Mohamed
Hussein
17
نوفمبر 2016·
للبهايم اللي سابقين
كوكب الأرض بمليون سنه ضوئيه , للبهايم اللي متعلمين بره و جوه مش جوه بس :
.
- لو فيه راجل
و مراته عايشين في بيت و مخلفين بنت اسمها هايدي في تالته ثانوي , و في يوم من الأيام
أم هايدي نزلت السوق تشتري سمك , قام الراجل بتاع السمك عشان عارفها قال لها يا حاجه
, هايدي بنتك كانت ماشيه امبارح و عندها زرارين في البلوزه مفتوحين من فوق , و فاتت
عالواد ممدوح ابن عم رجب بتاع الخضار و ابتسمت له و قالت له صباح الخير !! , في الحاله
دي أم هايدي بتعمل ايه ؟
.
أولا : ترجع البيت
عادي و تستنى هايدي و تسألها و تكلم أبو هايدي و يتأكدو من الإشاعه و يفكرو بالراحه
و يشوفو هيعملو ايه , مش جايز هايدي تقولها كان زرار واحد يا ماما و اتقطع و انتي بنفسك
اللي شيلتيه في الدرج ؟ مش جايز تقولها عم رجب بتاع الخضار ماعندوش عيل اسمه ممدوح
؟ مش جايز تقولها بتاع السمك ده نصاب و لسه طالع من السجن مفيش شهرين ؟ مش جايز مش
جايز مش جايز !! .
.
ثانيا : أم هايدي
ماتستناش ترجع البيت , و تتأجر توكتوك بميكروفون ( و تسيب السمك عند بتاع السمك لحد
ما تخلص ) و تلف بقى بالميكروفون في السوق و الشوارع و الحواري , تقول هايدي بنتي فاتحه
زراير البلوزه , و على علاقه بالواد ممدوح , دي بت صيعه بنت كلب , اه بتاع السمك قالي
و أكد لي و بعت لي إيميل , يا ناس يا هوه هايدي بنتي صايعه أوي و ماشيه على حل شعرها
, اخص عليكي يا هايدي , يا خسارة تربيتي فيكي , يا بتاعة ممدوح !! .
.
يا ترى البهايم
بتوع مليون سنه ضوئيه فهمو حاجه ؟! هو انا عايز أقولكو ايه ؟ عايز أقولكو , إحم إحم
( بتنحنح عشان أبقى مثقف و عميق أهو ) , قناعتي و يقيني و لقد استقر في وجداني و في
بطيني الأيمن و كليتي الشمال أن الكائن الكولجي حتى لو لم يتوفر فيه شرط الخيانه فهو
كائن لا يصلح لأي عمل عام , سياسي أو تنفيذي , مؤيد أو معارض , بمعنى لا يصلح أن ينطبق
عليه وصف أو كلمة ( مسئول ) و اسألو هشام جنينه و منى مينا .
.
الكائن الكولجي
الأيقونه يا شويه بهايم هيبقى أوله و أخره زيكو كده , حياته كلها بتتلخص في ميكروفون
و منبر اعلامي و هاشتاج على جملتين جامدين و سلّمتين من بتوع نقابة الصحفيين , و أي
فرقعه و افتكاسه يحرق بيها بلده و صوابع ايديه ( حتى لو مكانشي خاين ) , يعني لا يعرف
يبقى مسئول في دوله و لا حتى في عشة فراخ .
.
طب و انتو هيبقى
موقفكو ايه بقى ؟ ولا حاجه هتفضلو بهايم لمدة 500 سنه جايين , تعملو أي حد أيقونه و
تصنعو أبطال من شواشي الدره , و تعملو دولتكو الوهميه على فيس بوك و تويتر , تصنعوها
من الشعارات و الهاشتاجات , و ترصّو أصنام جنب أصنام , لما بقت دولتكو الوهميه فيها
ألهه أكتر من من عدد العابدين الكولجيه , أحدٌ أحد يا عم الحاج .
............................................................................................................................
Mohamed
Hussein
17
نوفمبر 2016·
سأل أعرابي حكيم
الزمان و قال له يا حكيم , متي يصبح المصريون لقمه سائغه في فم أعدائهم ؟ .
فقال له الحكيم
: أي بني , يصبح المصريون لقمه سائغه في فم أعدائهم عندما يصل بعض المصريين إلى مرحلة
الهوباليصا .
.
فقال له الأعرابي
, و ماهي مرحلة الهوباليصا يا حكيم و ماهي دلالتها فتح الله عليك ؟ .
.
فقال له الحكيم
, في مرحلة الهوباليصا يا بني , يخرج رئيس الجهاز المركزي للمحاسبات بتقرير عن الفساد
و بدل من أن يخاطب به الجهات السياديه و الرقابيه المعروفه يقوم رايح لليوم السابع
و يهرتل , و في مرحلة الهوباليصا يا بني تخرج وكيلة نقابة الأطباء بشوية مشاكل على
اشاعات على افتكاسات و بدل من الذهاب الى وزارة الصحه و مناقشة الأمر تعمل مداخله تلفزيونيه
.
.
فقال له الأعرابي
, و هل الجهتين المنوط بهم مناقشة تقرير الفساد و مشاكل المستشفيات هما خالد صلاح و
جابر القرموطي يا عم الحاج الحكيم ؟ .
.
فقال له الحكيم
: عليا الطلاق من مراتي معاك حق , بس مانا لسه بقولك اهو , دي مرحلة الهوباليصا .
.
قال له الأعرابي
, إذا فجزاء رئيس الجهاز المركزي للمحاسبات و وكيلة نقابة الأطباء في ذلك الوقت هو
الضرب بالشباشب و القباقيب من الشعب و الرعيه .
.
