Mohamed
Hussein
4
فبراير 2016·
الزند و جمال عيد
.... المعنى الحرفي لكلمة استفزاز
.
- احمد الزند وزير
العدل , أبوزيد الهلالي , أو رابسو اللي هينضف الوزاره , من يوم ماتم اختياره في التشكيل
الوزاري وانا حطيت علامة استفهام أد كده , و علامة الاستفهام مكانشي لها علاقه بتاريخ
الزند ولا جغرافية الزند , كان لها علاقه بانه كارت محروق و تصريحاته دايما استفزازيه
.
.
قالولي اصبر ,
دانت هتشوف الزند في الملعب لعيب حريف و هتستمع بمهارته و اهدافه , و في الأخير شوفت
حماده طلبه , نفس السحنه و التصريحات الإستفزازيه , منظومة التقاضي لسه بفشلها و ترهّلها
, يعني بحطّة إيدك , المتهمين في احداث كرداسه هيتعاد محاكمتهم , و نقعد لنا سنتين
تلاته بقى في نقض و استئناف و نعلف سامية شنن و نعالجها على نفقة الدوله , واحد هيقولي
( على رأي الله يرحمه محمود بكر ) , ماهو مش دور الزند تطوير المنظومه دي , و لا اختصار
فترة التقاضي , و كل ماقول حاجه يقولو لي دي مش وظيفة الزند , بس بس , أنا كده فهمت
, وزير العدل دوره انه يطلع يستفزنا بتصريحاته , دي شغلانه حلوه شغلانه هايله .
.
- جمال عيد اتمنع
من السفر , و على طول و على الفور دخل عالأكاونت بتاعه , و قال انا اتمنعت من السفر
و دولة القانون ! و حط علامة تعجب , و كأن دولة القانون مفهاش منع من السفر ولا فيها
تحقيق , الحريه المطلقه , اهري براحتك و اكتب أي أخبار و أي كلام و اعجن زي ماتحب
, و السبب ايه و ليه الكولجيه هيعملولك هاشتاج دلوأتي ؟ أقولك انا , أصلك راجل حقوقي
, و حقوقي يعني حصانه , بالظبط زيك زي شباب الثوره , حصانه تانيه اهي , و زي الصحفي
, الحصانه التالته , و الناشط السياسي , حصانه رابعه , الساده الأفاضل اللي فكرو يعملو
هاشتاج لرفع الحصانه عن نواب البرلمان , مش لما نقدر الأول نرفع الحصانه عن الوظايف
المشبوهه دي ( الحقوقي , الناشط السياسي , الكاتب الصحفي , شباب الثوره ) ؟! .
......................................................................................................................................
Mohamed
Hussein
2
فبراير 2016·
أصدقائي الغاليين
.
بكره بإذن الله
هشد الرحال عالبلد , أروح أقعد في رحاب أمي الغاليه لمدة 3 أيام , ممكن 4 ( لو وافقت
الحكومه ) , و في البلد بدخل نت باستخدام المنافله ( اللي هي الفلاشه ) , و أمي أصلا
كل ما بتشوفني ماسك اللابتوب تقولي ( اقفل الهباب ده و اقعد مع امك اللي ماشوفتهاش
من شهرين ) , فبضطر طبعا إني أقفل الهباب .
.
هتمشّى و سط الغيطان
و الخضره و نور ربنا , و أخلي بناتي يمشو معايا , و لو جت فرصه هعلمهم يتشعلقو ازاي
في فروع الشجر زي القرود ( طبعا من غير مراتي ماتعرف ) , و هشرح لهم و احكي لهم عن
الأرض و التراب و الزرعه و السبله و المحرات و القنايه و الخط و الروّال و مكنة الري
و الوابور و ننزل ندوّر على سريس في أرض البرسيم و رجلنا تتعك و تتنيل و تتملي طينه
, و اكيد هنكر معرفتي بيهم في لحظة الجد , و مش هتكلم ولا انطق إلا قدام المحامي بتاعي
,لو اتقفشت في الموضوع ده ابقو اعملو لي هاشتاج .
