Mohamed
Hussein
21
ديسمبر 2017·
ملخص اليوم في
الأمم المتحده
انتصار دبلوماسي
عظيم بدأته مصر بمشروع قرارها اللي قدمته لمجلس الأمن ضد القرار الأمريكي ( احنا مش
بتوع خطب رنانه و شعارات عنتريه مفيش أسهل منها )
.
الدول اللي وقفت
ضد قرار ترامب الأمريكاني 128.
الدول اللي امتنعت
عن التصويت 35 من بينهم الأرجنتين بتاعة ميسي .
الدول اللي أيدت
القرار الأمريكي 9 , منهم جزر المارشال و بالاو مايكرونيزيا و ناورو .
........
يا أستاذ يا أستاذ
!!.
- نعم يا حبيبي
؟
.
هي مايكرونيزيا
دي مش نوع من الباكتريا بتظهر في مزرعة البول ؟
- لا دي طلعت دوله
و بتظهر في الأمم المتحده .
.
طب جزر المارشال
بتقع في انهي محيط ولّا أنهي بحر ولّأ أنهي ترعه ؟
- والله يابني
ماعرف .
.
طب هو فيه دوله
اسمها بالاو ؟
- انا عارف ياخويا
, اهي بالاوي بتتحدّف علينا .
.
طب هو حضرتك مش
المفروض الدول دي يتشطب أساميها و مش كل بيتين و نخله يبقالهم كرسي في الأمم المتحده
؟
- مممممممم حاسس
كده انك بتلقح بالكلام على كشك قطر بنت الوسخه , لاحظ ان كلامك جارح .
.
طب حضرتك أنا كنت
سمعت من جارتي ست أم شوشو ان الحكايه كلها خطه محكمه من راجل محنك اسمه ترامب و بعلم
دول كتير عشان في النهايه نوصل لحل للقضيه الفلسطينيه ؟
- بص يابني , أنا
لما شوفت بعيني مندوب الصهاينه و الحيزبونه مندوبة أمريكا النهارده و هما متقمصين دور
( انشراح ) على الهوا , حسيت ان الناس دي باقي لهم تكّه واحده و جوز عساكر و يعلنو
قيام الحرب العالميه التالته من قلب الأمم المتحده ذات نفسها .
.
يعني ايه يا أستاذ
؟ يعني مفيش خطه محكمه من ترامب الكيوت المحنّك؟
- ممممممممممم
يعني إزيك كده يا حبيبي و ازاي امك .
..............................................................................................................
Mohamed
Hussein
21
ديسمبر 2017·
واضح من كلمة مندوب
اسرائيل و الحيزبونه مندوبة أمريكا حاليا في الأمم المتحده و من انفعالهم و عصبيتهم
و نطح راسهم في الحيطه إن الزبونين دول متاخدين حاليا على سطح بيت الواد حماده , بنغتصبهم
و نصورهم , في حركه في منتهى القوه أشعلتها و وضعت حجر أساسها بدون أي تردد دوله عظيمه
إسمها مصر .
....................................................................................................
Mohamed
Hussein
21
ديسمبر 2017·
الحكومه السودانيه
تعترض رسميا على اتفاقية ترسيم الحدود الموقعه بين مصر و السعوديه في ابريل 2016 ,
و بتقول إن الإتفاقيه وضعت مثلث حلايب ضمن الحدود المصريه !! .
.
و في نفس الخبر
يا مؤمن هتلاقي إن وزير خارجية السودان لما قابل وزير الخارجيه السعودي من سنه و نص
تقريبا بارك له على اتفاقية ترسيم الحدود دي .
.
واحد يسألني و
يقولي يا كابتن حسين , هو معالي وزير خارجية السودان اللي بارك الإتفاقيه من سنه و
نص كان نايم طول الفتره دي ولسه يادوب صاحي ؟ أقوله لا يا مغفل , مش نوم معالي وزير
خارجية السودان هو السبب , إنما تأخر معالي ريالات قطر بنت الوسخه هو السبب , الفلوس
بتتأخر أحيانا بس أهي بتيجي في الأخر , و أول مالريالات بتيجي الناس بتصحى و اللعبه
اللي بزمبلك بتشتغل .
.
واحد يسألني تاني
و يقولي يا كابتن حسين , و لما اللعبه اللي بزمبلك تشتغل نعمل احنا ايه بقى ؟ أقوله
, واحنا كنا عملنا ايه قبل كده ؟ ولا حاجه , خلّي اللعبه تشتعل و تغنّي أهي عامله جو
حلو و مجال حوالينا , غنّي يا زول و قسّم و سمّعني , انت اللي هتغنّي يا منعم .
..................................................................................................................
Mohamed
Hussein
21
ديسمبر 2017·
يابني احنا هنقطع
المعونه عاللي يصوت ضد قرارنا .
- و إيه كمان ؟
.
و هنكرهه و نعاقبه
و نحط السيخ المحمي في صرصور ودنه .
- يا ماااامي
, و ايه كمان ؟
.
يابني انا بتكلم
جد و هنكتب الأسامي و نسجلها في الدفاتر والفواتير وانا عارفه إسمك .
- يا أبله يا أبله
.
.
نعم يا حبيبي
, هترجع في قرارك صح ؟, خوفت مش كده ؟ عين العقل و الله .
- لا انا عايز
أقولك بس , امي بتسلم عليكي و بتقولك و النبي و النبي تكتبي الإسم ثلاثي , جمهورية
مصر العربيه , و بخط واضح , و لو أمكن عشان خاطر ربنا تكتبيه سداسي ( جمهورية مصر العربيه
دولة تلاتين يونيو ) , ماتنسيش تلاتين يونيو دي .
.
يعني ايه الكلام
ده ؟
- يعني يا أبلتي
أوباما بتاعكو بعد 30 يونيو كان ناقص يطلع عالهوا وهو لابس تي شيرت عليه علامة رابعه
, و ساق علينا العربجيه و الخونه و الإرهابيين و كلاب السكك , و حاربنا بكل الطرق و
الكباري , ولا الهوا .
.
برضه مش فاهمه
, يعني ايه الكلام ده , يعني ايه تلاتين يونيو ؟
- يعني تلاتين
أمك على تلاتين أم أمريكا .
.......................................................................................................
Mohamed
Hussein
20
ديسمبر 2017·
شوف يابني , أنا
لا بقرا الفنجان ولا بوشوش الدكر , بس كل اللي أقدر أقولهولك , إن الفتره الجايه دي
هيبقى كوكب الأرض داخل على احتمال من اتنين .
.
أولا , تكون تصرفات
ترامب و قراراته المفاجأه و حكاية السفاره و القدس و تهديد الدول بعدم التصويت في الامم
المتحده هو والحيزبون اللي معاه , تكون دي خطه محكمه بشكل أو بأخر للتوصل في النهايه
لحل شامل و نهائي للقضيه الفلسطينيه بعلم و مباركة مجموعة مؤثره من الدول , حل الدولتين
, الاحتمال ده بشوف انه احتمال عصافيري خالص , يعني حاجه سوسوسو .
