Mohamed
Hussein
16
فبراير 2016·
للكبار فقط
........... +18
.
ماتتخضش أوي ,
البوست مفهوش كلام ابيح ولا مشاهد خارجه ,
للكبار فقط ده عنوان المرحله اللي احنا عايشينها , مش عنوان البوست , و +18
يعني محتاجين ناس تكون عمرها العقلي أكبر من 18 سنه
.
- الدولار بقى
ب 9 جنيه و اكتر في السوق السوده , اتوقع تصرف سريع جدا من الحكومه للسيطره على سعر
الدولار , التصرف ده هيكون مجرد ( مُسكّن ) , و حلول جذريه دلوأتي مفيش , مش هتلاقي
, انا عارف انك مش هتلاقي , اه طبعا طبعا عارف
ان فيه 18 مليون خبير اقتصادي عندهم اكاونتات عالفيس بوك , و كل واحد جواه عنوان جاهز بيلزقه كده زي طابع الدمغه اسمه ( استمرار للسياسات الفاشله ) , طبعا طبعا
, انت خبير اوي , خبير جدا و احنا شايلينك لوقت عوزه و الله .
.
- طب نشيل ألدو
و نجيب شاهين ؟ على فكره , اغلب الخبراء الاقتصاديين اللي كانو جامدين تنين و بيطلعو
في الفضائيات ال5 سنين اللي فاتو استلمو مناصب مسئولة في الوزارات الإقتصاديه و البنك المركزي و خلافه
, و اللي كان فرعون عالفضائيات بتلاقيه بطه في الوزاره , يعني جرّبنا ألدو و جربنا
شاهين و جربنا عصام شرف و عصام الحضري .
.
- الحدوته اسمها
مرحله , و انا حمار في الإقتصاد على فكره , يبقى عدد الخبراء في الإقتصاد كده ( 18 مليون - ا ) , حمار في الإقتصاد اه بس
مش حمار في توقعاتي للمرحله دي , خد عندك عناوين و حاول تبقى +18 بجد , وقولي العناوين
دي اتترجمت لايه , ضرب الطياره الروسيه في سينا , قتل السايح الايطالي ( و ليه روسيا
و ايطاليا تحديدا ؟ ) , ضرب محولات الكهربا , و لو ليك حد قريبك كبير اوي في البنك
المركزي ابقى اسأله هي المليارات اللي وعدتنا بيها دول الخليج دخلت خزينة الدوله فعلا
ولّا ؟ .
.
يا محترم , احنا
في أصعب مرحلة للوي الدراع بتمر بيها مصر و بننضرب كل مره من أضعف نقطه عندك اللي اسمها
جهاز الشرطه الفاشل , و الحل النهائي الجذري
الشامل قلت عليه قبل كده , الحل ببساطه يرجع الإرهابيين يحكموك , شوفت سهله ازاي ؟
وقتها لا هتلاقي حوادث قتل ولا حوادث تفجير طيارات و أمريكا هترضى عنك و طبعا هتبعت جيشك يحارب جنب الأمريكان و الأتراك
في سوريا و تجيلك مليارات الخليج و تزقزق العصافير و الدنيا هتبقى بمبي بمبي بمبي
, انما اللي بنعمله دلوأتي اننا بنعوم ضد التيار من يوم 30 يونيو 2013 , تيار دولي
جارف , عشان بس نمتلك ارادتنا و رقبتنا ماتبقاش
تحت سكينة جماعة ارهابيه و عشان مانضّحكشي علينا كتاب التاريخ .
...............................................................................................................................
Mohamed
Hussein
16 فبراير
2016.
قمة الحماقه دلوأتي
إن حد يفكر في حلول اقتصاديه لمصر حاليا زي مايكون بيفكر في حلول اقتصاديه للهند أو
نيجيريا او البرازيل او بوركينا فاسو أو حتى جزر القمر .
.
أي معادلة اقتصاديه
أو حسابيه بحته بطريقة 1 + 1 = 2 هي فاشله
, عشان سهم المعادله لازم تحط عليه سياسه وقرارات
سياسيه و موقف دولي و إرادة دولتك و حتى تاريخك , مرحله و اتفرضت علينا فرض , احنا
في طوفان يا مولانا و السيسي عامل زي اللي بيمشي عالحبل .
.
لما حبيت تخرج
من عباية امريكا و دوست عالخرفان برجليك و وطدت علاقتك بروسيا انضربت الطياره الروسيه
في شرم الشيخ و معاها انضربت السياحه يعني مليارات الدولارات , طب بذمتك دي معادله
حسابيه و اقتصاديه بحته ؟ .
و لما قررت انك
ماتبعتشي جيشك التاني و التالت يحارب جيشك الاول عشان حتى تحترم تاريخك اتترجمت فورا
لمليارات ( اللي بيملك حق المنح بيملك حق المنع ) , طب بذمتك دي معادله حسابيه بحته
؟ و لما لقيت إن فيه خطر حقيقي بيهدد دولتك
و امنك القومي و ( بؤ المايه اللي بنشربه ) و عندك ترسانة اسلحه متهالكه كان لازم تجري
و تحدثها فورا و من غير تردد و تدفع مليارات , طب بذمتك دي معادله حسابيه بحته ؟ و
لمّا و لما و لما .
.
الحكومه هتلاقي
حل لارتفاع سعر الدولار اكيد , و الحل هيبقى نظام مسكنات أنا عارف , و هنتعب شويه
, لا شويتين تلاته , انا عارف و متوقع كده من يوم 30 يونيو 2013 , عارف و راضي و صابر
, و أي تمن هنتحمله عشان تفضل الأرض دي قطعه واحده , مش تورتايه ولا علبة جبنه مثلثات
يتلم عليها كلاب السكك , و كمان عشان إرادتنا
تبقى في إيدينا مش إيد الخواجه ولا أيد طويل العمر .
........................................................................................................
ليست هناك تعليقات:
إرسال تعليق