.
و طبعا مش هعرف
اتابع بوستات السياسه و لا تويتات البرادعي ( يعني كده هيبقى البرادعي سابقني بمليون
سنه ضوئيه و 3 أيام ) , هسمع حكاوي امي عن ( السَبَت ) بتاع الموسم اللي راح لاختي
و تفاصيل محتوياته , و خالتي فلانه اللي جت زارتها , و الواد فلان ابن فلان اللي التوكتوك
بتاعه اتسرق الفجر من قدّام دارهم , و هنا لازم توصيني اني أخد بالي و انا سايق العربيه
و مامشيش بالليل , حاضر يامّه .
.
يارب اعرف ادخل
اكتب بوستات في الكام يوم دول , و اتمنى ماتكونشي سياسيه , عشان الواحد خلاص دماغه
بقت عامله زي الساقيه اللي بتلف عالفاضي .
......................................................................................................................................
Mohamed
Hussein
2
فبراير 2016·
هتافات ضد الجيش
و الشرطه و طنطاوي و مصر من ألتراس خيرت الشاطر في ذكرى مذبحة بورسعيد و ألفاظ أقل
وصف لها منحطه , انت ياض عبيط و فاكر العيال دي بعد 4 سنين لسه بتتشحتف و تعيط على
صحابهم اللي ماتو ؟ عبيط صح ؟ مع ان العيل منهم لو ابوه مات مفروم تحت عجلة قطر بعد
شهرين هينسى , بقولك ابوه يا محترم , بس انت لذيذ أوي و مصدق حكاية لن ننساكم و انتم
في القلب و مصدق ان كل عيل من العيال دول معلق صور الشهدا بتوع بورسعيد في أوضة نومه
و طول النهار مابيدوقشي طعم الزاد و مستقبله ضاع بسبب الحزن و الشحتفه , يا بني ده
موسم , موسم للتسخين و الحرق , زي موسم 25 يناير و موسم 30 يونيو , كل واحد عنده قميص
عثمان بيطلعه يوم الموسم بتاعه .
.
و اللي عمله عبد
الفتاح السيسي امبارح هو نفس اللي عمله قبل ذكرى 25 يناير , بيسلمكو للشعب تسليم أهالي
, عملية تفكيك للمكعبات من غير صدام ولا مواجهه , و بعد شويه الكويس منكو هيفهم و يبعد
, و المأجور هيقف عريان قدام الناس , الحكايه لا فيها نظام فاشي و قمعي ولا نظام مرتجف
و ركبه بتخبط في بعض , الحكايه ان الراجل ده شايل شيله كبيره و عايز يمشي لقدام من
غير ماحد كل شويه يرمي حتة حديده في التروس اللي بتلف .
.......................................................................................................................................
Mohamed
Hussein
1
فبراير 2016·
و بصو بقى احنا
لازم نعمل هاشتاج , و شير بعنف , الحريه لإسلام جاويش , دولة الظلم , عمر الظلم ما
قوّم دوله , تسقط الفاشيه , و نعمل تضامن و نعمل تعاطف و نعمل محشي و نعمل حواجبنا
و نعمل اجتماع تحضيري للجنة الأعضاء , و وقفه على سلم نقابة الصحفيين و ننزل الشارع
و نعتصم و نقلع ملط , موافقين يا رجاله ؟ خلاص اتفقنا , هاتو ايدكو بقى نقرا الفاتحه
, المجد للثوره , المجد للثوره , هاي هتلر , هاي هتلر , ولا الضااااااااالين , أمين
.
.
يا أستاذ , يا
أستاذ , يا حضرة , أيوه انت بكلمك , إسلام جاويش خرج من النيابه و قاعد في بيتهم
!! , و الحدوته لا كان ليها علاقه بظلم ولا فاشيه و لا ورقه و لا شجره .
.
