Mohamed
Hussein
6
أكتوبر 2016·
هو تقريبا كده
فيه واحد ابن تيت أقنع شوية عربجيه في الوسط الثقافي المصري إن الفكر التشاؤمي الإنهزامي
السوداوي البائس اليائس المُحبِط المشوِّه هو طوق النجاه و النور اللي هينور لنا أم
طريقنا , و أملنا الوحيد في الوصول لبر الأمان و الوصول لكاس العالم , فهما اقتنعو
بقى , اقتنعو أوي , اقتنعو جدا , ليه اقتنعو ؟ ممممممممم عشان هما شوية عربجيه .
....................................................................................................................................
Mohamed
Hussein
6
أكتوبر 2016·
صراع في الزريبه
.
كولجي 1 : مصر
مارجعتشي سينا بالحرب ولا بالسلام .
كولجي 2 : طبعا
طبعا , مصر أصلا مانتصرتش في الحرب .
كولجي 3 : دي مكانتشي
حرب دي كانت تمثيليه .
كولجي 4 : أصلا
بقى مفيش حته في مصر اسمها سينا و مفيش شهر في السنه اسمه اكتوبر , كل دي أكاذيب بيروج
لها اعلام العسكر .
كولجي 5 : احنا
لازم نعمل ثوره و انتخابات رئاسيه مبكره عشان الأكاذيب دي , و نجيب أيات عرابي تشكل
الحكومه هي و مصطفى النجار و البت مروه اللهلوبه .
كولجي 6 : أيوه
لازم نعمل ثوره , احنا صحيح عددنا قليل , بس سابقين كوكب الأرض بمليون سنه و الواحد
فينا يساوي ألف .
كولجي 7 : لا احنا
عددنا مش قليل , احنا أغلبيه ساحقه , و مؤيدين الدوله الطبالين المعر*** كلهم عساكر
أمن مركزي .
كولجي 8 : حرب
ايه و انتصار ايه و زفت ايه ؟ انا مش لاقي المارشميللو , و السويت كورن سعره غلي و
بقى ب 10 جنيه .
كولجي 9 : معاك
حق يا صاحبي , يارب هجره .
.
.
ظابط موساد رقم
1 ( اسمه عالفيس زهرة الأحزان الزمخشريه ) : هههههههههههه و الله العيال دي مالهاش
حل , شايف الحوار يا ليشع ؟ .
.
ظابط موساد 2
( اسمه عالفيس الدبدوب العاشق ) : طبعا شايف , انا بقالي 5 سنين بفطس من الضحك على
حواراتهم , ياخي احنا ماكناش نحلم و احنا بنخطط اننا نلاقي ناس في مصر بالمستوى ده
.
.
ظابط موساد 1
: مصر دي بلد عجيبه و غريبه , ازاي قادره تعيش و تكمل و هي فيها ألاف المخابيل و الشمامين
؟! .
.
ظابط موساد 2
: احنا لو عندنا ألف كولجي كان زمان اسرائيل اختفت من عالخريطه .
.
ظابط موساد 1
: ماتنساش بقى نعمل لايك عالبوست كالعاده و نخبط كومنت فشيخ .
.
ظابط موساد 2
( بيكتب كومنت ) : هي دي ماااااسر , يسقط يسقط حكم العسكر .
.
ظابط موساد 1
( بيكتب كومنت ) : انا بصراحه قريت البوست و التعليقات كلها و فخور جدا ان مصر فيها
شباب زي حضراتكو , من حسن حظي إني أكون بين مجموعة من العظماء .
...............................................................................................................................
Mohamed
Hussein
6
أكتوبر 2016·
يوم النصر و الكرامه
.
في أمريكا بلد
الحضاره الوهميه و البطولات الفستك , لو جندي أمريكي اسمه جاك نجح انه يعدّي ترعه عرضها
3 متر وفيها شويه مايه بيعملو له 17 فيلم سينمائي عن بطولته الخارقه , جاك فوق الترعه
, جاك قاهر المحيطات , جاك العظيم , جاك العظيم 2 , جاك العظيم 9 , جاك و التماسيح
, جاك و الأناكوندا ( مع ان الترعه بيبقى فيها بط و وز مش تماسيح و اناكوندا ) , مع
1200 كتاب و مقاله و دراسه علميه عن حالة البطل ( الهيرو ) جاك النفسيه و السيكوباتيه
و معدل ذكائه اللي قاسوه بالمقياس الحلزوني الكوكبي و لقوه 1900 % , لو مش مصدق تعالى
شوف المقياس بنفسك .
.
في نصر اكتوبر
العظيم , تسليحنا كان أقل بكتير من التسليح الصهيوني الأمريكي , إنك في الحاله دي تنتصر
و تعبر و تهزم و تسحق و تدوس على دماغ الصهاينه و الأمريكان مكانتشي الحكايه دي هتتم
إلا ببطولات خاصه , كل وحده في الجيش المصري جسدت بطوله منفصله , كل جندي مصري كان
جندي فوق العاده , سلاحنا الأقوى على الإطلاق و السلاح اللي عجز الصهاينه و الأمريكان
انهم يصنعوه في مصانعهم اسمه سلاح التضحيه و الشجاعه , الإيمان بتراب الوطن , انك تقول
أفديكي بعمري يا بلادي .
.
بعد الهزيمه الساحقه
للصهاينه و الأمريكان في 73 و بعد ما أيقنو تماما من فشلهم في صنع السلاح المصري اللي
كان السبب الرئيسي في هزيمتهم مالقيوش حل غير إنهم يحاولو بكل الطرق و بكل الأليات
إنهم يدمرو السلاح ده عندنا , يدمروه جوانا , و طبعا استعانو بالتنظيم الخائن اللي
دايما جاهز للخيانه ( خاين تحت الطلب ).
.
