Mohamed
Hussein
19
مايو 2016·
قمة الإنبهار
.
- الحقيقه ان الفوضى
الخلاقه و الخراب بتاع ال 5 سنين اللي فاتو , و الخطط المعلنه لحرق و تقسيم الشرق الأوسط
مش محتاجين ألف دليل تاني .
.
- الحقيقه ان الإرهابي
البهلول هو حد في الغالب الأعم جاهل و متخلف عقليا , يعني ايه جاهل و متخلف عقليا ؟
يعني سيادتك لا يعرف يحارب الجيش المصري في سينا لوحده كده , ولا يعرف يحتل مدن في
سوريا لوحده كده ولا يعرف يسيطر على معظم الأراضي الليبيه لوحده , ولا يعرف يوقع طياره
روسيه ولا طياره مصريه لوحده ............... صعبه دي على فهم اللي خلفوك ؟ .
.
- الحقيقه ان الحلزونه
بتاعة أصل الإرهاب ده نتاج سنين من الفساد , أصل الإرهاب عشان الناس مش لاقيه شغل
, أصل الإرهابيين دول نتيجة تفريخ معرفشي ايه من فين , الحدوته دي اسمها الحلزونه
, الحلزونه اللي ركبتوها بعلم و مباركة الخرفان ( اللي هما الإرهابيين ذات نفسهم )
, عشان في النهايه توصل للتفنيد المقيت , و تبقى مجرد مسخ مشوه , و تحاول تدور على
مبررات و اسباب للإرهابي , و ماتقولشي لعدوك انت عدوي ولا تعترف ان الإرهابي ده وراه
مخرج عرايس بيحركه , حاجه لذيذه خالص يعني .
.
- الحقيقه ان أوباما
و كاميرون قرّبو يطلعو عالشاشه و يحلفو بالطلاق انهم ولاد كلب و خططو لحرق الشرق الأوسط
, بس بتوع الحلزونه هيقولو لأ , ماتقولوش على نفسكو كده , انتو حد جميل .
.
الحقيقه ان أي
جهاز مخابرات في الدنيا لما بيخطط لحرق و تخريب بيبقى عامل حاجه زي استطلاع لرد الفعل
في الدول المراد تخريبها , او تخيُّل و توقع لرد الفعل ده , بس بتوع الحلزونه بالتأكييييييييييد
أبهرو المخابرات البريطانيه و الأمريكيه بردودهم و خزعبلاتهم , حجم الوساخه و الإنحطاط
اللي عند الخرفان و شمامين الكوله مكانشي يحلم بيه أوسخ كلب في محور الشر .
.
- يا ضنايا مش
مطلوب منك تبقى مؤمن بنظرية المؤامره ولا نظرية فيثاغورس , مطلوب منك بس تحاول تكون
بني أدم مصري , أو تكون بني أدم وخلاص , حاول يعني , و هقولك تحاول ازاي و تعرف ازاي
انك بقيت مسخ مشوه ؟ سهله خالص , ادخل على صفحتك و اكتب الجمله دي ( تحيا مصر ) , جمله
سهله أوي ( و مفهاش اسم السيسي على فكره ) , اكتبها و سيبها على صفحتك يوم و أي حد
من اصدقائك يدخل يتريأ عالجمله اعمله بلوك , لو مكانشي عندك الجرأه تكتب الجمله دي
في التوقيت ده ولا عندك الجرأه انك تعمل بلوك للي يتريأ على اسم بلدك يبقى لازم تصدق
انك اتحولت لمجرد مسخ مشوه .
.............................................................................................................................
Mohamed
Hussein
19
مايو 2016·
لو طياره طلعت
من مطار مصري و حصل مشكله تبقى مصر اللي غلطانه , وش كده , و لو طياره طلعت من مطار
فرنسي و حصل مشكله برضه تبقى مصر اللي غلطانه , ده ملخص أسئلة الصحفيين اللي بين قوسين
مصريين .
.
للأسف مصر مبقاش
فيها صحافه , مصر فيها ناس كانو عايزين يشتغلو لامؤاخذه بس مجموعهم مجابش قامو دخلو
مجال الصحافه و بقو بيمثلو الكتله الأكبر , و عشان كده الصحافه ( صاحبة الجلاله ) اتحوّلت
ل زيزي ( صديقة الطلبه ) .
.
#يحيى_قلاش_يليقُ_بكم
.
#حرية_البيبي_دول
.
...........................................................................................................................
Mohamed
Hussein
19
مايو 2016·
مصر و روسيا
...مصر و إيطاليا .......... و أخيرا مصر و فرنسا ( الدول ال 3 الكبيره اللي علاقتك
بيهم كويسه )
.
- من شهرين تلاته
و احنا بنقول ( فرنسا عليها الدور ) , ربنا يستر على فرنسا , بس كانت التوقعات بحاجه
مختلفه كنوع من التجديد , يعني مش طياره زي ماحصل مع روسيا ولا شاب يتعذب و يتقتل زي
ماحصل مع ايطاليا .
.
- الطياره طلعت
من مطار شال ديجول , و بالتالي تأمينها مسئولية فرنسا , بس فرنسا مفهاش عيال صيع ولاد
كلب هيتكلمو عن ضعف في التأمين و الظابط الفرنسي اللي كان بيلعب كاندي كراش و أمين
الشرطه الفرنسي اللي بيتكرمش له 20 يورو , ولا فيها خونه و شمامين كوله , الصياعه و
الوقاحه دي عندنا احنا بس , و أي حد عاقل و محترم بيبقى عارف إن الإرهاب و الجريمه
بتسبق الجهات الأمنيه بخطوه , يعني مهما كنت مأمن مطاراتك كويس و قدرت تمنع و تحبط
10 عمليات ارهابيه اكيد مش هتقدر تمنع العمليه رقم 11 , دي قاعدة أساسيه في علم الجريمه
, مناظره مستمره بين قدراتك الأمنيه و حجم التحدي الأمني .
.