اقول لكو على حاجه
, خليكو زي مانتو كده , محدش يتحرك , هشوف لكو بطل جديد أو حدوته جديده النهارده ,
طالما انتو جاهيزين بالهاشتاجات و الشعارات و الوقفات و هاي هتلر , أصل خساره الكهارب
دي تروح عالفاضي , ثواني بس , ايوه لقيتها , وجدتها وجدتها , خبر يا سيدي عباره عن
تقرير نشرته جريدة ( ياماما تيزيواوا ) الموزمبيقيه , بيقول التقرير ان مصادر موثوقه
نقلت عن مصادر قريبة الصله بمصدر مسئول ( رفض الإفصاح عن اسمه ) يؤكد بأن الريس المصري
عبد الفتاح السيسي مات في حادثة موتوسيكل سنة 1881 اثناء مشاركته في ثورة عرابي و أن
المخابرات المصريه تتحفظ على الموتوسيكل في مكان غير معلوم , و بيقول التقرير كمان
إن المخابرات مخبّيه عن السيسي الموضوع بتاع وفاته ده عشان مايخدشي على خاطره .
.
#الحريه_للموتوسيكل
.
.....................................................................................................................................
Mohamed
Hussein
1
فبراير 2016·
بعد إلحاح شديد
و متواصل من شهور طويله , قررت النزول على رغبة الجماهير اللي هما بناتي لوجي و لمار
, و روحت امبارح اشتريت لهم قفص عصافير صغير و عصفورتين من عين شمس , القفص مع العصفورتين
عاملين 100 جنيه ( ميه مقفوله ) , و عندك كيس أكل ب 5 جنيه , يبقى المجموع 105 , لمار
سمّت العصفوره بتاعتها مشمشه , ولوجي لسه ماختارتش اسم , و لمار سألتني و احنا راجعين
في الطريق : يا بابا هي العصفوره بتاعتي بوي و لّا جيرل ؟ مممممممممم طب استني يا لمار
أركن على جنب و العب دور أحمد مظهر في فيلم الأيدي الناعمه , لا دي جيرل يا لمار و
بيّاضه كمان .
.
المهم جيت هنا
لقيت خبر زيادة الجمارك على بعض السلع , قلت ايه النحس ده يا ربي , دوّرت في الخبر
على زياده في سعر أكل العصافير , يعني الكيس ابو 5 الاقيه بعد كده ب 6.5 مثلا مالقتيش
, أصلا الأكل ده مش مستورد , قلت الحمد لله , احنا فلتنا يا بنات بقفص العصافير ده
و الدوله ماخدتشي بالها مننا , عشان كده أنا بأيد قرار الحكومه , و أمين يا عم
..........................................................................................................................
. Mohamed
Hussein
1
فبراير 2016·
العيال اللي ب
( زمبلك )
.
و بس يا سيدي
, عبد الفتاح السيسي أول مانزل من الطياره و هو جاي من أثيوبيا , قال للمستشارين بتوعه
اللي راحو يقابلوه , لا سلام ولا كلام , هاتولي الواد اللي اسمه اسلام جاويش ده , ده
بيرسم رسومات أحيانا يعني أحيانا بتنتقدني و أحيانا لا , انتو تبعتو الأمن الوطني و
المخابرات و فرقة صاعقه و تجيبوه , عايزه قدامي فورا , دانا ركبي بتخبط في بعض من ساعة
ماشوفت رسوماته اللي بينتقدني فيها و قطعت زيارتي لأثيوبيا .
.
ايه ده ؟ بتقول
ايه ؟ الحكايه شرطه مصنفات و تراخيص و إسلام هيطلع النهارده ( بالكتير بكفاله ) و هيرجع
لصفحته و يرسم تاني ؟ ممممممممم طب معلش بقى ياخوانا , ألشت منكو المرادي ( زي كل مره
يعني ) , يالله يادوب تلحقو تمسحو الهاشتاجات اللي عملتوها بعد 3 ثواني من من وقت الخبر
, امسحوها كويس !! .
