Mohamed
Hussein
3
نوفمبر 2016·
مكره أخاك لا بطل
.
تحرير سعر صرف
الجنيه ( أو حتى تعويمه ) هو لا خطوه حلوه و إنجاز ولا خطوه وحشه و كارثه , هو خطوه
اضطراريه , عشان مكانشي ينفع الوضع يستمر و تفضل عندنا السوق السوده مفتوحه عالبحري
, و القصه كلها مش اقتصاد ولا ينفع تحسبها بحسبه اقتصاديه , القصه سياسيه بحته , كارثه
انك تفكر في الموضوع بحسبة اقتصاد و عرض و طلب و ورقه و قلم .
.
يا حضرات صوتي
اتنبح , من 3 سنين و احنا مرابطين , مش مهم البهايم بيقولو علينا ايه , ماتقيمش نفسك
أبدا بشكلك و صورتك في عيون بهيمه .
.
أصل المشكله بالترتيب
الزمني , وضع اقتصادي سئ في عصر مبارك و بلد أغلب ميزانيتها بيروح في الدعم و تسديد
فوايد الديون و دخلها من العمله الصعبه بييجي من مصدرين تلاته مفيش غيرهم , ثورة مش
محسوبه و لا محسوب فاتورتها كام و مين هيدفع , لحد ماوصلنا ل 30 يونيو , دخلنا في المشكله
التالته , إرادة دوله و هويتها , نكون أو لا نكون .
.
اللي بيحصل من
3 سنين هو عملية استثمار من حلف الشيطان و أعوانه في مصر للسبب 1 و السبب 2 في أصل
المشكله , اقتصاد تعبان و مترهل يبقى لو ضربنا السياحه هنقطم وسطه , ثورة فاتورتها
باهظه يبقى نستمر فيها شويه و نستخدم رجالتنا في مصر , و طبعا الفساد مالوش مله ولا
دين ولا وطن يعني عامل مساعد , و لحد امتى ؟ لحد مالبلد دي تركع و تسلّم , دي بلد تعبتنا
أوي , غيرها سلّم في يوم و ليله و رمى سلاحه و غيرها اتحرق في شهرين تلاته و بقى كوم
رماد .
.
يعني ايه الكلام
ده , يعني من 3 سنين و انا عارف و متوقع , احنا بنعوم عكس التيار , قلبنا الترابيزه
و بندفع الفاتوره صبر و جلد و ربط حزام , هما حلين مفيش غيرهم , انسى حكاية الإقتصاد
خالص , ولا هينفعك محمد العريان و لا مهاتير محمد .
.
الحل الأول , النفس
الطويل و ده اختياري لحد ماموت ( بناتي من بعدي يبقو يختارو براحتهم هما أحرار ) ,
طب ليه النفس الطويل و الصبر و العيش الحاف ؟ هو انا مجنون و قالع ملط و بنظم اشارات
المرور ؟ لا يا عم انا بس عندي بلد فخور بيها جدا , مساحتها مليون كيلو و تاريخها
7 الاف سنه فيها مسلمين و مسيحيين , باب عم جرجس في وش شقة عم مصطفى , و فيها الست
اللي لابسه جلابيه و طرحه و بتقول عواف عليهم و الست اللي لابسه مايكروجيب و بتقول
بنسوار , فيها اللي قاعد على شط ترعه بيشرب شاي واللي قاعد في الداون تاون بيشرب كابتشينو
, فيها أم كلثوم و الشعراوي و نجاة و الطبلاوي وجمالات شيحه و منير و أحمد الطيب ,
دي اسمها هوية بلد , بحافظ عليها .
.
