Mohamed
Hussein
12
يناير 2017·
في ليبيا
.
هات ورقه و قلم
, ولّا أقولك ؟ هات قلم و كراسه 28 ورقه عشان نكتب و نرسم و نعجن و نعمل قصاقيص براحتنا
, يمكن نوصل لحاجه في نهاية البوست .
.
في ليبيا يا سيدي
, حكومة انقاذ وطني برئاسة ماعرفشي مين كده , و حكومه تانيه مؤقته أكيد برئاسة ماعرفشي
مين التاني , و برلمان انا مش عارف هو تبع مين , و فيه جيش ليبي بتاع خليفه حفتر و
جيش تاني مش بتاع حفتر , أو مجموعات مسلحه باين , الراجل المعرفشي مين الأولاني خد
معاه شوية مسلحين و راح سيطر على وزارتي الدفاع و العدل و زعلان أوي من الراجل الماعرفشي
مين التاني , أو زعلان منه بس مش أوي , و فيه مجلس رئاسي ليبي كمان كنت ناسيه و الله
, بس تقريبا مع نفسه , و فيه تنظيمات ارهابيه و تنظيمات مش ارهابيه , و الناس اللي
في الشرق مالهمشي علاقه بالناس اللي في الغرب , دوكهما لوحدهم و دوكهما لوحدهم .
.
أو ممكن نختصر
الكام سطر اللي فوق و الفسيفساء و المعجنه دي كلها و نقول ليبيا فيها حاجتين اتنين
, مخابرات دول أجنبيه و فلوس قطر ( و عربان الخليج ) , لا يا حماده ليبيا مفهاش ثورة
ولا ربيع عربي ولا ربيع ياسين .
.
أه بالمناسبه
, اللي كان يعني بيشرب سيجاره في البلكونه و غايب على طول في حصة الجغرافيا , و متخيل
ان ليبيا دي بتقع في كوكب زحل بعد البنزينه , عايز أقوله إن ليبيا هي حدود مصر الغربيه
, لازقه فينا كداهو , أه احنا لازقين في بعض من زمان , بينا و بينها حدود مشتركه طولها
أكتر من ألف كيلو , الحدود دي صحرا و من 6 سنين بيتم تأمينها من جهه واحده أو طرف واحد
( عشان الطرف التاني مش موجود ) .
.
ابقو صدقوني بقى
لما أقولكو إن مصر دي بتنجح في أصعب اختبار تمر بيه في تاريخها الحديث , و بترسم بطوله
و ملحمه .
.................................................................................................................
Mohamed
Hussein
12
يناير 2017·
بفكر أخد الخميس
أجازه فيس بوكيه كل إسبوع , الخميس تحديدا مش بلاقي حد عالفيس بوك , و لما بكتب بوست
ببقى عامل زي اللي فتح محل حلاقه في منطقه مش ساكن فيها غير حسام حسن و أخوه و حماده
طلبه , او زي اللي فارش بخضار في أعماق الصحراء الغربيه , و من زهقه قاعد يراقب و يدرس
حركة و تصرفات الأرانب البريه في موسم التزاوج , هي الأرنبه دي مالها بتبص للأرنب كده
ليه ؟ لأ بقى , كله إلا كده , البصه دي مش مريحاني .
..........................................................................................................................
Mohamed
Hussein
12
يناير 2017·
و في اللحظه اللي
أنا قاعد فيها في شغلي و فاتح اللابتوب قدامي و مشغّل دفايه تحت رجلي و في إيدي مج
النسكافيه السخن , في نفس اللحظه فيه جنود و ظباط من جيش مصر العظيم بيخوضو معركه جديده
في شمال سينا دلوأتي , بيتحركو في الصحرا , بيطاردو عصابات اجراميه ارهابيه مدعومه
من دول و لها غطاء من بعض البدو للأسف , مطارده و مواجهه للإرهاب و الخيانه مجتمعين
, و مطلوب من جنودنا كمان يحافظو على أرواح المدنيين و الأطفال اللي مالهمشي ذنب .
.
قمة النطاعه بقى
و الإنحطاط و الوقاحه و السفاله إنه ييجي عليا يوم و ابقى قاعد زي مانا و في نفس الوقت
أعدّل عالرجاله هناك في شغلهم و أقول كان المفروض يعملو كذا و يتحركو بالشكل الفلاني
و يتسلحو بالطريقه الفلانيه , دي يبقى اسمها وقاحه و انحطاط , مالهاش إسم تاني , عشان
: الصمت في حضرة الشجاعه و التضحيه أدب .
.
اللهم نصرك الذي
وعدت , لخير أجناد الأرض .
.................................................................................................................
Mohamed
Hussein
11
يناير 2017·
دونالد ترامب
: إدارة أوباما هي من أوجدت تنظيم داعش !! .
.
لا يا جدع ماتقولشي
كده أبدا , أمريكا دي حد جميل , أه حد جميل و كيوت و بتاعة حقوق الإنسان و حقوق العصافير
و حقوق الزقازيق , و بتحارب الإرهاب ( اللي هي صنعته بإيديها ) .
.
