Mohamed
Hussein
14
سبتمبر 2017·
بسم الله ماشاء
الله , بقى عندنا لاعب مصري بيتقدم على ميسي و رونالدو في الإستفتاء الجماهيري اللي
عامله الاتحاد الاوروبي لكرة القدم لأفضل لاعب في الجوله الأولى من دوري الأبطال .
.
محمد صلاح ,
25 سنه , اللاعب المصري للنخاع اللي لعب في أكبر و أشهر أندية العالم و وصل سعره لأكتر
من مليار جنيه يعني أكتر من ألف مليون جنيه ( ربنا يحميه و يزيد و يبارك ) , واللي
لو في يوم من الأيام رفع التي شيرت بتاعته بعد ما يجيب جون هتلاقي تي شيرت تانيه مكتوب
عليها ( تحيا مصر ) , و نقطه يعني فلستوب .
...................................................................................................................
Mohamed
Hussein
14
سبتمبر 2017·
العُمق فينا بس
ربنا هادينا
.
والله الواحد أحيانا
بيكون عميق و يقول كلام عميق , بس مابحبش أتكلم عن نفسي كتير , و هثبت لكو بالدليل
القاطع
.
بوست عميق رقم
1
.
- دخان سيجارتي
يحكي قصة حياتي المتشابكه و فسيفساء أعماقي .
.
- نجح أينشتاين
في اكتشاف النظرية النسبيه لكنه فشل في اكتشاف نظريات المرأه ( ليه يا خالتي ؟ هو انتو
لوغاريتمات ؟ ) .
.
- إذا رأيت شابا
يبكي في الظلام الدامس فاعلم أنه فقد للتو حبيبته ( أو فقد محفظته و مش عارف يرجع طنطا
ازاي ) .
.
- لا تكن كالفراشه
و تباتُ كل يوم عند زهره شكل , ولكن كن كالعصفور و اعمل لك عشه فوق أي شجره ( ياكشي
قانون جديد ) و اتلم شويه يا قليل الأدب .
.
- الحياه مراحل
و خطوات نخطوها , فإذا كنت في المرحله الرابعه من حياتك فاعلم أن المرحله القادمه هي
رقم خمسه , اه و عهد الله .
.
- للمرأه ذاكرة
فولاذيه و قدرة على اكتشاف أي شئ ( إلا شرابات جوزها , لازم تضيّع فردة من كل جوز شراب
) .
.
- إمض في حياتك
بكل ثقه , ولا تنظر خلفك كثيراً , خصوصا لو كنت نازل من شقه مفروشه , لأنك كده هتتقفش
يا معلم و يتعمل عليك حفله في الشارع من المواطنين و البسطاء و محدودي الدخل .
.
- السعاده هي الخيط
الرفيع الفاصل بين البؤس السرمدي و أول صلاح سالم .
.
- بينما انت تنام
معذّبا شريدا وحيدا تحتضن المخده و تأكل بوز اللحاف هناك رجل و زوجته يستمتعان ( صح
بس هينكرو ).
.
- لا تعامل أولادك
بشكل قاسي ,العنف يخلق أجيالا مشوهه ضعيفة الشخصيه , حاول ان تحتضنهم و تحتويهم دائما
, حتى إذا كسر احدهم فازه أو أباجوره يبقى ياروح مابعدك روح , جزمتك في إيدك و حزامك
في الإيد التانيه , و اللي يقولك تنميه بشريه شرّحه .
.
- ثلاثة أشياء
لا يقدر عليها الرجل و ينهارُ أمامها , إمرأه من برج الجوزاء , و طفل صغير يضحك , و
سعر تلاجه أمريكاني ( اللي هي أم بابين دي و لها شاشه من بره )
..................................................................................................................
Mohamed
Hussein
13
سبتمبر 2017·
نواب البرلمان
خدو تأشيرات الحج , و فيه منهم اللي راح باعها ( و استرزق ) !! .
.
الساده نواب البرلمان
المصري الموقرين , عندي حلم غريب شويه , بس حلم يليق بإسم مصر , الحلم بيقول إن الديموقراطيه
مش معناها أبدا اننا نجيب أي حد كده من أي حته و نحطه في أي مكان طالما خد أصوات أكبر
, الديموقراطيه بالشكل ده مش بس يبقى لها أنياب , دي يبقالها شلاضيم و ودان طويله وديل
!! .
.