الحدوته كلها و
اللعبه بتاعة الأمريكان اسمها ال ( ميديا ) , إزاي تقدر تعمل focus على الجندي الأمريكي جاك اللي عبر الترعه التلاته
متر و تعمله تفخيم و تعظيم magnification
لحد ما تبقى صورته في عقول الأمريكان انه بطل خارق للعاده super hero , و ازاي تعمل تقزيم لانتصار الجيش المصري في
حرب اكتوبر , و تفبرك تقارير و أفلام تسجيليه , و ازاي جنب ده تحاول باستخدام عملائك
في الداخل تشوّه صورة الجيش المصري على اد ما تقدر , تكسر سلاح البساله و الشجاعه
, بس على مين ؟ فشلو تماما مع المصريين , و نجحو بس مع الكام ألف شمام كوله في مصر
, مفيش مشكله نركنهم على جنب و نستمتع بمشهدهم المتكرر و هما بيتركبو من الخرفان و
الأمريكان , ونعتبر دي الفقره الترفيهيه ( فقرة القرود و التسليه ) .
.
.
أنا إنْ قدّر الإله
مماتي .......... لا ترى الشرقَ يرفعُ الرأسَ بعدي .
...............................................................................................................
Mohamed
Hussein
6
أكوبر 2016·
أكتر واحد بائس
النهارده على الإطلاق هو صاحبنا إياه , اللي مع بداية يوم 6 اكتوبر لقى نفسه مزنوق
في الركن , يعمل ايه على صفحته ؟ ينزل بوستات عن أحدث علاج للروماتيزم أو احدث طريقه
لنفخ الشفايف ؟ يطقطق صوابعه كتير ؟ يعمل ريفريش لصفحته ؟ يدخل و مايكتبش حاجه بس يفوت
على زمايله ( اياهم ) و يعمل لايكات على أي هبل أو أي ألشه سمجه , المهم المهم إنه
يتجنب في ذكرى نصر اكتوبر العظيم إنه يقول كلمة طيبه في حق بلده أو في حق الجيش أو
في حق الذكرى نفسها أو حتى ينزل صورة علم بلده أو صورة جندي من جنودها أو يكتب تحيا
مصر ( كتابة رجاله مش خواجات ) .
.
عزيزي الكولجي
, يوم زي النهارده ده لو تعرف يعني هو فرصه كويسه جدا , فرصه تراجع فيها نفسك و تشوف
الحاله البائسه اللي وصلت لها , علم بلدك و اسمها و تاريخها و جيشها و انتصارها عمرهم
ماكانو حاجه تكسف , لا تحت بند أم ثوريتك المزعومه ولا تحت بند معارضتك الفستك ولا
تحت أي بند في الدنيا , فرصه تعرف انك وصلت لحالة تصعب حتى على كلاب الشوارع , يابني
انت مصري مش صهيوني ولا نمساوي ولا صومالي ولا بنغالي , البلد دي بلدك و العلم ده علمها
و الجيش ده جيشها و النصر ده شارك فيه أبوك و عمك و جدك , يا عرة مخاليق ربنا .
.............................................................................................................................
Mohamed
Hussein
5
أكتوبر 2016·
كل سنه و جيشنا
و شعبنا و ناسنا و أهلنا و رجالتنا و ستاتنا و عيالنا و بناتنا بخير و سعاده و نصر
و راس مرفوعه دايما .
كل سنه و انت طيب
يأ أصغر جندي واقف عالحدود .
كل سنه و انت طيب
يا معالي وزير الدفاع المصري .
كل سنه و انت طيب
يا ريس .
...............................................................................................................................
Mohamed
Hussein
5
أكتوبر 2016·
أتاري إن المراهقه
السياسيه و طريقه الزربحه ماتنفعشي في حكم الأوطان الكبيره اللي زي مصر , و بالذات
في توقيتات زي اللي بتشهدها المنطقه في أخر كام سنه , توقيت فيه العالم أقرب للحرب
منه للسلام .
.
في ملف سد النهضه
الشائك و في علاقتنا بدولتين زي السودان و اثيوبيا لعبت الدبلوماسيه المصريه و معاها
مؤسسه الرئاسه دور رائع , فكره الصدام المبكر هي فكره عبيطه و ساذجه , و فتح جبهات
زياده هو نوع من الحماقه , يعني مش شطاره ابدا إن خطابك يكون عدواني و تقول هنقطعكو
و نولع فيكو , خصوصا لما يكون عندك جبهه غربيه مفتوحه عالبحري و جبهه في سينا و محور
الشر بيلوي دراعك اقتصاديا بكل الطرق و عندك في البلد من جوه خرفان و ارهابيين تحت
الطلب و شمامين كوله مستعدين للركوب في أي لحظه , يبقى أخد الحق صنعه .
.
بقالنا 5 سنين
عالمستوى الشعبي و الثقافي و المجتمع المدني ( حلوه الثقافي و المجتمع المدني دي يا
حاج محمد ؟! ) بنزربح زربحه كانت تكفي لحرق قاره , و نكتشف في النهايه ان مشكله سد
النهضه باختصار في حاجتين , فترة تعبية الخزان و دي بنتفاوض عليها عشان حصتنا من ماية
النيل متتأثرش , و المشكله التانيه في احتمالية انهيار السد و دي بتعملها الدراسات
الفنيه , و في النهايه اكيد مصر هتكون عامله حسابها في حالة انهيار السد .
.
و رغم ان موضوع
سد النهضه كان في الأساس ورقه من أوراق الشيطان الأمريكي الصهيوني و وراه لعبه قذره
, بس مصر اتعاملت معاه ب ( حرفنه ) , بنتفاوض و عندنا كل الخيارات متاحه بما فيها الخيار
العسكري , و لحد ما يبقى الخيار العسكري ضروره حتميه لا مفر منها بنتكلم عن العلاقات
التاريخيه و الأخويه بين مصر و السودان و مصر و أثيوبيا .
.
