Mohamed
Hussein
12
مايو 2016·
أنا بقول السيسي
كفايه عليه مشاريع و فنكوش لحد كده , هو و كامل الوزير , يقعدو بقى و يستريحو و يجيبولهم
كل واحد تابلت جديد , السيسي يفتح حساب عالفيس بوك و يقعد طول النهار و الليل ينزل
بوستات : السواد , الكأبه , العفن , الإحباط , ريحة العرق , فطريات القدمين , صديد
اللِوَز , الغثيان , المجاري اللي طافحه , مقالب الزباله , و يتعاطف مع فرقة أطفال
الشوارع و كلاب الشوارع و ينزل صور حمير مدبوحه , و كامل الوزير يعمل أكاونت على تويتر
, و يكتب مندوحه و عبث و تخرصات و وجداني و أتعايش بالمكارثيه و بحبك في البُعد الباعد
.
.
و اهو بكده نبقى
ضمنا أصوات ال 200 ألف كولجي اللي بيزربحو عالفيس و تويتر في ال 28 سنه اللي باقيين
في حكم السيسي , وعدد المؤيدين للسيسي يزيد بقى , نبقى 88 مليون و 200 ألف بدل ماحنا
88 مليون بس .
...........................................................................................................................
Mohamed
Hussein
12 مايو 2016•
السيسي لكامل الوزير
: معقوله يا كامل مفيش ولا لوحه عليها اسم المهندس شريف ؟ ولا لوحة يا كامل ؟.
.
مايصحش كده يا
عم كامل , إزاي تنسى تحط اسم المهندس شريف ؟ خلاص ياريس عم كامل عرف غلطته و مش هينسى
يحط اسم المهندس شريف بعد كده , إنما قولي ياريس , مين بقى المهندس شريف عشان نبقى
عارفين ؟!
............................................................................................................................
Mohamed
Hussein
12
مايو 2016·
السيسي يكلف الإسكان
و القوات المسلحه بإنهاء العشوائيات خلال سنتين !! .
.
ممممممممم كده
اتضحت الرؤيه , السيسي هينهي العشوائيات عشان يغطي على مشروع قمح الفرافره اللي زرعه
عشان يغطي على سحارات سرابيوم اللي عملها عشان يغطي على مشروع قناة السويس الجديده
اللي حفرها عشان يغطي على ال 5 ألاف كيلو طرق وشوية الكباري اللي ماحصلوش في 30 سنه
اللي عملهم عشان يغطي على صوامع الغلال و ال 6 مدن الجديده اللي بناهم عشان يغطي على
حل مشكلة الكهربا و طابور العيش و الغاز و البنزين اللي حلّها عشان يغطي على يوم
30 يونيو 2013 , اليوم اللي قلبنا فيه الترابيزه عالأمريكان و كلابهم و نفخنا فيه الخرفان
و شمامين الكوله , ................. بص العصفوره .
.......................................................................................................................
Mohamed
Hussein
12
مايو 2016·
من سنتين كنت هشتري
شقه في مدينة بدر , روحتها كام مره , بس قلت لا دي بعيده عن القاهره يا عم و لسه مش
عمرانه , قدامها ييجي 750 سنه و شهرين و5 أيام .
.
دلوأتي و انا بشوف
مدينة بدر في الصور و السيسي بيفتتح المشاريع جالي احساس اللي بيضرب نفسه 100 صرمه
, ماكنت هشتري , كانت قدامي , كانت معايا , كانت ببلاش , بعيده ايه و نيلة ايه بس ؟
يا محمد انت بتلعب مع السيسي , الراجل اللي هيخلي القاهره تصب عالبحر الأحمر و ترشق
في العين السخنه , و راح أخر الدنيا عشان ينكش في الصحرا و يزرع قمح , تبقى بالنسباله
مدينة بدر دي في الشارع اللي ورانا .
..........................................................................................................................
Mohamed
Hussein
11
مايو 2016·
يا حبيبي , يا
ضنايا
.
لو انا جيت في
يوم و قلت لك انت غبي و مابتفهمش حاجه في شغلك , و بنطلونك مش لايق عالقميص و بيتكو
شكله وحش اوي من بره و تسريحة شعرك دي موضه اتلغت من 70 سنه , دي حرية رأي .
.
بس لو قلت لك
: مامتك ماشيه على حل شعرها و مراتك بايته عند الواد حوده الكهربائي و انت حرامي و
مختلس دشليون جنيه من الجمعيه الزراعيه , كلامي ده مايبقاش حرية رأي و تعبير , لأ خالص
, من حقك ترفع عليا قضيه و تسجنني أو تجيب بندقيه و تطخني عيارين ..... سهله دي ولا
صعبه ؟ طيب .
.
لو حضرتك دخلت
على صفحتك بتاعة الفيس و كتبت السيسي فاشل ( حرية رأي ) , السيسي ودانه معوجه ( حرية
رأي ) , الحكومه بنت تيت ( حرية رأي ) , وزير البيئة مناخيره 3 فتحات ( حرية رأي )
, المشروع الفلاني فنكوش ( حرية رأي ) , البت المزه دي مش مزه ولا حاجه ( حرية رأي
) , كيلو الحديد أتقل من كيلو النحاس ( حرية رأي ) , عندي 97 جوز شراب شايلهم في الدولاب
( حرية رأي ) , مراتي بترقص أحلى من سهير زكي ( حرية رأي ) , قطر أكبر من روسيا ( حرية
رأي ) , مش بعرف انام إلا و صورة البرادعي تحت المخده ( حرية رأي ) , حزب الدستور شعبيته
جارفه بس هو اللي مدكّن عشان الحسد ( حرية رأي )
.
بس لو دخلت على
صفحتك و كتبت : الثوره المسلحه هي الحل , الجيش بيحرق البلد ولازم نحاربه , انشقاقات
في صفوف الجيش المصري , يا نحكمكو يا نحرقكو , طريقة تصنيع قنبله بدائية الصنع , الواد
الطيار المصري اللي في جيش السيسي اللي باين في الصوره ده عايزينه حيا او ميتا , ده
رقم تليفون و عنوان الظابط الفلاني اللي شغال في الأمن الوطني , حرق محولات الكهربا
هو الحل .............. كل اللي فات ده مش حرية رأي , و لو كتبته يبقى من حق الدوله
تسجنك أو حتى تجيب بندقيه و تطخك عيارين .
