Mohamed
Hussein
13
أكتوبر 2016·
ياخي العلاقات
بين الشعبين المصري و السعودي تحسها قوية جدا و متينه و راسخه و ممتده في أعماق التاريخ
, عشان كده تلاقيهم مع أول موقف بسيط أو تاتش أو نكشه ( أو حتى دنشه ) تلاقيهم نزلو
طحن في بعض على طول , و كراسي تتخبط من هنا و كراسي من هنا و كأن الناس كانت مجهزه
بوستاتها و مقالاتها و شتايمها و الموضوع كله متوقف على إنك تدوس زرار إنتر , علاقات
متينه أهي , متينه متينه يعني مش أي كلام , حد لسه عايز علاقات متينه ؟ الأستاذ اللي
ورا خدت متينه ولا ملكش في السمين ؟! .
.
الغريبه ان في
ال 5 سنين اللي فاتو مش هتلاقي مواطن عربي واحد ماشتمشي و لعن كل الدول العربيه ( بما
فيها دولته أحيانا ) , و في نفس ال 5 سنين مش هتلاقي مواطن عربي واحد افتكر انه يشتم
اسرائيل أو يجرح شعورها بكلمتين , ياكشي حتى في المناسبات و المولد النبوي و عاشورا
.
.
أيها الساده العرب
, دمتم موكوسين .
.............................................................................................................
Mohamed
Hussein
13
أكتوبر 2016·
عجله ورا ياسطي
.
الحمد لله , كده
حصل تطور نوعي في الحدوته , من ( مره كنت راكب مع سواق ميكروباص و طلع بيفهم و خبير
في كل حاجه وقال الأيام الجايه سوده ) ل مره كنت جايب سواق توكتوك في البرنامج و طلع
برضه بيفهم و برضه خبير في كل حاجه و برضه شايف إن الأيام الجايه سوده , طب كده تاهت
و لقيناها , احنا مش محتاجين حكومة رجال أعمال ولا حكومة ساسه و لا حكومة تكنوقراط
, احنا محتاجين حكومة توكتوباصات ( يعني نصها سواقين تكاتك و نصها سواقين ميكروباصات
) , عجله ورا ياسطى و النبي .
.
ايه اللي هيحصل
في 11 نوفمبر ؟ ولا أي حاجه , يعني ولا الهوا , زيه زي أي يوم قالو هننزل فيه و نزنزن
الزنازين , الحكايه دي اتكررت 17 مره في ال 3 سنين اللي فاتت , أوباما عارف إنه مش
هيحصل أي حاجه , و قيادات الخرفان عارفين و قيادات الكولجيه عارفين و عمرو الليثي عارف
, الخرفان مش عارفين عشان بيمشو بطريقة القطيع , و الكولجيه مش عارفين عشان بيمشو بطريقة
( اركبني شكرا ) .
.
طب لما مفيش حاجه
هتحصل ليه بقى العك و المعجنه بتوع كل مره ؟ عشان هو ده المطلوب , عيار مايصيبش بس
هيدوش , مطلوب ان بلدك باستمرار تفضل على صفيح ساخن , مش مطلوب انك تهدى خالص , إشاعات
ورا اشاعات , و دعوات ورا دعوات , و الترجمه في كل مره تبقى بلد غير مستقره سياسيا
ولا أمنيا .
.
أنا ايه موقفي
بقى ؟ أنا يا مولانا على دين دولتي , أنا شبهها في العقل و الملامح , لو الدولار بقى
بمليون جنيه و هاكل قش أنا و عيالي انا راضي , عشان الحكايه لا لها علاقه بسوء إداره
ولا بسوق التلات , بلدي بتحارب يبقى هحارب معاها , بلدي بيتلوي دراعها يبقى دراعي يتلوي
قبلها , بلدي بتدفع تمن مواقفها و ثوابتها يبقى هدفع معاها التمن , بلدي رافضه انها
تركع أو تنحني يبقى لا هركع ولا هنحني .
.
البديل بالنسبالي
و ببساطه شديده و هو جيش يتقسّم و يبقى ميلشيات , و بلد تتحرق و شوية إرهابيين يحكمونا
, و نبعت جنودنا يقتلو في خلق الله في سوريا و اليمن , ونبقى مش لاقيين لا الدولار
ولا الجنيه , و في النهايه مصير مصر يقرره الروس و الأمريكان في أوضه مكيفه في مبني
مجلس الأمن , و اللي هيفضل عايش مننا يبقى قاعد في مخيم لاجئين على حدود السودان مثلا
و حاطط ايده على خده و مستني كبارات العالم يوقفو الحرب عشان نعرف نلم أشلائنا و لحمنا
.
...................................................................................................................
Mohamed
Hussein
12
أكتوبر 2016·
و على سبيل الحسره
و الندامه و الحاجات دي كلها , عمرو دياب أكبر مني ب 15 سنه , و مع ذلك لو قابلني في
الشارع هيقولي يا عمو , الغريبه بقى اني هلاقي كلمة عمو منطقيه جدا منه و هقوله من
غير تردد , نعم يا روح عمو .
.
أجل يا سيدي ,
لقد أخذ مننا الزمان طبقات و راقات , يعني LAYERS
بالإنجليزي , المشكله انه أخدها و مرجعهاش تاني , هو اللي بيروح عند
الزمان بيرجع تاني يا لمبي ؟! .
