس 2017·
معالي صاحب الفخامه
و السمو وزير الصحه , معاك حق , عبد الناصر هو السبب , لما عمل تعليم مجاني و مستشفيات
للغلابه مجانيه , عبد الناصر كده يبقى خربها و هو اللي عمل المشكله و هو السبب فيها
و هو اللي اكل الجبنه , يعني ايه ملايين المصريين البسطاء يتعلمو و يتعالجو زي مخاليق
ربنا ؟ ده ناقص كمان نقول ان البسطاء و الغلابه لهم حق في الحياه و في الهوا اللي بنتنفسه
, يعني يعيشو و ياكلو و يتجوزو و يخلفو و يمشو في طرق و شوارع و يسكنو في بيوت تسترهم
و لما النوم يكبس عليهم ينامو , ده اسمه اهمال و تسيب , الملايين دول كده يبقو عاله
على الدوله و عاله على الأغنياء و الميسورين , و المفروض بقى نجيبهم و نوقفهم طابور
طوييييييييييل و نضربهم بالنار كلهم أو نمسّكهم سلك كهربا عريان , و طبعا نجيب عبد
الناصر يقف معاهم في نفس الطابور .
.
معالي صاحب الفخامه
و السمو وزير الصحه , انت حد ابن صرمه جميل .
.................................................................................................................................
Mohamed Hussein
13
مارس 2017·
صوتي اتنبح يا
ريس , ماسبيرو فيه 50000 موظف , خمسين ألف موظف بالتمام و الكمال , يعني أد عدد سكان
دوله من دول العالم , ماسبيرو بيخسّرنا 2000000000 جنيه في السنه , يعني 2 مليار ,
يعني ألفين مليون , و في النهايه ماسبيرو صوته مابيوصلش بره المبنى العريق ده مترين
حتى , يعني الماده الإعلاميه اللي بتطلع من ماسبيرو لا يراها و لا يسمعها إلا المؤمنون
اللي هما البشوات اللي جوه المبنى نفسهم .
.
المبنى ده يا ريس
و الرقم اللي بيتصرف عليه سنويا كافي جدا لعمل قناه اخباريه عالميه زي ال bbc وال cnn , و يبقى لها مراسلين في كل مكان في العالم و
صوتنا يوصل للجميع , كافي لعمل قناه عملاقه للدفاع عن الدوله المصريه و الهويه المصريه
و الأجنده المصريه و الأمن القومي المصري بشكل احترافي , و مواجهة الحرب الإعلاميه
بأله اعلاميه مماثله .
.
مستحيل واحنا في
توقيت بيمثل فيه الإعلام تلتين المعركه نكون فاهمين اننا هنواجه الأله الإعلاميه الضخمه
الأمريكيه و البريطانيه بالطابونه دي اللي اسمها ماسبيرو , يعني هنحارب جيوش هتلر و
هولاكو و دراكو بعربي كونتا و سيد كيتو و أبله انشراح مشرفة الدور الخامس و مدام سونيا
اللي تم اختيارها و تعيينها في ظروف لامؤاخذه غامضه .
............................................................................................................................
Mohamed Hussein
13
مارس 2017·
لما شوفت الفيديو
بتاع استخراج الجزء الباقي من تمثال رمسيس التاني لفت انتباهي إن خبراء الأثار لابسين
بالطو و جوانتي أبيض ( اظن مفيش بعد كده بقى ) , إنما لفت انتباهي اكتر اهالي المنطقه
اللي كانو بيسأفو وقت خروج التمثال و الستات اللي بتزغرط , الستات اللي بتزغرط دي حاله
مصريه فريده , هي فرحانه و بتزغرط مع انها ماكسبتش أي حاجه شخصيه و التمثال اللي طالع
ده ملكيه عامه للدوله ( مش هتحطه عندها في النيش ) .
.
عزيزتي المرأه
المصريه الطيبه , بلاش و النبي تفرحي و تزغرطي كده , راعي ان فيه شاب كولجي في مكان
ما محتاج يركز و مش عايز ازعاج , وارد جدا يكون تعبيرك عن فرحتك بيعمله تشويش و هو
قاعد بيعصر في ذهنه و بيدوّر على فكره عميقه عشان يتحف أهالينا بيها كالعاده , و بيفلّي
راسه بالمره .
.............................................................................................................
