Mohamed
Hussein
5
يناير 2017·
كم العاهات اللي
الواحد بيشوفها عالفيس بوك يوميا , العيال اللي كارهه أي خير لبلدها , بيتطلب إننا
نعمل تعديل في الدستور الحالي و نضيف مادة جديده , مادة بتقول : يحق للمواطن إنه يبقى
إبن تيت بشرط يوعدنا إنه مايبقاش إبن تيت أوي ولا إبن ستين تيت , و يحلف قدامنا عالمصحف
.
..................................................................................................................
Mohamed
Hussein
5 يناير 2017·
قوات بحريه , قوات
خاصه , قوات خاصه بحريه , أسطول بحري شمالي , أسطول بحري جنوبي , و ترتيب عالمي بيكون
بحد أقصى المركز السابع , طب ليه ده كله ؟ مش كنا صرفنا الفلوس دي على تنمية الإنسان
و الحوار المجتمعي ؟!! .
.
في 28 يونيو
2013 كنت نزلت أجازه من السعوديه و بصيف يومين في العين السخنه , لسه فاكر المشهد
, البنات في بسين الأطفال و انا قاعد على كرسي وقت المغربيه , القريه مفهاش ناس كتير
, فجأه لقيت 3 جنود مصريين باللبس الميري و مأفزين , و السلاح على كتفهم في وضع x , بيلفو جوه القريه و معاهم واحد من المسئولين
, وقريب من شاطئ القريه لنش بحري , المشهد ده كان ممتع جدا بالنسبالي , أكتر بكتير
من الملاهي المائيه والبسين و موج البحر و شكل الأوبن بوفيه و الجمبري الجامبو , و
في التوقيت ده تحديدا يبقى ممتع أكتر , جيش مصر موجود , بيفتشو حتى القرى السياحيه
و يراقبو شواطئها .
.
الحدوته بتقول
باختصار , إن حكم الاوطان الكبيره اللي زي مصر و في توقيت زي توقيت الخراب بتاع الشرق
الأوسط ده , بيختلف تماما و كليا و نهائيا عن أي هرتله ممكن تسمعها في ساقية الصاوي
أو برامج التوك ( شوز ) , يعني الحكايه مابتبقاش لعبة عيال قاعدين على قهوه في وسط
البلد و يقولو نشكل حكومه و نشيل ألدو و نجيب شاهين و أمريكا حلوه و هتساعدنا و تحيا
الديموقراطيه الأمريكاني , و أوباما بيعيط و يقول هندرّس ثورة يناير في مدارسنا و هييييح
, اه و الله هييييح .
.
لما الشعب ينزل
في 28 و 30 يونيو عشان يشيل جماعه ارهابيه دوليه هيبقى الشعب في الشوارع و الميادين
شايل علم مصر و بيهتف و يغني , و في نفس الوقت الجيش بتاع الشعب ده هتلاقيه في كل مكان
, جوه البلد و عالحدود ( البريه و البحريه ) , بيأمّن و يفتش و يطارد و يقتحم , خطة
انتشار سريعه و حالة استعداد قصوى , مانا قلت لكو الحكايه مش بتبقى دور كوتشينه بيلعبوه
شوية عيال على قهوه في وسط البلد .
............................................................................................................................
Mohamed
Hussein
4
يناير 2017·
موقف جميل أوي
حصل قدامي من شويه , بيختصر حاجات و كلام كتير , بيجاوب على سؤال مهم أوي , سؤال بيقول
البلد دي سرها ايه و جمالها جايباه منين ؟ و لولا احترامي لخصويات البشر ( خصوصا الغلابه
) كنت صورته فيديو .
.
فيه ست غلبانه
على باب الله بتجيلي الصيدليه كل كام يوم , كل مره بديها جنيه , الست دي طيبه أوي و
بحبها جدا , حتى دعوتها بحسها مميزه , دايما تقول ( ازيك يا ولدي , ربنا يسهلهالك و
يبعت لك التساهيل ) , يمكن لو حد فاتح محل في مدينة نصر هيكون عارف الست اللي بتكلم
عنها , المهم جت الست الطيبه و وقفت على باب الصيدليه و قالت دعوتها اللي بحبها و انا
طلعت لها في ايدي جنيه , لقيت ولاد البواب واقفين معاها و بيسلمو عليها , و هي بتقول
لهم طب استنو ثانيه واحده , الست خدت الجنيه مني و قامت منزّله الشيله اللي بتشيلها
دايما على راسها , و قامت مطلّعه منها برتقانتين و إداتهم لولاد البواب الإتنين !!
.
.
هي دي مصر الطيبه
باختصار , بفتكر المشهد تاني , واحده غلبانه بتدّي في نفس اللحظه اللي بتاخد فيها
, و مش هتفاجئ لو عرفت مثلا ان الكام برتقانه اللي في الشيله اللي على راسها كانت واخداهم
من بيّاع برتقان سرّيح على باب الله , يعني واحد غلبان تالت , الدايره دي اسمها دايرة
الخير , فيها طعم و ريحة البلد اللي ماتموتشي أبدا من الجوع .
....................................................................................................................
