إمبارح
وانا قاعد في الصيدليه , لمحت بعيني حمامه شكلها جميل أوي ماشيه على السلم
وباينه من ورا الإزاز , بعد شويه لاحظت إن الحمامه مش بتطير لو حد قرب
منها واتأكدت إنها مش قادره تطير فعلا , المهم خادتها معايا عشان محدش
يئذيها ودخلتها المعمل وجبت لها مايه تشرب , وسيبتها في المعمل , ودلوأتي
انا محتار بجد , أطلعها الشارع تاني وهي بحالتها دي , ممكن عربيه تدوس
عليها لا قدر الله ولا أحبسها في المعمل , مانا كده كاتم حريتها ؟ , مش
مشكله هلاقي حل بإذن الله , المهم نرجع لموضوعنا , كنا بنقول إيه ؟
أه...افتكرت كنا بنقول البرادعي عنده ميليشيات مسلحه !!.
.
محمد حسين
ليست هناك تعليقات:
إرسال تعليق