Mohamed
Hussein
19
يناير 2017·
لا بقى , كله إلا
كده , أحمد بهجت ده أمير القلوب , يعني خط أحمر و مرجيحه و تلفزيون ملون 17 بوصه ,
ده ياما فرحنا بالريموت كنترول اللي عمله و لعبة الشلالات و الصاروخ اللي بيطلع لسابع
دور .
........................................................................................................................
Mohamed
Hussein
19
يناير 2017·
وانت عايز ايه
يا حبيبي ؟
- انا حضرتك عايز
دولة القانون و العدل و المساواه .
.
طب تمام , ينفع
نحاكم مبارك على كام تهمه كده ؟
- لا بقى , كله
إلا مبارك , ده صاحب أول ضربه جويه و كان رئيس مصر سنين طويله و ياما فرحنا , هو مبارك
كان عمل ايه يعني ولا كان عمل ايه ؟ ده أكيد برئ .
.
طب حاضر , ممكن
نحاكم وزير و ينزل من وزارته عالبوكس ؟
- لا بقى , ده
تلاقيه بيتحاكم عشان كان هيكشف قضية فساد كبيره , هو كان عمل ايه يعني ولا كان عمل
ايه ؟ ده أكيد برئ .
.
طب حاضر , ممكن
نحاكم رجل أعمال ملياردير و نجيبه من بيته الفجر ؟ .
- لا بقى , احنا
كده هنطفش المستثمرين , يا دوله غبيه , هو رجل الأعمال كان عمل ايه يعني ولا كان عمل
ايه ؟ ده أكيد برئ .
.
طب حاضر , ممكن
نحاكم مستشار في هيئة قضايا الدوله ؟
- لا بقى , العالم
يقول علينا ايه و احنا بنحاكم قاضي ؟ و تلاقيه كان هيقول تيران و صنافير مصريه عشان
كده بتحاكموه عشان الباقي يسكت , هو كان عمل ايه يعني ولا كان عمل ايه ؟ ده اكيد برئ
.
.
طب حاضر , ممكن
نحاكم أبو تريكه ؟ .
- لا بقى , كله
إلا كده , ده أمير القلوب و ياما فرحنا و هو كان عمل ايه يعني ولا كان عمل ايه ؟ ده
أكيد برئ ..
.
ممممممممم ماهو
بص يا حبيبي , كده مفيش حد هينفع يتحاكم غير الست الغلبانه اللي اشترت تلاجه بالتقسيط
و ماعرفتش تسدد اقساطها , فكرني تاني كده : انت عايز ايه ؟
- انا عايز حضرتك
دولة القانون و العدل و المساواه .
.
أه صح افتكرت
, انت عايز دولة القانون و العدل و المساواه , إنما ماقولتليش عايز كام كيلو , طب معاك
حاجه تاخد فيها ؟! .
...........................................................................................................................
Mohamed
Hussein
19
يناير 2017·
حكايتنا في 6 سنين
.
.
الهوجه , و القطعان
و غياب العقل و بركة الحاج ناجي , و تعاطفاً مع غزه , و نقل السفاره الأمريكيه للقدس
.
.
في الهوجه اتعمل
بينا ثوره , تفكيرنا عاطفي جميل , بننجرف زي السيل , مفيش عقل ولا حسبة ورقه و قلم
, طب مين هيدفع الفاتوره ؟ و هنجيب فلوسها منين ؟ مش مهم , ننجرف مع السيل و خلاص و
يحلها ألف حلّال , و النبي احنا زبون لقطه للأمريكان و الصهاينه .
.
أبو تريكه خط أحمر
( مش القانون هو اللي خط أحمر ) , أصل فيه ناس كتير بتحبه ( العاطفه ) , و مبارك خط
أحمر ( أصل فيه ناس كتير بتحبه ) , و عادل إمام لو تاجر في السلاح يبقى خط أحمر ( ده
ياما فرّحنا و ضحكنا ) , مش بقول لكو احنا زبون لقطه ؟! .
.
في كل محافظه في
مصر هتلاقي مستريح بيظهر , راجل كده ينصب عالناس و يلم منهم ملايين متلتله , ياخد حتى
قوتهم و يبيعو دهبهم , هيستثمرها أكيد , و يشتري طيارات و يطيرها , أو يجيب كتاكيت
و الكتاكيت تبيض و تفقس و تكبر و يكسب كتير و يبيض و يفقس , دي فكره حلوه فكره هايله
, بيعي الكردان اللي في صدرك يا سحر , و هوووب , المستريح هرب يا ولاد , أه يانا يامّه
يانا يامّه , المهم تكون خدت كيس البلح بركة الحاج ناجي , أغلب المستريحين بيبقو شبه
الحاج ناجي كده , الوقار و الوش اللي بيشع نور و الدقن الجميله و ممكن ذبيبة صلاة حلوه
.
.