الحل التاني ,
سريع حدا و زي الفل , السيسي يسيبهالنا مخضره , والجماعه الإرهابيه ترجع تحكم مصر
( و يجيبو معاهم البرادعي ) , انسى بقى حكاية هوية بلد دي و انسى انه كان فيه بلد
, ماتبصش لسوريا , احنا مش هنبقى زي سوريا , هنبقى زي أفغانستان , هو ده التارجيت اللي
هما عايزينه , عندنا التنظيمات المشابهه تماما لطالبان موجوده و جاهزه , لا هيبقى فيه
بلد ولا جيش , لو سمحت لو سمحت , راجع مواقف و مقالات و تقارير و اشاعات الاخوان في
اخر 3 سنين عن الجيش المصري و عن تاريخ مصر عشان تعرف اني مش بهبّل , راجع حتى مواقف
البرادعي و عصام حجي , لو سمحت راجع فكرة الإخوان عن الوطن و مفهوم الوطن و الهويه
و انت تصدقني .
.........................................................................................................................
Mohamed
Hussein
2
نوفمبر 2016·
الحكايه مابقتشي
محتاجه مناقشات بيزنطيه عميقه و عريضه عشان تعرف تقيّم الشخص اللي قدامك و تحط له تصنيف
, هل هو بني أدم مصري ولا ابن حرام مصفي , لما تلاقي واحد في وقت فراغه يصدعنا بالكلام
عن الفقرا و الغلا و المعيشه و الغلابه والأسعار , و تلاقي نفس الشخص النهارده قاعد
مش على بعضه و كل مايشوف خبر عن انخفاض سعر الدولار ينفعل و يقول كدب كدب كدب , و حلم
حياته ان الدولار يطلع ماينزلش , و قاعد يعيط و يتشحتف على نزوله , كأن الدولار ده
سور بلكونه و نزل على دماغ ابنه , تعرف على طول انه ابن حرام مصفي , ضحايا خيرت الشاطر
و محمد البرادعي , الناس اللي دماغهم اتحولت في 5 سنين لمجرد حمام عمومي مرمي في طريق
صحراوي , و كل اللي رايح و اللي جاي ممممممممممم يركن قدامه و يعمل زي الناس .
..................................................................................................................
Mohamed
Hussein
2
نوفمبر 2016·
حكاية ماكينة البيبسي
.
ماكينة البيبسي
اللي تحط فيها العُمله من هنا تنزّلك كانزاية بيبسي من هنا ( أو تويته ).
.
- من 4 سنين كنت
بقعد قدام أي لقاء للبرادعي و انا مستربع كداهو , تأتأة البرادعي بالنسبالي كانت أحلى
من موسيقى عمر خيرت , أقعد و كل اللي على لساني إن الراجل ده دماغه ألماظات و مليانه
سياسه و علم و حكمه و مفهوميه , و الضمير إلا الضمير بقى , الضمير أصلا اسمه البرادعي
.
.
- يوم ما البرادعي
استقال من منصب نائب رئيس الجمهوريه ده اليوم اللي شطبت فيه على اسم البرادعي بقلم
رصاص , معلش نركن افتكاسه الضمير دي على جنب شويه , يوميها ماقولتش عنه انه خاين ,
قلت ( بيتمرقع ) و يلبسنا في الحيطه , البرادعي كإسم مكانشي يعني شئ وقتها , المشكله
كانت في منصبه , نائب رئيس الجمهوريه , كان يقدر بسهوله ( لو ضميره بيوجعه أوي ) إنه
يستنى اسبوعين تلاته و يقدم استقالته و يقول لأسباب صحيه , زي مابيعمل السياسيين المحترمين
في العالم , مفيش حد بيعرّي بلده قدام العالم تحت مسمى الضمير ........ عايز أقول كلمة
أبيحه لضمير البرادعي , ** أم ضميرك يا برادعي .
.
- بدأت بقى ماكينة
البيبسي اللي اسمها البرادعي تشتغل على ماية بيضا بعد ماسافر النمسا , بدأ بحكاية الشباب
و المعتقلات و السجون و الحريه و اشتغل في الليله دي سنتين بحالهم , العالم يتشال و
يتهبد حواليه و الدول تتحرق و المؤامره تبقى عيني عينك و هو مفيش على لسانه غير الشباب
و الحريه و السجون و الضمير , أه و الضمير , ** أم ضميرك يا برادعي .