Mohamed
Hussein
4
يناير 2017·
قبضو على الملتحي
اللي دبح الراجل عم لمعي في اسكندريه من يومين , اسمه عادل سليمان و شهرته ( عسليه
) , بيشتغل بيّاع سرّيح , طبعا معروف رأي الخرفان إن الملتحي ده هيبقى بطل ولو اتحكم
عليه بالإعدام هيبقى شهيد ( أه هيبقى : أونكل شهيد عسليه ) , و طبعا معروف رأي الكولجيه
إن السيسي هو اللي عمل كده و حرض عسليه على قتل عم لمعي عشان يداري على موضوع خروج
محمد ابراهيم بتاع الزمالك من قايمة منتخب مصر النهائيه ...انما السؤال اللي بيطرح
نفسه , يا ترى إيه رأي المعلم عكوة الجزار و تحليله لعملية القتل دي ؟, لا طب شرعي
إيه ؟, أحنا مش بتوع طب شرعي ولا تقارير طب شرعي , لاهو انتو فاكرينا جاهلين ولا يعني
كنتو فاكرينا جاهلين , داحنا طالعين من ساتّه ابتدائي , و هنستنى تقرير المعلم عكوة
الجزار .
..................................................................................................................
Mohamed
Hussein
4
يناير 2017·
لمو الكراريس
.
أخيرا , تقرير
الطب الشرعي , الجهه الوحيده المسئوله عن تحديد سبب الوفاه , التقرير بيقول : انتحار
وائل شلبي , و نقطه يعني فلستوب , كده خلص جزء صغير من الحدوته الكبيره , اللي هتجيب
في رجليها ناس تانيه كتير .
.
لو مش عاجبك تقرير
الطب الشرعي المصري عن وفاة وائل شلبي مفيش مشكلة , استني التقرير اللي هيصدره خبير
الطب الشرعي البنغالي اللي عايش في بوركينا فاسو و بيكتبه في مجلة ( علمني العوم و
النبي ياحمد ) النرويجيه الإلكترونيه العلميه المتخصصه في حالات الخنق و الشنق و القتل
و الإنتحار و علوم ما وراء البحار , و ابقى اعملّه لايك و شير بعنف , اه بعنف , مش
عارف ليه حبايبنا التانيين بيحبو كلمة ( بعنف ) دي , مع إني أحيانا بحسها كلمة أبيحه
.
................................................................................................................................
Mohamed
Hussein
3
يناير 2017·
ديلي ميل : نهاية
العالم في أكتوبر المقبل بسبب اصطدام كوكب بالأرض !! .
.
شوفي يا ديلي ميل
ياختي , صلي عالنبي كده عليه الصلاة و السلام , احنا بقالنا 3 أيام بس في 2017 و حصل
التالي , انفجارات مروعه و عمليات ارهابيه في تركيا و العراق و البرازيل و غيرها ,
و روسيا و أمريكا مش ناويين يجيبوها البر , و عندنا في مصر مستشار متهم في قضية رشوه
و امواله اتصادرت و انتحر فقامو قالو عليه شهيد , و هيكتور كوبر ضم حماده طلبه للمنتخب
, و واحده ست مصريه بتشتغل مترجمه طلبت الخلع من جوزها الطبيب عشان مابيكلّمهاش بالإنجليزي
قدام صاحباتها , يعني احنا لو مشينا بالمعدل ده يبقى مجرد وصول كوكب الأرض لشهر اكتوبر
هيعتبر انجاز عظيم يُحسب في ال c.v
بتاع الكوكب .
....................................................................................................................
Mohamed
Hussein
3
يناير 2017·
عشان تبقى موضوعي
و متزن في نظر البعض حاليا :
.
- قول الدوله لازم
تحارب الفساد و تقبض عالفاسدين , و أول ماتسمع ان الدوله قبضت على فاسد قول لا ده مش
فاسد ده بطل , و يفضل باستمرار جواك قناعه إن الفاسد هو الشخص المجهول , الشخص الأخر
, الشخص اللي الدوله ماقبضتشي عليه حتى لو كان اللي اتقبض عليه متلبّس و معترف بالصوت
و الصوره .
.
- لو واحد مات
في أي حته في مصر , سواء كان الواحد ده مصري أو غير مصري , بعد 3 ثواني تقول الدوله
قتلته , دولة دراكولا اللي بتقبض عالمتهمين عشان تقتلهم في الحجز و بتجيب السياح من
أوروبا عشان تقتلهم في الأقسام .
.
- لو عجزت عن تبرير
رأيك السريع أبو 3 ثواني ده , و مالقيتشي مبرر أو شبه مبرر استرجع كده و ( اجترّ )
أي ذكريات قديمه , قول انت نسيت حبيب العادلي كان بيعمل ايه ؟ طب مش فاكر الزيني بركات
؟ طب فاكر الحراس بتوع شجرة الدر عملو ايه في الواد الغلبان بتاع عربية الحواوشي لما
مارضيش يديهم ساندوتشات ببلاش ؟ .
.
- مصادرك باستمرار
أي بوست يكتبه عيل صايع في شبكة رصد أو أي فيديو متفبرك في الجزيره , أو كلمتين حمضانين
من بتوع قنوات الخرفان في تركيا , اوعى تصدق الحكومه و الخارجيه و الداخليه و الجيش
و النيابه و القضاء و الطب الشرعي .
.
- لو أي حادث مماثل
قريت عنه في أي دوله أوروبيه خدها ببساطه خالص , قول معاهم حق , ده انتحر و ده قال
الله أكبر و هو بيفجر المول , و ده لقو جواز سفره جنب منه ( و بطاقة التموين ) و ده
فاسد فعلا عشان كده قبضو عليه , و التفجير ده حصل بحزام ناسف أكيد زي ما بيقولو , لكن
في مصر لا , الكل كاذب , كل اجهزة الدوله متواطئه ضدك و ضد الدوله , و المصداقيه كلها
عند صفحة أمير الأحزان القرمزيه .
.
عزيزي ( البعض
) اللي متخيل ان الهرتله اللي فوق دي اسمها موضوعيه , وانها ممكن تبقى طريقه أو طريق
لمحاربة أي جريمه و بناء أي دوله ( أو حتى عشة فراخ ) , عايز أقولك , أنا غير موضوعي
, غير محايد , طز في جنابك .