- طب ايه حصل للطياره
المصريه اللي اختفت امبارح دي ؟ , اللي حصل بكل تأكيد عمل ارهابي من تخطيط و إخراج
محور الشر ( بريطانيا امريكا اسرائيل ) , و الفايده بالنسبه لمحور الشر فايده مركبه
, ضرب اكبر للسياحه في مصر, عقاب لفرنسا على علاقتها بينا , ترديد اسم مصر للطيران
و تكراره في أكتر من حادثه و بالتالي تشويه لسمعة الشركه , و الإستمرار في لوي دراعك
سياسيا و اقتصاديا .
.
- و ممكن تمتد
الفايده و تبقى رد على دعوة السيسي بسلام شامل في المنطقه بمبادره عربية و مبادره فرنسيه
!! , محدش عايز سلام ( السيسي عارف على فكره ) , اسرائيل و حماس مش عايزين سلام ( ولا
أمريكا ) , هما مبسوطين كده , مرتاحين كده , سلام حقيقي يعني قيام دولة فلسطينيه ,
يعني قفل ( سبوبة ) النضال على حركة حماس , يعني مايبقاش فيه على حدودك عصابه ارهابيه
بتحكم قطاع , يعني مايبقاش فيه أنفاق و بالتالي ماتبقاش فيه حنفيه مفتوحه لتوريد الإرهابيين
والسلاح و المخدرات .
.
- الحقيقه إن اللي
مايشوفش من الغربال يبقى أعمى , حد يخطف رجليه بقى لغاية فيينا هيلاقي راجل قاعد هناك
جنب البيسين , يضربه خمسين جزمه على دماغ امه و يقوله احنا بقالنا 5 سنين منقوعين في
برميل مؤامره , وانت كده تبقى حاجه من اتنين مفيش غيرهم , إما إنك أغبى مخلوق على وجه
الأرض أو أكتر واحد خاين لبلده .
.............................................................................................................................
Mohamed
Hussein
19
مايو 2016·
هاني عازر : أنفاق
قناة السويس ستكون الأكبر في العالم !! .
.
يفهم ايه هاني
عازر في الحاجات الفنيه دي و لّا هو تطبيل و السلام ؟ , الحاجات دي لازم نسأل فيها
أهل الخبره و الإختصاص زي الأستاذ خالد علي و الأستاذ وائل عباس و الأستاذ رشا العزب
.
............................................................................................................................
Mohamed
Hussein
18
مايو 2016·
الشغل في العاصمه
الإدارية الجديده بدأ من شهور , مجموعه من الشركات العملاقه بتسابق الزمن , و السيسي
هيروح الشهر الجاي لوضع حجر الأساس للمشروع , بحسب تصريحات كامل الوزير , كامل الوزير
ده بقى واخد جينات السيسي كده , مابيقولشي كلام في الهواء الطلق , لما يقول مشروع يبقى
مشروع و شغالين و هيحصل كذا يبقى هيحصل كذا .
.
عندي ناس في الأصدقاء
بقالهم شهور و هما ليل و نهار بيتريأو على مشروع العاصمه الإداريه الجديده و طبعا بيقولو
فنكوش , يصحو من النوم يغسلو وشهم و يعملو كوميكس عالعاصمه الإداريه الجديده و إحيانا
بيعملو الكوميكس قبل مايغسلو وشهم .
.
انا بقول تبقى
حركه حلوه و الله يا ريس لو خدت أصدقائي دول معاك عشان يشوفو بعنيهم , و مش بس كده
, دانت كمان تخليهم يمسكو المقص و يقصو شريط المشروع , والله يبقى مشهد عبقري , مع
عنوان بالبنط العريض : شمامين الكوله يقصون شريط الفنكوش !! , و ممكن كمان تاخد ممدوح
حمزه , أهو يشوفنا و احنا بنحقق حلم الصهاينه ( من طريق السويس للفرات ) , أقولك على
حاجه يا ريس , خده معاك و اكتب له لوحتين بالعبري في مدخل المشروع , والله هيفرح أوي
, وانتو راجعين بقى تخلي ممدوح حمزه يشيل اللوحتين العبري دول على كتفه و تقوله دول
هديه ليك , بشرط انه يروح يبيعهم لبتاع الخرده و يشتري بتمنهم ملابس داخليه .
.
و بعدين ايه بقى
يا ريس ؟ ممدوح حمزه ياخد الملابس الداخليه و يروح يسلّمهم لل 11 نفر اللي معتصمين
في حزب الكرامه و يعتصم معاهم , و نروح احنا بقى نكمل شغلنا و نشوف مصالحنا , نخلص
العاصمه الإداريه و نكمل مشروع قمح الفرافره و نشوف الليله بتاعة غاز البحر المتوسط
, و ندعم الجيش الليبي و نعمل مصالحه بين الفصائل الفلسطينيه و ننجز في موضوع سد النهضه
أو نطربقه على دماغ اللي فيه , و نبقى كل سنه ولا اتنين كده نشقّر عالمعتصمين بتوع
حزب الكرامه , إذ ربما يكونو محتاجين أولّة مايه ولا حاجه , احنا ناس بنفهم في الأصول
.
...................................................................................................................................
Mohamed
Hussein
18
مايو 2016·
خبر : ترحيل سيدة
من الإمارات و تغريمها 150 ألف درهم لفحصها هاتف زوجها دون إذنه !! .
.
يا بيه القانون
ده لو اتطبق عندنا و بقى الحكايه فيها ترحيل و كده , في ظرف اسبوعين إسم مصر هيتغير
و يبقى ( جمهورية مصر العربيه بنين ).
.
أغلب ستات مصر
بيفتشو موبايلات اجوازهم و ينخورو فيها , بس الغريبه انهم مابيلاقوش حاجه , كل مره
يفتشو و كل مره مايلاقوش حاجه , مع ان كل حاجه موجوده , إذا هي الحرب و المكيده , يا
ستي ركزي شويه بدل ما تترحّلي عالفاضي , أحمد بتاع العفشه يبقى مروه بتاعة مسطرد ,
و الحاج عبد الموجود الزرقاوي يبقى سالي اللي عندها نيسان زرقا , ولو لقيتي رساله عالواتس
أب من الحاج عبد الموجود بيقول فيها : ( يحيى الفخراني ده ممثل هايل و عمل 7 أفلام
تحفه مش تقولي أفلام البليله بتاعة الأيام دي ) يبقى جوزك هيقابل سالي الساعه 7 عند
الفخراني بتاع البليله , سهله خالص أهي .
