Mohamed
Hussein
28
يناير 2016·
تابعو الإعلام
الغربي و الجزيره و شوفو كمية التشويه لجيش مصر و لتاريخه النضالي , قنوات و جرايد
اجنبيه بقت تروج لإن الإخوان هما اللي حاربو الإنجليز و إن جيش مصر هو اللي خرب البلد
( تشويه للعقل و التاريخ ) .
.
الموضه بقت الترويج
بين الشباب لكلمة عسكر , وبعض الأصدقاء بقى يقول على مؤيدين السيسي ( الناس اللي بتطبّع
مع النظام !! ) مع ان كلمة تطبيع بتتقال بس عالصهاينه , و النظام بالنسبالهم هو العسكر
يعني الجيش , و ناس تانيين بقو يقولو الجيش اللي بيحمي اسرائيل , و ناس تالتين يروجو
لإن مصر أضعف من مواجهه عسكريه مع جيش عبيط اسمه الجيش الإثيوبي , و ناس رابعين يروجو
لانشقاقات داخل صفوف الجيش المصري ( و يتمنوها ) .
.
المؤامره اللي
اتعملت علينا بعد ثورة 25 يناير و اللي استغلو فيها طيبه ملايين المصريين ورغبتهم في
حياة كريمه , المؤامره دي مكانتش موجهه لحرق مصر في المجمل , المؤامره كان غرضها الأول
و الأخير هو تدمير و تفكيك جيش مصر و انهاكه في مناوشات داخليه و خارجيه و على الحدود
.
.
الخواجه كل شويه
يرمي طعم جديد , و المخابيل يبلعوه كالعاده , يا بقف لما تيجي تقيم ثورة أو حدث بعد
سنين طويله ماينفعشي تكون أحول و بتشوف الدنيا بعين واحده , و لما هتشوف الدنيا بعنيك
الإتنين و ماتبقاش بقف جايز يعني تفهم إن جيش مصر حاليا و من 5 سنين فاتو بينتصر في
أصعب معركه في تاريخه , ده عشان معاليك يبقى عندك بيت و حيطان و سرير و تابليت و حساب
عالفيس بوك و تعرف تشتم الجيش بتاع بلدك و تتريأ عليه و تجيب صورة لفرقه من الجيش المصري
و تكتب عليها ( القوات تتكندم ) زي ما عملت سناء سيف !! .......... سأّفو يا ولاد لسناء
سيف ولدمها الخفيف و لأم فكرها الثوري و النضالي .
......................................................................................................................................
Mohamed
Hussein
28
يناير 2016·
أدي اللي حصل يا
مولانا
.
اللي حصل ان ثورة
25 يناير قامت أساسا ضد تجاوازت جهاز الشرطه في مصر , حلو الكلام كده ؟ حد عنده اعتراض
على ده ؟ لأ , طيب كويس .
.
و بعد 5 سنين يا
مؤمن النتيجه ايه ؟ هقولك انا , بس هقولك بالعقل , و لا تحب أدفس مناخيري في علبة كوله
الأول و أخد شمتين و بعدين أهري ؟ لا هقول بالعقل
.
1- تجاوزات الشرطه
قلت كتير جدا عن قبل 25 يناير ( أه الثوره نفعتنا في كده ) والسبب الرئيسي في إنها
قلت هو إن العين عليهم و كل حاجه بتتسجل و بتتعرف , و مفيش نظام بعد 25 يناير هيستحمل
انه يدفع فاتورة ظابط فاسد أو أمين شرطه مرتشي , عشان كده بقينا نقرا اخبار كل فتره
عن حبس الظابط فلان و محاكمة أمين الشرطه الفلاني ........دي اسمها دولة القانون .
.
2- طب هي قلت بدرجة
كافيه و الجهاز ده نضف بقى و كده ؟ لا طبعا , و مش هقولك الفساد موجود في كل المهن
و كل القطاعات بما فيهم شغلتي دي , عشان هو موجود فعلا , إنما بالنسبالنا ظابط الشرطه
هو الشخص اللي المفروض يحمينا من فساد و بلطجة القطاعات التانيه و بالتالي يبقى انتقادنا
لفساد الشرطه لازم يكون 5 أضعاف ( ده بالعقل و المنطق ) .
.
3- بعد شوية كده
بدأت تظهر معجنه كبيره أوي , اختلط فيها الفساد الحقيقي و البلطجه الحقيقيه بحواديت
عن فساد و بلطجه وهميه و إدعاء بعمليات بلطجه من الداخليه , و أخبار مضروبه , و رمي
جته , يعني الحكايه اتحولت لسبوبه , اظن انت عارف كده كويس و انا وعدتك مش هدفس مناخيري
في علبة الكوله .
.
4- أخر حاجه و
هسيبك تحكم بنفسك , الحركه الزباله اللي عملها العيلين إياهم واللي ناس اعتبرتها عمل
ثوري و نضالي و هوبا و كده , ركز في الحركه دي و النبي .