......................................................................................................................
Mohamed
Hussein
12
أكتوبر 2016·
بوتين لغى زيارته
لفرنسا , و بيطالب المسئولين الروس في أوروبا بالعوده إلى موسكو خشية اندلاع حرب عالميه
أصبحت وشيكه .
.
تفتكرو الزمالك
ممكن يفوز ببطولة أفريقيا و منتخب مصر يوصل كاس العالم قبل ماتقوم الحرب العالميه دي
و لّا احنا هيفضل النحس كده ملازمنا زي الأتب ؟ طب انا كنت عايز أروح أعمل صيانه للعربيه
و أغيّر الفلاتر و البواجي و السيور و الحاجات دي , بقول أستنى شويه لما نشوف الدنيا
هترسى على ايه , فكره حلوه برضه , لو استشعرت الخطر هلغي فكرة صيانة العربيه و اروح
اشتري بالفلوس دي سجاير و برطمانات نسكافيه ( المخزون الاستراتيجي بتاعي ) , أهو الواحد
يبقى قاعد بيتفرج عالحرب العالميه و يعرف يفكر بقى و يمخمخ .
.
طب بالنوسبه يعني
للربيع العربي و ثورة يناير و دموع وائل غنيم و تأتأة منى الشاذلي و تويتات البرادعي
و كده ؟ ياض اسكت ياض بدل مافتح قاموس الأباحه و أسمّعلك من أول الصفحات ال +18 .
.........................................................................................................................
Mohamed
Hussein
12
أكتوبر 2016·
هنلبس جلابية مين
؟!
.
بحب المعارضه المصريه
, بحبها من قلبي , بعشق عينيها و غمازاتها و ضفايرها و شعرها الحرير , مش بس المعارضه
اللي بتقول عالإرهابيين فصيل وطني و عالإرهاب حرية رأي , لأ دانا كمان بحب شوية ( و
بقايا ) اليساريين اللي بيتبرأو من الإرهاب إنما تلاقي عندهم حلول في منتهى العمق الجواني
الأقحواني لمشاكلنا و مشاكل كوكب الأرض و المجموعه الشمسيه , زي مولانا اللي ظهر في
الفيديو مع عمرو أديب .
.
ايه الحلاوه دي
يا عم الحاج , ايه الجمال ده ؟ أكادُ من فرطِ الجمالِ أبيض !! , بقى نقولك مصر و حرب
شامله على كل المستويات و لوي دراع من كل ناحيه , حتى الحليف مبقاش حليف أوي و بقى
عايز تمن شراكته , مفيش صاحب بيتصاحب , و إرهاب و سياحه بتنضرب و دول اختفت من حواليك
, و مخطط شامل متكامل الأركان تقولي لولا دا سيلفا و البرازيل , ( لولا ) دا سيلفا
يا مولانا ؟ والله ( لولا ) اني متربي و بمسك لساني كنت سمّعتك من المنقي خيار .
.
اقعدو على جنب
يا بني أدمين , اللي عايز يتكلم في حل أزمه يتكلم بفهم و دراية شامله لسبب الأزمه
, مصر مش البرازيل ولا ماليزيا , و مشكلتنا الحاليه ماتشبهشي أي تجربه حضرتك عرفتها
أو قريت عنها , يعني لا ينفع نلبس جلابية لولا دا سيلفا ولا جلابية مهاتير محمد ولا
حتى جلابية عبد الغفور البرعي .
.
يقيني التام و
قناعتي إن عبد الفتاح السيسي معموله ( خطة اشغال ) في الملفات الخارجيه , قضايا ماينفعش
نخلع منها , ليبيا و سوريا و سد النهضه و علاقتنا بالسعوديه و بروسيا , و كلاب السكك
اللي زي تركيا و قطر , و طبعا أسيادهم الصهاينه و الأمريكان و البريطانيين .
.
الملف الإقتصادي
لازم تمسكه الحكومه بشكل صح و كامل , و مش مهم تغيير اسم رئيس الوزراء الحالي , كلهم
زي بعض , المهم تغيير الدماغ , الراجل ده محتاج مستشار واحد يكون ابن حرام مصفي و دماغه
سم , مستشار يجيب ورقه و قلم و يحط كل أسباب الازمه في نفس الورقه بما فيها الأسباب
الخارجيه و لوي الدراع و الإرهاب و الفساد المتراكم و ترهل الجهاز الحكومي و الدعم
و ثقافتنا الشرائيه و السلع الإستفزازيه اللي بنستوردها , و بعدين يضرب الكلام ده كله
في دماغه ( ضربا مبرحا ) , و يحفظه و يفهمه و يدرسه , و يطلع لنا برؤيا شامله متكامله
للخروج من الأزمه , يعني يفصّل لنا جلابيه تناسب الموقف و الحاله و الوضع الشامل ,
و مايكونشي أوله و أخره زي صاحبنا إياه اللي ظهر في الفيديو , بتاع لولا دا سيلفا
.
...............................................................................................................
