Mohamed Hussein
5 مايو 2016·
الدبدوب الجبّار
.
الصحفيين في الليله دي خسرو كل شئ , لعبو
على كل حاجه و خسرو كل حاجه حتى ملابسهم الداخليه , الحفله اللي اتعملت عليهم في 3
أيام ماحصلتش على حد غيرهم .
.
ماهو لما تعمل نفسك 7 رجاله في بعض بمنتهى
العبط و السذاجه و تحط عيشه على ام الخير و تسيب الخرفان يركبوك و تقول انا الصحفي
انا الدوله انا اللي على راس ابويا ريشه , انا عايز اعتذار و إقاله , انا جامد انا
جبار انا مخيف انا بمشي عالحيط , و في الأخر نلاقي اللي بيمشي عالحيط ده مجرد صرصار
بينضرب مليون جزمه على دماغه تبقى خسرت كل حاجه يا معلم و بمنتهى الأريحيه , يعني و
انت سايب إيديك كداهو .
.
الحاجه الوحيده اللي نجح فيها الصحفيين
و بإمتياز كمان , هي إنهم قدرو يقنعو ملايين من الشعب المصري بالتعاطف و التضامن مع
وزير الداخليه , لدرجة ان ناس كتير جدا حطت صورة مجدي عبد الغفار على بروفايلاتها
, الحكايه دي ماحصلتش في تاريخ الفيس بوك , احنا اللي مش بنحب نشوف شكل أمين شرطه في
الشارع بقينا نحط صورة وزير الداخليه عالبروفايل و نحط جنبه ورد و قلوب !!.
.
ألف ألف شكر لنقابة الدبدوب الجبّار ( نقابة
الصحفيين سابقا ) .
..................................................................................................................
Mohamed
Hussein
5 مايو 2016•
يا مورّك يا مهجه
.
يحيى قلاش : قولي
يا مجدي , الريس اعتذر ؟ الحكومه اعتذرت ؟ طب أقالو وزير الداخليه ؟ طمني يابني .
مجدي الجلاد :
لا يا كبير محدش اعتذر , ولا حتى عامل البوفيه اللي في مبنى رئاسة الوزرا , و الريس
راح افتتح مشروع القمح بتاع الفرافره و مجابشي سيرتنا ولا عبرنا في الجزمه , ده كمان
خد معاه وزير الداخليه مع انه كان ممكن مايخدوش .
.
يحيى قلاش ( بعد
تفكير لثانيتين ) : مممممم مش هو اللي خده يا مجدي , احنا اللي خدناه , و خدناه أوي
كمان .
مجدي الجلاد :
هو ايه ده اللي خدناه يا كبير ؟ .
.
يحيى قلاش : اللي
كان طبيعي اننا ناخده , اللي جرينا بعزم مافينا عشان نلحق ناخده .
مجدي الجلاد :
أه فهمت فهمت , طب يا كبيرنا هنعمل ايه ؟ نستمر على مطالبنا و اتهاماتنا للنظام ؟
.
.
يحيى قلاش : لا
احنا هنغير مطلبنا و خطتنا تماما .
مجدي الجلاد :
ازاي بس يا كبير ؟ .
.
يحيى قلاش : احنا
هنطلب لجنه طبيه دوليه تعمل لنا كشف عذريه كلنا و هنتهم السيسي و الشعب المصري انهم
بيغتصبو المراهقين سياسين و أدعياء الحريه و شمامين الكوله .
مجدي الجلاد :
فكره هايله , بس هي أكيد تنجح يا أستاذنا ؟ .
.
يحيى قلاش : تنجح
ولا ماتنجحش مش مهم , هو احنا بعد ما خدناه مبقاش فيه حاجه نبكي عليها .
مجدي الجلاد :
معاك حق فعلا , طيب نبدأ فورا , بس مين هيقف معانا ؟
يحيى قلاش : السفاره
الأمريكيه هتقف معانا , و الأستاذ خالد علي و رشا العزب .
.
مجدي الجلاد :
يا مورك يا مهجه .
يحيى قلاش : يا
مورك يا مهجه .
...............................................................................................................................
Mohamed
Hussein
5 مايو 2016•
. عمل ايه السيسي
في الصحفيين ؟ , عايز تعرف السيسي عمل ايه ؟ تعالى و انا أقولك , بس الأول هات معاك
3 حاجات مهمين , ضحكه حلوه , و سنبلتين قمح من بتوع الفرافره , و ممكن البنات يجيبو
منخُل عشان اللي تتكسف تغطي وشها .
.
بص يا سيدي , بقى
حكاية ان السيسي جاب عيلين بيشتغلو صحفيين منهم عيل معاه دبلوم صنايع و قالهم حرّضو
على حرق البلد , و بعدين قال لهم روحو استخبو في نقابة الصحفيين و بعدين قال لنقيب
الصحفيين اتستر عليهم و لو جالهم أمر ضبط و احضار رسمي اطلع عالهوا و اقلب الدنيا و
قول اقتحام و حرية الرأي و بيت الحريه و اعمل اجتماع طارئ و جمعيه عموميه مضروبه و
قدمو طلب بإقالة وزير الداخليه و اني اعتذر لكو !! الحدوته دي اللي هي بتاعة ( بص العصفوره
) , هي حدوته لذيذه أوي بس ماتخطرش على بال و لا تقنع سحليه يتميه محشوره في ماسورة
صرف صحي في صلاح سالم و تايهه من أهلها .
.
أومال الحدوته
بتحصل ازاي ؟ مانت لو فهمت دماغ السيسي ماكنتش هتسأل , بص يا مولانا , السيسي عنده
قاعده واحده بيتعامل بيها مع ولاد التيت في المجمل , القاعده عباره عن مثل شعبي بيقول
( مسير اللامؤاخذه تجيبه اللامؤاخذه بتاعته ) !! , أيوه هو بالظبط المثل اللي جه في
دماغك , جرب الحكايه دي مع نشطاء الغبره و نجحت , سابهم براحتهم تماما لحد مالناس شافت
تصرفاتهم و عقولهم و أفكارهم و شعاراتهم , و جربها مع الخرفان و نجحت , و الدور كان
عالصحفيين .