.
عارفين , والله
انا زهقت منكو , بقيتو بتفكروني باللعبه اللي ب ( زمبلك ) بتاعة ( وحوي يا وحوي )
, يادوب ينزل الخبر , يادوب حد يبرم الزمبلك بتاعك و تشتغل يا معلم ( دولة القمع ,
عمر الظلم ماقوم دوله , الحريه لفلان الفلاني و دكان الزلباني ) , الموضوع ده اتكرر
مره و اتنين و عشره و 100 , يا راجل دانت قديم فحت , من أيام الحريه لساميه شنن , و
كل مره يطلع الخبر فستك أو بطل الخبر فستك , تحبو أجيب لكو سطر الجلاليب اللي جوه ؟
.
أه بالمناسبه
, إسلام فيه زيه عشرات و مئات المواقع الإلكترونيه اللي بتنتقد السيسي و تشتمه حتى
, بالعكس اسلام مش بيعمل كده اوي , يعني بشوفه فنان موهوب و متزن في اغلب رسوماته
, بس انت مصدق حكاية قصف القلم دي مع اننا عايشين 24 ساعه يوميا في معجنه , و الجرايد
و المواقع الإلكترونيه اللي بتنتقد و تسب و تلعن بقت أكتر من عربيات الدره المشوي في
مصر .
.
طب هتعملو ايه
في الموقف الهباب اللي هتتحطو فيه النهارده ؟ انا هقول لكو , مبدئيا كده , لو اسلام
اتحبس يبقى قصف القلم ( بس هو مش هيتحبس ) , طب خلاص نقول الضغط الشعبي و الفيس بوكي
هو اللي طلعه , يعني اسلام كان بيخلي ركب النظام تخبط في بعض و الدوله خايفه من ورقه
عشان كده حبسوه و لو ماتحبسشي تبقى الدوله خافت من الهاشتاجات بتاعتكو و الشير بعنف
عشان كده طلعوه ( قصدي اسلام يا جدع ) .
.
يا كوكب القرود
, الكلام اللي فوق ده لا تطبيل ولا تزمير , كل الحكايه اني مش بزمبلك , حاول بس تبلع
ريقك و تبقى تقرا الخبر و تفاصيله و تصبر شويه و تاخد نفسك , يعني ماتخليش حد يشغّلك
الزمبلك بتاعك , و بعدين نقف على أرض صلبة زي البني أدمين و نتكلم بقى في مشاكلنا و
مشاكل الحكومه و لما نتأكد ننتقدها و نلعن جدود أبوها عادي , غير كده هتفضل في نظري
............. لعبه ب زمبلك .
...................................................................................................................................
Mohamed
Hussein
31
يناير 2016·
الدوله بنت الحرام
اللي مابيهمهاش المواطن محدود الدخل رفعت الجمارك من 20 ل 30 و 40 % على أكل القطط
و الكلاب و أدوات التجميل و الكاجو والبندق و الفستق و الكستناء , أه و الله و الكستناء
.
.
هو انا صحيح معنديش
قطط ولا كلاب , و لا عمري دوقت الكستناء ده و حتى الحاجات التانيه بتدخل بيتي مره كل
4 سنين ( زي كاس العالم كده ) و بطريقة رُبع و تُمن و نص التمن أحيانا , بس ده مايمنعشي
اني صعبان عليا جدا المواطن محدود الدخل , يعمل ايه بس يا جدعان البني أدم المصري البسيط
ويعيش ازاي من غير كستناء ؟
...................................................................................................................................
Mohamed
Hussein
31
January at 14:46 ·
حد النطاعه
.
و حيث إني حافظهم
أوي , حافظهم حتى أكتر من نفسهم , و حيث إن خيالي مالوش حدود , امبارح قلت لنفسي لا
مش معقول , هو ممكن أكتب بوست مثلا عن فوز مصر ببطولة أفريقيا في كره اليد و ألاقي
حد يعلق عليه و يقول حكم العسكر و العسكر لازم يرجع لثكناته ؟ دي تبقى مناخوليا رسمي
.
