Mohamed
Hussein
21
مارس 2017·
من سنتين تلاته
كنت كل ما تفتح التلفزيون تلاقي إعلان جميل كده و كيوت لشركة أونست العقاريه , و أونست
طبعا بتعني الثقه , النهارده اتحكم على صاحب الشركه إكرامي الصبّاغ بالسجن 37 سنه لاتهامه في 35 قضية نصب !! حلوه الثقه
مفيش كلام , و يا سلام لو تتقال بالإنجليزي كمان و يبقى اسمها أونست , اظن مفيش حلاوه
اكتر من كده يعني مفيش سويت , طب حد تاني عايز
كيس بلح بركة الحاج ناجي ؟! .
.
و لحد النهارده
برضه لسه فيه شباب زي الورد بيصدق كربلائيات الإخوان و يقولك الشاب الفلاني في السجن
جاله ايدز و التاني جاله لوكيميا والتالت جاله مرض غريب اسمه ليشمانيا , أصل السجن مش نضيف و فيه براغيت , انا
بس مش عارف هي لشمانيا الغربيه ولا لشمانيا
الشرقيه ؟ لأنها طبعا بتفرق في القماش , ويكأن
السجون في مصر خلقه عن بقية السجون في كل بلاد ربنا و بتجيب أمراض غريبه يا جدع و عجيبه
و الأجمل أكتر ( يعني السويت أكتر ) إن الأمراض
دي بتظهر فجأه , على سهوه , يعني تبقى بتتمشي في السجن ساعة عصاري لا بيك
و لا عليك و تلاقي الليشمانيا رشقت فيك على طول .
.
أكتر حاجه بحمد
ربنا عليها إني مش من النوع اللي بتلسع 50 ألف قفا على سهوه و بنفس الطريقه , وامشي في الدنيا بعد ماتلسعت ال 50 ألف قفا وانا
حاسس اني عندي عمق ثقافي ييجي 17 متر و لو ضربت كوكب الأرض بصباع رجلي الصغير يا جدع هطرطش ثقافه و فكر و عمق علي الكوكب و بقية الكواكب اللي حواليه لدرجة اني
هيبقى ليا تلاميذ و مريدين من المخلوقات الفضائيه بتوع كوكب المشترى , ولاد المحظوظه
دول اللي مش بيجيلهم ليشمانيا.
.
ماهو شوفو بقى
, طول ما عندنا ناس لسه بتستثمر فلوسها و مدخراتها عند ( المستريحين ) و تلاقي عيل
مايسواش تلاته تعريفه نصب عالناس في تلتميت ربعميت مليون جنيه بحجة انه هيعمل مشروع
و يجيب طقم حلل و الحلل تولد حلل صغيره و بعدين تبيض و تفقس , و طول مالشباب خريجي
الجامعه لسه فيهم ناس بيتركبو من الإخوان بكل الأشكال ( و الأوضاع ) , يبقى مش هتوقف
أبدا عن حمد ربنا على نعمة جيش مصر , البلد دي لو اتسابت لعقولنا و أفكارنا ( العميقه
طبعا ) كان زمانا في مخيمات لاجئين بس للأمانه العلميه مخيمات اللاجئين لا تخلو من
ميزه , وهي إن اللي بيعيش فيها مستحيل تجيله ليشمانيا , أه و رحمة خالي شوقي , ثق في
كلامي , تراست مي , بولوبيف بولوبيف .
ليست هناك تعليقات:
إرسال تعليق