Mohamed
Hussein
2
مارس 2017 ·
و بس يا سيدي
, قام باصص لها كده و مركّز في عنيها و قال لها بكل رقه : إحنا يا خالتي عندنا 5 مليون
لاجئ في مصر و مش بنسمّيهم لاجئين ولا بنعمل لهم مخيمات .
.
كده السيسي ضرب
كرسي في الكلوب و قفلها زي الطاوله , و قبل ما خالتي تفتح الموضوع الحمضان إياه بتاع
حقوق الإنسان , قام بص تاني في عنيها و قال لها بكل رقه برضه : احنا بنحترم حقوق الإنسان
بس الأحداث اللي حصلت عندنا لو كانت حصلت في الدول الكبيره كان رد الفعل هيكون قاسي
جدا !! , أدي كرسي كمان في الكلوب , مبقاش فيه كلوب أصلا , مش عارف خالتي ميركل هتعرف
تفتح باقي الملفات في الضلمه ولا ايه .
.
والنبي ياريس انت
حريف , أحرف من الخطيب و شيكابالا .
.
و الجميل ان فيه
كرسي تالت هينضرب في الكلوب ( اللي مبقاش موجود ) لما يتفتح الملف الليبي , و هيكون
موقف مصر هو هو ( زي ماتقال للرئيس الفرنسي ) , نرفض التدخل الأجنبي في ليبيا و نرفض
التقسيم و ندعم الجيش الليبي .
.
نتفاوض بقى على
أي مشاريع و علاقات مشتركه و استثمار بس فيه ثوابت غير قابله للتفاوض و النقاش اسمها
الامن القومي , يا الله على رفعة الراس اللي احنا فيها رغم المؤامره من طوب الأرض
( بره و جوه ) و رغم الأزمة الإقتصاديه و رغم إننا ( بنكح تراب ) , يبقى وقّف عندك
يا عم الحاج و ارجع لورا شويه BACK DOWN
, دي الأرض بتتكلم مصري .
........................................................................................................................
Mohamed
Hussein
2
مارس 2017·
جدول أعمال ميركل
في القاهره , هتقابل شيخ الأزهر و البابا تواضروس , و تزور الاهرامات و تفتتح محطات
سيمنس العملاقه لتوليد الكهرباء ( اكبر محطات في العالم ..واحده من فناكيش السيسي
) , و بعدين جلسة مباحثات مع السيسي في الإقتصاد و الصفقات و المشاريع و الغاز و الإستثمار
( و ممكن السلاح ) , و الملف الليبي و السوري و ملف الإرهاب , و حدوتة اللاجئين ( اللي
هي مربط الفرس ) .
.
لا ميركل مش هتقابل
خالد علي و لا خالد داود ولا حتى خالد أبو النجا ولا هتروح تقعد على سلم نقابة الصحفيين
ولا هتتناقش مع السيسي في تويتات البرادعي ولا في هاشتاجات الكولجيه و بوستات أم نحمدة
بتاعة الكرشه .
.
هما الزعماء الكبار
كده , لما بيجتمعو مع بعض بيتناقشو و يتحاورو و يتفقو و يختلفو و يشدو و يرخو و يساومو
و يعصرو بعض و يتبادلو المصالح و يفتحو كل الملفات المهمه ( اللي نعرفها و اللي مانعرفهاش
) , لكن المؤكد و الأكيد إن معندهمشي وقت للهري ولا للهريجيه .
.
صح ألمانيا اكبر
دوله في الإتحاد الأوروبي , بس كمان مصر هي مصر , الكبيره أوي , الدوله اللي بتمرض
ولا تموت , وده اللي بيخليني متطمن , رغم الظروف الإقتصاديه و رغم المؤامره القذره
إلا إن مصر لا تفقد كروتها ولا أوراق الضغط , زمن و عصر التبعيه و الطاعه العمياء للدول
الكبيره أو للمعسكرات انتهى , زمن أمينه و سي السيد خلاص بح
................................................................................................................................
. Mohamed
Hussein
2
مارس 2017·
مفيش مؤامره
...... حتى اسألو مولانا البرادعي .
.
شبكة ABC الإخباريه الأمريكيه جايبه تقرير عن موضوع الأقباط
اللي سابو بيوتهم في العريش , تقوم تقول القناه بقى ان فيه كذا أسره مسيحيه سابو بيوتهم
و راحو اسماعيليه و تسكت ؟ لا ابدا و دي تيجي برضه , ده حتى عيب و مايصحش , و عشان
الناس تعرف يعني ايه دعاره اعلاميه على مستوى دولي , و عشان الكولجيه اللي بيصلو و
يصومو للإعلام الأمريكي و نزاهته و جماله و غمازاته يفهمو .
.
شوف يا مولانا
, القناه جابت تقارير للأسوشيتد بريس ( اختها في الوساخه مايجراش حاجه ) , و مقاطع
فيديو لإيه بقى ؟ للمسيحيين اللي سابو بيوتهم و كده ؟ لا , دي جايبه مقاطع من 2011
للجاليه الأمريكيه لما كانت في مطار القاهره بتحاول ترجع بلدها , و مقاطع للدبابات
لما كانت ماليه الشوارع بعد 2011 برضه , لا قالت تاريخ ولا قالت تنويه ولا أي حاجه
, يعني باختصار بتقول للمواطن الأمريكي , مصر هي الي في التقارير و الفيديوهات دي
, و ابقى سلم لي على مصداقيتك و نزاهة أمك ياسماعيل بيه .
.
أصدقائي الأعزاء
الغاليين , المؤامره اللي دايره علينا من 6 سنين واضحه زي الشمس , مش محتاجه ألف دليل
تاني ولا حاجه , و الإعلام الامريكي زيه زي الإعلام البريطاني زي التركي زي الجزيره
, كلهم ولاد تيت , كلهنّ ولاد وسخه , و الحكومه المصريه مش مطلوب منها تطلع كل ربع
ساعه عشان تفند اشاعه أو ترد على تقرير متفبرك , سامح شكري لو عمل كده يبقى لا هيروح
ولا هييجي و لا هيتحرك من مكانه , , واحنا في مصر معندناش اعلام أساسا , و بالتالي
المواجهه لازم تكون عندنا احنا , عند المواطن الطبيعي اللي بيحب بلده , طب ازاي نواجه
مؤامره أغلبها إعلامي بغرض التشويه و الفبركه و اللعب في العقول ؟ , هما 3 حاجات مفيش
غيرهم .
.
1- بلاش و النبي
تنشرو أي اخبار متفبركه حتى لو أخبار حلوه و بتدي أمل و طاقه , ماتضحّكوش الناس علينا
, حاولو تفكرو الأول , و تاخدو الأخبار دايما من مصادرها الرسميه خصوصا اللي تخص الجيش
و الحرب على الارهاب .
.
