Mohamed
Hussein
30
نوفمبر 2017·
الست دي مين و
إزاي ؟
.
بص يا محمد , وانت
جاي في الطريق تفوت على اختك تجيبها معاك , هتلاقيها لابسه و مستنيه , ماتخليهاش تيجي
مواصلات .
.
اوعي يا محمد تدخل
على اخواتك البنات في بيوتهم بإيديك فاضيه أبدا , و اديلهم فلوس حتى لو معاهم , انت
الكبير يعني في مقام أبوهم .
.
اتصل باخوك الموكوس
اللي نايم لحد العصر ده خليه ينزل من شقته هو ومراته يتغدو معاكو و اتلمّو مع بعض و
كلو لقمه سوا .
.
أختك عندها امتحان
هيستولوجي و خايفه أوي , كلمها و النبي و طمنها بكلمتين ( عرفتي الهيستولوجي يا غاليه
؟ دانتي مابتعرفيش تقري و تكتبي ولا عتّبتي باب المدرسه ) .
.
يا محمد انا مش
معايا فلوس عشان الكتاب اللي عايز تصوره في الكليه ده , مش انت لسه مصور كتاب من شهر
؟ طب خلاص بكره الصبح بدري هروح لخالك أستلف لك منه خمسه جنيه و ربنا يدبرها .
.
خالتك فلانه كل
يوم بتسأل عليك , روح لها البيت سلم عليها و قول لها ماتزعلش و غصب عنك عشان شغلك
.
.
أخوك كاشف على
ابنه , كلمه و اتطمن عليه لحد ماتيجي , كلمه بسرعه قبل ماينام .
.
اقفل المدعوق اللي
في ايدك ده ( اللاب توب ) و اقعد مع امك شويه .
.
وانت رايح الجيش
خد حلة المحشي و الفرخه البلدي دي معاك و روح لأختك في المدينة الجامعيه في بنها ,
تلاقي الأكل بتاع المدينه مش حلو ولا بيشبّع .
.
الواد احمد ابن
اخوك ركب العربيه بتاعتك وانت نايم و عمال يلف بيها في البلد , يارب يخبطهالك في شجره
, ماتقلقيش يا حبيبتي عربيتي بتمشي لوحدها و عارفه الطريق .
.
اختك عايزه طقم
لبس للكليه , حاضر يا غاليه , بس هي عندها 5 أطقم , يا حبيبتي يبقو سته , والنبي انت
اللي مدلعهم و مابقيتش عارفه اكلمهم بسببك .
.
اختك راجعه من
الدرس من السنبلاوين و المغرب قرب يأدن و اتأخرت ماجتش لحد دلوأتي , الدنيا بتمطر و
احنا في رمضان تلاقيها مالقيتش عربيه تركب فيها , طب نعمل ايه يامّه ؟ تروح انت و اخواتك
تقابلو اختك عالطريق , طب نفطر الأول و تكون المطره وقفت شويه ؟ لا , مش هتفطرو من
غيرها , هنمشي في المطر و الطين يا غاليه تلاته أربعه كيلو على رجلينا و احنا صايمين
؟ ماتمشو ولا تزحفو حتى , انتو رجاله .
.
ربنا يرحمك يا
غاليه .
...............................................................................................................
Mohamed
Hussein
30
نوفمبر 2017·
أصدقائي الغاليين
.
.
باقي كام شهر قليلين
على انتخابات الرئاسه في مصر , الكلام ده معناه ايه ؟ معناه ان المرحله دي هي المرحله
اللي بيكون فيها منحنى الإفتكاسات في أعلى نقطه , الكيرف ده يا مولانا بيضرب في السقف
, ماتقلقش ولا تتخض , هات قرطاس فيشار كبير و اتنين كيلو لب سوبر و قزقز و استمتع و
اضحك , و ممكن لو عندك كراسه فاضيه تكتب فيها الإفتكاسات تحت بعض , هتلاقيك في الكام
شهر الجايين مليت الكراسه , وبعد كده كل ما تلاقي نفسك مخنوق شويه و متضايق تطلّع الكراسه
دي و تقرا و تضحك تاني .
.
هتسمع كلام عنب
في الفتره الجايه , أنا الإمارات مانعاني من السفر , أنا ظابط جيش و عايز اترشح و خايف
يغتالوني و يغتصبوني و يصوروني , انا خالتي حموقه ماتت محروقه عشان فكرت مجرد تفكير
اني اترشح للرئاسه , السيسي أصلا يهودي و مش مصري , ده من فنزويلا و مات من 17 سنه
, ابن خالة السيسي عميل للموساد و السي أي ايه و الكي جي بي و الدابليو سي دابليو
, السيسي بياكل المانجه و هو لابسه فانله حمالات و يلغمطها أخر لغمطه , أنا قولت لواحد
صاحبي اني بفكر اترشح و تاني يوم لقيت صاحبي مقتول في ظروف غامضه و الموتوسكل بتاع
ابوه اتسرق و امه راحت تشتري عيش قام بتاع الفرن قالها مش هديكي عيش وابقي خلي صاحب
ابنك ينفعك , انا بتجيلي رسايل تهديد عالواتس و الماسينجر و سكايب من المخابرات المصريه
و بوتين ومجموعة الكومنولث , تقرير خطير يؤكد ان السيسي شايل الكليتين و ماشي بكارت
ميناتيل بدالهم .
