الجحش ابن الكلب

حبة حمير وكلاب
راكبين على ضهورنا
وعشان مايبقو صحاب
سرقو اللي كان خيرنا
.
قال الحمار للكلب
تسمحلي أكون صاحبك ؟
رد الكلاب حواليه
سمعنا تاني يابيه
بس انت ياحمار ليه
دايما تخون صاحبك ؟
.
هاج الحمار وثار
وقع فحجر الناس
أنابيب وزيت وخضار
رفس البضاعه وقال
متقولش بس حمار!
مش عايز أكون صاحبك
.
بكره هروح لميدان
ألعب وأتلاعب
وهناك طيور ألوان
أخطف لي كام صاحب
رد الكلاب وانا خوك
كل الطيور كرهوك
إلعب وهات كام جون
وبرده مش عاجب
.
إحنا الكلاب سايدين
إحنا الكلاب راكبين
من غير خطاب ولا دين
إدينا بس يومين
إصبر يا حلو يومين
ترجع لحضن زمان
وتبقى مالمساجين
.
قعد الحمار على جنب
محطوط فموقف صعب
طلب الرفيق الجحش
ركز فوشه وقال
شكلك يا جحش محال

معقوله بس يا ناس
الجحش ابن الكلب؟؟؟!!

.

محمد حسين