.
ثانيا , إنه يكون
ترامب و الحيزبون اللي معاه هياخدو كوكب الأرض من إيده كده و يرشقوه في الحيطه , و
تقوم حرب عالميه تالته , طبعا هتبقى حاجه على كيف كيفك , لا نووي ايه بس ؟ النووي ده
هيبقى مجرد فاتح الشهيه اللي بينزل قبل الأكل , و طبعا مصر باعتبارها في مركز الكون
البائس و دوله مجاوره للكيان الصهيوني هتشارك في الحرب دي ( هتتزق فيها )
.
يعني باختصار احنا
قدام شخص اسمه دونالد ترامب , إما إنه يكون عاقل أوي و احنا ظالمينه أو يكون مجنون
أخر فيصل ( انا شخصيا برجح الاحتمال التاني لان الراجل ده فيه شبه كبير من مرتضى منصور
) .
.
اللي انا متأكد
منه بقى إن الحرب العالميه التالته دي لو قامت , و بقت الطيارات و الصواريخ طايره فوق
راسنا اكتر من العصافير , هتلاقي البرادعي برضه بيكتب تويتات عن أحلام الشباب و تمكين
الشباب و حَبْ الشباب , و حمدين ماسك كوز نحاس مصدي و بيخطب قدام خمس ست أنفار و يقولهم
الفاشيه و الأنظمه الإستبداديه و العداله الإجتماعيه , و حازم عبد العظيم ماسك فردة
شراب و بيبص جواها بعين واحده لان احتمال كبير يكون حد مستخبي جوه و بيراقبه , و اللي
انا متأكد منه كمان إن الأهلي وقتها هياخد الدوري .
..........................................................................................................
Mohamed
Hussein
20
ديسمبر 2017·
من كام يوم مصر
بصفتها العضو غير الدائم في مجلس الأمن قدمت مشروع قرار يدين القرار الأمريكي بنقل
السفاره الأمريكيه للقدس .
.
عدد أعضاء مجلس
الأمن 15 , 14 دوله صوتو لصالح مشروع القرار المصري و أمريكا استخدمت حق الفيتو .
.
بعدها طلعت مندوبة
أمريكا في مجلس الأمن تقول إن التصويت ضد القرار الأمريكي اهانه لن تنساها أمريكا
.
.
الخطوه اللي بعد
كده كانت دعوه لجلسه طارئه في الجمعيه العامه للأمم المتحده , التوقعات بتقول إن أغلب
أعضاء الجمعيه العامه هيصوتو ضد قرار ترامب .
.
رجعت الحيزبونه
تقول إن أمريكا هتسجّل أسماء الدول اللي هتصوت ضد قرار ترامب , و طبعا المعنى واضح
و مفهوم , هنسجل الأسماء عشان أنا ( أبله الناظره ) و اللي اسمه هيتسجل همدّه على رجليه
في الطابور و هحرمه من الميراث و اضربه بالرصاص .
البلطجه الأمريكيه
الصهيونيه بقت على عينك يا تاجر , من غير تجميل للوجه القبيح و من غير لف و دوران
.
.
بص يابني , لو
انت لسه مقتنع إن أمريكا بلد الديموقراطيه و حقوق الإنسان و القيم و المبادئ و الفول
الحريتي يبقى هقولك نصيحه , انت كل يوم قبل ماتنام تقرا مقاله لعلاء الأسواني من بتوع
الفاشيه المصريه (و مفيش مؤامره دي فزاعه ) , و بعدين تحضن صورة البرادعي و تبوسه من
بؤه و تشرب اللبن و تغسل رجليك و تنام .
.
لما تنام بقى هتلاقي
نفسك بتحلم حلم جميل , تحلم إنك سيبت البلد اللي مش مقدره مواهبك و علمك الغزير و سافرت
فرنسا و في المطار قابلك الرئيس الفرنسي و رئيس مجلس محلي بندر باريس و خدوك بالحضن
و قالو لك احنا مكناش عارفين هنعيش ازاي من غيرك , تحب تمسك جامعة السوربون ولا تمسك
اليونسكو ولا تمسك إيه بالظبط ؟ ولا تحب تبقى عمدة مارسيليا ؟ و انت تختار , و في أخر
الحلم تلاقي صوفيا لورين جايالك من إيطاليا مخصوص بس صغرت و بقى عمرها 25 سنه و بتقولك
انا بحبك يا كولجي يا جميل انت و عايزه اتجوزك , يارب توافق و ماتكسرش بخاطري .
.
وبس يا سيدي ,
هتبقى عمدة مارسيليا و تتجوز صوفيا لورين و في ليلة الدخله تلبس بوكسر عليه 52 نجمه
, و تخلفو عيل صغير تسموه جورج واشنطن , و يخلص الحلم و تصحى من النوم العصر تنزل تقعد
عالقهوه و تشرب معسل لحد نفسك مايتقطع و تفتح التابلت بتاعك و تكتب ( عسكر و فاشيه
و زولم و احنا الصوت لما يضيع منا البسكوت ) .
......................................................................................................
Mohamed
Hussein
20
ديسمبر 2017·
حالنا و محتالنا
.
إمبارح حصل إن
قذيفة هاون سقطت في مطار العريش , ظابط شهيد و اتنين مصابين و طياره مروحيه حصل لها
تلف جزئي ...ده الخبر بحسب بيان المتحدث العسكري , خبر أعلنو عنه بسرعه شديده و بمنتهي
الدقه , قلت ياض استنى شويه ماتكتبش و عسّ في الفيس بوك و شوف الهري و طبعا مفيش مفاجأت
, نفس السيناريوهات المكرره و الحمضانه , ده فشل أمني , لالا دي مش قذيفه ده صاروخ
من نوع ماعرفش ايه , فيه 14 واحد ماتو و وزير الدفاع أصيب , حتى واحد من حبايبنا الدولجيه
كتب على صفحته الجميله البؤين دول ( قذيفة موجهة بدقة عالية جدا .. تصيب طائرة وزير
الدفاع و معه وزير الداخلية داخل مطار العريش و كانوا قد غادروها قبل القصف بدقائق
!!!! ) , مين قال إن كلمة أحا عيب , و النبي ماهي عيب أبدا , ده أقل واجب يستحقه ناس
كتير .
.
حالنا و محتالنا
باختصار , عاملين زي ناس اختارو طريق في 2013 , طريق هما عارفين انه صعب جدا , لأنك
قلبت الترابيزه عالكل , هتواجه تنظيم ارهابي دولي عمره 90 سنه , هتواجه خطة الشرق أوسط
الجديد , هتواجه اللي تأمرو عالبلاد حواليك و وقعوها و خربوها بأموال عربيه و بأيادي
ناس من ولادها , هتواجه حالة تهميش سياسي استمرت عشرات السنين و حالة جهل و تخلف (
و شهادات جامعيه متعلقه عالحيط ) , هتواجه أله اعلاميه ضخمه و منظمات هي جزء من أسلحة
حلف الشيطان , يعني بتواجه معركه كامله متكامله و أعدائك بيخططو لها من سنين , و انت
من الدار للنار , بس ماعندكش اختيار .