الحلم بتاعي أو
ممكن يكون اقتراح لسيادة الريس , أي حد يترشح للبرلمان ياريس لازم يتعمل له اختبارات
, انترفيو يعني , اختبارات تشمل الحد الأدنى من الثقافه والحد الأدنى من الذكاء , اختبارات
تشمل رد الفعل وقت الغضب , و تشمل اختبار لأداب الحوار , و تشمل معرفه ولو بسيطه جدا
بدور نائب البرلمان , و الأهم من ده كله تشمل سؤال , انت يا مولانا عارف يعني ايه مصر
؟ عارف يعني ايه تبقى عضو برلمان في دولة عظيمه اسمها مصر ؟ .
.
ممكن ياريس نضيف
اختبار كمان , معلش الظروف حكمت , و نسميه اختبار الطفاسه , و ده سهل أوي يتعمل , تجيب
المرشح من دول و تدخله لوحده اوبن بوفيه و تقفل الباب بحيث يتأكد ان مفيش حد معاه ولا
شايفه , و نشوف بقي هياكل على قد ما يقدر ؟ ولا هيزروط الدنيا ؟ ولا هيطلع كيس بلاستيك
من جيبه و يلم فيه الأكل اللي في البوفيه .
...........................................................................................................
Mohamed
Hussein
13
سبتمبر 2017·
مش عارف و الله
هي دي حماقه ؟ ولا ممكن برضه نحطها تحت بند ( أقدم و أحقر مهنه في التاريخ ؟! ) .
.
حازم عبد العظيم
مصرّ كل شويه إن الناس تلعن جدود اللي خلفوه , شكله حابب الحكايه دي , و قال عايز سامح
شكري يطلّع الادله اللي بتدين قطر و يوريها للناس ( ده نفس الطلب اللي طلبه مندوب قطر
العرّه على فكره ) .
.
استاذ حازم عبد
العظيم ؟ انت كنت عايز تبقى وزير بجد ؟ و عزة جلال الله أخرك تسرح بعربية بليله ( ده
لو افترضنا حسن النيه و ان الحكايه حماقه مش دعاره !! ) .
.
حصل إمتى و بين
أي دولتين إن أدلة إتهام دوله للتانيه بتتذاع عالهوا للناس ؟ شوفت الكلام ده فين أو
قريته في أنهي كتاب ؟ .
.
أدلة ايه اللي
بتتهم دوله بدعمها للإرهاب و بمخططات التقسيم اللي ممكن يُعلن عنها ؟ انت عايش في دوله
ولا في جُرْن الهبله ؟ .
.
أستاذ حزوّمه
, أدلة تورط قطر في الخراب بما فيه خراب دول الخليج خلّت دول الخليج نفسها تنقلب على
قطر و موقفها يتغير 180 درجه , التغير ده كان يلزمه أدله قاطعه , دول الخليج مابتنقلبش
على دوله خليجيه كل يوم تلات ولا في وقت فراغها .
.
أستاذ حزومه ,
ادلة اتهام الدول لدوله تانيه أو دويله او كشك بتتقدم فقط للجهات السياديه في الدول
المعنيه , مش للإعلام و السوشيال ميديا و المواطنين عالقهاوي , و هعتبر ان اللي عندك
دي حماقه مش دعاره و هقولك ليه .
.
عشان الأدله دي
و حيث اننا بنتكلم على دول مش حرامية غسيل , الأدله في الغالب الأعم بيكون فيها تورط
دول تانيه , ممكن تكون دول عظمى , و بالتالي كشف الأدله يبقى نوع من الغشوميه ( و ده
اللي خلّى حيوان قطر يطلب نفس الطلب ) , كمان الدليل لما تكشفه هيتعرف مين عناصرك اللي
شاركت في الوصول للدليل , وعناصرك دي ممكن تكون أصلا مزروعه جوه الكشك نفسه , تبقى
معاليك كده بتكشفهم و تسلّمهم تسليم أهالي , ده غير ان طريقتك في الوصول للدليل هتتعرف
.
.
أستاذ حزومه ,
في حادثة الطياره الروسيه أكيد مصر و روسيا وصلو لأدله عن اللي أسقطها , و أكيد اللي
خطط لإسقاطها جهاز مخابرات دوله معينه , و نفس الشئ لطيارة مصر للطيران اللي طلعت من
فرنسا , الأدله في الحاله دي بتبقى عند الأجهزه السياديه في مصر و روسيا و فرنسا ,
و ممكن يبعتو منها نسخه لجهاز الدوله المعاديه اللي نفّذت , و يستخدموها كورقة ضغط
أو ورقه مساومه , او مايبعتوش و يحتفظو لنفسهم بحق الرد .
