Mohamed
Hussein
13 نوفمبر 2016
السيسي قابل منى
في قصر الرئاسه , منى دي البت المصريه الجدعه اللي بتنزل الشارع تشتغل و تجري على أكل
عيشها و تجرّ بإديها عربية البضاعه , منى اللي أكيد ماعندهاش حساب على تويتر ولا بتعرف
تعمل هاشتاج ولا تعرف سعر حجر التفاح عالقهوه بكام , منى اللي أكيد مابتقولشي عسكر
ولا بتقول يسقط ولا عايزه تعمل ثوره كل يوم تلات , منى اللي مش هتصور مقلب زباله و
تنزّله على صفحة السياحه المصريه , منى أكيد مابتنزلش الشارع و تشيل لوحه عبيطه و تكتب
عليها ( انتو قتلتو ريجيني ليه ) , منى مش هتحرق عربية شرطه ولا محول كهربا ولا هتكتب
عن طريقة عمل ( قنبلة بدائية الصنع ) , منى مش هتقول لكو أه انا روحت اتدرّبت في صربيا
عشان أعلّمكو و انضّفكو يا شوية بهايم , منى مكانتشي بتلبس شبشب مقطوع و فجأه هتلاقيها
راكبه بي إم , منى مش هتسافر أمريكا ولا تركيا ولا قطر و تطلع في تلفزيون عشان تشتم
بلدها و جيشها , منى دي الأيقونه و البطل الحقيقي , مش خاينه ولا بطل من ورق .
.
إمتى بقى هقلق
على مصر ؟ لما ألاقي عبد الفتاح السيسي بيستقبل في قصر الرئاسه واحد خاين أو بطل من
ورق و يوصّله لحد العربيه و يفتح له الباب بنفسه .
....................................................................................................................................
ليست هناك تعليقات:
إرسال تعليق