.
يابني أقولك ايه
بس ؟ أقولك ايه ؟ طب هات ايدك كده , و شبكة العشره دول كان عندي صديقه ثوريه أخر فيصل
, و عندها كافتريا ماعرفش فين كده , و كل مالمايه تقطع عندها في الكافتريه أو المعسل
ينقص تكتب على صفحتها و تقول المخابرات المصريه بتقطع عني المايه و الأمن الوطني بيسرقو
المعسل .
.............................................................................................................
Mohamed
Hussein
30
نوفمبر 2017·
كان عندي شوية
احترام صغيرين قد كده لأحمد شفيق , بتوع انه كان من القيادات العسكريه سابقا , إنما
لما تعيش في الإمارات سنين طويله و الدوله هناك تكرمك و تعاملك باحترام و يوم ماتترشح
تتطاول عليها و تعلن ترشحك في قناة الخنزيره اللي هي المحرك الرئيسي للقتل و الخراب
في الشرق الأوسط , القناه اللي بتحرض ليل و نهار ضد بلدك وجيشها !! .
.
سيادة الفريق أحمد
شفيق , انا للأمانه مش عارف ايه القضايا اللي مرفوعه عليك في مصر , إنما اعتقادي انك
المفروض تتحاكم بتهمة واحده , الغباوه السياسيه و يتحكم عليك بالإعدام رمياً بالبُلغ
.
..........................................................................................................
Mohamed
Hussein
29
نوفمبر 2017·
أحمد شفيق لما
يترشح للرئاسه هياخد أصوات أنصار مبارك بتوع احنا اسفين ياريس , و هياخد أصوات خرفان
الجماعه الإرهابيه و أغلب أصوات شمامين الكوله و يخسر برضه من الجوله الأولى إنما يكفيه
شرف المحاوله .
.
طب منطقي إن شلة
كمال الشاذلي و صفوت شريف و زكريا عزمي و الناس اللي خربوها وقعدو على تلها تروح أصواتهم
لأحمد شفيق , إنما الجميل و الممتع هو أصوات الخرفان و شمامين الكوله بتوع العسكر و
حكم العسكر اللي هيحاولو يقنعو بعض إن أحمد شفيق ده أصلا مهندس ديكور وهو اللي مصمم
ستاير و كرانيش الرسيبشن بتاع قصر الملكه إليزابيث .
.............................................................................................................
Mohamed
Hussein
29
نوفمبر 2017·
عبد الفتاح السيسي
: اسمحو لي ألزم الفريق محمد فريد حجازي ( رئيس أركان القوات المسلحه المصريه ) , إنت
مسئول يافندم , مسئول عن استعادة الأمن و الإستقرار في سينا خلال 3 شهور , انت و وزارة
الداخليه , و استخدام القوه الغاشمه .
.
كده خلصانه بإذن
الله , بدوسة دبابه و طلعة طيارة و كتيبتين صاعقه , و اللي عنده شوية إرهابيين يلحق
يبعتهم و النبي , عشان نشغّل المفرمه مره واحده .
....................................................................................................
Mohamed
Hussein
29
نوفمبر 2017·
عبد الفتاح السيسي
: احنا بنتكلم عن 12 دوله بيعانو خطر الإرهاب , بصو كده على أفغانستان و باكستان و
العراق و الصومال و سوريا و ليبيا و اليمن , و قولو لي الدول دي هترجع إمتى ؟! .
.
الدول دي هترجع
ياريس , هترجع بعد بكره العصر , وانا بنفسي هروح أقابلها في محطة القطر و هي راجعه
, أيوه هترجع و عماد صاحبي مأكّدلي , و بعدين مفيش إرهاب ولا حاجه دي فزاعه بتستخدمها
الانظمه , ومفيش جيوش بتقع , دي جيوش مريّحه شويه , ساعتين قيلوله مفهاش حاجه , و إن
كان على شوية الولاد اللي بيشيلو سلاح و يقتلو الناس فدول ولادنا برضه و اللي بيعملوه
ده اسمه عنف متبادل ( انت هتفهم اكتر من البرادعي ؟ ) , الولاد دول محتاجين اننا نحضنهم
و نحتويهم , بالك احنا لو حضناهم حضن جامد ؟ هيبطلو يبقو إرهابيين و هيتحولو بعد الحضن
لشعراء و مهندسين ديكور و عازفي بيانو , و بالنسبه للتلاته أربعه تريليون دولار اللي
محتاجاها الدول دي عشان ترجع لنقطه الصفر , برضه مش مشكله , احنا نجيب معزه و نحلبها
و نبيع لبنها الصبح بدري بأربعه تريليون دولار , نبعتهم للدول دي عشان تلحق ترجع في
قطر بعد بكره العصر ..
.