الساده الهريجيه
و النكسجيه و الفكسجيه و المراهقين سياسيا و أشباه المثقفين , اركنو على جنب و النبي
, عشان مصر عايزه تعدي , بدل ما تدوس عليكو و هي مش واخده بالها .
........................................................................................................................
Mohamed
Hussein
5
أكتوبر 2016·
اللي بيعمله الجيش
المصري من سنين و لحد النهارده بجانب حربه المستمره على الإرهاب و تأمينة لحدود غربيه
طولها ألف كيلو ( تأمين من طرف واحد عشان مفيش دوله في الناحية التانيه ) , اللي بيعمله
اسمه ( المشاركه في رفع المعاناه عن الشعب في توقيت حرب و ظروف استثنائيه ) , من ضمن
الظروف الإستثنائيه إن بلد تكون عايزه تعدّي في توقيت صعب بس فيها فساد و جهاز إداري
مترهل , الجيش بيجيب لبن الاطفال و يوصله للناس بسعر استيراده تقريبا ( مش بيبزنس في
لبن الأطفال ) , الجيش بيحل ازمة الصرف الصحى في اسكندريه لما كانت هتغرق ( أكيد مش
بيبزنس في ماية المطر ) , الجيش بيعمل منافذ لبيع اللحوم بسعر يقدر عليه الناس , الجيش
بيشارك على أد مايقدر في ظبط الأسعار .
.
الأصل في الحكايه
انك تفهم اننا في ظروف استثنائيه , و في الظروف الإستثنائيه لازم تفكر بشكل استثنائي
, و ماتبقاش بتهرتل و انت عايم في ماية البطيخ , عشان اللي إيده في النار غير اللي
ايده في مايه البطيخ .
.
حلمك و حلمنا و
حلم أي حد عاقل إننا يكون عندنا مؤسسات قويه غير الجيش , مؤسسات مفهاش فساد ولا ترهل
و كل مؤسسه تشيل الليله بتاعتها , حاضر و الله , اصبر علينا شويه , الفساد و الترهل
اللي تراكمو في سنين طويله مش هينتهو بضغطة زرار .
.
و بالنسبه بقى
للساده الإعلاميين و الحنجوريين و تجار الشعارات و الفلايات و ممكن تحط عليهم اتنين
شرا*** زي باسم يوسف و أيات عرابي , عايز اقولك لو سمحت لو سمحت ماتمشيش وراهم , ماتاخدش
على صدرك أوي , الناس دي وقت ما تخرب ( و بإذن الله مش هتخرب ) , إنما بقولك لو , لو
خربت فهما عارفين هيسافرو فين ( ده لو كانو أساسا عايشين في مصر ), جوازات سفرهم جاهزه
و ملايينهم معاهم , و قبل ما يسافرو هيبيعوك عالرصيف بتلاته تعريفه .
..............................................................................................................................
Mohamed
Hussein
5
أكتوبر 2016·
القوات التركيه
رايحه جايه في شمال العراق ( كأنه جُرْن الهبله ) , و الخارجيه العراقيه حاليا بقى
أخر ما عندها تشجب و تستنكر ( و تعيط و تتشحتف زي النسوان ) .
.
أيام صدام حسين
مكانشي يجرؤ كلب تركي يهوّب ناحية الأراضي العراقيه ( كان ياخد بالجزمه على دماغة و
دماغ حلف الناتو ) , و دي يا ولاد كانت بداية خطة خراب الشرق الأوسط ( قصدي الربيع
العربي يا جدع ) , كان عندنا جيش في العراق و بح .
.
الحكايه أصلها
سبوره سوده عاديه خالص و صباع طباشير , و الجيوش مكتوبه تحت بعض عالسبوره , و لما الجيش
من دول يبقى ( بح ) يشطبو عليه بصباع الطباشير , العراق مكتوبه في الأول و بعدها سوريا
و ليبيا و مصر الزغلول الكبير في الأخر , شطبو عالعراق و شطبو على سوريا و على ليبيا
لحد ماوصلو للزغلول الكبير , صباع الطباشير خلص و جابو صباع تاني و تالت و قاعدين يكحتو
بقالهم 3 سنين و إيديهم وجعتهم و غيرو السبوره كذا مره , و غيّرو الخونه بتوعهم و استعانو
بخونة جداد و عملو حملات و مقالات و تقارير و حبشتكانات و جابو إرهابيين و جابو جاز
و حفرو أنفاق و هرّبو سلاح و جابو الجزيره و جابو حماس و جابو الإخوان و جابو عصام
حجي و جابو باسم يوسف و جابو اللي جابوهم ( و أم اللي جابوهم ) , انهم يعرفو يشطبو
على إسم جيش مصر ؟! , ممممممممممم أبدا .
.
زي اليومين دول
من 43 سنه أبائنا و أجدادنا انتصرو بكل شرف و كل عزه و كل فخر في حرب 73 , و احنا و
أخواتنا و أولادنا بننتصر كل يوم في حرب 2013 المستمره .
.
تحيا مصر حره
, تحيا ألف مره .
.................................................................................................................................
Mohamed
Hussein
4
أكتوبر 2016·
أصدقائي الغاليين
.............. تعالو نقعد عالمصطبه شويه في ساعة المغربيه دي .
تشربو شاي ؟ ماشي
هعمل لكو شاي
.
بقى عايز أقولكو
على خمس ست تسع حاجات كده :
.
- الفيس بوك ده
شئنا أم أبينا هو جزء من معركتنا الحاليه , و دورنا و دور كل مواطن مصري غيور على بلده
هو جندي مقاتل في العالم الإفتراضي , يعني نحارب الإشاعات و التخاريف و الخيانه و الجهل
و التزييف و التشويه .
.