ماهو طول مالأمريكان
و البريطانيين بيلاقو في بلاد العرب ملوك و حكام بطرحه , و شباب براس كلب , وشوية خونه
ببدل و كرافتات , هيفضلو يضربونا نفس القفا 17 مره على سهوه , و كل مره يقولو سوري
.
.
في اللحظه دي تحديدا
مش عايز ألعن جدود أبو الأمريكان و البريطانيين و الصهاينه اللي هما الشيطان الأعظم
للعالم , إنما من باب أولى ألعن جدود أبو الخونه اللي وسطينا , سواء كانو حكام أو أفراد
, الخاين ابن الكلب اللي بينا أوسخ ألف مره من العدو ابن الكلب لما يكون غريب .
.
العدو الغريب لقى
اللي يفتح له باب البيت و يقوله اقتل ابن اخويا و نام مع مرات أخويا و هساعدك و أقتل
معاك و هدّيك فلوس كتير كمان , مايقتلشي و ينام ليه ؟ ده حتي يبقى غبي لو ماعملشي كده
.
.
لو حد من حضراتكو
عايز يتخيل المشهد الأقذر في تاريخ البشريه , هيشوف ولادنا في سوريا و ليبيا و اليمن
دمهم سايح و بلادنا دمها سايح و في نفس المشهد هيشوف ضحك و قهقهة الصهاينه و الأمريكان
, و هيسمع طرقعة الكاسات , في صحتك يا صديقي , في صحتك يا ماي فريند , قتلنا أطفال
و شباب العرب بأيدي العرب و حصلنا على أموالهم و نفطهم و دمرنا جيوشهم و بلادهم , في
صحة اسرائيل , الدوله الأكثر أمانا بين بلاد العرب .
...............................................................................................................
Mohamed
Hussein
11
يناير 2017·
العراق هتبعت لمصر
مليون برميل بترول شهريا قابله للزياده و بطريقه سداد ميسره .
.
عملنا بأصلنا و
ماروحناش لإيران ولا حاجه , روحنا للعراق , يعني ماتصرّفناش بصبيانيه و لا بطريقة المراهقين
سياسيا و محدثي النعمه , متشكرين يا طويل العمر و الشكر موصول لشركة أرامكو , ميرسي
خالص والله , و ابقى سلّم لنا على طنط تيريزا ماي , الست الطاهره البركه دي اللي حجّت
بيت الله ييجي 400 مره .
.......................................................................................................................
Mohamed
Hussein
11
يناير 2017·
الرقابه الإداريه
كل يوم تقفش لها بتاع سته سبعه من الموظفين الكبار الفاسدين , رشاوي و فساد مالي و
خلافه , لو استمرينا بالمعدل ده هنيجي على اخر السنه نلاقي عندنا عدد ضخم جدا من الموظفين
الفاسدين اللي بيتحاكمو و ملايينهم و ملياراتهم بتتصادر .
.
عشان كده رأيي
و بقترح عالرقابه الإداريه إنها تختصر و تبطّل تقول لنا أسماء الموظفين الفاسدين عشان
هنتلخبط فيهم أكيد , و تبقى تيجي على أخر السنه كده تجيب ورقه فلوسكاب و تكتب لنا فيها
أسماء الموظفين الشرفاء في مصر !! .
.
و تسألني بقى هي
التركه اللي استلمها عبد الفتاح السيسي شكلها ايه ؟ أقولك باختصار , اقرا الكام سطر
اللي فوق ( ده جزء بسيط من التركه ) .
..................................................................................................................
Mohamed
Hussein
11
يناير 2017·
صحّوني بقى صحوني
, أصلنا وصلنا للفقره اللي بحبها , و اللي توقعتها و قلت عليها من سنتين , رئيس المخابرات
الأمريكيه بيعتذر عن افتكاسة الربيع العربي و بيقولكو أخطأنا في التعامل مع الربيع
العربي , سوري يا جماعه , أه سوري يعني أسفين و وشنا منكو في الأرض والله .
.
طب كانت ايه بقى
دموع أوباما و هندرّس الثوره في مدارسنا و ميدان التحرير رمز للمش عارف ايه كده ؟ كله
فستك يا حماده , فستك يعني بلح , سياسات أمريكا في خراب الشرق الأوسط و نفس ام السيناريو
الحمضان بتاع العراق , الأول صدام حسين عنده أسلحة دمار شامل و بعدين غزو و خراب لسه
بيعاني منه العراق لحد النهارده و بعدين قالو لا , تقريبا كده صدام مكانشي عنده أسلحة
دمار شامل , احنا أسأنا التقدير , أسفين يا جماعه , سوري و الله .
.
و دلوأتي اللعبه
الجديده خلصت بنفس الطريقه , ربيع عربي كيوت و جميل , و بعدين كام دوله يتحرقو و يخربو
و بعدين نقول سوري ده شكله كده مكانشي ربيع عربي كيوت و جميل .
.
المولد ده كان
لازم يتفض و الحاوي يلم التعابين بتاعته ( عشان الحاوي الجديد بييجي بتعابينه ) , و
بكره هتطلع أمريكا تعترف انها صنعت داعش على ايديها , ولا عزاء للأنطاع و الخرفان و
الكولجيه و الخونه و المراهقين و العيال بتوع الصراع السني الشيعي و العيال اللي بيثورو
على نفسهم و العيال اللي بيعملو بيبي جنب الشجره في الشارع و كانو عايزين يحكمو مصر
.