Mohamed
Hussein
11
أكتوبر 2016·
الحكايه مش عركه
في خماره , ولا ينفع العلاقات المصريه السعوديه تتحول عند الشعبين لتبادل الشتايم و
تبقى مسابقه بقى مين هيشتم التاني اكتر و مين هيقول ألفاظ أكتر وقاحه .
.
السعوديه وقفت
جنب مصر في 30 يونيو ؟ أه طبعا , ساعدتنا في وقت صعب ؟ أكيد , استخدمت نفوذها السياسي
و الأقتصادي في إعادة جزء من علاقات مصر الخارجيه ؟ حصل يا فندم , طيب متشكرين يا طويل
العمر , متشكرين يا رجاله .
.
مصر بيتلوي دراعها
بقى ؟ لا طبعا , ينفع تساوم على موقف سياسي بالبترول ؟ لا طبعا حركة زي الهباب ولا
تليق , مصر هتغير قناعاتها و مبادئها في ملفات زي سوريا وليبيا ؟ لا مستحيل , يعني
هنموت من الجوع و هننام في الضلمه ؟ لا عمرنا موتنا من الجوع ولا عمر أنوار القاهره
انطفت .
.
شخصيا بقى و عالمستوى
الشخصي مفيش جوايا أي خوف على مستقبل مصر , حتى لو شوفت بعنيا البوارج الأمريكيه على
شواطئ اسكندريه , مش هيحصل لنا اكتر من اللي حصل في ال 5 سنين اللي فاتت , احنا تقريبا
كده عودنا اتعصر عصر , و مع ذلك لا انكسر عودنا ولا انحنى .
.
أنا للأسف خايف
جدا عالسعوديه , شايف حاجه كأنها قدامي و بقول ربنا يخيب ظني , الجبهات اللي فتحتها
السعوديه على نفسها في سوريا و اليمن و دعمها الساذج للإرهاب مش هيعدي بالساهل , المتغطي
بالأمريكان عريان ( و بكره الدور ينتهي و الكارت يبقى محروق ) .
.
بستغرب جدا عالقياده
السعوديه انهم ماشيين بمنتهى الثقه في سكة اللي يروح مايرجعش .
.
زمان كان فيه راجل
اعرابي عنده معزه عايش على لبنها , الأعرابي في يوم من الأيام لقى ديب صغير في الصحرا
في عز البرد و صعب عليه , قام خده و رباه جنب الخيمه بتاعته و قال يراعيه , و بقى يقسم
شوية اللبن بتوع المعزه بينه و بين الديب الصغير , الديب لما كبر أكل المعزه ( اللي
كان بيشرب من لبنها ) , و غالبا كده أكل الأعرابي نفسه , و بس كده .
.
يا سيدي ربنا يخيب
ظني و يطلع الديب ابن حلال و متربي في مدارس انترناشونال و ياخد باله من المعزه و من
الأعرابي
........................................................................................................................
Mohamed Hussein
11
أكتوبر 2016·
شئ عظيم جدا فعلا
, شئ هايل , شئ فوق الوصف و الخيال , إنك تبقى مصري و محتاج تفنيد و شرح لوقوفك جنب
بلدك في أي مشكله مع بلد تانيه , محتاج حد يقنعك بالحجه و البراهين إنك تقف جنب بلدك
, و ممكن تتناقش عادي و تقول أصل الدوله غير النظام و دعونا نفرق يا جماعه بين الدوله
و النظام ثم أن الوقوف بجوار مصر يجب أي يكون على أسس و قواعد من الفهم الصحيح المنبعث
من أليات واضحه و المرتكز على أعمدة رئيسيه راسخه كرسوخ الجبال في عمق برميل الطرشي
و ماية الجوزه !! .
.
صديقي العزيز
, دعني أخبرك شيئا , لاشك ولا ريب و لا محيص من إنك إبن #$%^& و أمك عارفه .
...................................................................................................................
Mohamed Hussein
11
أكتوبر 2016·
لما تصحى بدري
عن معادك ساعتين تلاته و تفتح الفيس في وقت غير اللي متعود تفتح فيه , تدخل و تحس نفسك
غريب , الناس غير الناس و الوشوش غير الوشوش , و التايم لاين مليان أصدقاء عمري ما
شوفتهم ( تقريبا دي الدفعه بتاعة الصبح بدري اللي عمرنا ما بنتقابل ) , بالظبط كأنك
روحت تزور محمود صاحبك في شقته و بعدين هو كان عازم واحد صاحبه تاني و صاحبه ده اللي
فتح لك الباب , تقوم ايه بقى ؟ من غير سلام ولا كلام كده ترجع لورا خطوتين و تبص تاني
على رقم الشقه , مش دي شقه رقم 17 ؟ طب هو محمود صاحبي باع الشقه دي لحضرتك ولا انت
اتأجرتها ولا انت محمود صاحبي بس متنكر ؟ ازيك يا محمود , وحشتني أوي يا حوده , ممممممممم
لا انا مش محمود , أنا زهرة الأحزان الزمخشريه .
.
صباح الخير يا
أصدقائي بتوع دفعة الصبح بدري .
...........................................................................................................
Mohamed Hussein
10
أكتوبر 2016·
حدث بالفعل
.