.
- بعد شويه لما
الفصيل الوطني فقد الأمل و يأس تماما كان لازم نفحه برادعاويه من اللي بتعجب المراكيب
و الكولجيه , دخل في سكه ( العنف المتبادل ) !! , عن دولة بتحارب الإرهاب يبقى اسمه
عنف متبادل و طبعا أهم حاجه الضمير , أصلكو مش عارفين , البرادعي ده رئيس جمهوريه الضمير
, ** أم ضميرك يا برادعي .
.
- النفحه مجابتش
نتيجه , و جايز جابت نتيجه عكسيه فكان لابد من خلع القناع بصوره كامله بقى , وقال الإخوان
كيوت و كان فيه حل سلمي بس احنا اللي ولاد حرام مصفّي , و طبعا البرادعي مش ابن حرام
, ده ابن الضمير و أبو الضمير و أم الضمير , ** أم ضميرك يا برادعي .
.
- و في البيان
قال البرادعي الأله الإعلاميه للنظام , الأله الإعلاميه للنظام اللي هما احنا يا شباب
, الملايين اللي كانت بتأيد البرادعي و تحترمه , اللي كنا بنقعد قدامه مستربعين و نقول
دماغه ألماظات , لما كشفنا عن وشه القبيح بقي اسمنا الأله الإعلاميه , يعني الناس اللي
قبل ماتكتب بوست تروح تاخد قرشين من أمن الدوله و المخابرات .
.
عايز أقول كلمة
أخيره للبقايا و الفتافيت اللي لسه بيتشعلقو في توب البرادعي ( و تويتاته ) لحد النهارده
, السياسه مفهاش تأييد مطلق لشخص بطريقة انك تغمي عنيك و تسد ودانك و تلغي عقلك , مشكلتكو
باختصار هي دي , انكو وثقتو في البرادعي بنفس الدرجه اللي بيثق فيها أي عيل جاهل في
شيخ بهلول نصّاب , فيقعد العيل الجاهل قدام الشيخ النصاب في الجامع بقى و يسلمه دماغه
تسليم أهالي , الشيخ لو قاله أبوك كافر و أمك ماشيه على حل شعرها و لازم تقتلهم يقوله
أمين يا مولانا , انتو كمان من بتوع أمين يا مولانا .
......................................................................................................................
Mohamed
Hussein
1
نوفمبر 2016·
البرادعي كتب بيان
من 13 نقطه , بيان عباره عن خلط رائع لمجموعه من الأكاذيب و الهجص و ضربهم في خلاط
واحد , و طبعا التوقيت شئ لذيذ , مش بس التوقيت قبل افتكاسه 11/11 , لا ده التوقيت
بعد مرور 3 سنين , يعني اللعب على عنصر النسيان و بالتالي سهولة ضرب الأكاذيب و الهجص
في نفس الخلاط .
.
اجمالا انا مبسوط
من بيان البرادعي , مبسوط جدا , واحد ربنا سلطه على نفسه , شطب على اسمه بقلم رصاص
بعد 3 يوليو و بعدين بقلم جاف ( لما قال العنف المتبادل بين الجيش و الإرهابين ) ,
و النهارده قرر انه يشطب على اسمه و يمسحه بماية نار لما قرر انه يجمّل الوجه القبيح
للجماعه الإرهابيه , البرادعي باقي له تكّه واحده أخيره هيتقمّص فيها دور أيات عرابي
و يقول الجيش المصرائيلي .
.
الحقيقه يا برادعي
ان الإعتصام استمر فتره طويله جدا و كل الوفود العربيه و الأجنبيه قالو ان الجماعه
الإرهابيه رفضت أي حل سياسي , حتى مشايخ السلفيين قالو كده , معرفش جبت كلمة حلول سياسيه
منين , أتحداك تقولي اسم جهه قالت إن الإرهابيين قبلو بحلول سلميه سياسيه .
.