..................................................................................................................
Mohamed
Hussein
10
يناير 2017·
و سوف يشهد التاريخ
أن هذا العبد لله الماثل أمامكم بيتسرق منه بوستات أكتر ما بيستحمى , وقال ملكيه فكريه
قال , يا عم اسكت و النبي , فكريه ذات نفسها بتسرق بوستاتي .
........................................................................................................................
Mohamed
Hussein
10
يناير 2017·
فن إدارة الازمه
......... للكبار فقط .
.
- في يناير
2011 كان الوضع عامل زي السيل الجارف , ملايين في الشوارع , ملايين من المؤيدين بره
مصر ( و انا منهم ) , أله اعلاميه ضخمه , أمريكا و رئيسها و جرايدها و قنواتها و منظماتها
و الجزيره و غيرها .
.
- طب و بعدين ؟
نعمل ايه ؟ لو جبنا شاب من الشباب دول و قولناله إنكو مش بتعملو ثوره انتو بيتعمل بيكو
ثوره مش هيصدقنا , و لو قولناله جماعة الإخوان دي جماعه إرهابيه هيضربنا بالنار , و
لو قولناله مفيش ربيع عربي ولا نيله ده مخطط صهيوني امريكي بريطاني لخراب المنطقه هيلعن
جدود أبونا , اه حجم الحماس ( و الغشوميه ) جوه كل واحد من الملايين كان واصل لأقصى
مدى ( انا كنت من الناس دي ) .
.
- الرجاله عملو
ايه بقى ؟ مين هما الرجاله ؟هقولك بس اصبر للأخر , عملو ايه ؟ الرجاله اجتمعو و أشادو
بثورة الشعب المصري العظيم و حاكمو مبارك و رموه في السجن و عزفو عالربابه ليناير و
جمال يناير و غمازات يناير , يعني اتعاملو مع السيل الجارف بطريقة الإمتصاص و تغيير
المسار بهدوء و بالوقت , تجنبو فكرة الصدام مع ( الثوره ) .
.
- الرجاله قالو
لنا الثوره دي حد جميل و الإخوان فصيل وطني مقطع حصر الجامع , تعالو يا شباب نجرب كده
, انزلو انتخبو , جبتو مين ؟ الإخوان ؟ طب تمام , انزلو كمان انتخبو رئيس , جبتو مين
؟ مرسي سكرتير المرشد ؟ روعه ما شاء الله عليكو و على التجربه الديموقراطيه , عيشو
حياتكو مع الإخوان بقى , هه ؟ شايفين ايه بعنيكو ؟ عزه الجرف و تكفير الأقباط و تطبيق
الحدود في الشارع و مسلحين حماس في مكتب الإرشاد و نجاد في القاهره و الازهر , و حصار
للمحكمه الدستوريه و لمدينة الإنتاج , و الإرهابيين اللي قتلو السادات يحضرو احتفالات
اكتوبر و تمام كده يا شباب ؟ اقتنعتو ؟ عرفتو يعني ايه جماعه ارهابيه تحكمكو ؟ .
.
- طب تعالو بصو
تاني كده , ايه رأيكو في ميدان التحرير أيام يناير ؟؟؟ إيه رأيكو في 6 ابريل دلوأتي
؟ و ايه رأيكو في قيادات و حبشتكانات الثوره ؟ شوفتوهم بعنيكو ؟ شوفتو أفكارهم و توجهاتهم
المشبوهه ؟ طبعا لو كنا قولنالكو كده في يناير 2011 كتو هتقولو علينا كفار و زومبيين
و ضد الثوره و ضد التحرر و تشيلو سلاح و تحاربونا , و السلاح بتاعكو كان جاهز على فكره
( في مخازن اللي مسرّحكو و سارح بيكو ) .
.
- الكلام اللي
فوق ده معناه ايه ؟ معناه باختصار , ان درس يناير 2011 تم التعامل معاه بمنتهى الحرفيه
, أو بحرفنه بمعنى أصح , ماينفعشي تواجه السيل الجارف , لكن ممكن تغير مساره شويه بشويه
, و تسيب الأيام هي اللي تكشف عن الأقنعه القبيحه , أي رد فعل غير كده , بيتضمن صدام
عسكري أو حتى صدام فكري وقتها كان هيعني ببساطه شديده إن مصر تبقى سوريا أو ليبيا
, الدولتين اللي حصل فيهم صدام مع ما يسمى بالثوره و كانت النتيجه كارثيه و خراب تام
.
.
أكيد حضراتكو عرفتو
دلوأتي مين هما الرجاله اللي أدارو أصعب أزمة في تاريخ مصر الحديث بحرفنه .
.
طب انا أصلا كاتب
البوست ده ليه ؟ عشان أقولكو ان اللي ينجح في إدارة أزمة بالحجم و الصعوبه دي و بأقل
الخساير الممكنه , مش هيغلب في إدارة أزمات تانيه و ملفات أبسط بكتير زي سد النهضه
و ترسيم الحدود , و من هنا بتيجي الثقه , الثقه مش معناها شيك على بياض , إنما معناها
ببساطه إن اللي يعرف يلعب قدام ريال مدريد و يغلبه أكيد مش هيخسر قدام بترول أسيوط
.