.
الكلام ده تعرفه
بنتي اللي في تالته ابتدائي , عارف بقى انت مشكلتك ايه ؟ مشكلتك انك خلصت الجامعه و
أخدت الدكتوراه , و بقيت ناشط فيسبوكي وقائد شبابي و زعيم سياسي و مناضل شعبي من قبل
ماتاخد تالته ابتدائي !! .
.....................................................................................................................................
Mohamed
Hussein
11
مايو 2016·
لعبة الشيطان
.
الشيطان لما بيجيب
أخره و يفيض بيه و يبقى أفلس تماما :
.
1 - يعمل شوية
حرايق في نفس التوقيت .
2 - يعمل للحرايق
دي تكبير و تفخيم و تعظيم على مواقع التواصل magnification , القاهره بتتحرق , الجيش ( مش السيسي ) بيحرق
البلد , لاحظ ان حكاية القاهره تحترق دي زي حلب تحترق , و ان كلمة الجيش مقصوده تماما
!!.
3 - يقولك انت
لسه بقى شايف ان محاربة الجيش اللي بيحرق البلد دي حاجه حرام ؟! ( شوفتو اللعبه سهله
ازاي ؟ .
.
.
أصدقائي الغاليين
جدا , لو سمحتو , بلاش تروجو للعبة الشيطان حتى لو بحسن نيه , اقتلو الشيطان و ألاعيبه
بالإهمال و التجاهل , و ماتقلقوش , البلد دي فيها رجاله بتعرف تعلّق الشيطان على عمود
النور و تاخد جمجمته تعملها طفاية سجاير
..................................................................................................................................
Mohamed Hussein
11
مايو 2016·
تفنيطة عقل
.
مجموعة حرايق متزامنه
في محلات و أسواق تجاريه في القاهره أخرها في الغوريه , طب حضرتك مش عارف السبب ولا
لاقي تفسير , يا ترى أصحاب المحلات بيعملو كده ؟ الحكايه لها علاقه بتعويضات ؟ أصل
فيه مستثمرين عايزين الأرض دي , لا لا الإخوان اللي بيعملو كده , مممممم محتار حضرتك
صح ؟
.
طيب فنّط عقلك
بالراحه
.
1- اللي مانعرفوش
نصبر عليه , يعني مانفتيش بجهل .
.
2- احتمال الشبهه
الجنائيه وارد , امتداد الحرايق بالشكل ده ممكن ( يعني احتمال ) يكون استخدم فيها مواد
سريعة الإشتعال بشكل ما , نستنى حضرتك التحقيقات .
.
3- ماينفعش استاذ
ابراهيم عيسى يطلع أخر النهار يفتي في الموضوع ده , مضطرين نستنى تحقيقات الجهات المتخصصه
و نثق فيها , و النبي يا أستاذ ابراهيم خلّي وجدانك على جنب , اه حاجه كمان يا عم ابراهيم
, ماينفعش نعمل استفتاء !! .
.
4- فرضيه و جدلية
ان السيسي ورا الكلام ده هي نوع من أنواع ( المرقعه ) اللي بتجيدها جدا أيات عرابي
و بقية الخرفان , السيسي هو رئيس مصر يعني الراجل اللي بيشيل الليله , محدش بيحرق صوابع
ايده إلا ال idiot
و ده وصف مستحيل ينطبق عالسيسي , و حكاية انه عشان يغطي على كذا بقت
ماسخه و عامله زي حلة الطبيخ البايت , السيسي ماعندوش حاجه يغطي عليها و أصعب موقف
مر بيه هو بتاع الجزيرتين , ياريت تفتكر ان في الوقت ده كان اقصى حشد شعبي ضده هو
200 متظاهر , يعني رُكب النظام مش بتخبط في بعضها ولا حاجه .
.
5- طب ممكن الخرفان
؟ أه حتمال كبير , تاريخهم الإسود ( القريب و البعيد ) بيقول كده , اللي حرق القاهره
من سنين طويله و اللي حرق محولات الكهربا من سنتين يعمل كده , و زي ما طلعو من كام
سنه يعترفو بمصايبهم اللي قبل كده ( اللي كانو بينكروها وقتها ) هيطلعو بعد كام سنه
يعترفو بمصايبهم اللي بيعملوها دلوأتي , و يقولو أسفين و سوري و مراجعات فكريه بقى
!! , دي قاعده من قواعد التنظيم الإرهابي الوثني , بالنسبالي رافض اعتذاراتهم السابقه
و اللاحقه ( قولاً واحدا يا عم ابراهيم ) , بس لو كان التنظيم الإرهابي ورا الحرايق
يبقى تاهت و لقيناها , يعني عرفنا الطريقه اللي بتفضلها الجماعه الإرهابيه في الإختفاء
من على قيد الحياه .
.
6- إجمالا صديقي
العزيز , أتمنى على حضرتك الصبر و العقل و التعقل و الثبات , عايز أقولك حاجه لذيذه
, لو عندك 3 بيضات , بيضه عصفوره و بيضه فرخة و بيضة فيل يبقى لازم ترتبهم صح في عقلك
, بيضة العصفوره أصغر من بيضة الفرخه , و بيضة الفرخه أكبر من بيضة العصفوره , و الفيل
مش بيبيض , يعني تعامل مع كل حدث على أد حجمه و أهميته و منطقيته ..
..................................................................................................................................
Mohamed
Hussein
10
مايو 2016·
العيال الشمال
.
يا مولانا ماينفعش
, و عهد الله ماينفع , مش هينفع صدقني , ماهو لما تكون من كام شهر دوست في الحكايه
الهلاميه بتاعة انا كنت راكب ميكروباص و الكمين وقفني فقلت للظابط الدستور بيقولك لأ
, فقام ضاربني طلقتين في صدري قمت انا خدت الطلقتين على صدري و طلعتهم من مناخيري
........ و الحدوته اللي انت عارفها دي .