.
من كام اسبوع السيسي
قال للإعلاميين و الصحفيين ( هشتكيكو للشعب ) , و سابهم براحتهم عالأخر , و اهو اللامؤاخذه
جابته اللامؤاخذه بتاعته كالعاده لحد عندنا و و السيسي سلّمهم لنا تسليم أهالي هما
و اللامؤاخذه بتاعتهم , و الشعب هو الشعب , دايما هتلاقيه جامد و بيوجع حتى اسألو يحيى
قلاش .
.
يعني باختصار
, السيسي ماصنعشي الحدوته , السيسي أدارها صح , فرصه و كان مستنيها , و انا من الأول
عارف انه مش هيعتذر ولا الحكومه هتعتذر و لا هيقيل عسكري شرطه حتى , عارف و متأكد و
مالي أيدي , ليه بقى عارف ؟ عشان انا شغال في المخابرات و اعرف ناس مهمين و كده ؟ لا
و الله يا مولانا أنا أهم حد أعرفه على الإطلاق هو عم مصطفى بتاع الجراج , أنا بس عارف
السيسي بيفكر ازاي و إنه لما يلاقي الشبكه مفتوحه أو الجون متقدم لبرّه شويه بيعرف
يسقطها من وراه , أه من وراه .
............................................................................................................................
Mohamed
Hussein
5 مايو 2016•
محمد علي الجديد
و رجالته ............ احنا مابنخافش
.
- مشروع الفرافره
, سنابل القمح , مليون و نص مليون فدان , بدأ الإنتاج .
- الريف المصري
الجديد , مجتمع ريفي متكامل عشان نخرج من الوادي الضيق , بدأ البناء
.
- مضاعفة انتاج
مصر من الكهربا بتكلفة 400 مليار جنيه .
- مزارع سمكيه
على مساحة 20 الف فدان هتبقى جاهزه للشباب , الإفتتاح بعد شهرين .
- مشروع تنمية
محور قناة السويس .
- 6 مدن جديده
متوزعه على محافظات الجمهوريه .
.
- مكافحة الفساد
و البيروقراطيه و تخفيض تكلفة عملية التنميه الشامله من ترليون و 400 مليار إلى ترليون
و 40 مليار .
.
- اللي فوق ده
كله بيصب في خانة العداله الإجتماعيه و محدودي الدخل ( حد يبلّغ حمدين صباحي عشان مايقرفناش
بالبؤين بتوعه )
.
- محمد علي الجديد
بيبني مصر بعد سنين طويله من الفساد و النهب و الثورات الغير محسوبه .
.
- محمد علي مابيخافش
, لو خاف مش هيشتغل , محمد على عظمته مش في انه بيبني بلد , عظمته انه بيبنيها و هو
في حالة حرب !! .
.
- لأصدقائي البهاليل
و شمامين الكوله , الراجل اللي بقاله سنتين واقف زي العضمه في زور أمريكا و الإتحاد
الأوروبي و عاملهم خرم في نفوخهم , الراجل اللي بيبني بلد و هو بيحارب مش محتاج يجيب
5 ستات بلطجيه يوقفهم قدام نقابة الصحفيين , ماتبقاش عبيط و مبدع و متألق في العبط
.
..........................................................................................................................
Mohamed
Hussein
4 مايو 2016•
المتحدث بإسم الحكومه
: لم نرتب لأي لقاءات بين رئيس الوزراء و نقابة الصحفيين !! .
.
ممممممممممم معالي
الأستاذ الكبير نقيب الصحفيين ( يحيى أبوها يحيى ) , مبسوط من نفسك كده و انت بقيت
شبه اللامؤاخذه و محدش معبّرك ؟ ندمان عاللي انت عملته صح ؟ بص لي هنا و قول انك ندمان
, طب تصدق بإيه ؟ , و الله انت صعبان عليا , إيدي بتاكلني و عايز أضربك تاني , بس أضربك
فين و انت مبقاش في وشك حته سليمه ؟!.
................................................................................................................................
Mohamed
Hussein
4 مايو 2016•
تررن تررن , تررنرنرن
.
خالد صلاح : ألو
, ألووووو , يحيى بيه معايا ؟ أنا خالد صلاح
يحيى قلاش : أيوه
يا خالد , بشرّني بأخبارك الحلوه .
خالد صلاح : فيه
خبر عن الحكومه أأأ
يحيى قلاش ( مقاطعا
) : إيه ؟ اكيد الحكومه اعتذرت .
خالد صلاح : لا
يافندم , الخبر بيقول الحكومه توافق على تعديلات قانون مكافحة غسيل الأموال , ننشره
و لا نمتنع عن النشر ؟
يحيى قلاش ( منفعلا
) : يا خالد غسيل ايه و نشير ايه و زفت ايه ؟ اقفل دلوأتي .
.
.
تررن تررن , تررنرنرن
.
خالد صلاح : ألو
, ألووووو , يحيى بيه معايا ؟ أنا خالد صلاح .
يحيى قلاش : أيوه
يا خالد طمني المرادي بقى .
خالد صلاح : خبر
يافندم عن وزير الداخليه
يحيى قلاش ( مقاطعا
) : أكيد استقال , انا كان قلبي حاسس , كان قلبي حاسس .
خالد صلاح : لا
يافندم , الخبر بيقول وزير الداخليه يطالب بتكثيف الحملات لمواجهة البؤر الإرهابيه
, ننشره يافندم ولا نمتنع عن النشر ؟
يحيى قلاش ( منفعلا
) : بؤر إيه و زفت ايه , اقفل دلوأتي .
.
.
.تررن تررن , تررنرنرن
.
خالد صلاح : ألو
, ألووووو , يحيى بيه معايا ؟ أنا خالد صلاح
يحيى قلاش : طمني
بقى يا خالد الله يكرمك
خالد صلاح : خبر
عن الرئيس عبد الفتاح السيسي شخصيا , أأأأأ
يحيى قلاش ( مقاطعا
) : اعتذر ؟ اكيد اعتذر , انا كنت واثق انه هيعتذر .