.................................................................................................................................
Mohamed
Hussein
2
يناير 2017·
حكاية الحمير التلاته
.
.
كان يا ماكان يا
سادة يا كرام , ولا يحلى الكلام إلا بذكر النبي عليه الصلاة و السلام , كان فيه 3 حمير
و ماشيين في الغابه , و هما ماشيين بقى فتحو موضوع أمين عام مجلس الدوله السابق اللي
مات في الزنزانه , الحمار الأولاني قال الدوله قتلته عشان تطرمخ عالقضيه ( مع ان الدوله
نفسها هي اللي فاتحه القضيه ) , قام رد عليه الحمار التاني وقاله لا يا صاحبي , الدوله
قتلته عشان كان هيجيب في رجلية ناس مهمين ( مع ان الدوله لو فاشيه تبقى فاسده اكيد
و كان ممكن تطلعه براءه , ولا يجيب في رجليه ولا يجيب في إيديه ) , قام الحمار التالت
قاله لا يا صاحبي , الدوله قتلته بس مش عارف ليه , إنما احساسي كده بيقول ان الدوله
هي اللي قتلته ( مع انك المفروض تبقى عارف الدوله قتلته ليه يا حمار الجيل , قصدي يا
حسّاس الجيل ) .
.
المهم و هما ماشيين
في الغابه قابلهم عيل صغير أد كداهو , سألهم انتو منين يا حمير ؟ , قالوله من مصر و
ماتقولشي علينا حمير , قال لهم طب هثبت لكو انكو حمير , انتو من مصر اللي قتلت الشاب
الإيطالي ؟ قالوله اخرس قطع لسانك , مصر مستحيل تكون قتلت الشاب الإيطالي و تقتله ليه
اصلا ؟ إذا كنا مابنقتلش الجواسيس , و لو قتلته ماكانت تتاويه في أي مترين رمل في الصحرا
, قال لهم تمام تمام , يبقى انتو بقى من مصر اللي قتلت أمين عام مجلس الدوله السابق
في الزنزانه ؟ قامو ضحكو و قالو في نفس واحد هاااااا ( قصدي أه ) , قال لهم شوفتو بقى
انكو حمير ؟ قالو له احترم لسانك ياض انت , حمير ليه بقى ان شاء الله ؟ , قال لهم عشان
لو صدقتو ان الدوله قتلت المستشار في الزنزانه يبقى من باب أولى كنتو تصدقو انها قتلت
الشاب الإيطالي , قالوله يعني ايه مش فاهمين ؟ قال لهم يعني ماينفعش تتركبو من الخرفان
مره أه و مره لا , ماتتركبوش على سطر و تسيبو سطر , ده حتى مش حلو عشان عمودكو الفقري
ولا عقلكو الباطن .
.
و بعدين الواد
الصغير قالهم باي بقى يا حمير , قالوله رايح فين يابو لسان طويل ؟ قالهم رايح اشوف
زاويه أو جامع عشان أصلي ركعتين و أدعي لربنا دعوه حلوه على لسان مصر , قالو له هتدعي
بإيه ؟ قال لهم هدعي بإسم مصر و اقول : اللهم عليك بأبنائي الحمير , اما أعدائي فأنا
كفيله بهم .
...................................................................................................................
Mohamed
Hussein
2
يناير 2017·
هي : ماتقوم يا
راجل تشوف الحاجات البايظه في البيت دي بدل مانت قاعد عالفيس بوك ليل و نهار كده .
- هو : حاجات ايه
اللي عايزاني اشوفها يا ست انتي ؟ .
.
هي : قوم فك شطافة
الحمام اللي بتنقط دي و هات واحده زيها و ركّبها .
- هو : شطافة ايه
اللي أركبها يا وليه ؟ حد قالك اني بفهم في السباكه ؟ هاتي لها سباك .
.
هي : طب قوم هات
لمبة كهربا و ركبها بدل اللمبه المحروقه بتاعة الطرقه .
- هو : لمبة ايه
اللي اركبها يا وليه , حد قالك اني كهربائي ؟ هاتي لها كهربائي .
.
هي : طب اقعد مع
الواد حباظه ابنك و اشرح له جدول الضرب عشان يحفظه .
هو : يا سلام
, اهو ده اللي ناقص , ده على اساس إني مدرس رياضه و بفهم في جداول الضرب ؟!.
.
هي : طب بلاش كده
خالص , ركّب لنا حبل لمنشر الغسيل الله يسترك بدل اللي داب .
- هو : حبل ايه
يا مجنونه اللي اركبه ؟ حد قالك اني خبير في تركيب الحبال و تظبيط المناشر ؟ .
.
هي : أومال انت
قاعد عالفيس بوك بتعمل ايه ؟
- هو : بقول رأيي
و خبرتي و علمي في الحاجات اللي بفهم فيها .
.
هي : زي ايه الحاجات
دي اللي بتفهم فيها يابوعيالي ؟
- هو : يعني عندك
مثلا الطيارات الرافال , و حاملات المروحيات , و الخطط العسكريه لمحاربة الإرهاب ,
و التحالفات الدوليه و القنوات البحريه و ترسيم الحدود و مزارع الأسماك و الأنفاق و
محطات الكهربا و أنظمة الحكم في الدول المتقدمه و كده يعني .
.
هي : أه و النبي
يا خويا معاك حق , طب و النبي فكرتني بحاجه مهمه كمان .
- هو : حاجة ايه
دي ؟
.
هي : مش انت لك
واحد قريبك , ابن خالة جوز عمة بنت خالتك كان شغال فراش في الطب الشرعي ؟ انا فاكراه
و فاكره لما حضرنا سبوع بنته و انت قعدت معاه شويه .