.
5- اقرا رقم 3
و رقم 4 مرتين كمان و جاوب عالسؤال ده , تفتكر انت وصّلت الشعب أو السواد الأعظم منه
في اللحظه دي انه يتكلم عن فساد وزارة الداخليه و لّا خليته يتعاطف معاهم ؟ ركز بس
قبل ما تجاوب , يعني المواطن بعد مايعرف ان تلتين الأخبار اللي بتتكلم عن تجاوزات الشرطه
كان متفبرك و مقصود من ناس زي حضرتك و إن الواقي الذكري بقى عمل نضالي المفروض هيتعاطف
معاك ولا معاهم ؟! .
..............................................................................................................................
Mohamed
Hussein
28
يناير 2016·
شوية من رفقاء
الثوره السابقين عملولي بلوك في اليومين اللي فاتو , كبشه حلوه كده بتاع خمستاشر واحد
, منهم اللي أعرفه من سنين , والسبب إني انتقدت وقاحة و سفالة أحمد مالك و شادي زفت
و سناءسيف , و غلطت في ألهتهم العوالي , يا ويلي شٌلّت ذراعي , انها سليمه إنها سليمه
.
.
و من غير ماعرف
ولا اشوف , و انا مغمض عيني يعني هتلاقيهم محتفظين بالإخوان على صفحاتهم عادي , و نازلين
عند شبكة رصد إقامه مش فيسيتور , مشهد الخنفسه اللي بتبقى في ديل العقرب , أصل اللي
بينهم و بين الخرفان اختلاف في وجهات النظر , إنما أنا اللي ضيعت أهداف الثوره و ماجبتش
منها ولا هدف , مع ان الجون كان مفتوح , و انا اللي شوهّتها و رميت على وشها ماية نار
, و انا اللي كلت الجبنه .
.
عزيزي الكولجي
, خد الباب في إيدك , انت أصلك راجل مُسّاف و متطلع و عليك كرافته ترد الروح و بتفكرني
دايما بالباز أفندي في فيلم ابن حميدو , ساقط توجيهيه وقباني و ثورجي و خبير عسكري
واقتصادي و لامؤاخذه بتاع واقي ذكري وفازلين ....و انا بقرف من الباز أفندي .
............................................................................................................................
Mohamed
Hussein
27
يناير 2016·
حالة ملل رهيبه
بتجتاح الفيس بوك النهارده , مفيش أحداث , فين الأحداث يا حكومه ؟ مفيش حاجه نهري فيها
ليه ؟ طب وزير يطلع مثلا يهرش في مناخيره عالهوا و نقعد نقلش عليه , أو مركز شباب في
قرية نائيه يختار واحده رقاصه تبقى الأم المثاليه و احنا نقول السيسي بيكرم الرقاصات
و كده .
.
طب اعمل ايه دلوأتي
, عندي ملل رهيب , و الملل جاب لي اكتئاب و الإكتئاب جاب لي كبت , أنا مكبوت يا جدعان
, مكبوت و حريتي متصادره , معنديش حرية حتى تعالي فتشني , فتشني فتش , هو انا لو عندي
هخبي ليه ؟ , و بفكر أجيب شوية واقي ذكري و انفخهم و اعملهم بلالين , و اروح اوزعهم
عالبوابين اللي جنبي و ولادهم , مش هياخدو بالهم طبعا , و اتصور معاهم فيديو و اتريأ
عليهم بقى واضحك و اخرج من الكبت اللي عندي و كده و أبقى مشهور و باسم يوسف يتعاطف
معايا , اصلا البوابين دول اللي خاربين البلد , و في الطالعه و النازله عايزين بقشيش
و فلوس و بياخدو شهريه على غسيل العربيه ولا بيغسلوها ولا بينيلو .
.
بس قلت لا , أمي
لو عرفت اني عملت حاجه زي كده و الله و الله هتضربني بالجزمه على دماغي في قلب الشارع
قدام الناس , أه حتى وانا عمري 39 سنه و عندي عيال , و هتحرّم عليا ادخل عليها ولا
ايدي تلمس إيدها طول ماهي عايشه و هتقولي بلسانها البلدي ( تحرم عليا دخلتك ليوم الدين
) , اصلها للأسف جاهله ماراحتش مدارس و ماتعرفشي الكبت ممكن يعمل ايه في الناس و لا
تعرف البوابين مطلعين عين أهلي ازاي , ولا ابويا الله يرحمه كان بيشتغل طيار و يقبض
بالدولار , ناس جاهله مابتفهمشي في الفكر الثوري و النضالي .
..............................................................................................................
Mohamed
Hussein
27
يناير 2016·
أصدقائي الأعزاء
, عايز أعتذر لكو عن بعض بوستاتي اللي بتطلع طويله , كتير من الأصدقاء اشتكو , هي بصراحه
مش بتبقى طويله , بتبقى طويله أوي , طويله بغباوه أحيانا , و انا عارف ان الفيس بوك
يحب الحاجات الخفيفه التيك أوي يعني .