خالد صلاح : لا
يافندم , الخبر بيقول الريس احتمال يقابل ميركل في القاهره الشهر ده , ننشره و لا نمتنع
عن النشر ؟!
يحيى قلاش ( منفعلا
) : ميركل ايه و هباب برك ايه ؟ اقفل يا خالد و ماتكلمنيش تاني , و ابعت لي حد من عندك
يجيب لي من الصيدليه دوا الضغط و السكر و الكولسترول و مرهم للتسلخات .
.......................
.......................
مساء الخير يافندم
, حضرتك الأستاذ يحيى قلاش ؟
يحيى قلاش : أيوه
أنا يحيى زفت , انتو مين ؟
.
احنا حضرتك اتنين
ممرضين من مستشفى العباسيه .
يحيى قلاش : أه
أهلا و سهلا , انا مش فاضي والله , مستني اعتذارات و اقالات ومشغول تماما .
ماحنا جايين لحضرتك
بخصوص الموضوع ده , معانا قميص أبيض جديد هيعجبك أوي , اتفضل البس بقى عشان نجوزك هنّومه
.
..........................................................................................................................
Mohamed
Hussein
4 مايو 2016•
يابني إقالة ايه
و اعتذار ايه بس ؟ الإتحاد الأوروبي بجلالة قدره قالب الدنيا علينا من 6 شهور , و مصر
لا اعتذرت ولا أقالت وزير , مش تبقو تطلبو حاجات على أدكو ؟ يعني مثلا قولو عايزين
جركنين بويه ندهن مدخل النقابه ( وش نضافه ) , محتاجين إزازتين ديتول حجم كبير عشان
ننضف النقابه من الريحه و العفن , محتاجين باسكتات زباله اكتر و كام جاروف عشان النقابه
مليانه زباله , كده يعني .
..............................................................................................................................
Mohamed
Hussein
4 مايو 2016•
عمومية الصحفيين
تطالب بإقالة وزير الداخليه و اعتذار الحكومه و الرئاسه !! .
.
طب مش عايزين اعتذار
من دول الكومنولث و الفيفا و إقالة فلاديمير بوتين بالمره ؟ .
.
أولا مفيش جمعيه
عموميه ولا حاجه بشهادة الصحفيين نفسهم , يعني لا توقيع ولا تحديد لعدد ولا نصاب قانوني
, اللي بيحصل ده اسمه ( جُرْن الهبله ) , يعني نظام حشد و كل واحد يجيب صحابه و شلة
القهوه معاه , و الموبايل أبو كاميرتين طبعا .
.
ثانيا , لا فيه
وزير هيقال ولا رئاسه هتعتذر , كده انتو زنقتو نفسكو في خانة اليك يا معلمين , شكلكو
هيبقى وحش أوي و انتو فاتحين زراير القميص , و في الأخر ترجعو من المولد ده بدور برد
و انفلونزا و كحه ( معلش معلش , شريط كونجيستال و هتبقو زي الفل ) , هتعملو ايه بقى
لما تخفو من دور البرد و الكحه ؟ هتوقّفو الإصدار بتاع الصحف ؟ بجد ؟ هتقدرو توقّفوه
( الإصدار يعني ) ؟ , أتحداكو , انا أصلا أشك إن عندكو ( إصدار ) .
................................................................................................................................
Mohamed
Hussein
4 مايو 2016•
مسلسل النطاعه
.
يعني ايه تبقى
نطع ؟ يعني يضحكو عليك و يوهموك أو تعتقد انت ان دخول رجال الأمن للنقابه للقبض على
متهم هو عمل مشين و لا يجوز ولا يليق و ماينفعشي أبدا خالص حتى لو كان معاهم إذن نيابه
, تقوم تقرر انك تلجأ للنائب العام و تقدم بلاغ ضد وزير الداخليه على اعتبار ان النائب
العام هو الحصن الأخير للمصريين ( لحد كده كويس )
.
يقوم النائب العام
يرد عليك بكل أدب و ببيان رسمي و يقولك ان اجراءات القبض على المتهمين قانونيه و صحيحة
تماما , تقوم انت طالع عالهوا , و تقول إن النائب العام يحصّن قرارات الداخليه و لمن
نلجأ ؟! يقوم النطع التاني اللي مستضيفك , اللي هو بيشتغل صحفي و اعلامي ولامؤاخذه
لحد ما نلاقي لا مؤاخذه , يقوم منزّل خبر و افتكاسه جديده على موقعه الإلكتروني , خبر
بيقول : العلاقات المصريه مع ايطاليا مرهونه بإقالة وزير الداخليه !!
.
الكلمتين اللي
فوق دول هما المعني الحرفي لكلمة نطاعه , و لمعالي نقيب الصحفيين عايز أقوله الإجابة
على سؤاله _ لمن نلجأ ؟! , لو مش عاجبك الداخليه و مش عاجبك بيان النائب العام يبقى
مفيش قدامك غير انك تلجأ لوجدان ابراهيم عيسى أو لتويتات وائل عباس , أو ممكن تجيب
من الأخر و تلجأ لوزارة الخارجيه الأمريكيه اللي اعلنت تضامنها مع حرية الصحافه و الرأي
مع إن الموضوع لا فيه حرية صحافة ولا حرية زفت , بس أهو استكمال لمسلسل النطاعه.
.
مش حقيقي اننا
قدام جدلية ( انت بتحب الداخليه ولا ما بتحبهاش ؟ ) , أنا مابحبهاش , مش مهم تصدق
, بس مش دي القضيه , القضيه اننا قدام دولة من اتنين , إما دولة القانون و الحسم (
اللي بتحكمها مؤسسات) أو دولة لوي الدراع و النطاعه ( اللي بتحكمها الخارجيه الأمريكيه
و السوشيال ميديا ) .
.
أي اعتذار من رئاسة
الجمهوريه مرفوض تماما , السيد النائب العام المصري , بلاغ من مواطن مصري ضد السيد
يحيى قلاش بتهمه بتهمتين , أولا إيواء متهمين هاربين من العداله و ثانيا التشكيك في
قرارات و ذمة النائب العام .
