Mohamed
Hussein
9
مارس 2017·
من شهرين كان فيه
عيل صايع بدقن كده من البهاليل اللي بيعتبرو نفسهم سلفيين اسمه عادل عسليه , الواد
الصايع دبح عم يوسف لمعي ( صاحب محمصه في اسكندريه ) بحجة انه بيبع خمور , النهارده
القاضي حكم عالواد الصايع أبو دقن بالإعدام !! .
.
مفيش حاجه اسمها
دوله دينيه ولا دولة اسلاميه تقوم تسمح لمواطنيها بالبلطجه على مخاليق ربنا , فيه حاجه
اسمها دولة قانون , و بالنسبه لأصدقائي الأقباط اللي من كام يوم جنّنوني بافتكاسة ان
عندنا قانون بيقول ( لا يؤخذ مسلم بدم ذمّي ) و ان القضاء بتاعنا شغّال في البلاله
دي فعايز أقولهم و النبي تبقو تركزو شويه و تتأنو و تتأكدو الأول .
.
انا لو قاضي و
بيحكمني قانون بالشكل ده ( بتاع مسلم و ذمّي ) في قضية زي دي , هقدم استقالتي و اروح
اشتغل بياع طرشي , أو اضرب نفسي بالنار قبل ماصدر حكم يكون أصلا ضد قوانين الطبيعه
و قوانين البني أدمين و أبجديات العقل البشري .
........................................................................................................................
Mohamed
Hussein
9
مارس 2017·
في اليوم العالمي
للمرأه
.
عزيزي الرجل ,
خليك حلو كده وابن بلد و جدع , هي ياما استحملت و شالت معاك كتير , هات لها هدية يا
أخي و لو ورده ب 5 جنيه , هتفرّحها اوي , بس اوعى مراتك تاخد بالها .
...............................................................................................................
Mohamed
Hussein
9
مارس 2017·
لما ظابط شرطه
يعتدي على متهم بالضرب و التعذيب بنقول عليه ظابط بلطجي مجرم ( و بيتقدم للمحاكمه زي
أي حد ) , و لما النهارده عقيد شرطه يستشهد في سينا , ده اسمه بطل شهيد , و مش حقيقي
أبدا ان ربنا خلق ظباط الجيش و الشرطه و بياخدو مرتباتهم عشان يموتو وفي الوقت اللي
هما بيستشهدو فيه نبقى احنا بنحبطهم و نتريأ عليهم أو مشغولين بمين اتجوز مين على مراته
أو مستنيين طائر البطريق يوصل بالسلامه عشان نتصور معاه سيلفي ( دي اسمها افتكاسه كولجيه
عالية التركيز , يعني حاجه PURE كده و من قعر البرطمان ) .
.
أما حكاية الداخليه
بلطجيه ف دي كانت من ضمن السنجفه و طرق الركوب اللي اتركبنا بيها بعد يناير 2011 ,
لما اتركبنا صح الصح , عندنا في البلد بنسمّيها الطريقه الحُمّيري , الداخليه في ظرف
كام سنه قدمت مئات الشهداء , لا حد فيهم قال نعتصم ولا حد قال نعمل عصيان مدني ولا
حد قال مش هخدم في المنطقه الفلانيه .
.
إنما أبجديات الهطل
و أبجديات الخيانه و أبجديات قناة الخنزيره الصهيونيه و أبجديات المؤامره , اننا نردد
بغشم مصطلحات نهد بيها حيطان البيت و مؤسسات الدوله و نحرق ممتلكاتنا العامه و نسرق
ملفات المجرمين , و نطالب بحل جهاز أمن الدوله اللي 99.9 % من شعب مصر مكانشي يعرف
حاجه عنه !! .
.
رحم الله الشهيد
العقيد ياسر محمد الحديدي .
..................................................................................................................
Mohamed
Hussein
8
مارس 2017·
أه فهمت فهمت
, فيه بنات و ستات و ناس كتير زعلانين من الموضوع عشان طارق عامر متجوز أصلا و كده
يبقى اتجوز على مراته ( الندل الدون ), عموما سهله , مكالمتين تليفون و نحل الموضوع
, نتأكد الأول و بعدها على طول نتصرّف ’ خليكو معايا ثانيه واحده
.
تررن تررن , تررنرنرن
ألو , حضرتك مرات
الأستاذ طارق عامر؟
- أه انا مرات
طارق , مين معايا ؟ .
.
مع حضرتك محمد
حسين من أمام احدى صفحات الفيس بوك .
- أهلا و سهلا
, خير ؟ .
.
بصي بقى , لا سلام
ولا كلام ولا خير ولا يحزنون
- مش فاهمه حضرتك
تقصد ايه ؟
.