2- بلاش و النبي
حكاية بنحبك يا مصر و اللي بيحب مصر يدوس لايك و كام واحد هيقول تحيا مصر , صدقوني
و الله مصر دي مش طفله في kg2 و احنا بنشجعها بقى عشان تعمل
الهوم ورك بتاعها .
.
3- تأكد باستمرار
ان صفحتك فيها كولجي واحد على الأقل و غالبا اكتر , اتناقشو معاهم دايما بهدوء و أدب
, حتى لو ردو بقلة أدبهم المعتاده , لكن مره في اتنين في عشره هيفهمو و يفوقو , احنا
للأسف معندناش رفاهية ان الكولجيه يستمرو عالوضع ده , و أغلبهم على فكره لا بتاع فلوس
ولا بتاع تمويل ولا نيله , هو بيبقى غلبان في عقله مش أكتر , شايف ان السخريه من مصر
و من ثوابتنا هي حاجه لها شمخه و رونق , و( المعين ) اللي بياخد منه بيساعده على كده
, خلّوكو انتو المعين النضيف , الحكايه محتاجه صبر و طولة بال , اللي مناخيره مدفوسه
في الصرف الصحي من 6 سنين أكيد لو قدمت له ورده هيستنكر ريحتها , مناخيره اتأقلمت على
ريحة الصرف الصحي , بس ورده في التانيه في العاشره هترجع حاسة الشم عنده لطبيعتها
, يعني هيفهم و يفوق .
..........................................................................................................................
Mohamed
Hussein
1
مارس 2017·
مالك يابني كده
لونك مخطوف و مرتبك و وشك في الأرض و حاسس إن قفاك سخن و يقمّر عيش ؟!
- لا مفيش , أنا
بس جورج اسحاق شويه .
................................................................................................................
Mohamed
Hussein
1
مارس 2017·
مرحلة ( ما بعد
البلاله ) .
.
أصدقائي الدولجيه
العاشقين لبلدهم , لو سمحتو , أبوس أيديكو , مش أي خبر تشيروه حتى لو من باب المحبه
و التفاخر و بطريقة ( حسن النيه ) , حسن النيه ده أصلا بيجيب نتايج جاز أحيانا , يعني
نتايج عكسيه , طب نعمل ايه بقى ؟ أي خبر تلاقوه عالفيس بوك اعمله scan في عقلك يا أخي , قبل ماتشيره و تقول تحيا مصر ,
شوف عقلك هيقبله ولا لا .
.
يعني مثلا , الجيش
المصري اقتحم جبل الحلال , شئ عظيم , الجبل ده حجمه كبير أوي و تضاريس و كهوف و وديان
, صحيح , يعني منطقه صعبة الإقتحام ؟ صحيح , و الجبل ده هو معقل الإرهابيين من سنين
طويله ؟ تمام مظبوط .
.
طب لما يحصل الإقتحام
و السيطره عالجبل ده ممكن تلاقي ايه ؟ فكر كده , فكر كويس , جبل معمول وكر من سنين
طويله يعني هتلاقي وسائل المعيشه موجوده , هتلاقي شوية فلوس جايز بس مش كتير , ممكن
ألافات الدولارات أو ملايين بسيطه ( مش 60 مليار دولار ... الرقم ده ضعف الإحتياطي
النقدي بتاع مصر ) , و طبعا هتلاقي إرهابيين و جايز من اكتر من جنسيه , الإرهابيين
ارزقجيه عموما بيشتغلو بلقمة عيشهم , لكن مش هتلاقي ظباط مخابرات بتوع دول , مفيش دوله
بتبعت ظباطها بنفسهم , الحدوته مش بتبقى كده خالص , و مهبط طائرات ايه اللي لقوه ؟
انتو اتهبلتو في عقلكو ؟ مهبط طائرات يعني فيه طائرات و الترجمه ان سماء سينا مش بتاعتنا
أيها الحمير الطيبين العاشقين لبلدكو , معلش اسمحولي اشتم عشان متغاظ أوي .
.
طب ايه اللي ممكن
نلاقيه خاص بدول اجنبيه ؟ ما قولنا مش ظباط مخابرات , لكن ممكن تلاقي نوع اسلحه معين
, يوصلك لكذا جهه تقول هي اللي بتمتلك النوعيه دي و بالتالي يبقى طرف خيط , ممكن تلاقي
مكالمات صوتيه توصلك لعنصر اسمه x
تقوم تتعقبه و توصله يوصلك لعنصر تاني اسمه y , و في النهايه تلاقي عندك شكوك معينه , أو تحقيقات
توصلك لجهات معينه , التفاصيل دي اجمالا ماتخصناش احنا كمواطنين إنما تخص الدوله ,
فلو سمحتو تفكرو الأول و الأهم من كده تاخدو معلومتكو من المتحدث العسكري لجيشنا العظيم
, مش من صفحة أم نحمدة بتاعة الكرشه .
.
اللي بيحصل ان
حماسكو المفرط ده بيضيع مجهود الجيش و بيشوّه انتصاره و هو ده المطلوب من اللي بيرمي
لكو الطعم , و اللي بيحصل كمان اننا بنبقى ملطشه حتى للعيال اللي ماتسواش تلاته تعريفه
.
............................................................................................................................
Mohamed
Hussein
1
مارس 2017·
أنجيلا ميركل
, المرأه الأقوى في أوروبا ( و جايز في العالم ) , الست دي جايه مصر خلال يومين و جايبه
معاها وفد أد كده , و هي أصلا مابتتحركش بسهوله و دايما في شنطتها و ( جعبتها ) حاجات
كتير , ميركل الألمانيه دي من الزعماء اللي مابيتكلموش بإسم بلدهم بس , ألمانيا مش
دوله صغيره , يعني الحاجّه ممكن تتكلم باسم الإتحاد الأوروبي و بتشارك بشكل أو بأخر
في تحديد سياسات أم كوكبنا البائس ده ( يعني من الكبار اللي بيحكمو العالم )
.
و الله يا خالتي
ميركل لو جايبالنا خير معاكي أهلا و سهلا ( لو كان هيبان ) , و لو كان لكو حاجه اتقفشت
في جبل الحلال برضه نتكلم و نتفاوض , أما بقى تفتحي موضوع اللاجئين و تقولي خدو لكو
شوية فلوس و شوية لاجئين , ماحنا عارفين انكو مزنوقين اقتصاديا ( فأنا أعلم عنك الكثير
يا اخ فتحي ) , طب ماحنا كمان عارفين انكو مزنوقين و مرعوبين من الإرهاب و البايره
اللي هترجع لبيت أبوها ( و أنا أيضا أعلم عنك الكثير يا أخ علي ) , و عارفين ان بريطانيا
لبستكو في الحيطه و خلعت بدري , تبقى تاخدي واجبك و تشربي قهوتك و مع السلامه , و الله
العظيم على عينا نرجّعك مكسورة الخاطر يا خالتي , بس انتي عارفه اللي فيها , عندنا
في البلد خرفان كتير و قنابل بتمشي على رجلين و المشرحه مش ناقصه قُتله .