أوباما أول ما
مسك الحكم جه جامعة القاهره و قال السلام عليكم و قعدنا بعدها 3 ايام نعيط و نتشحتف
من شدة التأثر , و هوووب بدأ مخطط الشرق الأوسط تحت رعاية أوباما بتاع السلام عليكم
, دول ضاعت و خربت و جيوش اتحرقت , و الراجل بتاع السلام عليكم قال هندرّس الثوره بتاعتكو
في مدارسنا , و احنا نعيط و نتشحتف , عقلنا في أجازة مفتوحه .
.
اسرائيل هتنقل
السفاره الأمريكيه للقدس , مش قلت لكو زيد زي عبيد و احمد زي الحاج احمد ؟ و مفيش حاجه
اسمها رئيس امريكي من الصقور ورئيس من الحمائم و العصافير الكناريا ؟ دي سياسة بتديرها
اجهزة مخابرات و لها ثوابت ( منها الدعم المطلق للكيان الصهيوني ) , والرئيس مجرد شخص
بيمضي و بيلعب الدور المرسوم له , إمضي ياشول .
.
أبو تريكه رفع
التي شيرت بتاعه بعد ما جاب جون و لقينا مكتوب ( تعاطفا مع غزه ) و احنا برضه نعيط
و نتشحتف , و فلسطين اتقسمت نصين , و حماس سيطرت على غزه و عملت انفاق و قتلت جنود
, من الصهاينه ؟ لا من المصريين يا حماده , بس انت حليب قلبي من جوه والله , يا حنين
.
.
و هتفضل امريكا
و بريطانيا و الصهاينه تتحرك و تلعب بينا كوره شراب , و احنا بنقتل في بعض و بنتعاطف
مع غزه و بنعمل اغاني لتحرير القدس .
.
أصدقائي الأعزاء
, صفحتي للعقلاء فقط , نحن لا نبيع الكوله ولا نشمها , يعني لو بتفتكر الباسورد بتاع
الفيس و بتنسى عقلك في نفس اللحظه يبقى مكانك مش هنا , مكانك هناك عند أمير القلوب
و الدباديب أو في أنفاق غزه الجميله أو على حجْر أوباما بتاع السلام عليكم .
...........................................................................................................................
Mohamed
Hussein
18
يناير 2017·
في دماغ صاحبنا
إياه , إسم مصر مش خط أحمر , و تاريخها مش خط أحمر , و علمها و نشيدها مش خط أحمر و
أمنها القومي مش خط أحمر و جيشها مش خط أحمر , بس أبو تريكه خط أحمر !! و بيزعل بقى
لما نقوله إنه أحمر مخاليق ربنا .
.......................................................................................................................
Mohamed
Hussein
18
يناير 2017·
للبني أدمين فقط
......... بهدوء شديد , عشان مش عايز أتغابى على حد .
.
رساله جت لي في
ملف الأوزرس , بعد السلامات و التحيات قصدي بعد الشتايم اياها و الذي منه , بيقول ايه
صديقي اللي هو مش صديقي ؟! .
.
بيديني درس في
مين هو أبو تريكه ؟ و ازاي أسعد الملايين و ازاي كان سفير لمصر في المحافل الدوليه
و ازاي كان بشهادة كل اللي لعبو معاه و ازاي و ازاي و ازي .
.
صديقي اللي هو
مش صديقي , بعد التحيه ( من غير شتايم ) , تعرف إيه الفرق بين القاضي البني أدم و بين
قاضي القضاه اللي هو ربنا سبحانه و تعالى ؟ أكيد ماتعرفش , أنا هقولك .
.
ربنا سبحانه و
تعالى اللي هو قاضي القضاه بيحاسب البني أدم على مجمل أعماله , الخير و الشر , كفّه
و كفه , و لما كفة الخير تغلب يدخل الجنه أو العكس , و لله المثل الأعلى .
.
طب القاضي البني
أدم بيعمل ايه ؟ ولا حاجه , ملوش أي علاقه بماضي الخير بتاعك , كنت بتختم القرأن كل
يوم و حجيت بيت الله 400 مره و كنت بتتصدق بكل فلوسك عالغلابه و كنت سفير لمصر في كوكب
الأرض و المجموعه الشمسيه و كنت بتشيل أمك على ضهرك لمدة 70 سنه متصله ..... و بعدين
جيت في يوم سرقت كوز دره ؟ القاضي هيحاكمك على كوز الدره , و بالنسباله كل ماضيك الخيّر
ده بيعني صفر في كتاب القانون المصري و كل كتب القانون في العالم ............... مممممممممممم
واضحه الفكره ؟! .
.
و على فكره كمان
, مبارك كان له ماضي يا طوله يا عرضه و أسعد الملايين في فترة من الفترات , و مارادونا
و ميسي الإتنين أسعدو المليارات مش الملايين , و أكيد كانو سفراء فوق العاده لدولهم
و قاراتهم كمان , و مع ذلك لما بيغلطو بيتحاكمو عن الخطأ اللي حصل ...............
ممممممممم واضحه الفكره ؟! .
.
و على فكره كمان
, أبو تريكه عنده محامي و ممكن عشره و القاضي مش بيصدر أحكام و هو قاعد في جُرْن الهبله
, و الموضوع لسه فيه نقض والسيسي مابينامشي يفكر في أبو تريكه طول الليل ولا شاغل باله
خالص , ولا انا والله شاغل بالي , ياكشي بكره يطلع براءه , لا سجنه هيسعدني ولا برائته
هتخليني أقرقض في ضوافري , يارب تكون فاهم .