.
نقوم ايه بقى ؟
نقوم نفهم و نستوعب و نهدى و نبتسم و نعرف اننا في حالة حرب بيتصدر لها المقاتل المصري
( جيش و شرطه ) و مش محتاجين مننا كمواطن مدني عادي غير الدعاء و الصبر ( و عدم الهري
) , و لا هنفضل نهري و ننشر اشاعات و نشارك أعدائنا بمنتهى الحماقه , زي صاحبنا اللي
فوق ده ؟ .
.
يا محترم
- احنا اختارنا
طريق الحفاظ على بلد بهويتها و جيناتها و جيشها و ترابها و التخلص من جماعه ارهابيه
خاينه بنت وسخه ( تركة سنين هباب ) , طريق احنا عارفين كويس اوي انه مليان تعابين و
عقارب و أبراص و سحالي و صراصير , لحد مانوصل من النقطه ألف للنقطه باء , يعني لحد
مانوصل للبر التاني .
- مطلوب من حضرتك
ماتتخضش , ماتقلقش ( اوعى تكون اتفاجئت اننا بنحارب ؟ ) .
- مطلوب من معاليك
تشاور عالبرص و تقول ده برص مش ديناصور , تشوف السحليه سحليه مش تمساح , الصرصار مش
أسد , ماتقفش قدام الصرصار و انت مرعوب , إمشي في طريقك و دوس بجزمتك , وبص للدنيا
حواليك و انت ماشي و قول تحيا مصر , و علّم ولادك نشيد بلدهم و تاريخها , علمهم ان
الخيانه مش وجهة نظر و إن الشعارات العبيطه حرقت دول و هدمت جيوش , علّمهم إن النصر
قادم لا محالة ( ده وعد ربنا في كتابه ) , و بس كده
...........................................................................................................
Mohamed
Hussein
19
ديسمبر 2017·
البت لمار بنتي
أم 7 سنين اللي طول كداهو و لسه قالعه البامبرز من كام يوم بتقولي عايزه علبة ميك أب
كامله لما أنجح في امتحانات التيرم , و عارفه تفاصيل كل الحاجات بتاعة الميك أب و استخداماتها
.
الله يرحم أبوكي
, أول مره يسمع فيها عن كريم الشعر كان في البكالوريوس .
.......................................................................................................
Mohamed
Hussein
19
ديسمبر 2017·
هحكي لكو حدوته
.
كان يا ماكان يا
ساده يا كرام و لا يحلى الكلام إلا بذكر النبي عليه الصلاة و السلام .
.
كان فيه بت مُلْعب
, بت مش على بعضها , بت ماتعجبكش يا مولانا , من النوع اللي بيرمي جتته على أي حد و
راشقه في أي مصلحه .
.
البت دي رمت شباكها
على واحد اسمه الحاج عبده و قالت تطلع منه بأي سبوبه أو وظيفه أو قرشين , بس الحاج
عبده قلبها قلبة السنين لأنه عارف انها من النوع الرخيص اللي مايسواش تلاته تعريفه
, من النوع اللي يتعمل عليه حفله ب 5 جنيه مقطعه , و هو أصله راجل محترم و مابيرمرمش
.
.
صاحبتنا قعدت تهري
و تنكت في نفسها و تفكر تعمل ايه تعمل ايه بعد القلبه دي ؟ اشتغلت الأول في شوية تشهير
و تشنيع على الحاج عبده , و كدب و تدليس , قالت يمكن ألفت انتباهه و ياخد باله مني
, و إيشي الحاج عبده ده راجل ديكتاتور و بياكل دراع العيال الصغيره , و إيشي الحاج
عبده بيراقبني و موقف رجالته قدام البيت عشان يراقبوني لانه بيعملي ألف حساب , و إيشي
الحاج عبده باعت واحد من رجالته ينام تحت السرير عندي و واحد تاني بينزلي من الحنفيه
, ولا الهوا , محدش عبرها ولا الحاج عبده في دماغه .
.
صاحبتنا الدم غلي
في عروقها , و فكرت تاني , قالت مفيش حل غير اني أروح أقعد مع شوية العيال الشمامين
اللي تحت كوبري الملك الصالح لأني عارفه انهم بيكرهو الحاج عبده و أشم معاهم و أقول
زي مابيقولو , يمكن ألفت انتباهه أو أطلع منهم بمصلحه , برضه لقت الحاج عبده مش معبرها
ولا معبر الشمامين اللي تحت الكوبري ولا لقت عندهم مصلحه .
.
طب تعمل ايه تعمل
ايه ؟ أخر حاجه فكرت فيها , قالت أروح بقى للإرهابي اللي بيكره الحاج عبده كره العمى
, الإرهابي الخاين ده و أقوله انت ارهابي خاين بس انت حد جميل , انا حاسه اننا ظلمناك
و الراجل اللي اسمه الحاج عبده ده ظلمك يا ارهابي يا كيوت انت , أنا أسفه يا إرهابي
, انا مش عارفه عقلي كان فين و انا بظلمك , انا مابقيتش أعرف انام طول الليل عشان حاسه
اننا ظلمناك , هو عشان يعني انت إرهابي خاين لبلدك نقوم نظلمك كده ؟ سامحني و النبي
يا إرهابي .
.
و توته توته ,
خلصت الحدوته
أه نسيت أقولكو
حاجه , البت دي اسمها حازم عبد العظيم .
.....................................................................................................
Mohamed
Hussein
18
ديسمبر 2017·
مصر بصفتها العضو
غير الدائم في مجلس الأمن قدمت للمجلس مقترح بوقف قرار ترامب بتاع نقل السفاره و القدس
عاصمه لاسرائيل , و طالب مندوب مصر في مجلس الأمن كل الدول بعدم انشاء بعثات دبلوماسيه
لها في القدس و قال كمان إن أي قرارات أحاديه لتغيير وضع القدس القانوني باطله .
.
14 دوله وافقو
على المقترح المصري , إنما امريكا في النهايه استخدمت حق الفيتو .
.
يطلع ايه بقى حق
الفيتو ده يا جناب العمده ؟
- بص يابني , قبل
ما تعرف ايه هو حق الفيتو لازم الأول تعرف يعني ايه أمم متحده و مجلس الأمن ؟ .
.