.
و بعدين اتنقلت
بمنتهى الأريحيه لافتكاسة انا كنت راكب تاكسي ( ربنا فتح عليك تقريبا و بطلت تركب ميكروباص
) و السواق طلع مثقف و جامد تنين و قال الأيام الجايه سوده و العيشه هباب و الديناصورات
هتظهر في شوارع مدينة نصر , أو طلع غبي أخر حاجه و قالك هيحصل ايه يا استاذ ؟ قمت انت
قلت له حكاية الديناصورات من أولها .... برضه الحدوته اللي انت عارفها .
.
و بعدين اتنقلت
بقى لحدوتة الصور , فقمت رايح على موقع دعم السياحه المصريه و بقيت تنشر صور مقالب
الزباله و المساكن العشوائيه و تقول هي دي مصر .
.
و بعدين جيت الأيام
دي تدوّر على أي صور و مشاريع في أي بلد في العالم و تنشرها على انها في مصر , او تاخد
صوره من مصر و تعمل عليها فوتو شوب , عشان في النهايه تسخر و تشوه من مشاريع بلدك الحقيقيه
.
.
هو ايه بقى اللي
ماينفعش ؟ ماينفعش بعد ماتعمل كل ده تقول على نفسك حد محترم و بتحب البلد دي و صاحب
فكر و صاحب قضيه و معارض شريف , أبجديات العقل البشري مش هتقبل تطبع عليك وصف ( محترم
) ولا وصف ( شريف ) .
.
, بص , فيه مثل
انجليزي بيوصف حالتك هقولهولك بعد التحريف : إذا كنت بتلبس بيبي دول , و بتنزل الشارع
و تركن على عمود كهربا و تستنى عربيه جيب و تركب فيها و تطلع شقه مفروشه تبقى انت أكيد
و بالتأكيد عيل شمال , ماينفعش تقول على نفسك دكتور عيون !! ’ كده الوصف مش مطابق للحاله
.
.
شوفت الحكايه سهله
ازاي ؟ حاجات معينه بتعملها , حاجات بتقولها , حاجات بتكتبها , هي اللي بتحدد وظيفتك
و أوصافك , لما تبقى كداب و مزور و مزيف و مشوه لمصر يبقى حاول تصدق انك عيل شمال مش
أكتر .
....................................................................................................................................
Mohamed
Hussein
10
مايو 2016·
المجتمع المدني
, و اللي مايشوفشي من الغربال
.
عاجباك كلمة (
مجتمع مدني ) دي ؟ بتشدك أوي و بتحس لما بتسمعها ب ( روح معنويه ) ؟! طب حاضر , تعالى
و انا احكيلك
.
- لو عندك عيل
في تالته ابتدائي و عايز تديله دروس في القذاره و الوقاحه الصحفيه عشان لما يكبر يبقى
صحفي كبير بدرجة خالد صلاح , كل اللي عليك تعمله انك تجيب له اخبار اليوم السابع لمدة
اسبوع من 1 مايو ل 8 مايو , و خليه يعيش حياته بقى , درس مكثف في أم السفسطه الصحفيه
و ازاي يوم 1 مايو يقنعك ان الصحفيين دول مثال للشرف و النزاهه و الرأي الحر و الداخليه
بطلجيه ( و يجيب شهود و أسماء مشهوره للتأكيد على كده ) و يوم 8 مايو يقنعك بالعكس
تماما ( و برضه يجيب شهود و أسماء مشهوره ) !! .
.
- الأستاذ ناصر
أمين بتاع حقوق الإنسان كتب على صفحته تغريده , أكيد الموضوع كبير أوي , و قالك يا
سيدي ان زميلتهم اللي هي معرفشي مين تم تفتيش حقائبها في مطار القاهره !! بجد و النبي
؟ معقوله الدوله وصلت بيها البلطجه انها تفتش شنطة زميلتك يا أستاذ ناصر ؟ الموضوع
ده لا يمكن السكوت عليه , ولازم نعمل مظاهره و نعتصم و نتشألب في إزازتين بيره !!
.
.
- البرادعي بعد
5 سنين من العجن و الفرهده و الحرق و التخريب اللي ماحصلش في تاريخ الشرق الأوسط تفتق
ذهنه و ألمعيته عن إن مفيش مؤامره ولا حاجه !! و قيادات حزب الدستور اللي راضعين من
صدر البرادعي لما فتحو المطاوي على بعض قالو ان السبب هو مؤامره كونيه من الداخليه
و المخابرات عليهم , مع ان الداخليه و المخابرات مش هيتأمرو على عشرين تلاتين نفر
, خصوصا لو كانو هما لوحدهم كل واحد فيهم بيحمل لقب متأمر و اهبل .
.
- خالد علي كل
يوم الصبح يصحى و يقول ( عشانا عليك يا كريم ) و أي مصلحه يرشق فيها , مظاهره , اعتصام
, فرح , طهور , أي حاجه يعني , من غير ما يسأل ولا يعرف ولا يستفسر , و اهو يعمل تمارين
الصباح بالمره .
.
- العيال بتوع
6 ابريل و الإشتراكيين الثوريين لو لقو كلب جربان ماشي في الشارع هيتعاطفو معاه و عايزين
يحكمو مصر مع إن أذكاهم حمار , و دول تحديدا لو حكمو مصر أول حاجه هيعملوها انهم يخلصو
عالمعارضه اللي هتعارضهم حتى لو كانت معارضه كيوت بتقول لو سمحت و بليز , و تاني حاجه
هيعملوها انهم هيخلصو على بعض .
.
- الإخوان و وائل
قنديل و أيمن نور و أيات عربي و عاصم عبد الماجد , وكل الإرهابيين اللي جوه مصر و برّاها
, و اللي قاعد في تركيا و بريطانيا و قطر يحرض على مصر و جيشها و يشمت في العساكر لما
تموت و يتعاطف مع الإرهابيين و يروج لفكرة ان الإرهاب ده منهج فكري , دول كمان جزء
من المجتمع المدني .