مسكت تليفون الصيدليه
الأرضي و كنت عايز اتصل بشركه المفروض اني حافظ رقمها عشان بكلمهم مرتين تلاته كل يوم
و لقيت الخط مشغول , عملت ريديال تاني و تالت و رابع برضه مشعول , قفلت الخط و استنيت
كام دقيقه و ضربت الأرقام من أول , نفس الأرقام ( مانا حافظ تليفون الشركه هو انا هتوه
عنه يعني ) , كانت المفاجأه انه لسه مشغول , إنفعلت و قعدت أشتم في الموظف ابن التيت
ده اللي شاغل الخط بقاله ربع ساعه و معطّل مصالحنا و عمّال يلوكلوك , ولّا تلاقيه بيستعبط
و رافع السماعه و بيعط في أي حته , اه و الله تلاقيه بيعط في أي حته .
.
و فين و فين على
ماخدت بالي إني طول الوقت ده بتصل و بعمل ريديال و اتصل تاني برقم الصيدليه ( أه الرقم
اللي بتكلم منه ) , عموما أنا حاسس اني كده بقيت كويس و اتحسنت كتير عن الأول , محدش
يرص لي تاني بقى .
.........................................................................................................
Mohamed Hussein
10
أكتوبر 2016·
اصدقائي الغاليين
اللي خايفين على مصر جدا و بيحبوها اكتر مني أكيد
.
- لما كتبت عن
موضوع أرامكو السعوديه و شحنة البترول بتاعة اكتوبر كنت عارف ان الخبر صح و مع ذلك
حذفت البوست , تفهمت تخوفات الناس و خطورة خبر زي ده , بس عايز أقولكو متخافوش , و
بالنسبه للخبر فاللعبه بتكون كالتالي , مكالمة شفويه من أرامكو للمسئولين في مصر يقولهم
هنتأخر شويه في شحنة البترول بتاعة اكتوبر و بعد شويه جايز ساعتين ولا يومين يطلعو
ينفو الخبر و ممكن كمان يبعتو الشحنه المتأخره دي , الحدوته بتبقى محاولة لوي دراع
و رساله لها مضمون معين ( حتى لو كانت الأسباب المعلنه غير كده ) , و لما يتأكدو ان
الرساله و المضمون وصلو يبعتو الشحنه , انا بقى مدرك لخطورة الخبر و مدرك لأهمية العلاقات
المصريه السعوديه في الوقت الحالي تحديدا و مدرك لأن انعكاسات الخبر ممكن تكون صعبه
و مدرك لإن فيه ناس مستنيه خبر زي ده عشان تهيج الدنيا ............. انما حاولت في
البوست أعبر عن موقفي , انا رافض حتى لقرصة الودن دي و للرساله القذره ( مع احترامي
لكل ما سبق ) .
.
- كان فيه خبر
تاني ( برضه غير مؤكد ) و ان كنت واثق منه , عن رغبة روسيا في إقامة قاعده عسكريه في
مصر ( تحديدا في اسكندريه ) و طبعا رفض مصر التام للفكره ( دي عقيدة الجيش المصري
, احنا مش جيش تركيا لامؤاخذه ولا جيش قطر بنت الوسخه ) , برضه متفهم جدا اهمية علاقتنا
و تحالفنا مع روسيا و في التوقيت ده تحديدا , لكن لازم كمان الناس تفهم إن العلاقات
القويه مع روسيا مشروطه , و برضه فيها شوية لوي دراع , و حكاية عودة السياح الروس هي
جزء من لوي الدراع ده .
.
- نفس الشئ في
أثيوبيا , مظاهرات و مناوشات , و محاولة البعض للوقيعه بين مصر و أثيوبيا و اتهام مصر
بدعم المعارضين في أثيوبيا .
.
ممكن نطلع من ال
3 مواقف اللي فوق دول بنتيجة واحده , 3 مواقف رغم صعوبتهم إلا انهم جزء يسير من الحرب
اللي بتواجهها مصر بما فيها المعركه الدبلوماسيه ( اللي بنحاول نتعامل فيها بهدوء و
احترافيه ) , جزء من التركه اللي شايلها السيسي على ضهره , يبقى نقف ورا بلدنا و رئيسنا
و في ضهر جيشنا , مصر هتنتصر و مصر مابيتلويش دراعها .
..............................................................................................................
Mohamed Hussein
10
أكتوبر 2016·
معسله أوي يا بطاطا
.
البلطجه و الجليطه
و الهمجيه الأمريكيه البريطانيه الصهيونيه وصلت في أخر 5 سنين لأعلى مستوياتها , مبقاش
فيه حتى اسلوب دبلوماسي في الخطاب , و المسخ المشوه كشف عن وجهه القبيح , الصراعات
بقت علنيه و تقسيم التركه و الغنايم بقى عالهوا مباشرة , عشان السبوبه حلوه , السبوبه
بترول و غاز و بيع سلاح و استعمار جديد شكله كيوت كده و لذيذ , و السبوبه كمان جيوش
بتتدمر و تختفي , جيوش لو بدأت بكره الصبح تبني نفسها هيبقى قدامها 50 سنه عشان توصل
بس للمرحله اللي كانت عليها في 2010 , و أصلا فكرة و مفهوم الجيش في أي دوله زي جهاز
المناعه في جسم الإنسان , لو جهاز المناعه اتدمر في جسمك يبقى جوز أقلام أو لفحة برد
كفيله انها تكومك كداهو ( حد و النبي يعمل مينشن هنا لمولانا عالم العلماء و خبير الخبراء
و كبير المفكرين و جهبذ الجهابذه عصام حجي ) .