و اوعى ياريس تقول
إن الدول دي وقعت و سقطت و جيوشها اتدمرت عشان مؤامره و مليارات اتصرفت على تدميرها
و دول كبري و أحدث الأسلحه و اجهزة مخابرات عالميه شاركت في الخراب , لا طبعا , الكلام
ده غلط , هما شوية الولاد ولادنا ( اللي محتاجين حضن دافي ) أتأثرو شويه بمناهج الازهر
و بقرارات عبد الناصر و سياسات الملكه نفرتيتي فقامو خدو على خاطرهم و اتقمصو و شالو
سلاح , و بقى الولد منهم ( ابننا اللي محتاج حضن ) يشوف الطياره الروسيه طايره في سينا
يقوم منشن عليها بالنبله و يقول الله اكبر تقوم واقعه على طول , يشوف طياره مصر للطيران
طالعه من فرنسا يقوم منشن برضه و يقول سبحان الله تقوم واقعه , بالك ياريس , عيل من
ولادنا اللي محتاجين حوار مجتمعي دول قري أية الكرسي مرتين قام موقّع الجيش السوري
, و أخوه في الله صلّى ركعتين و قال يارب بغداد تقع قامت واقعه فورا , و أبو حفص مسك
سواك و عمل سنانه كداهو قبل ماينام صحي من النوم ملقاش الإتحاد السوفيتي .
.
انت بتتكلم في
ايه بس ياريس ؟ ايه يعني اتناشر دوله و خراب و دول محتاجه 100 سنه عشان ترجع , الكلام
ده كله مش مهم , أكيد حضرتك بتستخدم اسلوب ( بص العصفوره ) عشان تلهينا و تداري عالمارشميللو
اللي نقص في السوق .
................................................................................................................
Mohamed
Hussein
28
نوفمبر 2017·
تصريحات الوزيره
الإسرائيليه اللي بتقول فيها ان سيناء أفضل مكان لإقامة الدوله الفلسطينيه اتقابلت
بموجة غضب من الخارجيه المصريه , و اضطرت الحكومه الإسرائيليه للرد على الخارجيه المصريه
بإن تصريحات الوزيره دي لا تمثل رأي الحكومه عندهم .
.
بص يا حبيبي ,
عايز تفهم هتفهم , عايز تعيش حمار وتموت حمار برضه ده اختيار و لك القرار .
.
- لعبة الصهاينه
الأزليه هي دي , يطلع مسئول منهم يخبط تصريح طالما التصريح هيلاقي الحمير اللي يبلعوه
و يهيصو بيه و يشألطو نفسهم , يعني لما تبقى حمار بتبقى انت الزبون اللي بيرمو الطعم
عشانه , و تطلع الحكومه بتاعتهم تقول ده بيمثل نفسه و ملناش دعوه بيه , لعبه مكرره
بشكل ممل و سخيف .
.
صفقة القرن هي
سلام بين فلسطين و اسرائيل و اقامة دوله فلسطينيه على أرض فلسطين , مش على أرض مصر
ولا أرض الكونغو , عايزين يعملو دولتهم تبقى على أرضهم , ياكشي يتحرقو دول على دول
.
.
الإرهاب اللي في
سينا هنحاربه لحد أخر جندي في جيش مصر , يعني لحد أخر واحد في ال 40 مليون راجل و شاب
مصري , هننضف أرضنا و نطهرها , و الصهاينه أو الفلسطينيين اللي عايز منهم يدخل سينا
ويعمل فيها دوله يبقى على جثتنا و على جثة عبد الفتاح السيسي وعلى جثتي قبل أي حد
.
........................................................................................................
Mohamed
Hussein
28
نوفمبر 2017·
من ضمن الإفتكاسات
الجميله اللي اترمت في حِجْرنا من سنتين تلاته , مصطلح ( الإختفاء القسري ) , ماتعرفشي
يا اخي مين اخترعه و جابوه منين , و تم الترويج للمصطلح ده من كبار شمامي الكوله و
ألهتهم العوالي زي البرادعي و حمدين , و المعنى اتهام للداخليه و لأجهزة الدوله انها
بتخطف العيال الكتاكيت و تسجنهم و تجلدهم و تعذبهم في مناطق حساسه وايه ؟ أه افتكرت
, و تغتصبهم و تصورهم , من غير ما حد يعرف عنهم حاجه ولا أهاليهم يعرفو لهم سكه , ده
طبعا على أساس ان الدوله اللي بتحاكم وزراء و وزراء سابقين و مليارديرات و رجال اعمال
و قضاه علنا و عيانا بيانا بتبقى خايفه من الواد الكتكوت اللي بيشتغل صبي فرارجي ,
و خايفه من رد فعل المعلم الكبير صاحب محل الفراخ لو عرف ان الصبي بتاعه مسجون و بيتحاكم
.
.
بعد شويه و تدريجي
بدأت تبان حقيقة الأسماء اللي أعلن المراكيب انهم لامؤاخذه في حالة إختفاء قسري , و
كانت الحقيقه بتبقى حاجه من تلاته , إما إن النطع عملها حركه بالإتفاق مع واحد صاحبه
و غاب كام يوم عشان يجيب شوية فولورز و مؤيدين و يتحول لبطل قومي و أيقونه , أو انه
هرب من أهله و راح انضم لتنظيم إرهابي و ربّى دقنه و بقى مستني يقابل حور العين في
الجنه , أو انه يكون اختصر المسافه وقفل موبايله و راح يقابل حور العين في الغردقه
!! , و لو اللي مختفي قسريا بنت فهي بالتأكيد اتشقطت يومين حلوين في الساحل من صديقها
اللي قال لها بصوت عادل امام ( مش انا عيد ميلادي النهارده ! ) .
.
أجمل حاجه في شمامين
الكوله إنهم المخلوقات الوحيده على ظهر كوكب الأرض اللي عندهم قابليه انهم ينضربو سبعتاشر
قفا على سهوه , و الأجمل بقى انك تبقى بالعقليه دي و قالع بنطلونك من سبع سنين للي
رايح و اللي جاي و مركوب من الخرفان بكل الأوضاع و عايز تحكم مصر .