- هو : أه طبعا
, الحاج ابراهيم البهنساوي , هو حد يقدر ينساه .
.
هي : طيب اكيد
يوميها لما قعدت معاه استفدت كتير من علمه و خبرته في الطب الشرعي .
- هو : أه كتير
جدا و بقى عندي خبره في الطب الشرعي من هنا لحد أسوان .
.
هي : طب خلاص
, لما تخلص اللي في ايدك , ابقى اشرح للبهايم اللي مش فاهمين حاجه و قولهم رأيك و علمك
و خبرتك في الطب الشرعي و الراجل اللي شنق نفسه النهارده , و تقييمك و تحليلك و رؤيتك
للموقف .
- هو : تصدقي فكره
, حاضر حاضر , علمنا ولازم الناس تستفيد بيه , و ربنا يجعله في ميزان حسناتنا .
.
هي : طب هسيبك
بقى و انزل اروح لابويا , انت عارف ان عنده مشاكل في صمامات القلب , هروح أظبّطهاله
و اجي
- هو : صمامات
قلب ايه اللي تظبطيها يا وليه ؟ دانتي معاكي دبلوم تطريز .
.
هي ( ماتكلمّتش
, بصت له بقرف و سابت البيت و مشيت ) .
.................................................................................................................
Mohamed
Hussein
2
يناير 2017·
لما واحد يبقى
باشا و الناس تقوله يا باشا , و الباشا يكبر و يبقى باشا كبير أو سعادة الباشا , و
ابنه يتقاله انت ابن مين يقول انا ابن سعادة الباشا , و بنته تقول لصاحبتها انا بنت
سعادة الباشا , و سعادة الباشا يضعف قدام شيطانه و قدام متطلبات حياة ( البشويه ) يعني
الفيلا تبقى قصر و شقة اسكندريه تبقى فيلا في الساحل و العربيه البيكانتو بتاعة المدام
تبقى مرسيدس , ماهو مايصحش مرات سعادة الباشا الكبير تركب بيكانتو أو شيفروليه لانوس
, و فجأه هوووب يلاقي سعادة الباشا نفسه في إيده الكلابوش , و بيتحقق معاه , فيه اعترافات
و أدله و جايز تسجيلات صوتيه , في اللحظه دي كل شريط ( البشويه ) بيمر قدام عنيه و
يبقى على رأي الست ما قالت ( كان صرحا من خيالٍ فهوى ) , دي بتبقى أضعف لحظه في حياته
خصوصا لو كان قاضي أو مستشار لأن بشويته في الأساس مستمده من العدل و النزاهه و الإيد
النضيفه , دي اللحظه اللي ممكن فيها فعلا يفكر في الإنتحار .
.
الكلام ده مالوش
علاقه تحديدا بالمستشار وائل شلبي الله يرحمه , ده كلام بصفه عامه , طب هو وائل شلبي
انتحر ؟ الأخبار بتقول أه و الفيس بوك بيقولو أه , طب مين يأكد انه انتحر ؟ الفيس بوك
واليوم السابع ؟ لا و عهد الله , الطب الشرعي بتاعنا اللي بيقول انتحر ولا اتقتل ,
و يطلع مين الطب الشرعي بتاعنا ده ؟ الطب الشرعي بتاعنا هو اللي قال مجدي مكين اتعرض
للتعذيب على ايد ظابط شرطه , و هو اللي قال شيماء الصباغ اتقتلت على ايد ظابط شرطه
, و هو اللي قال اللي فجر الكنيسه انتحاري بحزام ناسف , يعني الطب الشرعي ده بيفهم
اكتر من خالد صلاح و محمد صلاح و ابراهيم صلاح و صفحة علمني العوم والنبي ياحمد ؟ أه
و الله .
.
نيجي بقى للأسئله
السخيفه , الأسئله الأكتر نطاعه اللي عايشين و بنتشألب فيها بقالنا 6 سنين مع كل حادثه
و كل موقف , الأسئله اللي دايما يرددها الخرفان و الكولجيه و أحيانا يقع فيها الدولجيه
, هو انتحر ازاي ؟ جاب الحبل منين ؟ ولا انتحر بالكوفيه ؟ ولا يكونشي انتحر بموس ؟
مايمكن مانتحرش و اتقتل, طب مين اللي قتله ؟ و جاب المسدس بكام ؟! .
.
أصدقائي الأعزاء
, توقفو ولو لحظه أو يوم عن الهيافه , اعتبروه يوم للتغيير مايجراش حاجه , يوم بدون
هيافه , يوم خالي من الهيافه ( يعنى hayafa free
), أسهل حاجه في الدنيا ان البني ادم ينتحر , حكاية الإنتحار مش محتاجه فريق من الخبراء
الألمان عشان يخطط لها , الطب الشرعي هو اللي بيقول انتحر ولا لا , و النيابه هي اللي
بتقول كان متهم بإيه أو مكانشي متهم , و ممكن ماتقولش باعتباره توفى الله يرحمه , و
نقطه يعني فلستوب .
...................................................................................................................
Mohamed
Hussein
1
يناير 2017·
فقط في مصر .
.
لو فيه اعلامي
مستقل بيعمل في قناه خاصه لمدة شهور و سنين , و ممكن عادي يهاجم الدوله و الحكومه و
الرئيس و يؤيد و يهاجم تاني و يدخل جوه النص و يخرج بره النص و يعمل شألباظات , مش
هتلاقي حد من أنصاره بيقول إن الدوله دي كده تبقى دولة حريات .
.