.
كانت مجرد فكره
في ذهني و استعذت بالله من الشيطان , قلت لا , النطاعه ماتوصلشي لكده , بس للأسف وصلت
, و لقيت اللي بيعلق على فوز مصر بإن العسكر مهمته يحمي البلد و عبد الناصر سبب خرابها
, و احنا عايزين نرجع العلم الأخضر , و فين أيام ماكانت مصر و السودان حته واحده (
هتّه واحد ) , أه و الله لقيته الصديق ده و غيره كتير .
.
أصدقائي الأعزاء
, بعد التحيه , لو حضرتك مش عارف تفرح أو مش عايز , لو مابتعرفشي تفرّق بين لون عَلَم
مصر و بين لون قميص عبد الفتاح السيسي و الحكايه فرطت منك أوي , لو فاكر ان النشيد
الوطني لمصر هو الأغنيه اللي بنغنيها في عيد ميلاد الريس و بقيت بتكره الأغنيه دي
, لو كتاب التاريخ اتشألب في دماغك و مستني عودة الملك , لو مابتعرفشي الفرق بين النقد
و الوقاحه , لو اسم مصر مكانشي بيهز وجدانك و بتسمي ده حريه و موقف سياسي , لو التريأه
و السخريه من جيش بلدك بتعتبرها عمل نضالي و بطوله , يبقى حضرتك يعني جنابك يعني معاليك
وصلت ل ( حد النطاعه ) , اللي هو الكفر بالوطن , وليس بعد الكفر ذنب ...و بالنسبالي
مفيش فرق بينك و بين المواطن الصهيوني , أو ممكن نقول الصهيوني أرحم عشان مش محسوب
عليا ولا معاه بطاقه و جواز سفر بيقولو إنه مصري .
.
ممكن معاليك بقى
تتكرم و تنعم عليا بالبلوك بإيديك الحلوين دول , عشان انا مش فاضي و لا هقعد أدور عليكو
في مقالب الزباله , ملعون أبوها حريتكو , ملعونه البطن اللي شالتكو .
.................................................................................................................................
Mohamed
Hussein
30
يناير 2016·
اه فيه ناس مصريين
مافرحوش بفوز مصر ببطولة أفريقيا لكرة اليد , و لا هيفرحو لأي حاجه تخص مصر , ناس الحكايه
فرطت من إيديهم عالأخر , ناس بقى من رابع المستحيلات انك تلاقي واحد فيهم حاطط صورة
البروفايل بتاعته علم مصر ( ممكن يحط علم فرنسا أو أي دوله تانيه ياكشي اسرائيل )
, ناس لو سمعت النشيد الوطني لبلدهم بيحسو بإزعاج , ناس لما اتعمل هاشتاج لدعم السياحه
بقو يدخلو عليه و ينزلو صور مقالب الزباله , ناس بيزرعو الكأبه و السواد في كل حته
و ناس عندهم الكأبه جاهزه في علب , ناس لما بيتكلمو عن أي مشاكل في مصر بيبقى نفسهم
المشاكل تكبر و تزيد , ناس بتحلم بخرابه عشان ترضى غرورها , ناس بتصحى من النوع و أول
ماتفتح عنيها تقول يارب ارزقنا بمصيبة تخص مصر عشان نعيش عليها .
.
أه مصر فيها ناس
لا يستحقو جنسيتها و لا ترابها ولا سماها , ناس كارهه بلدها مش كارهه النظام و الحكومه
, ناس وصلت لمستوى من النطاعه مكانشي يحلم بيه أوسخ كلب صهيوني .
.................................................................................................................................
Mohamed
Hussein
30
يناير 2016·
عن المؤامره و
التمويل ............. يارب أطفال الثوره و خرفان الجماعه يفهمو .
.