.....................................................................................................................................
Mohamed
Hussein
18
مايو 2016·
كيري جاي مصر النهارده
, مع انه كان هنا من اسبوعين تلاته و رجع أمريكا قفاه يقمر عيش , ضيف سئيم و رزل ,
بس السياسه مفهاش حب و كره , و كلام السيسي عن السلام الشامل امبارح له علاقه بزيارة
كيري النهارده , ترتيب ملفات و مساومات من كل فريق و مرحلة : تنطيط القرود .
.
انت رجعت تاني
تبقى كبير المنطقه , بعد فرهدة 5 سنين حاول فيهم القاصي و الداني إنه يكسر مصر و يهمشها
, رجعت تبقى اللاعب الأهم في الفريق , اللي لازم الكوره تعدي على رجليه في كل هجمه
و كل طلعه , ملفات كتير واصله ببعض , اقتصاد و أمن و سوريا و ليبيا و سد النهضه و الجسر
البري و الغاز و التسليح و ملف السلام ( اللي انت فتحته باديك كورقة ضغط و مساومه
) , يا مولانا ده ماتش على كيف كيفك , دور السيسي و سامح شكري و الجيش و المخابرات
انهم يفنّطو الأوراق بالطريقه المناسبه و يختارو شكل الهجمه و الباصه , و دورنا احنا
كمواطنين نشجع فريق بلدنا , الكونسبت بتاع نشجع الفريق المنافس أو نسخر من فريق بلدنا
دي حاجه جديده لانج علينا , حاجه كده من إفرازات ما بعد 25 يناير .
.
مش حقيقي ان خطط
الدبلوماسيه المصريه و الرئاسه و المخابرات لازم تكون متاحه للمواطن العادي و تنزل
لنا في كتب و كتيبات و تتباع عالرصيف زي قصص ميكي و بطّوط , و مش ضروري أبدا ان كل
حاجه تستقر في أم وجدان ابراهيم عيسى .
...........................................................................................................................
Mohamed
Hussein
17
مايو 2016·
عبد الفتاح السيسي
و عملية السلام
.
السيسي طالع يتكلم
عن السلام و اتفاقية كامب ديفيد و بيوجه خطاب للإسرائيليين و عايز سلام شامل في المنطقه
!! أوبا بقى , ده الخضوع و الخنوع و الإنكسار , إنها المهانه , إنه الهوان .
.
طب خلاص خلاص
, السيسي طلع و مسك اتفاقية السلام و قطعها عالهوا و قال لاسرائيل و الامريكان أعلى
ما في خيلكو اركبوه يا سن أوف بيتش !! , أوبا بقى , الغشم و الحموريه و السيسي عايز
يلبسنا في الحيطه و يدخلنا في حرب و احنا في ظروف اقتصاديه منيله , إنها الحماقه ,
إنه الغباء .
.
طب بص يا مولانا
, بس حاول تركز, هما 6 قواعد , مجرد اجتهادات من المواطن البسيط اللي هو انا ( و ما
خفي كان أعظم )
.
- القاعده الأولى
, الكارثه الحقيقيه بتكمن في الفيس بوك و في حالة السيوله بتاعة ال 5 سنين اللي فاتو
إنها خلت كل واحد فينا يعتقد إنه بيحكم مصر من مكانه و عارف الدهاليز و الخبايا و عارف
القرد مخبي ابنه فين , يعني قضت تماما على فكرة ان المواطن يبقى مواطن , وبقينا 90
مليون رئيس .
.
- القاعده التانيه
, هو السيسي عمل كامب ديفيد ؟ لأ , طب كنت عايز السيسي يلغي كامب ديفيد ؟ برضه لأ
, طب على أرض الواقع مصر ملتزمه إلتزام تام بمعاهدة كامب ديفيد ؟ لأ خالص ( انتشار
جنودك و أسلحتك الثقيله في السنتين اللي فاتو في مناطق معينه في شمال سينا كان ضروره
حتميه و كان خروج عن معاهدة السلام ) .
.
- القاعده التالته
, النهارده ايه في أيام ربنا ؟ 17 مايو صح , طب التاريخ ده بيفكرك بحاجه لها علاقه
بكامب ديفيد أو بالسادات ؟ لا خالص , ولا بيفكرني انا كمان , طب ليه السيسي طلع فجأه
و جاب سيرة السلام و كامب ديفيد مع ان مفيش مناسبه ولا ذكرى ؟! ليه بقى ؟ .
.
- القاعده الرابعه
, السياسه مفهاش خط مستقيم بيوصل بين نقطتين , و احيانا عشان توصل من النقطه أ للنقطه
ب لازم تعدّي على ج و تدخل يمين تروح للنقطه د و ترجع لورا خطوتين عند النقطه س , يعني
ملفات كلها متشابكه و واصله ببعضها بما فيها الملفات الاقتصاديه و الأمنيه و التهديدات
و التسليح و دورك الإقليمي , وانت دلوأتي في مرحلة : تنطيط القرود و المشي عالحبل
, يعني ممكن ( احتمال ) تكون بتتكلم عن سلام شامل و يبقى الترجمه في سكة تانيه خالص
, زي الملف الليبي و القضاء تماما على أنفاق حركة حماس الإرهابيه و تعطيل العمل في
سد النهضه , بالمناسبه علاقه اسرائيل بسد النهضه زي علاقة اسرائيل بحماس , زي علاقة
حسام حسن بابراهيم حسن !! .
.
- القاعده الخامسه
: أنا بكره اسرائيل و حضرتك بتكرهها و الشعب كله مش طايق امها , احنا الشعب و ده حقنا
( الرفض الشعبي ) , بس حق الرئيس و الحكومه انهم يفنّطو أوراق اللعبه بالشكل اللي يخدم
مصالحنا كدولة و شعب في التوقيت اللي يشوفوه صح .