Mohamed Hussein
13
مارس 2017
محمود كهربا لاعب
اتحاد جده الحالي و الزمالك السابق وصل سعره ل 100 مليون جنيه بعد كام شهر من احترافه
في الدوري السعودي , محمد صلاح قيمته التسويقيه حاليا تجاوزت نص مليار جنيه , رمضان
صبحي لو شارك أساسي شويه مع فريقه سعره هيتضعاف خلال شهرين تلاته , محمد النني قيمته
برضه أكتر من 100 مليون .
.
كره القدم مش هي
البتاعه المدوره دي اللي بتجري و شوية عيال لابسين شورتات بيجرو وراها , كره القدم
استثمار كبير جدا للي يفهم و يستوعب , و مصر تحديدا عندها مواهب كرويه أكبر من دول
أفريقيه كتير زي غانا و نيجيريا , و ماتقلش بأي حال من الأحوال عن دول زي الأرجنتين
و البرازيل , إنما مشكلتنا في 3 حاجات :
.
1 - معندناش كشّافين
بيلفو في القرى والنجوع و الحواري , و اغلب الإختيارات في الأنديه الكبيره بيحكمها
الواسطه و المعارف و الصدفه أحيانا , بالمناسبه مش هتلاقو مواهب كرويه في أحياء جاردن
سيتي و الزمالك و كومباوندات التجمع الخامس , يعني ماتتعبش نفسك وسط العيال بتوع المارشميللو
و المدارس الأي جي و البي جي و الأبوستروف إس , المواهب هتلاقيها في العيال اللي بيلعبو
بكوره عدمانه في ملعب عدمان في حاره عدمانه و شكلهم عندهم أنيميا .
.
2- معندناش ثقافة
الإحتراف , و الأسر المصريه من البدايه بتخاف على مستقبل ولادها , أصل الواد ابني في
ثانويه عامه و نفسي يدخل هندسه كده ولا صيدله و يفرح أبوه و يتخرج بقى ( و يبقى عندنا
مليار مهندس و طبيب و صيدلي ) و يقبض 5 ألاف جنيه و يركب فيات 128 , اه و الله يا حاجه
, مش تقولي لي نص مليار جنيه و يبقى الجون اللي بيجيبه يعادل مرتب مهندس لمدة 70 سنه
, كورة ايه و بتاع ايه .
.
3- عرض السلعه
و المنتج هي مشكلتنا الأزليه في كل حاجه تقريبا , عندنا دوري فيه لاعيبه قيمتهم أكتر
من مليار جنيه بس مش بنعرف نصوّر الماتشات , و اغلب ملاعبنا شكلها يسد النفس , يعني
لا ملعب عدل ولا تصوير عدل , و طول ما المخرج و المساعدين بتوعه بيسيبو الهجمه المرتده
و يروحو بالكاميرا على سكرتير مساعد رئيس النادي الحاج ابراهيم أبو شلاطه و يركزو على
وشه , او يلقطو مزه في المدرجات و يتابعوها أكتر ما بيتابعو الماتش يبقى ربنا هيكرمنا
أخر كرم .
.
عايز أقول , لو
اتحلت مشاكلنا العبيطه اللي فوق دي , و بقى عندنا كشافين بيلفو مصر ( بدل القاعده و
الهري في الاستوديوهات المكيفه ) هنلاقي خلال 5 سنين بالكتير ان عندنا لاعيبه محترفين
بمليارات الدولارات , و يبقى مصدر مهم جدا للعمله الصعبه .
...............................................................................................................
Mohamed Hussein
13
مارس 2017·
الإعلامي اللي
يجيب حرامي الشوكلاته و يعمل معاه لقاء ( أيا ما يكون شكل اللقاء ) مايبقاش اسمه اعلامي
, يبقى اسمه عربجي , احنا في مصر ماعندناش اعلام , إنما عندنا شوية عربجيه كتير .
.
بس الحكايه و الحدوته
كلها مفهاش جديد , نفس المشاهد المكرره لنفس المسرحيه الماسخه , من 6 سنين و شعار المرحله
اسمه التشويه , تشويه لكل شئ حتى للمعاني و القيم , اللعب بالألفاظ و المصطلحات , خلق
مبررات لكل مجرم و كل بلطجي و كل صايع و كل عواطلي , و في النهايه خلق جيل مشوه من
الشباب .
.