انتي عرفتي ان
جوزك اتجوز عليكي ؟
- اه عارفه طبعا
.
.
يا سلام ياختي
, و بتقوليها بمنتهى البرود كده ليه ؟ داحنا دمنا محروق عالفيس و انتي ولا همك.
- نعم ؟ !!
.
نعم ايه و هباب
ايه , انتي ازاي توافقي انه يتجوز عليكي , وليه ان شاء الله ؟ دانتي اكيد مستحملاه
من ايام ما كان موظف صغير بيقبض ألفين تلاته , يقوم يعمل فيكي كده ؟ ده جزائك يعني
؟ .
- نعم يا فندم
؟!! .
.
بلا أفندم بلا
هباب البرك , قولي لي ازاي توافقي اذا كنا احنا مش موافقين .
- انتو امين ؟
.
احنا بتوع الفيس
و هتلاقي معانا الأستاذ خالد علي و الأستاذه أم نحمده بتاعة الكرشه .
- طز فيكو .
.
نعم ؟ و بتقولي
طز كمان ؟ بس بس , انا كده فهمت , هو يا إما هددك بالطلاق و ان العيال يتشردو في الشارع
, يا اما أغراكي بمبلغ في البنك , قولي كتب لك كام ؟ اعترفي بقولك , ماهو احنا كمان
من حقنا نعرف , و نعمل حوار مجتمعي و نشوف المبلع يستاهل ولا لا , و الأستاذ وائل الإبراشي
هو كمان من حقه يعرف .
- طز فيكو و في
الأستاذ وائل الإبراشي .
.
لا بقى , كله الا
كده , اعترفي بقولك , و إلا و ديني ما هنسكت و هنعمل وقفه على سلم نقابه الصحفيين و
جمعة ( جواز طارق من داليا باطل و الشريعه ) , بقى تستحمليه في كل حاجه حتى في تعويم
الجنيه و في الأخر يعمل فيكي كده ؟ طب انتي عارفه هو و داليا بيعملو ايه دلوأتي ؟ أكيد
هايصين طبعا و ساونا و جاكوزي و أخر دلع , و هيصرف فلوسه عليها كمان , و بكره تقولي
محمد قال .
- انت اهبل ياض
؟
.
ماشي ماشي , اشتمي
براحتك .
- طب غور بقى يلعن
$%^^7* أهلك , تيت تيت تيت تيت .
......................................
أصدقائي , معلش
الخط فصل , تقريبا الموبايل بتاعها طفى فجأه , خليكو معايا ثواني كمان .
.
تررن تررن , تررنرنرن
.
ألو , الشيخه خديجه
المغربيه .
- أيوه يا ابني
, انا الشيخه خديجة المغربيه , كتكوووووووووت .
.
أهلا وسهلا بحضرتك
, بس انا اعرف ان حضرتك اتقبض عليكي , أتأكد منين انك الشيخه خديجة المغربيه فعلا ؟
.
- يابني احنا كتير
و كلنا اسمنا خديجة المغربيه أنا و زملائي و رفقائي فوق الأرض و تحت الأرض , واحده
مننا بس اللي اتقبض عليها , و بعدين بقولك كتكوووووووت أهو يبقى لازم تتأكد .
.
أه صح طالما قولتي
كتكوووووووت يبقى انا اتأكدت , عموما كنا عايزين فضيلتك في موضوع كده و طلباتك كلها
مجابه بإذن الله .
- انت عارف طلباتي
كويس ؟ .
.
أه يافندم , مليون
دولار كاش يكونو في شكارة بلاستيك و رجل غراب دكر يتيم و حتة من سوالف عمرو حمزاوي
.
- أه مانت شاطر
أهو , خير ايه الموضوع ؟.
.
بقى حضرتك الأستاذ
طارق عامر اتجوز على مراته , و المشكله انها موافقه كمان , احنا لسه قافلين معاها من
شويه .
- طب فين المشكله
بقى ؟ .
.
مانا جايلك في
الكلام اهو , هي صحيح موافقه بس احنا مش موافقين .
- انتو مين ؟
.
احنا بتوع الفيس
بوك و حشر المناخير و الهري في أي حاجه , مش موافقين و معترضين من هنا لحد أسوان .
- طيب ايه المطلوب
مني ؟ .
.
مطلوب من فضيلتك
انك تطلقيه من اللي اسمها داليا دي , خطّّافة الرجاله , و ترجعيه لمراته , ربنا يهدي
سرهم , عشان احنا كمان عالفيس نهدى شويه و نشوف حالنا و محتالنا بقى .