.
هو انا عايز أقول
ايه ؟ باختصار , ماينفعشي الناس تتكلم في عداله و قانون و تقدم و هي لسه قدامها ألف
سنه لما يوصلو لمرحلة ألف باء , اللي هي أبجديات العقل البشري .
.........................................................................................................................
Mohamed
Hussein
18
يناير 2017·
القاضي : اتفضل
يا أستاذ , قولي حيثيات رفضك لوضع اسم المدعو محمد أبو تريكه على قوائم الإرهاب .
محامي أبو تريكه
: سيدي القاضي , حضرات المستشارين , محمد أبو تريكه مش مجرد اسم لشخص , ده كيان عظيم
.
.
القاضي : كمّل
يا أستاذ , كلامك حلو أوي , و قولي مستنداتك و أسانيدك
المحامي : أبو
تريكه يا حضرة القاضي ياما جاب بطولات لمصر و الأهلي و جاب أجوان في وقت صعب و عصيب
في تاريخ الأمه .
.
القاضي : كمل يا
أستاذ , و ركز في المستندات .
المحامي : أه المستندات
, تمام تمام , عندي شهاده موثقه من الكابتن احمد حسام ميدو بيقول ان أبو تريكه ده حد
جميل و كابتن وائل الإبراشي بيقول كده برضه .
.
القاضي : و ايه
كمان ؟
المحامي : و عاملين
لابو تريكه هاشتاج و كلام حلو أوي عالفيس بوك و تويتر , بيقولو عليه أمير القلوب ,
تخيل يا حضرة القاضي اسمه أمير القلوب ؟!
.
القاضي ( يفتح
الدرج و يطلّع منه ورده حمره و يشم فيها ) : قول يا أستاذ قول .
المحامي : و بيقولو
اللي فرحنا لا يمكن يكون ارهابي .
.
القاضي ( يفتح
الدرج و يطلع دبدوب احمر صغير و يحضنه مع الورده ) : كمل يا أستاذ .
المحامي : و له
صور كتير و هو بيصلي و بيحج و بيعمل عمره و بيسجد في الملعب .
.
القاضي : معلش
يا أستاذ , ممكن تكلمني شويه عن الحب , الحووووب ؟
المحامي : أه طبعا
طبعا , الحُ...
.
القاضي ( مقاطعا
و بلهجه حاده , وبعد ما دخل الورده و الدبدوب في الدرج ) : هذا و قد تبين من تحقيقات
النيابه العامه و بشهادة الشهود أن المدعو محمد أبو تريكه كان و لفتره طويله داعما
للإرهاب بكل أشكال الدعم المعنوي و المادي غير مدرك و مكترث لما يتسبب فيه هذا الإرهاب
الأسود من قتل لأولادنا و ترويع للأمنين , ما يعني انه كان يعمل عامدا ضد مصالح الدوله
العليا و أمنها القومي , و حيث أن محامي المتهم لم يقدم ما يثبت براءة موكله فقد حكمت
المحكمه باستمرار وضع اسم الموكل على قوائم الإرهاب والله الموفق , رفعت الجلسه .
.
.
.
حوار افتراضي تخيلي
من وحي الهري الفيس بوكي اللي ملوش أي تلاتين علاقه بأبجديات العقل البشري .
......................................................................................................................
Mohamed
Hussein
18
يناير 2017·
بتحب أبو تريكه
يا ضنايا ؟ .
طب و ماله , مانا
كمان بحبه مع اني زملكاوي , بحبه كلاعب حريف و مهاري و كانت له لمسه حلوه , بحبه زي
مابحب الخطيب و حسن شحاته و حازم امام .
.
الخطيب على ما
أفتكر اتقدم للنيابه و اتحقق معاه قبل كده أيام حسن حمدي , و ايه قولك لو حازم إمام
و هو ماشي في الطريق خبط حد بعربيته من غير ما يقصد , نعمل ايه بقى ؟ يتحقق معاه ولا
نقول أمير القلوب و الدباديب ؟! و إيه قولك لو حسن شحاته اتقفش في عربيته مخدرات حتى
لو مكانتشي بتاعته , يتحقق معاه ولا نقول بطولاته و أهدافه و رقّص كام لاعب و عمل كام
أسيست ؟! .
.
أبو تريكه اسمه
اتحط على قوائم الإرهاب ليه ؟ عشان كان أهلاوي مثلا و السيسي زملكاوي أو القاضي زملكاوي
؟ عشان بيحب الإخوان و اتصور مع ناس منهم ؟ انت عبيط يابني , عبيط صح ؟ طب قول انك
عبيط و معاك شهاده بتثبت كده , أهو حتى يبقى لك مبرر قدام الناس .
.