.
ال 5 سنين اللي
فاتو أثبتو إن كل اللي عاملين نفسهم زعماء معارضه في مصر و محللين سياسيين و خبراء
في السياسه الدوليه أولهم و أخرهم كده يقفو على عربية بطاطا , و بما انهم غاويين شعارات
فيبقى الشعار الوحيد المناسب لهم هو ده ( معسله أوي يا بطاطا ) .
.
المشكله ان الأشكال
دي خلقت لنا نموذج مشوه من الشباب , العيل المتني اللي شايف بعنيه العالم بيتجنب بكل
ما أوتي من قوه الدخول في حرب عالميه تالته , حرب نوويه , حرب تقسيم الغنايم , و مع
ذلك لسه بيقول الربيع العربي , يابني الربيع العربي ده تبرمه كده و تحطه في ودانك
, اه مشّيها ودانك , أو ودان خالد علي و خالد داود و خالد أبو النجا , اختار لك أي
خلوده فيهم .
........................................................................................................................
Mohamed Hussein
9
أكتوبر 2016·
لو مابتعرفش و
ماعندكش جوز عيون تشوف بيهم ولا عندك عقل في راسك يبقى طبيعي هتفضل كل يوم تقول عدس
, عدس عدس عدس .
.
مصر رغم الحصار
الإقتصادي ( المتعمد ) , و رغم ضرب السياحه ( المتعمد ) و رغم لوي الدراع المتعمد و
رغم ارتفاع سعر الدولار المتعمد , و مع ذلك , هيفضل موقفك من سوريا هو هو و موقفك من
ليبيا , الاتنين أمن قومي بالنسبالك , مهما كانت ظروفك الإقتصاديه هباب , موقفك نفسه
له تمن و تمن كبير , أبسطه هو الإستمرار في لوي الدراع و خساره مؤقته لحليف عربي قوي
زي السعوديه .
.
موقفك ده موقف
دوله ماتبيعش قضيتها ولا أمنها القومي و بتحاول تحافظ عليه لحد أخر نفس , هبسطهالك
, كان سهل جدا على عبد الفتاح السيسي انه يبيع قضيتنا و موقفنا من ليبيا و سوريا (
يعني من الأخر ينضم بأي شكل للتحالف الصهيوني الأمريكي ) , وقتها ماكنتش هتلاقي أزمة
اقتصاديه و كنت هتلاقي الدولار ب 7 جنيه , افرح بقى حضرتك بالدولار أبو 7 جنيه , هه
فرحت ولا لسه ؟ طب خلي بالك , أصلي سمعت طراطيش كلام كده من ناس بتقول ان البيوت اللي
حواليك لما تقع كلها و تتهد هيبقى بيتك مسنود بالهوا يا سيد المعلمين !! .
.........................................................................................................................
Mohamed Hussein
9
أكتوبر 2016·
الحمد لله الحمد
لله , و الله إني لأشمُ رائحة موسكو , نفوز بس الماتش الجاي بتاعة غانا و نشوف علبة
سم فيران لكوكا و تريزيجيه و بعدها على طول نجهز البالطو الشتوي و الطاقيه الصوف و
برطمان السحلب و نطلع على عمك الحاج بوتين
..................................................................................................................................
Mohamed Hussein
9
أكتوبر 2016·
منتخب مصر هيبدأ
بعد شويه مشواره في التصفيات الأفريقيه المؤهله لكاس العالم , حبايبنا الخرفان و الكولجيه
ياريت تقفو صف واحد كده و تقولو النشيد الوطني بتاع الكونغو , قولو قولو ماتتكسفوش
, و ممكن من باب التألق و التميز يعني تبقو بتتفرجو على ماتش مصر و الكونغو بس بتشجعو
تركيا و كاريتة الملك فاروق , و اهو بالمرّه تشتمو عبد الناصر .
.
طب عارفين بقى
, أيام الملك فاروق كنا بناخد كاس العالم ده بصباع رجلينا الصغير , أياميها كان اللي
بيشيل الهدوم و الجزم بتاعة اللاعيبه ايطالي و اللي بيسرّح لهم شعرهم قبل الماتش ألماني
واللي بيلم الكور من ورا الجون فرنساوي و اسمه فريدريك , الله يمسيك بالخير يا عم فريدريك
يا غالي .
.......................................................................................................................
Mohamed Hussein
9
أكتوبر 2016·
قبل فوات الأوان
.
اعتقد إن العرب
قدام لحظة تاريخيه حاسمه , و قرار مصيري لو كانو لسه عايزين يعيشو , مفيش حد عاقل بيرضى
بقتل أخوه و ابن عمه و يشارك في قتله اعتقادا منه انه كده بيحمي نفسه من سكينة القاتل
الحقيقي , نفس السكينه اللي شوفتها بتقتل اخوك هتتقتل بيها , الطوفان الصهيوني الأمريكي
البريطاني هياكل كوكب العرب ولا هينفعهم دولارات ولا بترول و لا عربيات لاندكروزر
, هنا مش بنتكلم عن مستوى الرفاهيه و الحفاظ عليه , دي كده تبقى قمة السذاجه , المعركه
معركة مصير , يعني تعيش أو تموت , تتنفس و لّا نفسك يتكتم فجأه .