.
- القاعده السادسه
و الأخيره , لقب المواطن ده لقب رائع جدا و بيشعرني بالفخر , مش مهم أكون رئيس الجمهوريه
عشان أبقى فخور بنفسي , أنا مواطن مصري بيثق في رئيسه و جيشه و قيادته السياسيه .
..................................................................................................................................
Mohamed
Hussein
17
مايو 2016·
وانا في السعوديه
لما حبيت أقدم لبنتي في مدرسة انترناشونال , كانت داخله كي جي 1 , روحنا نشوف المدرسه
اللي بنتي هتدخلها , مراتي اهتمت بتفاصيل كتير جدا , الفصول و الحمامات و المدرسين
و المواد الدراسيه و النضافه والمواعيد و غيره , انا اول ما دخلت من باب المدرسه لقيت
حاجه خلتني وافقت و مافكرتش في أي تفاصيل تانيه ولا اهتميت , الحاجه دي عباره عن لوحه
في مدخل المدرسه مكتوب فيها بالخط العريض جمله واحده بالإنجليزي , say please and thank you قلت الجمله دي تكفيني أوي
, ترضيني جدا , مش عايز بنتي تبقى ضليعة في الإنجليزي و حوت في الفرنساوي و أسد في
الكيميا , عايزها تتعلم الجمله دي .
.
محتاجين لوحه مماثله
على كل مدرسه في مصر , و لوحه في كل شارع و الأهم من ده محتاجين لوحه نعلّقها على عقولنا
, لوحة بتقول : say please
and thank you
.
.
لما تبقى غني اوي
و من عيله و كلاس و تدخل البنزينه ماتعرفش تقول للعامل لو سمحت تبقى فلوسك و عيلتك
الكبيره كلهم فستك , ولما تبقى متخيل نفسك ثورجي و مناضل و تشوف حاجه كويسه بتحصل في
البلد و ماتعرفشي تقول شكرا يبقى نضالك و ثوريتك فستك .
..............................................................................................................................
Mohamed
Hussein
17
مايو 2016·
السيسي مداعبا
وزير الكهرباء : خلّصت أزمة الكهربا و محدش قالك متشكرين !! .
.
لا ياريس احنا
مانعرفش نقول متشكرين , القاموس بتاعنا مفهوش كلمة متشكرين ولا ثانك يو ولا ميرسي ولا
حتى ( عواف عليكو ) , احنا نعرف نقول عبث و تخرصات و مندوحه و حلحلة الإستقطاب و تنمية
الإنسان ( كأن حل مشكلة الكهربا دي كانت لتنمية الشمبانزي و وحيد القرن و المانجه العويسي
) , احنا ياريس ثوار و نشطاء و حقوقييين و مثقفين أخر حاجه و بنجيب الكلام من الشمخ
الجواني و خبراء في الطيارات و الرادارات و الأقمار الصناعيه و القنوات البحريه و القنوات
المراريه و قناة السويس و قناة استاكيوس و الواحد فينا يوزن ألف و يفيض منه حته نبقى
نعملها ( وش سديري ) , من الأخر يعني احنا لو قولنا متشكرين نتحرق .
.
و بعدين نقول لكو
متشكرين على ايه بس ؟ مانتو تلاقيكو حليتو مشكلة الكهربا دي عشان تحققو حلم الصهاينه
( من النيل للفرات ) , و الصهاينه لما يدخلو مدينة نصر يلاقو النور شغال و المراوح
و التكييفات عشان البت راشيل بتفرهد بسرعه من الحر , يعني صرفتو مليارات متلتله عشان
بس ترحمو البت راشيل من الفرهده يا عملاء الصهاينه و الأمريكان و الروس و المنفلوطيين
( من عبقريات أستاذنا الدكر ممدوح حمزه المهندس الإستشاري المتخصص في شئون الأندر وير
)
...............................................................................................................................
. Mohamed
Hussein
16
مايو 2016·
فتوى إسلاميه في
مستوى المواطن محدود الدخل اللي زي حالاتنا .
.
يجوز للمسلم البالغ
العاقل إنه يصوم شهر رمضان كاملا من غير مايشتري فزدق و لزدق و عين جمل و عين جالوت
و لوز و كاجو و صنوبر و العياذ بالله , و صيامه في هذه الحاله صحيح , و لا بأس بقليل
من قمر الدين و الخروب و الفول السوداني و بلح أبو عوف , هذا ما وجدنا عليه أبائنا
.........................................................................................................................
Mohamed
Hussein
16
مايو 2016·
وائل غنيم بيلعب
دور عبد المنعم أبو الفتوح الصغير le petit abo elfotouh
, أو المأذون الحلنجي اللي كل شهرين تلاته يضرب ورقتين عرفي بين الخرفان و الكولجيه
, و السهره تبقى ( صبّاحي ) , من كام يوم كتب على صفحته مقاله طويله عريضه و زروطه
بقى على كيف كيفك , و كلام من نوعية : إخواني يجب ان نعترف باخطاء الماضي و إننا عندنا
مشاكل ولابد من توحيد المعرفشي ايه عشان نروح معرفشي فين , و على فكره النظام الحاكم
بيبقى كيان معقد و له أبعاد تاريخيه و حلزونيه و منفلوطيه و متوغل في البؤره , و مش
كل حاجه بيعملها بتبقى غلط إنما أحيانا و لكن ولابد و حيثما ( البؤين اللي اتهرسو في
خمسين ألف فيلم قبل كده ) .
.
أستاذ وائل ؟ مش
سعادتك بتاع جوجل برضه ؟ ماهو لو كنت جنابك و انت قاعد قدام جوجل كده عملت سيرش عن
إجابة السؤال ده ( هل الشعب المصري لسه داقق عصافير على دراعه ؟ ) , كنت هتلاقي جوجل
بيطلّع لك اجابة أبيحه ( و ممكن يطلّع لك صوره لتوضيح الإجابه كمان ) و كنت رحمتنا
و رحمت نفسك من زروطه الفراخ دي , انتهى الدرس يا غبي , game is over .