.................................................................................................................
Mohamed
Hussein
10
يناير 2017·
عبد الفتاح السيسي
: قلت للمصريين إن تكلفة التحدي كبيره !! .
.
بس أهو الراجل
اختصر 3 سنين في كلمتين فعلا , تكلفة التحدي , الإقتصاد و الإرهاب اسمهم تكلفة التحدي
, الفاتوره اللي بندفعها عشان نحافظ على 30 يونيو , الثوره اللي عملناها عشان نستعيد
هوية مصر و نرفع راسها , تكلفة التحدي , تكلفة استقلال الإراده المصريه .
.
الكلام ده انا
كمواطن كنت عارفه من بعد 30 يونيو مباشرة , الفاتوره اللي هندفعها , يعني ايه تقلب
الترابيزه عالأمريكان و حلف الشيطان بجلالة قدرهم و تلخبط لهم كل أوراق اللعبه ؟ يعني
ايه تحظر جماعه ارهابيه عمرها 90 سنه و متوغله في كل مفاصل الدوله ؟ وايه الجرأه اللي
انت فيها دي , كمان مش عايز تخرب معانا و تقتل و تحرق في سوريا و اليمن ؟ بتقول ايه
؟ عقيدة الجيش المصري مابتسمحش بكده , طب استحمل يا حلو , حصار اقتصادي و ارهاب و قنوات
فضائيه تتعمل عشانك مخصوص و تقرير يدين مصر كل ساعتين من كل المنظمات و الحبشتكانات
و استخدام كل الديابه اللي بره و الفيران اللي جوه , و مره بإسم الدين و مره بإسم المدنيه
و مره بإسم النبي حارسها الثوره , و كل العرايس تتجمع في النهايه في إيد مخرج العرايس
, الشيطان الأعظم .
.
أنا قابل التحدي
ياريس و عارف التكلفه .
................................................................................................................
Mohamed
Hussein
9
يناير 2017·
ياخي تسمعها ألف
مره و تغيب تغيب و ترجع تسمعها تاني يجيلك نفس الشعور بتاع أول مره , نفس المتعه ,
نفس الجمال , نفس الشموخ , أم كلثوم دي كانت ملكوت لوحدها , ملكوت زي القهوه و الورد
و إيد الأم لما تبوسها .
...................................................................................................................
Mohamed
Hussein
9
يناير 2017·
شمال سينا
.
1 - الشعب السيناوي
ده أصلا شعب جميل و طيب و كيوت و وطني أخر 7 حاجات .
2 - السطر اللي
فوق ده ممكن تسميه إستهلاله ( أو بمعنى أصح استهباله ) , و اللي جاي مش مقصود بيه التعميم
, مش مقصود بيه ايه يا جدعان ؟ التعميم , أيوه الله يفتح عليكو .
.
3 - الوضع في مدن
العريش و الشيخ زويد و رفح أفضل ألف مره من سنتين فاتو , لكن لسه فيه جيوب إرهابيه
( بواقي ) .
.
4 - الجيوب دي
بتيجي منين ؟ بتيجي من بره أو من جوه ( مش بتنزل من السما ) , و ماتقدرش تتحرك أو تعيش
إلا بمساعده من أهلنا الطيبين الوطنيين الكيوت اللي هما بدو سينا , طبيعة المناطق البدويه
كده زي المناطق الريفيه , الغريب بيبقى معروف و يلزمه حمايه و مساعده و إيواء .
.
5 - الكلام ده
مش كيميا ولا لوغاريتمات .
6 - الحرب على
الإرهاب حرب طويله و عايزه نفس طويل , خصوصا لما يكون عندك مدينتين تلاته عباره عن
مدن من فوق و أنفاق عامله مدن تانيه من تحت ( بالرغم من الكم الرهيب من الأنفاق اللي
اتدمرت ) , و تجاره في كل شئ ممنوع , سلاح و مخدرات و إرهاب , و طبعا فيه دول و دويلات
خارجيه مستعده تدفع مليارات في سبيل الحفاظ على وجود المدن اللي تحت !! .
.
7 - شمامين الكوله
اللي بينامو و يقومو يشمو في صوابع رجليهم يركنو على جنب , عشان الحرب على الإرهاب
في منطقه بالوصف ده بتختلف تماما عن مطارده حرامية غسيل و طبعا الارهاب مش بنحاربه
بالشعارات و لا بمبرد الضوافر , و إجمالا من المعروف لهم سلفا ان الحكايه اسمها ( عنف
متبادل ) و قبلها كانت الحكايه ( مفيش ارهاب دي فزاعه ) مش بقولكو اركنو على جنب عشان
ماندوسشي على دماغكو بالجزمه ؟! .
.
8 - عدد سكان شمال
سينا على بعضها كده أقل من نص مليون نسمه , يعني اد قريتين عندنا في السنبلاوين .
.