.
- هه يا حبيبي
, لسه عايز مجتمع مدني تاني ؟ , المشكله انك لما بتسمع جملة ( مجتمع مدني ) و بتجيلك
( روح معنويه ) بتبقى في اللحظه دي متخيل ان المجتمع المدني عباره عن مخلوقات و منظمات
فضائيه هينزلو لنا من السما وهما متوضيين و مستحميين .
................................................................................................................................
Mohamed
Hussein
10
مايو 2016·
يا مزه , أيا مزه
.
- أيات المنافق
قصدي أيات العرابي شايفه ان السيسي بيحرق البلد ده طبعا بعد ما وقع الطياره الروسيه
و قتل الشاب الإيطالي و بعد ما حفر سحارات سرابيوم عشان يوصل المايه لاسرائيل و بعد
ما زرع القمح في الفرافره عشان يغرّق الشعب في مستنقع البليله !! .
.
أيات المنافق لها
دراويش و بهاليل زيها زي مؤخرة كيم كارديشان وشرابات وائل عباس و منهم بهاليل الإخوان
و شمامين الكوله , اللي بيعتقدو ان أيات عرابي من أل البيت ( و البيت ده طاهر ) و انها
هتنشر الإسلام و الديموقراطيه في ربوع كوكب الأرض من مقر إقامتها في بيوت الغواني في
واشنطن ولندن و أنقره .
.
من أي البلاد أنتَ
يا ديفيد ؟ من نيويورك يا مولانا , أخبرني إذا هل ظهر فيكم مذهبٌ جديد ؟ أجل يا مولانا
ظهر , ده ظهر و ظهر و ظهر , أخبرني عن هذا المذهب ؟ إنه المذهب العرابي يا سيدي الذي
كتبت فصوله و ( أياته ) على أوراك العذارى , اللي هما مش عذارى أوي , مذهب أقرب ما
يكون للسيجار الكوبي الأصلي يعني ال original
, في المذهب العرابي تصبح الخيانه منهج ( فكري ) , و يوجد به فريضه يوميه واحده و هي
إنك تنام عالسرير ( مع فكري ) , ماتيجي تشرب بانجو يا مولانا , اتفضل و الله .
...................................................................................................................................
Mohamed
Hussein
9
مايو 2016·
خالد صلاح طلع
عالهوا يقول بالبلدي كده يعني و فيما معناه , احنا انضحك علينا و وصلت لنا معلومات
مش دقيقه و خلتنا نتصرف بحماقه , و انخدعنا و اتقرطسنا و لبسنا السلطانيه , وانا بعتذر
, انا أسف , أنا أسف جدا و الله !! .
.
أستاذ خالد صلاح
, حكاية انخدعنا دي كانت تنفع تتقال من 5 سنين , لكن من سنتين تحديدا ماينفعشي تتقال
, عشان كل حاجه بقت واضحه زي الشمس , و مصر ماينفعش تفضل حقل تجارب لمراهقاتكو السياسيه
حتى لو كانت بحُسن نيه ( و إن كنت أشك ) , اعتذارك مش معناه انك بطل , كل الحكايه انك
فار بينط من سفينه بعد ما عرف انها غرقانه غرقانه .
......................................................................................................................................
Mohamed
Hussein
9
مايو 2016·
من سنتين تلاته
و وزير خارجية السودان كل يوم يصحى من النوم يغسل وشه و يمسك ميكروفون و يقول : حلايب
و شلاتين سودانيه , و أحيانا كان بيقولها قبل مايغسل وشه .
.
النهارده رئيس
البرلمان المصري بيقر في التقسيم الإداري الجديد بضم حلايب و شلاتين لمحافظة أسوان
!! , شعور عمر البشير دلوأتي هيبقى بالظبط زي شعور يحيى قُلّاش , ماقولنا من الأول
بلاش فتحة الصدر دي بدل ما تاخدو برد و عضم صدركو يسوّس .
...................................................................................................................................
Mohamed
Hussein
9
مايو 2016·
ركّزو معايا ,
احنا هنطلع ب المشروع ده فنكوش و مستحيل يتم .
و لما يتم المشروع
هننزل بقى ب مشروع مالوش أي تلاتين لازمه و ماتعملشي عليه حوار مجتمعي , و كان المفروض
نستفيد بالفلوس دي في تنمية الإنسان .
.
مع تحيات المايسترو
جميلة اسماعيل , قائد فرقة ( السحلية اليتيمه ) الموسيقيه .
...............................................................................................................................
Mohamed
Hussein.
9
مايو 2016·
كامل الوزير
.
الإجتماع التأسيسي
الأول لشركة العاصمه الإدارية الجديده , اللي بدأ الشغل فيها من شهور , عدد الأعضاء
في الشركه 13 عضو , بيمثلو هيئة المجتمعات العمرانيه و الخبرات الهندسيه و القوات المسلحه
, سيبك سيبك , و انا بقرا الخبر دورت على إسم معين و لقيته , اللواء أركان حرب كامل
الوزير , رئيس الهيئة الهندسيه للقوات المسلحه , أيوه هو ده , طالما إسم كامل الوزير
موجود ماتدورش عالباقي , ده فريق يا مولانا زي فريق الكوره كده , لو لقيت الخطيب في
التشكيل الأساسي ماتسألش على ربيع ياسين و أسامه عرابي و باقي الفريق
.
كامل الوزير (
بصفته و شخصه ) هو الدراع اليمين لعبد الفتاح السيسي في كل مشاريعه , يعمل قناه , يحفر
سحارات تحت القناه , يعمل 5 ألاف كيلو طرق , يعمل مجموعة كباري ماحصلتش في 30 سنه
, يزرع الصحرا قمح , يعمل صوامع غلال عملاقه , يعمل عاصمه إدارية جديده , الكلام ده
في سنتين تلاته , أهم حاجه في كامل الوزير إنه مش شاغل باله خالص بتويتات البرادعي
ولا مندوحة يسري فوده ولا وجدان ابراهيم عيسى , ولا بيدخل نت ولا بيشوف تلفزيون , الراجل
بيبقى عنده مجموعة مشاريع كبيره في نفس الوقت بينفذهم ( بالأمر العسكري ) بمواصفات
معينه و في توقيت معين .