.
و بلاغ ضد السيد
خالد صلاح حول خبر العلاقات المصريه الإيطاليه و ربطه بإقالة وزير الداخليه !! , فين
مصدر الخبر وإيه دلالته ؟ , و هل يندرج الخبر ده تحت بند حرية الرأي ولا حرية الشر***
؟! .
........................................................................................................................
Mohamed
Hussein
3 مايو 2016•
ولد و بنت
.
الولد اللي عنده
اعتقاد ان موضوع الصحفيين اتعمل عشان يغطي على موضوع الجزيرتين و الجزيرتين عشان يغطي
على موضوع ريجيني و ريجيني عشان يغطي على سد النهضه و سد النهضه عشان يغطّي على جون
مجدي عبد الغني في كاس العالم .
.
و البنت اللي راشقه
في أي مصلحه , في اعتصام الأطباء تلاقيها طبيبه , في اعتصام الصحفيين صحفيه , في اعتصام
بتوع الماجستير معاها ماجستير , في اعتصام بتوع البليله معاها كوباية بليله .
.
المفروض بقى نجيب
الولد ده و يبقى في إيدنا اليمين , و البنت تبقى في إيدنا الشمال , و بعدين نجوّزهم
لبعض كداهو , هيخلّفولنا إيه ؟ لا سيادتك , النوعيه دي من المخلوقات مابتخلّفش , بتبيض
بس .
....................................................................................................................
Mohamed
Hussein
3 مايو 2016•
النائب العام يقرر
حظر النشر في واقعة ضبط عمرو بدر و محمود السقا بنقابة الصحفيين , و يؤكد إن الإجراءات
اللي تمت لضبطهم سليمه و قانونيه تماما !! .
.
طب هو النائب العام
بيفهم حاجه في القوانين و الإجراءات ؟!! , ده حيالله بيشتغل نائب عام مصر , القوانين
و الإجراءات دي لازم نسأل عنها اهل الإختصاص , زي الأستاذ يحيى قلاش اللي بيشتغل صحفى
و الأستاذ عبد المنعم أبو الفتوح اللي بيشتغل طبيب و الأستاذ ممدوح حمزه اللي بيشتغل
مهندس , او ممكن تسألوني انا , مانا ضليع في القانون و بشتغل صيدلي و مؤذن و مقيم شعائر
و فقيه دستوري بعد الضهر .
................................................................................................................................
Mohamed
Hussein
3 مايو 2016•
هو : انت أصلك
مش فاهم , الموضوع ده ماحصلش من 50 سنه .
- يابني من 50
سنه كان فيه مصطفى أمين و العقاد و هيكل واحمد بهجت مش شوية شمامين كوله .
.
هو : و لو برضه
, هما كانو صحفيين و احنا صحفيين .
- اسكت ياض بدل
ماغزّك .
.
هو : بس الريس
زعلان و مستاء من اللي حصل
- لا خالص , الريس
كان بيضرب رنجه امبارح و تقريبا راح اسكندريه ياخد له غُطّيسه .
.
هو : يعني ايه
الكلام ده ؟
- يعني ولا في
دماغه , انا بس مش عايز أجرح شعورك .
.
هو : طب خلاص
, احنا مش هنسكت
- هتعملو ايه ؟
.
هو : هنوحد مانشيتات
الصحف
- يا راجل ؟ دانا
كنت خايف تغيّرو صورة البروفايل .
.
هو : و الشعب هيقف
معانا في تصعيدنا ده .
- فعلا الشعب هيقف
معاكو .
.
هو : اه هيقف معانا
عشان يساعدنا و يتضامن و يتعاطف .
- لا هيقف معاكو
عشان يعلّقو على عمدان النور .
.
هو : يعني ايه
؟ تقصد ايه حضرتك ؟
- يابني الإتنين
الوحيدين في مصر اللي حصل اجماع شعبي تام على الترحيب بنفخهم و تعليقهم هما مرتضى منصور
و نقابة الصحفيين .
.
هو : طب و الحل
؟ نعمل ايه بقى ؟ نتصرف إزاي ؟
- مفيش , ممكن
تتمضمض ب ليسترين 3 مرات في اليوم بعد الاكل .
.
هو : و انا لما
اتمضمض 3 مرات هنبقى انتقمنا من وزير الداخليه ؟
- لا خالص , بس
ريحة بؤك هتبقى حلوه .
.........................................................................................................................
Mohamed
Hussein
3 مايو 2016•
نقابة الصحفيين
: سوف ندعو في الإجتماع الطارئ لتدخل السيسي شخصيا و إقالة وزير الداخليه و إلا سنضطر
إلى توحيد مانشتات الصحف كإجراء تصعيدي
.
معالي نقيب الصحفيين
, انا باقول يادوب تبدأ من دلوأتي في حكاية توحيد مانشيتات الصحف دي , استنى هساعدك
بشوية مانشيتات موحده
.
- سونيا تتعرض
للتحرش في إحدى الشقق المفروشه , أنقذو سونيا .
.
- سلالم نقابة
الصحفيين التي عطّرتها أقدام شمامين الكوله كيف تدنسها أقدام رجال الأمن؟.
.
- سامح عاشور يتضامن
مع الصحفيين , انتو فاكرين ان احنا بس اللي كده ؟ احنا كتير أوي .
- لأ , البيت ده
طاهر و هيفضل طول عمره طاهر .
.
- يا خراشي , و
كمان 30 راجل أمن ؟ هو انا كنت ناقصه .
........................................................................................................................
Mohamed
Hussein
2 مايو 2016•
أحلى حاجه في مصر
دي إنك بتعرف تعيش فيها و تحقق أمنياتك سواء كنت غني أو فقير , البلد دي فيها حاجه
لله و الله , يعني مثلا حاسس إن ذنوبك كتير اوي و عايز تكفّر عنها و معاك 40 ألف جنيه
هتروح تحج , ذنوبك كتير و مش في جيبك غير 75 جنيه ؟ مفيش مشكله , ميكروباص و تطلع على
نقابة الصحفيين , تعتصم لك أد اسبوعين تلاته , اهي كلها تكفير ذنوب في أماكن مقدسه
, بس ماتنساش في الحالتين تاخد الحجاره معاك عشان ترجم إبليس .