..............................................................................................................................
Mohamed
Hussein
16
مايو 2016·
ماحصلشي في تاريخ
مصر اننا عشنا بالكم و الحجم و النوعيه دي من البذاءه و الوقاحه و الإنحطاط , و التطاول
عالصغير و الكبير , على الأفراد و المؤسسات , ماحصلشي ان انتقاد الرئيس يبقى عن طريق
انه يتقال له ( عر* ) , ماحصلشي ان الشعوب و الأجيال يتقال عليها ( معر*** ) , محصلشي
انه يتصرف مليارات متلتله و تتفتح قنوات و جرايد جوه مصر و براها عشان تسخر و تتريأ
و تشوه و تقزم كل شئ , من أقصى إلى أقصى , حتى الجيش و إسم البلد , محصلشي الكم ده
من الصيع اللي شغالين في دكاكين حقوق الإنسان و اللي بيحملو لقب ناشط سياسي , بقو أكتر
من عدد البوابين , يعني سهل جدا تلاقي ناشط سياسي أو حقوقي بس صعب تلاقي بواب , لما
وصلنا لمرحلة اننا ( كدوله يعني ) مش عارفين نقبض على مين ولا مين , نمنع مين ولا مين
من السفر , المتأمر الخاين و لّا المتأمر الأهبل ؟ اللي بيقتل و يحرق و لّا الكيوت
اللي بيحرض بس عالقتل و الخراب ؟ بقينا مش ملاحقين ولا عارفين , الجميل بقى و اللذيذ
أوي إن الدولة دي بيسميها الخرفان و الكولجيه دولة الكمع !!
.
من سبع تمن سنين
كان أمين الشرطه بيسوق شارع قدامه و بيتقاله يا باشا , مش أمين الشرطه بس اللي بيتقاله
يا باشا , ده أخوه كمان و أبوه و جارهم , الباشا جار أمين الشرطه , أما بقى في دولة
القمع فبقى مطلوب إقالة وزير الداخليه عشان نفذ أمر النيابه و قبض على اتنين متهمين
صيع معتصمين في نقابة اللامؤاخذه !! .
.
الحاله دي بصفه
عامه و المقارنه بين حالنا دلوأتي و حالنا من سبع سنين , هو باختصار المعنى الحرفي
للجمله دي ( بين الإفراط و التفريط ) , احنا بالظبط عاملين زي واحد عاش راهب و محروم
طول عمره , مشافشي كعب ست حتى , و بعدين زهق و قرر انه يرفع وشه قدام الستات عشان يشوف
عيونهم و كعوب رجليهم , بس ماقدرش يتحكم في نفسه ولا أعصابه فكانت النتيجه إنه خربها
مداين .
...............................................................................................................................
Mohamed Hussein
16
مايو 2016·
من 3 سنين كنت
قاعد مع مهندس كبير في شركة الكهربا , المهندس اخوانجي و انا عارف , أياميها كان لسه
مرسي البهلول بيحكم مصر , و سألت المهندس عن مشكلة الكهربا اللي كانت بتقطع اكتر ما
بتيجي , و بدأ يشرح لي بالورقه و القلم و بالأرقام و الحسابات , قصه طويله فضل يحكي
فيها , نهايتها ان حل مشكلة الكهربا دي محتاج سنين طويله جدا و ميزانيه ماتقدرش مصر
عليها !! .
.
المشكله اتحلت
تماما في عهد السيسي , و في ظل ظروف اقتصاديه صعبه جدا , لو قابلت نفس المهندس ده و
سألته عن رأيه في المشكله الكبيره العويصه اللي اتحلت , فانا بالتأكيد عارف اجابته
, و إجابته هتكون حاجه واحده : مكانشي فيه مشكله أصلا و حكاية حل مشكلة الكهربا دي
فنكوش من بتوع السيسي .
.
اللي يعرف الكائن
الإخوانجي كويس , يعرف انه المخلوق الوحيد على وجة الأرض اللي عقله بيستوعب الحاجه
و عكسها و أحيانا في نفس اللحظه .
................................................................................................................................
Mohamed
Hussein
15
مايو 2016·
يابني هما 5 حاجات
و تقدر بعدها تحتفظ بلقب ( بني أدم ) مدى الحياه
.
1- مفيش فكر ثوري
أو نضالي بيقوم و يتبني و يكبر و يرعرع على شوية أكاذيب و خزعبلات و فوتوشوب و تشويه
و لعب بالصور و المصطلحات و بلطجه لفظيه و خيانه ثلاثية الأبعاد , و تحطيم لكل الثوابت
بما فيها ثوابت الإسم و التاريخ و الحدود و العلم و النشيد و المؤسسات و احترام الأجيال
, صدقني مفيش .
.
2- الغيبوبه عمرها
ما كانت منهج فكري تقدر تعيش فيه , مفيش حد عاقل بيبقى منهجة الفكري اسمه ( الغيبوبه
) .
.
3- البرادعي بينطق
عن الهوى عادي زي أي بني ادم ( ده مش سيدك النبي ) , ركز معاه بقى و اعمل ( تفنيطه
) لكلامه في عقلك , هتكتشف انه شوية شعارات مجوفه ( من كُتب الشعر المنسيه ) , يعني
بلح .
.
4- حكم الأوطان
الكبيره اللي زي مصر و في توقيت زي اللي احنا فيه بيختلف تماما و كليا و نهائيا عن
فكرة التنظير السياسي و انت مدلدل رجليك في ماية الترعه .
.
5- ماتخليش حد
يركبك و يركب عقلك حتى لو قالك هنروح الجنه سوا , لما تتركب تبقى حمار , و الحمير مابيدخلوش
الجنه .
..............................................................................................................................
Mohamed
Hussein
15
مايو 2016·
أخر شمّه في قعر
العلبه .
.