من 6 سنين لما
الإرهاب بقى اسمه العنف أو العنف المتبادل , و لما خيانة الأوطان بقى اسمها معارضه
, و لما بلطجة الدول الإستعماريه على دولنا العربيه و قتل و تشريد الملايين بقى اسمها
براجماتيه و أصل ناس أذكيا بيدورو على مصالحهم , لما اللي بيحرق مبني أو عربية شرطه
يتقال عليه ( بيعبّر عن غضبه يا اخي , اصله غضبان ) , لما تشويه التاريخ و إهانة الجيش
و إسم مصر يبقى اسمها حرية رأي و حرية تعبير .
.
طبيعي جدا في نفس
المسرحيه الوقحه إن الحرامي يتلمّع و بدل ما يتدارى و يتكسف من الناس من عملته يبقى
عنده الجرأه و يطلع عالهوا و يقول أه أصل الدكتور واصف لابني شوكلاته و انا بغل كده
و مش بشتغل بس هسرق , السرقه أصلا حد جميل , إذا كان الخونه ذات نفسهم اللي بيقبضو
بالدولار و كلاب أهل النار بيطلعو في البرامج و يبقو نجوم و أيقونات و يحلمو كمان بحكم
مصر !! , يبقى الحرامي الكيوت الجميل ده من حقه هو كمان يتلمّع , هي جت عليه يعني ؟
متعاطف مع الحرامي الكيوت الجميل , اتلمّع يا حبيبي دانت ارحم من غيرك , اتلمّع يا
بطل و ارفع راسك كده وسط الناس , لاهو انت فاكر انك حرامي ؟ دانت بطل الأبطال .
.
باقي ايه في حياتنا
ماتشوّهش يا بني أدمين ؟ قولو بس كده , فكرّو كويس , نكون ناسيين حاجه كده ولا كده
و سايبينها زي ماهي , ده حتى عيب و مايصحش , طب نقابل ربنا و نقوله ايه ؟ نقوله سيبنا
حاجه جميله في حياتنا و نسينا نشوهّها ؟
..........................................................................................................................
Mohamed Hussein
12
مارس 2017·
و انت مغمض عنيك
كده
.
الواد لوسي ابن
طنط فكيهه اللي اتركب من الخرفان و الجزيره و حط صورة حلب تحترق ( وقت ما كان الجيش
السوري بيحرر حلب من الإرهابيين المرتزقه ) .
.
هو نفسه الواد
لوسي ابن طنط فكيهه اللي اتركب من الخرفان و الجزيره و حط صورة الإختفاء القسري ( للعيال
اللي بيهربو من أهاليهم و يتشقطو في الغردقه أو شرم أو العيال اللي بيسافرو و يشتغلو
ارهابيين بعقد عمل أمريكاني خليجي في سوريا ) .
.
هو نفسه الواد
لوسي ابن طنط فكيهه اللي اتركب من الخرفان و الجزيره و قال مفيش إرهاب في سينا دي فزاعه
من النظام و يوم ما قال فيه إرهاب قال عليه عنف متبادل ( زي ما قال القواد الأعظم اللي
بيستنى تويتاته ) .
.
هو نفسه الواد
لوسي ابن طنط فكيهه اللي اتركب من الخرفان و الجزيره و حاطط دلوأتي صورة ( لن نترك
سيناء ) , ده طبعا على أساس ان ال 25 ألف مقاتل مصري اللي بيحاربو في سينا من 3 سنين
قاعدين بيلعبو كاندي كراش و مستنيين دعم من لوسي أبو تاتو فراشه على كتفه , أو يكون
الجيش المصري بيروي سينا بدمه عشان يفرط في شبر منها بعد كده .
.
الواد لوسي ابن
طنط فكيهه ممكن تحس من كلامه إنه مش عارف هو عايز ايه بالظبط ؟ بس الحقيقه انا عارف
هو عايز ايه بالظبط , و كل الناس عارفه , و فرج عارف .
........................................................................................................................
Mohamed Hussein
12
مارس 2017·
على فكره , و ده
بجد و الله , لحد ما دخلت الجامعه ماكنتش اعرف يعني ايه شوكلاته , لا شوفتها ولا دوقتها
و لا انا ولا حد من اخواتي الخمسه ( كان أخرنا بتاعه طويله كده اسمها عسليه ب شلن بنشتريها
من عند خالتك توحيده او خالتك فرحانه ) , الحكايه دي ماسابتشي عندي عقدة نقص ولا كلكيعه
ولا حاجه , يعني عادي خالص , وابويا الله يرحمه لو كان سرق شوكلاته عشان نفسنا فيها
أو بمعنى أصح نفسنا نشوف شكلها ( و تطلع ايه دي يا باز أفندي ؟ تكونشي شوكلاته ؟ )
, لو كان عمل كده ماكنتش هعتبره بطل قومي و اقول الدوله و الحكومه و الفرنساويين و
المماليك هما السبب , و اخلق له مبررات , لا كنت هعتبره حرامي .
