مات البطل

مات البطل
والموت بيخطف من سكاتْ
كل الحكايه باختصار
انهم وقت الفطار
يقولولنا ماتْ
.
حلمك بشقه صغيره
حلمك بأرض محرره
حلمك علينا يا بطل
داحنا رجاله بنات!

.
حقك ده ضايع شئ أكيد
أنا أصلي عارف مش كلام
إن ريسنا الهمام
ذي ريسنا اللي فات !
.
مات البطل
والتمره حمره صغيره
غرقانه دمْ
ساعة الأدان ندعي ياناس
قلبت بغمْ
اشجب يامرسي فخطبتك
شكّل ولوّن لهجتك
وافتح وضم
بس قولي تعمل إيه
لو كنت أم ؟!

.

محمد حسين
.