...........................................................................................................
Mohamed
Hussein
27
نوفمبر 2017·
الحل ايه ؟
.
أصدقائي الغاليين
اللي قريو البوست اللي فات و اتخضو شويه , مع انه مفهوش جديد ولا اختراع , ده وصف للحال
و الحاله , لما تكون بتتكلم عن بلد و اقتصادها و سياساتها و أمنها القومي ماتبصّش عليها
في الخريطه لوحدها , لازم توسّع كادر عينك و تشوف الصوره كامله , و حقيقي ان الصوره
الكامله حوالين مصر بتقول خرابه من الأربع جهات .
.
البوست ده مش للناس
اللي يومهم و ليلهم و نهارهم بيتشقلبو في إزازتين بيره و كلمتين , الازهر هو السبب
و عبد الناصر خربها , أه مناهج الأزهر و قرارات عبد الناصر وقعو سوريا و العراق و ليبيا
و اليمن و فككو الاتحاد السوفيتي و عملو سد النهضه و خلو العرب يبقو خونه و يصرفو مليارات
لإسقاط مصر و خرمو ثقب الأوزون , حاضر بس نخلص من المرحله دي و بعدها نجيب عبد الناصر
و شيخ الأزهر و نمدهم على رجليهم , ماتزعّلش نفسك خالص .
.
و طبيعي ان البوست
ده برضه مش للكائنات اللزجه المنحطه اللي حياتهم و قواهم العقليه بتتلخص في إن الجيش
بيقتل عساكره و ظباطه و مسلمينه و اقباطه و مفيش مؤامره ولا ارهاب و أمريكا حد جميل
أخر فيصل و قطر بنت الوسخه مش بنت وسخه , الخونه و الشمامين و الأنطاع يركنو على جنب
شويه .
.
الحل ايه بقى ؟
عندنا كمواطنين , و عند الدوله و القائمين عليها .
1- عندنا احنا
كمواطنين , الحل في 5 كلمات , الفهم , الصبر , الصمت , الدعم , الثقه .
.
الفهم أهم سلاح
لازم نمتلكه , لما نفهم اللي بيحصل حوالينا هنبقى حلينا نص المشكله , النص الأصعب
..
.
الصبر , لأن المرحله
مختلفه تماما و محتاجه شوية صبر , ده طوفان و داير عالكل ( اعتقد انت مش محتاج مليون
دليل تاني عشان تعرف انه طوفان ولا محتاج نص الكره الأرضيه اللي باقي يخرب و يولع عشان
تشم ريحة الدخانه ) .
.
الصمت , بمعنى
مانضيعش وقت كتير في الهري , اغلب هرينا بيكون في حاجات ملناش فيها خالص و بنهيص و
نعمل شألباظات , لا حضرتك , نركز طاقتنا و مجهودنا في المهم و المفيد و اللي من حقنا
نتكلم فيه , غير كده يبقى الصمت .
.
الدعم بيعني دعم
البلد ككيان , إسمها و تاريخها و حاضرها و مستقبلها , بوجود السيسي أو بوجود أي حد
غيره , البلد إسمها الثلاثي جمهورية مصر العربيه , مش عبد الفتاح سعيد السيسي .
.
الثقه مقصود بيها
الثقه في مؤسسات الدوله السياديه , مش في شخص الرئيس , أصلا لا السيسي ولا ابوزيد الهلالي
ولا مازينجر يقدرو يديرو المرحله دي بقرارات منفرده , لازم عمل جماعي , و أصلا برضه
احنا معندناش رفاهية التشكيك في مؤسساتنا السياديه ( اقرا الجمله دي 10 مرات ) و إلا
بقى نروح نجيب جركن بنزين و نولع في نفسنا .
.
و الثقه الأهم
هي الثقه في النصر , ده وعد ربنا سبحانه و تعالى , البلد دي لا بتموت ولا بتقع , كتاب
التاريخ بيقول كده و كتاب الجغرافيا , و الأهم كتاب الدين .
طب الدوله و القائمين
عليها , بيعملو ايه و هيعملو ايه ( مجرد توقعات و اعتقاد ) , في البوست الجاي بإذن
الله .
..........................................................................................................
Mohamed
Hussein
27
نوفمبر 2017·
صباح الخير
............ لو بطلنا نفهم نموت
.
الخروف السوداني
عمر البشير راح روسيا و بيطلب من الروس انهم يعملو قاعدة عسكرية روسيه في السودان على
البحر الأحمر عشان يحمو السودان من الخطر الأمريكي !! .
.
إلهي هذا حالنا
لا يخفى عليك , إلهي , هذا , حالنا , لا , يخفى , عليك .
في الجنوب خروف
عايز يجيب الروس عشان يحموه من اللامؤاخذه الأمريكان , وفي الشرق عربان الخليج جابو
الأمريكان و البريطانيين عشان يحموهم من لامؤاخذه إيران , و في الشرق برضه كشك خليجي
جاب الأمريكان و البريطانيين و الأتراك و إيران عشان يحموه من أشعه الشمس البنفسجيه
!! , و في الشمال الشرقي عدو صهيوني , و في الغرب دوله فيها سبعتاشر حكومه و رئيس و
برلمان و بيلعب جواها أجهزة مخابرات خمس ست دول أجنبيه , هي دي حدود مصر من كل الجهات
.