.
كامل الوزير (
ربنا يحفظه هو و رئيسه ) , بيبدأ يومه بالعمل و بينهيه بالعمل , هو ده يومه و هي دي
دورة حياته , و بين العمل و العمل سنابل خير , و بين العمل و العمل أمل .
..........................................................................................................................
Mohamed
Hussein
8
مايو 2016·
فقط في مصر , الظابط
شغلته انه يتقتل من إرهابي و الناشط اللامؤاخذه شغلته انه يتضامن مع القاتل الإرهابي
و يشمت في المقتول اللي بيحميه , و الصحفي اللامؤاخذه شغلته انه يعتصم على سلم النقابه
عشان يحمي اتنين كلاب بيحرّضو الإرهابيين عالقتل , و يحط ريشه على راسه و يطالب باقالة
وزير الداخليه عشان بينفّذ القانون و بيحاول يحمي ولاده اللي بيتقتلو عشان خاطرنا كل
كام يوم !! .
.
انا لو كنت رئيس
مصر ماكنتش أبدا هبقى في صبر و هدوء و إتزان عبدالفتاح السيسي , عندي مرارة واحده
, و عندي رافال و أباتشي و F16 , أكيد كنت هحل مشاكل كتير !! .
...................................................................................................................................
Mohamed
Hussein
8
مايو 2016·
لما كنا حمير طيبين
................ احنا أسفين يا مصر .
.
كنت واحد من ملايين
ينفع يتقال عليهم ( العائدون من شم الكوله ) , و في مرحلة شم الكوله و أثناء ما كنا
مركوبين و متساقين في يناير 2011 اترمى لنا طعم و بلعناه كالعاده , عشان كنا حمير طيبين
, أه بالظبط حمير طيبين , الطعم بيقول ( حل جهاز أمن الدوله ) !! , اللي رمالنا الطعم
ده مكانشي عيل صغير بيعمل بيبي على نفسه في الشارع , لا , احنا اللي كنا عيال صغيرين
و بنعمل بيبي على نفسنا في الشارع , هيصنا و زيطنا و قولنا صح , أيوم كده ,لازم بقى
نحل جهاز أمن الدوله !! .
.
و بعد ما شميت
كوله سنتين متواصلين , و لما قررت أنزّل ابن الكلب اللي راكب على ضهري و سايقني , سألت
نفسي بالراحه , يعني ايه حل جهاز أمن الدوله و ليه ؟ هو الجهاز ده دوره ايه بالظبط
؟ انا اعرف ان 99 % من المصريين عمرهم ما دخلو أمن دوله ولا عارفين مكانه , ولا دخلو
قسم حتى إلا و هما بيطلّعو البطاقه , طب مين بيدخل امن الدوله ؟ الإرهابيين واللي بيخططو
لحرق مصر و اللي بينفذو تعليمات أجنبيه و اللي اعضاء في تنظيم ارهابي دولي ؟ طب مشكلة
جهاز امن الدوله كانت ايه ؟ انه بيحصل فيه تعذيب و تجاوزت ؟ طب هو التعذيب و التجاوزات
كانو بيحصلو عشان فيه تار بايت بين ظابط أمن الدوله و بين المتهم ؟ و لا الحكايه لها
علاقه بأمن الوطن و استقراره ؟! .
.
طب في أمريكا و
فرنسا و بريطانيا و أي دوله في العالم , الأجهزه المماثله بتعمل ايه مع المتهمين بالإرهاب
أو الخيانه أو العماله ؟ بتجيب لهم ورد و دباديب و عنّاب ساقع عشان يروّقو دمهم ؟!
.
.
الحوادث الإرهابيه
اللي حصلت في أخر 3 سنين مع مراعاة حجم الإنفاق اللي بيتم على الإرهاب و حجم الدعم
الخارجي و حجم السلاح و حجم الإرهابيين اللي في الداخل و حجم شمامين الكوله ( اللي
بيتعاطفو مع الإرهاب ) , الحوادث دي بتمثل واحد على ألف من اللي كان المفروض يحصل لو
لا قدر الله ماعندناش مخابرات قويه و جهاز امن وطني قوي .
كل الشكر للمجلس
العسكري و للمخابرات المصريه و الجيش المصري و الداخليه المصريه اللي قررو في الوقت
ده انهم يعيدو تشكيل الجهاز و يغيرو اسمه للأمن الوطني , أشكركو لإنكو ماستجابتوش لنا
لما كنا حمير طيبين .
.
و لمصر علينا اعتذار
واجب , احنا أسفين يا مصر .
................................................................................................................................
Mohamed
Hussein
8
مايو 2016·
حاتم زكريا , أمين
عام اتحاد الصحفيين العرب بيحكي عن مكالمة بين ظابط من الأمن الوطني و بين نقيب الصحفيين
يوم 30 ابريل , و ان نقيب الصحفيين اعترف بوجود 2 معتصمين في النقابه و مطلوبين بموجب
قرار النيابه !! , يعني اللامؤاخذه كان عارف و تم ابلاغه قبل دخول رجال الأمن !! .
.
كده يبقى سحب الثقه
من مجلس النقابه الخاين مش كفايه ولا استقالتهم كفايه , الخاين لازم يتحاكم زيه زي
الإرهابي , و بالنسبه لشمامين الكوله اللي بيتعاطفو مع اي كلب جربان ماشي في الشارع
ياريت بقى يقفو قدام المرايه و يضربو نفسهم 100 جزمه أو يحاولو يغسلو قلوبهم بشوية
ماية نضيفه , فإنها لا تعمى الأبصار و لكن تعمى القلوب التي في الصدور .
..................................................................................................................................
Mohamed
Hussein
8
مايو 2016·
رابعه و الإرهاب
و صبر أيوب و زمن البلاله .
.