مفيش حاجه اسمها
أمير القلوب و أمير البحار , فيه حاجه اسمها متهم بتهمه , التهمه اللي خلته يتحط اسمه
على قوايم الإرهاب مش الحب , مفيش تهمه اسمها الحب و بيحبهم ولا فيه قانون بيقول كده
ولا قاضي بيحكم في كده , إنما ممكن الدعم المالي , طب كان بيدعمهم بقصد دعم الإرهاب
ولا كان بيدعمهم من باب الصدقه الجاريه و عمل الخير ؟ يعني كان غرضه و هدفه ايه و ايه
شكل الدعم و حجمه و تاريخه و خلفياته و الأشخاص و الجمعيات اللي اتعامل معاها ؟ و هل
لسه مستمر في دعمه بعد مالجماعه دي بقت كيان ارهابي بحكم القانون ؟ , كل ده أكيد موجود
في التحقيقات , ولما ربك الأعلى محطم قلوب العذارى يعمل طعن و طعنه يتقبل و يثبت برائته
هيتشال اسمه من القايمه , صعبه على فكرك دي ؟! .
.
أما بقى حدوتة
اللي يفرحنا لا يمكن يكون ارهابي فعايز أقول لمعاليك , صاحبك الأنتيم أكيد فرحك قبل
كده و عزمك على ساندوتشات حواوشي و روحتو سوا صيفتو في جمصه و بينكو زكريات زي الفل
, لو حصل ( بقول لو يعني ) و دخلت بيتك لقيت صاحبك الأنتيم نايم مع مراتك ماتنساش تقول
: مش ممكن أبدا ده فرحني قبل كده , و طبعا تروح تغير النضاره .
....................................................................................................................................
Mohamed
Hussein
17
يناير 2017·
لا لعبنا و لا
هاجمنا ولا فوزنا ولا جبنا جون ولا لنا هجمه خطره ولا كوره في عارضه , يعني لا معانا
شريط ولا فيديو و لا مُكنه , و في الأخر عايزين نفوز بالبطوله معرفشي ازاي .
.
واضح ان هيكتور
كوبر ملوش في البطولات المجمعه , البطولات المجمعه دي تخصص الدفّاس قصدي حسن شحاته
, بطولة أفريقيا أصلا بتاعته و متسجله بإسمه في الشهري العقاري .
................................................................................................................................
Mohamed
Hussein
17
يناير 2017·
المعنى الحرفي
للنطاعه ( و العلوقيه ) إنك تلاقي واحد كان بيهيص و يزيط امبارح على موضوع الجزيرتين
و يدينا دروس في الوطنيه و النهارده في ماتش مصر تلاقيه حاطط علم مالي !! .
.
طب يا حبيبي حاول
تسبك و تحبك دور الوطنيه شويه , ماتبقاش مفضوح أوي كده , أو عالأقل حاول تقرف من نفسك
, دانت حرفيا بينطبق عليك الوصف الكامل ل ( أيات ) المنافق , و بالتالي تبقى نسخه بالكربون
من ( أيات ) العرابي .
.
العلوقيه يا ضنايا
عمرها ما كانت منهج فكري , و كلمة وطنيه و وطن ( و كل مشتقاتها ) ماينفعشي تتقال على
سراير الخونه و العاهرات , إبليس الرجيم ذات نفسه مابيوصلشي للمرحله دي .
............................................................................................................................
Mohamed
Hussein
17
يناير 2017·
يعني ايه بطوله
زائفه و بطل من ورق ؟ يعني ايه ناس بتغسل خيانتها و قذارتها و هبلها في موضوع الجزيرتين
؟ ( 90 % من الأصدقاء اللي زايطين في الموضوع بينطبق عليهم الوصف ده , المعتدل الوطني
المحترم فعلا سواء كان مؤيد أو معارض مايزيدش عن 10 % و ممكن أقولهم بالإسم , منهم
مثلا د عبد الرحمن نجاح , أحمد محمود , هاله كمال ) .
ال 90 % بقى هما
مين ؟ هما التالي :
- يعني تلاقي واحد
من 3 سنين بيشتم في جيش بلده و يقول عالإرهاب عنف متبادل ..
- يعني يتعاطف
مع الإرهابيه اسراء الطويل و بالتالي ساميه شنن تبقى طنط ساميه .
- يعني لما الإرهابيين
يخسرو في حلب يتركب من الجزيره كالعاده و يقول حلب تحترق .
- يعني مستعد يحط
علم أي دوله على صفحته زي فرنسا و غيرها بس علم مصر بيوجعه .
- يعني في كل حادثه
ارهابيه يقعد يلف و يدور عشان مايقولشي كلمة شهيد و طبعا يعمل نفسه خبير امني و يقعد
يهري .
- يعني يقول حكم
العسكر و يغني لأيام الملك ( اللي هي أيام الإحتلال ) .
- يعني يشير بوستات
لصفحات الخونه في سينا اللي هما ضد جيش بلده.
- يعني يلاقي مبررات
كتير لخيانة البرادعي .
- يعني يتابع كل
الخونه اللي هربو من مصر وفتحو قنوات في تركيا و بريطانيا و يعتبرهم أيقونات .
.
.