قال له الحكيم
, شباشب و قباقيب ايه يا جحش ؟ دول هيلاقو ناس يعملوهم أيقونات و رموز للنضال الوطني
و يبقو فشر صلاح الدين الأيوبي و جمال عبد الناصر .
.
فقال الأعرابي
, لا انت أكيد بتهزر .
.
فقال الحكيم ,
و عهد الله زي مابقولك كده .
.
قال الأعرابي
, قشطه , هات نفس من السيجاره اللي معاك دي بقى .
........................................................................................................................
Mohamed
Hussein
16
نوفمبر 2016·
محاكمه علنيه و
لو لها حق تاخده .
.
- الحقيقه لما
شوفت الفيديو , منى مينا قالت طبيب امتياز بعت لي رساله ( مش واحده صاحبتي قالت لي
) و لو انها نفس المعنى ولا تفرق , لأن ببساطه وكيلة نقابة الأطباء مش المفروض تاخد
معلوماتها من طبيب امتياز مجهول , معاها بالتأكيد رقم وزير الصحه و تقدر تتصل بيه قبل
ماتهبّل .
.
- الإشاعه السخيفه
بتاعة منى مينا فورا تم ترجمتها في الجزيره و بقية شلة ولاد الوسخه مع شوية تحابيش
طبعا , عشان دي وكيلة نقابة الأطباء مش طبيب امتياز في الوحده الصحيه بتاعة كفر غنّام
, و مش بعيد على اخر اليوم نلاقي الإشاعه السخيفه في السي ان ان و الواشنطن بوست ,
مع حملة تشويه معتبره لمصر , البلد اللي قضت على فيروس سي و اللي بدأت في حمله للسياحه
العلاجيه .
.
- تصريحات منى
مينا لا تخرج عن باب ( المرقعه ) و حكاية انا عاذراهم ( هي استكمال للمرقعه ) عشان
أصغر واحد بيشتغل في المجال بتاعنا ده يعرف ان السرنجات و اجهزة المحاليل ( اللي ذكرتهم
منى هانم ) هما أرخص من بكر الكلينكس اللي بيتحط في الحمام , و ان مستشفيات وزارة الصحه
في ربوع مصر لو رصيدها صفر من الحاجات دي بكره الصبح تتغرّق سرنجات و اجهزة محاليل
بمبلغ مايزيدش عن 10 مليون جنيه ( لمصر كلها ) , المبلغ ده بالنسبه لميزانية وزارة
الصحه يساوي أجرة الميكروباص .
.
- أصدقائي و حبايبي
الغاليين اللي لسه عاملين أصنام و تماثيل من العجوى في بيوتهم و عقولهم , والله العظيم
حكاية تاريخ فلان النضالي بقت تفقع لي مرارتي و بتفقعلي حاجه كمان .
.
- مطلوب محاكمه
علنيه لمنى مينا , هي و الطبيب المجهول صاحب الرساله , والله طلع كلامها صح يبقى لها
حق و رد اعتبار و تعويض من الدوله , و اعتذار من العبد لله عالصفحه مع بوست ألعن فيه
جدود أبو وزارة الصحه اللي أصدرت تعليمات زي كده , والله طلعت بتتمرقع تبقى تتعلق على
عمود نور ( هي و أم تاريخها النضالي ) .
.............................................................................................................................
Mohamed
Hussein
16
نوفمبر 2016·
منى مينا : واحده
صاحبتي قالت لي إن فيه تعليمات من وزارة الصحه إنهم يستخدمو السرنجه أكتر من مره عشان
مش لاقيين سرنجات !! .
.
شوفو بقى من غير
لف و دوران ولا كلام مقعر , اللي يقول تصريح زي اللي فوق ده مستحيل يكون غير احتمال
من اتنين , إما انه ابن كلب حمار , أو ابن كلب خاين , مفيش احتمال تالت , و بما ان
منى مينا قياديه كبيره في نقابة الأطباء و لها تاريخ نضالي و بيزنطي و منفلوطي يبقى
الإحتمال الأول مستبعد !!.
.
عزيزتي الدكتوره
منى مينا , حكاية قالولي و واحده صاحبتي و كنت معديه قلت اخد الجمعيه الكلام ده تقوليه
و انتي قاعده مع جارتك ست أم شوشو بتلّفو ورق المحشي .
.
عزيزي الدكتوره
منى مينا , كرتونة السرنجات يا أبلتي اللي فيها 100 سرنجه تمنها بتمن 3 أزايز مايه
معدنيه , أو بمعنى أصح عشان تغرّقي مستشفى أد مستشفى القصر العيني مثلا بالسرنجات اللي
تكفيهم اسبوع فالموضوع ده هيكلفنا أو يكلف الدوله بالظبط بالظبط تمن أكله ل 5 أفراد
عند فرحات .
.
عزيزتي الدكتوره
منى مينا , الدوله اللي في سنتين قضت على فيروس بينهش في لحم المصريين من خمسين ستين
سنه و كلّفت نفسها مليارات , و الفيروس ده كانت أهم طريقه للعدوى بيه هي استخدام السرنجه
اكتر من مره , الدوله دي يأ أبلتي مستحيل هتعمل كده يا أبلتي .
.
أصدقائي و زمايلي
و أساتذتي الأطباء , الناس اللي على راسي من فوق , ايه بقى يا رجاله ؟ مفيش اجتماع
طارئ لجمعيه عموميه و مطالبه باسقاط عضوية ( طبيبة ورق المحشي ) ؟ طب بلاش اسقاط عضويه
, قولو لها انتي نوتي بصوت واطي عشان ماتجرحوش شعورها , اعتبروها أمين شرطه أو ظابط
شرطه اعتدى على طبيب , عشان في الحقيقه التصريح ده هو أكبر اعتداء و أكبر اهانه حصلت
للأطباء في ال 5 سنين اللي فاتو .
.