قمة الكوميديا
بشوفها في صفحات شمامين الكوله , اللي تلاقيه كاتب في التعريف رئيس جمعية السرايا الصفره
, طالب في معهد المؤامرات الكونيه , مع صورة افتراضيه غريبه مشوهه ( دُخانه مثلا طالعه
من مناخير سيد قشطه أو حجر معسل طالع منه تمثال الحريه بتاع أمريكا ) , و في البوستات
و التعليقات يتكلم بفدانين تناكه و أنعره و يحسسك انه سابق جيله ب 50 سنه .
.
الكولجي بيفكرني
في تعليقاته و أفكاره بشخصية أحمد راتب في فيلم ( يارب ولد ), عيسوي عيسوي , فنان تشكيلي
بوهيمي عبقري يلبس مايحلو له وقتما يشاء , و مابيستحماش , و سابق جيله طبعا , أما التعريف
و الصوره الافتراضيه على صفحاتهم يبقى هي البتاعه الغريبه اللي عيسوي معلقها على صدرة
طول الفيلم , تقريبا كانت فردة شبشب صغيره أو قرن خروف , و احتمال يكون معلقها لزوم
العبقريه أو عشان الحسد .
.
ماهو لما تيجي
في وقت حر زي ده و الحراره ممكن توصل في الصحرا ل 50 درجة و متلاقيش على لسانك دعوه
للعساكر اللي واقفين في الصحرا بيحموك أو دعوه للراجل اللي حل مشكلة الكهربا اللي كانت
منغصّه علينا عيشتنا , أو تتخيل ان الدعوه دي هتنتقص من فكر أمك الثوري و المتحرر
, و تقوم بدالها تدعي للمساجين و المعتقلين , اللي هما ممكن يكونو إرهابيين أو ناس
بتحرض عالقتل و الخراب أو تجار مخدرات او حرامية غسيل أو حتى شغالين في الدعاره , و
تقول الدعوه دي وانت جاعص ضهرك لورا كده , يبقى بالتأكيد لازم تعلق قرن خروف على صدرك
و تخاف علينا من عبقريتك المفرطه أو تخاف على نفسك من الحسد !! .
.
يابني أنا افهم
ان ناس تبذل مجهود خرافي و تفضل تحفر تحفر و تعرق و تتعب و تحفر تاني عشان في النهايه
تلاقي كنز أو تلاقي بير بترول , إنما انت بقالك 5 سنين بتحفر و تعرق و تحفر و تتعب
عشان في النهايه توصل لقعر علبة الكوله و تفوز بأخر شمّه !! .
.
قول ورايا يا حبيبي
, من أول ألف باء أهو , الفرخه بتبيض و الديك لأ , و الأسد أقوى من القرد , و مساحة
مصر مليون كيلومتر مربع , و الفيل له زلومه بس الفار ملوش زلومه , و مدينة نصر مش جنب
مدينة بدر , و الشمس بتطلع من الشرق , و العسكري ده الشخص اللي بيحميك , و اللي في
السجن اسمه مجرم أو مذنب , قولها 7 مرات في اليوم , جايز ربنا يعافيك و تبقى بني أدم
طبيعي زينا .
.........................................................................................................................
Mohamed
Hussein
15
مايو 2016·
اللي راكبين الحلزونه
.
صديقي اللي راكب
الحلزونه بقالك 5 سنين , خليك فاكر , في يوم من الأيام كنت بتروح المدرسه و بعدها الجامعه
, مصاريف و طباشير و قمصان و بناطيل و ورق خرايط و برجل و منقله , و جدول الضرب و الجدول
الدوري و رمز الصوديوم و جدول مندليف و دورة كربس , و ابني راح الكليه و ابني رجع من
الكليه و لولولولوي ابني اتخرج , و شرْبات في البيت و شهادات متعلقه عالحيط , السنين
اللي اتعلمتها دي لازم و حتما ولابد تجبرك انك تحترم عقلك , انت مش بتحترم عقلك ليه
يا محترم ؟! .
.
- كان مولد عملناه
و خلاص فضيناه ( تحديدا من 3 سنين ) , شكلك بائس دلوأتي و انت بترقص من غير موسيقى
ولا فرقه ولا معازيم , يابني المولد اتفض , فتح عينك شويه , حالتك بقت مثيره للسخريه
و أحيانا للشفقه .
.
- اللي ماتعلّمش
في ال 5 سنين اللي فاتو و فهم و استوعب الدنيا حواليه يبقى من الأول كان خساره فيه
صباع الطباشير و البرجل و القميص و الشربات يا حفيظه و اللولولوي يعني خساره فيه العلام
, أجيب لك سطر الجلاليب من جوه ؟ حاضر , أهو, للمره الألف
.
1- بانر متعلق
للسيسي و حد حرقه , ده لو الصوره حقيقيه يعني , هه ؟ فين البطوله في كده ؟ ازاي تكتب
تحت الصوره دي أهالي محافظة كذا يحرقون بانر للسيسي ؟ أمك فخوره بيك بعد تعب و عرق
السنين و انت عقلك كده ؟ أهالي محافظه ؟ يعني مش عيل خروف صايع عمل كده بلتر بنزين
و عود كبريت ؟ و ياترى أهالي مصر كلهم اللي لفو عالمحلات و كتبو عليها السيسي عر* ؟
ولا 50 خروف عملوها و شوهو محلات الناس و حيطان البيوت ؟ كاتب تحت اسمك كاتب صحفي ليه
؟ النقابه دي فاضل لها تكه و تبقى عربخانه , عربخانة يحيى قلاش .
.
2- أمين الشرطه
اللي قتل عامل الشاي في الرحاب هيعملو فيه ايه ؟ قبضو عليه و بيتحاكم , هياخد اعدام
؟ لا خالص , ليه ؟ كده , عشان ده قتل في خناقه , لا فيه سبق اصرار ولا ترصد ولا نيله
, يعني بالكتير 15 سنه , سواء كان اللي عمل كده أمين شرطه أو دكتور عيون , صعبه دي
؟ .
.