.
يوووه , سيبكو
بقى من الكلام اللي فوق ده , مش ملاحظين حاجه ؟ ركزو كده ؟ أيوه ارجع بضهرك عالكرسي
و ركز , قولي لاحظت ايه ؟ بالظبط كده , بعد 6 سنين من الخراب المتواصل في المنطقه و
اللي سمّع و طرطش في كل حته في العالم , وصلنا للنقطه اللي فيها مصر و ألمانيا ممكن
يقعدو يتناقشو في مستقبل اللاجئين بتوع دول تانيه , بس الخطه مكانتش كده , و مش دي
النقطه اللي كان المفروض توصل لها , كان مرسوم لك في الخطه تكون من ضمن اللاجئين دول
, و مستشارة ألمانيا تكون في التوقيت ده بتزور دوله تانيه و تتفاوض معاها على استقبال
اللاجئين , اللي هما احنا !! , اللي وصّلنا للتفاوض النهارده و قبول أو رفض اللاجئين
تاريخ اسمه 30 يونيو 2013 , يوم ما قلبنا الترابيزه و رجعنا مصر المخطوفه .
..................................................................................................................
Mohamed
Hussein
1
مارس 2017·
عشان الصوره تكون
واضحه .
.
الإعلام و رجال
الأعمال و الناس اللي بيشتغلو بالسياسه و بيترشحو للبرلمان و أصحاب القنوات الفضائيه
و الاحزاب القديمه اللي اتوجدت قبل 2011 أغلبهم بينهم شبكة مصالح مترابطه أوسخ ألف
مره من شبكة ألأنفاق اللي اتعملت بين غزه و سينا في أخر 10 سنين .
.
المعارضه قبل
2011 كانت معارضه كرتونيه كلها , يعني معارضه مصطنعه مفتعله , معارضه تم تقليم أظافرها
من بدري , و اللي مايجيش بعصاية موسى ييجي بعصاية فرعون , و اللي مايجيش بالترهيب ييجي
بحتة أرض في الساحل الشمالي أو نلاقيه معكوك في تمويل أجنبي و منظمات مشبوهه , لحد
ما بقى كله ملطوط و كله رجليه جت في الوحل و كله ( اتوسخ ) بعلم أو بجهل .
.
مابقراش خبر أبدا
في الموضوع ده بطريقة ان فلان وحش يبقى اللي بيهاجمه كويس , يعني مثلا , خالد صلاح
عامل حفله تشويه كامله للنائب محمد أنور السادات ( اللي هي مشوه أصلا ) , لكن لما بشوف
الحفله دي و مش معنى ان النائب خاين و بتاع سفارات و تمويل يبقى اللي بيهاجمه ملاك
بجناحين , لا الإتنين ولاد تيت , و الهجوم في الوقت ده مابيكونشي لله و الوطن , إما
يكون اعتقادا من صاحب الجريده انه كده بيرضي الحكومه و يسنجفها ( و يكسب بنط ) أو تكون
الحمله لحساب رجل اعمال تاني ( فاسد برضه ) .
.
من بعد 2011 كان
عندي أمل في ناس ماتكونشي ( اتوسخت قبل كده ) , شوية شباب لسه بخيرهم , و صوتي اتنبح
, انزلو يا شوية بهايم في الشوارع , كلمو الناس , اعملو احزاب حقيقيه , شاركو في العمل
السياسي و خدو كرسيين المرادي و المره الجايه عشرين , عافرو و اصبرو , بس من غير فايده
, الشباب اللي اغلبه جاهل ( و غلبان ) اتركب من قيادات اغلبها عميله و خاينه و واطيه
و بنت كلب , و كانت النتيجه هي الإتجاه بقوه و بشده و بعنف إلى دايرة ( شم الكوله
) , الدايراه المقفوله اللي كان فيها الشباب من 5 سنين بيقولو عسكر و ظلم و فاشيه و
بعد 5 سنين برضه بيقولو عسكر و ظلم و فاشيه , معادله صفريه و تكرار سخيف لنفس البؤ
الحمضان .
.
عشان كده مكانشي
قدامنا اختيار متاح غير القبول على مضض بناس أغلبهم ( اتوسخو سابقا , و أهو اللي يقع
منهم يتكشف وشه القبيح و يتحرق و يتعلم عليه بطباشيره و خلاص , يعني مصر بتنضف , بس
للأسف بتنضف بالبطئ .
.
أه بالمناسبه
, أتحدى أي واحد من عشاق ابراهيم عيسى مثلا يقولي هي مراته بتشتغل ايه و ليه ؟ و ايه
دور المنظمات الأمريكيه و الأوروبيه في مصر و هل هي حاجه كويسه يعني و الحدايه بترمي
كتاكيت ؟ و أتحدى أي واحد من عشاق يسري فوده يقولي هو كان بيعمل حواراته مع قيادات
طالبان من قلب كهوف تورا بورا وقت الحرب ازاي ؟!! .
.
عزيزي الشاب الأمور
الكيوت , مش مهم تحب فلان أو تكرهه , بس المهم يكون عقلك شغال باستمرار , و الأهم إن
بلدك تكون دايما بالنسبالك هي الحب الأول , و تفضل حضرتك عايش بمبدأ , نقِّل فؤادكَ
حيث شئت من الهوى ( ابراهيم عيسى , يسري فوده , خالد صلاح , البرادعي , ياكشي تحب مشابك
الغسيل ) , مالحبُ إلا للحبيبِ الأولِ .
.......................................................................................................................
Mohamed
Hussein
28
فبراير 2017·
أصدقائي الأعزاء
.
أنا نويت أترشح
لرئاسة الجمهوريه , أه ياخويا هترشّح , حقي ولا مش حقي ؟ و لما أنجح بإذن الله أول
حاجه هعملها هي إني أعتقل عبد الفتاح السيسي و أسجنه و أطلع الإخوان من السجون و أجيب
الإخوان اللي هربانين بره و أقول لهم ارجعو عشان مصر محتاجاكو ( و بتسأل عليكو كتير
) , و بعدين أعمل حفله كبيره للمصالحه و الإعتذار لقيادات فصيل الإخوان الوطني الكيوت
, رفقاء الميدان , و أجيب معاهم أمير قطر و أردوغان و سفير بريطانيا في القاهره , نعمل
وليمه بقى ( على حسابي ) , وز و بط و حمام و فراخ بلدي و ممبار و محشي و بعد مالناس
تاكل و تشبع أقوم موقفهم كلهم صف واحد و أمسّكهم سلك كهربا عريان , و أروح افتح الزنزانه
عالسيسي و أقوله دي مفاتيح القصر ياريس , أنا متنازل لك عن حكم مصر , أنا بس عملت اللي
متطلبات وظيفتك و حذرك ( من رد فعل المجتمع الدولي و قوى الشر ) منعوك إنك تعمله .
