اتفهم

أنا والله متفهم جدا إن أصدقائي الإسلاميين بيحلمو بدولة الشريعه والخلافه وبيعشقو وصف الغير بإنه ليبرالي وعلماني ومنحل وفاسق وماجن , أنا متفهم إحساسكو بإن الرئيس هو الخليفه وإن حكم الإسلاميين لازم يفضل طول العمر , أنا فاهم ومتفهم اتهامتكو للبرادعي وصباحي بالخيانه والعماله , وللمسيحيين بأنهم كفره ولاد حرام , ولازم يدفعو جزيه وميدخلوش الجيش , أنا متفهم اوي لعشقكو لكمة نصارى وعارف الأيه اللي بتيجي في ذ

هنكو وانتو بتقولوها , أنا متفهم لنظرتكو للتماثيل والموسيقى والشعر والفن , وعارف إنكو عايزين تهدو أبو الهول , أنا متفهم جدا لنظرتكو الدونيه للمرأه ولجواز الأطفال , والله متفهم كل ده وعارف إنكو مش بتدّعو بحاجه مش حاسين بيها , إنما الحل بسيط , كل أحلامكو دي موجوده في دول كتير ذي السعوديه وإيران وأفغانستان والسودان , والله مش بقصد إهانه , إنما فكرو كده لو عشتو في الدول دي وهي دول مسلمه ومحترمه عمركو مهتقابلو أي معارضه لأفكاركو أبدا , هتلاقو نظام الحكم بالظبط ذي ما بتحلمو وتفكير الناس حواليكو بالظبط ذي ما بتفكرو وبدل القتل والعنف ما تسافرو , هاجرو وباب الهجره موجود , رب هنا رب هناك , أوعي تقولي إن اسم مصر عزيز عليك وعلم مصر بيرفرف قدام عينيك , عيب يا جدع داحنا دايسينو سوا ! , سافرو وعيشو حياتكو بدون منغصات من المسيحيين والليبراليين المعفنين أمثالنا ,سافرو وعيشو وسط الناس المحترمه اللي عارفه ربنا , سافرو وريحو عنيكو من إنكو تشوفو بنت ماشيه في الشارع كاشفه شعرها ولا صدرها , سافرو وهاجرو............. ويالله بقى عشان عايزين نكنس قدام عتبه مصر أصلها اتوسخت أوي , يالله ياد انت وهو من هنا عشان هنرش مايه !!.

.

محمد حسين