- طب يا ابني جهز
المطلوب , و طلبك مجاب بحق المطر و السحاب ...كتكوووووووووت .
تمام تمام , في
حفظ الله فضيلتك , سلامي لرفقائك اللي فوق الأرض و اللي تحت الأرض و سلام خاص جدا للأستاذ
كتكوت .
........................
خلاص يا خوانا
, الحمد لله , الشيخه خديجة هتتصرف , نشوف مصالحنا و حالنا بقى .
.................................................................................................................
Mohamed
Hussein
8
مارس 2017·
اتنين بني أدمين
قررو يتجوزو على سنة الله و رسوله , الحب و الجواز لا بيمنعهم سن ولا مركز مرموق ولا
وظيفه في موقع المسئوليه .
اتنين اتعرفو على
بعض و حبو بعض و ملقيوش مانع من الإرتباط , و اختارو توقيت صح للارتباط ده , و تم الإرتباط
على خير , ألف مليون مبروك للعروسين , طارق عامر و داليا خورشيد .
.
يا أستاذ يا أستاذ
, مناخير امك دي ؟ أومال حاشرها في حياة الناس ليه ؟ .
يا أستاذ يا أستاذ
, حريتك الشخصيه بتتوقف و تتسمّر مكانها عند حرية الأخرين , يعني لازم تلاقي لوحه كده
مكتوب عليها stop , ممنوع الوقوف أو الانتظار , منطقه ممنوعه
, جنابك لا انت المأذون الشرعي لكوكب الأرض , ولا ربنا خلقك و دورك في الحياه انك تعمل
تقييم و evaluation لسلوكيات الناس و تصرفاتها
الشخصيه و قرارتها .
.
الحكايه دي هي
مجرد فصل من فصول كتير في كتاب ( الهطل و البلاله ) اللي عايشين فيه من سنين , لما
الواد اللي معاه دبلوم تجاره و مابيعرفش يكتب اسمه يفتي في التسليح و الامن القومي
و العلاقات الدوليه ( و يحسسك إنه بيفهم في العمل الدبلوماسي أكتر من سامح شكري و عمرو
موسى ) , ويتريأ على كل حد و كل حاجه و كل جهه و كل مؤسسه , يبقى لازم كمان يفتي في
حياة الناس الشخصيه مهما كان مراكزهم و درجة علمهم و ثقافتهم و رجاحة عقلهم , أه لازم
طبعا يدلي بدلوه ويعمل كوميكس سخيف و شألباظات ( و يقيم الكونَ و يقعدهُ ) , إومال
إيه ؟ أومال لأ ؟ , ... لاهو انت فاكرني جاهله ؟ دانا طالعه من ساتّه ابتدائي .
.................................................................................................................................
Mohamed
Hussein
7
مارس 2017·
و لكل شاب فاهم
إن دور الإعلام هو السباب و التهييج و الردح و نشر الإشاعات و الأخبار المغلوطه و التقارير
المزيفه بدون رقيب أو حسيب ( كما لو كانت الدوله دي هي جُرن الهبله ) , و إن الإعلامي
ده على راس أمه ريشه و مش المفروض يتحاكم ولا يتحاسب , ولو اتقدم للمحاكمه تبقى الدوله
الفاشيه بقى اللي بتقصف القلم و تسرق البرّايه .
.
عزيزي الشاب ,
على فكره , أمك ماشيه على حل شعرها مع الواد حوده الكهربائي و كل يوم بتنزل من شقته
بعد الفجر , تحديدا الساعه خمسه خمسه و نص كده , و فيه شاهد عيان ( رفض الإفصاح عن
إسمه ) اكد لي الموضوع ده و تقارير لبعض المواقع اتكلمت عن علاقة الست الوالده بحوده
الكهربائي , و على فكره انا مش مضطر أثبت لك حاجه , انت اللي مضطر تثبت لي ان مامتك
سمعتها كويسه .
.
ايه ؟ لا اوعى
تزعل , انا كمان حر في السباب و نشر الإشاعات و الأخبار المغلوطه , ولّا انت عيل فاشي
و بلطجي و عايز تعتدي على حريتي و تقصف لي القلم ؟
.........................................................................................................................
Mohamed
Hussein
7
مارس 2017·
مصطفى : و احنا
هنعمل ايه دلوأتي يا عماد ؟
عماد : هندخل على
صفحة ويل سميث و الصوره اللي حاططها للاهرامات و نشتم في مصر بالعربي و الإنجليزي و
بكل لغات العالم , و بعدين ندخل على صفحات الناس اللي بيحبو مصر وبيحترمو إسمها و تاريخها
و جيشها و نعمل لهم ريبورتات كتير لحد ما نقفلها .