.
في الحقيقه الفكره
بتبقى في ذهني و أقول هتتكتب في خمس ست سطور و في الأخر ألاقيني قعدت ألت و أعجن و
أرغي كأني بكلم واحد قاعد قدامي , و البوست يطلع متر ونص أد قماشة البنطلون ( على رأي
جلال عامر الله يرحمه ) .
.
......5 سنين من
الكتابه عالفيس , ولسه لحد دلوأتي ماعرفشي الفرق بين الفيس بوك و المصطبه اللي في بلدنا
, هحاول بعد كده أكون ترزي شاطر و أخد بالي من حكاية قماشة البنطلون دي .
.
و لأصدقائي اللي
بيسألو انا كنت ليه مؤيد أوي للثوره و بعد كده بقيت بنتقد الثوار ليل و نهار , مع اني
غلبت شرح في الموضوع ده بس اجمالا هقولك انا مين عشان مش تتفاجئي باللي فات ولا باللي
جاي , أنا واحد عنده رب واحد و أنبيا معروفين بالإسم و بحب البلد دي بغباوه , لا بصنع
ألهه من العجوه في وقت فراغي و أعبدها ولا بدّي لحد صك غفران مسبق , طالما بتشتغل في
الشأن العام يا حلو يبقى تصرفاتك و تصريحاتك و مواقفك الحاليه هي الحكم عليك , مش مواقفك
القديمه , و إلا كان مبارك شفع له حكاية الضربه الجويه .
.
باختصار يعني
, اللي قبلنا قالو ( خذو العالم من العلم ولا تأخذو العلم من العالم ) !! , و المعنى
ماتسلمشي دماغك لحد تسليم أهالي , و تمضي لك شيك على بياض مسبقا , ربنا أنعم عليك بنعمة
اسمها العقل , نعمة العقل لها شكر واجب , وأفضل طريقه لشكر ربنا على نعمته دي هي التفكير
, يعني استخدام النعمه , يارب تكون فكرتي وصلت .
.
حتى البوست ده
طلع طويل أد قماشة البنطلون , واضح ان مفيش فايده فيا .
..........................................................................................................................
Mohamed
Hussein
27
يناير 2016·
حال البعض الأن
........... اختفاء قسري للعقل , و خلل في ال mentality
.
- امبارح صديقه
عندي عملت لي بلوك , واضح ان البلوك كان علشان بوست سناء سيف , الصديقه دي عندي من
سنين طويله رغم ان مفيش تفاعل , صفحتها بتقول انها عايشه في فرنسا غالبا و شاعره و
أديبه و حاجات كتير كده , قبل البلوك بعتت لي شوية شتايم حلوين +18 لا مش بالفرنساوي
ده بالعاميه بتاعة خالد يوسف , حاجه يعني تليق بمقام الدفاع عن سناء سيف .
.
الموضوع شغل تفكيري
شويه بأسئلة محدده , إزاي و ليه ؟ بوست سناء سيف مفهوش اهانه شخصيه لها , انا بتكلم
عن اللي هي عملته , بدخل جوه دماغها و احط علامة استفهام و تعجب , وبس , و إيه حكاية
جزمة سناء سيف برقبة ألف راجل دي ؟ و لحد إمتى يعني هنعمل تماثيل من العجوه و نعبدها
و تبقى 25 يناير بالنسبالنا هي الكتاب المقدس , و كل واحد نزل التحرير معاه صك غفران
مسبق لأي فعل لاحق , يعني على طريقة : روح يابني لقد غفر ميدان التحرير لك ماتقدم من
ذنبك و ما تأخر .
.
- الحقيقه لقيت
تفسير للعك و العجن اللي حصلو في اليومين اللي فاتو , و المحاولات الشاذه للدفاع عن
فعل وقح ( ماينفعشي يكون له اسم تاني ) , المحاولات اللي وصلت لتبرير و تفنيد الحدث
الوقح , مش بس كده , دي وصلت لاعتبارها مرحلة جديده من النضال الثوري !! .
.
- التفسير بيقول
باختصار , أولا شوية الكولجيه اللي أيدو التصرف ده و فندوه هما مجرد مرضى نفسييين مش
أكتر , و بشكل واضح و صريح , ذنبهم في رقبة البرادعي و حمدين و القيادات اللي حولتهم
لمجرد مسخ , ثانيا الواد ده عنده احباط فعلا و كبت , بس مش من الدوله ولا من حرية التعبير
ولا الافتكاسات دي , الإحباط جاي من الفشل , و انك كل شويه تلاقي نفسك مزنوق في ركن
و الدايره بتضيق عليك و منبوذ من الجميع , و الأفعال الوقحه في رأيي هي حلاوة الروح
أو المشهد الأخير قبل مشهد وفاة ما كان يسمى بكولجية الثوره .
.
