Mohamed
Hussein
27
يناير 2017·
بيصعب عليا أوي
قطيع من الشباب اللذيذ , بقاله 3 سنين حاطط أمل و عمر و سوسن و نصر على شاب فيسبوكي عبقري أوي
جدا خالص , و يا عيني مع كل موقف و كل حدث يستنو تحليلاته اللوذعيه العميقه , و تلاقي
اللايكات و الكومنتات بالكيلو و الكيله و الأردب , مع انك لو شوفت اللي بيكتبه الشاب
العبقري و غمضت عينك كده و اخترت بوست عشوائي و شيلت منه بقى كلمات زي الفاشيه و بلحه
و معر*ين و طبالين و عبيد و ك*م فلان و ك*م علان و ك*م ترتان ( و بقية قصيدة ك*ميّات
), مش هيتبقالك في البوست 3 كلمات يعملو جمله مفيده , أو معلومه أو فكره توحّد الله
.
.
الشاب اللذيذ بقاله
3 سنين بيبيع لقطيع الشباب نوع مفتخر من ( الجله ) , و القطيع بقاله 3 سنين بيشتري
منه ( الجله ) و يعملها ساندوتشات , إنهم يأكلونَ
أقراص الجله .
.
القطيع ده مفيش
فرق بينه و بين القطيع اللي بيعمل لايك و يتشحتف على صورة نعل الرسول و عباية الرسول
و نضارة الشمس بتاعة الرسول .
.
أسوأ حاجه في مرحلة
ما بعد 25 يناير إنها دخلتنا في زمن ( الغث ) , زمن الهيافه و النطاعه , وتحت داعي التدين و تحت داعي الثوريه بقت رموز كتير جدا من الشباب عباره عن : شبشب قديم بصباع أو
قرص جله من النوع الفاخر.
.
ماعمريش أبدا فقدت
الأمل ولا يأست , دي معركة بلد مش دور كوتشينه بنلعبه عالقهوه و لما نزهق بنقوم , هنفضل نكتب و نشرح و نعمل شألباظات و نحكي بكل
الطرق و اللغات , عشان الشباب يفهم و يستوعب و يفوق , العقل هو العقل , و المنطق دايما
بينتصر , ده يقيني و دي قناعتي , فأما الزبد فيذهب جفاءً و أما ما ينفع الناس فيمكثُ
في الأرض .
ليست هناك تعليقات:
إرسال تعليق