.
أكتر حاجه بكرهها
في حياتي الكربلائيات و الصعبانيات و الناس الأوفر اللي بتعيش الدور أوي , مرّه و انا
في اولى اعدادي تقريبا , روحت اتفرج على ماتش كوره في قريه بينا و بينها 7 كيلو , واحنا
رايحين ركبت مع الفريق بتاع قريتنا عربيه ربع نقل ( بتاعة نقل المواشي ) , و في الرجوع
قالو كل واحد مع نفسه بقى , انا طبعا مش معايا فلوس ولا حتى بريزه أركب بيها , و كان
قدامي حلين , إما اني اتشعبط في أي عربيه و وقت النزول اطلع اجري من السواق زي مالعيال
بيعملو , او الحل التاني , إني امشي 7 كيلو عشان ارجع قريتنا , و ده اللي عملته , و
مافتكرش و انا ماشي ( ساعه و نص ) كنت بلعن في الحكومه وقتها لأنها ماوفّرتليش اتوبيس
سياحي مكيف يرجعني بعد الماتش ولا حتى رئيس الوزرا إداني بريزه أركب بيها .
.................................................................................................................
Mohamed Hussein
12
مارس 2017·
تركيا الأردوغانيه
بدأت ترد بهبل على رفض هولندا السماح بهبوط طيارة وزير خارجيتها , و من كام يوم تصريحات
تركية ضد اليونان أقرب ما تكون ل ( فرش الملايات ) , و النهارده إيران بتدعو مواطنيها
انهم مايسافروش تركيا .
.
رأيي من زمان إن
أمريكا و بريطانيا لبّسو أردوغان في الحيطه رسمي , و كانت النقطه الفاصله يوم ما شوية
ظباط في الجيش التركي احتلو العاصمه في ساعتين زمن و أردوغان استخبى وقتها في حمّام
زي الكلب , الحكايه دي ماتخرجشي من تحت إيد أمريكا أو بمعنى أصح من تحت إيد قاعدة أنجرليك
الأمريكيه اللي في بلد خليفة الشواذ , كانت قرصة ودن جايز , هشتكه جايز , كل اللي أفهمه
ان الجيش اللي يبقى مخترق بالشكل ده و يحصل فيه كده و عساكره في النهايه يقلعو ملط
ماينفعشي يتقال عليه جيش أصلا , الكلام ده مايحصلشي ولا حتى في قبائل الهونولولو .
.
أردوغان بعدها
بدأ يتصرف زي الطور الهايج العبيط , اعتقالات و رفد و محاكمات لعشرات الالاف من الأتراك
في كل المجالات , و لما حس إنه لبس في موضوع الطياره الروسيه و موضوع السفير الروسي
و إن أسياده في حلف الناتو ممكن يرفعو إيديهم عنه , راح يجري يبوس إيد بوتين و يستعطفه
و يستنجد بيه , و بوتين حاليا بيلّف أردوغان على صباعه زي ما يكون بيلعب بسلسة مفاتيح
.
.
يا معلم إنت لبست
رسمي و هتشيل أوبّح , أمريكا و حلف الناتو استخدموك زي منديل كلينكس و بوتين بيلاعبك
دلوأتي عالهادي , دورك في مرحلة الخراب كان مجرد فار من فيران الغيط و انت اتخيلت نفسك
واد دكر و سبع رجاله في بعض , قابل بقى معازيمك و قعّدهم .
..................................................................................................................
Mohamed Hussein
11
مارس 2017·
شوفت ياض يا فوفو
اللي حصل ؟ مصيبه بمعنى الكلمه
- ايه خير , قول
بسرعه .
.
بيقولك هولندا
رفضت هبوط طيّارة وزير الخارجيه في المطار و قالت له ارجع يا روح مامتك من مكان ما
جيت .
- هههههههههههههههه
ماحنا دوله فاشله , انا كان قلبي حاسس كان قلبي حاسس , العالم كله بيعلّم علينا دلوأتي
و محدش بيحترمنا , يا فضيحتنا و الله , نودّي وشنا من الناس فين بس , حتى هولندا اللي
ملهاش أي لازمه عالخريطه تعمل فينا كده , دي هولندا دي عباره عن مزرعتين و نخلة و شوية
بقر مطلوقين و كام علبة سمنه , و قال عندنا دبلوماسيه عريقه و بكره تشوفو ماااااسر
.
