زهايمر
.
جربت إنك وانت بتتكلم في الموبايل وبتدور على مفاتيحك عشان تقفل الصيدليه وتفضل ربع ساعه تدور على موبايلك ومش تلاقيه !
.
جرّبت إنك تكلم أختك في التليفون عشان عيد ميلاد بنتها , وقلت لأختك كل سنه وريناد بألف خير وهدية ريناد محفوظه ويارب يا رينا أشوفك عروسه ............وبعدين تكتشف إن بنت أختك اسمها ( جنا ) !.
جربت إنك تودي مراتك السوبر ماركت وتروح إنت تكمل شغلك وترجعلها بعد كام ساعه , تدور عليها وتقلب عليها الدنيا متلاقيهاش ومفيش موبايل وفي الأخر تكتشف إنك رحت سوبر ماركت تاني خالص في حي تاني!.
.
جربت إنك تقعد مع عريس أختك في شهر العسل وأختك تدخل تعملك شاي , وانت قاعد تقول لعريسها ( والله يا أحمد إنت إنسان محترم وعيلتك يا احمد عيله محترمه وانا حاسس إنك هتحافظ على اختي يا أحمد ) وفي الأخر تكتشف إن عريس أختك اسمه محمد !.
.
جربت إنك تركب العامل الهندي ( اللي مش بيتكلم خالص ) جنبك في العربيه عشان توصله في طريقك , وهو بيته قبلك بإشارتين , وتوصل بيتك وتنزل وتقفل العربيه بالريموت وتطلع بيتك وبعدين تفتكر إنك قافب عالعامل في العربيه !.
.
جربت إنك تاخد عربية واحد صاحبك (مصري) من نوع ( تويوتا هايلوكس ) عشان عربيتك عامله حادثه وتنزل الصبح من بيتك تركب عربية صاحبك وتخلص شغلك ومشاويرك وترجع تركنها تحت البيت تلاقي جارك السعودي واقف بيضحك ويقول لك ( إنت يا دكتور أخذت سيارتي وترى أنا بلغت الشرطه إنها اتسرقت ) ومتلاقيش عندك رد بس تضرب عينيك في الكرسي اللي جنبك تلاقي شماغ وغتره متعلقين !!.
.
محمد حسين
.
جربت إنك وانت بتتكلم في الموبايل وبتدور على مفاتيحك عشان تقفل الصيدليه وتفضل ربع ساعه تدور على موبايلك ومش تلاقيه !
.
جرّبت إنك تكلم أختك في التليفون عشان عيد ميلاد بنتها , وقلت لأختك كل سنه وريناد بألف خير وهدية ريناد محفوظه ويارب يا رينا أشوفك عروسه ............وبعدين تكتشف إن بنت أختك اسمها ( جنا ) !.
جربت إنك تودي مراتك السوبر ماركت وتروح إنت تكمل شغلك وترجعلها بعد كام ساعه , تدور عليها وتقلب عليها الدنيا متلاقيهاش ومفيش موبايل وفي الأخر تكتشف إنك رحت سوبر ماركت تاني خالص في حي تاني!.
.
جربت إنك تقعد مع عريس أختك في شهر العسل وأختك تدخل تعملك شاي , وانت قاعد تقول لعريسها ( والله يا أحمد إنت إنسان محترم وعيلتك يا احمد عيله محترمه وانا حاسس إنك هتحافظ على اختي يا أحمد ) وفي الأخر تكتشف إن عريس أختك اسمه محمد !.
.
جربت إنك تركب العامل الهندي ( اللي مش بيتكلم خالص ) جنبك في العربيه عشان توصله في طريقك , وهو بيته قبلك بإشارتين , وتوصل بيتك وتنزل وتقفل العربيه بالريموت وتطلع بيتك وبعدين تفتكر إنك قافب عالعامل في العربيه !.
.
جربت إنك تاخد عربية واحد صاحبك (مصري) من نوع ( تويوتا هايلوكس ) عشان عربيتك عامله حادثه وتنزل الصبح من بيتك تركب عربية صاحبك وتخلص شغلك ومشاويرك وترجع تركنها تحت البيت تلاقي جارك السعودي واقف بيضحك ويقول لك ( إنت يا دكتور أخذت سيارتي وترى أنا بلغت الشرطه إنها اتسرقت ) ومتلاقيش عندك رد بس تضرب عينيك في الكرسي اللي جنبك تلاقي شماغ وغتره متعلقين !!.
.
محمد حسين
ليست هناك تعليقات:
إرسال تعليق