عزيزتي الدوله
الطريه المفتوحه عالبحري لأي تصريح و أي اشاعه و أي افتكاسه , ممممممممممم لا و لاحاجه
كمّلي نوم , دانا كنت بتطمن عليكي بس , أصل واحده صاحبتي قالت لي ان فيه مطر في أثيوبيا
.
......................................................................................................................
Mohamed
Hussein
15
نوفمبر 2016·
أبناء مبارك ممنوعين
من ممارسة الحياه السياسيه , و قبل مايكونو ممنوعين بحكم القانون فهما ممنوعين بحكم
انهم كروت اتحرقت خلاص .
.
إنما الخيال احيانا
بيبقى جميل , حاول كده تتخيل أو تفترض , يا سيدي بقولك مثلا مثلا , تخيل إن جمال مبارك
مش ممنوع من ممارسة الحياه السياسيه و انه اترشح لانتخابات 2018 , و بقت الانتخابات
دي فيها 2 مرشحين واحد اسمه عبد الفتاح السيسي و واحد اسمه جمال مبارك , بقولك مثلا
مثلا .
.
جمال لمّ شلة أبوه
حواليه و شلة رجال الأعمال و بقى عنده بصيص أمل ولو 10 % انه يفوز , تفتكرو في الحاله
دي حبايبنا بتوع ( الجماعه الإرهابيه ) و حبايبنا بتوع ( ثورة كل يوم تلات ) هيكون
موقفهم ايه ؟ هيقاطعو الانتخابات مثلا و يقولو مش بنحب السيسي و جمال ده عملنا ثوره
على أبوه و مستحيل أبدا بتاتا ؟ طب غمض عينك كده , هه تخيلت ايه ؟ أيوه هو كده بالظبط
, ده اللي هيحصل , و في الوقت ده هيظهر مجموعه تحفه من المحللين ( بكسر اللام و فتحها
) , و تلاقي شوية شعارات عنب من نوعية تمكين الشباب و الواد غير أبوه , والواد مش أبوه
, والسح الدح أمبوه .
.
أومال ايه حكاية
الثوره و الميدان و المستكه و الحبهان اللي لسه عايشين فيها لحد دلوأتي ؟ لا ده قميص
عثمان ملناش دعوه بيه , يعني معقوله ينتخبو واحد هما أصلا عملو ثوره على أبوه و كان
أهم اسبابها ( رفض التوريث ) ؟ ممممممممم وشرفك انت ينتخبو أبوه شخصيا لو جت لهم الفرصه
.
.............................................................................................................................
Mohamed
Hussein
15
نوفمبر 2016·
الأصل في السياسه
, الأصل في الثقافه , الأصل في الفكر , الأصل حتى في البحث العلمي , إن مفيش حاجه مطلقه
, يعني مفيش حاجه absolute .
.
الأصل في أبجديات
العقل البشري إن مفيش قدسيه لأشخاص , لا سياسي ولا عالم ولا شيخ و لا بتاع بليله ,
و الأصل في كل حاجه هي قاعده بتقول إن ربنا سبحانه و تعالى ماخلقشي لنا دماغنا دي عشان
تشيل النضاره و العمّه , و إن ربنا ماميّزشي البني أدم عن باقي المخلوقات بإنه بيعرف
يلبس بناطيل جينز و ساعة في إيده الشمال .
.
لو معاليك من
( طلاب العلم ) اللي غاويين قاعده قدام شيخ معين , الشيخ ده قالك إنه قري 3 ألاف كتاب
و إنه حفظ 17 مليون حديث و إنه حج بيت الله 400 مره , و جه مولانا الشيخ في حلقه من
حلقاته كده طقت في دماغه و قالك يا عبد الله لو شربت كاسين خمره عالريق و روحت رزعت
أمك قلمين ربنا هيحبك , عادي جدا انك تطلع عالمنبر و تجيبه من دقنه و تسيّق بيه بلاط
الجامع , هتعمل كده امتى ؟ لما تكون قاعد قدامه و عقلك و جمجمتك و دماغك معاك انت مش
معاه , يعني مفيش شيك على بياض و لا صك مسبق بإن مولاك الشيخ لا يأتيه الباطل من بين
يديه ولا من خلفه , طب لو مولاك الشيخ قالك روح اقتل جنود مصريين في سينا و احرق محولات
كهربا في الزقازيق و اهجم على كمين في بنها عشان نعرف نحرر القدس !! المفروض معاليك
كمواطن و عبد الله اللي عنده جمجمه تعمل ايه ؟! تسمع كلام مولاك الشيخ النصّاب ؟!
.
و لو معاليك بقى
من ( طلاب الثوره ) و قعدت قدام البرادعي و استربعت , فات عليك شهر و اتنين و سنه و
اتنين و شايفه بعينك ( و جمجمتك ) بيهبّل , و كل يوم تهبيله يزيد اكتر , عنف متبادل
بين جيش دوله و جماعه ارهابيه , مفيش حاجه اسمها مؤامره , المصالحه مع الارهابيين
, و جه واحد صاحبك أو اخوك قالك يا حماده الراجل ده بيهبل و يخرّف و يخون حتى أبجديات
العقل البشري , تقوله اسكت يا عدو الثوره , يا عدو الميدان , ده اسمه الثبات على المبدأ
يا جاهل .
.
الحقيقه ان حماده
مايفرقشي حاجه عن عبد الله , الإتنين ضحايا الشيوخ و الملالي , شيوخ السياسه و شيوخ
الدين, ضحايا النصب بإسم الله و رسوله و النصب بإسم الثوره و الشهداء , الإتنين ضحايا
الجهل و عبادة الأصنام .
........................................................................................................................
Mohamed
Hussein
14
نوفمبر 2016·
يا عم ابراهيم
, السيسي لا قال انه شاط البلانتي و جابه جون ولا قال انه كان واقف مكان الحضري , السيسي
بيشارك الناس فرحتها بالفوز بس , زيه زي أي مواطن , يعني لا تسييس ولا تفعيص .
