Mohamed
Hussein
25
أكتوبر 2016·
حدوته اسمها الغاليه
.
الام اللي تلم
ولادها حواليها و تعلمهم ازاي يحبو بعض و يقسمو اللقمه بينهم مهما كبرو ...الام اللي
كلمتها حضن و حضنها دفا ...الام دي تبقى حدوته .. بس الحدوته خلصت .
رحمة ربنا عليكي
يا حبيبتي .
..................................................................................................................
Mohamed
Hussein
23
أكتوبر 2016·
(
الرجاله ) بعد ما حسو انهم هيقلعو ملط في 11/11 و هيتعلّقو على حبال الغسيل بمشبكين
زي اللامؤاخذه اللباس , رجعو و قالو احنا مانعرفش حاجه عن اليوم ده و محدش دعى للتظاهر
, و الترويج جاي من النظام و الدوله و الإعلام و الأجهزه الأمنيه , اه فهمت فهمت ,
يعني السيسي بيعمل حشد , و هيجيب شوية عساكر امن مركزي و يلبسهم لبس غلابه و هدوم مقطعه
و يخليهم يهتفو ضده و لو نجحو انهم يشيلوه يديهم مكافئه , فكرة وجيهه برضه
.
يابني تعبت قلبي
معاك , لما تكون مابتعرفش قول مابعرفش , مش عيب والله انك تقول مابعرفش , مش تقعد تقضيها
لسان و كلام و فنجرة بؤ , ماياما ناس مابتعرفش و عايشه عادي , بس ماينفعش يعني تكون
مابتعرفش و كل ماتشوف وش خطيبتك تقولها دانا هقطعك في ليلة الدُخله ( و كل شهرين تقول
هنعمل ثوره ) , أهو لسانك ده اللي جايبلك الكافيه .
...........................................................................................................................
Mohamed
Hussein
23
أكتوبر 2016·
إمتى البني أدم
يوصل لأقصى درجات البؤس ؟ لما يحس انه مفلس تماما و إنه ولا حاجه و بعد شويه يحس انه
مجرد حشره , و بعد مايبقى مجرد حشره يبدأ بقى يدوّر على أي حاجه قويه ( بالنسباله
) عشان يتشعلق فيها , زي مثلا الكولجي اللي وصل لمرحلة انه ولا حاجه و بعدين مرحلة
الحشره و بعدين اتشعلق في توب سواق توكتوك !! و بقى بيستمد قوته من سواق التوكتوك
.
.
الكولجي في الحاله
دي وصل لسابع طبقه من طبقات أرض البؤس , اللي هي مفيش بعد منها حاجه , و بالتالي كل
تصرفاته بتبقى مقبوله في الحاله دي , يعني مثلا يجيب صورة واحد مقتول من سنه فيه شبه
من سواق التوكتوك ( الأيقونه ) و يقول السيسي و الجيش و المخابرات و الشرطه خافو من
سواق التكتوك و قتلوه !! و هاتك يا لايك و شير بقى .
.
بقي السيسي اللي
بقاله 3 سنين واقف زي اللقمه في زور الأمريكان و البريطانيين و الصهاينه و الأتراك
بإعلامهم و أسلحتهم و فلوسهم و خرفانهم , بقى السيسي اللي لم قيادات جماعه ارهابيه
عمرها 90 سنه و داس على دماغهم بجزمته هيخاف و يعمل حساب لسواق التوكتوك ؟!! .
.
الحكايه دي لها
تفسير منطقي , إن الحشره الصغيره أكيد أكيد لما بتقابل صرصار في الشارع بتعتقد انها
قدام بطل و سوبر هيرو , لأن الصرصار بالنسبالها كبير جدا و قيمه ( و قامه ) , زي صاحبنا
الكولجي كده لما قابل سواق التكتوك .
.
هه يا حبيبي ؟
اتطمنت على صحة سواق التوكتوك الأيقونه ؟ قالك انه بخير ؟ طيب يارب تعرف تنام بقى بالليل
و دمعتك تنشف من على خدك , بقولك ايه صحيح , ماتعملو حزب سياسي و تجيب صاحبك الأيقونه
ده يبقى زعيم للحزب , مش جايز تنجحو في الانتخابات البرلمانيه اللي جايه و تاخدو 3
كراسي ( و كرسي صغير جنب السواق ) و تفرحو و تقعدو تعملو خمسات بالتكاتك قدام البرلمان
؟! .
.....................................................................................................................
Mohamed
Hussein
22
أكتوبر 2016·
توكل كرمان بتعلق
على خبر ان المحكمه حكمت على مرسي النهارده ب 20 سنه سجن , و بتقول مانديلا العرب في
السجون !! .
.
الحقيقه انا توقفت
طويلا و كثيرا و مديدا و حثيثا قدام جملة ( مانديلا العرب ) دي و قلبتها يمين و شمال
و حاولت أبلعها أو ألاقي تعليق يليق بيها يكون أقل من +18 مالقيتشي ( و إلا هضطر أقلع
لهم البنطلون بقى ) .
.
رمضان بطيخه بقى
مون أمور , واحد كان اخره في الحياه انه يشيل شنطة المرشد أو جزمته , و كل معلوماته
عن النضال انه كان بيطلع مع الإخوان فرقه كشافه و يلعبو كوره في أي جُرن فاضي , و يوم
ماتسجن اتسجن عشان بيسرّب وثائق الدوله السريه و يبيعها لقطر بنت الوسخه ( دي واحده
من التهم ) أو عشان كان بيشرف على عمليات قتل و تعذيب جنب قصر الرئاسه !! , يعني تهم
أقذر من انه يكون شغال في الدعاره أو اتقفش في حفلة شذوذ جنسي , و في الأخر يتقال عليه
مانديلا ؟!! انت اتمرمنطت معانا والله يا عم الحاج مانديلا , أه و عهد الله اتمرمنطت
.