9 - لو فيه مناطق
بالشكل ده في أي دوله من بتوع الحريات و حقوق الإنسان و العصافير الكناريا , زي امريكا
و فرنسا , كانت الدوله أخلتها تماما و نقلت سكانها في كومباوند لمدة زمنيه ماتزيدش
عن 3 شهور , و طهرت المدن نفسها من فوق و من تحت حتى لو اضطرت تجيب عاليها واطيها
( اعادة اعمارها أقل تكلفه من وجود بؤر ارهابيه فيها ) .
.
10 - انما نعمل
كده ازاي و احنا لما فكرنا نخلي شريط حدودي كام كيلو الدنيا اتقلبت علينا و كولجيه
البرادعي المركوبين من سنين نزلو بالشويتين بتوعهم , أه يابني حاول تصدق إن دورك المشبوه
في الإرهاب مايقلش عن دور الشيخ المخبول اللي بيحرض الإرهابي على القتل و يقوله حور
عين ولا يقل عن دور البرادعي اللي بيبرر للإرهاب تحت اسم العنف المتبادل .
.
11 - أه بالمناسبه
, السيسي بقاله سنتين بيحارب الإرهاب عشان بس مايسمحشي للإرهابيين ( اللي خربو دول
و دمروها بالكامل ) إنهم يرفعو رايتهم على مترين رمل في أرض سينا , السيسي مابيبعشي
مترين من ترابها , أظن الكلام واضح .
.
12 - تحيا مصر
, و ربنا يرحم شهداء كمين العريش .
..........................................................................................................
Mohamed
Hussein
8
يناير 2017·
خبر حضور جمال
مبارك و علاء مبارك مبارة مصر و تونس الوديه في ستاد القاهره لا يزيد إطلاقا عن خبر
حضور ابراهيم لمعي و نورا محمود و سيد بنجر و اسماعيل بنجر لنفس المباراه , أو خبر
عقد قران سيف البنهاوي على ريم العمده في قرية ماعرفشي ايه كده في السنبلاوين , هتقولي
مين الأسماء اللي في الأخر دي ؟ هقولك مواطنين زي جمال مبارك و علاء مبارك .
.
أصدقائي الأعزاء
, من 6 سنين و احنا بنمارس الطفوله و المراهقه السياسيه , اظن أن الأوان إننا نكبر
شويه , الطفل بعد 6 سنين بيبقى مراهق و المراهق بعد 6 سنين بيبقى شاب عاقل و رزين و
ملو هدومه , جمال و أخوه يحضرو ماتش في ستاد القاهره أو يحضرو حفله لمنير , أو يتغدو
في مطعم عالنيل , خبر عادي جدا , ترجمته صفر .
.
جمال مبارك انتهى
سياسيا مش بحكم محكمه , بحكم كتاب التاريخ و كتاب السياسه , بيبقى اسمه كارت و اتحرق
أو صفحه و اتقفلت زيه زي البرادعي و أحمد شفيق و حمدين صباحي , في السياسه الكارت اللي
بيتحرق مابيرجعش تاني يا لمبي .
.
رئيس مصر القادم
في 2018 لو ربنا كاتب له عمر اسمه عبد الفتاح السيسي , بأصوات الناخبين و من الجوله
الأولى ( مفيش منافس يقدر حتى يدخل اعاده معاه ) , و في 2022 لو البرلمان كان وافق
على تعديل الدستور و السماح بفتره رئاسيه تالته هيبقى السيسي برضه , نتكلم بقى في
2026 , يعني بعد 10 سنين من دلوأتي , و نشوف ساعتها مين بيحضر ماتشات مصر و مين بيجيب
الكوره من ورا الجون , ربنا يدينا و يديكو طولة العمر .
....................................................................................................................
Mohamed
Hussein
8
يناير 2017·
كولجي 1 : أنا
فرحان أوي فرحان أوي
كولجي 2 : أيوه
طبعا , باين عليك يابن المحظوظه .
.
كولجي 1 : عارف
يا صاحبي ؟ , انا من كتر الفرحه مش مصدق نفسي , معقوله ؟ معقوله ؟ البوب شخصيا يجيب
سيرتي و يقول عليا زباله و أفّاق و ابن جزمه , دانا عمري ما حلمت بأكتر من كده .
كولجي 2 : وايه
يعني , مالسه فيه تسجيلات هتتذاع الفتره الجايه و عندي أمل و إحساس إن البوب مش هينساني
و هيقول عليا انا كمان زباله و أفّاق و و ابن جزمه , انا مش أقل منك على فكره .
.
كولجي 1 : يا حبيبي
يا بوب .
كولجي 2 : يا حبيبي
يا بوب .
.
عم رجب الغفير
( جاي يجري ) : انتو بتعملو ايه ياض انت و هو في الخرابه ؟, الله يكسفكو يا بُعدا
.
كولجي 1 و كولجي
2 ( في نفس واحد و بانفعال ) : و انت مالك يا متخلف يا غبي يا متعفن , احنا بنمارس
حريتنا في التعبير عن رفضنا للواقع البائس .
...............................................................................................................
Mohamed
Hussein
8
يناير 2017·
يعني أفهم من كده
إن البرادعي شايف ان مفيش حد نضيف و بيفهم في كوكب الأرض و المجموعه الشمسيه غير ابراهيم
عيسى ؟! طب خلاص تاهت و لقيناها .
.