- مش محتاج شهاده
من حد عشان اقول اني كنت واحد من أشد المؤيدين لثورة يناير و لولا ظروف سفري ( عشان
لقمة العيش ) كنت نمت ال 18 يوم في الميدان , مش مهم يكون ليا صورة في التحرير , أو
يكون معايا كارنيه المجلس الأعلى للثوره , و انفعالي امبارح كان عشان العسكري ده غلبان
, ياريتك عملتها مع وزير الداخليه والله ماكنت انفعلت , المشهد بالنسبالي كان مع عسكري
بالظبط زي ماتعمل الحكايه دي مع بوابين غلابه أو عمال تراحيل .
.
- أصدقائي كولجية
الثوره الحاليين , بصراحه يعني و من غير لف و دوران , أنا قرفان منكو , مفيش دستور
في الدنيا بيديك حق الوقاحه و لا فيه فعل ثوري بيكون الإنحطاط أداه من أدواته , الله
يرحم اللي ماتو , لو كانو يعرفو انها هتصفى عليكو مكانوش نزلو من بيوتهم .
..............................................................................................................................
Mohamed
Hussein
26
يناير 2016·
شكلي كده هقلب
الصفحه دي +18 , و نهيص بقى كلنا , ده بأمر الثوار , بأمر الكولجيه , بأمر الحب , ماهو
أقل من 18 مش هينفع , و العيش و الملح اللي بينا ماهينفع و تبقى واقفه عليا بخساره
.
.
سي الأستاذ شادي
( شوشو ) مراسل أبله فاهيتا اللي بقى فجأه أشهر من ساندوتشات الحواوشي و البناطيل الستريتش
, كتب بيان إن الدستور بيحميه بموجب حرية الإبداع و الفن و قال ان الفيديو كان بدايه
لسلسلة أعمال فنيه ساخره هينزلها على يوتيوب و سي الأستاذ باسم يوسف بيقوله جدع يا
شادي انت كده موقفك قانوني !! , و حيث إني مابفهمشي أي حاجه في الدنيا ولا حتى في شغلي
بفهم حاجه , هو انا بفهم شوية في حاجتين اتنين بس , الفلاحه و الفن الساخر , و حيث
كده عايز أقول لشوشو , إنك تجيب واقي ذكري و تعمله بلونه و تروح تسخر من عسكري أمن
مركزي و تتصور معاه و تعمل فيديو , ده مش اسمه فن ساخر ولا حاجه , دي اسمها شر***
, و ماعتقدشي ان فيه دستور في الدنيا بيكفل للمواطن حق الشر*** على عباد الله الغلابه
.
................................................................................................................................
Mohamed
Hussein
26
يناير 2016·
سناء سيف أخت علاء
عبد الفتاح , أيقونه من أيقونات ثورة يناير , عجبتها أوي الحركه بتاعة الواقي الذكري
و غيرت صورة صفحتها لشعار الداخليه عليه ماركة واقي ذكري , و بتقول للداخليه احنا جبنا
الواقي هاتو الفازلين !! .
.
أنا بس عندي سؤال
للاخت المناضله سناء سيف , معلش يعني و اعذري جهلي الثوري و النضالي , هي حكاية الواقي
الذكري و الفازلين دي كانت من أهداف ثورة يناير ؟ طب فكرك ممكن تجيب حق الشهدا ؟ طب
لها علاقه بمولانا جيفارا عبد الحميد جيفارا ؟ .
.......................................
.......................................
مش حقيفي ان الإعلام
و المخابرات و عصابة اللهو الخفي هما اللي كرّهو الشعب في الثوره اللي اغلبهم نزل فيها
, ياحمار افهم بقى , الإنكار بيحولك لمجرد مسخ , ماتقعدشي تلف و تدور و تفكر في أسباب
هلاميه , و تسأل ليه الناس كرهت يناير ؟ الحكايه مش صعبه ولا هي كيميا , بص لنفسك في
المرايه و انت تعرف السبب .
.......................................................................................................................................
Mohamed
Hussein
26
يناير 2016·
أحمد مالك و شادي
أبو زيد .................... حماده و شوشو
.
و بس يا سيدي
, الشباب الكيوت ده اللي واحد فيهم ممثل شاب و التاني مراسل لبرنامج أبله فاهيتا ,
عمل ايه الشباب الكيوت ؟ اللي هو الورد اللي فتح في جناين مصر , اللي هما الشباب الطاهي
النقي , اللي هي الحريه , حريه حريه , ولا حاجه , جابو واقي ذكري يعني condom و نفخوه على شكل بلونه , الحقيقه الحكايه دي يعملها
اي عيل صغير عمره 4 سنين و ساعتها تلتمس له العذر باعتبار انه مش عارف ده ايه , إنما
لما شاب كام و عشرين سنه يعملها و يحط الواقي الذكري في بؤه يبقى ملهاش عندي تفسير
تاني غير انه حد غاوي , و أكيد بيحب طعم الفراوله !! .