و الحقيقه يا برادعي
ان الإعتصام كان مسلح ( بشهادة أحمد المغير و غيره ) و ان الظباط و الجنود اللي ماتو
مماتوش في حادثة موتوسيكل و ان مفيش دوله في العالم تقبل باعتصام مسلح على أراضيها
حتى لو كان فيه مجرد ( نبله ) , أتحداك تقولي اسم دوله تقبل كده .
.
و الحقيقه يا برادعي
إنك لا تجرؤ تقول على دوله بتحارب الإرهاب انه عنف متبادل ( غير مصر ) , برضه أتحداك
, أتحداك تقر بأحقيه أي مواطن في أي دوله بحمل السلاح غير رجل الجيش و رجل الشرطه
.
.
و أخيرا , الحقيقه
يا برادعي انك مجرد شر*** مش أكتر , بس شر*** على مستوى دولي .
..........................................................................................................................
Mohamed
Hussein
1
نوفمبر 2016·
عندي شقه صغيره
في منطقه شعبيه بعرضها للإيجار كل شويه , بدل ماهي مقفوله , المهم الشقه كانت فاضيه
من شهر و بعدين جالها مستأجر سوري , أول مره أأجرها لحد مش مصري , روحت اكتب العقد
و مع إني كالعاده مستعجل بس كنت حريص أوي اني اكتب البنود بإيدي بشكل واضح و أخد كل
الضمانات و صورة الإقامه , السوري مانطقش غير بكلمتين لما فتحت موضوع سوريا ( الله
يحمي مصر , سوريا راحت , سوريا مابترجع خلاص ) , مقالشي غيرهم , كتبت النسختين و قلت
له وقّع قام موقع , لا قري بنود ولا شاف بطاقتي ولا شاف عقد تمليك ولا اتأكد اني صاحب
الشقه , هو دفع الفلوس و وقّع ( العقد كاتبينه في الشارع جنب عربية خضار ) , استغربت
من رد فعله , و بعدين اكتشفت ان استغرابي ده يرقى لدرجة الحموريه , البني أدم اللي
فجأه يفقد وطنه و بيته و أرضه و حاله و ماله و تجارته و شغله و مستقبله ( و الله أعلم
وصل لحد مصر إزاي ) هو بالتأكيد مش هيقرا بنود عقد ولا هيدوّر على اثباتات شخصيه و
شوية ورق , عشان باختصار مبقاش عنده حاجه تانيه يحمل همها أو يبكي عليها أو يخسرها
.
.
الله يحمي مصر
, و بإذن الله ترجع لنا سوريا .
..............................................................................................................
Mohamed
Hussein
1
نوفمبر 2016·
عشان تبقى فاهم
, لو السيسي ساب حكم مصر بكره الصبح و الجماعه الإرهابيه رجعو يحكموها , تاني يوم هتلاقي
الدولار رجع و بقى ب 7 جنيه , و الدهب هيرجع لأسعاره و مش هيبقى فيه أزمة سكر ولا أزمة
رز , دي حقيقه أبصم عليها بالعشره , حقيقه ملهاش علاقه بنظريات اقتصاديه ولا بحسبة
ورقه و قلم , لها علاقه بس بانك تكون فاهم اللي بيجرى حواليك , اقتصاديا و بحسبة الورقه
و القلم فرق اليوم مايأثرشي في وضع البلد , مستحيل , في يوم لا هتكون عملت صناعه و
تصدير ولا هتكون رجعت سياحه , ولا فرق سنه حتى , بس كل حاجه هترجع تاني فعلا خلال يوم
, هترجع ليه بقى و ازاي ؟ اللي يعرف الإجابه عالسؤال ده هيبطل يقرفنا .
.
الحكايه بتقول
باختصار , لو فيه واحد بلطجي طمعان في مراتك , و كل يوم ييجي عند بيتك و يقعد يكسر
في البيبان و الشبابيك و يعملك ازعاج متواصل 24 ساعه يوميا , كده قدامك حلين عشان ترتاح
, اما انك تفضل تقاوم البلطجي ( و اللي وراه ) لحد ماتخلص منهم , أو انك تسلّم له مراتك
, أه و الله صدقني , لو سلمته مراتك هيبطل يزعجك و هتنام مرتاح جدا من غير ازعاج .