.
و ييجي عيل صايع
ابن صرمه يقولك , يعني ايه أمن قومي لمصر ؟ و يعني ايه في خطر ؟ و عايزين نبقى زي ماليزيا
, و بنشتري سلاح ليه ؟ حاضر يا ضنايا , لما تبقى بلدك ملموم حواليها عربجية التاريخ
من كل جهه ( بفضل حنكة و عظمة و ألمعية الأشقاء العرب ) يبقى أكيد بكره الصبح هنبقى
زي ماليزيا و مفيش داعي نشتري سلاح خالص , احنا نشتري اتنين كيلو برتقان و ندخل بيهم
عالعيال .
.
عالهامش
- مفيش أي تهديد
أمريكي للسودان , السودان تحت حكم البشير مش محتاج تهديد ولا محتاج مؤامره عليه , هو
متأمر على نفسه بما يكفي , اتقسم لنصين و هيبقى 4 , و لما عمر البشير صدرت مذكرة اعتقال
له في جنوب افريقيا اللي انقذه السفير الأمريكي و قاله جواز سفرك اهو وارجع بلدك و
اسمع الكلام بعد كده يا حماده .
.
القاعده العسكريه
الروسيه في البحر الأحمر بالمنطق البسيط , هي ضرب للعلاقات المصريه الروسيه , خصوصا
ان مصر رفضت اقامة قاعدة روسيه ( أي دوله محترمه لازم ترفض ) , و قاعده روسيه في البحر
الأحمر تبقى قناة السويس و باب المندب على كف عفريت , و مش بعيد تكون تأمين بشكل ما
لسد النهضه !! , الروس في النهايه زي الأمريكان لهم مصلحتهم , كلّموني أكتر عن الخيانه
العربيه
.......................................................................................................................
Mohamed
Hussein
27
نوفمبر 2017·
البنت المصريه
لما بتحب واحد أوي , اوي أوي يعني , بتبقى عالم جميل لوحدها , ملكوت يا مولانا .
.
مشهد 1
هو :( لسه حالا
صاحي من النوم , عنده عين مقفوله و عين مفتوحه نص فتحه و بيتتاوب و يفتح بؤه عالأخر
كأنه سيد قشطه , سيد بيه قشطه .
- هي : حبيبي
, حبيبي !! .
.
هو ( بصوت واطي
) : نعم
هي : مش ملاحظ
حاجه مختلفه فيا ؟ معقوله كل ده ماخدتش بالك ؟
.
هو : خدت بالي
من ايه ؟
هي : تسريحة شعري
, أنا غيرت تسريحة شعري و انت نايم , الأوصه دي مكانتش موجوده كده , يعني ايه بقى ماخدتش
بالك ؟ مين اللي شاغل عقلك يا أستاذ ؟ .
.........................
مشهد 2
هو قاعد بيتفرج
على ماتش و ماسك في ايده كراسه بيكتب حاجه و جنبه الجرنان بيقرا خبر مهم و في إيده
كوباية شاي و معاه تليفون بيكلم اخوه في الكويت .
هي : حبيبي , حبيبي
!! .
.
هو : نعم .
هي : فاكر من
17 سنه , يوم شم النسيم العصر , لما كنا بره , و الولاد بيلعبو بعيد عننا , و أختك
وجوزها راحو يجيبو لنا حاجه نشربها , فاكر وقتها قرّبت مني و قولت لي ايه ؟
.......................
مشهد 3
هو : عمل حادثه
بالعربيه و بينزف من كل حته و راح المستشفى , و نايم عالشيزلونج و محتاج ياخد 95 غرزه
في رجله من فوق لتحت و متعلق له محلول في ايده اليمين و كيس دم في إيده الشمال و أكسجين
, و فيه 13 دكتور و جراح واقفين حواليه بيتباحثو في الحاله و يشوفو هيعيش ولا ايه نظامه
, و ممرضه واقفه ورا متداريه بتجهّز حاجات .
هي ( واقفه جنب
الشيزلونج بتوشوشه ) : حبيبي , حبيبي !!
هو ( بحركة شفايف
من غير صوت ) : نعم
.
هي الممرضه اللي
هناك دي بتبص لك كده ليه ؟ عايزه منك ايه ؟ انت تعرفها ؟ أومال ليه قلبي حاسس انك تعرفها
؟! و بعدين تعالى هنا قولي , أه افتكرت , مين ( زهرة الأحزان الزمخشريه ) اللي عملت
لك لايك عالبوست بتاع امبارح دي ؟ انا مش مرتاحالها على فكره .
..........................................................................................................
Mohamed
Hussein
26
نوفمبر 2017·
نقول طور يقولو
احلبوه
.
نقول أجهزة مخابرات
و تمويل بعشرات المليارات و أحدث أسلحه في العالم و رادارت و إسقاط جيوش لها شنه و
رنه و تصنيف عالمي , يقولو أصل الأزهر و مناهج الازهر .
.
نقول مخطط و مؤامره
واقفه وراها دول عظمى و سوشيال ميديا و ميديا عالميه و جمعيات و مراكز حقوقيه و خطه
شيطانيه لتخريب الشرق الأوسط , يقولو أصل الأزهر و مناهج الأزهر .