.
الشباب الكيوت
قال يسخر من الشرطه و ينفخ الواقي الذكري و يكتب عليه عيد الشرطه و يروح يديه لظابط
في الميدان , طبعا الظابط و الصيدلي و الطبيب و المهندس ممكن يقبل الهديه دي على انها
بلونه عاديه , مش هييجي في دماغه ان حماده بيشتغل لامؤاخذه و امه عارفه , و كده خلصت
الحدوته , و حققنا أهداف الثوره اهو , و الشباب النقي خد فرصته , و ماسورة الحريه اللي
انفجرت في وشنا يوم 25 يناير خلتنا شعب متحضر و كيوت .
.
أشرف زكي نقيب
الممثلين , بيقول انه كلم حماده و قاله عيب كده يا حماده و مايصحش يا حماده و وعدنا
ان حماده هيعتذر , بص يا عم أشرف , حماده لازم يتقدم للمحاكمه , و حيث ان الحركه الزباله
دي مش عارف لها مسمى معين في قانون الجرائم يبقى الموضوع اجتهادي , يعني انا مثلا لو
قاضي و شوفت الفيديو و قدامي بلاغ ضد حماده , مش هلاقي حكم مناسب في كتاب القانون و
هجتهد من دماغي بقى :
.
.....قررنا نحن
فلان الفلاني رئيس محكمة مدينة نصر معاقبة أحمد مالك و شادي أبو زيد و شهرتهم حماده
و شوشو بما يلي ( أولا يجيبو واقي ذكري زي اللي كان معاهم بالظبط بس مش هينفخوه , و
نجيب احنا فرج , و الدُخله تكون علني و متصوره فيديو قدام هيئة المحكمه ) , ده الحكم
اللي يرضيني , اسمه حكم رادع ( لا مش راضع يا حماده رادع , انت مستعجل على ايه بس
) ,عشان حماده و شوشو و كل حماده في البلد و كل شوشو يعرفو الفرق بين الحريه و الوساخه
.
...........................................................................................................................
Mohamed
Hussein
25
يناير 2016·
يالله يا خوانا
, الحفله خلصت و شطبنا , كل سنه و انتو طيبين , لمّو الكهارب بقى و الزينه و اللوح
بتاعتكو دي و شيلوها في أوضة الفيران لحد يناير 2017 , اه ياخويا عارف عارف , هنعمل
حسابنا السنه الجايه ان كلمتكو لا يمكن تنزل الأرض أبدا , خد لوحة ( مرسي راجع ) دي
في إيدك بقى .
.
وانت يا حماده
, لم اللوح بتاعة ( لف و ارجع تاني ) و شيلها انت كمان , و ماتنساش السنه الجايه تستنى
تويتة البرادعي زي كل سنه , دي عاده و ربنا مايقطع لكو عاده , بقولك يا حماده اوعى
حد طبّال زي حالاتي كده يضحك عليك و يقولك بطل هبل و هري بقى و اتلمو في حزب و انزلو
العبو سياسه و ماتسمعوش كلام الناس اللي عايشين في غيبوبه دول , اوعى يا حماده , انا
نبهت عليك أهو , تشيل اللوح يا ضنايا و صورة الشهدا و تطلعهم السنه الجايه في المعاد
و تستنى التويته , فاهم يا حماده ؟ روح يابني إلهي ربنا يجعلّك في كل خطوه شعار و افتكاسه
.
...........................................................................................................................
Mohamed
Hussein
25
يناير 2016·
امنعو الضحك
.
الإخوان عملو مسيره
واحده النهارده , كانت في المطريه , اتجمّعو بتاع 70 نفر , و لما ركبو البوكس بقى اكتشفو
ان نُصهم كان مباحث !! .
.........................................................................................................................
Mohamed
Hussein
25
يناير 2016·
أيات عرابي بعد
مالثوره نجحت النهارده و مرسي رجع للحكم بتتكلم حاليا في تسريح الجيش المصري و عايزه
تعمل جيش جديد مكانه ( أعتقد هيكون جيش ساتان و لونه اسود و فوق الركبه و طبعا فيه
صواريخ مضاده للطائرات ) , اه قاعده مع صحابها الأنتيم بيشكلو الجيش الجديدا دلوأتي
و يفصّلوه .
.
اصبرو عليها لحد
بالليل بس , أول مالضيوف ييجو عندها , هتلاقوها غيّرت الحكومه أو غيرت ملاية السرير
, و ممكن كمان توقّف العمل بالدستور , أه طبعا توقّف أبوه و لا يهمها .
.................................................................................................................................
Mohamed
Hussein
25
يناير 2016·
مشهد التحرير الأن
و ميادين مصر
.