.
ياربي , كنت هنسى
حاجه مهمة في الحفله دي , كنت هنسى أعزم الإعلاميين الكبار , الأستاذ وائل الإبراشي
و الإستاذ مصطفى بكري و الأستاذ ابراهيم عيسى و الأستاذ لميس الحديدي .
............................................................................................................................
Mohamed
Hussein
28
فبراير 2017·
حُكم غيابي بالسجن
5 سنين على كل من , محمد شومان , عبد الرحمن القرضاوي , وليد شرابي و غيرهم , بتهمة
إلحاق الضرر بالبلاد و التحريض ضد مؤسسات الدوله .
.
ايه ده ؟ هو فيه
حاجه اسمها إلحاق الضرر بالبلاد و التحريض ضد مؤسسات الدوله ؟ لا طبعا , ده حتى عيب
و مايصحش , يعني المفروض حضرتك تروح دوله معاديه لمصر و تشتغل في قناه اتعملت مخصوص
لمهاجمة مصر 24 ساعه و تقعد تشتم و تلعن و تسب في الجيش و تشوه التاريخ و تروّج للإرهاب
و الإرهابيين و تنشر أخبار كاذبه و تدعم الحرق و الخراب و حتى الفتنه الطائفيه .
.
و بعد ما تشتغلك
كام سنه يا معلم و تعملك قرشين حلوين و تقرر انك تعتزل بقى ( و تتحجب ) او تقرر القناه
انها تستغنى عن خدماتك و تشوف خروف غيرك تكون قرونه لسه حاميه , تقوم انت نازل مصر
بقى و نقابلك في المطار ببوكيهات الورد و أكاليل الزهور , و نجيب لك فرقه حسب الله
باعتبار ان اللي عملته في سنين كان اسمه حرية رأي , و نعتبرك بطل قومي و نمنحك جايزة
الدوله التقديريه و قلادة النيل و نعملّك تمثال جنب تمثال أم كلثوم و جمال عبد الناصر
.
.
بالمناسبه يا خروف
, لو مثلا يعني , بقول مثلا , لو مواطن أمريكي مخنوق أوي من ترامب و مش طايق سحنة أمه
و سافر روسيا ( مع ان روسيا مش معاديه لأمريكا بالشكل القذر اللي بتعمله تركيا و بريطانيا
و قطر بنت الوسخه معانا ) , المهم المواطن الأمريكي ده اشتغل في قناه اتفتحت في روسيا
مخصوص لمهاجمة امريكا , و قعد المواطن الأمريكي بقى يسب في قيادات جيش بلده و يشوّه
في تاريخ امريكا ( اللي هو اصلا مشوه لوحده ) و يحرض على الإرهاب و الحرق و الخراب
و الفتنه الطائفيه أو العنصريه في أمريكا , فبالتأكيد المواطن الأمريكي ده مش هيكون
نصيبه محاكمة مدنيه و قاضي و حكم غيابي و 5 سنين سجن , إنما هيكون نصيبه رصاصتين يوصلو
له لحد البيت , هوم ديلفري .
....................................................................................................................
Mohamed
Hussein
28
فبراير 2017·
أبو تريكه , قدّيس
ولا شيطان ؟! .
.
أصدقائي الأولانيين
و التانيين , و النبي كل واحد في حضراتكو ياخد نفس عميق كده و يغمض عينيه و يخرّج النفس
بهدوء و هو بيقول الحمد لله الحمد لله , يعني حاولو تهدو شويه و تفكرو بعقولكو , تعالو
نبدأ الحدوته من الأول .
.
1- من كام يوم
توفي والد اللاعب محمد أبو تريكه , الله يرحمه و يرحم أمواتنا جميعا و يصبر أهله .
.
2- مين هو اللاعب
محمد أبو تريكه ؟ أبو تريكه لاعب كوره موهوب و حريف , بدأت شهرته و نجوميته مع الأهلي
و منتخب مصر , فاز مع المنتخب ببطولتين أفريقيا تقريبا ( أو تلاته ) , و فاز مع الأهلي
ببطولات كتير , أنا زملكاوي على فكره و كنت بحب أبو تريكه كلاعب موهوب , بحب وجوده
في المنتخب و بخاف من وجوده في الأهلي لما يكون بيلاعب الزمالك , يعني بعمل له ألف
حساب , و نفس الموقف كان مع الخطيب من قبله .
.
3- يعني أبو تريكه
لاعب موهوب و حريف ؟ أه , زي مين كده ؟ زي الخطيب و حسن شحاته و حازم إمام و طاهر ابو
زيد , و لاعب خلوق في الملعب كمان ؟ أه , زي مين كده ؟ زي حازم امام و الخطيب .
.
4- طب حد في حضراتكو
يعرف أبو الخطيب مات امتى و حضر الجنازه ؟ لا , طب والدة حسن شحاته ماتت ولا عايشه
؟ لأ , طب الخطيب و حسن شحاته لو هما نفسهم ماتو هيحضر جنازتهم عدد كبير كده و الجرايد
تنقلها عالهوا ؟ لأ لأ لأ , ليه بقى ؟ هو ده السؤال اللي محتاج اجابه , و هنا لازم
أطلب من الساده القطعان مايكملوش قراية البوست , عشان الكلام الجاي محتاج شوية عقل
و فيه ناس كتير بتعدمه .
.
5- شعبية أبو تريكه
الحاليه بحجمها ده سببها ايه ؟ نجوميته كلاعب ؟ بس الخطيب و حسن شحاته مالهمش نفس الشعبيه
؟ يمكن عشان الخطيب و حسن شحاته بقو تاريخ و كانو بيلعبو كوره من عشرين خمسه و عشرين
سنه ؟ جايز برضه , بس أبو تريكه نفسه اعتزل الكوره من سنين , يعني بقى ماضي بحكم الكوره
, أخر جون جابه ( و أخر مره فرحنا ) كانت من ست سبع سنين تقريبا .
.
6- كده مجاوبناش
برضه , الشعبيه الجارفه دي منين ؟ هقولك يا مولانا , 25 % شعبيه كلاعب حريف و خلوق
في الملعب , و 50 % دعم اخوانجي صريح و كامل ( بطريقة الصندوق المقفول الكامل بتاعة
الاخوان ) , و 25 % كولجيه بيتركبو من الاخوان حتى لو مكانشي فيه سبب أو داعي ( هقولكو
معلومه تضحكو , ناس كتير جدا و ستات قعدو يعيطو و يتشحتفو على والد ابو تريكه في الكام
يوم اللي فاتو مع انهم مايعرفوش مين ابو تريكه ولا كان بيلعب في فريق ايه ولا يعرفو
الفرق بين الأوفسايد و رمية التماس , يعني معلوماتهم عن الكوره زي معلوماتي كده عن
القنبله الذريه )
.
