Mohamed
Hussein
25
نوفمبر 2016·
عزيزي المتدين
.............. والنبي حاول تهدى شويه .
.
- ممكن تشمت في
حرايق الكيان الصهيوني و انا هشمت معاك و الله , الهي يارب تتحرق اسرائيل بجاز وسخ
كلها على بعضها ............ تمام كده ؟ هتهدى شويه ولا ايه عشان نكمل كلامنا ؟ .
.
- لما كتبت امبارح
عن الحرايق دي ماكنتش بقصد ( اننا مانشمتش ) , ياخويا اشمت و ادعي , كان كل قصدي اننا
مانربطشي حادث معين بموقف معين , يعني مانقولشي الحرايق دي حصلت عشان ربنا غضبان عليهم
بقى بسبب موضوع الأدان و كده ..... اهدى و اصبر بس , هقولك خمس ست حاجات .
.
1- لو انت زي حالاتي
مؤمن بإن الكيان الصهيوني ده كيان مغتصب و ان الأرض دي أرض عربيه يبقى لازم تتأكد إن
اللي بتتحرق حاليا هي غابات العرب أو غابات فلسطين عشان مفيش حاجه اسمها اسرائيل (
إن عاجلا أو أجلا ) , يبقى ربنا بيعاقب مين
؟!
.
2- ربنا سبحانه
و تعالى لما بيغضب على قوم و بيحب ينتقم منهم انتقام دنيوي مش بيحرق شوية شجر و غابات
( تقريبا مفيش ولا صهيوني مات في الليله دي ) ,, اقرا في القرأن و اعرف ربنا لما بيغضب
على قوم و بيقرر انه يخسف بيهم الأرض بيعمل ايه , دي بتبقى معجنه يا معلم .
.
3- فيه احتمالات
كتير و شواهد بتقول ان الغابات دي اتحرقت بشكل متعمد لغرض ما , يعني الكيان الصهيوني
نفسه اللي عمل الحرايق ( هتبررها ازاي دي يا مولانا و هتربطها ازاي بحكاية الأدان ؟
هتقول لربنا ايه بقى ؟ ) , عموما حتى الغرض اللي ممكن يخلي الموضوع مقصود عمدا هو اكتر
من احتمال , و كلها احتمالات كارثيه بالصلاه كده على سيدنا النبي .
.
4- يعني احتمال
حرق الأرض لأغراض معينه استيطانيه , و احتمال الحرايق مع طلب طيارات اطفاء من كذا دوله
و الهوجه دي تكون لأغراض أنيل , مش قلت لك تبقى تهدى شويه ؟! .
.
5- اجمالا و بصفه عامه , انت مش هتدخل الجنه ولا النار
عشان بتربط بين الحوادث و بين غضب ربنا و رضاه , بالعكس , ياريت ماتربطش عشان مانقعشي
في حيص بيص .
.
6- و أخيرا عايز
أقولك , أعظم نعمه ربنا أنعم بيها علينا هي
العقل , و أعظم طريقه لشكر ربنا على نعمته هي التفكير ( يعني استخدام النعمه ) , و
أول قواعد التفكير بتقول انك ماتقحمشي رب العزه في حاجات و مواقف بنقيسها بمقاييس عقولنا الأدميه المحدوده ( وما خفي كان
أعظم ) ....... يارب تكون الناس فهمت .
..............................................................................................................................
Mohamed
Hussein
25 نوفمبر
2016•
بقالي شهر عايز
أحلق شعري و مكسل , لما شكلي بقى عامل زي الممثلين اللي بيطلعو في دور يهود قريش في
المسلسلات الدينيه , مش ناقصني غير بتاعة كده
تكون مليانه خمره و ورك معزه مشويه عالسيخ أمسكه في إيدي واضحك بصوت عالي مجسّم ثلاثي
الأبعاد , واقعد بقى طول النهار أسكر و استنى قافلة أبو سفيان تعدّي من قدامي في الشارع
عشان أهجم عليها , يابني سبراي ايه و سيلف
ديفينس ايه بس اللي ههجم بيه ؟ لازم سيف ,
بقولك ههجم على قافلة أبوسفيان مش عربية مدام شيرين
.
....................................................................................................................................
ليست هناك تعليقات:
إرسال تعليق