عارف انت مشهد
العزا بتاع عم بخ في فيلم اللمبي ؟ أهو ده بالظبط , صوان منصوب من كام يوم و فراشه
و قهوه و مشاريب و بوستات , و لف وارجع تاني و كاني و ماني و دكان الزلباني , و في
النهايه مفيش ثورجي واحد من ال 5 الاف جيفارا اللي عندي في الأصدقاء نزل , يا جدع الواحد
إيده نمّلت من قلّة السلامات !! .
.
طب يا ترى تفسير
الكولجيه ايه للحدوته المكرره كل سنه بشكل ممل دي ؟!
.
كولجي رقم 1 :
أصل النظام الفاشي القمعي قفل الميادين و الشوارع بدبابات و طيارات نفاثه و مراكب فضائيه
( الثورات يا حمار بتكسر الزنازين و تفتح طريق في قلب الجبال ) .
.
كولجي رقم 2 :
أصل الشعب عبيد بياده و كلهم طبالين للسيسي ( و لما انت عارف ان شعبية السيسي جارفه
كده قارفنا ليه بقالك كام يوم ؟ مش هي دي الديموقراطيه يا جحش ؟ ).
.
كولجي رقم 3 :
أنا مانزلتش أصلي نسيت الشاحن في البيت ( حبيب قلبي معاليك ) .
.....................................
.....................................
حبايبي الكولجيه
, زمايل القروانه سابقا, أظن أن الأوان تبطلو هري و هبل , كل واحد فيكو يروح لقيادي
من أم قيادات الفكر الثوري و الأحزاب الثوريه و يضربه بالجزمه على دماغه و يقوله انتو
عملتو فينا كده ليه ؟ الشارع السياسي اتسحب من تحت رجلينا تماما , و بقينا منبوذين
في ركن زي اللي عنده جُذام أو جرب .
.
و على فكره السيسي
لما اتكلم عن ثورة 25 يناير امبارح و اترحم عالشهدا و قال ان الثوره قام بيها شباب
مخلص كان بيقصدكو انتو ( أو بمعنى أصح بيقصدنا احنا كلنا ) , و بيوجه رساله عشان يحيّدكو
عن تحالف الإرهابيين , الراجل مش عايزكو تتركبو تاني و لسه حاسس فيكو بشوية أمل , يارب
تفوقو بقى .
.............................................................................................................................
Mohamed
Hussein
24
يناير 2016·
حسن و حسونه و
حسّان و حسنين , كل واحد فيهم بيدخل على صفحته عالفيس من كام يوم و يكتب نفس البوستات
كوبي و بيست , لف و ارجع تاني , نازلين و مكملين , يسقط أي حاجه في أي حته , المجد
للثوره , هاي هتلر .
.
حسن مش نازل بس
عشمان ان بوستاته تسخّن و تشجع حسونه و حسان و حسنين , و حسّان مش نازل بس عشمان ان
بوستاته تشجع حسن و حسونه و حسنين و حسونه مش نازل بس عشمان ان بوستاته تشجع حسن و
حسان و حسنين , و حسنين مش نازل بس عشمان ان بوستاته تشجع حسن و حسان و حسونه , و في
النهايه محدش بينزل ( زي كل مره ) .
.
و إيه قولك يا
مؤمن إن الصياد في القصه العجيبه راح يصطاد تاني و رمى شبكته في البحر و طلع له فيها
سمكه , ايه قولك بقى إنه لما فتح بطن السمكه دي مالقاش جواها حاجه , اه و عهد الله
( زي كل مره برضه ) .
.
#هاي_هتلر .
..................................................................................................................................
Mohamed
Hussein
24
يناير 2016·
لا طبعا أداؤه
زي الزفت , و مش حاسس باستقرار ولا حاجه و خايف جدا كمان , و عندي يقين اننا مش هنتحرك
خطوه واحده لقدام واحنا معاه , ماحنا مش هنضحك على نفسنا , صح أول ما جه كنت متحمس
له جدا و دعمته و أيدته و قلت الخير هييجي على إيديه , بس كده كفايه أوي , مش المفروض
ندي له فرصه عشان يخربها أكتر , ياروح مابعدك روح , انا نازل بكره التحرير , الشعب
يريد إسقاط ميدو أبو كرش .
...................................................................................................................................
Mohamed
Hussein
24
يناير 2016·
بفكر أقول لمراتي
تطبخ لنا بكره عالغدا محشي و بطه , بس خايف أكون بالشكل ده كفرت بثورة يناير و بأهداف
الثوره , و بالتالي أبقى حد مش ثورجي ولا كيوت و لا عندي سوشيال بوليتيكال انتيليجنس
.
.............................................................................................................................
Mohamed
Hussein
23
يناير 2016·
صديقه عندي بيني
وبينها أصدقاء مشتركين كتير , المهم لقيتها من شوية طلّعت صوره لشهداء يناير و نزلتها
على صفحتها ( قميص عثمان ) , الصوره دي كانت شايلاها في الدرج اكيد بقالها 5 سنين
, و اليومين دول بيبقو وقتها بقى ( الموسم ) , تطلع الصوره و تنضفها و تلمعها كده و
تنشرها على صفحتك مع بؤين من بتوع حقوق الشهدا و حقوق عين شمس .