7- طب ابو تريكه
ماحضرش العزا ليه ؟ هل مثلا جواز سفره كان مع الكفيل و مش راضي ينزله ؟ لأ , كان يقدر
يحجز في أول طياره و ينزل , هقولكو حاجه , و عزة جلال الله من أول ماعرفت الخبر و انا
عارف ان ابو تريكه مش هييجي , و عارف كمان ان اسمه مش على ( قوائم ترقب الوصول ) ,
يعني مفيش أي مانع انه ييجي و يحضر , و بالنسبه لحكاية التحقيقات , ابو تريكه اتحقق
معاه قبل كده و خرج , و عنده كونسلتو محامين , يعني الدوله مش ( مستنصداه ) ولا حاجه
.
.
8- برضه عرفت منين
انه مش هيحضر العزا ؟ عشان ده تفكير الإخوان يا ضنايا , السطر الأول في كتاب الإخوان
, اسمه الكربلائيات و المظلوميه , انا هنا مش بتكلم عن ابو تريكه , بتكلم عن اللي حواليه
, بالمناسبه أبو تريكه مش منفي في جزيرة مالطه ولا جزيره مورشيوس زي ما كان بيحصل زمان
, أبو تريكه بيشتغل بعقد عمل في قطر بنت الوسخه اللي لامّه عربجية مصر كلهم على أراضيها
, و أكيد أقنعوه انه مايحضرش , ماهو أبوك مات و اللي كان كان , و ممكن يقفشوك و يتحقق
معاك , ده الكلام اللي هيتقال له , لكن نية الأوساخ اللي حواليه هي صناعة كربلائيه
جديده و النواح عليها .
.
9- أيوه نفهم من
الكلام ده بقى ان أبو تريكه قديس ولا شيطان ؟ مش معنى ان ابو تريكه بيتحقق معاه في
قضيه ما يبقى شيطان , ولا معنى انه كان خلوق في الملعب يبقى قديس , أبو تريكه لا قديس
ولا شيطان , إنما عنده شوية ناس بيحبوه باخلاص و عقل ( كلاعب ) وانا منهم , و عنده
كمان قطعان كتير من الخرفان .
.......................................................................................................................
Mohamed
Hussein
27
فبراير 2017·
رسميا و بأغلبية
الثلثين , اسقاط عضوية النائب محمد أنور السادات ( نائب السفارات و المنظمات و التسريبات
و المليارات و الحبشتكانات ) .
.
حبايبنا الخرفان
و الكولجيه , اجهزو عندكو طلعه جديده , استلمو البضاعه دي بقى , اسمه النائب محمد أنور
السادات , يالله بسرعه اعملو منه بطل قومي و أيقونه , قولو انه كان معارض شرس للنظام
و الحكومه و العسكر و الفرنساويين و المماليك , قولو انه كان ماسك في ايده ملفات فساد
بتدين جهات سياديه كبيره و طويله و عريضه و عميقه , قوله انه كان عارف القرد مخبي ابنه
فين و عشان كده النظام قرر يطيح بيه عشان النظام أصلا متواطئ مع القرد و ابنه , قولو
انه كان أمل مصر في نظام ديموقراطي و أملنا في الوصول لكاس العالم , أقولكو حاجه ؟
قولو النظام أسقط عضويته عشان يداري على فضيحة جوايز الأوسكار !! و اكتبو ( بص العصفوره
) و بعدين تعملو كام ايموشن لفيسز بتضحك جنب بعض دليل على العمق الوجداني في البعد
الباعد و خفة الدم اللي ملهاش مثيل في كوكب الأرض و المجموعه الشمسيه .
.
طب و عهد الله
لو ماعملتو كده و حوّلتو النائب ده لبطل قومي هحس انكو عيانين و بعافيه و حرارتكو عاليه
و محتاجين زياره و اتنين كيلو برتقان .
........................................................................................................................
Mohamed
Hussein
27
فبراير 2017·
شوفتو يا شباب
اللي حصل ؟ كارثه بكل المقاييس .
- الشباب : خير
؟ حصل ايه ؟ قول بسرعه .
.
دي مصيه , مش عارف
ابدأ الكلام منين , يادي الفضيحه , حفله بيوزعو فيها جوايز الأفلام السينمائيه , و
يعلنو اسم الفيلم الفايز و اسم البطل و البطله , و يطلعو الأبطال ياخدو الجايزه و يبوسو
بعض و يحيو الجماهير , يقوم مقدم الحفله بعد كده يقولهم سوري احنا غلطنا في اسم الفيلم
,مش انتو اللي فايزين , هاتو الجوايز دي .
.
كولجي 1 : هههههههههه
دوله فاشله في كل حاجه حتى في تنظيم حفله .
كولجي 2 : ههههههههههههه
هما العسكر هيفلحو في حاجه أبدا .
كولجي 3 : هههههههههههه
عبد العاطي كفته .
كولجي 4 : ههههههههههه
يا فضيحتنا قدام العالم .
كولجي 5 : ههههههههههههه
استثمار ايه بقى و سياحه ايه و الناس شايفانا كده ؟
كولجي 6 : ههههههههههههه
عشان كده احنا ترتيبنا رقم 450 في مستوى التعليم .
.
يا شباب استنو
استنو , اسف حصل خطأ بسيط , مش مصر اللي مقصوده دي أمريكا , الحفله دي كانت حفلة أوسكار
بتاعة امبارح , هاتو التعليقات دي بقى و قولو تعليقات تانيه .
.
كولجي 1 : مممممممممم
يا سيدي خطأ وارد .
كولجي 2 : مممممممممم
جل من لا يسهو .
كولجي 3 : مممممممممم
أكيد مش مقصوده .
كولجي 4 : مممممممممم
خبر مالوش أي تلاتين لازمه .
كولجي 5 : ممممممم
وايه علاقه حاجه عبيطه زي دي بالسياحه و الاستثمار .
كولجي 6 : ممممممممم
و هما اللي بينظمو الحفله بيمثلو الدوله ولا كانو يعني بيمثلو الدوله ؟.
.
تمام تمام , برافو
يا شباب , هتعملو ايه دلوأتي بقى ؟ .
- الشباب ( في
نفس واحد ) : هنستنى تويتة البرادعي يا عمو .
طب و مقالات ابراهيم
عيسى يا شباب ؟
- الشباب ( في
نفس واحد ) : و مقالات ابراهيم عيسى يا عمو .
و هتقولو كلمة
عسكر و ظلم و فاشيه كام مره في اليوم ؟
- الشباب ( في
نفس واحد ) : هنقولها 17 مره يا عمو .
عارفين يا شباب
؟ أنا فخور بيكو , والله فخور بيكو ( بصوت عادل امام ) .
..............................................................................................................................
Mohamed
Hussein
27
فبراير 2017·
لو عايز تعرف الصهاينه
بيفكرو إزاي .
.
وزير اسرائيلي
يصرح : نجهّز روبوتات لاغتيال قادة حماس !! .
.