.
الساده الأخوه
و الأشقاء العرب , مصر دي عمرها ألاف سنين , عاشت و بنت حضارة قبل اكتشاف كوكب العرب
ب 5 الاف سنه عالأقل , يعني كان عندنا حضاره و جيوش و علم و ثقافه قبل ما حضراتكو تدّقو
أول عمود خيمة ب 5 ألاف سنه , يعني مصر عاشت و بتعيش و هتعيش , البلد دي resistant للموت , جيناتها كده , تاريخها
كده , حاضرها و مستقبلها كده , ربنا كاتب لها كده .
.
لا القواعد الأمريكيه
هتنفعكو , ولا الغطاء الأمريكي ولا حلف الناتو , ولا ملياراتكو اللي عندهم متشاله في
الحفظ و الصون , ولا فيه حاجه في سياسة امريكا و بريطانيا اسمها ethics , ولا فيه حد عاقل بيروح يستخبى في جحر ديب عشان
يتقّي شره !! ., مفيش قدامكو اختيار غير انكو تعتذرو عن مواقف كتير و عك كتير عكيتوه
في سوريا و ليبيا و اليمن و العراق , و تتوحدو فورا و حالا خلف مصر , مصر هي الدوله
الوحيده اللي هتقدر تجمع أشلاء اللي فات و تلم الليله دي و تبنى جيوش الدول اللي خربت
, خليكو فاكرين , لا يأكل الذئب من الغنم إلا الشارده .
.
اللهم قد بلغت
...اللهم فاشهد .
.........................................................................................................
Mohamed Hussein
8
أكتوبر 2016·
مجلس الأمن يرفض
مشروع القرارين الروسي و الفرنسي بشأن سوريا !! , روسيا استخدمت الفيتو ضد المشروع
الفرنسي , و أمريكا و بريطانيا و فرنسا استخدمو الفيتو ضد المشروع الروسي !! .
.
لسه عايز دلع ؟
طب تعالى و انا ادلعك , بقى كان فيه دوله اسمها سوريا لها رئيس و جيش و حكومه و بتاخد
قرارتها بنفسها من دماغها , الدوله دي بح , و بقى قرار الحرب فيها و وقف الحرب بتاخده
دول تانيه خالص قاعدين في أوضه مكيفه في مجلس الأمن , و تقولي يطلع ايه مجلس الأمن
و الأمم المتحده دي يا محمد ؟ أقولك يا حبيبي دي شقة الدعاره اللي معموله على مستوى
دولي عشان القوى الإستعماريه بتاعة زمان تبقى استعماريه برضه دلوأتي بس بشكل كيوت و
شيك , و الأمين العام للأمم المتحده ده يبقى الحارس اللي بيقف بره على باب شقة الدعاره
عشان ينظم المسائل .
.
تعالى و انا أدلعك
تاني , سؤال أهو في اللغه العربيه , اكتب فيما لا يقل عن 7 ألاف صفحه ( ده عمر سوريا
على فكره ) , اكتب موضوع تعبير تشرح فيه رحلة مواطن سوري من مدينة دمشق في 2011 ثم
مروره بمخيمات اللاجئين و فقدانه لزوجته و أبنائه ثم وصولة مؤخرا إلى قاهره المعز لدين
الله ( هي كمان عمرها 7 الاف سنه على فكره ) , ثم جلوسه أمام الشاشات لمشاهدة قرارات
مجلس الأمن بشأن بلده الأم , و مشاهدة تقسيم الغنيمه ( و الخناقه عليها ) على الهواء
مباشرة , ممممممممممم فهمت حاجه يا جحش ؟!! .
.
تقولي بقى الدولار
سعره زاد , و أصل الفساد , و الحريه , و أهداف الثوره , و الشهيد مهند و المارشميللو
و السويت كورن و كاريتة الملك فاروق , هدوس عليك بجزمتي و الله .
..............................................................................................................
. Mohamed Hussein
8
أكتوبر 2016·
مفيش مؤامره
.
- في تركيا انفجار
ضخم كل يومين تلاته , فتقوم امريكا و حلفائها يقررو انهم يحذرو رعاياهم من السفر لمصر
!! , يعني على رأي القرموطي في الفيلم ( أمريكا لو عرفت ان كوريا الشماليه عندها نووي
و المصحف الشريف هتضرب سوريا !! ) .
.
- بوستات الإرهابيين
و فيديوهاتهم و صور الدبح والقتل بيتم ترويجها عالفيس بوك بشكل عجيب و لو واحد كتب
بوست يقول فيه للارهابي انت راجل نوتي ! , تقوم ادارة الفيس بوك حاذفه البوست و عامله
حظر نشر لصاحبه ( زي علاء حموده كده ) و ممكن تبعت له رساله تقوله عيب تقول عالإرهابي
الكيوت انه نوتي !! و تبلّغ عنه الإنتربول .
.