.
معالي الأستاذ
حزومه , حاضر من عنينا , هنعملك دوله محندقه صغيره كده و نسميها جمهورية الموز , و
تعيش فيها انت و شمامين الكوله , و نبقى نذيع لكو الأدله اللي تحت ايد الجهات السياديه
في كل الملفات , بعد نشرة تسعه أو قبل حديث الروح .
أقولك حاجه ؟ انا
مش لاقي وصف قذر يليق بيك , مع اني شاطر في الوصف و التشبيهات , إنما هقولك اللي جه
في بالي دلوأتي عشان تعرف قيمتك عندي , انت تحديدا شبه قرص جلّه مرمي في طريق صحراوي
و بعدين الشمس لسعته شويه و جت عربية نقل داست عليه , و بس كده .
..................................................................................................
Mohamed
Hussein
13
سبتمبر 2017·
فتاة الإخوان تعترف
.
مريم بتعترف ,
أسره إخوانجيه رسمي , إرهابيين و قتله , تخزين سلاح , تدريبات على القتل و ( و حتى
على قتل المتظاهرين عشان يلاقو قميص عثمان ) , الأم بتتحول لإرهابي قاتل , و البيت
بيتحول لمخزن سلاح , عادي , عادي جدا .
.
الحدوته بتقول
إيه بقى ؟
- أولا مريم دي
اتصرفت صح ولا غلط ؟ انها تفتن على عيلتها كلهم و عالجماعه الارهابيه ؟ اتصرفت صح جدا
, بتحمي مجتمعها و نفسها و أولادها مستقبلا و ممكن تكون بتحمي عيلتها كمان , بتحميهم
من شر نفسهم , المفروض أصلا أي واحد من حضراتكو يشك إن أخوه اخوانجي رسمي و عضو في
التنظيم و تصرفاته مريبه و مصدر دخله مريب يبلّغ عنه فورا , يبلغ عنه عشان يحميه من
شر نفسه و يحمي المجتمع من شره .
.
- مريم مش هتطلع
عالهوا و تقول الكلام ده إلا إذا توفرت لها حماية رسميه قويه , و ده منطقي جدا , التنظيم
الإرهابي الدولي و أسرة البنت دي ممكن يقبلو ان بنتهم تُغتصب 17 مره على قارعة الطريق
و تتصور فيديو و مايقبلوش انها تفتن عليهم , المعنى هنا ان البنت أصبحت مستهدفه و دمها
مستباح .
.
- بس أنا إجمالا
ماتفاجئتش بتصريحات مريم ولا تصريحات أحمد المغير قبل منها لما قال اعتصام رابعه كان
فيه عربيات مترشقه أسلحه .
.
- اللي حاصل حضرتك
هو ايه ؟ لازم الأول تفهم نفسية و سيكولوجية الكائن الإخوانجي الرسمي , اللي ممكن يكون
جار حضرتك أو زميلك في الشغل أو الجامعه .
- سيكولوجيته بتقول
ايه بقى ؟ بتقول انه مش إرهابي ولا قاتل ولا بيخزن سلاح , هو مقتنع بكده , بمعنى إنه
لما بيقتل مابيبقاش حاسس انه بيقتل أو بيرتكب جريمه , هو دماغه ممسوحه تماما و أي تعليمات
تجيله و يعتقد انها في مصلحة تنظيمة الإرهابي الوثني بيرتكبها على انها فعل خير , يعني
لما يخزن كرتونتين سلاح مابتفرقشي عن انه بيخزن كرتونتين بيض , لما بيقتل بيعتبر الفعل
ده فعل عادي زي انه بيزرع أو بيذاكر أو حتى بيصلي !! .
.
عزيزي شمام الكوله
, اللي ماسك في توب الشمام الأعظم محمد البرادعي بتاع الفصيل الوطني و رفقاء الميدان
, بكره أو النهارده هيطلع اللي راكبينك يقولو لك ان مريم دي مختفيه قسريا من تسع ست
سنين أو انها اعترفت تحت تهديد السلاح و الدبابات و المنجنيق , و انت هتصدق و لايك
يا جدع و شير , عارف ليه ؟ لأنك ببساطه شديده زي ما قلت لك , عقلك في مؤخرتك , و مؤخرتك
دي بينكحها خروف ضاني من 7 سنين , و يبدو إن الحكاية عجبتك أوي لدرجة انك بقيت تستمتع
.