.
نقول طيارات بتنضرب
و اغتيال للنائب العام وسط طقم حراساته و تفجير كنايس وجوامع يقولو الأزهر و مناهج
الأزهر .
.
نقول الإرهاب و
حرب العصابات دي أسقطت الإتحاد السوفيتي و سوريا و ليبيا و العراق و بتضرب افغانستان
و باكستان و بتضرب فرنسا و سويسرا و نيجيريا و كل بلاد الله يقولو الأزهر و مناهج الأزهر
.
.
نقول يا بهايم
دي خطه معلنه اسمها الشرق أوسط الجديد بتديرها بريطانيا و امريكا و الكيان الصهيوني
و وراهم تركيا و قطر بنت الوسخه و جماعة الإخوان الإرهابيه و بأموال النفط العربي
, يقولو الأزهر و مناهج الأزهر .
.
مشهد هزلي كوميدي
تراجيدي ابن وسخه , اه و عهد الله ابن وسخه , بيفكرني بمشهد في مسرحية لمحمد صبحي
, الراجل اللي اكل ماعرفشي اتناشر كيلو بسبوسه و بعدين حتة قشطه قد كده وقفت في زوره
موتته , نفس المشهد بالظبط , الأزهر و مناهج الأزهر , حتة القشطه اللي وقفت في زور
كوكب الأرض و جابت أجله .
.
أصدقائي الغاليين
, يا أمةً ضحكت من جهلها الأمم , أما بعد , خلاص ماتزعلوش , حقكو عليا , هاتو بوسه
, بالكو انتو لو مناهج الأزهر كانت اتنضفت و اتنقحت من سنين ؟ و إسلام البحيري بقى
شيخ الازهر ؟ مكانشي الإتحاد السوفيتي سقط ولا كانت سوريا و العراق و ليبيا اتدمرو
و جيوشهم اتفككت و لا كان حصل تفجيرات في جوامع ولا كنايس ولا طيارات تقع , و كان زمان
قطر بنت الوسخه مش بنت وسخه , و كان زمان بريطانيا و أمريكا و اسرائيل فارشين بسبح
و سجاجيد صلاه قدام سيدنا الحسين , هاتو بوسه كمان بقى .
.
طب أقولكو حاجه
أخيره على سيرة البوسه , انا مره قالو لي وانا صغير إن الراجل أول مايبوس مراته بتبقى
حامل على طول , بصو من الأخر كده , لو جه ولد هنسميه شحاته عشان مايتحسدش .
.................................................................................................................
Mohamed
Hussein
26
نوفمبر 2017·
للأنطاع و الأوساخ
و الخونه و المراقيع .
.
1- الخارجيه المصريه
ردت النهارده بشكل رسمي على مقال نشرته الجارديان عن حادث مسجد الروضه , بتبدي الخارجيه
قرفها من إن الجريده بتمجد الإرهاب و تدعمه و تحرض عليه !! , مش مهم تقرا مقال جارديان
, اقرا بيان الخارجيه اللي كلمتهم بتطلع موزونه بالحرف .
.
2- طب ايه حكاية
ان رئيسة وزراء بريطانيا و سفيرها في القاهره يعلنو تعاطفهم مع مصر , ده بطيخ يا مولانا
, توزيع أدوار , احنا نتعاطف و نقول ارهاب و قلبنا عندكو يا مصريين و نعيط و نتشحتف
, و نسلّط الميديا بتاعتنا تمجد في الإرهاب و تدعمه و تشوه العقول , و بالمره نلم قيادات
الجماعه الارهابيه عندنا و نديهم الجنسيه و نصرف عليهم و نعلفهم .
.
3- صفقة القرن
اللي قال عليها السيسي هي السلام الشامل بين اسرائيل و العرب و إقامة دولة فلسطينيه
على أرض فلسطين , مش على أرض مصر ولا أرض تنزانيا , مصر مش هتهجر مصريين من أرضها عشان
تجيب غزاويين ( يعني أجانب ) يعيشو فيها .
.
4- اسرائيل مش
عايزه سلام ولا أمريكا ولا الفلسطينيين عايزين سلام ولا عبد السلام , هما مبسوطين كده
, مرتاحين كده , سبوبه و بتجيب قرشين حلوين , قميص عثمان و بيصرف عالبيت , إنما احنا
الي عايزين السلام ده , ليه عايزينه ؟ عشان بنحب فلسطين و الحب ولّع في الدره ؟ لا
خالص , عشان تبقى حدودك الشماليه الشرقيه بتديرها دوله محترمه مش عصابات و شوية مرتزقه
, عشان أمننا القومي يتطلب كده , دوله يعني إلتزامات دوليه في تأمين حدود و خلافه
, باختصار عشان نقفل حنفية الوساخه اللي بتطرطش علينا من هناك .
.
5 - صديقي الغرقان
لشوشته في الجهل و النطاعه و الخيانه و الوساخه , الجيش المصري العظيم مابيقتلش جنوده
و ظباطه و مسلمينه و أقباطه , و أرض مصر للمصريين وبس , لو عايز تفهم هتفهم , ولو عايز
تنضف أكيد هتنضف , الوساخه عمرها ما كانت منهج فكري و النضافه مفيش أسهل منها , مش
معقول يا مولانا تكون المايه قاطعه عندكو من سبع سنين , و مش معقول برضه انك تفضل عايش
كده و تتباهي بريحة الخنازير , ولا بارفانات العالم كله هتخلي ريحتك مقبوله و تجمّل
الوجه القبيح
............................................................................................................