- أحيانا الناس
بتزهق من جرعة السياسه المكثقه و المستمره من 5 سنين و ده اللي بيخليني أحيانا أكتب
في أي حاجه خفيفه ملهاش علاقه بالسياسه , أحكي عن طفولتي المشرده اللذيذه , أفتكر موقف
كوميدي حصلي و احكيه , اكتب عن كيم كارديشان , الهدف هنا و الغايه بتكون التغيير عشان
الملل , و إن الناس تضحك أو عالأقل تبتسم , الضحكه و الإبتسامه أه ممكن يكونو هدف في
حد ذاتهم .
.
- كل بني أدم له
صفحه في حياته و صفحه عالفيس بوك , الصفحه دي ممكن تقول انها فدان أرض و انت من حقك
تقسّمه زي مانت عايز و تزرعه الزرعه اللي على مزاجك و هواك , وانا الفدان بتاعي و من
سنين طويله قررت إني أقسّمه و ازرعه كده , قيراطين تلاته عقل و تفكير , وقيراطين ضحكه
و ابتسامه , و قيراطين أمل و تفاؤل , و بقية الفدان زارعه صبر , التقسيمه دي كلها في
حب مصر , محتاجين كده أوي , العقل و الإبتسامه و الأمل و الصبر .
.
- يا جدع صفحتي
و انا حر فيها , و عدم اللامؤاخذه مش بزرع في أرضي خيانه ولا احباط و تشاؤم و لا جهل
و عبط و سذاجه ولا هقعد على راس الأرض و افضل أشم في كوله لحد نفسي ما يتقطع حتى لو
كان التمن اني مش هعجب ناس ولا هينعمو عليا بلقب ثورجي مثقف و متحرر و مفكر و فيلسوف
و منفلوطي , ايه منفلوطي دي صحيح اللي بكتبها في بوستاتي , و الله مانا عارف .
.
المهم بقى خلصتو
الشاي ؟ طيب بألف هنا , هاتو الكوبايات عشان دي عهده و مكتوبه في القايمه .
...........................................................................................................................
Mohamed
Hussein
4
أكتوبر 2016·
هحكي لكو حدوته
بس ماتقولوش لحد عليها, هي حدوته بسيطه بس رسّخت جوايا قناعة معينه .
.
وانا في الجيش
, لما كنت في مركز التدريب ( بتاع الخدمات الطبيه ) طلبو ناس تمسك ( الميز ) يعني توزع
الأكل عالعساكر ( اللي هما زمايلنا ), المهم انا وافقت و روحت معاهم و بقيت بوزع الاكل
عالعساكر , خصوصا وجبة الغدا , عشان محدش فينا اصلا بيصحى عالفطار , و في أول يوم لمحت
عسكري واقف في الطابور من بعيد , كان اليوم ده الغدا فراخ , و كل عسكري بياخد ربع فرخه
, تطلع ورك بقى أو صدر هو و حظه , المهم لما العسكري اللي لمحته وصل عندي و معاه السيرفيس
بتاعه لقيتني بدّيله نص فرخه مش ربع و رز كتير اوي ( و انا مبتسم كداهو ) , و كل يوم
فراخ بقيت أديله نص فرخه , طب ليه العسكري ده تحديدا ؟ هو السبب غريب جدا و عجيب ,
الحكايه كلها حواجبه , اه و الله حواجبه ( بس محدش دماغه تروح لبعيد ) , الحكايه ان
رسمة حواجبه و شكلها بالظبط زي حواجب البنت اللي بحبها ( شبه مارتينا هينجز بتاعة التنس
) , و فضلت عالحال ده لحد ما خلص مركز التدريب , نص فرخه و رز كتير عشان خاطر حواجبه
و إكراما لحبيبتي اللي قاعده في المنصوره .
.
الموقف ده رسّخ
جوايا قناعه إني مانفعش أمسك أي منصب في الدوله ولا أبقى مسئول عن أي حاجه تكون بتتطلب
العدل و المساواه (و التجرّد ) , يعني مثلا تخيل إني لو بقيت محافظ , و بوزّع شقق عالغلابه
في مشروع الدوله عاملاه , مثلا يعني , و دخل عليا الغلابه اللي عايزين شقق بالدور
, طبعا الست اللي ملامحها مسمسمه و حلوه ( و على وشها صباح الخير ) هتاخد شقه في الأول
, و لو واحد دخل عليا و معاه راديو صغير مشّغل فيه أغنيه لأم كلثوم يبقى ياخد شقه في
الأول ( لو الأغنيه أغدا ألقاك هديله شقتين ) , واحد دخل وهو لابس تي شيرت الزمالك
هديله شقه و لو مال عليا و حكالي عن الجون بتاع مصطفى فتحي في الأهلي في نهائي الكاس
تبقى شقه 3 أوض و حمامين .
.
هو الاكيد و المؤكد
إني مش هاخد رشوه , مستحيل عشان هستحرمها , إنما ممكن عزومه , و العزومه هتجيب نتيجه
من اتنين عكس بعض خالص , لو واحد أخد سعادة البيه الوزير المحافظ ( اللي هو انا ) و
عزمني في تشيليز على ( بيكاتا بال$%^6 ويز &&& أند ُ@#$^ ) ف ده غالبا
هخرب بيته و مالوش عندي شقق و احتمال أسجنه , إنما لو عزمني على طاجن رز معمر و جوز
حمام و شوية جرجير و سريس و طبق فيه لفت و لمون مخلل فغالبا غالبا هكتب له مبنى المحافظه
بإسمه .
...................................................................................................................................
Mohamed
Hussein
4
أكتوبر 2016·
مهند مات
- طب يا سيدي ربنا
يرحمه .
.
لا لا مش كفايه
تقول ربنا يرحمه , لازم تتعاطف معاه .
- اتعاطف معاه
ليه ؟! .
.
عشان مات و هو
كان عيان بمرض خطير .