3- أمين الشرطه
مش هياخد اعدام أصل القضاه خدو مكافئة شهر شعبان ؟ أهو ده بقى اللي اسمه الغباء المركّب
, و القضاه لا خدو مكافئة شعبان ولا مكافئة رمضان و 99 % من أخبار القضاه اللي حضرتك
بتقتات عليها من 5 سنين هي بلح , واحد صاحبي أعرفه بالإسم هو اللي بيألفها مع لوجو
لذيذ لأي جريده , و انت كالعاده لايك بعنف و شير بحنيه .
.
4- اللي اتقبض
عليهم يوم 25 ابريل اتحكم عليهم بالسجن ليه ؟ عشان بيقولو الجزيرتين بتوع مصر ؟ بيعجبك
البؤ ده صح ؟ و بتحس معاه بشمخه غريبه , طب تمام , معلش أسف اني هجرح شعورك , السجن
عشان التظاهر من غير تصريح , أيا مايكون سبب التظاهر أو الهتاف فيه , مش عاجبك قانون
التظاهر ده ؟ ولا عاجبني ولا عاجب امه ولا عاجب حد أبدا , ابقى اعمل تكتل سياسي و ادخل
البرلمان و غير القانون لكن ماتلويش دراع دوله , و عايزك بس تتخيل , حاول تتخيل , لو
مفيش قانون تظاهر كان حالنا يبقى ازاي في السنتين اللي فاتو و انت اكيد عارف ان كل
20 بينزلو الشارع فيهم واحد محترم و 19 ولاد تيت ؟! حالنا يعني التكلفه و التمن و الترجمه
بره لما ال 20 يتقال عليهم 20 مليون , مش معايا ان الحكايه كانت فرطت مننا عالأخر وكان
لازم لها حزم و ربط ؟
.
5- حبأره بيطلع
براءه ليه و قيادات الخرفان مش بيتعدمو ؟ اجراءات أمنيه و تقييم معين لرد الفعل داخليا
و خارجيا , حباره ممكن يكون عدم اعدامه أفيد للبلد بشكل ما ( صفقه أمنيه ) , مش مهم
كل حاجه نبقى عارفينها وفاهمينها , و إجمالا ماينفعش نقعد على شط الترعه و ندلدل رجلينا
في المايه و نمص قصب و نحط قوانين و احنا قاعدين و نحكم مصر و احنا قاعدين و نعمل شألباظات
واحنا قاعدين ( و نقيمُ الكونَ و نقعدهُ ), حاول تستمتع بماية الترعه و بطعم القصب
و باللحظه الرومانسيه دي .
.
6- أخيرا يا حماده
, انت لو بتحب المانجه و بتاكلها بشكل بشع , فطار و غدا و عشا , وبعدين الاملاح زادت
أوي عندك و عايز تعرف السبب ؟ أبجديات العقل البشري بتقول إن المانجه هي السبب في زيادة
الاملاح في جسمك مش الجيش المصري ولا الأزهر الشريف ولا الكنيسه و لا الداخليه .
.............................................................................................................................
Mohamed
Hussein
14
مايو 2016·
أيمن نور يلتقى
سفير قطر فى تركيا لمدة ساعتين , و طالب وساطة قطر عشان يمدد اقامته في تركيا .
.
الكلب عمل للفار
سعر و طلب وساطته عشان يقدر يكمل عيش في جبلاية القرود , السبوبه حلوه و ( الموز )
كتير في الجبلايه , الغريبه إن الكلب البائس كان بيحلم في يوم من الأيام إنه يحكم مصر
و يعيش في عرين الأسد !! , ده أخرك والله يا كلب الخواجه , تتذل للفار و تبوس رجليه
, بوس يا كلب .
.............................................................................................................................
Mohamed
Hussein
14
مايو 2016·
يابني حاول تركّز
و ماتتعبش قلبي معاك ولا تتلخبط في الأيقونات , إسراء الطويل عايزه ال 100 ألف جنيه
عشان تشتري كاميرا مش عشان تحفر بير في أوغندا , حفر بير في أوغندا ده شغل رضوى جلال
ومديرة أعمالها يعني تخصص الدفّاس و أبو دهشوم .
.................................................................................................................................
Mohamed
Hussein
14
مايو 2016·
إسراء الطويل
, أيقونه من أيقونات الفصيل التاني ( قصدي الفصيل الضاني ) , اللي كانت بتكتب على صفحتها
بوستات تحريض عالقتل و الحرق و طريقة عمل قنبلة بدائية الصنع , و اللي لما اتسجنت جابت
عكاز بقى و عاشت دور الكربلائيات زي مابيقول كتاب الإخوان صفحة ( كُهن السيد محن )
, إسراء الكاميرا بتاعتها اتكسرت لما اتقبض عليها , و لما خرجت من السجن طلبت من أصدقائها
عالفيس التبرع ب 100 ألف جنيه عشان تشتري كاميرا جديده , و لمّتهم في ساعتين !! .
.
عايز تعرف بقى
يعني ايه مخلوق ضاني مشوه ؟ يعني واحد ينزل يحرق محول كهربا الصبح أو ( فدانين قمح
) و الضهر يقول السيسي بيحرق البلد , و العصر يقول البلد بتخرب و مش لاقيين ناكل و
بعد المغرب يتبرع لاسراء الطويل عشان تجيب كاميرا و تتصور بيها و تتحف اللي خلّفونا
بشكل بوز البطه أو بوز النعجه اللي بتعمله , و الله ده كتير أوي على مرارة مصر .
......................................................................................................................
Mohamed
Hussein
13
مايو 2016·
ممدوح حمزه
.
مهندس استشاري
و مناضل سياسي وزعيم ثورجي و قائد يساري يميني شمالي جنوبي لا يُشق له غبار .
.
و قال المهندس
الإستشاري و العلّامه و الجهبذ ممدوح حمزه : ان مشروع القاهره 2050 و القضاء على العشوائيات
هو تنفيذ لمخطط عالمي صهيوني بإخلاء منطقة شرق النيل في القاهره الكبري عشان نسهل حلم
الصهاينه ( من النيل للفرات ) !! .
.