Mohamed
Hussein
25
نوفمبر 2017·
إبن مصر البار
البطل محمد صلاح , لما يجيب جون النهارده في تشيلسي , تشيلسي يا مولانا مش بترول أسيوط
, في ماتش بيشوفه مليار بني ادم , يقوم يرفض الإحتفال عشان شهداء مصر , لا تعاطفا مع
غزه ولا تعاطفا مع بطيخ .
الوطنيه أصلها
مش كيميا ولا لوغاريتمات , ولا محتاجه تتعلمها في مدارس , الوطنيه إحساس و مسئوليه
و مبدأ بيقول (( بلدي و من بعدها الطوفان )) .
تسلم يا محمد ربنا
يحفظك يابني و يحميك و يزيدك من نعيمه .
..........................................................................................................
Mohamed
Hussein
25
نوفمبر 2017·
يابني افهم , حاول
تفهم , أي كتاب قريته و شعارين حفظتهم قطّعهم و ارميهم , و بص بعنيك و شغل عقلك , الموضوع
مختلف تماما عن شعاراتك العبيطه .
.
- اللي حصل في
سوريا مكانشي صراع بين سنه و شيعه , لا , ده كان تدمير متعمد للدوله السوريه و الجيش
السوري , قصة السنه و الشيعه هي مجرد الطعم اللي بيصطادو بيه الأنصار و المؤيدين و
البهايم و المتعاطفين .
.
- ضرب الكنايس
في مصر مكانشي كراهيه للمسيحيين و تكفير لهم ولا الهجص ده كله , أصلا فيه 3 دول بيديرو
الإرهاب في العالم منهم دوله يهوديه و اتنين مسيحيين !! , والنبي حاول تفهم شويه ,
برضه فكرة الكنايس و المسيحيين في مصر مقصوده عشان تبقى هي دي القضيه أو الطعم اللي
بيصطادو بيه مؤيدين لإجرامهم , والهدف هو ضرب مصر و جيشها و محاولة إشعال البلد .
.
- قصة مسجد الربوه
مش قصة صوفيين ولا بطيخ , الحدوته ان القريه دي و القبيله دي من القبائل اللي عندها
وطنيه و متعاونه مع الجيش المصري و بتحترم بلدها , و الوصف السابق ده يبقى خاين بالنسبه
للخونه الإرهابيين , يعني تتعاون مع الجيش و البلد و تبقى وطني فانت أكيد خاين في نظر
الخونه , و ده العقاب , طب ليه تم الترويج لحكاية صوفيين ؟ ده برضه الطعم عشان يبقى
للبلطجي قضيه و متعاطفين معاه , ماهو مش معقول يقولك قتلناهم و هما بيصلو عشان وطنيين
.
.
- مش عارف أشرحهالك
ازاي , طب بص , باختصار , المجرم بيمارس اجرامه و بيدور على غطاء لاجرامه ده , مش هيقولك
انا مجرم و عايز أدمر بلدك ( الغطاء هنا اسمه قنابل نوويه عند صدام و فاشيه عند القذافي
و مسيحيين في مصر و شيعه في سوريا و صوفيين في العريش وفول حريتي عالعربيه ) , لكن
الهدف جيوش و بلاد , تمام كده ؟ المجرم عنده حاجه كمان بيعملها , وهي انه يضرب عصفورين
بحجر , يمارس جريمته ( اللي غرضها ضرب الدول و الجيوش الوطنيه ) و يسرّح أنصاره و خرفانه
للترويج لفكرة ان اللي بيعمل كده هي الدول و جيوشها الوطنيه ( الدوله بتقتل جنودها
و أقباطها و مسلميها و بتاكل دراع العيال الصغيره ) , وهي دي قواعد اللعبه كلها , سهله
الحكايه ؟ .
........................................................................................................
Mohamed
Hussein
25
نوفمبر 2017·
الحادث بتاع امبارح
رغم بشاعته و دمويته و انحطاطه ( ماهو مفيش انحطاط اكتر من أنك تعتدي على ناس مسالمين
بيصلو لله في مسجد أو كنيسه ) , إلا إن الحادث ده لا يخلو من ميزه , ايه هي الميزه
؟ الميزه ان الناس تفهم , الفهم في حد ذاته هو أول و أهم سلاح في الحرب على الإرهاب
, تفهم إيه بقى ؟
.
بهدوء شديد
- جماعة الإخوان
الإرهابيه عايشه مع حضرتك في الشارع و الشغل و البيت و الغيط و بيمثلو العنصر الأهم
في سلسلة الإرهاب لكن مش هما اللي بيفكرو و يخططو , فيه اللي بيفكر لهم و يخطط لهم
و يدعمهم بغطاء مادي و سياسي و عسكري , و مش بالضروره عناصر جماعة الإخوان الإرهابيه
تشارك بنفسها في العمل الإرهابي , لا ده مش مهم , طالما توافرت عناصر بديله مدربه أو
عناصر بديلة مدمنة مخدرات و في كل الحالتين مرتزقه بينفذو التعليمات مقابل شوية دولارات
أو شمتين هيروين , طب دور جماعة الإخوان الارهابيه ايه ؟ دورهم المأوى و الملاذ و تخزين
السلاح و يبقو حلقة وصل و دعم الإرهاب في قنواتهم و على صفحاتهم , طب ليه هما الحلقه
الأهم في السلسله ؟ عشان باختصار عايشين وسطينا , بياكلو زينا و يلبسو لبسنا و من هنا
بتيجي خطورتهم .