- 90 % من اللي
زاطو في موضوع الجزيرتين بينهم و بين الوطنيه سفر بلاد , و أولهم الصايع خالد علي
( اللي ماعرفشي بيصبّع لمين بالظبط ) , و الحدوته لا فيها وطنيه بتنقح ولا تراب مصر
يامّه , الحدوته محاولة بائسه لإثبات إن عبد الفتاح السيسي ده راجل خاين , و حكومته
خاينه و الخارجيه خاينه و قيادات الجيش خاينين , هو ده الهدف و التارجيت , لصق تهمة
الخيانه على مين بقى ؟ عالراجل اللي انقذ مصر في 30 يونيو من حكم الجماعه الارهابيه
و من مخطط محور الشر , الراجل اللي رفض يخون عقيدة الجيش و يبعت قوات لسوريا ( كان
هياخد فلوس تغرق مصر ) , عالراجل اللي رفض يفرط في شبر من أرض سينا , عالراجل اللي
في عز الأزمه الاقتصاديه و لوي الدراع رفض ينضم لحلف أمريكا و في نفس الوقت رفض يعمل
قاعده عسكريه لروسيا .
.
كتير أوي من اللي
زاطو في موضوع الجزيرتين بيفكروني بشخصيه الموظف الفاسد المرتشي الحرامي اللي بيسرق
مال الشعب و قوت الغلابه بس لازم كل سنه يروح يحج , اه الكعبه مغسله الذنوب بالنسباله
, و يرجع يسرق و يرتشي و يخون , و يروح يحج و هكذا , الجزيرتين برضه هيبقو كعبة كتير
من الخونه و الصيع و المركوبين .
............................................................................................................................
Mohamed
Hussein
16
يناير 2017·
عملت النهارده
شوية بلوكات حلوين , هذا من فضل ربي , أه و الله .
.
بقالي 7 سنين مرزوع
عالفيس بوك ليل و نهار زي الجندي الواقف عالحدود أو مزروع زي الشجره , حسيت انها معركة
بلد , معركة مصير , مش ببطل كتابه و لا ذهني بيبطل تفكير , لا في شغل ولا بيت
.
لما بدأنا يناير
2011 كنت مؤيد تماما لها , زهقت من فكرة التوريث ومؤسسة الفساد و الخلق الزباله اللي
زي صفوت الشريف و زكريا عزمي , و فضلت شهور طويله على وضعي , مؤيد و بشده , لحد الصوره
ماتضحت بالنسبالي اكتر , و حسيت اننا اتعمل بينا ثوره ماعملناش ثوره , و اللي كنا بنعمله
هو ( حق أريد به باطل ) , و الحكايه اكبر بكتير من فكرة ديموقراطيه و حريات و تداول
سلطه , و الحدوته فيها مخططات و دول اجنبيه و رغبه في الحرق و الدمار , في اللحظه دي
خوفت عالبلد , شعور الخوف ده شعور صحي تماما , و بدأت الوشوش القبيحه تنكشف و الأقنعه
تتساقط , اكتشفت اني مش من النوع اللي بيعمل أصنام من العجوه و يعبدها , اللهم لك الحمد
.
.
في ال 7 سنين كتبت
بإيدي مش أقل من 5 ألاف بوست , نادرا ماكنت بغيب , لا عمري بعت الوهم لحد و لا اشتغلت
في قصص حمضانه , ولا كسبت من ورا الفيس جنيه , بالعكس خسرت كتير في شغلي ( عشان صاحب
بالين كداب ) , برضه ليه و ازاي ؟ مانا قلت لك , معركة بلد , الإعلام و السوشيال ميديا
بيمثلو 70 % منها , دي قناعتي اللي بتخليني استحمل صداع ايام طويله و عيني ييجي عليها
وقت مابقاش شايف .
.
عبد الفتاح السيسي
بالنسبالي هو فارس منقذ , مش معناها انه نبي ولا قديس و طبعا مش اله , إنما فكرة الخيانه
لا تنطبق عليه , هو أخر بني ادم في مصر ممكن ينطبق عليه الوصف ده , و يوم مايخون بكره
ولا بعد سنه هقول , هو مش أغلى عندي من البلد دي .
.
أصدقائي التانيين
, بص يا حبيبي , الحاجه أمك أو الست مامتك ممكن تتلخبط في اسمك عادي جدا , بس انا عمري
ما هتلخبط في دماغك واللي فيها , عارفه و حافظه , يبقى ايه بقى ؟ يبقى صكوك و ستيكرات
الوطنيه اللي نزلت عليك من السما فجأه دي تعمل بيها ايه ؟ أيوه بالظبط كده , تلزقها
على صدرك جنب التاتو الفراشه .
........................................................................................................................
Mohamed
Hussein
16
يناير 2017
هو : ألو , صباح
الخير يا شريف .
شريف : صباح الخير
يافندم , يارب يكون معاليك بخير .
.
هو : الحمد لله
بخير , قولي عملتو ايه مع المحكمه الاداريه ؟ .
شريف : مابعتناش
أوراق يافندم .
.
هو : برافو يا
شريف , و طبعا القاضي حكم برفض الاتفاقيه .
شريف : طبعا يافندم
, احنا ماقدمناش له حاجه عشان تتقبل .
.