.
مصطفى : و احنا
لما نشتم مصر على صفحة ويل سميث و نقفل صفحات الدولجيه المرابطين , كده ثورتنا هتنجح
يا عماد ؟
عماد : بامتياز
يا جدع .
.
مصطفى : و بعدها
ممكن نحكم مصر و ناخد أغلبيه برلمانيه ساحقه و الأستاذ خالد علي يشكل الحكومه هو و
الأستاذ سوكا بتاع الولاعات ؟ .
عماد : طبعا يا
مصطفى , هو انا عمري ضحكت عليك ؟ .
.
مصطفى : حبيبي
يا عمده , دانا امي بتدعي لك دُعا .
.................................................................................................................
Mohamed
Hussein
7
مارس 2017·
عسل أوي الراجل
بتاع كوريا الشماليه ده , كل يوم يصحى من النوم و قبل ما يغسل وشه يعلن الحرب على أمريكا
و يقول لمساعديه استعدو عشان هنحارب , مساعديه يقولو له هنحارب أمريكا إزاي يا زعيم
؟ يقول لهم طب استنو ادخل الحمام و لما اطلع اكون فكرت هنحاربها إزاي , و يدخل الزعيم
الحمّام و يطلع , يقومو المساعدين سألينه تاني نفس السؤال , يقوم هو متقمّص دور انعام
سالوسه في فيلم الحرب العالميه التالته ( هات البوك اللي هناك ده يا خميس ) و يقوم
ماسك المسدس و ضارب المساعدين بالنار , عشان زنّو كتير و سألوه مرتين .
...............................................................................................................
Mohamed
Hussein
7
مارس 2017 ·
الشاب المصري اللي
بطاقته بتقول انه مصري و شايل جواز سفر مصري و اتولد في مصر و اتربى فيها و اتعلم في
مدارسها , و في النهايه مثلا يلاقي نجم عالمي زي ويل سميث ناشر صوره على صفحته مع الأهرامات
, يقوم الشاب ده داخل كاتب تعليق أبيح و وقح وقذر عن مصر , اللي هي ( بلده ) .
.
يا حبيبي حاول
تصدق , إنت مش ابن ثوره , ولا ابن نظام معارضه , ولا ابن منهج فكري , انت ابن علاقه
وسخه مستمره من 6 سنين بين جماعه ارهابيه و شوية كولجيه , واحد فيهم راكب و التاني
مركوب , و انت الإبن الشرعي للعلاقه دي , انت الوريث المشوّه , اللي نصه إرهابي و نصه
التاني مممممممم مرات الأسد .
..................................................................................................................
Mohamed
Hussein
6
مارس 2017·
سأل رجل أعرابي
حكيم الزمان و قال له يا حكيم , متى بظنك تعلن بريطانيا في بيان رسمي واضح و صريح بأن
جماعة الإخوان المسلمين جماعه إرهابيه ؟ و هل هناك أي احتمال لذلك ؟ .
.
فقال الحكيم :
أي بني , من الممكن أن تعلن بريطانيا بشكل رسمي و صريح أن جماعة الإخوان جماعه إرهابيه
و لكن في حاله واحده فقط و بشرط واحد .
.
فقال الأعرابي
, و ماهي الحاله و ماهو الشرط يا حكيم فتح الله عليك ؟ .
.
فقال الحكيم ,
أما الحاله يا بني فهي أن يخرج حسام حسن على الملأ و يتبرأ من أخوه ابراهيم حسن و يقول
: ده لا اخويا ولا اعرفه ولا شبهي أساسا .
.
فقال الأعرابي
, و ما هو الشرط فتح الله عليك ؟ .
.
فقال الحكيم ,
اما الشرط فهو أن تتوصّل الراقصه صافيناز لنظرية علميه تثبت أن النظريه النسبيه كانت
فطشه و إن أينشاتين كان حمار كبير , يعني بيج دونكي .
.
فقال الأعرابي
, بس صافيناز يا مولانا الحكيم من غير نظريات ولا حاجه لو قالت لي النظريه النسبيه
فطشه و أينشتاين حمار كبير هقولها طبعا ده اكبر حمار في الدنيا .
.
فقال الحكيم ,
غور ياض من هنا يلعن أبو شكلك .
فقال الأعرابي
, مالك زعلت كده ليه بس يا عمو الحكيم ؟ .
.
فقال الحكيم ,
عمو إيه بقى , دانت اللي عمو .
..................................................................................................................
Mohamed
Hussein
6
مارس 2017·
من أكبر علامات
الإستفهام اللي قابلتنا في ال 6 سنين اللي فاتت هي الإسم ده / محمد حسني مبارك .