.
في الحقيقه الكام
سنه اللي فاتو أظهرو فينا أوسخ نوعين من التجار , اللي والله بشوفهم أوسخ ألف مره من
تاجر المخدرات و تاجر الدعاره , النوعين دول هما تاجر الدين و تاجر الثوره و الدم
, اللي بيتاجر بدين ربنا و أياته و اللي بيتاجر بدم اللي مات .
.
بلوك يا قطه ,
دم الشهدا مش كاسات بتتحط في النيش منظر و ممكن تبقى تطلعيها لما يكون عندك عزومه و
تفرّجي عليها صحابك .
........................................................................................................................
Mohamed
Hussein
23
يناير 2016·
عبد الفتاح السيسي
.
من أول ما بقى
رئيس لمصر و هو خد قراره بالحرب على الإرهاب , أياميها الكولجيه و الفكسجيه قالو دي
حركه بس و بكره يتصالح و هتشوفو بنفسكو ( أه هما عباقره من زمان ) !! , و كان رأيي
إن السيسي خد القرار الصح جدا و الصعب للغايه , و قلت الراجل ده فارس مش بياع كلام
وشعارات و تويتات , و تمر الشهور و السنين و هو بيحارب و يطهّر و ينضف , معركه حتميه
مفروضه علينا فرض , يعني مكانشي عندنا رفاهية الإختيار .
.
وحدهم الشواذ فكريا
و عقليا (و البرادعي) هما اللي ممكن يتكلمو عن مصالحه مع جماعه إرهابيه بتتبى العنف
و الخراب أو بتدعمه , الحكايه بالظبط بتبقى كأنك بتنام في سريرك و تاخد ( تعبان ) في
حضنك و تطبطب عليه , و لما يسألوك ليه وافقت انك تنام جنب التعبان و تحضنه تقوم تقولهم
: عشان أتجنب شره بكره ( بسلامتك ناصح أوي و سابقنا بمليون سنه ضوئيه ) !! .
.
اللي بيحصل في
تونس حاليا هو أكبر تأكيد على كلامي و أكبر دليل على إن قرار السيسي من البدايه كان
صح , الإرهابي مالهوش حل بورده و غصن زيتون , الإرهابي حله و دواه هو طلقة رصاص .
.
و لأشقائنا التوانسه
عايز أقول لهم , اسمعو كلام عبد الفتاح السيسي و خلّو بالكو من بلدكو .
...............................................................................................................................
Mohamed
Hussein
23
يناير 2016·
فسخاني التحرير
2
.
من كام يوم كتبت
بوست عن نوع معين من الكولجيه اللي بيختفي طول السنه و يظهر قبل 25 يناير بكام يوم
بس , اعتبرته زي الفسخاني , اللي 25 يناير بالنسباله هي الموسم او شم النسيم اللي بيلم
منه قرشين و ينام عليهم طول السنه , او ممكن تقولو نوع معين من القوارض بيظهر في الأيام
دي بس ( موسم القوارض ) .
.
امبارح و النهارده
عملت بلوك ل 5 من القوارض دي , ظهرو فجأه على صفحتي , كانو فين طول السنه ؟ أكيد كانو
متنكرين في بوستات عن الكوره و الحب و تطبيقات الفيس بوك ( اعرف انت شبه مين من مبيضين
المحاره ) ( اعرف شكل مناخيرك في العصر المنفلوطي الأول ) و كده يعني .
.
واحد من القوارض
دخل على صفحتي يكتب تعليق ( أه هنحرق و نخرب عشان أهداف ثورة يناير ماتحققتش !! )
, و مع البلوك كنت ببرطم ( مي*** أمك على مي*** أم أهداف ثورة يناير اللي فلقتنا بيها
) .
.
و التاني كان كولجي
حونين , كتب على صفحته ( شعب لا يستحق الحياه , شعب عبيد ) , اه ماهو الشعب ده شغال
تحت ايد اللي خلفوك , لما ينزل في يناير يبقى شعب عظيم و حر و ثورجي و بطل و لما يشوف
الدنيا بتخرب في البلاد اللي حواليه و يشوف بلده في خطر يبقى شعب لا يستحق الحياه
, و الله مانا عارف انت كنت بترضع طبيعي و لّا صناعي مممممممممممم ولا زراعي ؟! .
.
و التالت تفتق
ذهن أهله عن تحليل لشخصيتي بقى , و قال انا كنت مؤيد ليناير عشان عايش بره و بعيد عن
مصر فمش هاممني , و لما نزلت مصر خوفت بقى على مصالحي و مشاريعي و مصانعي و قصوري الفارهه
و ملياراتي المتلتله في البنوك فقولت نهدى شويه و كده , و إني بشتم أحمد موسى و مصطفى
بكري عشان بس أبعد عن نفسي شبهة اني أكون ( طبّال ) , ..... يا بقف , يعني 1500 بوست
كتبتهم في 5 سنين , بتكلم فيهم بعقل و منطق و من أول زرع و حصد , كنت بشرّبك صنف لو
حمار شربه يبقى جينتل مان , و هو ده تصورك عني ؟!.