هو : هايل , وعملو
ايه في المحكمه بعد كده ؟ .
شريف : قعدو يهتفو
يافندم و المحامي الشاب خالد علي عمل فيها جيفارا و نيلسون مانديلا مضروبين في خلاط
واحد .
.
هو : برافو على
خالد علي , و الشباب عاملين ايه عالفيس بوك ؟
شريف : فرحانين
يافندم و منهم اللي بيهري و بيتهمنا بالخيانه .
.
هو : خليهم يفرحو
, و بالنسبه للإتهام بكره يفهمو .
شريف : طب سيادتك
هتعمل ايه يافندم ؟ .
.
هو : هعمل ايه
في ايه يا شريف ؟ عندي شوية اجتماعات مع الراجل بتاع بيلا روسيا .
شريف : تمام يافندم
.
.
هو : اه صحيح قبل
مانسى , هو ماتش مصر و مالي الساعه كام بكره ؟ .
شريف : الساعه
9 يافندم بتوقيت القاهره .
.
هو : تمام تمام
, في حفظ الله يا شريف .
شريف : في حفظ
الله يافندم .
.........................................................................................................................
Mohamed
Hussein
16
يناير 2017·
-
من اسبوعين كتبت البوست ده , ده رأيي من أول الموضوع و دي قناعتي , الموضوع بالنسبالي
مالوش علاقه بالخرايط ولا بملكية الجزيرتين , و النهارده المحكمه الإداريه أصدرت حكمها
ببطلان اتفاقيه ترسيم الحدود ( مش بتقول الجزيرتين تبع مين ) .
.
- ركز في الجمله
دي , بتقولك الحكومه ماقدمتشي مايفيد بملكية الجزيرتين للسعوديه !! .
.
- قضايا الأمن
القومي الكبيره مالهاش أي علاقه بالطفوله و الصبيانيه و المراهقه السياسيه اللي بشوفها
عالفيس بوك , و مولد الوطنيه اللي بيظهر فجأه عند ناس بينهم و بين الوطنيه مسافات و
بلاد و سفر سنين طويله .
.
- ياريت الناس
تقرا البوست بتركيز , و مايبيعوش المايه في حارة السقايين , انت مش وطني أكتر من عبد
الفتاح السيسي ولا الخارجيه ولا الجيش , و فكرتك عن ان الحكم الفلاني بيعني كذا هي
فكره تليق بعيل بيعمل بيبي على نفسه في الشارع .
.
- مؤسسات الدوله
العريقه هي كيانات متكمله لخدمه الدوله ( مش الرئيس ) و الكلام ده موجود في كل الدول
الكبيره , قانون جاستا في أمريكا اتعمل بحساب و لغرض , يعني البرلمان هناك مثلا مش
بيشتغل لوحده مع نفسه في الهواء الطلق .
.
- يا ترى الحدوته
خلصت على كده ؟ و حكم المحكمه نهائي ؟ طب عموما هو حكم المحكمه مش ملزم للسعوديه لأنها
محكمه مصريه مش دوليه , يا ترى هتلجأ لتحكيم دولي ؟ ولا لسه في جراب الحاوي المصري
كلام ولا الموضوع هيتقفل تماما ؟! .
Mohamed
Hussein
30
December 2016 at 18:41 ·
و ممكن كمان نقول
, بعد الصلاة على سيدنا النبي , و بعد مالناس تسيبها من إرهاصات و افتكاسات و وجدان
ابراهيم عيسى و اللي زيه :
.
- في قضايا الأمن
القومي مفيش حاجه اسمها ديموقراطيه في المطلق ولا حرية تداول معلومه في المطلق ولا
شفافيه في المطلق ولا برلمان مستقل في المطلق ولا قضاء إداري مستقل في المطلق , الكلام
ده في كل الدول الكبيره المحترمه , مفيش حاجه تفوق الأمن القومي , فكرة تصدير المعنى
المطلق لكل حاجه مش هتلاقيها غير عند الكولجيه و الزلنطحيه و العربجيه .
.
- يعني ايه الكلام
ده ؟ يعني ماتتفاجئشي مثلا لو اتفاقية ترسيم الحدود اترفضت من البرلمان أو من القضاء
الإداري , و لو حصل كده ( احتمال يحصل ) ماتقولشي البرلمان انتصر على الرئيس أو القضاء
يعري الرئيس والشعارات اللي مليانه حماقه و عبط و حموريه دي , يابني بطل تتفرج على
ابراهيم عيسى .
.
- برضه يعني ايه
الكلام ده ؟ يعني فكرة ترسيم الحدود اتقالت مع فكرة القوه العربيه المشتركه و الجسر
البري و اتعملت لغرض ما , ليه و ازاي و الغرض ايه ؟ الإجابه عند الرئيس و الجيش و الخارجيه
, مش عند أم نحمده بتاعة الكرشه , طب هه و بعدين ؟ و بعدين ياسيدي الدوله بتحتفظ لنفسها
بإمكانية تعديل الخطه أو تأجيلها أو الغائها بناء على مستجدات على الأرض , خصوصا لما
يكون الموضوع فيه طرف تاني ( و جايز أكتر من طرف ) , الدوله ترجع ازاي بقى ؟ الحكومه
و الرئيس يقولو عملنا اتفاقيه ترسيم حدود و طلع تيران و صنافير في السعوديه و بعد كام
شهر يقولو لا ماحصلش و مستعدين نحلف على مصحف ؟ لا طبعا ماينفعش كده .