...................................................................................................................................
Mohamed
Hussein
2 مايو 2016•
اكتر مكان هيبقى
مقدّس النهارده تحديدا هو الجناين و الحدائق العامه , أتحدى أي جهاز أمني يقدر يتقحم
الأماكن دي بسهوله , ريحة الفسيخ و الرنجه و البيض و البصل الأخضر هتبقى عامله حائط
صد قوي و منيع , الشرطه لو عايزه تقتحم جنينه عشان تقبض على واحد مطلوب القبض عليه
يبقى لازم عناصرها يلبسو القناع الواقي بتاع الحرب الكيماويه , و طبعا لازم ياخدو موافقة
يحيى قلاش من باب الإحتياط , مش جايز اللي هربان في الجنينه يكون صحفي في جريدة ( قولي
بحبك في ودني الشمال ) الإلكترونيه ؟!
.
#حرية_التعبير_عن_الرنجه.
#الفسيخ_خط_أحمر
.
..........................................................................................................................
Mohamed
Hussein
2 مايو 2016•
الساده الأنطاع
.
- نقابة الصحفيين
مكان مقدس و ماينفعشي الأمن يدخله حتى لو معاه أمر ضبط و إحضار , ( عن يحيى بن أبي
قُلّاش أنّهُ : و مَنْ دخل نقابة الصحفيين فهو أمن ), و نقابة المحامين مكان مقدس
( حتى اسألو سامح عاشور ) و بقية النقابات مقدسه , و الجامعات مقدسه و المعاهد مقدسه
و المدارس مقدسه و المستشفيات مقدسه و الجوامع و الكنايس و منظمات المجتمع المدني و
مراكز حقوق الإنسان مقدسه و الأماكن الأثريه و تمثال ابراهيم باشا و فَرْشة أم نحمده
بتاعة الكرشه مكان مقدس , كده مش باقي في مصر مكان مش مقدس و ينفع الأمن يدخله غير
صيدليتي و محل الكاوتش اللي جنبي !! .
.
- الساده الانطاع
, ماتعيشوش الدور أوي , ريري سيلان عارفه انها بتشتغل لامؤاخذه (و أمها عارفه ) , لا
في يوم ريري قالت هدّي دروس في الدين ولا دروس في الأخلاق ولا دروس في الوطنيه و حرية
الرأي , كلمة صحفي بقت كلمه ماسخه , عدد اللي بيسمو نفسهم صحفيين في مصر أكتر من عدد
سكان دول الخليج مجتمعه , 95 % من العدد ده أخد لقب صحفي بعد ثورة يناير , يعني مواهب
مدفونه اللهم صل عالنبي , عدد اللي ينفع يتقال عليه صحفي بجد أقل من عدد أنصار خالد
علي , عدد الجرايد و المواقع الإلكترونيه بقو أكتر من عدد عربيات الدره المشوي في القاهره
, حرية الرأي بقت جمله ماسخه , داحنا وصلنا لإن السخريه من اسم مصر و من جيشها و التحريض
على الحرق بقو حرية رأي , ومن الأخر يعني : الوسط الصحفي ده مممممم بقى أحلى من وسط
كيم كارديشان , ما تخلوني ساكت ؟! .
.
أه صحيح , الأمن
عندنا بيتعامل ب ( غشم ) , عشان حجم التحدي الأمني في أخر كام سنه اكبر من امكانياتنا
بشويه , المفروض يكون فيه حس سياسي , الموضوع اتكرر في طريقة القبض على صلاح دياب و
على عريس في فرحه , بس معلش انا برضه بعذر الناس دي , مش هنقدر في كل قسم أو مع كل
2 ظباط نجيب واحد خبير سياسي زي عمرو حمزاوي (أو محلل نفسي زي منال عمر ), عشان يفكر
و يقولهم الوضع السياسي عامل ايه و الحس السياسي و التحليل النفسي بيقول ايه و الحل
الأمثل للقبض على متهم و انت معاك امر ضبط و احضار يكون ازاي و إمتى وفين و ربما و
حيثما ؟ .
.
العيال دي دخلت
النقابه عشان تعمل لنفسها قضيه من مفيش و فجأه يتحولو لأبطال , ماحنا بقالنا 5 سنين
بنصنع أبطال من شواشي الدره زي السجاير اللي كنا بنعملها و احنا عيال صغيرين , و البركه
طبعا في الساده الأنطاع , تحبو أجيب لكو سطر الجلاليب من جوه ؟ .
............................................................................................................................
Mohamed
Hussein
1 مايو 2016•
ماينفعش اللي الأمن
عمله النهارده , ده إسمه إهمال و تهريج و تسيّب , وصمة عار في جبين الداخليه , خصوصا
بعد ما عملنا ثورتين , إزاي الأمن يقتحم نقابة الصحفيين العريقه المقدّسه و يقبض على
واحد مطلوب القبض عليه و يسيب الباقي ؟!! .
................................................................................................................................
Mohamed
Hussein
1 مايو 2016•
بعد 5 سنين , العرض
مستمر , الساحر و النجفة .
.
- انت مين ؟ كل
يوم بتخسر أرض بس مبتسم و فرحان أوي , فيه حد بيحط لك حاجه في فنجان القهوه بتاع الصبح
و شكلك أدمنتها يا معلم .
.
- القاعده الاولى
, توقف فورا عن شرب القهوه من ايد الشخص ده , اعمل قهوتك بايدك , ماتثقش في حد .
.