و لو نفس الإعلامي
( المستقل ) قدم استقالته من البرنامج من القناه ( الخاصه ) و مجابشي سيرة أي ضغوط
لوقف البرنامج , يبقى أنصاره يقولو انها دوله فاشيه قمعيه بتاكل دراع العيال الصغيره
.
.
فقط في مصر , لو
ست اتخانقت مع جوزها عشان مابيعرفش يكتب جوابات غراميه و دايما يتحجج لها ان القلم
مقصوف , و نفس الراجل اتخانق مع مراته عشان مابتعرفشي تعمل محشي و دايما تتحجج له انها
مابتعرفشي تطبخ إلا في مطبخ أمها , و الخناقه تزيد و توصل لطريق مسدود , بيروحو هما
الإتنين محكمة الأسره و قدام القاضي يتفقو على حاجه واحده بس , إن الرئيس و الحكومه
هما اللي قصفو القلم و قطّعو ورق الجوابات و حرقو حلة المحشي .
.......................................................................................................................
Mohamed
Hussein
1
يناير 2017·
تركيا مع أول يوم
في السنه الجديده , هجوم ارهابي على ملهى ليلي في اسطنبول , مقتل 39 ( منهم 16 سائح
أجنبي ) و اصابة 65 .
.
يعني ايه تربّي
ديب في بيتك و تعلفه و تصرف عليه عشان تهاجم بيه جيرانك و بقية خلق الله , و لما حد
يقولك مش خايف من الديب تقوله لا أبدا ده ديب مؤدب و كيوت و متربي و ابن ناس و بيحبني
و هيحميني و لو الديب مش هيحميني يبقى الناتو يحميني , و فجأه هوب تلاقي نفس الديب
اللي سلّطته على جيرانك بياكل دراعك , و جايز يكون بياكل دراعك بعلم الناتو أو بعلم
حد من جيرانك اللي أذيتهم قبل كده , ماهو الديب يا أردغ يا حبيبي عمره ماكان كيوت ولا
مستأنس حتى لو درّبته و صرفت عليه و علّمته في أحسن مدارس , الديب غير الغزاله و الأرنب
البري و القطط الشيرازي و عصافير الكناريا يا مولانا خليفة المثليين .
.
و تسألني بقى فين
الجيش التركي ؟ أقولك الجيش التركي في يوم من الأيام طلع منه كام طياره و كام طيار
و احتلو العاصمه في ساعتين زمن و بعدين قلع ملط في الشارع .
.
و تسألني فين الشرطه
التركيه ؟ أقولك الشرطه في تركيا سابت السفير الروسي يُغتال على الهوا و سابت القاتل
يخطب براحته كأنه قاعد في ساقية الصاوي .
.
و تسألني فين الديموقراطيه
اللي في تركيا و الشفافيه ؟ أقولك اردوغان اعتقل و عزل و سجن أكتر من 200 ألف موظف
تركي في كل المناصب في أقل من 6 شهور بدعوى ان لهم علاقه بفتح الله جولن , او مشيو
مره جنب فتح الله جولن , أو واحد فيهم فات على فتح الله جولن و هو صغير و قاله سلامو
عليكو يا فتح الله يابني .
.
و تسألني بقى فين
الدوله دي اللي اسمها تركيا ؟ أقولك بالنسبالي ماعرفش ان فيه دوله اسمها تركيا حاليا
, أعرف حتة أرض واسعه في شمال سوريا فيها أكبر قاعده أمريكيه و شوية قنوات للخرفان
و بتحكمها عصابه أردوغانيه و روحها و رقبتها في إيد أمريكا و حلف الناتو .
...........................................................................................................................
. Mohamed Hussein
31
ديسمبر 2016·
خمس حقايق في قضية
الرشوه الكبرى بتاعة مدير مشتريات مجلس الدوله .
.
1- القضيه دي اتفتح
التحقيق فيها و خيط هيجر خيط , مين اللي بيحقق و يجيب الخيوط دي ؟ لا مش الفيس بوك
, الرقابه الإداريه و النيابه , طب ممكن يتحظر النشر في القضيه ؟ أه ممكن , أكيد عشان
خايفين من الفيس بوك , لا يا مولانا عشان النائب العام بيبقى شايف ان حظر النشر ضروري
لأسباب تفهمها النيابه و الجهات الرقابيه , يعني معاليك و صفحتك بتاعة التنين المجنح
أو الزهره الحائره القرمزيه مش في الليله دي أساسا ولا حد شاغل باله بيها .
.
2- لو التحقيقات
جابت مستشارين في مجلس الدوله و أدانتهم يبقى هيتنفخو , زي الإتنين قضاه اللي بيتحاكمو
حاليا ( واحد رشوه و واحد مخدرات ) و زي ما حصل مع وزير الزراعه , الكلام ده معناه
ببساطه ان السيسي مش عليه فواتير لحد , لا جوه البلد ولا بره ( حاول تصدق ) , و معناه
ان الدوله دي بتنضف و بتنضّف نفسها من تركة سنين هباب , لو لسه عايز تعيش في دور ان
كل واحد يتقبض عليه تعمله بطل قومي أو تقول قبضو عليه عشان يدارو على كذا أو يلمّعو
فلان , يبقى و عهد الله كان خساره فيك صباع الطباشير اللي اتعلمت بيه .
.
3- وجود خمسه أو
سته أو تسعه من الهيئات القضائيه متهمين في قضايا فساد و رشوه لا يعني ان الجهاز نفسه
فاسد , نفس الجهاز القضائي هو اللي بيحقق معاهم و يدينهم , زي ما بيحصل في أي دوله
محترمه في العالم .
.