و بس كده , خلص
التصريح الصهيوني , ياختي كميله أوي , ياختي جماله حلو , ياختي دلاله حلو , بقى بتجهزو
روبوتات لاغتيال قادة حماس ؟ و أكيد بتجهزو أقمار صناعية و صواريخ عابره للقارات و
الكواكب عشان كده ؟ و نتعشم طبعا ان الكلام ده يكون في القريب العاجل , يعني قبل سنة
7500 !! .
.
الحقيقه بتقول
التالي , تصريحات الصهاينه باستمرار بيبقى لها علاقه بالتوقيت , و موجهه لشريحة معينه
, اهو التصريح اللي فوق ده له علاقه بالتوقيت الحالي ( المفرمه اللي عملها جيش مصر
في جبل الحلال ) , و موجة لقطعان الخرفان في الوطن العربي ,
و يكأنّ فيه عداوه
بين الصهاينه و قادة حماس , مدام تسمحي لي بالرقصه دي ؟ ماترقص ياخويا هو حد حايشك
؟ كده ؟ ثواني هتحزم و أجيلك .
.
الحقيقه ان الصهاينه
بيلعبو على قطعان الأغنام اللي عندنا لعبه مفيش اسهل منها , انت بتكرهنا يا ضنايا صح
؟ طب لما نحب نلمّع حد عندكو نعمل ايه ؟ سهله خالص اهي , ندّعي عداوه بينا بقى و كراهيه
للصبح و اننا بنخطط لقتله و هنحط السيخ المحمي في صرصور ودنه تقومو انتو تعملو منه
بطل قومي و أيقونه , و قد يكون الحد ده ( اللي بنعمل روبوتات عشان نغتاله و كده ) هو
أصلا و في الأصل قاعد على حجرنا !! .
.
الحقيقه اني أتحدى
أي مخلوق يكتب لي بين القوسين دول ( ) إيه هي مظاهر العداوه و أشكالها اللي بين الصهاينه
و قادة حماس في أخر كام سنه ؟ هل مثلا حماس حفرت أنفاق بين قطاع غزه و الكيان الصهيوني
؟ هل بعتت ارهابيين قصدي مجاهدين من عندها لقتال الصهاينه ؟ هل صرفت مليارات قطر بنت
الوسخه في خلق بؤره ارهابيه في عمق الكيان الصهيوني ؟, اللي يعرف الإجابه يبقى يسلّم
لي على روبوتات الوزير الاسرائيلي , ابقى سلّم لي على روبوتاتك ياسماعيل بيه .
.........................................................................................................................
Mohamed
Hussein
26
فبراير 2017·
الصين بتهدد أمريكا
بردود عسكريه بعد استمرار الاستفزازات العسكريه الأمريكيه في بحر الصين .
و اليونان و تركيا
بيهددو بعض عسكريا برضه , و وصلو لأخر الألفاظ في الأباحه .
.
يا جدعان أنا بقول
اللي مخزّن شوية ملوخيه ناشفه يطلّعها و يطبخها بدل ما تبوظ عالفاضي .
.............................................................................................................
Mohamed
Hussein
26
فبراير 2017·
و انت يا أستاذ
رأيك ايه في موضوع سينا و المفروض نعمل ايه ؟
- في الواقع ,
أنا رأيي نخلي رفح و الشيخ زويد من السكان و الحيوانات و الفراخ الشمورت و ندكها بالطيران
و نضربها بالمدافع و المنجنيق , و نطرطش عليها مايه .
رائع , حضرتك هايل
.
.
وانت يا أستاذ
انت , رأيك ايه في الموضوع ؟
- في الواقع ,
انا رأيي ان مفيش ارهاب في سينا , دي فزاعه بيخوفونا بيها عشان نبطّل نعمل وقفات احتجاجيه
على سلم نقابة الصحفيين و يحرمو الأستاذ خالد على من انه يرفع ايديه كداهو و يعمل تمارين
الصباح .
رائع , حضرتك هايل
.
.
وانت يا محترم
رأيك ايه ؟
- في الواقع ,
انا رأيي ان اللي بيحصل في سينا دليل على فشل الدوله و أجهزتها .
هو ايه حضرتك اللي
بيحصل في سينا ؟
- مش عارف , بس
عارف انه دليل على فشل الدوله و أجهزتها .
رائع , حضرتك هايل
.
.
وانتي يا أنسه
ياللي قاعده ورا , رأيك ايه في الموضوع ؟ .
- في الواقع ,
انا محتفظه برأيي لنفسي لأن الدوله دي متستاهلش رأيي و خبرتي , و مستنيه تويتة البرادعي
و ألبوم تامر حسني الجديد
رائع , حضرتك هايله
.
.
.
عارفين يا ولاد
انا كان نفسي في ايه ؟ كان نفسي أدخل كلية رياض الأطفال أو رياض الصالحين أو رياض المنفلوطي
, و لما اتخرّج من الكليه افتح مكتب استشارات هندسيه كبير و كل الناس اللي تجيلي أخلع
لها ضروسها ( قبل السلام و الكلام ) , و اعمل أوضه في المكتب كده تكون مخصصه خصيصا
خصوصي لعلاج القطط و الكلاب الأرامنت و تفصيل الستاير و البلتكانات , و أعلّق لوحه
كبيره عالمكتب من بره و اكتب عليها ( راجي عفو الخلاق , محفوظ أفندي الحلّاق )
.............................................................................................................................
Mohamed Hussein
26
فبراير 2017·
هييجي يوم و نحكي
لأحفادنا حدوتة قبل النوم , عن بلاد قريبه ( مش بعيده ) كانت بتتحرق و تتقسّم و جيوش
بتقع و بترول يتنهب و خطوط غاز تتعمل و صفقات سلاح و شباب بيتسرق و يتقتل و يقلع ملط
و كل اللي على لسانهم ( الربيع العربي ) , يابني ده مخطط رسمي من قوى الشر يقولك الربيع
العربي , يابني ده شغل مخابرات دول و غطاء جوي و سياسي مش شوية بهاليل بدقون يقولك
الربيع العربي , يابني جيوش كان لها شنه و رنة راحت و بلاد بتختفي من عالخريطه يقولك
الربيع العربي , يابني الإعلام و السوشيال ميديا عملو دماغك كوره شراب و لعبو بيها
يقولك الربيع العربي , يابني ماينفعشي تنضرب 17 قلم على سهوه يقولك الربيع العربي
, و نقعد نحكي و أحفادنا يضحكو , احنا نحكي و هما يضحكو .
.
باختصار , هييجي
يوم و نحكي لأحفادنا حدوتة أمنا الغوله بتاعة القرن ال 21 , بس أمنا الغوله في النسخه
دي هي حد جميل أوي و كيوت و بتاعة حقوق انسان و ديموقراطيه و حريات و بتبيع ورد و سجاجيد
صلاه و شعرها سايح و نايح و ملامحها مسمسمه و عندها غمازتين , و كانت بتفوت على بيوتنا
بيت بيت و تسيب عالباب دهب و فلوس و لولي و مرجان , أمنا الغوله يا ولاد الست العظيمه
دي اللي عاشت طول عمرها ترمي لنا كتاكيت , حتى اسألو البرادعي و خرفان الجزيره .