- عندنا طياره
انفجرت في سينا من ييجي سنه , و من يوميها و احنا بنتحايل و نطبطب و ندلع من غير فايده
, أصل عايزين تشديد في الإجراءات الأمنيه , طب هنبعت لجنه تشوف , طب هنفكر , طب حطو
لنا كاميرات مراقبه في كل ربع متر , طب هنبعت لجنه تاني , طب احتمال يعني ربما يعني
may
be
, طب هاتو وزير الداخليه ناخده رهينه عندنا عشان نبعت لكو السياح !! , و في فرنسا عيلين
تلاته احتلو باريس و نيموها من المغرب و انفجارات في مطارات و محطات مترو , و في تركيا
كام طياره احتلو العاصمه و ضربو البرلمان بس الحياه بيس و الأمن مستتب و السياحه و
الدولارات نازلين زي الرز و يقولو عنها انظمه سياسيه مستقره و دول في الحاله الأمنيه
بتبقى عارفه القرد مخبي ابنه فين , أه و النبي ياخويا عارفه .
.
- مصر من سنين
طويله و هي بتصدر محاصيل زراعيه و فاكهه و من سنين طويله و هي منتصره عالكيان الصهيوني
و من سنين طويله و هي عندها سجون ( زي اي دوله في كوكب الأرض ) , انما الجديد بقى و
اللي اكتشفوه فجأه إن محاصيلنا الزراعيه فيها فيروس ايه و بي و سي و اكس واي زد , وفيها
دوسنتاريا و انكلستوما , و اكتشفو ان مصر مانتصرتش في 73 ( اكتشفوها اول امبارح بالليل
الحكايه دي ) و اكتشفو كمان ان السجون بتاعتنا بتجيب سرطان و ايدز و مايه بيضا و مايه
زرقا و مايه خضره .
.
- كارتر و عياله
و صبيانه و الجزيره و الجرايد الأمريكيه و البريطانيه تحسو انهم قاعدين لنا , بطريقة
( أستاذ متفرغ ) , حتى التاريخ بيتم تشويهه بطريقه ممنهجه , و الحاضر نفس الشئ ( ماهو
الحاضر ده بكره هيبقى تاريخ ) , ادخلو على جوجل و يوتيوب و انتو تعرفو حجم المعركه
القذره و حجم المؤامره , امريكا و صبيانها بيستخدمو كل أوراقهم القذره بما فيها الميديا
و مواقع التواصل و محركات البحث و التكنولوجيا الحديثه .
.
- القصه باختصار
لا لها علاقه بعبد الفتاح السيسي ولا محمد حسين , المطلوب هو اسقاط جيشك و تدمير دولتك
إما بالضربه القاضيه أو بمجموع النقاط , أصلا أصلا اسقاط جيشك بيعني ان تدمير دولتك
هو مجرد اجراء روتيني ياخد له يومين تلاته !! .
.
اللهم قد بلغت
, اللهم فاشهد .
...............................................................................................................
Mohamed Hussein
8
أكتوبر 2016·
المشكله باختصار............
و الحل في كلمتين .
.
إسم المرحله ؟
: معركة الكرامه او معركة المصير .
.
مستقبل مصر ؟
: ربك حافظها و حاميها .
.
ايه اللي بيحصل
بالظبط ؟ اللي بيحصل ان البلد ماخربتش بعد 2011 عشان الشعب و الجيش لحقوها في 2013
, الحكايه دي مزعله أوي أوي الشيطان الأعظم , و هو نفسه طويل و عنده باستمرار خطط و
خطط بديله , و عنده اوراق اللعبه في ايديه .
.
ايه هي أوراق اللعبه
؟ قولا واحدا , الجماعه الإرهابيه من كبيرها لصغيرها و شوية الشمامين الي بيتعاطفو
على نفسهم , بتوع الاختفاء القسري للشاب براء الكيوت , و الشهيد الإرهابي مهند !!
, و القنوات و الجرايد زي الجزيره و السي ان ان و واشنطن بوست و غيرها , و المنظمات
و التقارير اللي يعرفو بيها يرفعوك لسابع سما و تاني يوم يخسفوك لسابع أرض .
.
و إيه كمان أوراق
اللعبه ؟ الإقتصاد يا محترم , نقطة ضعفك الأكبر , أنصار مبارك معلش سامحوني , الإقتصاد
المصري في عهد مبارك كان عباره عن مبنى كبير و ضخم بس مصنوع من الأيس كريم , مع أول
شوية حراره بيسيح , مفيش بلد في الدنيا يحصل فيها أزمة عمله لو انضربت السياحه إلا
مصر , عشان كانت المصدر الأهم للعمله الصعبه , زراعة القطن دمرها مبارك و يوسف والي
( كانت بتجيب مليارات الدولارات سنويا ) و الصناعه التصديريه بجوده عاليه كل سنه و
انت طيب ( بقى تركيزنا على الكومباوندات و ملاعب الجولف ) .
.
طب الشيطان ناوي
على ايه ؟ الشيطان هيكمل و مكمل , و طول ما أوراق اللعبه فرطه في ايده مش هييأس .
.
طب الحكومه بتعمل
ايه ؟ ولا حاجه بتتصرف في حتة قماشه أد كداهو , و بنمشّي اليوم بيومه , يعني بنحاول
نعيش (و بنكح تراب )
.
