اللي سايق

والله مرسي أحيانا بيصعب عليه , لا ليه في الطور ولا في الطحين ولا عنده صلاحيات ولا حتى ختم النسر , ولما بتحصل مشكله في البلد كلنا بنزعق له وننتقده , في فيلم (ذكي شان ) , لما احمد حلمي كان راكب جنب ياسمين عبد العزيز , وجت عربيه خبطتهم من ورا , ونزل احمد حلمي عشان يأدب السواق فلاقاه جامد ومخيف قام رايح للراجل الغلبان اللي جنبه , ...مش تحاسب ياعمي ؟ يابيه مش انا اللي سايق , مانا عارف بس السواق مشغول في السواقه المفروض انت تاخد بالك من الطريق , هات رخصتك , يابيه مش معايا رخصه , وكمان مش معاك رخصه ؟! .............الحقيقه ياخوانا مش مرسي هو اللي سايق ولا معاه رخصه ومش مطلوب منه ياخد باله من الطريق والقطارات , لازم نكون أشجع من أحمد حلمي ونوجه انتقادنا لخيرت الشاطر مع إنه مخيف فعلا.

.

محمد حسين