- الصور و الفيديوهات
, الفوتوشوب و الترويج , الثورة و الحريه , الانتصار على الديكتاتور الفاسد , الشعارات
البرّاقه , الجرايد و القنوات العالميه , تقارير و صليب احمر و منظمات حقوق الإنسان
, كارتر و أنجيلينا جولي و سفير بريطانيا في القاهره اللي بيفطر على عربية الفول ,
كل دول هما الألوان الجذابه في لبس المهرج اللي في الصوره , الألوان اللي هتخطف عنيك
و عقلك , و في اللحظه اللي المهرّج أو الساحر هيكون فيها بيبص لك و هو مبتسم و بيحرك
ايديه , هيكون صبيانه قاعدين جنبك و بيقلّبوك , المحفظه ضاعت و فلوسك راحت و جايز البنطلون
بتاعك يتسرق من غير ما تحس .
.
مش مهم تصدق كلامي
, ممكن حضرتك تقوم كده و تدوّر بنفسك على محفظتك و فلوسك و بنطلونك , هه موجودين ؟
كان فيه حد موجود معاك في الأوضه دي غير المهرج و صبيانه ؟ مانا قلت لك ماتشربش القهوه
من ايد حد غريب , خصوصا الخواجه .
.
قاعده رقم 2 ,
مش لازم تنبهر , بلاش تنبهر , أرجوك حاول ماتنبهرش .
.
قاعده رقم 3 ,
لو محتار أوي و دماغك لفّت , ارجع فورا لنقطة الصفر , للمربع رقم واحد , عندك 3 مسلّمات
أو أبجديات للعقل البشري ماينفعشي تلعب فيها , ولا تسيب حد يلعب لك فيها , أولا : الخيانه
مش وجهة نظر ولا اختلاف في الرأي , ثانيا : الجيوش مش محل تريأه و سخريه حتى في لحظة
الهزيمه أو النكسه لازم تقف في ضهر جيش بلدك , ثالثا : حيطان البيت و السقف ماينفعش
تلعب عليهم دور كوتشينه و انت فرحان اوي إن اللي بيلاعبك هيدّيك نجفة هديه , نجفة شكلها
تحفه , انت هتخسر بالتأكيد عشان اللي بيلاعبك عارف امكانياتك كويس , و لما هتخسر مش
هتلاقي البنطلون ولا الحيطان و السقف , و بالتالي مش هتلاقي مكان تعلّق فيه النجفة
.
.............................................................................................................................
Mohamed
Hussein
.
30 April at 18:55 •
طب ليه و إزاي
و إمتى و فين و بكام , و شغال لحساب مين ؟ و مين بيدفع لك ؟ اسكت يا حمار , يا حمار
اسكت يا حمار , الحكايه و ما فيها إني بحبها أوي من ورا مراتي !! ( على رأي الله يرحمه
جلال عامر ) , و عشان بحبها اوي اتحوّلت هي بقى و فرشت و قعدت و استربعت و بقت الحبيبه
و الام و البنت وقت اللزوم , يعني لو قربت لها بسوء هاكلك بسناني , قرّبت لها بقى و
انت مغيب و بتشم كوله , او قربت لها و انت ارهابي , أو قربت لها و انت خاين رسمي ,
قربت لها و انت ببدله و كرافته او بكوتشي و جينز , برضه هاكلك بسناني , شعاراتك و افتكاساتك
و سلطاتك و حلقاتك و برجلاتك كلها أتفه ألف مره من انها تمس شعره من شعرها السايح
.
.
في العراق يا حمار
, الجيش العراقي بقى ترتيبه الحاجه و تمانين عالعالم بعد ما كان في العشرين الأوائل
, 15 سنه و العراق بتنعم في الديموقراطيه الأمريكاني , يعني ساونا و جاكوزي و دلع
, لدرجة ان و الختمه الشريفه النهارده شوية عراقيين راحو احتلو البرلمان و شوية تانيين
راحو يقفلو المطار عشان يمنعو اي حد من السفر , و أتخن مواطن عراقي تسأله مين بيحكم
العراق حاليا ؟ هيقولك هات كوتشينه و انا أقولك , خد لك سيف , كمان سيف , اديني الأمريكان
, لا خد لك سيف , كمان سيف , هات لي ايران , خد لك سيف كمان سيف , ده مقتدى الصدر
, خد لك سيف كمان سيف , اهبدني داعش و تركيا , عرفت بقى انك حمار , و لما أقولك اسكت
يا حمار تبقى تسكت يا حمار .
.
مصر دي عودها ناشف
زي الحطب , و رقيقه زي النسمه , لو جعانه بتبقى عنيها مليانه , وعمر ضحكتها ما كانت
بلاستيك .
..........................................................................................................................
Mohamed
Hussein
30 • أبريل
2016
في الجهه التانيه
.
لما الجزيره و
التايمز و ال bbc و الواشنطن بوست و صفحات الخرفان
كلها بالإجماع تبقى ضد بشار و تربط كمان اللي بيحصل في سوريا بشتيمة السيسي و جيش مصر
, يبقى انا و من غير تفكير مع الجيش العربي السوري , يعني في الجهه التانيه .
.
لما يخدعوك للمره
الألف و ينشرو صور قديمه و صور متركبه و يركبوك عشان تتعاطف و تتشحتف , يبقى انا في
الجهه التانيه , هو أصل التعاطف و الإحساس و الإنسانيه ده شعور راقي جدا بس لما تبقى
الحكايه بعقل و منطق و من غير تزييف ولا تشويه , و إلا تبقى بتشتغل لا مؤاخذه مش بني
أدم كيوت ولا حاجه .
.
لما يسخّرو ألتهم
الإعلاميه الكامله و بنفس الطريقه من سنين , الطريقه اللي اتحرقت بيها دول و اتقسمت
و ضاعت , و لما تبقى مش فاهم ان الحرب اللي بنخوضها بشراسه تلتينها إعلامي و سوشيال
ميديا يعني تشويه لعقلك و عنيك و فوتو شوب و خداع بصري و لعب بالصور و الفيديوهات و
الشعارات , يبقى انا في الجهه التانيه .
.
لما الجيوش يتقال
عليها ميليشيات و عصابات و الإرهابيين يتقال عليهم معارضه كيوت و السفاح اللص خليفة
المثليين يتقال عليه بطل , يبقى انا في الجهه التانيه .
.