باختصار شديد و
بالبلدي كده , الأمم المتحده و مجلس الأمن هما الشقه المفروشه اللي بتدير أعمال القوى
الإستعماريه و بلطجية التاريخ , عملية إدارة و تنظيم لبلطجه الكبار على شعوب العالم
التالت و الرابع و السابع و مخاليق ربنا , و الأمين العام للأمم المتحده هو الراجل
اللي بينظم المرور !! .
.
ايه هو حق الفيتو
بقى ؟ حق الفيتو هو حق البلطجه الممنوح سلفا للدول الإستعماريه القديمه .
.
طب ليه مصر و دول
العالم التالت و التاسع مشتركين في المهزله دي اللي اسمها الأمم المتحده و مجلس الأمن
؟ عشان سيادتك مفيش كيانات بديله , مفيش شقق تانيه يكون فيها حد أدنى من العدل و الإنصاف
, انت بتلعب في مباراه قذره و انت عارف و متأكد ان الحكم فيها ابن صرمه و حامل الرايه
ابن ستين وسخه و قوانينها بنت تيت , بس هو ده للأسف الملعب الوحيد حاليا .
.
يعني أمريكا مش
دولة قانون و عدالة و بترعى الديموقراطيه في العالم التالت و بترعى حقوق الإنسان و
العصافير الكناريا و الربيع العربي و بتحبنا و بتموت في دباديب اللي خلفونا ؟ مممممممممم
الله يحرقك بجاز انت و الخرفان والصيع بتوع مراكز حقوق الإنسان في يوم واحد , دانا
لو بشرح لحمار كان زمانه فهم و بقى جينتلمان .
.......................................................................................................
Mohamed
Hussein
18
ديسمبر 2017·
محمد أبو تريكه
: و من ضمن الحاجات اللي كتبتها في الوصيه بتاعتي إني لما أموت يدفنو معايا التي شيرت
اللي مكتوب عليه ( تعاطفا مع غزه ) .
.
عزيزي القديس محمد
أبو تريكه , كنت بحبك والله كلاعب كوره ( مع إني زملكاوي ) , و مش هقولك إن قطاع غزه
من 2013 و لحد النهارده بيخرج منه الأرزقجيه و الصيع يحاربو جيش بلدك و يصوبو سلاحهم
ناحيتنا ( يعني زيهم زي الصهاينه ) لأن الكلام ده صعب تفهمه , إنما هقولك باختصار إني
هكتب في وصيتي بإذن الله لما أموت أتلفّ بعلم مصر , و كده تبقى خلصانه بحرفنه , علم
مصر لواحد مصري , و تي شيرت ( غزّه ) لواحد إخوانجي , خلصانه ب تي شيرت و علم .
...................................................................................................
Mohamed
Hussein
18
ديسمبر 2017·
مصر بتفرح
.
بطولة العالم للإسكواش
, وصل للمباراه النهائيه فيها ولدين و بنتين , المفروض ولد وبنت يفوزو ببطولة العالم
, الجميل بقى إن الأربعه مصريين ( الولدين و البنتين ) , والولدين اخوات ( موقف صعب
لباباهم و مامتهم , يشجعو الواد الكبير اللي هو سند العيله و أول بختهم ولا يشجعو الواد
الصغير اللي هو فاكهة البيت و أخر العنقود ؟ ) .
.
النهارده الإتحاد
الأفريقي لكره القدم الكاف أعلن القوائم النهائيه للي هيفوزو بجوايز 2017 , و مصر راشقه
في كل مصلحه .
- أحسن لاعب في
أفريقيا قايمه من تلاته منهم محمد صلاح
- أحسن فريق في
أفريقيا تلاته منهم الأهلي
- أحسن منتخب في
أفريقيا تلاته منهم منتخب مصر
- أحسن مدرب في
أفريقيا تلاته منهم هيكتور كوبر المدرب بتاعنا بتاع الفته .
.
محمد صلاح اللي
شبهته الإندبندنت بحبة الكريز , فاز من كام يوم بجايزة احسن لاعب في أفريقيا في استفتاء
البي بي سي , و فاز بأفضل لاعب في الدوري الانجليزي عن شهر نوفمبر , و هو حاليا هداف
الدوري الإنجليزي الأقوى في العالم برصيد 14 هدف , و قدامه فرصه لو شد حيله شويه يفوز
بالحذاء الذهبي لما يبقى الهداف الأول للدوريات الأوروبيه بالكامل , و المنافسه هتكون
مع ميسي و رونالدو و كافاني و الأشكال دي .
........................................................................................................
Mohamed
Hussein
18
ديسمبر 2017·
ضحكة الصباح
-
الخبر الأول :
مدير المخابرات السودانيه يعلن إستعداد قواته لتنفيذ قرار الرئيس عمر البشير بحماية
القدس و نصرة الشعوب العربيه !! ( أه و عهد الله زي ما بقول لكو كده ) .
الخبر التاني
: الرئيس السوداني يعلن في مؤتمر جماهيري أن كل الشباب و الفتيات في السودان جاهزون
للدفاع عن القضيه الفلسطينيه ( أه و الختمه الشريفه )
.....................
أصدقائي و حبايبي
و أهلي السودانيين , هنفجر والله لو كتمت الضحكه , ماتزعلوش , العاقل فيكو أكيد بيضحك
زيي دلوأتي , بيضحك بطعم المرار , بيضحك على نظام إخوانجي كداب و تاجر , بيضحك عاللي
اتسبب في تقسيم السودان و خرابها , بيضحك عاللي حوّل السودان بتاريخها و عظمتها لمجرد
لعبة في إيد عيل شاذ بيحكم كشك عالخليج , بيضحك على تاجر الشعارات و الدين الإخوانجي
الخاين لبلده قبل مايكون خاين لأشقاؤه , بيضحك على تصريحات هدفها تنويم الشعب السوداني
اللي حاله بقى يصعب عالكافر , بيضحك على مدير مخابرات يقول هنحرر القدس و وزير دفاع
يقول الطيار الصهيوني ضرب المصنع عندنا عشان كان طافي النور !! .
.
أصدقائي و أهلي
السودانيين , بدعي لكو و الله بمنتهى الصدق تخلصو من حكم العصابه , قبل مالسودان تتقسم
تاني و تبقى أربعه , بدعي لكو تخلصو من حكم الكدابين الأفاقين تجار الشعارات , بدعي
لكو ترجعو تاني السودان بحجمها و تاريخها و عراقتها , مش السودان اللي بتعمل نوم العازب
و عجين الفلاحه عشان ترضي عيل شاذ مايسواش تلاته تعريفه .
.
ملحوظه بسيطه
, لكل أصدقائي الأفاضل , الشعوب كل الشعوب لها احترامها , و خارج معادلة التقييم ,
انا بتكلم عن نظام حاكم هو خطر على شعبه و عالغير , أرجو محدش يتجاوز في حق الشعب السوداني
الشقيق
.................................................................................................
Mohamed
Hussein
17
ديسمبر 2017·
مصادر سوريه :
طائرات عسكريه أمريكيه تنقل قيادات بارزين لداعش من الرقه !! .