.
- أومال ايه اللي
ينفع ؟ اللي ينفع اننا نقول , سوري والله البرلمان بتاعنا رفض الإتفاقيه , احنا أسفين
جدا القضاء الإداري رفض الإتفاقيه , معناه ايه الكلام ده ؟ معناه ان مؤسسات الدوله
القويه المحترمه بتكمّل بعض , و في الحاله دي بتمثل ( سكة الرجوع ) عشان مصالح الدوله
اتغيرت على الأرض ( مصالح الدوله مش مصالح السيسي ) , المعطيات اتغيرت , او جايز حققنا
حاجه كنا عايزينها و انتهت القصه .
.
في النهايه عايز
أقول لحضراتكو , أثق تماما في رئيس مصر و الخارجيه المصريه و الجيش المصري وفي وطنيتهم
أيا ما تكون النتيجه النهائيه للإتفاقيه ( تمريرها أو رفضها ) , و لا يعنيني أبو وجدان
ولا أبو حمدان ولا أبو قردان .
...........................................................................................................................
Mohamed
Hussein
15
يناير 2017·
يوم و نص قضيتهم
في البلد وسط الخضره و الزرع و كمان شوية مطر حلوين , و تكمل بقى بإن النور يكون قاطع
وقت طويل بالليل , الجو ده بحبه زي ماهو كده , الهدوء و المطر و الضوء الخافت و الراحه
النفسيه و لمة العيله من غير ضوضاء ولا ازعاج ولا تلفزيون ولا نت ولا صوت عربيات .
صح البلد مش هي
البلد من بعد الغاليه الله يرحمها , إنما بنحاول نعيش , بندور عالسعاده بمنكاش و بنلاقيها
دايما في اللي زرعته الغاليه فينا ( لما بقينا تقريبا كلنا نُسخه بالكربون منها )
, اللمّه و الدفا و قاعدة الحصيره والعيال بتلعب حوالينا , و زي ما بيقولو كده ( لا
زالَ في العيشِ بعضُ الحياه ) , يعني لسّالنا شوية رزق في الدنيا و شوية هوا نضيف و
كام ضحكه متشالين .
............................................................................................................................
Mohamed
Hussein
14
يناير 2017·
هو مين اللي عمل
فينا كده ؟! الحقايق بتتقلب رأسا على عقب , الخير بيبقى شر و محتاج انك تبرره , و الشر
بيبقى خير و محتاج بس انك تحطه في مصطلح جديد لانج شكله جميل ( في علبة قطيقه ) .
.
هي الحكايه دي
مقصوده و متعمده ولا ماسورة الحريه اللي انفجرت في وشنا بعد 25 يناير خلّت الناس تجيب
جاز ؟ يعني على طريقه واحد كان ماشي في الصحرا أيام طويله و ميت من الجوع و فجأه كده
في قلب الصحرا لقى فرع لفندق ماريوت و أوبن بوفيه معمول عشانه مخصوص , فقعد بقى ياكل
و يزروط و يرمي و يعك , هل اللي بيحصل لنا ده مجرد ( فجعه ) و زروطه من واحد كان جعان
أوي للحريه ؟, و لا عملية برمجه للعقول ممنهجه و مدروسه , و الوطن اللي ماقدروش عليه
بالضربه القاضيه بيحاولو معاه بمجموع النقاط ؟! .
.
تبقى المعركه في
الأساس و من البدايه كانت معركه عقل , معركة فكريه , و عندنا إعلام و صحافه غير مؤهلين
على الإطلاق لأي شئ , ناس ممكن تختصرهم بين اعلامي بدرجة موظف حكومه بيروقراطي ساذج
بيتعامل مع المعركه من 2011 بطريقه هات لنا طابع دمغه و شهاده من اتنين موظفين انك
على قيد الحياه , و بين اعلامي أرزقجي سبوبجي بيقلّب عيشه و يعرف من أين تؤكل الكتف
و من أين تأتي الإعلانات , و بين اعلامي بيمارس عمله بطريقة الراجل اللي كان ماشي في
الصحرا , المفجوع للحريه و للأوبن بوفيه فبيقوم ياكل و يزروط , الأول زي أحمد موسى
و التاني زي وائل الإبراشي و التالت زي مولانا ابراهيم عيسى .
.
لما الريس كان
بيتكلم عن دور الإعلام و الصحافه في الفتره دي , دورهم التوعوي المدرك لطبيعة المرحله
و خطورتها كان بيعنيها جدا , ماهو مش معقول عبد الفتاح السيسي هيشتغل رئيس و مدير مشاريع
و صحفي و اعلامي و مدرس فرنساوي لحد مانلاقي مدرس فرنساوي .
.