4- الأصل في الأشياء
إنك لما تشوف حاجه حلوه بتحصل تشاور عليها و تقول شكرا و عايزين أفضل , مش تفضل تهرتل
بنفس أم الشعارات الحمضانه .
البلد بتحارب الفساد
و محدش فوق القانون , قول شكرا و عايزين أفضل , لقيت أداء الشرطه في 2016 مختلف تماما
عن 2010 و فيه تحسن كبير و ملحوظ قول شكرا و عايزين أفضل , كلمة شكرا بتشجع الناس انهم
يستمرو في سكة التنضيف و التطوير مش معناها انك طبال ولا كل الهجص اللي بيركبوك بيه
, الإحباط في حد ذاته ( و إنك تكون باستمرار إنسان مُحبِّط ) لا يقل خطوره ولا ضرر
عن الفساد نفسه .
.
5- أخيرا عايز
أقول لأصدقائي الأعزاء اللي عايشين في دور عالي أوي , الدور بتاع اللي يشتغل في النيابه
و القضاء لازم يكون من مستوى اجتماعي معين , ماينفعشي يبقى ابن فلاح أو ابن عامل بسيط
, أصدقائي الأعزاء , في خلال سنتين بس هتلاقي خمسه سته قضاه ولاد قضاه و أجدادهم قضاه
, حلو كده ؟ و متهمين في قضايا رشوه و فساد , يبقى ازيك بقى ؟ عيب و الله اننا نكون
داخلين على 2017 ولسه بنفتكس في حدوتة ان المستوى الإجتماعي اللي جاي منه القاضي بيحميه
, عيب يا بني أدمين , كوكب الأرض تجاوز المرحله دي من سنين طويله .
.............................................................................................................................
Mohamed
Hussein
31
ديسمبر 2016·
هم يضحك .
.
زوجه مصريه بتشتغل
مترجمه طلبت الخلع من جوزها الطبيب ( المصري برضه ) و السبب ايه بقى ؟ انه مش بيكلمها
بالإنجليزي في البيت ولا قدام أصحابها و بيتعمد يكلمها بالعربي عشان يحرجها !! , اه
و عهد الله .
He
always puts her in an embarrassing situation
.
إفتحْ معي حديثاً
بالإنجليزي فربما لستُ بخير .
..............................................................................................
Mohamed
Hussein
31
ديسمبر 2016·
أحلى نكته في
2016
.
بيقولك مره واحد
كولجي مركوب من الخرفان بقاله 6 سنين , لدرجة انه أيام انتخابات الرئاسه 2012 عصر على
نفسه مشنة لمون هو و يسري فوده و كل شلة الزلنطحيه و قال الإخوان فصيل وطني و رفقاء
الميدان و احنا بينا و بين شفيق دم , و بعد 30 يونيو فضل مركوب من الإخوان برضه و يقول
ده انقلاب عامله الجيش , طب لحد كده تمام اوي , الدستور بيديك الحق انك تبقى زلنطحي
و عربجي كارو في نفس الوقت عادي .
.
فين النكته بقى
؟ النكته ان نفس الزلنطحي العربجي ده لما تيجي سيرة الجزيرتين و تقوله خليك واثق في
جيش بلدك يقول أثق فيه ازاي ؟ الجيش سلم البلد للإخوان سنتين ( يعني الجيش اللي سلم
البلد للإخوان مش أبطال معركة اللمون ؟ ) و لولا اننا نزلنا في 30 يونيو كانت البلد
ضاعت ( يعني 30 يونيو ثورة شعبيه مش انقلاب عامله الجيش ؟ ) .
.
و تقولي يعني ايه
زلنطحي و عربجي كارو ؟ أقولك يعني المخلوق المشوه اللي ممكن يقول الحاجه و عكسها في
نفس اللحظه ( و يصدق الحاجه و عكسها ) , و نفس المخلوق المشوه ده بيحلم إنه يحكم مصر
, و لما تسأله بأمارة إيه تحكم مصر ؟ يقولك أصل عندي منهج ( فكري ) و قناعات ( فكريه
) , ممممممم واضح ان فكري و فكريه ( اللي في دماغ صاحبنا ده ) كانو بيلعبو عريس و عروسه
و اتقفشو في غيط الدره .
.............................................................................................................................
Mohamed
Hussein
30
ديسمبر 2016·
بين الحلم و الرضا
........... باي باي 2016
.
بمناسبة ان سنة
2016 بتلم أوراقها و خلجاتها و ماشيه , كل سنه و حضراتكو طيبين , عايز أقول لحضراتكو
, هو ايه الفرق بين الحلم و الرضا ؟! .
.
- في الحلم بحلم
و مش ببطّل , أحلامي مالهاش أخر , لا عالمستوى الشخصي ولا على مستوى البلد :
.
- عالمستوى الشخصي
بحلم بألف حاجه و حاجه , بحلم إني اعمل حاجات بحبها و كنت بعملها زمان , بحلم اني أنزل
الترعه و اصطاد سمك , و أطلع على شجرة توت و أسرق توت , و اتوضى من قناية مايه و اصلي
و انام على ريشه أرض فوق شوية نجيله أو أنام تحت شجره و اعمل الشبشب بتاعي مخده .
.
- و بحلم كمان
أني يكون عندي فيلا , ازاي ماعرفش , البت لمار عايزه فيلا و تزرع فيها ورد , و انا
عايز فيلا و ازرع ورد و شجر فاكهه , و يقوم العرق الفلاحوكشي بتاعي ينط لي حتى في الحلم
ده , و الاقيني بخطّط الفيلا في ذهني و أقول اسيب حته متداريه وراها و ازرعها فجل و
جرجير و سريس و بصل أخضر و ملوخيه و ممكن كمان شط باميه و شط فول و شط دره أخضر بلدي
و قناية أربّي فيها سمك و ابقى انزل اصطاده , فلاحي فلاحي أهو .