.
الراجل اللي بنحمله
كلنا ( و انا أولكو ) مسئوليه التركه الهباب اللي ورثناها , فساد و رشوه و جهاز اداري
مترهل و جماعة ارهابيه متوغله في كل مفاصل الدوله , و اقتصاد هش جدا , إلا إنه , و
بطريقة ( ما لنا و ما علينا ) , أو بشوية إنصاف , ساب جيش قوي و متماسك , وزارة خارجيه
قويه , جهاز شرطي جيد ماوقعشي رغم كل محاولات اسقاطه .
.
علامة الإستفهام
بقى تاريخها يوم التنحي , و لحد النهارده , هفترض إن أنا محمد حسني مبارك , رئيس حكمت
مصر 30 سنه , عندي فلوس كتير ( مش 70 مليار دولار اكيد ) , و عندي علاقات خارجيه بدول
( و قارات ) و عندي أنصار في الشارع بالملايين , و في اليوم ده تحديدا كان قدامي 3
اختيارات :
.
1- أسافربره مصر
و اعيش سلطان زماني أنا و عيالي و أحفادي و عندي اللي يكفيني 500 سنه جايين .
.
2- أتمسّك بالسلطه
, و أستغل شعبيتي و قاعده أنصاري العريضه , و لو طلب الأمر أديّهم سلاح و أقلبها حرب
أهليه .
.
3- أتذل و أتحاكم
6 سنين و رايح جاي عالمحكمه و المتهم محمد حسني مبارك , حاضر يافندم , ايه ده ؟ متهم
ايه و حاضر يافندم ايه ؟ انا رئيس مصر لمدة 30 سنه ( يعني ملك مصر ) مرمي الرميه دي
و بتحاكم زي حرامية الغسيل و العيال اللي بيتاجرو في البانجو ؟! .
.
الحقيقه مبارك
اختار الإختيار الصعب جدا , الإختيار اللغز , اللي مش لاقي له تفسير , هل هو دكتوراه
في العند فعلا ؟ هل خلفيته العسكريه منعته من الإختيارين الأول و التاني ؟ هل فكرة
انه يتحاكم كانت صعبه في أولها و بعد كده اتعود ؟ هل الإهانه دي مرت عليه بالساهل ؟
............. لو انا مكان مبارك كنت غالبا اخترت الاختيار الأول , مش التالت , و بالتأكيد
مش التاني .
.......................................................................................................................
Mohamed
Hussein
5
مارس 2017·
معقوله زيارة ميسي
للأهرامات و بعدها ميركل و بعدها ويل سميث , يكون السيسي فعلا عارض الأهرامات للبيع
بأعلى سعر و بيفرّج عليها الزباين ؟ طب مين السمسار في الحكايه دي ؟ أكيد زاهي حواس
, هو مفيش غيره , عارف البضاعه و حافظها و دايس فيها و بيعرف يتكلم انجليزي و ألماني
و أرجنتيني و فرعوني , اه قولت لي بقى , عشان كده زاهي حواس بيظهر في الصور مع كل زبون
ييجي يتفرج , ماهو مش عايز يخسر عمولته .
.
على فكره يا ريس
, انا كمان جاهز و فلوسي حاضره , توتو على كبوتو , وانا أولى من الغريب , بس محتاج
حاجه خفيفه شويه على أدي , يكون سعرها حنين , مستعد أشتري هرم سقاره المدرج أو قهوة
عماد اللي في النعام , و طبعا عمولة زاهي حواس عليكو .
...................................................................................................................
Mohamed
Hussein
5
مارس 2017·
النجم العالمي
ويل سميث بيزور الأهرامات مع عيلته و بيقول , دي أجمل رحله في حياتي , و ماكنتش اتخيل
مصر بهذا الجمال !! .
.
كولجي 1 : ويل
سميث ده يهودي و امه يهوديه بتبيع طعميه , و يبقى ابن خالة ميسي و انجيلا ميركل تبقى
خالته الكبيره , هما التلاته يهود من عيلة واحده و بيشتغلو في الموساد بعد الضهر عشان
يحسنو دخلهم .
.
كولجي 2 : ده مش
ويل سميث ده عسكري امن مركزي بيتكلم ويل سميث لانجوتش , و السيسي محفظه الكلمتين دول
يقولهم عشان يداري على زيارة ميركل للقاهره و عالبلانتي اللي جهاد جريشه ماحسبهوش
( بص العصفوره !! ) .
.
كولجي 3 : السياحه
مش مهمه و الاستثمار و الامن مش مهمين , اهم حاجه الحوار المجتمعي و الأستاذه جميله
اسماعيل , و على فكره بقى عبد الرحمن القرضاوي هو شاعر الثوره , و عزمي بشاره مفكر
كبير و بيكره اسرائيل أكتر من شعبان عبد الرحيم .