لما البرادعي لحد
دلوأتي يكون شايف ان مفيش مؤامره !! , يبقى انا ضده و ضد أي عبيط ساذج لسه بيشم في
شرابات البرادعي , يعني في الجهه التانيه .
.
لما صديق أعرفه
من سنين يوصل لقناعة تامه اني بكتب لحساب حد أو جهه أو لحساب المخابرات المصريه مثلا
( ده شرف لا أدعيه ) , و لما صفحات تاخد صورتي و صورة امي و تشتمني ( انا و امي ) عشان
بأيد جيش مصر ضد الخونه ولاد الكلب , يبقى : اللهم إني تصدقت بعرضي على مَن ظلمني
, و برضه في الجهه التانيه .
...........................................................................................................................
Mohamed
Hussein
30 أبريل
2016•
و قال البرادعي
في محكم تتويته : عندما نخرج من غيبوبة المؤامره سيأخذنا العالم بجديه !! .
.
بص يا برادعي
, قعدت سنتين عاملك تمثال في مدخل الشقه , و كنت عامل وقتها زي كفار قريش و لازم أتعبد
لألهتنا العوالي , انت و عمرو حمزاوي و يسري فوده , أحدٌ أحد يا عم الحاج , واي حد
يجيب سيرتك يا عم ( هٌبّل ) بكلمه أقوله : ثكلتك أمك يا سَن أوف بيتش , و بعدين ربنا
عافاني و طلّعت مناخيري من علبة الكوله , مع ان الكوله دي لها شمخه غريبه و مش بسهوله
الواحد يعرف يطلع مناخيره , من يوميها يا مولانا و انا مش عارف أقول عليك خاين , تقدر
تقول نفسي ماطاوعتنيش , جايز بحكم العيش و الملح و المعبد و تمثال العجوه , كان أقصى
حاجه اقولها : البرادعي ده رومانسي حالم واهم عايش في كوكب تاني و مش دريان بالدنيا
, أو اقول البرادعي ده عايش في غيبوبه و ميت اكلينيكا و التويتات بتنزل بطريقة الدفع
الذاتي , أو اقول البرادعي مدّلع نفسه بره و مش دريان بحاجه بس بيحب يدلي بدلوه فبيشوف
صغار الكولجيه بيهرو في ايه فبيهري زيهم , يعني الراكب بقى مركوب , لعن الله الراكب
و المركوب .
.
لكن ما توصلشي
لكده أبدا يا إلهي سابقا , انت عايزنا نخرج من غيبوبة المؤامره ؟, طب احلف كده و قول
و حياة فيينا و ليالي فيينا ؟ يعني جيوش ست سبع دول بتلعب في الشرق الأوسط , دول اتحرقت
و اتقسمت , الناتو بيقسم التركه في ليبيا , أمريكا و تركيا و طوب الأرض بيلعبو في سوريا
, طيارات بتنفجر في مصر في توقيت معين , جرايد و قنوات و مليارات بتتصرف في تركيا و
قطر و بريطانيا لتشويه مصر مخصوص , دي كده مش مؤامره ؟!! قولي يا برادعي , انت قريت
تعريف المؤامره فين ؟ في أنهي كتاب عشان أبعت اشتريه و احاول اخرج من الغيبوبه ؟ قول
بس قول .
.
عند جنابك في فيينا
لو عيل صغير رن جرس الفيلا بتاعتك مرتين تلاته و طلع يجري هتتصل بالشرطه و ممكن الشرطه
تعتبر الحدث ده نوع من الإرهاب !! ..... بس اللي عندنا مش إرهاب ولا مؤامره , ياخي
قحّه .
.
عايز أقولك كلمه
اخيره يا برادعي , بالفم المليان , انت خاين , بس و النبي يا عم الخاين أمانة عليك
قول للعالم مايخدناش بجديه اكتر من كده , مايبسطوهاش أكتر من كده , و ياريت ياخدوك
انت بجديه أو تاخدهم انت بجديه , أو ياخدك هو بجديه او تاخده إنت بجديه .
.
ثكلتك أمك يا سن
أوف بيتش .
..........................................................................................................................
Mohamed
Hussein
29 أبريل
2016•
قصة الحمار اللي
قري كتابين
.
الحمار لما قري
كتابين رفع ديله لفوق ( زي الخيل ) و لبس نضاره و بقى يتصور و هو ساند راسه على صباعين
من ايده ( عشان بيفكر و كده ) و مبقاش حد عارف يكلمه .
.
قالو للحمار اللي
قري كتابين تعالى بسرعه , إلحق و شوف , بيت ابن عمك اللي في أخر الشارع بيتحرق و الدخانه
واصله لحد عندنا و عاميانا اهي , الحمار بص للناس و قال لهم بقرف و اشمئزاز : دي مش
دخانه يا جهله , دي شبوره نتيجة تكثيف بخار المايه على الأسطح الملساء متأثرة بإنبعاج
ملحوظ في محيط الثقب الأسود .
.
بعد يومين قالو
للحمار تعالى بسرعه , إلحق و شوف , بيت ابن عمك اللي قبلك ببيتين بيتحرق و النار قدام
عينك اهي و الصهد بتاعها هيحرقنا , الحمار بص للناس بقرف و اشمئزاز و قال لهم : دي
مش نار يا أغبيا , ده صورة سرمديه سرابيه ناتجه من انعكاس أشعة الشمس على سنابل القمح
في موسم الحصاد .
.
بعد يومين كمان
قالو للحمار تعالى بسرعه , إلحق و شوف , بيت ابن عمك اللي قدامك على طول بيتحرق أهو
, اظن مش هتقدر تنكر دي , الحمار بص للناس و قال لهم : فعلا دي نار , بس ده شغل مخابرات
واضح جدا , الجيش السوري بيحرق بيته و يقتل شعبه عشان يلبّسها في تركيا و الناتو و
أمريكا و الثوار الكيوت .
.
الحمار ده كان
عايز يحكم مصر .
.
قصة قصيرة مأساويه
.
.........................................................................................................................