.
ياهبل يابن الاهبل
, دي طيارة وزير خارجية تركيا .
- ايه ؟ لا بقى
استنى , أكيد فيه دواعي امنيه معينه من حق هولندا تتخذها ك دوله كبيره و عظيمه و عريقه
, و اكيد خايفين عالوزير ده , و يمكن خايفين على حياته و جايز يكون حصل سوء تفاهم و
احتمال تكون طيارة الوزير نفسها هي اللي رفضت الهبوط و ربما يكونو عملو كده عشان الطياره
تاخد لها لفّه في الجو و تضرب بالانص لحد مايعملو مراسم استقبال رسميه تليق بمعالي
فخامة وزير خارجية تركيا .
.
مممممممممم واد
يا فوفو ؟
- نعم .
.
هي امك عارفه انت
بتشتغل ايه بقالك 6 سنين ؟ معقوله تكون كل ده مخبّي عليها ؟ طب مفيش أعراض بانت عليك
لحد دلوأتي ؟ .
..........................................................................................................................
Mohamed Hussein
11
مارس 2017·
من كام شهر فيه
شاب مصري مات في سجون ايطاليا في ظروف غامضه , السلطات الإيطاليه قالت انه انتحر ,
و أهل الشاب قالو مستحيل , مصر طلبت تحقيق في مقتل الشاب المصري و ايطاليا بعتت جثته
امبارح .
.
الحقيقه بتقول
ايه بقى ؟ بتقول التالي :
- مفيش واحده ست
ايطاليه كانت بتشتغل موظفة كارته في موقف نابولي العمومي بتاع الميكروباص اسمها الحاجه
( أم جابريلا ) نزلت بعد ساعتين من وفاة الشاب المصري عندهم و شالت لوحه تتهم فيها
الشرطه الإيطاليه ( بتاعة بلدها ) بقتله و كتبت عليها ( انتو قتلتوه ليه هو احنا قصرنا
معاكو في حاجه ؟ ) .
.
- مفيش شوية نشطاء
إيطاليين صيّع نزلو تاني يوم من وفاة الشاب المصري و عملو وقفه بالشموع قدام السفاره
المصريه في روما .
.
- مفيش شباب ايطالي
شمام كوله و مركوب من شوية ارهابيين بعتو رسايل للإعلام المصري و ترجموها بالعربي و
قالو ايوه احنا اللي قتلناه و مستعدين نحلف لكو و نشهد معاكو .
.
- مفيش شوية صيع
ايطاليين تانيين قالو أصل تاريخ الشرطه الإيطاليه بيقول كذا و عشان كده احنا توقعنا
كذا و متأكدين من كذا و احنا بقى لا بنثق في النيابه الإيطاليه ولا الطب الشرعي الايطالي
و مش بنثق غير في صحفات ( مدام دانيلا التعبانه ) و ( أم كارلا بتاعة الكرشه ) .
..................
..................
الحقيقه بتقول
باختصار , إن الخيانه و النطاعه و العلو*يه و المر*عه دي موجوده عندنا احنا بس , مره
بإسم الثوره و مره بإسم الحريه و مره بإسم العمق الثقافي لامؤاخذه , و هي لا ثوره ولا
حريه ولا ثقافه ولا بطيخ , يا حبيبي حاول تصدق , هي اسمها زي ما قلت لك كده , خيانه
و نطاعه و علو*يه و مر*عه , يعني أربعه في واحد .
.......................................................................................................................
Mohamed Hussein
10
مارس 2017·
طب و الله العظيم
عندي أصدقاء مش مصدقين ان التمثال ده راس بس و انه أجزاء من الاول , حتى بعد تصريحات
زاهي حواس و تصريحات رئيس البعثه المصريه و رئيس البعثه الألمانيه , بالكو لو راس رمسيس
التاني ذات نفسها نطقت و قالت : يا ولاد التيت انا راس بس , عليا الطلاق راس بس و نصي
التحتاني مش لاقيه من كذا ألف سنه .