.
- الإرهاب اللي
بتواجهه مصر من سنين طويله مش شوية بهاليل بدقون فاهمين الدين غلط , الكلام ده عباره
عن هبل و اختزال مسف و عبيط , الإرهابي البهلول المتخلف عقليا هو أضعف حلقه في السلسله
دي و هو الحلقه اللي مش بيحتاجوها في أغلب الأحيان , لأن البدايل متوفره و محترفه و
مدربه و جاهزه للتنفيذ .
.
- الإرهاب سلسله
أولها في بريطانيا و أمريكا و اسرائيل , سلسله بتشمل تركيا و قطر و جماعة الإخوان و
حماس و عمر البشير و بعض الكيانات الحاكمه في ليبيا , سلسله بيتم فيها توزيع الأدوار
بحرفيه شديده , السلسله دي بتشمل القنوات و الجرايد و الميديا العالميه و الخنزيره
و قنوات الخرفان في تركيا و بتشمل كمان الجمعيات الأهليه و مراكز حقوق الإنسان و السوشيال
ميديا , كل واحد بيلعب دوره المرسوم له , انت هتقتل و انت هتطلع تقرير عن السجون في
مصر وانت هتفبرك فيلم عن معاناة الجندي المصري في الجيش و انت هتخزن السلاح وتحمي الإرهابيين
, وانت هتهبل عالفيس بوك و تقول الجيش بيقتل الأقباط في الكنيسه و المسلمين في المساجد
و الظباط في الكمين , وانت هتقول لا مابيقتلش بس ده فشل أمني و الأيام الجايه سوده
, توزيع أدوار في مسرح العرايس الأمريكي الصهيوني .
.
- مناهج الازهر
الشريف محتاجه كتير تعديل و تنقيح , و بعض مشايخ الازهر محتاجين يتحط بلاستر على بؤهم
, انما لما تقرا الكلام اللي فوق و تفهمه هتعرف ان الإرهاب اللي حاصل من سنين ده ملوش
أي تلاتين علاقه بالأزهر ولا بمناهجه , يعني بكره الصبح لو مناهج الأزهر دي اتفورت
و طلع شيخ الأزهر يقول الإرهابيين كفار و ولاد دين كلب ولا هتفرق أي حاجه , يعني ولا
الهوا , فلو سمحت بطّل هري واعرف انت بتحارب مين و حلقات السلسه دي فين .
.
- نقطة أخيره مهمه
جدا , الإرهاب مش هدفه اسقاط عبد الفتاح السيسي , لو ده هدفه و دي غايته كان السيسي
شخصيا استقال و قال يحمي مصر باستقالته , مبارك نفسه مكانشي مستهدف ولا القذافي ولا
بشار ولا صدام , المستهدف هو الدول و الجيوش , الغايه و الهدف هو تدمير جيوش المنطقه
و تفتيت الدول لدويلات برعاية و خيانه عربيه و بأموال النفط العربي , عشان كده لما
عبد الفتاح السيسي قال امبارح احنا بنحارب الإرهاب لوحدنا و نيابة عن العالم كان بيعنيها
جدا .
أنا إيدي وجعتني
من الكتابه , يارب الناس تفهم .
........................................................................................................
Mohamed
Hussein
24
نوفمبر 2017·
الإرهاب و حرب
العصابات أسقطو الإتحاد السوفيتي بجلالة قدره , مصر من ألاف السنين محدش قدر عليها
ولا حد هيقدر , دي مش توقعات ولا أماني , ده وعد ربنا في كتابه , وعد خالق الكون و
الخلق ( و مَنْ أصدق من الله قيلا ؟ ) , إجمد يا حبيبي و إبتسم و اصبر , لسه شويه
, باقي خطوتين كمان و تشوف ابتسامة بهيه .
................................................................................................................
Mohamed
Hussein
24
نوفمبر 2017·
خطاب عبد الفتاح
السيسي و نبرة كلامه بيقولو كام كلمة باختصار , حق الشهدا هييجي قبل مانصحى من النوم
, هييجي من جوه مصر أو برّاها , إحنا أهل الخير و ربنا أكيد هينصرنا على اهل الشر
, و مش معنى اننا اهل الخير نبقى أهل الضعف و الخضوع , لا , احنا أهل الخير و القوه
, أهل الخير و العزم , و يد الله فوق أيدينا .
.............................................................................................................
Mohamed
Hussein
24
نوفمبر 2017·
تفجير ارهابي لمسجد
في العريش وقت صلاة الجمعه .
.
يارب الناس تفهم
بقى , الارهابي هو قاتل مرتزق ابن وسخه لا بتفرق معاه مسلم و لا مسيحي , الارهابي المرتزق
بينفذ تعليمات و الهدف الاول من عملياته هو وضع البلد دايما في حالة استنفار امنى و
خلق حاله من الرعب , عنف متبادل يا برادعي ? ? يلعن ميتين ام البطن اللي شالتك .
.......................................................................................................
ليست هناك تعليقات:
إرسال تعليق