- عارف انت المشهد
بتاع المعلم أبو شفه البلطجي و هو بيتفق مع الواد الموس عالعمليه الجديده و تلاقيهم
قاعدين على قهوه في ترابيزه متداريه , و الكلام بينهم يبقى بنظام هتخلص المصلحه امتى
, و البضاعه هتوصل ازاي ؟ و ممكن من باب الإحتياط تبقى كلمة السر للبضاعه بتاعته هي
( سحلب ) , يعني الموس يقول لابوشفه : ماتقلقش كلها طلعتين شمس و تلاقي السحلب عندك
بس لايمني انت عالعربون .............. عارف المشهد ده ؟ حلو المشهد ؟ طب انساه بقى
عشان الحاجات دي اتلغت من سنة 1930 ...احنا في 2016 يا بيبي .
.
- طب عارف مشهد
الحاج عبده الإرهابي و هو بيتفق مع أخونا في الله أبو البراء على حرق دكانة المعلم
زينهم في ركن كده في قلب الجامع بعد صلاة العصر , و تلاقي الحاج عبده بيناول زينهم
صفيحة البنزين و علبة الكبريت و يقوله تخلص الليلادي يا أخي الكريم , و اخوه الكريم
ابو البراء يقوله : قول ان شاء الله يا مولانا ......... عارف المشهد ده ؟ حلو المشهد
؟ طب انساه برضه عشان احنا في سنة 2016 يا كتكوت .
.
أومال يعني ايه
مؤامره على بلدك و يعني ايه تمويل ؟ واحنا لا شايفين أبو شفه ولا الموس و لا الحاج
و تلميذه ؟ و هيتأمرو علينا ليه ؟ هو احنا سويسرا ولا كنا سويسرا ( سؤال بيتكرر دايما
من المثقف الحمار ) .
.
هيتأمرو علينا
ليه ؟ مش هقولك خراب الدول العربيه و نهب ثرواتها و موقع مصر و لا هقولك أمن اسرائيل
اللي مفيش طلقة خرطوش انضربت فيها في 5 سنين مع ان البلاد اللي حواليها خربت رسمي
, انما ممكن أقولك ببساطه : اسأل كتاب التاريخ و هو يقولك , قوله ليه مصر هي أكتر دوله
في الكون اتعرضت لهجوم و غزو و دخلت حروب , كانت مصر شبه سويسرا امتى يا حمار مثقف
؟! .
.
و عن المؤامره
على بلدك و المتأمرين , هقولك مع انك المفروض بتشتغل دكتور او مهندس يعني بتعرف تفك
الخط أهو , المؤامره على بلدك مفهاش ترابيزه متداريه في قهوه ولا ركن في جامع , إنما
لها أدوات تانيه خالص , قناة جزيره و قنوات أجنبيه ( القهوه الحديثه اللي بيتقابل فيها
المعلمين ) , و مركز كارتر و مراكز سلام و تقارير ( الترابيزات بتاعة القاعده ) , و
موقع تواصل اجتماعي , و تحريف للمصطلحات و تزوير للأحداث , يعني الجيش يبقى عسكر و
انتصارك يبقى هزيمه , و قنوات تطلع من تركيا , و جرايد من بريطانيا ( الديلر بتاع الحشيش
) , و تقارير مضروبه , و مواقع مشبوهه , و صور يتلعب فيها بالفوتو شوب , و الكندوم
يبقى حرية رأي , و الحرق و التخريب يبقو نضال سلمي , و جايزة نوبل للسلام , و تلميع
للجزم و عمل أبطال من ورق , و مصطلحات رنانه , الإختفاء القسري و الوعي الجمعي و الملوخيه
بالأرانب .
.
و في النهايه تلاقي
عقلك اتحول ل ( مبوله عمومي ) و بقيت بتشك في صوابع ايديك و لك نهايه حتميه واحده من
اتنين , إما انك تموت عالكرسي بتاعك من الشك و التشاؤم و السواد اللي قالولك انه جاي
في الطريق ( تنهزم و تموت و تتحلل و انت قاعد ) , أو انك تتحول من تراكم اليأس جواك
إلى قنبله أو ازازة مولوتوف و تمشي تحرق في الغيطان وانت مش حاسس .
