اكتب عن التفاؤل

‎Mohamed Hussein‎

وانا مبقيتش فاهم , هي مشكلتنا كانت في الأنظمه المستبده , ولا النخبه السياسيه المثقفه , ولا في الشعب اللي تلته أمي ونصه تحت خط الفقر ؟
.
هي مشكلتنا كانت في الفساد اللي كان, ولا اللي بيكون واللي هيكون , مشكلتنا الفرعون ولا الرعيه ؟
.
هو نهر النيل كان بيكدب علينا طول السنين دي وأبو الهول بيخدعنا , هو احنا عندنا حضارة كذا ألف سنه فعلا ولا كذا ألف وكسه ؟
.
هو الإسلام دخل مصر من 14قرن . ولا لسه مدخلش وهيدخل على إيد مرسي , هو فيه شخصيه تاريخيه اسمها عمرو بن العاص ولا فوتو شوب , هو عمر بن الخطاب قال للراجل اضرب ابن الأكرمين ولا مقالش ؟
.
هو شفيق هيجيب حق الشهدا اللي ماتو ويعدم مبارك , ولا هيجيب حق مبارك ويعدم الشهدا اللي لسه عايشين ؟
.
هو اللي فعروقنا دم ولا مايه , واللي فراسنا عقل ولا فاضيه؟
.
بس أنا متفائل...وأدعوك صديقي العزيز , ..................من فضلك إكتب موضوع تعبير عن التفاؤل فيما لا يزيد عن 10 أسطر .