.
هتنام لك يومين
حلوين , و بعد كده تصحى من النوم , تبص حواليك ماتلاقيش مراتك ولا تلاقي حيطان البيت
, تعرف انك كنت نايم في الخلا , لا فيه بلد ولا فيه جيش , مش مهم , المهم انك نمت لك
يومين حلوين من غير ازعاج , ده حتى النوم سلطان .
....................................................................................................................
Mohamed
Hussein
31
أكتوبر 2016·
حكايتي مع الغاليه
2............ ( بوست كئيب , محدش يقرا ) .
.
طب ليه الإرتباط
العجيب ده ؟ متعلق بيها أوي كده ليه ؟ ماهي أم زي أي أم , لا يا سيدي , الغاليه مكانتش
أم , كانت جبل , كانت وتد , كانت ملكوت , كانت حدوته .
.
حكايتي الفعليه
مع الغاليه بدأت يوم 24/6/94 , مش هنسى التاريخ , مع ان ذاكرتي هباب و تركيزي صفر
, كان يوم جمعه , صليت الجمعه و قعدت أذاكر في المندره , ماعرفش فيه ايه بيحصل بره
بس سامع أصوات كتير, الباب اتفتح فجأه و أمي دخلت وشها أسمر , قالت لي أبوك مات يا
محمد و وقعت عالأرض , اغمى عليها , رميت الكتاب و ماركزتش في الخبر و قعدت أفوق في
أمي , أبويا الله يرحمه مات شهيد و عمره تقريبا 38 سنه , و فجأه كده الست دي شالت الليله
و الجمل بما حمل ( كان عمرها 32 سنه ) .
.
أول فرمان خدته
الغاليه ( بالإشتراك مع أعمامي ) كان يوم الدفنه ( و العزا ) بتاع أبويا , اللي هو
كان تاني يوم , الفرمان هو اني ماحضرش العزا ولا أقف في الصف مع إني الإبن الكبير
, ليه بقى ؟ عشان ده بداية امتحان الثانويه العامه بتاعي 25/6/94 .
.
قعدت في بيت عم
من أعمامي بعيد شوية عن بيتنا ( فترة الإمتحانات كلها ) و منعو عني الزيارات و التعازي
, قال يعني عشان أركز , ماعرفش الست دي جابت منين قناعتها اني همتحن و انجح و اجيب
مجموع كبير و انا في الظروف الهباب دي و ابقى دكتور زي مابويا كان عايز , و عهد الله
انتي كنتي بتستعبطي يا غاليه , بس انا كمان ضحكت عليكي و استعبطت و عملت اللي كان نفسك
فيه انتي و ابويا الله يرحمه .
.
بعد 10 أيام من
الامتحانات , امي بعتت لي حد و قالت عايزاك , روحت لها , قالت لي عامل ايه في الامتحانات
؟ قلت لها كويس يا حبيبتي , قالت لي طب احنا جايلنا تفاح كتير , خد لك تفاحتين كلهم
, سكتت و بوست راسها و مشيت .
.
رحمة ربنا عليكي
يا حبيبتي .
..........................................................................................................................
Mohamed
Hussein
30
أكتوبر 2016·
صح اللي حصل في
الكام سنه اللي فاتو كان فوق امكانياتنا العقليه و الذهنيه بكتير ( كأفراد أو مواطنين
) , ماهو احنا ماكناش نسمع عن الثورات أو التحركات الشعبيه إلا في الكتب , يعني نسمع
عنها سمع خير , جيلنا كده و الأجيال اللي قبلنا واللي بعدنا , و صح ان معلوماتنا قبل
كده عن المؤامره كانت بتتلخص في ان جمهور الزمالك يعتقد ان اتحاد الكوره بيجيب حكام
يجاملو الأهلي , و جمهور الأهلي يعتقد العكس , ده كان أخرنا , كنا ماشيين جنب الحيط
أو جوه الحيط , طيبين لا عندنا مكر ولا لوع , عشان كده كان سهل تحريكنا في أي اتجاه
, بطريقة الكتله أو الصندوق الكامل .