إحنا نجيب البرادعي
و ابراهيم عيسى و ندّيلهم حتة أرض في الصحرا و نعمل عليها سلك شايك , أرض يعملو عليها
دولتهم المتحضره المتقدمه اللي شوارعها بتبرق , و يكتبو عليها من بره ( دولة المليون
سنه ضوئيه ) و يعملو لهم دستور بينص على إن فترة الرئاسه 4 سنين بالتبادل , يعني البرادعي
يبقى رئيس لمدة 4 سنين و ابراهيم عيسى هو الشعب , و بعدين يعكسو بقى , ابراهيم عيسى
يبقى رئيس و البرادعي هو الشعب .
.
بس الموضوع ده
هيبقى فيه مشكله كبيره , لما ابراهيم عيسى يبقى هو الشعب لا هيشتغل ولا هيزرع ولا هيقلع
, هيقعد على صخره كل يوم بالليل يكلّم السحالي و الفيران و البراغيت , و يشد حمالاته
و يقول لقد استقر في وجداني أن البرادعي فاشل و حكومته فاشله و وزرائه فاشلين , و مش
بعيد يعمل ثوره عليه .
.
و لما ابراهيم
عيسى يبقى رئيس طبعا البرادعي مش هيسكت , هيهرب و يروح بلد تانيه و يفتح حساب على تويتر
و يقعد يشتم في ابراهيم عيسى الفاشي القمعي اللي بياكل دراع العيال الصغيره .
.
نقوم احنا بقى
مايعجبناش الحال المايل ده في دولة ( المليون سنه ضوئيه ) العربيه الشقيقه , و نروح
نصالح البرادعي على ابراهيم عيسى , و ناخد معانا 2 كيلو فول سوداني و سباطة موز .
......................................................................................................................
Mohamed
Hussein
8
يناير 2017·
أنا كده بدأت أقلق
من البرادعي و أتوغوش , الراجل ده ممكن يفاجئنا و يباغتنا و يعمل تحالف و إئتلاف يجمع
فيه كل أنصاره و رفقاء الأمس و الناس اللي كان بيقعد معاهم ويقود الإئتلاف ده بنفسه
, إئتلاف قوي يزلزل أركان الحكم في مصر , و يسميه إئتلاف ( الأفاقين و الزبالين و ولاد
الوسخه ) .
...........................................................................................................
Mohamed
Hussein
8
يناير 2017·
إحترامي للجميع
.
اللي يخلي البرادعي
شخص قذر بالنسبالي مش إنه قال في مكالمة تليفونيه خاصه إن فلان ده زباله وعلان ده أفاق
و ترتان ده بهيم و لا إنه شتم و لعن جدود أبو القطيع بتاعه من أوله لأخره .
.
اللي يخلي البرادعي
شخص قذر هو انه شخص قذر فعلا , مش بمكالمة تليفون شخصيه و لا بشتيمته للناس , السياسي
بيبقى شخص قذر بمواقفه المعلنه و بتصرفاته و بمقالاته و تويتاته اللي بيكتبها بإيده
و الموجهه لألاف الشباب .
.
البرادعي شخص قذر
لما استقال من منصبه و لبّس البلد في الحيطه بعد 30 يونيو , البرادعي قذر لما قال ان
الدوله اللي بتحارب الإرهاب يبقى اسمه عنف متبادل , و قذر لما يكدب و يدلّس بخصوص فض
اعتصام رابعه و قذر لما يسحب وراه ألاف الشباب لمستنقع كراهيه بلدهم بكل معاني و أشكال
الكراهيه .
.......................................................................................................................
Mohamed
Hussein
7
يناير 2017·
الإندبندنت : الحلم
السعودي بالزعامه العربيه و الإسلاميه يندثر !! .
.
يندثر يا مولانا
يعني يختفي يعني عدم اللامؤاخذه Disappear
, ليه بقى ؟ عشان الزعامه يا طويل العمر مش بتيجي بإنك يطفح عندك برميلين بترول تقوم
تبيعهم و تشتري بتمنهم سلاح و تلم الإرهابيين و عربجية التاريخ من كل مكان في العالم
و تصرف عليهم مئات المليارات و تعمل تحالف عربي و تحالف اسلامي و تحالف منفلوطي و تعمل
قواعد عسكريه للأمريكان و البريطانيين ( و لو المغول كانو لسه عايشين كنت عملت لهم
قاعده عسكريه ) و تشارك بفلوسك و بترولك ( و بنطلونك ) في حرق و خراب دول عربيه , و
بدل برميلين البترول يبقو برملين دم , تحت اسم محاربة المد الشيعي , أه رايحين نحارب
السلعوه اللي بتقول عو و راجعين , و في النهايه كل ده يطلع فستك و مفيش زعامه , ضحك
عليك الواد ابن موزه و ما خفي كان أنيل , و ترجع معاليك لنفس النقطه ( ده لو عرفت ترجع
لها ) و تلاقي إن كرسي الزعامه ده محجوز من 7 ألاف سنه وله صاحبه .
........................................................................................................
Mohamed
Hussein
7
يناير 2017·
مشهدين في الكاتدرائيه
.
.