- طب الإرهابيين
عايزين ايه ؟ عايزين مرسي البهلول يرجع و عايزين يحرقو البلد و عايزين يحولو رابعه
لمذبحه بقى قدام التاريخ زي الهولوكوست و مذابح الأرمن ( مع ان اللي مات في رابعه يساوي
1/10 من اللي ماتو من رجال الشرطه و الجيش في ال 3 سنين اللي فاتو) , أه و بالمره عايزين
يحررو القدس مع انهم تنظيم صهيوني أنشأته بريطانيا في توقيت نشأة الكيان الصهيوني
, يعني توأم ملتصق !! , بس برضه بيقنعو بهاليلهم انهم عايزين يحررو القدس و ان الطريق
لتحرير القدس بيكون على أشلاء و دماء الشعب المصري .....يا مولانا قدس أم رابعه , و
قدس أم تنظيمك الإرهابي .
.
- الصحافه المصريه
أخيرا اعترفت ان مصر بتتعرض لمؤامره من الصحف و وسائل الإعلام الغربيه و عملية تشويه
كامله و إننا في حرب مع الإرهاب , صح النوم يا صحافه عره , و أخبار أحمد عز و زينه
ايه ؟ و الست اللي قالت في المحكمه أصل جوزي مابيعرفش ؟ و أخبار صور و جدول أعمال كيم
كارديشان ايه ؟ يا بيت اللامؤاخذه الحريه و الوطنيه .
.
- الريس مكانشي
ينفتع يعتذر للصحافه العره , و لا فيه وزير داخليه بيقال عشان بينفذ القانون , و مفيش
حاجه اسمها مكان مقدس قدام القانون ولا حتى الجوامع و الكنايس , مطلوب فورا بلاغ للنائب
العام بالقبض على المدعو يحيى قلاش بتهمه التستر على اتنين مجرمين متهمين بالتحريض
على القتل و الحرق , يعني مش قصف قلم و لا حرية رأي و لا حرية بطيخ يا شوية خواجات
.
.
- و ال 8 اللي
استشهدو النهارده ذنبهم في رقبة مين ؟ , صبر أيوب لازم ينفذ يا عم عبد الفتاح , و زمن
البلاله لازم ينتهي , مش هنستنى أم القضاء و المحامين و النقض و الإستئناف و التأجيل
و استشعار الحرج و رد هيئة اللامؤاخذه المحكمه , اضرب يا مولانا و افرم و انجز , ماحنا
كده كده بيتم تشويهنا , يبقى نتشوه على حق , مش تبقى سمعه عالفاضي , الصحافه الغربيه
و الحقوقين و كارتر هيقولو بيقتلو المواطنين الإرهابيين الكيوت ؟!! بجد هيقولو ؟ طب
تمام , يبقى قدس ام الصحافه الغربيه على قدس الحقوقيين على قدس أم كارتر ذات نفسه
.
...........................................................................................................................
Mohamed
Hussein
7
مايو 2016·
نقابة الصحفيين
: لسنا في خصومه مع الرئيس عبدالفتاح السيسي و لم نطلب اعتذاره و قضيتنا نقابيه و نتجه
لتأجيل الجمعيه العموميه !! .
.
طيب تمام , كفايه
لعب لحد كده ولّا تحبو تلعبو عالملابس الداخليه ؟! .
..................................................................................................................................
Mohamed
Hussein
7
مايو 2016·
مرسي البهلول هيتنفخ
في قضية التخابر مع قطر .
.
واحد حمار هيسأل
بعد ما يضحك ضحكته اللزجه : هو فيه حاجه اسمها التخابر مع قطر ؟ هاهاهاها , تصدق صح
يا حمار , معاك حق يا حمار , انت ذكي أوي يا حمار , انت عبقري يا حمار , فعلا التخابر
يبقى لازم يكون مع اسرائيل , هي أصلا بتتقال بؤ واحد كده ( التخابر مع اسرائيل ) ,
انما لو رئيس هرّب وثائق الدوله السريه لدولة فنزويلا مثلا يقوم القاضي يسأل الرئيس
ده : انت بتشتغل لحساب مين ؟ لحساب فنزويلا ؟ طب ثانيه واحده كده , اه تمام , القانون
هنا بيقول التخابر مع اسرائيل بس , كده انت براءه يا ريس , و لو وزير اشتغل جاسوس لحساب
بوركينا فاسو يبقى نفس القاضي يفتح الكتاب و مايلاقيش اسم بوركينا فاسو يقوم مديه براءه
و مكافئه !! , ممممممممممم بحبك يا حمار .
.
عارف يا حمار انت
عامل شبه مين ؟ شبه واحد عايش في حاره و في الحاره دي معروف ان فيها شخص فلاتي وبتاع
نسوان , و انت اصلا علاقتك بيه زي الزفت , اسمه حوده أبو شفه , فانت جيت بقى نبهت على
مراتك ان حوده ابو شفه ده مايهوبشي ناحية البيت خالص و لا رجليه تعتّب باب الشقه ,
كلّه إلا حوده أبو شفه , و مراتك سمعت كلامك , و كل يوم حضرتك تدخل البيت تلاقي مراتك
نايمه مع راجل غريب تقوم انت متسحب كده و مدور في بنطلون الراجل , تلاقي البطاقه ,
تقرا الإسم ايه ؟ محفوظ العجلاتي ؟ مين محفوظ العجلاتي ده ؟ مش مهم , المهم انه مش
حوده ابو شفه , كده تبقى مراتي براءه , كنت هظلمك يا حياتي !! .
.
يا حمار التخابر
هو التخابر , والعالم فيه اكتر من 200 دوله , كلهم بالنسبالك اسمهم ( جهات اجنبيه
) , و أي تعامل مع دوله منهم بوثائق الدوله المصريه السريه يبقى اسمه تخابر مع جهه
اجنبيه , يعني محفوظ العجلاتي قدام القانون ( و الرجوله و النخوه ) مابيفرقشي خالص
عن حوده ابو شفه .
...........................................................................................................................
Mohamed
Hussein
7
مايو 2016·
دراسة جدوى
.