.
كل اللي فوق ده
صح , إنما الحقيقه كمان بتقول إنه حجم المؤامره و الحرب على مصر مش هيصغر و يتضائل
لحد مايوصل للمستوى اللي عقولنا تستوعبه , يعني مش هنصعب على حلف الشيطان فيقوم يخف
عننا شويه , يبقى الحل المباشر و الوحيد ان عقولنا هي اللي تكبر و تستوعب , المؤامره
مش هتصغر , عقولنا اللي لازم تكبر عشان تعرف تستوعب المرحله , حرب و اتفرضت علينا فرض
, حرب عقول في الأساس , حرب ثقه و انتماء و عقيده وطنيه , و الهدف و التارجيت رقم
1 اسمه جيش مصر , يعني العمود الفقري أو جهاز المناعه بتاع الدوله .
.
في الحرب ماينفعش
تقعد 5 سنين تهري و تلت و تعجن و تنشر اشاعات و فوتوشوب و تفرح بشوية كوميكس بيض ,
مش هينفع , و رحمة الغاليه ماهينفع , ده بيتك يا جحش اللي مهدد بالزوال , بيتك انت
مش بيت توكل كرمان اللي قاعده في تركيا ولا بيت أيات عرابي اللي ( نايمه ) في أمريكا
.
.
لما عقلك يكبر
بقى و يستوعب و تبطّل تبيض ( على نفسك قبل أي حد ) هتكتشف انك من سنين ماشي ورا شوية
عربجيه هما جزء من المؤامره , جزء من الحرب , و متشعلق في توبهم ( و تويتاتهم ) , عربجيه
بيقولو لك نتصالح مع الإرهاب , عارف يعني ايه دولة تتصالح مع الإرهاب ؟ يعني ببساطه
شديده الدوله بمفهومها و كيانها تنام على بطنها كده و فوق منها ارهابي ماسك سكينه و
حاططها على رقبة الدوله , طول ما الدوله نايمه على بطنها كويس أهو الإرهابي راكب فوقها
و السكينه سانده بس على رقبة الدوله , و الله فكّرت الدوله تتحرك شويه يمين ولا شمال
يبقى الله يرحمها , عشان الإرهابي موجود و السكينه موجوده و البرادعي كمان موجود .
...............................................................................................................
Mohamed
Hussein
29
أكتوبر 2016·
السيسي لما قال
انه قعد 10 سنين تلاجته مفهاش غير مايه , أهو كده يبقى بالنسبالي كان غني و متنغنغ
و متريش , عشان انا من يوم ماتولدت لحد مابقى عمري 25 سنه مكانشي في بيتنا تلاجه ,
أه و الله , ولا نسمع عنها أصلا , المايه بنحطها في الأولّه تسقع , و حلّة الأكل لو
اتبقى فيها حاجه بنحطها في البلكونه , ماتبوظشي أبدا ولا تفسد , تبريد ربّاني أهو
, الحاجه الوحيده اللي أمي مكانتشي تحطها في البلكونه هي المحشي , عشان عارفه انها
هتصحى الصبح تلاقي الحلّه فاضيه , كانت بتحطها تحت السرير اللي نايمه عليه و تفتح الشباك
, بيتنا بحري و الهوا بيضرب فيه من كل ناحيه , و انا الوحيد اللي كان معايا تصريح انه
يتسحّب كده و يشد الحله من تحت السرير و ياكل محشي و هو سهران بيذاكر ( الله يرحمك
يا حبيبتي ) .
.