الراجل عم شعراوي
ده حدوته , محاوط الرئيس في كل مكان , عينه في وسط راسه حتى و احنا في فرح و احتفال
, طبيعة شغله قاسيه جدا , بياخد كل حاجه بجديه و تركيز و حذر , و ماعتقدش ان الراجل
هنشوفه بيبتسم إلا بعد مالسيسي يخلص فترة رئاسته لمصر , يعني بعد 38 سنه ( إلا شهرين
لجل الحلفان ).
.
الحدوته الأكبر
بقى اسمها عبد الفتاح السيسي , مشهد الورود و الزغاريط و البوكيهات و السلامات و الناس
اللي بتتسابق عشان تسلم عليه , ياعم عبد الفتاح الدولار بقى ب 18 جنيه و الأسعار زادت
الضعف , و محبتك في قلوب الناس بتزيد , بتعملها ازاي الحكايه دي ؟! .
...........................................................................................................
Mohamed
Hussein
6 يناير 2017
السيسي بعت موفد
شخصي للكاتدرائيه عشان يهني و يبارك و بعدين قام طابب عليهم هو فجأه كده , حركة تمويه
يعني .
.
كل سنه و أقباط
مصر المسيحيين و المسلمين بخير و سعاده و محبه و رضا .
...................................................................................................................
Mohamed
Hussein
6
يناير 2017·
ماينفعش
.
أكتر واحد من أصدقائي
ممكن أقف قدام بوستاته و استعجب و اضرب كف بكف , هو صديق يكون دايما بيكتب عن وطنية
السيسي و نزاهته و يشيد بيها و بحفاظه على الامن القومي و على تراب مصر , و في نفس
اللحظه يقوم رازع بوست عن تيران و صنافير و يقول لا بقى انا مش موافق و رافض و مش هسمح
بالتفريط في تراب بلدنا و لا أمنها القومي !! .
.
ازاي بس يا عم
الحاج ؟ هو اتوبيس كام بيروح فين ؟ ماينفعش يا مولانا و عهد الله ما ينفع , ماينفعش
تصدق الحاجه و عكسها , يعني ايه ؟ يعني قولا واحدا إما انك مقتنع بوطنية السيسي و جيش
مصر و خارجية مصر و بالتالي ماينفعش توجه لهم اتهام بالخيانه , و إما انك مقتنع انهم
خونه و بالتالي ماينفعش تقعد تهري عالفيس و تسيب الخونه بيحكموك , بكره الصبح ألاقيك
قاعد في الميدان و اوعى تمشي منه قبل ماتشيل النظام الخاين ( من وجهة نظرك ) .
.
ده رأيي تحديدا
في موضوع الجزيرتين من أول مابدأنا الهري فيه , رأيي مافهوش خرايط بتقول الجزر تبع
مين , ولا تقارير ولا فلان قال ولا فلان عاد , رأي مجرد تماما من أي فنيات صحيحه أو
مشبوهه و مشوهه , و هو اللي قولته أول ما بدأ مولانا ابراهيم عيسى يزربح في موضوع الجزيرتين
, مش مقتنع بوطنية السيسي و الجيش و الخارجيه و مقتنع انهم بيبيعو تراب مصر ؟ تتفضل
مشكورا تنزل الميدان و تطالب بسقوط النظام , مفيش ذنب أكبر من بيع تراب الوطن , مش
تهرتل يوم عالهوا و تاني يوم نلاقيك عالهوا برضه بتهرتل في حاجه تانيه .
.
بالمناسبه كمان
و على سيرة مولانا ابراهيم عيسى , وقتها كان اقترح اننا نعمل استفتاء !! ( ثمَ شد حمالاته
شدتين وقال : نروح لاستفتاء بقى ) , و لحد النهارده كل مابفتكر اقتراحه بلاقي قاموس
الشتايم الأبيحه اتفتح و مابيتقفلش , استفتاء على ايه ؟ اللي هو ازاي ؟ و الإستفتاء
ده هيبقى مُلْزم لمين ؟ يعني لو فيه نخله بين بيتك و بيت جارك و اختلفتو عليها تقوم
انت جامع عيالك في البيت و تعملهم استفتاء ؟ كلهم هيقولو بتاعتنا , و جارك يعمل استفتاء
بين عياله و طبعا هيقولو بتاعتنا برضه , هه ؟ حليت المشكله يا عم ابراهيم ؟ إذا كان
حكم المحكمه المصريه نفسه مش هيكون ملزم للطرف التاني لو قرر تصعيد الموقف , لأنها
محكمه مصريه مش محكمه دوليه
.
أصدقائي الأعزاء
, حاجتين مهمين :
.
أولا : في قضايا
الأمن القومي الكبيره و الحساسه لا أملك رفاهية الإختيار و التشكيك في مؤسسات الدوله
السياديه العريقه .
.
ثانيا : مش كل
واحد يقول لكو كلام كبير مجعلص يبقى الكلام ده وراه فكره و عمق و فلسفه و ثقافه و عِرْق
وطنيه بينقح 24 ساعه يوميا , أغلب الكلام ده بيكون مجرد جعلصه هلاميه إعلاميه في الهواء
الطلق , من النوع اللي بينتزع أهات الجماهير .
.............................................................................................................................
Mohamed
Hussein
6
يناير 2017·
خفة الدم المصريه
.