Mohamed
Hussein
29 أبريل
2016•
يارب انصر سوريا
و احفظ لمصر جيشها و شعبها .
.
طب حضرتك محتار
في اللي بيحصل في سوريا النهارده , و مش عارف مين بيعمل ايه و اتوبيس كام بيروح فين
؟ .
.
و لا تحتار ولا
حاجه , شوف الجزيره و ال BBC بيروجو لإيه و اعرف ان عكسه
تماما هو الصح , و لو لقيت القناتين دول و القنوات و الجرايد الأمريكيه قلبو على بالليل
مناحه و مندبه تقوم جري و تجيب فرعين نور و تعلّق زينه و تعمل فرح و تعرف ان سوريا
بتنتصر.
.
#هنا_حلب
#هنا_دمشق
و دائما و أبدا
#هنا_القاهره
.
........................................................................................................................
Mohamed
Hussein
29 أبريل
2016•
حكايتي مع الداخليه
.
و انا نازل النهارده
من بيتنا و جاي الشغل , اه مانا بشتغل حتى يوم الجمعه و مفيش اجازات , بشتغل 15 ساعه
في اليوم عشان نلاحق عالمصاريف و العيشه و الكل كليله , الله يسامحه السيسي , كل حاجه
بقت بالغلا , الجنيه بقى فيه ربعين بس و الفرخه بقت برجل واحده و بتبيض بيضه كل 3 سنين
.
.
المهم كعادتي بنزل
محتار , بين البيت و الشغل 200 متر , طب اروح ماشي ولا اروح بالعربيه ؟ أووووف انا
لسه همشي 200 متر ؟ طب لسه هركب العربيه و اسخنها بقى و أرف و يع , خلاص هروح ماشي
, لما نشوف اخرتها مع السيسي .
.
يادوب مشيت
100 متر و لقيت كمين , قام الكمين موقفني , و الظابط قالي فين رخصك ؟ انا من خوفي و
رهبتي طلعت المحفظه مالقيتش فيها الرخص , قلت له يا باشا انا تقريبا نسيتهم في البيت
و البيت قريب هروح اجيبهم و اجي , قال نعم ياخويا !! هو احنا فاضيين لأشكالك , بقولك
هات الرخص , و بعدين افتكرت , قلت له يا باشا رخص ايه صحيح ؟ دانا جاي ماشي , هعمل
ايه بالرخص ؟ هو فيه رخصه للمشي ؟ .
.
قالي و كمان بتهزر
؟ و قام ضاربني بوكس في وشي , و قالي مانت عندك عربيه و احيانا بتيجي بيها الشغل ,
قلت له عرفتو منين يا باشا ؟ قالي ياض احنا عارفين كل حاجه و مراقبين كل خطواتك , افرض
بقى انك قررت النهارده تيجي بالعربيه كنت هتبقى ماشي من غير رخص ؟ قلت له معاك حق يا
باشا بس العفو و السماح دانا عندي عيال عايز اربيهم .
.
قالي اخرس ياض
, و فجأه اتكلم في اللاسلكي اللي في ايده بكلام مش مفهوم و مفيش دقيقتين لقيت طياره
هليكوبتر f16 واقفه فوق راسنا , انا عارف
ال f16 من زمان , خدتها في تالته ابتدائي
و ماتوهشي عنها ابدا , بلمح بعيني من ورا إزاز الطياره لقيت الطيار صهيوني , اه صهيوني
, معلق نجمة داود في المرايه و لابس الطاقيه بتاعتهم الشهيره , و لقيته كمان كاتب على
جنب الطياره ( ليشع و أخواته ) و كمان حاطط على جناح الطياره شعار بيبسي اللي هو معناه
( ادفع كل قرش لانقاذ اسرائيل ...ترجمة حازم صلاح ابو اسماعين ) , قلت بس , السيسي
عميل الصهاينه و جايب لي طيار صهيوني عشان يقتلني .
.
قلت للظابط طلباتك
يا باشا , اللي تؤمر بيه , قالي يا تجيب رخصك و فوق منهم الف دولار ليا و ألف شيكل
للراجل الطيب ده ( و شاور عالطيار ) يا إما هنخطف لمار بنتك , قلت له و انتو تعرفو
لمار ازاي يا باشا ؟, قالي يا غبي مانا قلت لك نعرف عنك كل حاجه و الفيس بوك بتاعك
متراقب و المج اللي بتشرب فيها النسكافيه مزروع فيه مايكروفيلم , قلت له يا باشا طب
بلاش لمار و خدو لوجي , قالي لأ , القياده السياسيه و الجهات السياديه طالبه لمار بالإسم
.
.
انا في اللحظه
دي اعصابي سابت و دموعي نزلت غرّقت القميص , قلت له طب اقتلني يا باشا و بلاش تاخدو
لمار و قعدت أدعي و اقول يارب يارب يارب , و فجأه جت له مكالمه عاللاسلكي , الصوت ده
مش غريب عليا , ده عبد الفتاح السيسي قائد الإنقلاب , السيسي قال للظابط خلاص سيبوه
, الظابط قاله ليه يا باشا ؟ , السيسي انفعل و قال للظابط بلا باشا بلا زفت , انا انقلابي
بيترنح من 3 سنين و اتقتلت 7 مرات و عيلتي هربت من مطار ألماظه لمكان غير معلوم و ركبي
بتخبط في بعض بسبب وائل عباس و رشا العزب , و مش ناقص صداع , الظابط قاله تمام يافندم
و سابني أمشي .
.
انا مشيت و دموع
الحزن قلبت لدموع فرح بس ماكنتش شايف قدامي , فتحت الصيدليه بالعافيه و لقيت نظام السيسي
لغى النت و قفل الفيس بوك , قلت احكيلكو حكايتي و اقول لكو اننا لازم نعمل ثوره , مابقاش
فيها حل تاني , بس بلاش بكره عشان بكره حر و بكره كمان عايز اروح اجيب لحمه من عند
سلامه , خلوها يوم التلات , ده حتى التلات بتاع حمدين .... و مكملين .
........................................................................................................................
.
.
ليست هناك تعليقات:
إرسال تعليق