.
- و يكبر معايا
الحلم و جوايا لحد ماتلاقيني هوووب حلمت اني اكون الراجل الكبير , أه الرئيس , يا عم
الدستور بيديني الحق اني احلم , طبعا بعد ما السيسي يخلص ال 40 سنه بتوعه و عم صدقي
ياخد فرصته , انا موافق أكون بعدهم .
.
- و أحيانا بحلم
اني أكون وزير تعليم , معرفش ليه التعليم تحديدا , بس حاسس ان تفوير التعليم في مصر
مش محتاج لا امكانيات ولا خبراء ألمان , محتاج واحد يكون قلبه حديد و مابيخافش , و
مايعرفشي يقعد على مكتب ولا يعرف يعني ايه فرخ الكربون ولا يعرف مكان الختم اللي في
الدرج .
.
- و بحلم إني بقدم
برنامج توك شو سياسي ساخر و أحط على كل الزلنطحيه اللي مسميين نفسهم اعلاميين , بس
أنا شكلي مش فوتوجونيك , خلاص مش مهم .
.
اللي فوق دي كلها
احلام مشروعه , و زيها لبلدي , إنها تكون أجمل و اعظم و احلى بلد في الدنيا , عموما
هاخد احلامي كلها معايا ل 2017 و 2037 , طول ما لنا عمر هنفضل نحلم .
.
- أما الرضا بقى
فهو التوأم السيامي الملتصق للصبر , صابر و راضي , عالمستوى الشخصي و على مستوى بلدي
, بشوف بناتي نايمين في سريرهم بالليل و اغطيهم ببطانيتين عشان يبقو دفيانين و اقول
الحمد لله , اللهم دمها نعمه و احفظها من الزوال , و بشوف بلدي صالبه طولها و واقفه
على حيلها و رافعها راسها لفوق , أقول الحمد لله , اللهم دمها نعمه و احفظها من الزوال
.
.................................................................................................................................
. Mohamed Hussein
30
ديسمبر 2016·
و ممكن كمان نقول
, بعد الصلاة على سيدنا النبي , و بعد مالناس تسيبها من إرهاصات و افتكاسات و وجدان
ابراهيم عيسى و اللي زيه :
.
- في قضايا الأمن
القومي مفيش حاجه اسمها ديموقراطيه في المطلق ولا حرية تداول معلومه في المطلق ولا
شفافيه في المطلق ولا برلمان مستقل في المطلق ولا قضاء إداري مستقل في المطلق , الكلام
ده في كل الدول الكبيره المحترمه , مفيش حاجه تفوق الأمن القومي , فكرة تصدير المعنى
المطلق لكل حاجه مش هتلاقيها غير عند الكولجيه و الزلنطحيه و العربجيه .
.
- يعني ايه الكلام
ده ؟ يعني ماتتفاجئشي مثلا لو اتفاقية ترسيم الحدود اترفضت من البرلمان أو من القضاء
الإداري , و لو حصل كده ( احتمال يحصل ) ماتقولشي البرلمان انتصر على الرئيس أو القضاء
يعري الرئيس والشعارات اللي مليانه حماقه و عبط و حموريه دي , يابني بطل تتفرج على
ابراهيم عيسى .
.
- برضه يعني ايه
الكلام ده ؟ يعني فكرة ترسيم الحدود اتقالت مع فكرة القوه العربيه المشتركه و الجسر
البري و اتعملت لغرض ما , ليه و ازاي و الغرض ايه ؟ الإجابه عند الرئيس و الجيش و الخارجيه
, مش عند أم نحمده بتاعة الكرشه , طب هه و بعدين ؟ و بعدين ياسيدي الدوله بتحتفظ لنفسها
بإمكانية تعديل الخطه أو تأجيلها أو الغائها بناء على مستجدات على الأرض , خصوصا لما
يكون الموضوع فيه طرف تاني ( و جايز أكتر من طرف ) , الدوله ترجع ازاي بقى ؟ الحكومه
و الرئيس يقولو عملنا اتفاقيه ترسيم حدود و طلع تيران و صنافير في السعوديه و بعد كام
شهر يقولو لا ماحصلش و مستعدين نحلف على مصحف ؟ لا طبعا ماينفعش كده .
.
- أومال ايه اللي
ينفع ؟ اللي ينفع اننا نقول , سوري والله البرلمان بتاعنا رفض الإتفاقيه , احنا أسفين
جدا القضاء الإداري رفض الإتفاقيه , معناه ايه الكلام ده ؟ معناه ان مؤسسات الدوله
القويه المحترمه بتكمّل بعض , و في الحاله دي بتمثل ( سكة الرجوع ) عشان مصالح الدوله
اتغيرت على الأرض ( مصالح الدوله مش مصالح السيسي ) , المعطيات اتغيرت , او جايز حققنا
حاجه كنا عايزينها و انتهت القصه .
.
في النهايه عايز
أقول لحضراتكو , أثق تماما في رئيس مصر و الخارجيه المصريه و الجيش المصري وفي وطنيتهم
أيا ما تكون النتيجه النهائيه للإتفاقيه ( تمريرها أو رفضها ) , و لا يعنيني أبو وجدان
ولا أبو حمدان ولا أبو قردان .
.......................................................................................................................
Mohamed
Hussein
30
ديسمبر 2016·
هات يابني طقم
الوطنيه من النيش وتعالى .
.
مفيش حد بصراحه
بيضحكني أكتر من عادل إمام غير الواد حوده الكولجي , مين بقى الواد حودة الكولجي ده
؟ .