..............................................................................................................
Mohamed
Hussein
13
سبتمبر 2017·
بالنسبالي , ماقدرش
أختزل إسم سامح شكري تحت عنوان من نوعية ( تصريح ناري لسامح شكري ردا على فلان ) ,
بعتقد إن سامح شكري هو واحد من أفضل و أقوى و أعظم وزراء الخارجيه في تاريخ مصر الحديث
, يمكن بحكم الظروف الصعبه اللي كنا و ما زلنا فيها و بحكم الملفّات اللي بيديرها
, سامح شكري اسد الخارجيه مش عشان تصريح قاله هنا او قاله هناك , سامح شكري أسد بحكم
المجهود اللي بذله مع الدبلوماسيه المصريه و النجاح على المستوى الدولي في توقيت شديد
الخطوره .
.
طب هقولكو حاجه
, بجد والله العظيم مابكدب , انا لحد النهارده مش قادر استوعب فكرة إن قطر دي دوله
زيها زي مصر و ألمانيا و روسيا و أمريكا و جنوب أفريقيا و اليابان , دوله ولها وزاره
اسمها وزارة الخارجيه , و الوزاره دي بقى لها وزير كمان اسمه وزير الخارجيه ( اللي
هو الواد اللي شبه العيال المبرشمين اللي بيشتغلو تبّاعين على ميكروباصات السلام و
النهضه ) , و قال ايه كمان وزارة الخارجيه دي لها مندوب دائم في الجامعه العربيه و
لها سفراء ( يعني زي اللي بصحيح ) , و المفروض إني أقارن بين سامح شكري و بين الواد
التبّاع المبرشم اللي هو وزير خارجية قطر اللي هي أصلا محسوبه دوله ؟!! .
.
مستحيل طبعا أحطهم
في جمله واحده , و يبقو راس براس , ماهو مش معنى إن البرص و التمساح من نفس الفصيله
يبقى ينفع يتحطو في جمله واحده و يتعمل بينهم مقارنات , عقلي مش مستوعب كده , عقلي
مستوعب إن البرص برص و التمساح تمساح .
......................................................................................................
Mohamed
Hussein
12
سبتمبر 2017·
حديث القطط
.
عندي 3 قطط في
البيت , تعالو أعرفكو عليهم
.
بيري , دي الأم
, شخصيتها جبانه و دائمة التأمل , بتخاف من خيالها و لو فيه دبانه في الشقه ممكن تقعد
طول اليوم مستخبيه تحت كرسي , بيري اتجوزت من 7 شهور و خلفت بيسو و بيلا , ولد و بنت
.
.
بيسو , شخصيته
شبه أمه بالظبط , واد أبيضاني كده و شكله حلو بس من النوع ( ابن أمه ) , تلاقيه لازق
فيها 24 ساعه .
.
بيلا , بنت سمرانيه
, شخصيتها مختلفه تماما , طالعه لابوها ( كان اسمه كاجو ) , قويه و جريئه و مستقله
, مابتخافش , و بتحب تعيش حياتها لوحدها .
.....................
المهم احنا كل
يوم بنطلع نقعد في البلكونه شوية بالليل , انا و مراتي و البنات , يقومو القطط التلاته
جايين ورانا و طالعين عالترابيزه اللي في البلكونه و بعد شويه ينامو , كل يوم يتكرر
نفس المشهد .
.
امبارح بقى لما
طلعو معانا اتخيلت حوار بيدور بين القطط , على اعتبار ان الحيوانات بتفهم بعض و فيه
لغة تواصل بينهم ( واضح إن عندي ربع ضرب في دماغي , او بمعنى أصح ربع سليم ) .
.
بيسو : سايباني
و رايحه فين يا مامي ؟
بيري : طالعه البلكونه
يا بيسو , مانت شايفهم طلعو اهم .
.
بيسو : طب استنى
خديني معاكي .
بيلا ل (بيسو)
: وسّع ياض انت خدني جنبك عالترابيزه , وسعّي شوية يا ماما انتي كمان .
.