.
السيسي لما كان
بيشكر كامل الوزير على انجازاته في المشاريع أو كان يقوله ( ربنا يعينكو ) مكانشي تسييس
لهيئة الطرق و الكباري , السيسي لما استضاف منى البنت المصريه المكافحه و فتح لها باب
العربيه مكانشي تسييس لهيئة الغلابه الجدعان , السيسي لما استضاف أبطال الأولمبياد
مكانشي تسييس لهيئة الاولمبياد و أتوبيسات شرق الدلتا , السيسي لما جمع الشباب و عمل
لهم مؤتمر و قعد يسمعهم مكانشي تسييس للشباب , الحاجات دي يا عم ابراهيم لها دلالات
رمزيه إسمها : الإهتمام , التقدير , المشاركه ,..... يعني : إرْفع علم مصر , اشتغل
و اجتهد , قول فكرتك و سمّعني .
.
مش عارف كده وجدانك
بقاله فتره مش عاجبني خالص , قالب على هاني شاكر , و بتستقر فيه حاجات غريبه يا جدع
, مابدل ماتصغّر نفسك و تقعد تهري في أي حماده زي أخوك لميس , ما تعتزل يا مولانا ؟
اعتزل عادي و الله و البس جلابيه بيضا مرحرحه و اقعد في بيتكو راقب أسراب القريدس و
هي بتحمي بيضها من هجمات السلطعون المتكرره , عشان المشرحه مش ناقصه قُتله .
....................................................................................................................
Mohamed
Hussein
14
نوفمبر 2016·
معركة خالتي لميس
.
خالتي لميس زعلانه
أوي من نزول المشير طنطاوي لميدان التحرير يوم 11/11 , و بتسأل هو نزل ليه ؟ و عايز
يقول ايه يعني و ايه الرساله ؟و بتقول كمان ان فيه ناس كتير زعلت من نزوله الميدان
!! .
.
عزيزتي خالتي لميس
, طنطاوي ده كان وزير دفاع مصر يعني قائد الجيش المصري , و في وقت من الأوقات كان بيحكم
مصر , و مش هو اللي سلم البلد للإخوان يا خالتي و لّا تحبو أجيب لكو سطر الجلاليب من
جوه ؟ .
.
عزيزتي خالتي لميس
, أه نزول طنطاوي للميدان هيزعل ناس , عارف أنا الناس دي , معاليكي و الجماعه الإرهابيه
و روكي و توتي و فوفو و سوسو اللي بقالهم 5 سنين قاعدين عالفيس و تويتر يعملو هاشتاجات
( و يعملو حواجبهم ) .
.
عزيزتي خالتي لميس
, اه نزول طنطاوي للميدان كام مقصود ( ده مش عم ابراهيم بتاع البليله ) , و أكيد كان
بعلم السيسي , و أه كان نزوله رساله , بس والنبي حاولي تصدقي ان الرساله مكانتشي ليكي
ولا للجماعه الإرهابيه ولا لروكي و توتي و فوفو , لأنكو أتفه من كده بكتير .
.
عزيزتي خالتي لميس
, كون انك بتأيدي الدوله و بتدعمي السيسي ف ده مش حُكْم عليا ولا حكم عالدوله ولا حكم
عالسيسي , يعني مش هيمنعني اني أنفخك انتي و بقية شلة الزلنطحيه اللي قرّبو ينزلو لنا
من الحنفيه .
.
الحكايه كلها يا
خالتي لميس إسمها الإفلاس , معاليكي أفلستي و جبتي جاز من بدري , ماهو ظهور عالهوا
كل يوم تقريبا و لمدة سنين طويله متصله شئ مرهق بدنيا و ذهنيا , و هييجي عليكي وقت
ماتلاقيش حاجه تهري فيها , بس انتي لازم ( تعبّي ) الهوا , أومال هتطلعي عالهوا تخرطي
بصل ؟ طب ليه لازم تعبي الهوا ؟ و ليه لازم تطلعي عالهوا ؟ عشان عندك معركه مؤمنه بيها
و بتتشحتفي عالغلابه و عايزه الخير لمصر و عندك أفكار عميقه و كده ؟ أقولك أحا واحده
ولا اتنين ؟! .
.
الحكايه يا خالتي
شهره و أضواء و سبوبه حلوه , و الخمسين ستين مليون اللي عملتيهم أخر 5 سنين يبقو
100 مليون لو كملتي سنتين تلاته كمان , و القصر يبقى قصرين و الأرض تبقى عشره و فيلا
الساحل تبقى تلاته , طب نهري في إيه بقى ؟ نهري في ايه ؟ ماهو مش معقول هنخرط بصل
, نهري في وزير الدفاع ولّا نهري في ثورة الجياع و لّا نهري في البتاع ؟! .
..............................................................................................................
Mohamed
Hussein
14
نوفمبر 2016·
مفردات فرحة المصريين
امبارح
.
- احنا كنا جعانين
و عطشانين و ( شرقانين ) للفرحه , بعد 5 سنين من الهري و الفرهده و الصداع و اللف في
دايره مقفوله من الفزلكه السياسيه .
.
- فرحة الشعب المصري
ملهاش مثيل ولا زي في أي بلد في الدنيا , و صداها بيوصل لأي حد و لأبعد مكان , حتى
لوسائل الإعلام العالميه .
.
- جماهير غانا
بعد الهزيمه لما شغّلو اغنية ( بشرة خير ) نسيو انهم خسرانين و انهم تقريبا ودّعو البطوله
و قعدو يرقصو و يفرحو معانا !! .
.