.
كولجي 4 : ويل
سميث مات من 70 سنه و ده الدوبلير بتاعه .
.
كولجي 5 : مره
كنت راكب مع سواق ميكروباص و قالي الناس بتاكل من الزباله و فرحانين بزيارة ممثل أمريكي
مغمور .
.
كولجي 6 : مره
كنت راكب مع سواق توكتوك و مقالشي حاجه بس حسيت كده انه كان عايز يقول حاجه .
.
كولجي 7 : مره
كنت راكب دماغي و ماعرفتش انزل .
..................................................................................................................
Mohamed
Hussein
4
مارس 2017·
ترامب بيتهم أوباما
بالتنصت على هاتفه أثناء الحمله الإنتخابيه !! .
.
أمريكا البلد اللي
بتبيع للعالم كله حريات متعبّية في أزايز ( و بتبيع كمان ديموقراطيه و مناديل كلينكس
و فلّايات ) بتتجسس على مرشح الرئاسه الأمريكيه !!.
.
أتعشم بقى إن مولانا
البرادعي يكتب تويته بالإنجليزي عن الإعتداء على الحريات , و الفاشيه الأمريكيه اللي
بتطل برأسها , قول ورايا يا برادعي American fascism emerges its head
والنبي لو عملتها
أو كتبت حرف واحد يعلّقوك على عمود نور من نضارتك ( أه نضارتك بلاش الكلمه التانيه
) , و تصحى من النوم في يوم من الأيام ماتلاقيش جايزة نوبل جنب منك , ولا تلاقي ( النضاره
) .
................................................................................................................
Mohamed
Hussein
4
مارس 2017·
كل دول العالم
اللي بتأوي و ترعى و تعلف و تفتح بيبانها و قنواتها و اعلامها و برلماناتها لجماعة
الإخوان الإرهابيه هتشرب من نفس الكاس قريب بما فيهم أمريكا , كل الدول ما عدا بريطانيا
, عشان بريطانيا هي اللي عامله كتالوج الجماعه الإرهابيه دي , يعني هي اللي عارفه طريقه
التركيب و التشغيل ( و التعطيل ) و هي اللي معاها الريموت كنترول .
...........................................................................................................
Mohamed
Hussein
4
مارس 2017·
أكشن عاشر مره
.
المجلس الفيدرالي
الروسي : استئناف الرحلات السياحيه لمصر قريبا و مش باقي غير 4 نقاط , يعني هانت أوي
جدا خالص .
.
أه عارفهم عارفهم
ال 4 نقاط دول , لا استنو و النبي , خلّو الطلعه دي عليا أنا
.
1- نكتب لكو نص
مصر بيع و شرا و نسجلها في الشهر العقاري بتاع بندر موسكو .
2- نعين لكل سايح
روسي 2 ظباط أمن دوله و نجيب له في الشاليه ساونا و جاكوزي و دي في دي و صوفيا لورين
تبات معاه .
3- تاخدو وزير
السياحه رهينة عندكو .
4- تحتفظو بالكوره
بتاعة حسام غالي اللي شاطها في ماتش السوبر .
.
عزيزي السيد فلاديمير
بوتين , ماهو صلي عالنبي عليه الصلاة و السلام , قواعد عسكريه أجنبيه عندنا مش هيحصل
, و الغاز بتاعنا هيطلع و يروح لأوروبا يعني هيطلع و يروح لأوروبا , مش عارف أقولك
ايه و الله , دانا كنت في الطالعه و الداخله اقول بوتين راح و بوتين جه , و كنت راسم
لك صورة بورتريه أد كده و معلّقها في الصالون .
.
عارف يا عم الحاج
بوتين التماحيك و التلاكيك بتاعة عودة السياحه دي بتفكرني بايه ؟ بتفكرني بالست اللي
جوزها مارضيش يكتب الشقه باسمها قامت راحت محكمة الأسره و طلبت الخلع و قالت للقاضي
أصله بيشخر و هو نايم و مابيعرفش , و أمه تخينة أوي .
..................................................................................................................
Mohamed
Hussein
3
مارس 2017·
و بس يا سيدي
, قام المدافع طاير طاير و بلاد تشيله و بلاد تحطه و فارد ايديه كداهو و جايب الكوره
, انا قلت بلانتي و طرد و عم محفوظ بتاع الجراش قال بلانتي وطرد و الطفايه بتاعتي قالت
بلانتي و طرد و طوب الأرض صرخ و قال بلانتي , بس جهاد جريشه قال لأ , و حامل الرايه
قال عليا الطلاق ما حصل .
