Mohamed
Hussein
24 مايو 2016•
حياتك الخاصه و
حريتك الشخصيه لا تعنيني على الإطلاق , انت حر فيهم تماما , حر بموجب الدساتير و القوانين
و الأعراف من قديم الأزل يعني من أول إنسان الغاب طويل الناب , يعني تبقى لك علاقات
مع ستات ( أو حتى مع رجاله ) , تعامل مراتك كويس او لأ , تبرّ والدتك او تنساها , تقعد
في الصاله و تلبس فالنه بحمالات و تجيب شقة بطيخ و تكسرها سيف يد و تاكل و تزروط الدنيا
حواليك أو تاكل البطيخه بالشوكه و السكينه و انت لابس بدله و كرافته , تنزل الشارع
لابس شبشب فرده و فرده أو لابس جزمه ايطالي متلمّعه , ترجّع شعرك لورا او تجيبه لقدام
, تروح في حته فاضيه في الصحرا و تضرب في دماغك انك تسوق عربيتك و انت قاعد في الكرسي
الوراني ( أو حتى قاعد في شنطة العربيه ) , تكون غاوي تعمل الشوربه و الملوخيه ساندوتشات
و بتشرب المكرونه , ربنا رزقك بعيل قمت سمّيته مهند أو سمّيته جعضيض , بتحب تشم بارفانات
فرنسي أو غاوي تشم شرابات قديمه , يلزمك هدوء تام عشان تنام أو مابتعرفشي تنام الا
في المطبخ و الغساله شغاله جنبك , انت حر , يا سيدي انت حر .
.
إنما لما تعمل
حاجه تضر بدولتي تبقى بتضرني أنا شخصيا , تبقى مش حر , عند النقطه دي كده مالكش حريه
, يعني تسافر بره و تشتغل في قناه أو جريده كل هدفها تشويه اسم مصر و سمعتها , تروح
تجيب شوية صور متفبركه عشان أو أخبار مضروبه و تعمل عليها كوميكس عشان تتريأ على بلدي
, تروح تاخد تمويل أو مرتبات شهريه من جهات أجنبيه مجهوله بنت صرمه , في الحالات دي
تبقى مش حر يا معلم , سواء بقى كنت بتشتغل صحفي أو ناشط سياسي او عضو برلمان او دكتور
أمراض نسا أو عفريت ازرق , في الحاله دي تبقى شخص وسخ , و من حقي أقولهالك , انت وسخ
و امك عارفه , و أوسخ أنواع الوسخين اللي مليانين وساخه هو النوع الوسخ اللي تلاقيه
كل شويه يتحف اللي خلّفونا بدروس عن الوطنيه و النضافه .
......................................................................................................................
Mohamed
Hussein
23
مايو 2016·
الحاج صاحب محل
العطاره
.
مراكز حقوق الإنسان
الأمريكيه هي الوجه الحسن للجماعات الإرهابيه , يعني الوجه التاني للعمله , أمريكا
بتحب تلعب اللعبه كده من زمان .
.
الحاج في فيلم
العار كان عنده محل العطاره اللي بيداري وراه
تجارته في المخدرات , يعني الفكره قديمه و مهروسه ألف مره قبل كده , بس احنا اللي كنا
حمير .
.
أمريكا بتعمل زي
الحاج بتاع فيلم العار بالظبط , مراكز حقوقيه
في ايدها اليمين و جماعات ارهابيه في الشمال , المركز الحقوقي تسميه كارتر أو مانديلا
أو حتى تسميه خضره محمد خضر , و الجماعات الإرهابيه تسميها داعش و طالبان و جبهة النصره
أو حتى تسميها ريا و سكينه , ولادها بقى و تسميهم على كيفها .
.
مفيش أي فرق ,
اللي بيستنى دولارات أمريكا عشان يكتب تقارير ضد مصر و اللي بيستنى دولارات أمريكا
عشان يحارب جيشها , الإتنين ولاد أمريكا , الاتنين ولاد كلب .
...........................................................................................................................
Mohamed
Hussein
22
مايو 2016
شكلك مش عاجبني
يا ريس , ده مش بس حزن على ضحايا الطياره المصريه , ده تراكم ارهاق و تعب , كل يومين
تلاته افتتاح مشروع , و زيارات خارجية و داخليه , و صداع , و مقابلات مع ولاد الناس
و مقابلات برضه مع ولاد الكلب , و تفكير و حسابات , و مصالح و موائمات , و دوامه مابتطلعش
منها بقالك شهور , من الأخر يا ريس انت محتاج راحه لمدة اسبوع , اسبوع ماتعملش فيه
حاجه ولا تفتح مشروع ولا تقابل حد و لا ترد على تليفون حتى , الدنيا مش هطير , و بالنسبه
للخرفان و الكولجيه فأكيد هيلاقو حاجه قديمه يهرو فيها في الإسبوع ده , بنفس الطريقه
, طريقة أكل الحمار في النجيله , لا الحمار بيشبع ولا النجيله بتخلص .
.
بالك يا ريس ,
انا كمان و الله محتاج أجازه و راحه , مع اني مابعملش أي حاجه , ولا بحكم دوله بحجم
مصر , ولا عايش في الدوامه بتاعتك دي , انا قاعد عالكرسي في التكييف و مش ببذل أي مجهود
لا بدني ولا ذهني , بس تعبت من الهري و الفرهده بتوع الفيس بوك و محتاج كام يوم .
.
عشان كده فكرت
في فكره , أنا اعزمك بقى عندنا في البلد انت و اللوا كامل الوزير , راحه سلبيه لمدة
اسبوع , مش هتعملو أي حاجه غير انكو تاكلو و تنامو و ساعة العصريه تقعدو في البلكونه
دي ( صورة رقم 2 ) , يعني تفطرو فطير و عسل و جبنه و تتغدو رز معمر او بطه و شوية محشي
, على جوزين حمام .
.
انما ياريس تحذير
هام , عشان انا عارفك انت و عم كامل , مش بتبطّلو نخوره ولا تفحير و بتحاولو تستفيدو
من كل مساحه , عندي حتة أرض تيجي قيراطين جنب البيت , و قولنا راحه يا ريس , ماصحاش
من النوم بقى ألاقي عم كامل عمل فيها محول كهربا أو مزرعة سمك صغيره , حتة الأرض دي
أمي بتربي فيها الفراخ و البط و الوز بتوعها , و الوزتين بتوع امي ياريس أهم عندها
من محطة الضبعه النوويه و من العاصمه الإدارية الجديده , يعني دونها الرقاب .
................................................................................................................................
Mohamed
Hussein
22
مايو 2016
الشارع اللي قدامي
العمدان فيه طافيه من سنين طويله , مع انه شارع رئيسي , من يومين بتوع الحي بعتو رجالتهم
و ركّبو لكل العمدان كشافات ( ليد ) و صلحو الكابلات اللي كانت مقطوعه , و النهارده
نوّرو الشارع كله .
..........................................................................................................................................
ليست هناك تعليقات:
إرسال تعليق