عصام الحضري رجع
تاني يطلع عالعارضه و يرقص , اهو الحضري ده أكتر واحد بيطمنني على نفسي و يحسسني اني
لسه صغير , عشان هو اكبر مني و لسه بيلعب كوره , و النبي ما تعتزل يا مولانا .
.
رغم ان الواد عبد
الله السعيد ده أهلاوي يعني من معسكر الأعداء بالنسبالي , بس و الله كنت عايز أنط جوه
الشاشه و ابوس راسه و أقوله ربنا يعمر بيتك و بيت اللي جابوك .
.
أول مره من سنين
طويله أشوف طارق حامد و هو بيضحك , عمري ماشوفته بيضحك و اتخيلت انه كده , هو كده
, ربنا خلقه كده .
.
كوبر من فرحته
نط بالبدله في حمام السباحه .
.
مفهوم الفرحه و
السعاده و الطاقه الإيجابيه هو شئ مهم جدا في حياة البشر , خصوصا حياتنا احنا كمصريين
, مانعرفشي نعيش من غيرها , الشعب اللي عاشق للنكته و الابتسامه حتى في أصعب لحظات
حياته , و لو ملقاش حد ينكّت عليه بينكّت على نفسه و يضحك .
.
طب هقولكو نكته
على نفسي , أيام ماكنت بتفرج على أفلام أجنبي , و حيث اني من زمان اوي و انا تركيزي
قليل جدا و ذاكرتي تحت الصفر و مش بعرف أحفظ ملامح الوشوش فكنت ايه بقى ؟ كنت بتفرج
عالفيلم بس بسيناريو مختلف خالص غير اللي انا شايفه بعيني , يعني غير السيناريو بتاع
المؤلف و المخرج و الأبطال , مثلا لو البطله جت في مشهد و غيرت تسريحة شعرها ولون الفستان
بتاعها و رجعت لبيت جوزها ( اللي هو البطل ) على طول هتلاقيني اتخيلتها واحده غيرها
, و دخلت بالسيناريو بتاعي في سكة تانيه و قلت البطل بيجيب نسوان في شقته , هو هيروح
من ربنا فين , دلوأتي مراته ترجع من شغلها و تطب عليهم و تقفشه متلبس و تعمله فضيحه
, أحسن أحسن , عشان يبطل فراغة عين .
.
و حالتين اتنين
بس كانو ممكن يخلوني أرجع للسيناريو الحقيقي في الفيلم ده و اعرف ان الست دي مراته
, الحاله الأولى ان يظهر زومبي في البيت أو دراكولا , طالما فيها دراكولا تبقى مراته
وانا كنت غلطان , او اني أشوفها واقفه في المطبخ بتجهز الغدا و بتكلمه و هي مش طايقه
نفسها , لا دي كده تبقى مراته .
........................................................................................................................
Mohamed
Hussein
14
نوفمبر 2016·
عبقري اللي شغّل
للجماهير في الإستاد أغنية بشرة خير بعد الماتش , أه و الله عبقري , ماهو يعني أصل
الفكره إنك لما تكون عارف ان المصريين بيفرحو بالإنتصار و بيفرحو كمان بالأغنيه دي
يبقى منطقي انك تكمل جميلك , و لما تكون عارف برضه إن فيه كائنات زومبيه بتتفرج و بتتحرق
بأي انتصار لمصر و أي فرحه للمصريين يبقى منطقي انك ماتسيبهمش محروقين نُص حَرْقه
, يا راجل شغّل لهم الأغنيه و كمّل جميلك .
....................................................................................................................................
Mohamed
Hussein
13
نوفمبر 2016·
منتخب مصر , تحت
إشراف الهيئه الهندسيه للقوات المسلحه .
................................................................................................................
Mohamed
Hussein
13
نوفمبر 2016·
في الخناقه اللذيذه
الممتعه بين خالد صلاح و باسم يوسف
.
الحقيقه و رأيي
يعني إن الواحد ممكن يتلخبط و هو بيلبس الجزمه بتاعته , يقوم يلبس الفرده اليمين في
الرجل الشمال و العكس , انما اللخبطه اللي ممكن تحصل دي مش بتنكر حقيقه ان اللي قدامك
عالأرض عباره عن فردتين جزمه !! , و الله يا مولانا في الحاله دي ما بتفرق مين فيهم
الفرده اليمين و مين الفرده الشمال .
.
خالد صلاح أرزقجي
سبوبجي بياكل على كل الموائد ( طب و النبي ينفع يكون قيادي في حزب النور ) , يعني في
النهايه بيشوف الفلوس و الدولارات هتجيله منين و تلاقيه راشق على طول , لا بيمثل اعلام
دوله ولا اعلام نيله , هقولك مثلا , لما اليوم السابع يجيب أي خبر عن اللي بيحصل في
سوريا هتعرف على طول ان ده إعلام طويل العمر !! و يقول جيش النظام و ميليشيات الأسد
و المعارضه السوريه المسلحه المعتدله , و يبقى خالد صلاح باقي له تكه واحده و يتقمص
شخصية الجبير و يكتب في نهاية الخبر ( بشار لازم يرحل ) .
.
باسم يوسف بقى
ده حبيب قلبي من جوه , كوميديان ساخر لما حنفية الفلوس و الشهره اتقفلت عليه اتحول
لأراجوز حقيقي , يعني يقلّب عيشه في أي مصلحه و أي سبوبه , و طبعا مفيش سبوبه أكتر
من انك تروح برجليك لحد أمريكا , يعني للمعلمه الكبيره, و تغرف من المنبع , و تمسك
ميكروفون و تلف في الشوارع و تعمل نوم العازب و عجين الفلاحه عشان ترضي ستك هيلاري
كلينتون , و تحاول تستخدم كل مواهبك ( الأراجوزيه ) في السخريه من دونالد ترامب , و
طبعا خرفانه يشوفوه بالشكل ده يقولو أكيد بيعمل عمل وطني و عظيم و نضالي و بطولي و
بيحقق أهداف ثورة يناير , أه راح يحقق أهداف الثوره و راجع على طول .