طبعا خبر عودة
الخدمه المدنيه العامه للبنات بعد التخرج مش معناه خالص تجنيد ولا ازحف على بطنك و
البس بياده و لا الكلام ده , إنما عندنا شوية بنات و ستات عسل و بدأو الألش بقى , خفة
الدم المصريه مع كل موقف , مفيش 5 دقايق على التايم لاين و لقيت التالي
.
- بنت تكتب : تجنيد
إيه ؟ , دانا حيلي بيتهد لما بغسل المواعين .
- بنت تقول , يعني
هتجند و ابقى لابسه زي البنات زمايلي كلنا لبس واحد ؟ لا انا مش بحب ألبس زي حد من
صاحباتي .
- ست تقول , قال
تجنيد قال , دانا ببقى نايمه تحت 3 بطاطين و استنى جوزي يرجع من الشغل مخصوص عشان يناولني
الريموت بتاع التلفزيون .
- ست لسه متجوزه
و جوزها عايزها تسافر له , تقوله مش جايه , عندي جيش .
.
ماتقلقوش يا بنات
و سيدات مصر , عمرنا ما هنوصل لليوم ده , هتفضلو دايما معززات مكرمات , البلد دي مليانه
شباب رجاله يقدرو يحمو قارة أفريقيا بحالها , بياكلو التعابين و السحالي و الضفادع
و ينزلو من الهليكوبتر بحبل و يعومو و هما ايديهم و رجليهم مربوطين , و بيصطادو طيارات
العدو بصواريخ محموله على الأكتاف , يعني زي اللي بيصطاد عصافير .
.
جيش مصر العظيم
جنوده مابتقلعش ملط ولا بيجند ستات البلد و بناتها ولا بيتأجر أمريكان و مرتزقه و يعمل
قواعد عسكريه عشان تحميه , مصر مش تركيا ولا اسرائيل و بالتأكيد مش قطر بنت الوسخه
.
..............................................................................................................
Mohamed
Hussein
6
يناير 2017·
شابو لوزارة الأوقاف
.
النهارده كانت
خطبة الجمعه بتتكلم عن الرشوه , خطبه موحده تقريبا لأني سمعت جزء منها في البيت ( في
الراديو ) و كملتها في المسجد , يعني ايه رشوه ؟ و مدى حرمانيتها و أثرها المدمر على
الفرد و المجتمع .
.
الحكايه دي بتاعة
الخطبه الموحده اللي لها علاقه بمشاكل و أمراض المجتمع الحقيقيه , و محاولة تغيير الخطاب
الديني و توجيهه لخدمة الفرد و العامه , هي جزء من حكاية أكبر اسمها ( بناء الإنسان
المصري ) اللي قال عليها السيسي في خطاب من خطاباته , بناء الإنسان بيشمل البيت و الجامع
و المدرسه و الكنيسه و منابر الإعلام و منظومة العدل و المساواه , و المشروع ده هيكون
الاكبرو الأصعب بعد سنين طويله من العك و العجن و التشويه اللي كان سبب مهم من اسباب
الإرهاب و الفساد و الرشوه و العنصريه و خيانه الأوطان و كل الأمراض اللي بنعاني منها
.
.
عزيزي الأزهر الشريف
, عزيزتي وزارة الأوقاف , أبوس إيديكو تستمرو على كده , خطب متواصله عن الإرهاب و احترام
الغير و حرمة الدم و الفساد و الرشوه و المحسوبيه و إهمال الموظف الحكومي في عمله و
أهمية التعليم و البحث العلمي , و السرقه و الكدب و شهادة الزور , و مفهوم الوطن ,
و احترام قواعد المرور , و احترام قوانين الدواله , و حرمة المال العام و الممتلكات
العامه .
.
عزيزي الأزهر الشريف
, عزيزتي وزارة الأوقاف , اتمنى أن يصعد للمنابر فقط المؤهلين للخطابه , بشهادة و تصريح
و باتش على صدرهم زي الدكاتره , و لو فيه جامع أو زاويه صغيره مش لاقيين لها خطيب ينطبق
عليه الوصف تبقى التعليمات ان الناس تسمع خطبة الجمعه من الراديو , يعني ماينفعش عطوه
الفرارجي يطلع يخطب , و لا حوده صبي العجلاتي يعتلي المنبر في نجع أو قريه .
.
عزيزي الأزهر الشريف
, عزيزتي وزارة الأوقاف , أتمنى أن يتوقّف الخطباء و الأئمه فورا و نهائيا عن الإستشهاد
في خطبتهم بقصص هلاميه و ان يتوقفو عن إضاعة الخطبه في سرد قصة سيدنا زوربيخ ابن شمهورش
و اتجوز كام مره و كان عنده كام ناقه و اشترى بيته بكام و جاب المسدس منين و كده ,
عشان و عهد الله تلتين الخطاب الديني اللي كنا بنسمعه قبل كده لا يخرج عن كونه فستك
, حاجه كده في الهواء الطلق .
.
و في الوقت اللي
كان المجتمع بينهار فيه أخلاقيا تماما كنا احنا قاعدين نتكلم و نهري عن التعبان الأقرع
و التعبان أبو أوصّه .
ليست هناك تعليقات:
إرسال تعليق