.
قلت لحضراتكو
- مفيش حاجه اسمها
تنظيم داعش , ده كيان وهمي أنشاته المخابرات الأمريكيه البريطانيه الصهيونيه , عبايه
و بتلم تحتها كل العربجيه و الخونه و الصيع و المقاتلين المرتزقه من أي دوله في العالم
, بتوفر لهم غطاء سياسي و جوي و إعلامي و تسليح ( و الفلوس على حكومة قطر بنت الوسخه
) .
.
- الدواعش اللي
بتنقلهم أمريكا في طياراتها العسكريه من الرقه بيروحو فين ؟ بيروحو حضرتك قطاع غزه
و يتسللو لمصر بمباركة حركة حماس الإخوانجيه , أو يروحو ليبيا و إما انهم يحاربو الجيش
الليبي أو يحاولو يتسللو لمصر من حدودنا الغربيه ( بتسمع كل كام يوم عن طلعات للطيران
المصري و تدمير عربيات دفع رباعي حاولت تتسلل لحدودنا ) .
.
- محاولة لوي دراع
مصر لسه مستمره ( أقل من الأول لكن مستمره ) و الملفات كلها مرتبطه ببعض , بما فيها
الملف الليبي و السوري و اليمني و سد النهضه واكتشافات الغاز و غيرها , و الدواعش بتستخدمهم
أمريكا و بريطانيا حاليا إما لإشغالك و إنهاكك او لمساومتك في ملفات تانيه , كل الكلام
ده معروف و معمول حسابه عند الإداره المصريه و الجيش المصري بس لازم كمان يكون معروف
و مفهوم عند المواطن المصري و عند اللامؤاخذه الإعلام بتاعنا
.
- أما بالنسبه
لحبيبنا اللي مستني داعش ( الكيان الوهمي الأمريكي البريطاني الصهيوني ) إنه يحرر له
القدس , فعايز أقوله , مع إني مش معايا فلوس بس مستعد والله أتحمل تكلفة جلسات الكهربا
بتاعتك , عشان في النهايه تخف كده و تبقى حد جميل .
........................................................................................................
Mohamed
Hussein
17
ديسمبر 2017·
جبلاية القرود
.
موظف سابق في إدارة
الفيس بوك و صف الموقع بإنه فوضى القرود , طب و الله معاه حق , و إن كان الوصف الأدق
هو ( جبلاية القرود ).
.
الإحصائيات و الأرقام
بتقول ان من 40 ل 70 % من الأخبار المتداوله عالفيس بوك هي فستك يعني بلح , بس اعتقادي
الشخصي إن نسبة الفستك و البلح في الأخبار والقصص و الحكايات المتداوله هو 99 % .
.
عارف يعني ايه
جبلاية قرود يا مولانا ؟
- يعني من أول
صاحبتنا اللي عندها كافيتريا و كل مالمايه تقطع في الكافيتريا تقول المخابرات و الأمن
الوطني بيقطعو عني المايه و يسرقو المعسل .
- لحد صاحبنا اللي
كان راكب ميكروباص و وقفهم كمين و الظابط ضربهم بالأر بي جي و المنجانيق و داس عليهم
بالدبابه .
- لحد عربيتين
الشرطه اللي واقفين قدام بيت حازم عبد العظيم و المخابرات اللي بتكلم غاده بلاتين عالواتس
أب .
- لحد صاحبتنا
بتاعة بير أوغندا والمرحوم شهيد الصابونه
- لحد اعتصام رابعه
السلمي اللي مات فيه عشرات الظباط و الجنود (ماس كهربائي )
- لحد صاحبنا اللي
خد 75 طلقه خرطوش و 37 رصاصه مطاطيه بس هو شد عضلات دراعه كداهو و خد الطلقات دي على
صدره و طلعها من مناخيره .
- لحد فلان الإخوانجي
اللي اتسجن عشان بس انتخب محمد مرسي و الجديد فلان اللي اتسجن عشان بس انتخب شفيق
( كده يبقى عندنا 25 مليون سجين انتخبو مرسي و شفيق ولا تخرج قبل أن تقول ملعون أبوكو
ولاد كلب أفاقين ) .
.
و جبلاية القرود
في الأخبار هتلاقيها حاجه على كيف كيفك , أدخل على موقع الجزيره و قنوات الخرفان و
صفحاتهم , هتلاقي اخبار عنب , هروب أسرة السيسي من مطار ألماظه في ظروف غامضه , السيسي
باع الهرم للكويت و باع سينا للإمارات و معاها مقعد مصر في كاس العالم و قهوة عماد
اللي في النعام , بالمستندات : السيسي صهيوني و اسمه ليشع و امه يهوديه واسمها الحاجه
راشيل , هروب المستثمرين من العاصمه الإداريه الجديده , الكراكات غرقت في الوحل و هي
بتحفر قناة السويس الجديده , مصدر رفض الكشف عن إسمه يؤكد : صدقي صبحي هينقلب عالسيسي
يوم التلات الجاي في ساعة عصاري , خبير اقتصادي يؤكد : الدولار على نهاية 2017 هيبقى
ب 120 جنيه و الحقو ياجدعان اشترو دولارات و خزنوها جنب بلاص المش .
.
طب ليه جبلاية
القرود ؟ و ليه القرود و النسانيس شغالين من سنين في تأليف و نشر أخبار و قصص مضروبه
من وحي خيال القرد ؟ هما 3 حاجات يا مولانا :
.
1- الترويج لمعتقد
وخيانة القرد و النسناس أبو بتاعة حمره , و استخدام كل الأساليب القذره و المنحطه في
محاولة لإسقاط الوطن ( بمجموع النقاط ) .
.
2- أغلب القرود
اللي بيعملو شير , بينشرو الأخبار و القصص المضروبه بحثا عن الجايزه , بمعنى أصح :
القرد بيدوّر عالموز , و الموز هنا بيكون شوية فولورز حلوين و لايكات و أهات و حبشتكانات
.
.
3- بعض القرود
مش بيبقو مشغولين بالموز اللي هو اللايكات و الفولورز , انما عايزين الموز التاني
( يا جدع الموز التاني اللي الكيلو ب 10 جنيه , انت دماغك راحت فين بس داحنا لسه الصبح
) .
.......................................................................................................
Mohamed
Hussein
16
ديسمبر 2017·
محمد بديع في المحكمه
بيقول للقاضي , طلّعنا من السجن و احنا نحرر القدس !! .
.
على فكره يا بدعدع
, جماعتك عمرها 90 سنه يعني من عمر الكيان الصهيوني , في ال 90 سنه دي قتلو مئات و
ألاف من رجال الشرطه و الجيش و السياسيين و المفكرين و الأقباط و المدنيين في مصر و
الوطن العربي , و ماقتلوش جندي صهيوني واحد ولا حتى جابوله إسهال أو حب شباب !! .
.