عموما , لما واحده
مقشفه و معفنه زي توكل كرمان تقول من يومين السيسي لازم يرحل و تتخيل انها تقدر تحرّك
شعره واحده من شعر عبد الفتاح السيسي , و هي أصلا ماتقدرش تحرك طفاية السجاير دي من
قدامي , يبقى لازم تقول على مرسي مانديلا العرب , العقليه الإخوانجيه الضاني هي هي
في أي وقت و في أي مكان في العالم , و تروح أجيال و تيجي أجيال و يفضل الإخوانجي من
دول لابس جلابيه و تحتها بنطلون ترينينج و شبشب في رجليه و قاعد في مندره بيتهم بيحلم
بأستاذيه العالم .
........................................................................................................................
Mohamed
Hussein
22
أكتوبر 2016·
تنبيه هام لكل
أصدقائي الأعزاء
.
الصفحات بتاعة
( المُحن الإسلامي ) , اللي هي تلاقيها طول النهار و الليل أيات قرأنيه و أدعيه و حكم
و مواعظ و أحاديث نبويه و شحتفه و صلاة المغرب يا طيبين , مع شوية تنميه بشريه حلوين
و في أوقات فراغها يقولو لك : صلي على سيدنا النبي !! .
.
الصفحات دي باختصار
هي صفحات ضاني , صفحات خرفانيه إرهابيه متنكره , و الأيات و الأدعيه و الأحاديث ماهي
الا السلعه اللي بيجرو بيها رجل الزبون ( أقسم بالله اللي هيقولي معقوله بيتاجرو بدين
ربنا ؟ ماله عندي غير الجزمه ) , المهم بقى وقت الجد و في وسط ماهتحس انك قاعد في جامع
كده يقوم رامي لك البوست إياه , اللي هو الإشاعه اللي ممكن يكون فيها تحريض ضد دولتك
بالكامل ( زي الصفحه اللي هحطها في أول كومينت ) .
.
أصدقائي الغاليين
, وعهد الله ديننا الإسلامي ماهو كيميا , ولا لوغاريتمات ولا محتاج يتعمله صفحات و
أدامن يعلّموك عن بُعد , صلّي 5 مرات في اليوم و لو مابتعرفش تصلي شوف اللي جنبك في
الجامع بيصلي ازاي و اسأله و اعمل زيه , و صوم شهر رمضان و بر أبوك و أمك و عامل الناس
كويس و ماتسرقشي ولا تقتل ولا تكدب ولا تزني ولا تشهد زور , وياسيدي لما تحب تصلي عالنبي
صلي عالنبي من غير ماحد يقولك , و سبح ربنا على ايدك مش مهم تجيلك رساله في الأوزرس
.
.
اه بالمناسبه
, لو حضرتك لقيت بوست مكتوب فيه صلي عالنبي و ماعملتش لايك مش هتروح النار ولا حاجه
ولا فيه سلعوه هتطلع لك بالليل وانت نايم ولا ربنا هيسخطك قرد .
.................................................................................................................
Mohamed
Hussein
22
أكتوبر 2016·
على فكره
.
قبل 30 يونيو
2013 كانت قيادات الجماعه الإرهابيه منتشرين في كل ربوع مصر , و في كل الوزارات و المصالح
, و طبعا عندهم مخابئ و أماكن سريه و مخازن أسلحه و حراسات خاصه و مليارات الدولارات
, المهم في 30 يونيو الجيش لمّهم في ساعتين زمن .
.
هو انا عايز أقولك
ايه ؟ عايز اقولك ان الدوله المصريه تقدر تصفّي كل قيادات الجماعه الارهابيه اللي جوه
مصر و ( حتى اللي هربو بره مصر ) , في نفس المده برضه , ساعتين زمن , سواء بأحكام إعدام
أو بتصفيه مباشره , ده القرار المؤجل باستمرار في عقل عبد الفتاح السيسي , مؤجل ليه
؟ عشان ببساطه شديده لو عملت كده تبقى أعلنت بصفه رسميه و مباشرة دخولك في حرب ضد التحالف
الأمريكي البريطاني الصهيوني , يعني تاني يوم هتلاقي البوارج الأمريكيه على شواطئ اسكندريه
, ماهو الأمريكان مش هيسمحولك انك تغتال كلابهم و يسيبوك بالساهل , دي تبقى فرصه حلوه
, فرصه هايله لمحاولة كسر و تدمير الجيش المصري بحرب مباشره , بعد ما فشلت حدوتة الإرهاب
, يعني الفرصه اللي مستنيها تحالف الشيطان , و غالبا الليله دي هتكمل بحرب عالميه
.
.
أغبى مقارنه ممكن
أشوفها , هي مقارنة مصر بتركيا , هي مقارنة النقيضين , مقارنة دوله تمنّعت على أمريكا
و قلبت عليها الترابيزه تحديدا في يونيو 2013 بدوله قاعده على حجر أمريكا والناتو من
عشرات السنين و معاها جرين لاين مفتوح عالبحري .
.
رحم الله الشهيد
عادل رجائي , مصر بتتوضى بدم ولادها الأبطال , مطلوب شوية صبر يا مصريين , لحظة الحسم
جايه جايه , بس في وقتها , لما نبقى جاهزين .
........................................................................................................................
ليست هناك تعليقات:
إرسال تعليق