درب الجمال اتهد

قاعد بعد النجوم
والرك عالنيه
وارسم يإيدي الحمام
واعمل له بنيه
واشوف عيون البنات
جايز تكون هيه
ياهل الهوى والشوق
فاض الهوى بيه
.
شرقت ساعة الغروب
وعاكست في التيار
صياد وقالي اختصر
ارمي الشبك واختار
قلت الهوى ده نصيب
عمره ماكان بقرار
.
صبري خادوه مشاوير
درب الجمال اتهد
وانا صنعتي تمثال
حابس دموعي بسد
ولاعمري قلت أهين
ولا نص أهه لحد
.
واصرخ بعلو الصوت
وانا صوتي حياني
جابني الهوى للموت
هو اللي وداني
وبعد ذكر الله
هشكي لمين تاني ؟

.

محمد حسين