............................................................................................................................
Mohamed
Hussein
22
يناير 2016·
ماهي تونس دي لو
كانت بعد ثورتها عملت تداول للسلطه و ديموقراطيه و مصالحه مع الجماعه الإرهابيه و حوار
وطني و قادة الحوار خدو جايزة نوبل للسلام مكانشي حصل فيها اللي بيحصل دلوأتي .
..............................................................................................................................
Mohamed
Hussein
22
يناير 2016·
الطاحونه حمره
.
من كام يوم كان
فيه اجتماع في تركيا , حضره المنصف المرزوقي و ايمن نور و توكل كرمان , عشان يناقشو
المستجدات في الربيع العربي !! , يعني اجتماع بين المختل عقليا و بتاعة نوبل لامؤاخذه
للسلام و الواد اللامؤاخذه اللي هربان , اجتماع ل 3 نماذج كل واحد فيهم بيمثل الماده
الخام للخيانه والوساخه , و الاجتماع كان في تركيا ولا مؤاخذه !! .
.
و النهارده خبر
تصاعد الأحداث في تونس , برضه من كام يوم قلت ان فيه دول خربت في الربيع العربي و دول
فلتت الى حد كبير , منها تونس , اهو مخرج العرايس الأمريكي بيأكد على كلامي , تونس
ماتحرقتش بالشكل اللي يرضي غرور الخواجه فلازم طالعه كمان , جايز يعني تتحرق و يبقى
الربيع العربي نجح في تونس بامتياز زي مانجح في سوريا و ليبيا !! .
.
و خبر تاني عن
رغبة أمريكا في نشر قوات بريه في العراق و سوريا لمحاربة داعش !! , و الترجمه بتقول
دعم الحرامي التركي و و أطلاق رصاصة الرحمه على دولتين كانت لهم شنه و رنه اسمهم سوريا
و العراق , و طبعا البترول ناخده بقى يا أردع و نقسمه بالنص , أبو قسم يعني , و برميل
البترول يبقى ببريزه و دول النفط الخليجيه تيجي تشحت عندنا على باب السيده .
.
حد من البهايم
لسه عايز ربيع عربي تاني ؟! .
....................................................................................................................
Mohamed
Hussein
22
يناير 2016·
صباح الخير يا
ريس , بقولك ايه و النبي , اللابتوب بتاعي خلاص مابقاش قادر عليا ولا مستحملني , لو
كان ينفع يكتب رسايل و يبعتهالي كان قالي ( ارحم أمي بقى , دانت لو لاقيني في الشارع
مش هتعمل فيا كده ) , بقى بيهنج أكتر ما بيشتغل , و انا أفضل مستني قدامه و حاطط إيدي
على خدي زي أنغام لما كانت مستنيه حبيبها في الركن البعيد الهادي , التلج داب في كاس
اللمون و شعري وقع و انا مستني يفك التهنيجه بتاعته , و أقول ربنا ينتعه بالسلامه
, ماهو كتر خيره برضه , 5 سنين فحت و ردم , أجي أفتح فيس بوك و جنب منه موقع اخبار
و ممكن تضرب في دماغي أفتح يوتيوب عشان أشوف جون مصطفى فتحي في المصري للمره ال 37
, ألاقيه هنج و تلحم و بلّم و مابقاش ينطق من فوق ولا من تحت , هو العيب فيه هو ولّا
انا اللي فاهم اللابتوبات غلط و كنت فاكره شغاله صوماليه عفّيه لا هتكل ولا تمل ؟!.
.
عموما يا ريس
, و حيث اني محسوبك و حبيبك و واحد من السيساويه الكفتجيه عبيد البياده , من الأخر
يعني ابعت لي لابتوب جديد , حته لينوفو بالضمان , بس كلام في ودنك عشان صاحبك اللي
قاعد جنبك ده ( بلاش اللابتوب يكون صيني ) .
.
فيه ناس يا ريس
عايزين ياخدو اللابتوب بتاعي ده بتهنيجته و هبله و عبله زي ماهو كده ويدفعو فيه أعلى
سعر , حاجه توغوش يعني بس على مين , اللابتوب بتاع الراجل مننا بيبقى عامل زي الصندوق
الأسود بتاع الطياره , متسجل عليه كل حاجه من يوم ماتشتريه , باللحظه و الثانيه و الدنشه
, ذكريات و أفراح و دموع وهمسةٌ حائره , حتى ضحكتي متسجله وانا بشوف مشهد في فيلم ابن
حميدو ( الباز أفندي , ده عليه كرافته ترد الروح ) .
...............................................................................................................................
ليست هناك تعليقات:
إرسال تعليق