.
و طبعا بالنسبه
للفلوس اللي بيقولو إن خدها باسم يوسف في السبوبه دي فأنا بضم صوتي لصوته و بنكرها
جميعا ( بصوت مبارك ) , الراجل ماخدشي فلوس عشان يسافر أمريكا و يتفحت في شوارعها شهور
بالميكروفون لصالح هيلاري كلينتون , لا ده مستحيل , انتو بتفترو عليه , ده أكيد عمل
كده عشان هيلاري جت له في المنام و قالت له يا باسم أنا من أهل بيت سيدك النبي و عايزاك
تقف جنبي , يارب أبوك يحج , إلهي ما يغلّب لك وليه .
.
أه يا عم ماخدشي
فلوس ولا حاجه , احنا اللي بناخد فلوس عشان بنروح شغلنا و نفتح لابتوبنا و نكتب تحيا
مصر , يقوم السيسي يلف علينا نفر نفر و اللي يلاقيه بيقول تحيا مصر يديله فلوس , طب
لعلمكو بقى السيسي النهارده هيلف عالقهاوي الساعه 6 و اللي هيلاقيه بيشجع منتخب مصر
هيدّيله 50 دولار , أه محسن بيه لسه مكلّمني و قايلي الخبر ده حالا .
.......................................................................................................................
Mohamed
Hussein
13
نوفمبر 2016·
رأفت الهجان ,
الساحر , إعدام ميت , ابراهيم الأبيض , الكيف , الكيت كات , جري الوحوش , البرئ
...........رحم الله العملاق محمود عبد العزيز .
..................................................................................................................
Mohamed
Hussein
12
نوفمبر 2016·
بإذن الله هنفوز
على غانا بكره و نلبّها و نتصدر المجموعه , و لو لا قدر الله مافوزناش و اتلبّينا احنا
, مش مشكله , نبقى نقول إن الهزيمه الفارغه هي خير وسيله للتعبير عن الإنتصار السلمي
الحضاري .
.........................................................................................................................
Mohamed
Hussein
12
نوفمبر 2016·
دونالد ترامب
: اعتداء أمريكا على الأسد يهدد بصدام مع روسيا !! , و قال ترامب كمان ان أمريكا ماتعرفشي
مين هما الثوار السوريين اللي بتأيدهم أمريكا !! .
.
بصو بقى , هقول
لكو رأيي و قناعتي في نتيجة الإنتخابات الأمريكيه و فوز ترامب , متفائل جدا برغم :
.
1- متفائل برغم
إني عارف إن رؤساء أمريكا كلهم مايختلفوش كتير عن بعض إلا في شوية شكليات , يعني زيد
زي عبيد و احمد زي الحاج أحمد .
.
2 - كل رؤساء أمريكا
هما موظفين بدرجة رئيس بينفذو خطة طويلة الأجل معموله و ( معده ) مسبقا , و الحكايه
ماتزيدشي عن كونها توزيع أدوار .
.
3 - طب انا متفائل
ليه بقى ؟ هقولك أهو بس اصبر عليا .
.
4 - الخطه الامريكيه
للشرق الأوسط بتاعة اخر 5 سنين نجحت إلى حد كبير بالنسبالهم , يعني خراب دول و تدمير
جيوش و بنيه تحتيه , و بترول بقى البرميل عليه برمليلين هديه زي عروض البيتزا , و باعو
شوية سلاح حلوين , و الكيان الصهيوني اللي هو بنتهم المدلله بقى حاطط في بطنه شادر
بطيخه صيفي لمدة 100 سنه جايين .
.
5 - الخطه الأمريكيه
فشلت في مصر بس أو ماحققتش النجاح المطلوب , إنما معلش هي نجحت في دول كتير يعني تقدر
تقول جابت 70 % , و بأقل خساير ممكنه للأمريكان .
.
6 - هيلاري كلينتون
اللي هي ست الخرفان و ست الكولجيه و ست باسم و ست البرادعي أشرفت بشكل كامل على عملية
خراب و تخريب الشرق الأوسط في أخر 5 سنين و قتل مئات الألاف و تشريد الملايين , و بالتالي
مكانشي ينفع انها تفوز ( اه عندي تحفظ من هنا لحد اسكندريه على كل نتايج الإنتخابات
الأمريكيه في أخر عشرين تلاتين سنه ) , و برغم ان الأسماء اللي بتوصل للتصفيات النهائيه
عندهم بيبقو باستمرار عارفين دورهم و عارفين هيعملو ايه بالظبط , إلا ان اختيار شخص
معين في وقت معين بيكون له شوية وجاهه و منطق .
.
7 - يعني ايه الكلام
ده ؟ يعني اللي عك الدنيا في 5 سنين ده كان دوره المرسوم , و اللي بيعك ماينفعشي ينضّف
, التنضيف مش دوره , ده دور الدفّاس مش أبو دهشوم , عشان كده جابو ترامب .
.
8 - برضه ماقولتلناش
انت متفائل ليه و ازاي إذا كنت بتقول انهم نفس السحنه و نفس الشكل و نفس الخطه .
.
9 - مانا جايلك
في الكلام أهو , فترة التنضيف دي و لم التعابين هتاخد لها سنتين تلاته , في انتظار
جوله جديده من المخططات الأمريكيه للشرق الأوسط ( و لكوكب الأرض عموما ) , احنا بقى
في مصر محتاجين أوي السنتين تلاته دول , فترة كويسه أوي لالتقاط الأنفاس , الضغط المتواصل
من سنين هيخف شويه و مش بعيد تلاقي زياره من ترامب و شوية تصريحات حلوه من الخارجيه
الأمريكيه على كام تقرير عنب من مراكز حقوق الانسان هناك .