خد يابني دراسة
جدوى لمشروع الفرافره اهي بتقولك ان الفدان بيتكلف 10 قروش
- لا 10 قروش كتير
أوي , كده تبقى خسرانه , الدكتور زوربيح المفش عضو لجنة زراعة الكنتالوب البامبي بيقول
انها بتتكلف 9 قروش بس .
.
طب معلش انا اسف
غلطت في الرقم , هي الدراسه بتقول ان الفدان بيكلف 7 قروش بس .
- لا 7 قروش كتير
أوي , كده تبقى خسرانه و فنكوش جديد من بتاع السيسي , الدكتور حلموسه الأعور نائب رئيس
جمعية خراطيم المايه بيقول هما 5 قروش بس .
.
طب معلش أسف للمره
الأخيره , هو الفدان بيتكلف 3 قروش بس انا اللي قريت الرقم غلط .
- لا 3 قروش ايه
, ده كتير جدا و مشروع فاشل و فنكوش جديد .
.
طب انت عايز ايه
يا حبيبي ؟ قول من الأخر كده و بصراحه ماتتكسفش .
- انا مش عايز
حاجه , مش عايز مصر تعمل حاجه , و اي حاجه هتعملوها هقول فاشله و فنكوش و السيسي بيضحك
علينا , عايز انشر السواد و الكأبه و الإحباط , عايز احس اني مهم , أرجوك خليني أحس
اني مهم , قولي انت مهم .
.
طيب حاضر , انت
مهم .
........................................................................................................................
Mohamed
Hussein
6
مايو 2016·
أصدقائي التانيين
............................ بعد التحيه
.
عايز أحلّفكو بأغلى
حاجه عندكو , احلفكو بايه طيب ؟ بمقام سيدي جيفارا ؟ بمقالات الأسواني ؟ بنضارة البرادعي
؟ بمندوحة يسري فوده ؟ طب و حياة أغلى حاجه عندكو اللي هي علبة الكوله , حاولو بس
, رجاء و النبي , تحتفظو بأبجديات العقل البشري , هاتو كتاب زرع و حصد و عمو حسن يشد
الكرنبه و اقروه من تاني
.
ليه بقى ؟ عشان
بصراحه و من غير زعل , تعليقاتكو و أفكاركو بقت مثيره للشفقه , و بلاقي نفسي غصب عني
برد برد ساخر شويه , كرباج ممكن , ماهو انا لو ماردتش بهزار و اسلوب ساخر هيبقى البديل
الجاد اني أنزل لكو بصورة أبيحه , +18 , لا +18 ايه ؟ , قولو + 28 , +38 , حاجه كده
تليق بمقام التخلف العقلي اللي بشوفه .
.
1- صديقي الفلاني
, مساحة مصر مليون كيلو متر مربع , ألف في ألف , سهله خالص اهي , مش 33 ألف كيلو ,
دي ممكن تكون مساحة مركز السنبلاوين , و بالفدان تبقى مساحة مصر 240 مليون فدان , الكلام
ده يعرفو العيل اللي في تالته ابتدائي , بنتي في تالته ابتدائي لو معرفتش تحسب مساحة
مصر بالكيلو و الفدان هقعّدها من المدرسه و اخليها تشتغل خياطه !! .
.
قوم ايه بقى ؟
قوم لما يتقالك ان مصر هتزرع مليون و نص مليون فدان في الفرافره ماتقومشي انت ضاحك
بالضحكه السمجه اياها و تقول دي كده اكبر من مساحة مصر !!, و إلا و المصحف لو هرد عليك
جد هيبقى ردي بالصوره الأبيحه ال +38 .
.
2- صديقي العلاني
, مفيش حاجه اسمها دراسة جدوى لزراعة القمح , القمح سيادتك لو نطول نزرعه فوق السطوح
المفروض نزرعه , يعني أي مساحه نقدر نزرعها قمح في مصر يبقى فورا و من غير تردد , عشان
ده السلعه رقم واحد أو بمعنى أصح السلاح رقم 1 لو بتفهم يعني , و القمح مش بيحتاج يتحط
له يورانيوم مشع ولا بودرة دهب عشان تتخيل ان زراعته مكلفه , و مصر بتزرع قمح من خشروميت
سنه , فهمت ولا ننزل بالصوره الأبيحه ؟! .
.
3- صديقي الترتاني
, مش مهم تدلي بدلو اللي خلفوك و تتألق في الهيافه , الأرض المزروعه قمح لا هتتسرق
من البدو ولا هتتسرق من المغول و المنفلوطيين , محدش بيسرق سنابل القمح و لا الفلاحين
اللي زارعين قمح بيروحو ينامو جنب أراضيهم , الأرض احنا مش زارعينها ساعات سويسري ولا
زارعينها كافيار .
.
أصدقائي التلاته
, ممكن رجاء يعني , تقعدو على جنب و تعملو اللي انتو عايزينه ؟ , تحضنو بعض حضن مطارات
, تتعايشو مع المكارثيه , تتكاثرو بالإنقسام الميتوزي , تتشقلبو في إزازتين بيره ,
بس بعيد عن صفحتي و مرارتي ؟!!.
..........................................................................................................................
Mohamed
Hussein
6
مايو 2016·
حماده عايز دراسة
جدوى لزراعة القمح في الصحرا !!
.
ازيك يا حماده
, أولا بشكرك جدا انك مصدق ان القمح اللي شوفته في الصور و الفيديوهات ده قمح حقيقي
مش قمح بلاستيك , جميلك ده مش هنساه ابدا طول العمر , أه و عهد الله .
.
ثانيا , عايز دراسة
جدوى للموضوع ؟ عايز اوي ؟ حاضر , بص يا حماده , لا بص عاللي هقوله , انت بتبص فين
؟! .
.
احنا يا سيدي بنجيب
بذرة القمح و نرميها في الصحرا و نرويها بشويه مايه و بعدين يطلع لنا نبات القمح بقى
اللي هو اسمه ( الغلّه ) و بالإنجليزي اسمه wheat
, و نقعد نروي الغله دي كل كام يوم لحد ماتكبر و تعمل سنابل ( سَبَل ) و لما السنابل
تصفر شويه نضم المحصول بقى , بالمنجل و الشرشره أو بالماكينات اللي انت شوفتها دي في
المساحات الكبيره .