- هو الإرهابي
لما يموت وهو عيان بنتعاطف معاه ؟ الكلام ده قريته في أي كتاب أو أي ديانه أو أي قانون
أو أي علم من علوم الإنسانيه ؟ طب دوّر كده في كتب التاريخ هتلاقي أبو لهب و هولاكو
و قيادات الصهاينه و قيادات الجيش الأمريكي و البريطاني و هتلر و قيادات داعش و قيادات
الإخوان و غيرهم , هتلاقي أكيد فيهم اللي مات بمرض خطير , ماتنساش تتعاطف معاه .
.
هو ايه علاقة مهند
بالأسماء دي ؟ .
- ولا حاجه , كلهم
إرهابيين و قتله و ولاد كلب , قصدي ربنا يرحمهم جميعا ( جمعاء ) .
.
بس أصله كان مسجون
في مصر قبل ما يفرجو عنه .
- الإرهابي و اللي
بيحرض عالقتل و الخراب مكانهم في السجون مش في الأنتريه .
.
بس مهند ده كان
شاب أمور و كيوت , ده حته اسمه مهند .
- بجد اسمه مهند
؟ طب هحكي لك حدوته .
.
اه اتفضل احكي
.
- أعرف واحد مات
من 20 سنه , اعرفه شخصيا يعني , كان عمره وقتها 38 سنه و عنده 6 عيال فوق راس بعض
, مات على ايد ناس كيوت زي مهند كده , الراجل اللي مات ده كان كل جريمته في الحياه
انه بيحمي بلدك و أرضك و عرضك ( ده لو كان عندك عرض ) , هه ؟ لسه عايزني أتعاطف مع
مهند ؟!! .
.
لا خلاص خلاص
.
- طب غور ياض يابن
ال #$%^ من هنا و خد الماسك بتاع الإنسانيه و النحنحه ده معاك , صفحتي مفهاش مكان للشواذ
جنسيا ولا الشواذ فكريا , يعني مفهاش مكان للخوا ( الخواجات ) .
...............................................................................................................................
Mohamed
Hussein
3
أكوبر 2016·
عصابه مسلحه هجمت
على كيم كارديشان في فندق في باريس و سرقت منها موبايلين و مجوهرات ب 8 مليون دولار
تحت تهديد السلاح !! , بس الحمد لله , الحاجات المهمه زي ماهي و بخير , اتطمنو يا رجاله
.
.........................................................................................................................
Mohamed
Hussein
3
أكتوبر 2016·
البوستات بتاعتي
بتختفي ... بيظهرلي بوستات قديمه و الجديد لا ..واضح ان الخرفان و الكولجيه بيمارسو
هوايتهم في حرية الرأي و التعبير بعمل ريبورتات , ده غير طبعا رسايل الشتيمه القذره
, و رسايل التهديد اللي بقت على كل شكل و لون .
.
تحيا مصر رغم أنف
ولاد الصرمه .
...............................................................................................................
Mohamed
Hussein
3
أكتوبر 2016·
الأنطاع و أشباه
الثوار و ( أشباح ) المثقفين وصلت بيهم النطاعه و الوقاحه و الإنحطاط انهم مبقاش وراهم
حاجه غير تشويه تاريخ البلد دي و السخريه من أي حاجه تخصها , من علمها و نشيدها و رموزها
و أغانيها الوطنيه و انتصاراتها , مع توفير ساعات متواصله يوميا لهدم مؤسساتها زي الجيش
و القضاء و الخارجيه .
.
و بعدين تتخيل
و تسأل نفسك هو السيد النطع عايز ايه بالظبط ؟ عايز يوصل للحكم بطريقة تشويه الماضي
و اسقاط مؤسسات الدوله ؟ طب لما يوصل بعدها للحكم ه ( يتعكّز ) على ايه ؟ على بلد تاريخها
مشوه ( هو شوهه بايده ) و بلد مفهاش مؤسسات ( هو هدها بإيده ) ؟ يبقى هيتسند على ايه
و يبني دولته المزعومه الوهميه ازاي ؟ يتسند على مركز كارتر للسلام و جمعيات حقوق الخونه
؟ و لّا يلمّ الشعب في برطمان كوله كبير و نقعد كلنا نشم كوله و نطرطش على بعض , و
بعد ما كانت مشكلتنا هي الخروج من عنق الزجاجه تبقى مشكلتنا هي الخروج من برطمان الكوله
.
........................................................................................................................
Mohamed
Hussein
3
أكتوبر 2016·
قيادي في تنظيم
داعش في العراق سرق 300 ألف دولار من مرتبات أعضاء التنظيم !! .
.
لا مش ممكن أبدا
, مستحيل يحصل كده , الإرهابي اللي بيقتل و يحرق و يغتال الأطفال و يضرب الستات بالنار
في الشارع لا يمكن يسرق أبدا , أخلاقه ماتسمحش بكده , انتو بس اللي طبّالين و عايزين
تشوهو المجاهدين بتوع داعش الكيوت , اللي هما الفصيل الوطني و رفقاء الميدان .
.
و ايه حكاية
300 ألف دولار دي ؟ ليه دولار يعني ؟ قصدكو ايه بالكلام ده ؟ قصدك ايه يا سعادة البيه
؟ قصدك ان أمريكا بتدفع مرتباتهم ؟ لا طبعا انا ماسمحلكش , ماسمحلكش , الناس دي بتاعة
ربنا و مجاهدين , و الفلوس بتجيلهم من السما هي و السلاح و المدافع الرشاشه , يعني
الدولارات دي ربّاني ( عملة أهل الجنة ) , و اللي بيموت منهم و يستشهد بيدخل الجنه
( حدف ) , و أول ما يتحدف في الجنه بيلاقي طابور حور عين مستنيين على نار , يدخل الأول
على موظف العهده بتاع الدولارات و السلاح يسلمه بقية الدولارات اللي معاه و مشط الذخيره
, و يركز بقى مع حور العين , لا طبعا مايستحماش ولا يغسل وشه , يستحمى ليه ده راجل
مجاهد و شهيد , حتى اسألو أوباما و هيلاري كلينتون و قناة الجزيره و يوسف القرضاوي
.