على فكره يا بدعدع
, لما اتعملت مدينة أنفاق كامله بتوصل سينا بقطاع غزه و مع حالة الإنفلات الأمني كان
ممكن جدا ألاف من الصيع بتوعكو يهربو من الأنفاق و يروحو يحاربو الصهاينه , بس اللي
حصل ان ألاف من الصيع بتوعكو هربو من الأنفاق فعلا و جم عشان يحاربو الجيش المصري
!! .
.
على فكره يا بدعدع
, كل زمايلك الهربانين بيروحو يعيشو في بريطانيا ( مؤسس الكيان الصهيوني ) و أمريكا
( الراعي الرسمي للكيان الصهيوني ) , و معاهم جنسيات بريطانيه و أمريكيه و بيعملو نوم
العازب و عجين الفلاحه في الكونجرس و مبنى الخارجيه الأمريكيه عشان الحكومات دي ترعاهم
و تصرف عليهم و تعلفهم و توفر لهم غطاء سياسي .
.
على فكره يا بدعدع
, انتو التنظيم الوحيد في الكون و في التاريخ اللي عنده استعداد تام إنه يخون وطنه
و يمارس كل أنواع الدعاره السياسيه بالمجان , يعني ببلاش , و انتو التنظيم الوحيد في
الكون و في التاريخ الي تاجر بكل حاجه و أي حاجه , بما فيها تجارة العمله و المخدرات
و حتى التجاره بمقدسات المسلمين و بدين ربنا ( فلا ربحت تجارتكم ) .
.
و أخيرا , على
فكره يا بدعدع , الخروف اللي بيتولد من أب خروف و أم نعجه بيبقى اسمه ( حولي ) و هو
صغير , بعد كده بيكبر و يبقى خروف , و بيفضل خروف لحد مايموت , عمرك سمعت عن خروف قبل
مايموت اتحوّل لغزاله او فيل أو أسد أو عربية لانسر ؟ أكيد لا , و هو ده مصيرك و مصير
كل واحد في جماعتك الصهيونيه الإرهابيه , حياتكو عباره عن كدبه كبيره و مشروع خاين
تحت الطلب , بترضعو كدب و تتنفسو خيانه , و تتولدو خرفان و تموتو خرفان , مع كامل اعتذاري
للخرفان .
..................................................................................................
Mohamed
Hussein
16
ديسمبر 2017·
شفيقيات
.
أحمد شفيق : أعتذر
بشده لكل شاب تم التحفظ عليه لمجرد علاقته الشخصيه بي أو انه كان من مؤيديني .
.
كلامك صح يا سيادة
الفريق على فكره , و هنروح بعيد ليه
- ديكي النهار
وانا راجع البيت لقيت بوكس شرطه مليان ظباط و رتب , ماسكين عيل من ياقة القميص و مجرجرينه
عالأرض , قلت لهم عيب كده يا جدعان مايصحش , قالو لي مالكش دعوه انت , قلت لهم طب بس
هو عمل ايه ؟ إرهابي ولا قاتل ولا حرامي غسيل ؟ قالو لي لا ده انتخب شفيق في 2012
.
.
و من كام يوم كنت
رايح القسم عشان أشتري أله حاسبه لبنتي , قصدي كنت رايح المكتبه عشان أقدم بلاغ , يوووه
, كنت رايح القسم عشان أتطمن عالأوضاع الأمنيه و أوضاع حقوق الإنسان , سمعت صوت واحد
بيصرخ في الحجز و بيقول إلحقوني , إلحقوني , حرام عليكو , اغتصاب لا , اغتصاب لا ,
قمت سالت أمين شرطه بعد ما غمزته بعشرين يورو , مين ده و بيغتصبوه ليه ؟ كان بيهدد
الأمن القومي لمصر ؟ قالو لي لا ده يبقى ابن خالة بنت عم جار جوز خالة أم الفريق احمد
شفيق .
.
و لّا لما كنت
راجع من البلد و سايق العربيه بالليل , ألاقي كمين يا طوله يا عرضه , و عربيات مصفحه
و دبابات و طيارات F16 , انا قلت جالك الموت يا تارك الصلاه , لقيت
ظابط مخابرات برتبة لوا جاي ناحيتي و في إيده أر بي جي , من قبل ما ينطق بكلمه , قلت
له والله يا باشا انا هعترف لوحدي و هقول كل حاجه , رخصة سواقتي منتهيه من شهور , و
بشرب سجاير من أيام ما كنت في الكليه , و مراتي بتغديني مكرونه مسلوقه و بتغدي القطط
فراخ , و عندي نغزه في رجلي من تحت من أثر عمليه قديمه , قالي يابني احنا ملناش دعوه
بالكلام ده , انا هسألك سؤال واحد , انت انتخبت احمد شفيق ؟ و قام باصص لي بصه بعينه
كنت هموت فيها , قلت له والله ابدا , أنا قاطعت يا باشا , قالي طب عدّي و المره الجايه
اوعى حسك عينك تنتخب شفيق حتى لو اترشح لمنصب رائد فصل تالته أول .
............................................
عزيزي الأستاذ
الدكتور الأميرالاي المهندس الطيار اللواء أحمد شفيق , اهلا و مرحبا بسيادتكم في قعر
برطمان الكوله , اقف بقى في الصف جنب أصحابك و حازي , يومين تلاته كده و تقول فيه عربيتين
راكنين قدام البيت بيراقبوني ( زي حازم عبد العظيم ) أو تقول المخابرات بتكلمني عالواتس
أب ( زي غاده بلاتين ) .
.
ولا أقولك فكره
حلوه ؟ انت على بكره بالليل تعمل مداخله تلفزيونيه و تقول إنك ماقولتش الكلام ده و
إن الحساب بتاعك اتهاك , ماهو كلكو الأيام دي بتتهاكو , بس طالما بتتهاكو بالتراضي
ويز نو فيلنج يبقى سو وات ؟ .
..............................................................................................................
Mohamed
Hussein
16
ديسمبر 2017·
جرّبوها هتعجبكو
.
هات حضرتك أي خطبه
لحمدين صباحي أو بيان لإئتلاف معين بيعمله حمدين , أو هات أي مقاله لعلاء الأسواني
, تمام ؟
إحذف منهم بقى
الكلمات دي ( الفاشيه , الأنظمه الديكتاتوريه , الإنقلاب العسكري , العسكر , التعذيب
, المعتقلات , السجون , معتقلي الرأي , الإختفاء القسري , الحريه
, تكميم الأفواه
, الظلم , العداله الغائبه , ... ) .
بعد ما تحذف الكلمات
دي , رُص بقية كلمات الخطبه أو المقاله جنب بعض , أتحداااااك تطلع منها بجمله مفيده
أو فكره أو نظريه أو حل أو غنوه أو طقطوقه , يعني اللي باقي من كلامهم بيبقى مجرد شوية
شراشيب و قصاقيص مايعملوش حتى ( وش سديري ) .