.
بالمناسبه للساده
لجنة ديك أم حكام مصر , الكوره دي ماترجعش لورا كده الا اذا اتلعبت بالايد , يعني لو
اتلمست بأي عضو تاني في الجسم ماترجعش كده , ولا أي عضو يعمل فيها كده , ده لو كنتو
اتفرجتو على كوره في حياتكو مره ولو صدفه , إلهي تتشكّو في أعضاؤكو نفر نفر .
.
عموما , ألف مبروك
الدوري للأهلي , من قلبي و الله , مش مهم الدوري , بس الكوره دي مثلا هتلاقوها بكره
على المواقع الأسبانيه و حملة سخريه للركب من حكام مصر و هتيجي في مواقف و طرائف و
يمكن تستعين بيها الشيخه خديجه المغربيه في فك السحر و جلب الحبيب , و تجيب اللقطه
كده قدامها و قدام الزبون و تقوله بص عالكوره دي ؟ كتكووووووت , اهي ماتحسبتش بلانتي
, عشان تعرف امكانياتي .
.............................................................................................................
Mohamed
Hussein
3
مارس 2· 017
أول مره من يوم
ما فتحت صفحتي عالفيس أشوف بعيني حكاية ( مناقشه مثمره ) , و دي حصلت عالبوست الأخير
اللي كتبته عن مول مصر , تعليقات أغلبها معترض على مضمون البوست لكن كلها في نطاق الإحترام
و الشرح و التوضيح لوجهات النظر , كلنا بنجتهد و كلنا بنستفيد من بعض .
.
ربنا يخيب ظني
و يكون المشروع فيه خير كبير لمصر ( أنا ماعرفوش ) , كل اللي يهمني ان كلام الناس يطلع
صح و يبقى المول ده وجهه لجذب السياح و في نفس الوقت تقلل فكرة سفر المصريين للفسحه
في دبي باعتبار اننا جبنا دبي عندنا ( و إن كنت أشك , و اعرف ان سيكولوجيه البني أدم
اللي بيحب يسافر و يتفسح بره مختلفه عن كده , هو هيسافر هيسافر حتى لو جبت له برج خليقه
و حطيته عنده في البلكونه ) .
.
عايز أقولكو على
سبيل الهزار يعني , أول مره اعرف ان تلتين أصدقائي من عيلة الفطيم , دانا لو كنت روحت
للراجل المستثمر الإماراتي في بيته و جبت ولاده و احفاده و قريت لهم البوست كنت هلاقي
ناس كتير منهم بيقولو معاك حق يا عمو !! .
.
أصدقائي الأعزاء
أنا فخور جدا بصداقتكو و مناقشاتكو و اختلافكو و احترامكو و حبكو للبلد , دمتم على
راسي من فوق مع اني قرّبت أبقى أقرع , اوعو تتزحلقو بقى .
......................................................................................................................
Mohamed
Hussein
3
مارس 2· 017
عندي اعتراض ,
من هنا لحد أسوان .
.
- مول مصر , اتعمل
ب 12 مليار جنيه , رقم مرعب , اللي عمله مستثمر إماراتي , يعني مستثمر أجنبي , صلاة
النبي أحسن ولا حول ولا قوة الا بالله .
.
- و بيقولك يا
سيدي في المول ده هتتزحلق على معرفشي ايه كده و بعدها تعمل كذا و واااو بقى لو عملت
كذا , متعه متعه متعه كأنك بالظبط جبت جون في كاس العالم , يعني نفس متعة مجدي عبد
الغني , برضه ضلاة النبي أحسن ولا حول ولا قوة إلا بالله .
.
- و بيقولك يا
سيدي التذاكر هتكون بألف جنيه و خمسمية جنيه و يعني لو عندك عيلين تلاته و روحت المول
تقضي يوم حلو كده , هتصرف لك بتاع 10 ألاف جنيه , مايجراش حاجه , و احنا مالنا يا موهيي
.
.
- و بيقولك يا
سيدي احنا بعد المول ده هيبقى عندنا اكبر زحليقه و زليجه في كوكب الأرض و أطول شنب
و أكبر طبق كبسه في العالم , صلاة النبي أحسن ولا حول ولا قوة إلا بالله .
.
عزيزتي الدوله
المصريه .......... انتباه يا بلد
أصدقائي الأعزاء
........ انتباه يا بني أدمين .
.
1- هو احنا دوله
غنيه ولا دولة فقيره ؟ خلايجه احنا مثلا و عايمين على بير بترول ؟ .
.