على فكره يا باشمهندس
, فيه حاجات كتير حضرتك نسيت تقولها هفكرك بيها :
.
- حل مشكلة الكهربا
كان برضه لتنفيذ خطة الصهاينه من النيل للفرات , اومال يعني الصهاينه ييجو لحد عندنا
و يلاقو الدنيا ضلمه ؟ طب ماهما كده ممكن يتكعبلو و يتعورو و يخرو دم .
.
- قمح الفرافره
هو تنفيذ للمخطط الصهيوني , يعني الصهاينه لما ييجو مايلاقوش رغيفين عيش يتقوتو بيهم
؟ .
.
- السيسي هيسهدم
منطقة شرق النيل دي و يجيب عاليها واطيها عشان يمهد الطريق لدخول الصهاينه بدل مايلاقو
الدنيا زحمه و حر و عرق و ميكروباصات و تكاتك , وعشان كده السيسي اشترى الرافال , عشان
يسهدم منطقة شرق النيل و يخدم الصهاينه .
.
حل مشكلة طابور
العيش لخدمة الصهاينه , ماهو الصهاينه دول هييجو يعيشو معانا و يحتلونا ( بمساعدة السيسي
طبعا ) و عيبه في حقنا اننا نسيبهم يقفو على طابور العيش و عيل كده ولا كده يتحرش بالبت
راشيل .
.
- حل مشكلة العشوائيات
و خلخلتها و تسكين الناس في مساكن بني ادمين هو خدمه لمشروع الصهاينه زي ماحضرتك ذكرت
, ليه بقى ؟ عشان العشوائيات دي أصلا هي اللي عاملالنا توازن بيئي , و لو اتحلت المشكله
هتلاقي التوازن البيئئ حصل فيه خلل imbalance
و مصر مالت على جنبها اليمين كداهو و بالتالي الصهاينه يلاقو الوقت
المناسب للدخول ( و احنا مايلين على جنبنا اليمين ) .
.
معالي المهندس
الإستشاري ممدوح حمزه , بقالي كام يوم شاغل تفكيري سؤال غريب شويه و مش كنت لاقي له
اجابه , هو الشيطان لو قفش واحده من حرائر رابعه و زنقها في بير سلم ضلمه و وعدها بالجواز
, و بعد كده الست دي حملت و خلفت هتجيب لنا ايه ؟ شيطان صغير نونو ولّا خروف صغير ولا
حاجه ميكس ؟ النهارده بس عرفت الإجابه .
..........................................................................................................................
Mohamed
Hussein
13 مايو 2016
إنت مين في دول
؟
.
انت اللي انبهرت
بأعفن خمس ست عيال اللي عملو أعفن أغنيه بأعفن خمس ست جُمل و اعتبرتهم فنانين و عمل
فني و حاجه تشدك ؟ و عجبك أوي العطن و العفن و السواد و الكأبه و القذاره , و انبهرت
أكيد باللي شوه فيديو منير و عمرو دياب عن القاهره و نزل فيه صور حرايق .
.
ولا انت اللي يعجبك
الفيديو ده ؟ طلبة كلية الصيدله جامعة القاهره , دفعة 2016 , اخواتنا وولادنا و بناتنا
, عمل فني خفيف و جميل عمله شوية هواه , خفة الدم و الفكره و الإبتسامه اللي مش هتفارفك
و الروح المصريه .
.
باختصار انت اللي
بياكل من الزباله زي الخنازير و بيزرع جنينة بيتهم بانجو و لو للإحباط شجرة كان زرعها
, ولّا انت اللي بياكل من خير ربنا و نعمته و بيزرع في جنينة بيتهم ورده و شجرة أمل
عشان تكبر في نور اللي خالقها و خالقنا ؟! .
.
........................................................................................................................
Mohamed
Hussein
13
مايو 2016·
مؤسسات البيض
.
بيان رائع لوزارة
الخارجيه المصريه بخصوص لقاء سفير مصر في برلين مع مسئولين في الخارجيه الألمانيه
, الكلام كان عن مؤسسة فريدريش ناومان اللي نقلت مقرها في الشرق الأوسط مؤخرا من القاهره
للعاصمة الأردنيه عمان .
.
مؤسسة فريدرش ناومان
هي مؤسسه ألمانيه غرضها الترويج لسياسات ليبراليه و حرية الفرد و الديموقراطيه و الفول
الحريتي و البيض اللي احنا عارفينه.
.
كل المؤسسات الاجنبيه
المشابهه و اللي شغاله في الليله دي و مؤسسات التدريب و التنميه و الحريات و حقوق الإنسان
و حقوق الشمبانزي و نشر المعرفشي ايه في ربوع المعرفشي فين و يا سلام عالحنيه يا سلام
عالإنسانيه , كلها مؤسسات بيض .
.
في اخر كام سنه
بقى المواطن العادي عارف ان المؤسسات دي عليها ألف علامة استفهام , و بتشارك بطريقة
ما في حرق و تخريب الأوطان بس بشكل شيك , يعني و هي لابسه بدله و كرافته أو لابسه عباية
قدّيس , أو ممكن تقول بتلعب دور الشيخ اللي كان ماشي في ديل العمده النصاب في فيلم
الزوجه التانيه , (و أطيعو الله و أطيعو الرسول و المؤسسسات الأجنبيه اللي عندكو )
.
.
مصر قررت مؤخرا
انها تقلب الترابيزه عالشيخ و تقوله ( انت شيخ ضلالي ) , و كلامك عن الحريه و الليبراليه
و الفراخ المشويه مش بياكل معانا خالص , عايز تقعد و تشتغل و ( تصلي و تعتكف في أم
صومعة الليبراليه بتاعتك ) و ماله اهلا و سهلا , بس في إطار قانوني وضوابط بتنظمها
الدوله المصريه العريقه , الحكايه مش مولد سيدي العريان ولا جُرْن الهبله , و الحكومه
ماعندهاش دراع عشان تتلوي منه .
.
مليون تحيه لأسد
الخارجيه سامح شكري و رجالته .
.......................................................................................................................................
ليست هناك تعليقات:
إرسال تعليق