..................................................................................................................
Mohamed
Hussein
2
أكتوبر 2016·
وائل عباس زعلان
أوي إن السويت كورن اللي بيحبها سعرها زاد ( بفضل السيسي ) و بقت ب 10 جنيه !! .
المفروض بقى نعمل
ثورة و نسميها ثورة ( السويت كورن و المارشميللو ) , أصل وائل عباس ده حد كيوت خالص
و لذيذ و مانقدرش على زعله أبدا , الله يرحم أبوه كان راجل فنجري و جينتل و أشيك واحد
في البلد كلها , و كل هدومه بيشتريها من هارديز .
........................................................................................................
Mohamed
Hussein
2
أكتوبر 2016·
عزيزي الخروف
, روح قلبي الكولجي ................ نقول تاني
.
طب ليه بنلسعكو
على قفاكو كل يوم ؟ زي ما هلسعكو على قفاكو دلوأتي , ليه صحيح ؟ عشان انتو كتير و اغلبيه
كاسحه ؟ لا خالص , انتو أقليه , أقلية بائسه , أقليه لا تسمح بعمل ثوره ولا تسمح بالفوز
بأي انتخابات ( حتى لو انتخابات أشرف عليها فريق من الأنبياء و القديسين ) , انتو باختصار
ضحايا لقيادات عملت دماغكو كوره شراب و لعبت بيها , طب خرفان الجماعه الإرهابيه مايعرفوش
غير كده , سياسة القطيع , إنما اللي جد بعد 2011 هو قطيع تاني من الكولجيه , ضحايا
لنوع جديد من القيادات بتاع شهره و بروباجاندا و شعارات حنجوريه و دولارات ريحتها ترد
روح العليل .
.
طب لما انتو أقلية
بائسه كده انا واجع دماغي معاكو ليه ؟ هاهاهاها , ضحكه سمجه من عيل لزج , بص يا خروف
, لو فيه طياره طايره في الجو فيها 200 راكب , من ضمنهم 3 ارهابيين و 2 مخابيل , كده
مجموع الإرهابيين و المخابيل يبقو 5 , و طبعا الإرهابيين مسيطرين عالمخابيل ( عشان
مخابيل ) , على أي حال المجموع 5 مش بيمثل أغلبيه في الطياره و بالتالي مش من حقه يوجهها
, لكن 5 بالوصف ده بيمثلو خطوره على مستقبل الطياره و خط سيرها , الطياره اللي هي الوطن
, و في ظروف زي اللي بتعيشها المنطقه و العالم يبقى أفضل تشبيه للوطن إنه طياره طايره
في الجو و في أجواء مناخيه بشعه .
.
عرفت ليه بقى بنلسعكو
على قفاكو رغم إنكو أقليه ؟, نقول تاني , عشان البيت اللي بيبنيه 100 فرد ممكن يهده
5 أفراد , ال 5 أفراد مش أغلبيه , لكنهم أقليه بائسه و وقت الجد ممكن يكونو أقلية مخربه
.
.
هيضحكو عليك و
ممكن انت كمان تضحك على نفسك و تقنع نفسك انك بتمثل المعارضه , لا يا خروف , انتو مش
بتمثلو المعارضه ولا حاجه , كلمة معارضه دي كلمة محترمه , أصلا الطياره عشان تطير لازمها
معارضه , المعارضه بتبقى جناح من جناحين الطياره , و من ستر ربنا بالبلد دي انها طايره
بجناح واحد , عشان جناح المعارضه اختفى , و ظهر مكانه 5 ركاب في قلب الطياره , 3 ارهابيين
و 2 مخابيل .
.
أتحداك بقى إنك
تلاقي واحد منكو ينفع ينطبق عليه كلمة ( معارضه ) , يعني تدخل صفحته لمدة يومين حتى
تلاقي بوستاته و تعليقاته تنفع تتوصف بإنها معارضه , بالمناسبه أبجديات العقل البشري
بتقول إن مفيش معارض في الدنيا ب ( يقتات ) على نشر الإشاعات و الأكاذيب و الصور الفوتو
شوب , و بتقول كمان ان إهانة جيش الدوله و السخريه من إسمها و التشهير بيها و بتاريخها
حتى على أرض أعدائها و في قناواتهم و جرايدهم , دي مش اسمها معارضه خالص , دي اسمها
خيانه .
.
اه ماتنساش يا
خروف اليومين دول تحديدا تحقّر من شأن انتصار اكتوبر , و يبقى زيك زي الصهاينه , و
طبعا تقنع نفسك في الحاله دي برضه انك بتمثل المعارضه .
................................................................................................................
Mohamed
Hussein
2
أكتوبر 2016·
كلمتين و نص
............... حكاية واحد من البؤساء
.
كان عندي صديق
اكتشفت وجوده بالصدفه , غالبا هو كان مؤيد للدوله و بعدين لقى حكاية مؤيد للدوله دي
ملهاش رونق ولا ( شمخه ) , وانه هيفضل باستمرار بقى يتقال عليه طبال و عر* , صاحبنا
قرر إنه يشم كوله , و أسهل حاجه في الدنيا دي على فكره انك تشم كوله , اهري في أي حاجه
و افتكس و انشر اشاعه و اكتب في أخر البوست يا معر*** , يا عبيد , يا طبالين , كده
قشطه يا معلم , شوفت الحكايه سهله ازاي؟ .
.