.
حلو كده يا حماده
؟ مبسوط لحد دلوأتي ؟ طيب تمام , لما بنضم الغله بندرسها في الدرّاسه ( ده لو ماعندناش
الماكنه اللي بتضم اللي انت شوفتها ) , يقوم القمح يطلع لنا لوحده , اللي هي البذور
seeds و التبن يطلع لنا لوحده .
.
ناخد القمح بقى
ونطحنه في ماكنة الطحين بتاعة عمك أمين أبو الصادق ولّا خالتك عزيزه مرات البهنساوي
, والله يابني مانا فاكر , يقوم يتحول القمح لدقيق و ردّه , الدقيق نعمله عيش يعني
خبز يعني bread , و نعمله كمان فطاير و كيك و كحك و بسكوت في
العيد و بليله في الشتا , و نصيحه لك يا حماده , احلى بليله تروح تاكلها عند الفخراني
اللي في أجا , و القمح كمان بنعمل منه المكرونه , بس للأمانه و للأمانه الشديده القمح
ماينفعشي نعمله رز ولا نعمله لحمه , القمح حاجه و اللحمه حاجه تانيه خالص , و مفيش
ماكنه نحط فيها القمح من الناحيادي تطلع لنا بسله خضرة من الناحيادي , ده للأمانه يعني
.
.
الرده بقى بنستخدمها
في شوي السمك و سمك يعني fish , و بتدخل كمان في عمايل العيش و بيتعمل منها
دوا للرجيم اسمه bran , عشان بتنفش في البطن و تسد النفس عن الأكل
, حلوه تنفش دي يا حماده ؟.
.
كده مش باقي غير
التبن اللي هو ال hay , و ده طبعا بيستخدم في ايه بقى ؟ أيوه اسم الله
عليك , ده اللي حضرتك بتاكل منه و تتعلف بقالك 5 سنين .
.
نصيحه يا حماده
, ماتحاولش تستفزني عشان انا مرارتي مش مستحمله , أقولك على فكره حلوه , بصفتك شمام
كوله اد الدنيا , سيبك من الحاجات المعقده الكومبليكس اللي زي زراعة القمح دي و أهميتها
!! و ركز في الحاجات السهله , زي مثلا مواصفات الطيارات الرافال و دراسة جدوى للمسترال
و تفنيد ترسيم الحدود البحريه و اسال على ميزانيه الجيش و خطة محاربة الإرهاب و أنواع
الرادارت الفرنسيه اللي مصر اشترتها , هات بوسه بقى عالنصيحه دي .
.................................................................................................................................
Mohamed
Hussein
6
مايو 2016·
العبيط و الشيطان
.
هو انا ليه شمتان
أوي كده و بقالي 3 أيام عامل حفله على نقابة ( الدبدوب الجبار ) ؟ الحكايه يا سيدي
مفهاش اسم عبد الفتاح السيسي خالص , و لا الوزاره اللي انا مش عارف اسم رئيسها , و
لا حتى فيها وزير الداخليه , الحكايه اسمها بلد في حالة حرب حقيقيه و الصحافه و الإعلام
هما تلتين الحرب دي .
.
الحكايه بتقول
إن حاليا , يعني دلوأتي , يعني now
مفيش حاجه اسمها اعلام نزيه ولا صحافه نزيهه في المجمل , الإعلام
و الصحافه الغربيه هو و الإعلام و الصحافه المصريه بيشتركو في صفه واحده بس ( و مع
كل احترامي للقلّه الشريفه المهنيه الوطنيه في الإعلام المصري ) , الصفه دي ان الإتنين
ولاد وسخه !! .
.
بس الفرق بينهم
شاسع , الإعلام و الصحافه الغربيه زي ال bbc
و الواشنطن بوست و ال cnn
و التايمز و معاهم الجزيره و غيرها ده إعلام ابن وسخه شيطان , بيشتغل
لحساب الدوله اللي هو فيها , لحساب أجهزة مخابرات أمريكيه و بريطانيه , للترويج لخطه
معينه , منها الترويج لحرق وطنا العربي ( وقت اللزوم ) .
.
الإعلام بتاعنا
بقى , ابن وسخه عبيط و لامؤاخذه , بيشتغل لحساب رجل الأعمال ( عشان يلوي دراع الدوله
وقت اللزوم ) , أو لحساب نفس الخطه بتاعة الأعلام الغربي ( مش بقول لكو ابن وسخه عبيط
) , أو بيشتغل لحساب مزاج رئيس التحرير , أه المزاج و الدلع و مش عايزين نفسر أكتر
من كده .
.
أنا شخصيا اتمنى
يكون عندنا صحافه و اعلام من النوع الأولاني , مش بس أتمنى , لا ده ضروره حتميه , جزء
من الحرب اللي بنخوضها , اعلام قوي يشتغل لحساب الدوله و المخابرات المصريه و يروج
لخطتها و أهدافها في الداخل و الخارج بإسلوب احترافي , يعني نلاعبهم بنفس السلاح .
.
ايه بقى خلاني
أنفعل و خلى ملايين المصريين يتعاطفو مع وزير الداخليه ؟ هو اللي فوق ده , ماتبقاش
ابن وسخه عبيط و بتشتغل لامؤاخذه , و عارف انك لامؤاخذه و تيجي تبيع شعاراتك العبيطه
, الحريه , الإبداع , الشرف , صاحبة الجلاله , القلم الحر , الأستيكه الجريئه , البرّايه
اللي على راسها ريشه , الشمعه التي تحترق , المكان المقدس , قدس الأقداس .
.
يا مولانا عيب
عليك و الله , الشعب عارف وفاهم و حافظ و شايف بعنيه , و المثل بيقول : ماتعملشي شيخ
على صاحب البار اللي كنت بتسكر فيه !! .
...............................................................................................................................
ليست هناك تعليقات:
إرسال تعليق