2- صح المستثمر
الأجنبي من حقه يختار النشاط اللي يشتغل فيه و كتر خيره انه بيجيب فلوسه يستثمرها
, و من حكم في ماله فما ظلم , بس احنا كمان دولة مش ( جُرن الهبله ) .
.
3- يعني ايه الكلام
ده ؟ يعني يا محترمين مبلغ 12 مليار جنيه كان كافي لزراعة مليون فدان في الصحرا , متخيل
الرقم ؟ مليون فدان , تخيل مثلا لو زرعتهم نوع فاكهه للتصدير بعد دراسه للسوق الأفريقيه
و الأسيويه و الاوروبيه .
.
4- مبلغ 12 مليار
جنيه كان كافي لإقامة مصنع عملاق , تخيل مثلا لو عملت مصنع متخصص في صناعه معينه للتصدير
بعد دراسه مشابهه للدراسه اللي فوق .
.
5- السيد المستثمر
الأجنبي على راسي من فوق , بس الدوله كمان و مسئوليها كانو يقدرو يقنعو المستثمر بتغيير
النشاط , و يغروه كمان , هندّيك أرض ألف فدان تعمل عليها المصنع بحق الإنتفاع مجانا
لمدة 30 سنه , و بعد 30 سنه يبقى من حق الدوله تجدد لك فتره مماثله أو تبيع الأرض و
المصنع و لك 50 % من قيمتهم الشرائيه و الباقي للدوله .
.
6- فكرة مولات
و الإستثمار في المولات هي امتداد لسياسة ( أمي ) الله يرحمها لما كانت بتحكم مصر لحد
2011 , و لما في أخر 10 سنين من حكمها كان الإستثمار بالنسبالها عباره عن كومباوندات
و ملاعب جولف و حمامات سباحه , و هوبا لقينا نفسنا فجأه معندناش اعمده اقتصاديه ولا
عندنا تصدير و بنكح تراب و طوب الأرض يساومنا على شوية دولارات .
.
7- أصدقائي الأعزاء
, انا أخر واحد في مصر هيروح يتزحلق في المول ده و معنديش لا حقد ولا غيره ولا في دماغ
أهلي أساسا , عادي خالص , التكلفه ماقدرش عليها , و يوم ماقدر عليها هحاول أقنع بناتي
بشكل مختلف , ايه رأيكو يابنات نتفسح ب 500 ج و بباقي المبلغ أشتري لكو هديه دهب ؟
ايه رأيكو يا بنات ان ال 10 الاف جنيه دي مش لزمانا خالص و احنا مستكفيين من كله حاجه
و عندنا رصيد في البنك أد كده ( ملايين متلتله ) , نروح نتفسح بألف جنيه و بباقي المبلغ
نوصل لحد سجن القناطر و نلاقي ست غلبانه أوي محبوسه عشان 9 ألاف جنيه !! نقوم ندفع
لها المبلغ و نطلّعها لعيالها , أهي دي المتعه اللي مفيش بعدها متعه .
.
8- عارف ان مول
بالحجم و الضخامه دي أكيد يكون بدأ العمل فيه من خمس ست سنين , يعني الموضوع ملوش علاقه
بالسيسي , انما تنبيه ياريس ياريت توصله للساده وزراء الإستثمار و رؤساء الوزرا , الإستثمار
اللي محتاجاه مصر من المستثمر الاجنبي هو الاستثمار اللي فيه انتاج , زراعي أو صناعي
, و فيه عشرات الألاف من فرص العمل و فيه سلعه بتتصدر و عمله صعبه بتدخل , غير كده
يقعدو في بيوتهم .
.
9- اللي بيحصل
ياريس إن المستثمر الاجنبي عمل المول , و عمل دعاية صخمه , و هيلم الفلوس اللي في جيوب
الناس ( بطريقة الإغراء ) و ده حقه , و اعتقد الرقم اللي هيتلم في السنه هيكون مليارات
, مليارات من جيوب المصريين ( الفقرا ) هتخرج بره البلد و تروح لجيب المستثمر ( برضه
حقه ) , انما بالنسبالنا احنا هيبقى اللي خرج من البلد فلوس مصريه راحت في الزحليقه
و طارت في الهوا , مش سلعه مصريه اتصدرت و جابت لنا دولارات .
.
10- أصدقائي الأعزاء
, انسو البوست ده محدش يقرا , انا بهبل تقريبا , اقولكو حاجه ؟ روحو اتزحلقو و اصرفو
10 الاف جنيه و ارجعو اكتبو عن اقتصاد البلد اللي واقع و الغلابه اللي مش لاقيين ياكلو
.
...........................................................................................................
ليست هناك تعليقات:
إرسال تعليق