صاحبنا قرر انه
يبدأ حياته في شم الكوله ببوست عن العمله الصينيه , الخبر بيقول ان قناة السويس إعتمدت
العمله الصينيه كعمله رسميه في تحصيل ايراداتها , التاتش بتاع صاحبنا بقى كان التالي
: و ليه الدوله ماتحصلش الرسوم بالجنيه المصري يا دولة الخونه و المعر*** ؟! و طبعا
التعليقات بدأت عالبوست بحملة اعجاب رهيبه من الكولجيه بالوافد الجديد إليهم : الله
عليك يا بطل , أيوه كده حمد الله عالسلامه , لحد ما دخل ناس من مؤيدين الدوله يشرحوله
بهدوء , يا حماده , الحدوته مش كده خالص , الحكايه ان صندوق النقد الدولي اعتمد العمله
الصينيه من كام يوم كعمله رسميه و بالتالي بقى من حق قناة السويس تاخد اجراء مماثل
, و بس كده , إن حماده يفهم ؟ يستوعب ؟ أبدا , كل اللي على لسانه : الطبّالين وصلو
, المعر**ن هلّو , و هكذا .
.
طبعا عملت له بلوك
, ليه بقى بلوك ؟ بقى الناس المتخصصين قسّمو الذكاء درجات و مستويات , و قالو و أجمعو
إن أقل و أدنى مستوى في الذكاء البشري إسمه idiot
يعني معتوة أو ( أبله ) , و في وصف ال idiot قالو هو الشخص اللي مايقدرش يحمي نفسه من الأخطار
الطبيعيه , يعني ممكن مثلا يجيب علبة كبريت و يولع في صوابع ايده لو حس ان الدنيا ضلمه
!! , ده على مستواه الشخصي , و على مستوى البلد و في توقيت زي اللي احنا فيه يبقى ممكن
ال idiot يولع في بلده عشان يثبت لنفسه
( و للواد حوده الكهربائي الثورجي ) إنه مش طبال ولا معر* .
.
أه يا سيدي , أينعم
, قناعتي التامه إن كل شمامين الكوله , من كبيرهم لصغيرهم بيحملو لقب idiot بكل جداره و استحقاق و الحقيقه مش محتاجين يدخلو
اختبار ذكاء ولا حاجه , ماهو مفيش واحد يتركب من جماعه ارهابيه 5 سنين و يترزع
1000 قفا و يعيش حياته في نشر الإشاعات و الإفتكاسات و معندوش مانع انه يحرق بلده
( وصوابع إيده ) عشان يتجنب بس كلمة إنه مؤيد للدوله ( باعتبار انها كلمة ابيحه )
, محدش يعمل كده غير الأحمق , يعني ال idiot
.
..........................................................................................................................
Mohamed
Hussein
1
أكوبر 2016·
سامح شكري زار
تركيا من كام شهر عشان قمة المؤتمر الإسلامي , سامح شكري بيروح أمريكا و بيقابل المسئولين
هناك , سامح شكري بيستقبل وزير خارجية امريكا , سامح شكري بيزور بريطانيا , و لو تميم
ابن موزه سمعنا خبره دلوأتي حالا ( قادر يا كريم ) هيروح سامح شكري عشان يحضر الجنازه
( و احتمال السيسي نفسه هو اللي يروح ) .
.
يا حبيبي مش مشكلتي
ولا مشكلة مصر انك بقالك 5 سنين بتشم في شرابات معفنه لحد مامناخيرك اتعودت و اتأقلمت
على كده , كلمة عدو عمرها ما كانت ب قوس مقفول , القوس دايما لازم يكون مفتوح , اي
حد يحاول بشكل مباشر أو غير مباشر يضر بمصالح بلدك أو يهدد استقرارها اسمه عدو , هي
الجمله دي صعبه ؟ يعني مش عارف تستوعبها ؟ أقولهالك تاني ؟ أي حد يحاول يضر بلدك أو
يهدد استقرارها اسمه عدو .
.
كلمة عدو ملهاش
علاقه بالجنسيه ولا الديانه ولا اللغه ولا اللون , العدو هو العدو , طلع أسمراني بقى
وبيتكلم انجليزي , طلع عيل أصفر و بيتكلم عربي , طلع لامؤاخذه و بيتكلم تركي , يطلع
زي ما يطلع .
.
مش عارف اشرحهالك
ازاي , الله يخرب بيت اللي جابك , بقينا نشرح الأبجديات , لو واحد قتل ابنك يبقى اسمه
عدوك ( زي اسرائيل كده ) , و لو نفس الواحد ده بعد فتره حرض أخوك ( زي قطر مثلا ) عشان
يقتل ابنك التاني , يبقو الإتنين بقو أعدائك , مفيش أي فرق حاليا بين الصهاينه و امريكا
و بريطانيا و تركيا و قطر , كلهم بالنسبه لمصر اسمهم أعداء .
.
الدبلوماسيه بقى
غير ما نت فاهم خالص , و غير الهري بتاعنا عالفيس بوك , في الدبلوماسيه بتتعامل مع
الصديق و العدو , و مابتوصلش مع الصديق لدرجة الأحضان و القبلات و لا بتنامو في حضن
بعض ( راجع العلاقات المصريه الروسيه مثلا أو حتى المصريه السعوديه ) , و مع العدو
بتحتفظ بشعرة معاوية , يلزمك تمثيل دبلوماسي في مواقف معينه , شكل التمثيل الدبلوماسي
ده بتحدده الدبلوماسيه المصريه العريقه , حاول تصدق ان سامح شكري عنده مؤسسه عريقه
و بيتشاور مع مؤسسة رئاسه أعرق و عنده مستشارين و ناس بتفهم في السياسات الخارجيه و
البروتوكولات اكتر من وائل عباس و رشا العزب و أم نحمده بتاعة الكرشه .
.......................................................................................................................
Mohamed
Hussein
1
أكتوبر 2016·
حكاية ال 1000
قفا
.
