أنا الصعلوك

أنا صعلوك على صدري
وصفْت الحالْ
رسمت حبايبي وصحابي
كتبت الغنوه بإديه
وفضْلت حتة منسيه
لراحة البالْ
وذي الأرض ما بتغضب
وتتعفرت
يقوم زلزالْ
أنا برده ساعات بغضب
وابيع الرسمه والموالْ
.
ساعات الحب بيقوي
ساعات يضعف
ساعات بالحب تتعايق
ساعات يكسف
ساعات يخدك على جناحه
ساعات يخسف
.
ده حتى صديقي مش هو
تشوفه وبره غير جوه
يقضيها معاك أحضان
لسان ناعم كلام نسوان
وساعة الجد يتلوه
.
أنا الصعلوك هتلقاني
تراب رجليك
وساعة الغدر تلقاني
تراب فعنيك
أنا المايه وتمسكني
إذا تقدرْ
أنا الطيب أنا الشرير
أنا الإنسان ومش أكترْ

حسين