المهم لو رجع بيا
الزمن لورا , و خيّروني بين اني أبقى مصري و أعيش نفس الطفوله دي أو أبقى خليجي و تلاجتي
مليانه لحمه و فراخ ( دجاج ) و لبن المراعي و باربيكان و حاجات تانيه ( أشياء أخرى
) , هختار أبقى مصري حتى لو فقير معدم , نفس الطفوله بنفس الطعم , ماهو انا ماعرفش
ان فيه حاجه في الدنيا أكبر من إسم مصر , ولا أعرف ان فيه جنسيه في الدنيا أغلى من
الجنسيه المصريه , مهما حاول الخرفان و شمامين الكوله و العيال اللي برياله يشوهوها
, بلد جذورها ضاربه في كتاب التاريخ من الجلده للجلده , مش أكشاك لسه عاملينها أول
امبارح بالليل .
........................................................................................................................
Mohamed
Hussein
29
أكتوبر 2016·
حكايتي مع الغاليه
....1
.
أول ما فتحت عيني
عالدنيا , لما كان عمري 6 سنين كنت بدأت اشتغل , عايشين في بيت عيله مبني بالطوب الني
( بالطين ) , فيه 5 رجاله و 5 ستات و عيالهم كتير , الغاليه ماكنتش تسمع لها صوت في
البيت ده هي و عيالها , ماتقدرش تعترض على حاجه , ماينفعش تعترض , اشتغلت في جمع دودة
القطن , و بعد سنه جدي اختارني من بين ييجي 30 عيل عشان أسرح معاه بالغنم في الصيف
و سرحت , أطلع الصبح بدري وسط الأراضي الشراقي و ارجع المغرب , لا أكل ولا شرب ولا
حتى فيه شبشب في رجلي , و لما اعطش أوي أشرب من أي قناية تكون فيها المايه رايقه ,
الغاليه ماتقولشي إشمعنى محمد يعني , و ليه محمد , مالدار مليانه عيال , لا ماتقولش
, عشان هي بنت ناس و متربيه , و لما نرجع و ندخّل الغنم في الزريبه و نتطمن عليها
, ألاقي أمي مجهزالي أي لقمه , أي حاجه , عيش ناشف و جبنه أو مش و شويه سريس .
.
رحمة ربنا عليكي
يا حبيبتي .
..................................................................................................................
Mohamed
Hussein
29
أكتوبر 2016·
الجليطه السعوديه
عالمستوى الرسمي بدأت من شهر تقريبا , مع قرار شركة أرامكو عدم تزويد مصر بشحنة البترول
المتفق عليها بتاعة شهر اكتوبر , الحقيقه اللي يعرف ألف باء سياسه يعرف ان كل المسئولين
الحاليين و السابقين في السعوديه بيشتغلو بطريقة ( كلب الحراسه ) عند الأسره الحاكمه
, يعني احرس هنا يحرس , انبح هنا ينبح , عض هنا يعض , و أتحدى أي واحد يقول غير كده
, كلهم بلا استثناء , حتى أئمة الحرمين بيشتغلو بنفس الطريقه في خطبهم و فتاويهم ,
قول دي ثورة تبقى ثوره , قول القذافي كافر يبقى كافر , قول بشار ابن حرام يبقى ابن
حرام , قول الروس أبالسه و الأمريكان طيبين و كيوت , قول قول قول , و مولانا الشيخ
يقول و يفتي و يلت و يعجن ( أه و يعيط و يتشحتف ) .
.
المسئول السعودي
السابق كان عارف هو بيقول ايه , و اعتذاره غير مقبول , و إجمالا و رغم هدوء ( و شياكة
) الدبلوماسيه المصريه في التعامل و الردود , لكن السعوديه ماشيه بخطوات همجيه متواصله
في طريق القطيعه مع مصر , دي الحقيقه اللي محدش يقدر ينكرها , و الحقيقه التانيه ان
السعوديه ماشيه ( ماشاء الله تبارك الله ) في سكة اللي يروح مايرجعش , مش عشان القطيعه
مع مصر ولا عشان السيسي بيحكم العالم و بيحمي المملكه , لا يا عم احنا لا بنحمي المملكه
ولا بنحكم العالم ولا عايزين نحكمه , إنما الفخ الأمريكي اللي اتعمل لأل سعود فخ معتبر
, مستنقعين واحد في الشمال و واحد في الجنوب , وقتها بس هيكتشف المسئولين السعوديين
الأشاوس ان تلاجتهم طول الوقت كانت مليانه ديناميت قابل للإنفجار في أي لحظه و الريموت
مع أسيادهم الأمريكان !! .