صورة سامح شكري
و هو في جنازة بيريز واقف جنب نعش المتعوس و مش قادر يفرد طوله ( متأثر يعني و كده
) , الجزيره اللي مصر باعتها لليونان , البير اللي بتحفره رضوى جلال عشان خاطر جوزها
المرحوم شهيد الصابونه , البنت المناضله الكيوت اللي شبه الفراشه إسراء الطويل عايزه
تلم 100 الف جنيه عشان تشتري كاميرا , محمد سلطان اللي كان بيموت عندنا في السجن بس
سجد أول ماوصل أمريكا و فاق لما جابوله بيتزا , نهر النيل اللي نشف بسبب سد النهضه
, مصر اللي هتعلن افلاسها خلال 3 شهور ( من سنتين الكلام ده ) , انشقاق في صفوف الجيش
المصري , كاريته الملك فاروق أيام ما كانت الشغاله فرنسيه و أم ابراهيم بتاعة البليله
طليانيه , مصر اتهزمت في 73 عشان كده حررنا أرضنا ( بالكو لو كانت انتصرت كان زمان
الصهاينه وصلو لمدينة ههيا و مغاغه ) , الجيش بيبزنس في لبن الأطفال , قناة السويس
الجديده مشروع يستحيل تنفيذه في المده الزمنيه , مصر رمت جنودها في حرب اليمن عشان
ترضي السعوديه و استنو بقى النعوش , أنفاق قناة السويس بتتعمل عشان توصل المايه للصهاينه
, السيسي هيتصالح مع الإخوان ( من 3 سنين الكلام ده ) , العاصمه الإداريه الجديده بتتعمل
لتحقيق حلم الصهاينه ( من مدينة بدر للفرات ) , السيسي ولّع في محلات الرويعي عشان
يسلمها لرجال الأعمال بتراب الفلوس , الإرهابيين سيطرو على سينا و وصلو لنفق الشهيد
أحمد حمدي , أسرة السيسي تتوجة إلى مطار ألماظه للهروب إلى مكان غير معلوم , هيفرضو
ضريبه عالصلاه و اللي هيقف في الصف الأمامي هيدفع 35 جنيه .
.
الكائن الكولجي
المصري بقاله 3 سنين بينضرب على قفاه و أي عيل صغير ماشي في الشارع بيركبه و يسرح بيه
, كلمة السر اسمها ( رفيق الميدان ) , اول ما خروف يقوله يا رفيق الميدان يقوم صاحبنا
قايله اركب يا برنس .
.
الكائن الكولجي
حالف بكل الأيمانات مايفوق من الغيبوبه إلا لما ينضرب 1000 قفا , المشكله إنه وصل لرقم
1000 بس بيغالط في العدد , والمشكله الأكبر إنه بعد ال 1000 قفا لسه مُصّر برضه إنه
عبقري و قراري و سابق جيله بمليون سنة ضوئيه .
......................................................................................................................
Mohamed
Hussein
30
سبتمبر 2016·
مابحبش محمود عباس
أبو مازن , ولا مغرم بسلبيته و بروده لحد ما بقى شبه تامر هجرس , بس هو في رأيي أنضف
ألف مره من شوية خونة إرهابيين مرتزقه بيتاجرو بالدم الفلسطيني و بالقضيه الفلسطينيه
وبأهل غزه و الحكايه بالنسبالهم بقت سبوبه للم تبرعات الخليج , و يوم ما يقررو انهم
يحفرو أنفاق , و يوم مايقررو إنهم يشيلو سلاح , و يوم ما يقررو إنهم يعضو بيعضو الإيد
اللي اتمدت لهم .
.
إنك تبقى سلبي
و شكلك ماسخ و تبان قدام الناس منبطح أفضل بكتير من إنك تبقى مناضل نصّاب , تأكل مع
الذئب و تبكي مع الراعي .
.........................................................................................................................
Mohamed
Hussein
30
سبتمبر 2016·
عندنا نائب في
البرلمان المصري بيطالب بعمل كشف عذريه لكل البنات اللي داخلين الجامعه !! .
.
ماهو الفراغ ده
أصلا ابن تيت , و أسوأ أنواع الفراغ هو الفراغ العقلي , يعني عقلك من جوه يبقى أبيض
يا ورد , و تبقى الدنيا حواليك بتتشال و تتهبد و العالم على صفيح ساخن و انت مع نفسك
كده , عايز تهري في أي حاجه و خلاص ( زي بتوع الفيس بوك ) مع انك عضو في البرلمان بس
ثقافة انك تهري دي بقت في دمنا , و قناعتي التامه من سنين ان الديموقراطيه دي أحيانا
بتجيب نوّاب و ناس عليهم القيمه , و أحيانا بتجيب جاز .
.
لو فيه حد بجد
محتاج كشف قبل الإلتحاق بأي حاجه , يبقى الساده النواب المحترمين محتاجين الكشف ده
, كشف على قواهم العقليه عشان نتأكد الأول من حكاية أبيض يا ورد , مع انهم اختيار الشعب
و وصلو لكراسيهم بالصناديق , بس البلد و الله مش مستحمله عاهات .
...................................................................................................................................
Mohamed
Hussein
30
سبتمبر 2016·
يابني ربيع عربي
ايه و ربيع ياسين ايه بس ؟ فيه جيوش وقعت و بلاد اتحرقت و دول اختفت من عالخريطه ,
و كوكب الأرض نفسه بيحاول يتجنب حرب عالميه تالته ( و غالبا هيفشل ) .
.
أقولك على حاجه
؟ اقعد انت على جنب كده , و اتعشى و استنى تويتة البرادعي , ممكن يكتبها النهارده أو
بعد شهر , ماتستعجلش , هيكتب لك أكيد عن الشباب و حرية الشباب و تمكين الشباب و حَبْ
الشباب , و لما تجيلك التويته و تقراها و دموعك تنزل من الفرحه و تغرق الملايه ابقى
خد التابلت في حضنك و اتغطى و نام , عشان احنا مش فاضيين , ورانا بلد لو كنا سيبناها
لمعاليك كان زمانا دلوأتي بقينا خبره في التفريق بين الطيارات العسكريه الروسيه و الطيارات
الأمريكيه و هي طايره فوق القاهره .
...........................................................................................................................
ليست هناك تعليقات:
إرسال تعليق