.
10 - يعني باختصار
, دونالد ترامب هو الحنفيه اللي أمريكا هتغسل ايديها فيها من دم 5 سنين فاتت , في الوقت
اللي أمريكا هتغسل فيها ايديها و تحاول تجميل وشها القبيح هنكون احنا وقفنا على رجلينا
شويه .
.
11 - الحاجه اللي
بستبعدها تماما هي ان أمريكا يصدر منها قرار واضح و صريح باعتبار الإخوان جماعه ارهابيه
, و تطرد قيادات الجماعه الارهابيه من أراضيها بشكل نهائي قاطع , لا مش للدرجادي يا
مولانا , محدش بيفرط بسهوله في ابنه ضناه اللي بيصرف عليه و يعلفه من 90 سنه , هي ممكن
تقول لهم اتلمو شويه لحد مانشوف هنعمل ايه , مش اكتر من كده .
..........................................................................................................
Mohamed
Hussein
12
نوفمبر 2016·
شوفت يا عم اللي
حصل ؟
- ايه خير , حصل
ايه ؟
.
بيقولك ضربو متظاهر
سلمي كيوت امبارح بالنار , و المتظاهر ده مات النهارده .
- أيوه بقى انا
كان قلبي حاسس , كان قلبي حاسس , نظام قمعي و فاشي , سيسي قاتل , بيقتلو المتظاهرين
السلميين في مصر , انتي فين يأ أمريكا تنقذينا , فين مراكز حقوق الانسان الأمريكيه
, فين الرئيس الأمريكي يشوف بنفسه اللي بيحصل عندنا , فين الضمير الأمريكي
.
هه يا حبيبي ,
خلصت ولا لسه ؟
- أه خلصت .
.
طيب بس انا مالحقتش
أكمل الخبر , المتظاهر السلمي الكيوت اللي انضرب بالنار امبارح و مات النهارده كان
في أمريكا .
.
إيه ؟!!!! .
- لا و لا حاجه
, بقولك ايه صحيح , تشتري شجرة توت بتمشي لوحدها ؟! .
.
ايه ده , مش فاهم
حاجه , شجرة توت ايه ؟
- أصلي مزنوق في
قرشين , و عندي في البلد شجرة توت لما بتعطش بتمشي لوحدها لحد الترعه تروح تشرب و ترجع
مكانها تاني , تشتريها ؟! .
.
انت أكيد بتهزر
, هو فيه حاجه في الدنيا اسمها شجرة توت بتمشي لوحدها ؟ .
- يعني يا جحش
هو فيه حاجه في الدنيا اسمها الضمير الأمريكي ؟! .
.....................................................................................................................
Mohamed
Hussein
11
نوفمبر 2016·
كده الماتش بتاع
11/11 خلص , و النتيجه كالعاده 22/0 لصالح الدولجيه , عمدان الخيمه , الناس اللي بيقولو
تحيا مصر حره , تحيا ألف مره .
.
بالنسبه بقى لحبايبنا
الخرفان بكل أنواعهم , خرفان الجزيره و خرفان خليفة المثليين و خرفان أيات عرابي و
توكل كرمان و خرفان معتز مطر و خرفان البرادعي و باسم يوسف , لو عايزين تبطلو ( خرفنه
) و ترجعو تاني تفكرو كبني ادمين , لو عايزين شوية عقل و شوية احساس و شوية كرامه و
شوية مسئوليه و شوية احترام للبلد اللي مستحمله غباوتكو بقالها سنين تعالو اتفضلو
, الباب مفتوح و عمره ماتقفل , أما لو عايزين تكملو في نفس غيط البرسيم اللي بترعو
فيه و تمأمأو و تنطحو يبقى معادنا الماتش الجاي , بس اعملو حسابكو , هنلاعبكو عالفانلات
, بلاش الكلمه التانيه .
.
كلمة شكر و احترام
و تقدير واجبه لكل رجالة الجيش و رجالة الشرطه من أصغر عسكري لأكبر رتبه , الرجاله
اللي بتعرف تأمّن و تحمي بلد مساحتها مليون كيلومتر مربع , مهما كان حجم الخطر أو حجم
المؤامره أو حجم الغباوه و الخرفنه .
.......................................................................................................................
Mohamed
Hussein
11
نوفمبر 2016·
تعالى يابني انت
ياللي بتقول احنا كنا جاهزين للنزول بس مانزلناش عشان الدبابات ماليه الشوارع و كان
هيبقى فيه بحر دم و طرطشه و كده , اه طبعا طبعا , تعالى بقى اقف هنا .
.
و انت يابني ياللي
بتقول احنا ماكناش نازلين أصلا من البدايه و الحكايه دي كنا عاملينها حركه كده بس
, و ضحكنا عليكو و خسرناكو شوية ملايين , اه طبعا طبعا , تعالى اقف جنب اخوك هنا .
.
وانت يا حبيبي
ياللي بتقول احنا نزلنا بالملايين و الجحافل و قفلنا الشوارع و الميادين , اومااااال
, طبعا طبعا , تعالى اقف جنب خواتك .
.
وانت يا ضنايا
ياللي بتقول ان يوم 11/11 ده شغل مخابرات و احنا مانعرفش عنه اي حاجه , اه طبعا طبعا
, تعالى اقف معاهم
.
و انت يا عصام
يا حبيبي ياللي بتقول ان الشوارع الفاضيه دي كانت افضل طريقه للتعبير السلمي , طبعا
طبعا , تعالى اقف جنبهم .
.
بصو بقى , انتو
هتدخلو انتو الخمسه لوحدكو في الأوضه الفاضيه اللي هناك دي , و هقفل عليكو من بره أد
ساعة زمن , كل واحد فيكو بقى يحاول يقنع الأربعه الباقيين بكلامه و وجهة نظرة عن اللي
حصل النهارده , و اللي مايقتنعش يقلّع اللي بيتكلم ملط , و بعد ساعه هفتح عليكو , كلمة
شرف لو لقيت حد منكو لسه لابس هدومه و لو شخص واحد هبطّل أقول عليكو خرفان .