.
حمدين صباحي و
علاء الأسواني متأكدين تماما ان الكلمات المحذوفه دي مفيش فيهم ولا كلمه حقيقيه , إنما
بيرددوهم من باب التعود أو من باب الإفلاس ( مش لاقيين حاجه يقولوها ) أو من باب إن
الزبون ( اللي هو شمام الكوله ) عايز كده , فبيريحو الزبون ( و ينتزعو أهات الجماهير
و البهاليل ) .
.
أسوأ شئ في الدنيا
إنه الكاتب و السياسي يتحول لمجرد لعبه بزمبلك , تبرم الزمبلك كداهو و تسيبه يرجع لوحده
, تلاقيه كل مره بيردد نفس الكلمتين و بيتشقلب في نفس إزازتين البيره .
.
حضرتك حاول تصدق
, في وقت من الأوقات كنا حاطين أمل عالناس دي , قامو هما بنفسهم و بمحض إرادتهم جابو
أمل و جم حطو علينا و عالبلد كلها .
.
احنا معاليك معندناش
معارضه في مصر , معارضه ماعندناش في مصر , في مصر معارضه ماعندناش , و النبي يابني
ما عندنا , فتّشني فتّش , لو عندنا هنكر ليه ؟ أصلا وجود المعارضه الحقيقيه مهمه جدا
في أي وطن عشان السفينه تمشي معدوله , دي أبجديات أي مواطن عاقل , بس للأسف معندناش
, احنا عندنا كام لعبه حلوه بزمبلك , يومهم و ليلهم و نهارهم و شهورهم و سنينهم و عمرهم
كله عباره عن شعارين فكسانين و بؤين حمضانين و بوسه و عضه .
.
الساده تجار الشعارات
و البهلوانات , اللي كلامهم عباره عن ( حق أُريد به باطل ) , الأوطان عمرها ما كانت
سلعه , ولا مبادئ الإنسانيه سلعه , فلا ربحت تجارتكم .
...........................................................................................................
Mohamed
Hussein
15
ديسمبر 2017·
أستاذ عبد الدايم
, ممكن حضرتك لو سمحت تسيب جرنان الأهرام اللي في ايدك و الكلمات المتقاطعه اللي بتحلها
و تركز معايا شويه ؟
- حاضر ياسيدي
و أدي أم الجرنان اهو , نعم ؟ عايز ايه ؟
.
أبله أم شوشو
, ممكن لو سمحتي تأجلي نشر الغسيل و تحطي المشابك على جنب و تركزي معايا ؟
- طيب و ماله
, خير ياخويا اللهم اجعله خير ؟.
.
دكتور حمدي , ممكن
معاليك ماتدخّلش كشف جديد و تركز معايا شويه ؟
- طيب يا سيدي
, أديني مركز أهو , أؤمرني ؟.
.
ركزو معايا كلكو
لو سمحتو , انا جمعتكو عشان أعرض عليكو مشروع مفاعل الضبعه النووي , كل واحد من حضراتكو
قدامه نسخه من المشروع , اقروها كويس بتركيز , و نتقابل بالليل بقى .
...........................
بالليل
.
استاذ عبد الدايم
, ايه رأيك في مشروع الضبعه النووي ؟
- مشروع ايه و
ضبعه ايه ؟ انا مالي و مال الكلام ده , ولا فهمت منه أي حاجه و قعدت أحل الكلمات المتقاطعه
.
.
ست أم شوشو , إيه
رأيك في المشروع ؟
- مشروع ايه ياسي
الأستاذ , ولا فاهمه ولا عايز أفهم, الله يسامحك عطلتني عن نشر الغسيل .
.
دكتور حمدي , رأي
معاليك ايه في المشروع ؟
- بقى انت جاي
تضيع وقتي و راكن العيانين بره عشان أقرا حاجه لا هي شغلي و لا اختصاصي ولا بفهم فيها
؟
......
أم شوشو و حمدي
و عبد الدايم ( في نفس واحد ) : طب يا عم الفزلوك ماتشرح لنا المشروع لو انت فاهمه
و مهتم بيه و تختصر الليله دي .
أنا : مانا زي
حالاتكو مش بفهم حاجه في المفاعلات النوويه ولا في المشاريع دي ولا عايز أفهم , و عارف
ان فيه ناس بيفهمو قايمين عالمشروع .
.
أم شوشو و حمدي
و عبد الدايم ( في نفس واحد ) : و لما انت مابتفهمش ولا عايز تفهم جامعنا ليه و لاطعنا
جنبك و عمّال تقول ركزو ركزو ؟
- يا جدعان اسمعوني
, مش قصدي و الله , أنا قلت بس أفتح الموضوع في حوار مجتمعي عشان أحقق أمنية المرحوم
الأستاذ عبد المنعم أبو الفتوح ربنا يرحمه و يديله الصحه و يحرقه بجاز قادر يا كريم
.
........................................................................................................
Mohamed
Hussein
15
ديسمبر 2017·
أصدقائي الأهلاويه
, انا عارف حالتكو دلوأتي , عشان كده عايز أفيدكو بعلمي باعتباري زملكاوي و عندي خبره
عريضه في المواقف دي , تعمل ايه بقى يا صديقي عالفيس بوك لحد ماليله تعدّي ؟ .
.
بص يا سيدي , انت
ماتكتبشي عن الكوره خالص النهارده ولا عن أي حاجه مدوره , ولا تجيب سيرة جدول الدوري
المصري ولا حتى جدول الدوري بتاع مندليف , و تقضي الليله كلها تنشر مارشات عسكريه و
قرأن و تواشيح للنقشبندي ( مولاي إني ببابك قد بسطت يدي ) , و ممكن تدخل على جوجل و
تجيب صورة فرخة ب 3 رجول و تنزلها على صفحتك و تكتب فوق منها سبحان الله .
.......................................................................................................
Mohamed
Hussein
15
ديسمبر 2017·
رسميا عودة الطيران
الروسي لمصر في الأول من فبراير .
.
هي دي بقى ياسيدي
مصر الحديثه , بلد غريبه بس تعجبك أوي , في عز أزمتها الإقتصاديه ماتفرطش أبدا في ثوابتها.
.
عايز تعرف الحدوته
كلها , ممكن نختصرها في 3 مشاهد إفتراضيه
............................................
مشهد 1 ( من سنتين
)
مستر بريزدنت بوتين
- نعم
محتاجين والله
نرجع السياحه الروسيه و الطيران الروسي
- طب ماشي بس توافقو
على شروطنا .
هي ايه حضرتك
- نعمل تفتيش لاجراءات
الأمن في المطارات المصريه عشان نتطمن
أه طبعا و ماله
, ده حقكو , شرفونا في اي وقت .
- و نعمل مكتب
امني روسي في المطارات بتاعتكو
لا و الله سيادتك
مش موافقين .