.
الحكايه مش حكاية
شعوب يتحولو لشتيمه و سب بعض , ولا حكاية هاشتاجات , انا بتكلم عن مسئولين و سياسات
دول و جليطه سياسيه ماحصلتش قبل كده , يعني الموضوع اكبر من التراشق بشوية ألفاظ أبيحه
بين المواطنين هنا و هناك , اتمنى على الشعب السعودي يفهم و يستوعب قبل فوات الأوان
, اتمنى يفهمو , ماتفرحوش أوي بالجليطه السياسيه و تبقو زي العيال اللي برياله , قطر
اللي هي كلب الأمريكان الرسمي في المنطقه خدت دول من ايديها كده لحد الحفره و راحت
رمتها في الحفره و رجعت تاني , و دلوأتي قطر ساحباكو من ( المختمه ) زي البهيمه , و
هترميكو في نفس الحفره , بس احنا وقتها مش هنفرح ولا هنشمت , عشان احنا مش عيال برياله
.
.................................................................................................................
Mohamed
Hussein
28
أكتوبر 2016·
أصدقائي الأعزاء
, بشكركو جدا , بشكر كل اللي كتب تعليق أو عمل شير أو كتب بوست أو بعت رساله او اتصل
, بشكر كل اللي دعى للغاليه بالرحمه .
.
لما كتبت البوست
اللي فات كنت محتاج ناس اكتر يدعو لأمي , بس ماتوقعتش رد الفعل ده , أتاري ان اللي
بيحبو الغاليه في كل مكان , حتى في الفيس بوك , غير ألاف حضرو الدفنه و العزا , و يوم
ماجبت امي من المستشفى كانت الساعه واحده بالليل ..و بلدنا أصلا بتنام من العشا , بس
لقيت البيت مليان ناس , و الكل بيعيط .
.
بصو , انا مش بتاع
تنميه بشريه ولا صعبانيات , ولا انا شيخ و واعظ و مقطع حصر الجامع , بس عايز أقولكو
, كل بني أدم مننا بيكبر و يعلى ويتجبر و يتخيل إنه من جوه حديد مسلح , و تيجي عليه
لحظه يكتشف ان جواه إزاز هش جدا , في لحظه الإزاز ينكسر و الضهر ينحني , طب فين الحديد
طيب ؟! .
.
عايز أقول كل بني
أدم له نقطة ضعف , لما بيتمسك منها بيصرخ و يجعر حتى لو مانطقش قدام الناس , و انا
كانت نقطة ضعفي في الغاليه , و أصعب حاجه لما يكون اللي مسكك من نقطة ضعفك هو اللي
خلقك و خلقها و خلق الكون , يبقى لله ما أعطي و له ما أخذ .
.
من يوميها و انا
دعوتي لربنا سبحانه و تعالي , بحق جاه المصطفى , يارب الست اللي عندك دي اترملت و هي
عمرها 32 سنه , يعني كانت عيّله , بس عيله عندها 6 عيال مخلفاهم , ظروف زي الزفت و
معاش ملاليم , و هي راسها و الف جزمه ان عيالها يتعلمو كويس و يبقو احسن ناس , و لما
بدأت تفوق شويه و الظروف الماديه تتحسن و عيالها يكبرو مسكها المرض , ضغط و سكر و اللعين
الكبد , و كل يومين تلاته تحاليل و اشعه و ادويه و حقن و شكشكه و وجع و ألم , يبقى
يارب تكرمها و ترحمها و تراضيها و تطبطب عليها , يا أكرم من أعطى و أعظم من سؤل .
....................................................................................................................
ليست هناك تعليقات:
إرسال تعليق