.
و في 2016 يا حماده
بيبقى التمويل مش فلوس بتتحط من حساب امريكا لحساب الخاين , و النبي عيب على شنبك ده
, التمويل بيبقى وظيفه في جريده بمرتب مغري مع انك ماتعرفش الألف من كوز الدره , و
سفريات و ندوات و هدايا و يحسسوك انك مهم و بطل و جايزة نوبل و منحه في هارفارد , و
فجأه تلاقي نفسك بقيت اعلامي و بتاخد ملايين و بيتقال عليك خبير سياسي أو مناضل ثوري
.
.
فهمت يا بيبي ؟
طب اسألني يالله فين التمويل ده و هيتأمرو علينا ليه ؟!! .
.......................................................................................................................................
Mohamed
Hussein
29
يناير 2016·
هحكي لكو حدوته
.
صلو على سيدنا
النبي , كان فيه شاب جميل و كيوت و مؤدب أوي اسمه أحمد , أحمد ده أول مابقى عمره
16 سنه لقى نفسه وحيد أمه , و أمه ست مريضه و مقعده , اتفرغ أحمد لرعاية والدته 24
ساعه في اليوم , و بطل يروح مدارس و ضاع مستقبله و ماتجوزش عشان خاطر يراعي والدته
المريضه المقعده , أحمد فضل عالحكايه دي 25 سنه , لحد ماوالدته توفت , وهو بشهادة كل
الخلق ماقصرشي معاها و حرم نفسه من كل ملذات الحياه عشانها و اتبهدل و اتمرمط أخر مرمطه
.
.
لما والدة أحمد
توفت بقى انقلبت الأيه بتاعته تماما , و بدأ يقضيها سكر و عربده و سفاله و بلطجة على
مخاليق ربنا , و لما واحد جارهم سأله : ليه ياحمد بتعمل كده دانت كنت شاب جميل أوي
و حدوته بنحكيها لولادنا , أحمد قال للراجل جارهم : اسكت يا حيوان يا معر* يا عبد البياده
, انت نسيت إني قعدت 25 سنه أراعي أمي و ضحيت بكل حاجه عشانها ؟ نسيت لما كنت بحرم
نفسي من اللقمه و الهدمه عشان أجيب لها الدوا ؟ انت أصلا أمنجي و عر* , في اللحظه دي
وصل سمير صاحب أحمد و شريكه في مرحلة السفاله و البلطجه , سمير ضرب الراجل جار احمد
و قاله يا طبّال يا حقير , طب روح شوف العيال اللي نايمين تحت الكباري من غير غطا و
لّا روح شوف القاضي بياخد مرتب كام ؟ , ولا انت متشطر على أحمد البطل بس ؟ عشان انتو
جيل عره أصلا و ماتستحقوش الحياه ............... و توته توته فرغت الحدوته , حلوه
ولا ملتوته ؟
.
حد فاهم حاجه ؟
.
عزيزي الكولجي
, عايز أقولك كلمتين , عندي مشكله و معضله كبيره في تفهّم فكرة إن جمال أهلك السابق
هو مبرر لقبح أهلك الحالي , و مشكلتي الأكبر مش في صانع القبح أد ماهي في صاحبه اللي
بيقعد يعصر دماغه و تنزل وساخه و يحط عيشة على ام الخير عشان يلاقي تبرير للقبح ده
.
.
و حيث إني كنت
واحد من أشد المؤيدين لثورة يناير ( يعني رفيق الثوره سابقا ) برضه هقولك , عارف ليه
انا مش واقف معاكو دلوأتي ؟ عشان باختصار مش لاقي حتة نضيفه أقف فيها !! .
.......................................................................................................................................
ليست هناك تعليقات:
إرسال تعليق