...........................................................................................................................
Mohamed Hussein
25
فبراير 2017·
وزير خارجية بريطانيا
: جدي و جدتي التقيا على النيل , و لولا مصر ما جئت إلى الدنيا !! .
.
أهي نفس أم سماجة
و برود وزير خارجية بريطانيا ماتقلّش أبدا عن سماجة و برود سفيرهم في القاهره , لا
تزيد قيراط ولا تنقص قيراط , شويه كده و هتلاقوه شايل علم مصر و بيلف في شارع جامعة
الدول و يعمل خمسات و يقول : بيب بيب أهلي , مع العلم ان البريطانيين هما العقل المدبّر
لكل الشر و الخراب في العالم , يعني ابليس الرجيم جنب منهم يبقى حد كيوت أوي شبه الأستاذ
كمال أبو ريه و الأستاذه نيرمين الفقي .
................................................................................................................................
Mohamed Hussein
25
فبراير 2017·
زيارة وزير خارجية
بريطانيا النهارده لمصر , و يوم الخميس أنجيلا ميركل مستشارة ألمانيا جايه , الزيارتين
دول معلن عنهم من يومين تقريبا , مش زيارات مفاجئه أوي لكنها زيارات سريعه , أعتقد
لها علاقه بزيارة السيسي لأمريكا , مش بقصة جبل الحلال , ترتيبات جديده بتحصل على الأرض
, و مضطرين اجمالا للتعامل بتوازن مابين روسيا و أمريكا و حلف الناتو , الإكتفاء بعلاقات
قويه مع روسيا طمّعت عم الحاج بوتين شويه , لأ شويتين .
.
الترتيبات و الدهاليز
ايه ؟ وايه اللي بيحصل و ملفات ايه هتتفتح ؟ الله و رسوله أعلم , انا أصلي بفهم في
الادويه بس ( اللي هي شغلتي ) و مش بفهم فيها أوي كمان , و بالتأكيد مش بقرا الفنجان
ولا بمشي عالحيط ( ولا عايز ) , ولا فيه أي حد بيكتب عالفيس أو بيكتب في الجرايد أو
بيقدم برامج توك ( شوز ) يدّعي الفهم للدهاليز و الخبايا و انه بيفهم في السياسات الخارجيه
و الامن القومي أكتر من عبد الفتاح السيسي و سامح شكري و قيادات الجيش المصري , بالمناسبه
حكاية اني مش عارف ( ايه اللي هيحصل ) دي بقولها بمنتهى الفخر , يعني مش عيب ولا سُبة
, ولا المواطن الأمريكي يعرف ايه بيحصل من ادارته ولا المواطن الفرنسي بيدور على دهاليز
و خبايا سياسات فرنسا الخارجيه , الهري و الإفتكاسات المتواصله هي بصمة مصريه خالصه
, من بعد 25 يناير 2011 .
.
انا عايز أقول
لحضراتكو ايه ؟ هاتو ورقه و قلم و اكتبو افكاركو و رؤيتكو لبريطانيا و ألمانيا و روسيا
و أمريكا , و أفكاركو عن الطريقه المثلى للتعامل معاهم , و بعد ما تكتبو و تخلصو ,
قطّعو الورقه بكل فخر , و تأكدو ان اللي بنكتبه تعرفه كويس أوي الإداره المصريه , و
تعرف كمان اللي احنا مانعرفهوش واللي مايخطرش على بالنا .
.
وصف ( المواطن
) ده وصف حلو أوي و شيك مش حاجه أبيحه , وربنا هيكرمنا أخر كرم لما كل واحد فينا يبطل
يهري في اللي مايعرفوش أو أضعف الإيمان يبدأ الهري بتاعه بكلمات بسيطه زي ( أظن
... و أعتقد ... و الله أعلم ) .
.
يا سيدي , انا
مواطن مصري يثق في القياده المصريه و مؤسساتها العريقه , مواطن مصري و أفتخر ..
.........................................................................................................................
Mohamed
Hussein
25
فبراير 2017·
الوطن و المواطنه
.
المسيحيين في مصر
بيخلوني أضحك , أبتسم , بيفكروني بأمي الله يرحمها , مع أي موقف تلاقيهم يهيجو يهيجو
و يزعقو و يقولو كلام كتير و تاني يوم تلاقيهم هديو تماما ( كأن شيئاً لم يكن ) , الحكايه
دي اسمها الطيبه , و الطيبه مش ضعف ( المفاهيم المشوهه في حياتنا هي اللي وصلتنا لتشويه
مفهوم الطيبه ) , الطيبه طبع , الطيبه جينات , الطيبه بتعني ان مفيش سواد في القلوب
ولا فيه نيه مبيته للشر .
.
طب ليه بيهيجو
؟, ده رد فعل طبيعي , شوية شحنات سلبيه و استحضار لمواقف سابقه و شعور بالظلم , طب
ليه بيهدو بقى ؟ عشان مصر دي بلدهم قبل ما تكون بلد المسلمين و وقت ما يحسو ان البلد
دي ممكن تكون في خطر بسبب انفعالهم بيتوقفو لوحدهم , مش بأوردر من حد .
.
أكتر جمله قبيحه
ممكن تتقال أو تتسمع هي ان المسيحيين أقليه في مصر , جمله وقحه بحكم العدد و بحكم التاريخ
, من ألفين سنه مكانشي فيه حاجه اسمها مسلمين في مصر , كانت مسيحيه , و لما جه عمرو
بن العاص مجابشي المسلمين في ايديه و هو جاي , يعني احنا مش أحفاد عمرو بن العاص ولا
أحفاد الجنود اللي دخلو مصر معاه , احنا أحفاد المسيحيين اللي أسلمو بعد كده , يعني
جدودنا و أخوالنا واحد .
.
فكّرت اعمل مقارنه
ولو انها هتبقى مقارنه ظالمه , مقارنه لا تجوز , و يمكن تجوز من ناحية واحده بس ناحية
( الوطن و المواطنه ) , المقارنه بين المسيحيين و الإخوان اللامؤاخذه المسلمين , المسيحيين
عددهم اكتر بكتير , أضعاف مضاعفه , اتعرضو لظلم أكتر , ظلم مادي و معنوي و كسرة نفس
( من يوم ما طفحت علينا براميل البترول بتاعة الخليج ) , المسيحيين في مصر عندهم فلوس
أضعاف مضاعفه للي عند الإخوان .
.