- و عايزين نعمل
قاعده عسكريه على الأراضي المصريه
لا حضرتك فهمتنا
غلط خالص , عقيدتنا مفهاش الكلام ده .
- وايه المشكله
؟ مالدول حواليكو مترشقه قواعد أمريكيه و بريطانيه و تركيه
لا حضرتك , احنا
اسمنا مصر , شكلك غلطان في العنوان
- بس يابني انتو
ظروفكو الاقتصاديه هباب و محتاجين السياح الروس .
والنبي حتى لو
بنكح تراب , شرفتنا يافندم .
...................................
مشهد 2 ( من كام
شهر )
مستر بريزدنت بوتين
- نعم
أخبار عودة السياحه
و الطيران ايه ؟
- ماحنا بنعمل
تفتيش أمني و بندرس الموضوع .
أه طبعا طبعا
.
- و عايزينكو تفكرو
في موضوع مكتب أمني و قاعدة عسكريه .
ماحنا قولنا لمعاليك
الباب ده مقفول ب 100 ترباس .
- طب خلاص , في
القريب العاجل هنفكر و نبعت لجنه جديده و اللجنه تنبثق و كده
براحة راحتكو
, اعملو لجان و انبثقو على أقل من مهلكو , شرفتونا يافندم .
...................................
مشهد 3 ( من كام
يوم )
مستر بريزدنت بوتين
.
- نعم
هو معاليك عايز
حاجه ؟
- أه عايز أوقع
على اتفاقية مشروع الضبعه و التعاون العسكري ونعمل استثمارات
و ماله , على راسنا
طبعا
- و عايزين نرجع
حركة الطيران الروسي و السياح
بس احنا سيادتك
مابنعملش مكاتب أمنيه ولا بنسمح بقواعد عسكريه
- عارف عارف
يبقى على خيرة
الله , تنورو مصر .
...........................................................................................................
Mohamed
Hussein
15
ديسمبر 2017·
و بس ياسيدي ,
بعد أكتر من إسبوع من إعلان ترامب نقل السفاره الأمريكيه للقدس , بدأ الحمقى و المخابيل
يسألو هو فين تنظيم داعش ؟ ده كان بيقول هيحرر القدس يا جدعان , ماشوفتيش تنظيم داعش
يا أبله ؟ ماشربشي عندكو برتقان تنظيم داعش يا مولانا ؟ .
.
النهارده ظهر تنظيم
داعش الجامد التنين المجاهد البطل و قام منزل تسجيل صوتي و صوره لواحد من التنظيم مخبي
وشه و قدامه ترامب و نتنياهو بلبس الإعدام , و تعهد التنظيم المجاهد إنه هيزنزن الزنازين
في أمريكا و اسرائيل و ينيمها من المغرب .
ستوب , كت , هايل
يا فنان .
.
شوف حضرتك
- عندنا مثل في
الفلاحين بيقول ( فلان بياخد ببقية حقّه حلفا ) , و ( الحلفا ) هي حشائش بتطلع جنب
الأراضي مالهاش أي تلاتين لازمه ( غيرشي انك ممكن تحطها كأكل للحمار ) , و المعنى في
المثل لو لك حق عند حد , فلوس مثلا , و روحت تطلبها و كانت ناقصه و مالقيتش حاجه عنده
تاخدها عشان تكمل فلوسك تقوم تاخد لك شوية ( حلفا ) من أرضه .
.
- لو عايز بقى
تكمل فرجة عالمسرحيه الهزليه السخيفه اللي اسمها تنظيم داعش دي و تاخد ببقية حقك (
حلفا) , مفيش مشكلة خالص , شاهد واستمتع .
.
إنما لو عايز تخرج
من المسرحيه و تفهم , هقولك
1- مفيش حاجه اسمها
تنظيم داعش ,أه وشبكة العشره دول ,والختمه الشريفه مفيش.
.
2- تنظيم داعش
هو مجرد كيان وهمي افتراضي , او بمعنى أصح ستاره أو عبايه وهميه اخترعها اللي بيديرو
الخراب في الشرق الأوسط , و تحت الستاره و العبايه الوهميه دي بيحطو اللي هما عايزينه
, يلمو شوية صيع و خونه في بلد و يقولو تنظيم داعش , يجيبو شوية مرتزقه بالسلاح و يقولو
تنظيم داعش , ياخدو شوية بهاليل بدقون و يقولو لهم إلبسو حزام ناسف و يبقى اسمكو تنظيم
داعش .
.
3- يعني ايه الكلام
ده ؟ يعني انت يا مولانا قدام اسم وهمي أنشأته المخابرات البريطانيه و الأمريكيه ,زي
جراب الحاوي كده , و تدعمهم بالسلاح و بغطاء جوي و بتفخيم إعلامي , و تدير المعركه
من أوضه مكيفه , و تطلع بيانات و تسجيلات صوتيه .
.
4- حضرتك مفيش
حاجه اسمها شويه بهاليل و أرزقجيه يقدرو يخربو دول و يسقطو جيوش لها شنه و رنه لوحدهم
كده , لا سحر ولا شعوذه , لو مصدق انهم يقدرو يبقى لازم تعرض نفسك على أقرب مصحه نفسيه
.
.
5 - برضه مش فاهم
, بص يا حبيبي , بيانات داعش دي ممكن بسهوله جدا يكون بيألفها و ينشرها أصغر ظابط في
المخابرات البريطانيه ولا الأمريكيه ( اللي ماسك ملف المسرحيه الهزليه ) , يصدرها من
مكتبه في لندن أو من أوضه فوق قناة الخنزيره القطريه , انت قدام لعبة عقل , لو فهمتها
تبقى انتصرت .
.
6- طب داعش هيعمل
ايه بقى في موضوع القدس ؟ داعش البريطانيه الأمريكيه ؟ أكيد مش هتحرر لمعاليك القدس
, أيوه هتعمل ايه ؟ هقولك اهو , في الأيام اللي جايه غاية ما هنالك , حادث طعن بسكين
في نيويورك , و المحصله اربعه مصابين و عيل جاله اسهال و ست جالها حب شباب , و تنظيم
داعش ( الأمريكي البريطاني ) يعلن مسئوليته عن الحادث , يطلع بعدها الرئيس الأمريكي
يتوعد داعش ( الأمريكيه البريطانيه الصهيونيه ) بإنه هيحط السيخ المحمي في صرصور ودنها.
.
7- طب ليه أمريكا
و بريطانيا يختلقو حادثه فستك و يلبسوها لتنظيم داعش ؟ عشان يبقو على الكيان و العبايه
الوهميه طول مالسه لها لازمه في مخططهم بتاع خراب الشرق الأوسط , و طول مالسه عندنا
حمقي و أنطاع مصممين يكملو المسرحيه للأخر و ياخدو ببقية حقهم حلفا .
...............................................................................................................
ليست هناك تعليقات:
إرسال تعليق