لماذا أقاطع

‎Mohamed Hussein‎

لماذا أقاطع؟..................1
.
ماهو لو حضرتك ماشي فغابه لوحدك , ولقيت أسد ونمر بيتخانقو خناقه لرب السما.....هتعمل إيه ؟
هتروح تحجز بينهم ؟! لا يا شيخ؟!....طيب ماتحط إيدك فبؤهم أحسن.
طيب هتروح تنصر واحد منهم على التاني ؟!..........لا طبعا......... لأنك باختصار باختصار باختصار إنت الفريسه اللي بيتخانقو علشانها.........أه والله صدقني
واللي هينتصر منهم سوف ينال الجائزه والوليمه اللي هي حضرتك...واحتمال تكون إمك داعيالك والأسد والنمر يتعبو من كتر الخناق ويتفقو (بوساطة الثعلب) إنهم يقتسمو الغنيمه اللي هي حضرتك.
.
طيب إيه الحل في الموقف ده؟.........عندك حلين...إما إنك تهرب من المكان , أو تروح تجمع صحابك وحبايبك وتتلمو وتقبضو على الأسد والنمر وتسجنوهم عشان تأمنو على مستقبل أولادكم وهما ماشيين في الغابه.
.
طيب حضرتك مش مصدق إن الإخوان هما النمر وإنك إنت الفريسه ؟ يا راجل............
عارف إيه الفرق بين جماعة الإخوان المسلمين والحزب الوطني ؟
الفرق الوحيد إن الحزب الوطني كان بياكلك من غير مايغسل إيده ولا يسمي , أما الجماعه فقبل ماتاكلك هتقول بسم الله , وبعد الأكل هتقول الحمد لله الذي أطعمنا وسقانا......................إبسط ياعم هتتاكل على الطريقة الإسلاميه !
.
وقبل ماتشتم هوضحلك نقطه في الكتابه الألماني اللي فوق اللي حضرتك مفهمتهاش......ال 30 سنه اللي فاتو أكدو إن الحزب الوطني طامع في السلطه وفي مصر , والسنه اللي فاتت أكدت إن الإخوان طامعين أيضا في كامل السلطه وفي مصر........................لو حضرتك لسه مش مصدق فأنا بعتذر لأني مش بعرف لغه تالته غير الألماني والعربي....
.
يالله وبخني بما لايخالف شرع الله