طب حصل ايه بقى
؟ عملو ايه لما اتظلمو ؟ عملو تنظيم ارهابي دولي ؟ عملو اجتماعات سريه ؟ فتحو قنوات
و جرايد في الخارج لتشويه مصر ؟ فجرو محولات الكهربا و عربيات الشرطه و قتلو الجنود
المصريين ؟ قالو على مصر حفنه من تراب عفن ؟ تحالفو مع أعداء الوطن و حلف الشيطان ؟
صرفو فلوسهم على خراب البلد ؟
.
الإجابه لأ , طب
ليه لأ ؟ عشان باختصار شديد , مصر بالنسبه للمسيحين هي بلدهم , البلد اللي عاشو و بيعيشو
و هيعيشو فيها , و مصر بالنسبه للتانيين هي البلد اللي نفسهم يحتلّوها.
...................................................................................................................
Mohamed
Hussein
24
فبراير 2017·
مش لاقي مبرر
.
أصدقائي و أهلي
المسيحيين المصريين , أهل مصر الطيبين , اللي على راسي من فوق .
.
صح اتظلمتو كتير
, قوانين دور عباده بالتيله على ما تتعمل , تراخيص بناء كنيسه أصعب من تراخيص بناء
كباريه , زمان لما كانت بتحصل حادثه بين عربيتين و كان يبقى طرف فيهم مسيحي كانت بتروح
أمن دوله !! , الطالب المسيحي المجتهد لما يخلص جامعه و يطلع الأول كان سهل جدا يطيّروه
و يعينو التاني , عشان الأول مسيحي , ولو عايز يتعين معيد يبقى يرفع قضيه !! , و لما
واحد يحب ينصح مريض بدكتور , يقوله الدكتور الفلاني ده هو صحيح مسيحي بس شاطر , دي
كلمة تدبح , كلمة بنت كلب .
.
اتظلمتو اكتر من
كده لما كنتو كل يوم جمعه تسمعو خطباء الجهل و الضلاله و هما عالمنابر بيدعو عليكو
, يعني تبقى قاعد في بيتك مع عيالك كيرلس و ماريانا و تلاقي الخطيب في الميكروفون بيدعي
عليك , و انت تبص لعيالك و مش عارف تقول لهم ايه او تشرح لهم ازاي .
.
اتظلمتو كتير اوي
, لازم نعترف , سنين طويله , خليط من وهابيه على جهل على تخلف على اخوان على زفت ,
و انتو اللي بتدفعو التمن , هانت يا طيبين .
.
بس مش لاقي مبرر
, رغم كل الظلم ده مش لاقي مبرر كافي :
.
- لما الله يرحمه
عم مجدي مكين يتعرض للتعذيب و الموت على إيد ظابط بلطجي , صرخنا و قولنا مصري اتعذب
و اتقتل , مش مسيحي , كلمة مسيحي و مسلم ملهاش مكان هنا , واحد مصري اتعرض للتعذيب
, و ظابط بلطجي اتقدم للمحاكمه , الحكايه ملهاش مسمى تاني .
.
- لما ناس يتقتلو
في سينا على إيد شوية ارهابيين ولاد حرام , ماسمهاش مسيحيين مسالمين اتقتلو , اسمها
مصريين , اسمهم جرجس ولا مصطفى مش هتفرق , في كل حوادث الارهاب و القتل عمري ما ركزت
في الأسماء ولا الديانات , شهداء مصر إسمهم المصريين , بلاش تبلعو طعم سخيف , انتو
شربتو البحر , لو سمحتو اشربو البحيره , يعني هانت , و مصر من 1400 سنه و هي زي الأوفه
اللي لها ودنين , لازم يشيلها اتنين .
.
أول مره اكتب بوست
و ابقى مش عارف اختمه ازاي , مش عارف انا عايز اقولكو ايه , يمكن أكون عايز باختصار
, ابوس راسكو و أقول لكو عيب .
............................................................................................................................
Mohamed
Hussein
24
فبراير 2017·
عبد الفتاح السيسي
زار أكاديمية الشرطه الفجر , حضر التدريبات و بعدين خد طلبة اكاديمة الشرطه و طلعو
في ماراثون دراجات في التجمع الخامس , الشارع ده انا عارفه و المكان مفتوح هناك تماما
.
.
أهم حاجه قالها
السيسي في الزياره المفاجئه دي هي جمله من 3 كلمات ( مصر استعادت هيبتها ) , حكاية
هيبة الدوله ( بعد سنين من المعجنه و الفرهده ) , دي جمله لازم الناس يشدو تحتها ألف
خط و يضربو لها ألف تعظيم سلام , لو كانو يعلمون .
.
امبارح لما كتبت
عن فوبيا الأماكن المرتفعه , و بدون مبالغه والله , مشهد مصر في السنين اللي فاتت هو
مشهد البطل اللي بيمشي على حافة جبل أو هضبه مرتفعه جدا , ده كان مشهد الرعب بالنسبالي
, واللي كان مخليه مرعب أكتر انه مش مشهد تمثيلي في فيلم سينمائي , ده مشهد حقيقي
, و الأهم ان البطل مش ممثل أمريكاني ماعرفوش بيلعب دور و هياخد فلوس أد كده و يمشي
و المخرج مأمّن له كل وسائل النجاه , البطل كانت مصر , الدوله اللي ملهاش أي ذنب إن
فيه شوية من عيالها أكتر حموريه من الحمير أو أكتر صهيونيه من بنيامين نتنياهو .
.
الحمد لله على
نعمة ( هيبة الدوله ) , و كفى بها نعمة .
..............................................................................................................................
Mohamed
Hussein
24
فبراير 2017·
عندي فوبيا من
الأماكن المرتفعه , لو واقف مثلا في بلكونة دور تاسع او عاشر و ببص منها عالناس تحت
و شايفهم صغيرين كده بحس في اللحظه دي اني هقع من البلكونه فوق الراجل الصغير اللي
ماشي ده , و برجع لورا بسرعه .
.
مره و انا بدور
على شقه أشتريها , السمسار قالي عندي شقه دور تالت قلت اروح اشوفها , روحت شوفتها و
ماعجبتنيش , واحنا واقفين قالي فيه شقه اوسع بقي و بحري في نفس العماره بس دور 12 نطلع
نشوفها ؟ , أنا سمعت رقم 12 من هنا و حسيت اني دوخت من هنا مع اني واقف في الدور التالت
, و قلت له والله لو هتديهالي ببلاش مانا شاريها ولا شايفها .
.
مش دي المشكله
برضه , المشكله ان الحاله نفسها بتجيلي حتى لو بتفرج على فيلم , يعني مثلا لو بشوف
مشهد في فيلم أجنبي و البطل ماشي على حافة جبل أو هضبه عاليه أوي و المخرج ابن الحرام
بقى يجيب في نفس اللحظه منظر البحر أو الأرض من تحت , اهو المشهد ده بالنسبالي مرعب
أكتر من مشهد الزومبي اللي بياكل دراع العيال الصغيره .
........................................................................................................................
ليست هناك تعليقات:
إرسال تعليق