Mohamed
Hussein
22
فبراير 2016·
ريشة طايره في
الهوا
.
بعد ثورة يناير
اتفتحت علينا أبواب الحرية عالبحري , كل الأبواب فتحت مره واحده , الحرية يعني البراح
الواسع , بس البراح ده يلزمه شوية عقل , العقل هيعملك فريم شكلة جميل و هتتحرك فيه
براحتك لحد ما تزهق من هامش الحرية بتاعك ( اللي انت عملته لنفسك ) , انما من غير عقل
هيبقى وضعك في براح الحريه شبه ريشه طايره
في الهوا , أي شوية هوا هيغيرو اتجاهها أو يقلبوها , و أي عيل صغير نفخ نفخه ببؤه هيطيرك
و يحركك و يوجهك , يا ترى بعد 25 يناير عملنا فريم لحريتنا ولا فضلنا في وضع الريشه
؟!
.
1- حصل انك شتمت
جيش بلدك ( أخر عمود في الخيمه ) و سبيته و اتريأت عليه ؟ كام مره طيب ؟ قصدي كام ألف
مره ؟ طب قولي أخر مره جبت فيها سيرة جيش الصهاينه بكلمة كانت امتى ؟ اكيد قبل
2011 .
.
2- حصل انك جبت
خبر و اتنين و تلاته و عشره , كلهم افتكاسات و نشرتهم و حللتهم و بنيت عليهم باعتبارهم حقيقه ( أجيب لك سطر الجلاليب من جوه ؟ )
.
3- حصل ان كرهك
لنظام حاكم ويأسك من تغييره بطريقة ديموقراطيه
اتحول لكره للبلد نفسها فبقيت بتشمت في الإسم و النشيد و العلم و التاريخ و الشعب
, و في وقت فراغك بتشتم عبد الناصر .
.
4- حصل انك رددت
اشاعه ورا اشاعه ورا اشاعه , مع ان فيه دول جنبك وقعت و اتحرقت تماما و خربت بشوية
اشاعات و اخبار متفبركه مش اكتر .
.
5- حصل انك عملت
هاشتاجات و تعاطفت مع ناس من غير حتى ما تبلع ريقك و تعرف الحكايه ايه , ساميه شنن
, احمد مالك , اسلام جاويش , محمد سلطان , وأخيرا أحمد ناجي بتاع الحواديت الجنسيه , فاكر يا مولانا ؟ هاشتاج هاشتاج هاشتاج .
.
الحاجات اللي فاتت
دي سيادتك اعتبرتها نوع من الحريه, مارستها من غير عقل يعني يغباوه , كنت ريشه طايره في الهوا و بإيدك سجنت عقلك , و
بالتالي يبقى أول حاجه أولى بتعاطفك و هاشتاجك هي عقلك لأنه مسجون أكيد , مسجون بجد
, مش اشاعه ولا خبر متفبرك .
.
#الحرية_لعقول_الكولجيه
.
................................................................................................................
ليست هناك تعليقات:
إرسال تعليق