................................................................................................................................
Mohamed
Hussein
11
نوفمبر 2016·
بيقولك يا سيدي
, مره واحد غاب عن مراته 6 شهور و بعدين رجع لقاها حامل في الشهر الرابع , الراجل اتجنن
و ركبه 100 عفريت و قالها حصل ازاي كده ؟ انطقي يا وليه بدل ماجيب أجلك , قالت له اهدى
شويه يا بيبي , ريلاكس مش كده , قال لها اهدى ايه و زفت ايه بقولك انطقي دلوأتي حالا
, قالت له : مش انت عارف ان الشوارع الفارغه هي خير وسيله للتعبير السلمي الحضاري ؟
قال لها أه عارف طبعا , قالت له طيب يبقى وجودك جنبي مش ضروري أبدا لحدوث الحمل , يكفي
الهدوء و الفراغ و العمق في الفكره و اسمع أغنيتين لفيروز و ابقى حامل على طول , قال
لها تصدقي معاكي حق , انا ظلمتك , أسف جدا يا حياتي .
......................................................................................................................
Mohamed
Hussein
11
نوفمبر 2016·
عصام حجي : لنجعل
الشوارع الفارغه خير وسيله لتعبيرنا السلمي !! .
.
أه طبعا , الشوارع
الفارغه هي خير وسيله للتعبير السلمي , دي نظريه معروفه و الأمريكان هيدرّسوها لأولادهم
في المدارس , نظرية ( الشوارع الفارغه و التغيير السلمي ) , طب لعلمكو بقى , صمت الإنسان
هو أكبر دليل على إنه متحدث لبق جدا و إنه ( مرمنط ) في الكلام !! .
.
أنا مرّه رجعت
البيت و كنت جعان أوي , قلت لمراتي هاتي الغدا بسرعه , قامت جابت صينيه عليها 4 أطباق
كلهم فاضيين , و سابتني بتاع ربع ساعه كده و رجعت قالت لي يارب تكون شبعت , قلت لها
الحمد لله شبعت جدا , تسلم إيديكي , دانا عمري ما كلت أكل أطعم من كده , و قمت بقى
غسلت إيدي و بؤي و جبت كيس فوار فواكه على نص كوباية مايه , عشان أهضم طبعا , و بعد
شويه سالتني : شبعت ازاي مع إن الاطباق كانت فاضيه ؟ قلت لها : هو انتي مش عارفه ان
الشوارع الفارغه خير وسيله للتعبير السلمي ؟
.
طب بذمتكو و النبي
لما واحد زي عصام حجي يدخل فريق رئاسي أومال مين يدخل السرايا الصفرا ؟!! .
..........................................................................................................................
Mohamed
Hussein
11
نوفمبر 2016·
و بس يا سيدي
, الحكومه اترعبت و رُكبها خبطت في بعض قامت قفلت الفيس بوك و تويتر و سكايب و الواتس
أب و صفحة مدام سونيا العاشقه , و قطعت الإتصالات و النت و الكهربا و الهوا والمايه
و الكاكولا , و جحافل الجماعه الإرهابيه قصدي جحافل الثوار نزلو و احتلو الشوارع و
الميادين و سيطرو على تمثال ابراهيم باشا أبو إصبع , و شالو السيسي و جابو أيات عرابي
و مصطفى النجار أبو سداغ عشان يحكمو مصر , و حصلت شوية مناوشات كده بين أنصار أيات
عرابي و أنصار مصطفى النجار , في اللحظه دي تدخّل ( المناضل ) عبد المنعم أبو الفتوح
و قال لهم يا جماعة الخير يا جماعة الخير , الحاجه أيات ( بتاعة الدندو ) تحكم مصر
سبت و اتنين و اربع و الحاج مصطفى ( بتاع مكالمة عبد الرحمن القرضاوي ) يحكم حد و تلات
و خميس , و لسه مجتمعين بقى عشان يشوفو مين هيحكم مصر يوم الجمعه , وفيه طراطيش كلام
من مصادر ( رفضت الكشف عن اسمها ) بتقول انهم بيفاضلو بين 3 أسماء , أحمد المغير و
رشا العزب و الحاجه أم سندس , المشكله بقى اللي هما مش حاسين بيها ولا مدركين عواقبها
, المشكله انهم استبعدو اسم سواق التوكتوك الشهير من رئاسة مصر و لو ساعتين زمن في
وقت العصاري , و بالتأكيد سواقين التكاتك مش هيسكتو .
...............................................................................................................................
Mohamed
Hussein
11
نوفمبر 2016·
نقول عاشر
.
بريطانيا دوله
استعماريه , أمريكا دوله استعماريه , تركيا دوله استعماريه , قطر مجرد الفار اللي مسرحينه
في ( الغيط ) العربي , هي دي الدول الأربعه اللي بتأوي الإرهابيين و الصيع و بتصرف
عليهم و تفتح لهم قنوات و جرايد عشان يشتغلو 24 ساعه في تشويه مصر و جيشها , و وقت
اللزوم يقولو لك انزل بقى يا حماده و اعمل ثوره !! .
.
لا الشيطان عمره
كان بيبيع سبح و مقطع حصر الجامع , ولا الحدايه عمرها كانت بترمي كتاكيت , ولا محور
الشر هتشوف منه خير .
.
دولجيه ايه يا
حمار و سيساويه ايه ؟ احنا عمود الخيمه اللي بنحافظ على بيتك يا أغبى مخاليق ربنا
.
.................................................................................................................
ليست هناك تعليقات:
إرسال تعليق