يعني مفيش طريقه
جهبذيه لوذعيه عبقريه في الوقت الحاي تنتشل اقتصادنا ده ؟ لا و عهد الله , و اي حد
يقولك غير كده هيبقى اخره يفتح كشك سجاير , البلد تلتين ميزانيتها بيروح في تسديد فوايد
ديون قديمه و في دعم ( مفيش بلد في الدنيا كده ) , و السياحه بتنضرب بفعل فاعل , و
ليبيا خربت رسمي ( بعد ماكان شغال فيها مئات الألاف من المصريين ) .
.
طب الحلول بقى
عشان الكابوس ده ينزاح على بعضه كده ؟! هما حلين اتنين مفيش غيرهم .
.
1- حل سريع أوي
و نتيجته مضمونه 100 % ( انا نفسي اضمنهالك ) , الحل باختصار و بساطه خالص و بهدوء
شديد , الجماعه الإرهابيه ترجع تحكم مصر هما وشوية الخونه الهرباينين , وقتها بس لا
هيكون فيه انفجارات ولا لوي دراع اقتصادي ولا ناس هتلم الدولار ب 13 جنيه في السوق
السوده ولا طيارات هتنفجر , و هتسمع احلى تقارير من الجرايد و المنظمات الأمريكيه و
البريطانيه , و هترجع لك السياحه و الدولارات و مش هيبقى عندك مشكله ......... الحل
ده تمنه لاحقا هو تدمير الجيش المصري ( ده الأصل في الحدوته و ده اللي بيمهدو له من
سنين ) و تقسيم مصر و خرابها ( زيها زي غيرها ) .
.
2- الحل التاني
, هو باختصار برضه , اسمه الصبر و النفس الطويل , على فكره انا معنديش عم مات في البرازيل
و ورثت وراه اطيان , يعني زي حالاتك بكح تراب , و ربنا وحده اعلم الشهر بيكمل معايا
ازاي .
.
طب مين هو بقى
عبد الفتاح السيسي ؟ هو الراجل اللي حظه هباب و زفت و قطران , و شايل التركه اللي فوق
دي في التوقيت ده , ربنا معاه , و احنا كمان معاه .
........................................................................................................
Mohamed Hussein
7
أكتوبر 2016·
زمان ظهرت موضة
البناطيل الشارلستون ( زي بتاعة سمير صبري و محمود ياسين في الأفلام القديمه ) , الموضه
دي راحت لحالها , و ظهرت موضة السوالف الطويله و برضه راحت لحالها ( مبقاش حد في كوكب
الأرض سوالفه طويله غير عمرو حمزاوي ) .
.
معنديش شك ان الألفاظ
الوقحه اللي بيقولها بعض المصريين على بلدهم و جيشها , و التشويه و التشاؤم و نشر السواد
, دي كمان موضه , موضه ظهرت بعد 2011 , ماسورة الحريه لما انفجرت في وشنا فجأه ( بعد
سنين من الكبت ) جابت نتيجه هباب , جابت جاز , و بقى الأحمق عنده اعتقاد انه كل ما
يعلى بسقف التشاؤم و يعلى بسقف الألفاظ الوقحه يبقى كده متحرر اكتر و ثورجي أكتر ,
برضه موضه هتاخد وقتها و تروح لحالها .
.
هات يابني اخر
ما عندك في الألفاظ الوقحه , مفيش حاجه جديده نزلت بعد كلمة معر*** ؟ , دوّر كويس كده
, شوف وائل عباس او باسم يوسف يمكن تلاقيهم نزلو بمطلح جديد , أو حتى شوف المناضله
ايات عرابي .
.
و هات اخر ما عندك
في التشويه و التزييف و الهيافه , فيه حاجه تانيه بعد حكاية اننا اتهزمنا في 73 دي
؟ و بعد أيام الملك الجميله و أيام الاحتلال الإنجليزي الرائعه ؟ دور كويس , شوف موقفك
ايه من عين جالوت و سعد زغلول و شجرة الدر و كليوباترا ( بيقولك كليوباترا كانت ملكة
السكس و كانت بتقف تحت عمود نور في شارع جامعة الدول العربيه و تستنى أي ثري عربي يكون
راكب لاندكروزر ) , وايه رأي عظمة جلالتكم في جيوش المغول و مولانا هولاكو ؟ , يا سلام
بس لو كانو المغول اجتاحو مصر و احتلوها , ياااه دي كانت تبقى ليله يا عمده , كان زمانا
كلنا بنتكلم مغولي مكسّر و عنينا ضيقه شويه و كل واحد فينا عنده فيلا ب 3 جناين , يوووه
هو احنا انتصرنا على جيوش المغول ولا اتهزمنا ؟ شكلنا كده اتهزمنا بفضيحه ( يعني
6/1 ) بس اعلام العكسر هو اللي ضحك علينا , منه لله .
.
هه خلصت ولا لسه
؟ طب شد حيلك بقى , احفر جامد و دوّر يمكن تلاقي حاجه كده ولا كده تنفعك و انت قاعد
في قعر علبة الكوله , و ماتنساش تغسل رجليك و تشرب اللبن قبل ماتنام .
...............................................................................................................
ليست هناك تعليقات:
إرسال تعليق