.
- حوده الكولجي
اللي أول ماتقتل الشاب الإيطالي اتهم دولته و بعت رسايل لإيطاليا .
- حودة الكولجي
اللي بيتأفف أوي انه يقول كلمة شهيد على جندي مصري بيتقتل و يستكبر يقف جنب بلده ,
إنما لو عيل في فرنسا جاله اسهال بيروح يقف بالشموع جنب سفارة فرنسا و يعيط و يتشحتف
.
- حوده الكولجي
اللي لما بتيجي سيرة نصر اكتوبر بيقول اتهزمنا و لما بتيجي سيرة سينا بيقول ياريتها
فضلت مع الصهاينه كانت بقت حته من أوروبا !! .
- حودة الكولجي
اللي باستمرار مركوب من الخرفان و كان بيشير افتكاساتهم بتاعة ان داعش سيطره على اجزاء
في سينا و يفرح اوي .
- حوده الكولجي
اللي ليل و نهار يقول لبيك اللهم هجره واللهم اخرجني من هذه البلده .
- حوده الكولجي
اللي لو مصر دخلت في حرب نظاميه علنيه و شاف بوارج الأمريكان على شواطئ اسكندريه و
الجيش طلب ناس تتطوع هيدخل تحت البطانيه و يفتح تويتر و يعمل هاشتاج الحريه لفلان
( لأي كلب جربان ماشي في الشارع ) .
- حوده الكولجي
اللي من الأخر بقالة 6 سنين بيعتبر الخيانه دي وجهة نظر و منهج فكري وبيمارسها بصوره
يوميه و على عينك يا تاجر .
.
و في الأخر ييجي
حوده الكولجي عند اتفاقية ترسيم الحدود و الجزيرتين و يقوم مطلّع طقم الوطنيه اللي
عفن في النيش , و عايز يعلمنا احنا بقى الوطنيه على أصولها , اللهم صل عالنبي , وطنية
يا حوده يا حبيبي ؟ بجد والنبي وطنيه ؟.
.
..90 % من اللي
زايطين في موضوع الجزيرتين و مقضينها قلش و بيض و شحتفه بينطبق عليهم وصف حودة الكولجي
.
.
ال 10 % الباقيين
على راسي من فوق , سواء كانو مؤيدين للسيسي أو معارضين له , و لل 10 % عايز أقولهم
تحديدا رأيي و قناعتي :
.
1- اتفاقية ترسيم
الحدود شارك فيها التالي , مؤسسة الرئاسه و عبد الفتاح السيسي , الحكومه , وزارة الخارجيه
, الجيش المصري , ده غير جهات تانيه كتير , و انا قولا واحدا معنديش استعداد للتشكيك
في مؤسسات الدوله دي .
.
2- عبد الفتاح
السيسي لو عايز يبيع و عايز فلوس كان شارك في الحرب ضد سوريا , كان هياخد مليارات متلتله
و ماتبقاش عنده أزمه ماديه اطلاقا , أو شارك في حرب اليمن .
.
3- علاقات مصر
بالسعوديه حاليا في أسوأ حالاتها , و اللي مايشوفشي من الغربال يبقى اعمى ( احنا أصلا
على شعره ) .
.
4- الراجل اللي
مايبعشي جنوده ولا يبيع قضايا بلده ( زي مثلا انه يتصالح مع جماعه ارهابيه ) رغم كل
الضغوط اللي اتعرض لها هو بالتأكيد راجل مستحيل يكون بيبيع ذره من ترابها .
.
طب ايه قصة الجزيرتين
دي بقى ؟ هقولك رأيي برضه .
.
1- من كوارث مابعد
25 يناير هي اعتقاد كل مواطن انه بيفهم كل حاجه في كل حاجه حتى في قضايا الأمن القومي
الكبيره و الشائكه , دي كارثه في حد ذاتها , مع ان لقب و وصف مواطن ده لقب محترم و
مش ضروري يكون المواطن بيمشي عالحيط , يعني : مَنْ قال لا أدري فقد أفتى و قد أصبح
مواطن محترم و الله .
.
2- موضوع ترسيم
الحدود و الجزيرتين في اعتقادي , هو مجرد توقع او تخيل لاحتمالين :
.
- أولا : ان الموضوع
يكون تم بشكل منهجي و خبراء و خلافه وان مصر في حاجه لإنهاء الترسيم ده عشان تستفيد
من مياه اقليميه أو أي استفاده ممكنه , يعني بالشكل المعلن , و ده احتمال بسيط .
.
- ثانيا : ان يكون
الموضوع كله عباره عن مناوره سياسيه على الأرض لخدمة ملفات تانيه , بمعنى ايه ؟ بمعنى
ان الجزيرتين مكانوش متسجلين باسمنا في الشهر العقاري ولا حاجه ولا هيبقو متسجلين باسم
السعوديه ( ده في حالة موافقة البرلمان و القضاء ) , يعني ايه برضه الكلام ده ؟ ايه
حكاية مناوره و هيعملو ايه ؟ طب ان هستأذنك بقى عشان حضرتك مش مصدق اني مواطن , والله
العظيم و عزة جلال الله مواطن , مجرد مواطن بيثق تماما في رئيسه و خارجيته و جيشه
.
............................................................................................................................
Mohamed
Hussein
30
ديسمبر 2016·
أمريكا تقرر طرد
35 دبلوماسي روسي , و بوتين يجتمع بمعاونيه لبحث الرد المناسب !! , طيب الحمد لله
, جت من عند ربنا , الحرب العالميه التالته هتقوم و الدوري هيتلغي .
.........................................................................................................................
.
ليست هناك تعليقات:
إرسال تعليق