الساده الإعلاميين
و الصحفيين , اهل الكهف , صح النوم يا بني ادمين , العيال بتهرب من أهلها و تروح تنضم
لداعش و يقولو ( اختفاء قسري ) , واخد بالك يا مولانا من خطورة السطر ده ؟ شاب يمارس
الإرهاب ( الشر ) و نلاقي له مصطلح حلو اوي و جميل زي العلبه القطيفه , و قول يا برادعي
اختفاء قسري , قول كمان برافو عليك , بنت تعمل علاقه محرمه و تحمل و تخلف و نلاقي لها
مصطلح جميل ( سنجل ماذر ) , روعه العلبه القطيفه دي , الشر بقى خير و بطوله و الشباب
دماغه متسلمه تسليم أهالي للشيطان اللي هو بدأ اللعبه من قبل 2011 .
.
فخامة الرئيس عبد
الفتاح السيسي , مابعرفشي اسوق طيارات بس ممكن أتعلم يا ريس , تدريب سنه عالرافال
, و تجمع لنا الزايده الدوديه الملتهبه في جسد مصر اللي اسمها الإعلاميين و الصحفيين
, اللي هي ملهاش أي تلاتين لازمه حاليا , في حته تكون صحرا و فاضيه , و اطلع بالرافال
بقى و اقول تحيا مصر , و هووووب مممممممم و بس كده .
................................................................................................................................
Mohamed
Hussein
13
يناير 2017·
سنجل ماذر و سنجل
فاذر و سنجل حماده بالجنزبيل و الإرهاب يبقى اسمه عنف متبادل , و خيانة الأوطان تبقى
منهج فكري و معارضه , و التدليس و التزييف يبقو وجهة نظر معتبره , و الخاين يبقى بطل
و رمز وقدوه , و الإرهابي يبقى أيقونه , و انا اللي كنت فاكر ان حكاية عبدة الشيطان
اللي ظهرت من كام سنه دي أخر ليفل ممكن نوصل له , هي السحليه العملاقه مش ناوية تظهر
بقى في شوارع مدينة نصر و تقف في نص الشارع تعمل بيبي تقوم تطرطش علينا كلنا ؟! , طب
والله لو ظهرت و طرطشت ماهزعل , و هقول معاها الحق و المستحق و المستنيل على عينه
.
.
و على رأي سمير
غانم في فيلم ( عالم عيال عيال ) , أنا قلت لابويا يدخّلني كلية البوسطه في طنطا بس
هو اللي مارضيش .
............................................................................................................................
Mohamed
Hussein
13
يناير 2017·
في مونديال كرة
اليد في فرنسا , رجالة مصر اللي اسمهم حماصه و هنداوي و أحمد و خيري و بسيوني و رفعت
و عبد الرحمن و هاشم , نفخو منتخب رازيتش و كرادوفيتش و تشافيتش و حمدوفيتش و موزافيتش
, اللي هو منتخب قطر بنت الوسخه .
.............................................................................................................................
Mohamed
Hussein
13
يناير 2017·
يبدو إن شهر العسل
التركي السعودي خلص خلاص , و داخلين دلوأتي برجلنا اليمين على مرحلة أبغض الحلال ,
يومين تلاته كمان و نسمع بقى التراشق الإعلامي بين الطرفين و الشرشحه على سلالم محكمة
الأسره , ياللي مابتعرفش , يا بتاع حلف الناتو , يا هبله ياللي كنتي بتدّي فلوسك و
دهبك لبتوع داعش , اسكت يا حرامي البترول ياللي جوز عيال عندك احتلو العاصمه في ساعتين
زمن , اسكتي يا بتاعة القواعد الأمريكيه و البريطانيه , ياسلام ياخويا , قال يعني انت
اللي معندكشي أكبر قاعده أمريكيه في الشرق الأوسط .
.
صلو عالنبي يا
جماعه مش كده عيب , دانتو بينكو عشره و عيال و تنظيمات إرهابيه و قاتلين حارقين موكوسين
مركوبين سوا .
.
واضح كده إن أمريكا
هتبدأ تتخلص من كروتها القديمه , و هتضطر تضحي بأحد الزوجين السعيدين , أو بالإتنين
بس بالتتابع بقى , يا ترى هنبدأ بمين ؟! بخليفة المثليين الحنين ماللهوي ؟ ولّا بالخليفه
التاني اللي عيل شاذ برياله رقّصه رقصة القرود .
.
عبد الفتاح السيسي
لما سلمان زار مصر من كام شهر و وقتها السيسي اتكلم عن ترسيم الحدود و الجسر البري
و القوه العربيه المشتركه , كان بيحاول محاوله اخيره مع سلمان , النداء الأخير , يابُني
اركب معنا , عشان المتغطي بالأمريكان عريان , قال سأوي إلى تيريزا ماي و امشي ورا الواد
ابن موزه , وفشلت المحاوله المصريه , أتمنى و الله ماتكونشي فشلت و يكون لها ملحق أو
فرصه تانيه قبل مانشوف مشهد الملوخيه و المخرطه , ربنا يحفظ الشعبين السعودي و التركي
من شر و هبل حكامهم .
..........................................................................................................................
ليست هناك تعليقات:
إرسال تعليق