هيقولو له : لا
لا , انت أكيد السيسي محفظك كلمتين عشان تقولهم , و مش بعيد يكون واخد نصك التحتاني
رهينه عنده في سجون الإنقلاب عشان يضغط عليك و تقول كده , قول و ماتخافش , قول انك
كنت تمثال كامل و ان نصك التحتاني اختفى قسريا من يومين بعد ماتعرّض للظلم و القمع
, قول انك اتعرضت لإيذاء جسدي و نفسي لما حاولو يطلّعوك باللودر , قول انك كاره العيشه
في مصر و عايز تسافر سويسرا , قول و بإذن الله نرفع لك قضيه عالحكومه و وزارة الأثار
و سواق اللودر و الراجل ابو جلابيه والواد حوكشه اللي كان واقف جنبك بالعجله , و اهو
الأستاذ خالد علي موجود و فاضي مش وراه حاجه .
....................................................................................................................
Mohamed Hussein
10
مارس 2017·
مرتضى منصور فنجري
بؤ زي الواد بتاع كوريا الشماليه , قرار انسحاب الزمالك من الدوري و تنفيذه أكبر بكتير
من امكانيات مرتضى و امكانيات الجمعيه العموميه , أندية الزمالك و الاهلي بيختلفو تماما
عن مركز شباب مغاغه و مركز شباب كوم الشقاف , و قرار انسحابهم من بطولة الدوري بيحتاج
موافقه سياسيه من اعلى راس في الدوله , و محتاج كمان توقيت يسمح بكده , يعني ممكن نعتبرها
أمن قومي .
.
من مشجع زملكاوي
صميم لمرتضى منصور القاطن بنادي الزمالك :
ماتلعبّشي في عداد
عمرك يا مرتضى يا حبيبي , قول بؤين و اطلع شويه عالفضائيات و هرتل براحتك و اشتم طوب
الأرض , و بعدين إنهي الحدوته زي كل مره بالجمله الشهيره ( خلاص هتنزل المرادي , بس
اعملو حسابكو المره الجايه لا يمكن تنزل الأرض ابدا ) .
..................................................................................................................
Mohamed Hussein
10
مارس 2017·
لا كده كتير بقى
, كتير أوي بصراحه , حتى التمثال اللي نلاقيه في المطريه نجيب ناس بجلاليب يتعاملو
معاه و نسيب راس التمثال بره كده و العيال الصغيرين يتصورو جنبه هما و الواد حوكشه
اللي راكب العجله ؟ وكمان نغسله بجردل ولا خرطوم مايه ( مافيش بانيو كبير ؟ مفيش ساونا
؟ مفيش جاكوزي ؟ ) .
.
صورتنا تبقى ايه
قدام العالم و النبي ؟ , صورتنا تبقى ايه قدام أمريكا اللي هي بتحبنا و بتموت في دباديب
اللي خلفونا ,و بتتمنى تشوفنا أحلى بلد في الدنيا ؟ صورتنا تبقى ايه قدام روسيا اللي
بقالها سنتين بتتحايل علينا عشان ترجع السياحه بتاعتها واحنا نقولها ابدا , سياحتكو
ترجع بشروطنا و عايزين كذا و كذا و هنعمل لجنه و نبقى نفكر و نبت في موضوعكو ؟ صورتنا
تبقى ايه قدام الكولجيه المصريين الوطنيين أخر فيصل , اللي بيدخلو على صفحات السياحه
المصريه و ينشرو صور ورد و فل و شواطئ سياحيه و يقولو تحيا مصر و يدعو السياح الاجانب
لزيارة مصر , الكولجيه اللي حبهم لمصر بيخّلي دموعهم ماتنشفش من على خدهم ؟ , صورتنا
تبقى ايه قدام خرفان الجماعه الارهابيه اللي تراب الوطن عندهم مقدس و قدسي و قدس الأقداس
؟ الخرفان اللي بيغيرو على مصر و بيخافو عليها من الهوا الطاير ؟!.
.
بصراحه كده كتير
, و انا استحملت السيسي بما فيه الكفايه , إلا موضوع الجلاليب بقى ياريس , ايه الجلاليب
البلدي والبيئه دي ؟ و من امتى الصعايده عندنا بيلبسو جلاليب ؟ أنا طول عمري اعرف ان
العمال الصعايده بيلبسو جينز و تي شيرت و حظاظه , الموضوع ده حز في نفسيتي جدا على
فكره و كان ك ( القشه التي قسمت ظهر البعير ) .
.
أصدقائي الأعزاء
, مفيش داعي للإنكار و المكابره , بعد معركة الجلاليب و العجله و خرطوم المايه لازم
نعترف كلنا , إن السيسي خد فرصته كامله متكامله , 4 سنين كفايه أوي , ندّي فرصه بقى
لعبد الفتاح .
.................................................................................................................
.
.
ليست هناك تعليقات:
إرسال تعليق