بيري : تعالي يا
بيلا , أنا اغلب اليوم مش بشوفك , انتي بتروحي فين ؟
بيلا : بلعب يا
ماما و اتنطط من الأوضه دي للأوضه دي , عايزه اعيش حياتي و طفولتي , و بعدين سيبيني
و النبي انام شويه في الهوا ده , الجو حلو أوي .
.
بيري : هتنامي
من دلوأتي ؟ ليه كده ؟
بيلا : يا ماما
مالناس اللي قاعدين دول هيقعدو يقولو نفس الكلام بتاع كل يوم , و يصدعو دماغنا , المدارس
بقى و المصاريف و العيشه الغاليه و السابلاي و لبس المدرسه و الشوزات و الجلاد و الحاجات
اللي ماجتش , دانا حفظت الحاجات اللي لسه ماجابوهاش من كُتر ما قالوها .
.
بيري : طب احنا
لو نمنا و هما دخلو و نسيونا و قفلو باب البلكونه هنعمل ايه ؟
بيلا : ياريت يا
ماما , دانا نفسي و الله , اهو اتمشي على حبل الغسيل و اعمل شوية شألباظات من بتوعي
.
.
بيري : لا يا بيلا
يا حبيبتي , كله الا كده , انتي ممكن تقعي من على حبل الغسيل , بلاش تهور , ماتبقيش
راسك ناشفه زي أبوكي .
بيلا : يا ماما
متخافيش عليا , بنتك ب 100 راجل , انتي فاكراني شبه الواد الملزّق اللي قاعد جنبك ده
.
.
بيسو : بيلا لو
سمحتي ماتقوليش عليا كده , انتي عارفه إني حساس و مشاعري مرهفه , يالله بقى قولي لي
أسفه يا بيسو , و بوسيني في خدي .
بيلا : أبوسك في
خدك ؟!! نام ياض بدل ماتغابى عليك , جتك نيله و انت شبه شريف مدكور .
..................................................................................................................
Mohamed
Hussein
12
سبتمبر 2017·
بيصعب عليا أوي
أوي الكائن الإخوانجي الضاني , أه و عهد الله , حياته صعبه ربنا مايورينا , ماعرفشي
أصلا بيكون شكل حياته مع مراته ازاي أو شكل حياتها مع جوزها و شكل الكلام بينهم , تخيل
مثلا حوار بسيط كده ( قبل النوم )
.
أم مصعب 2012
: شوفت يابو مصعب , الرئيس محمد مرسي راح إيران و ترضّى عن الصحابه في قلب أرض الشيعه
و الروافد .
- أبو مصعب : الرئيس
محمد مرسي ده أسد , و إيران دول أنجاس و اعدائنا و الشيعه في النار .
.
أم مصعب : صح ياخويا
, بارك الله فيك .
..........................................
أم مصعب 2015
: شوفت يابو مصعب , السعوديه و الإمارات و الدول السنيه بتحارب بشار العلوي الكافر
و بتحارب جيش الشيعه و المجوس .
- أبو مصعب : السعوديه
و الإمارات هما فخر للدول السنيه اللي بتزود عن الإسلام في وجه المد الشيعي و المجوسي
, بارك الله فيهم و في أمريكا و بريطانيا , و نصر الله المجاهدين في سوريا , و حلب
تحترق .
.
أم مصعب : صح ياخويا
, بارك الله فيك .
.........................................
أم مصعب 2017
: شوفت يابو مصعب , السعوديه و إلإمارات و مصر قاطعو قطر و قطر جابت القوات الإيرانيه
عندها و مندوبها في الجامعه العربيه طلع يتغزل في إيران و جمال إيران و غمازات ايران
.
- أبو مصعب : قطر
دولة عظيمه و إيران دوله اعظم , الشيعه في النهايه مسلمين زي مانتي عارفه يا أم مصعب
, بينا و بينهم شوية اختلاف في وجهات النظر , إنما اعدائنا الحقيقين هما مصر و السعوديه
و الإمارات , لهم جهنم و بئس المصير .
.
أم مصعب : صح ياخويا
, بارك الله فيك .
......................
......................
......................
مسعودي , مسعودي
, هما دول كده يبقو معيز يا مسعودي ؟
فشر يا لينا ,
دول خرفان يا روحي .
................................................................................................................
Mohamed
Hussein
12
سبتمبر 2017·
معارضه دي ولّا
مرقعه ؟ تعالو نشوف , بالورقه و القلم .
.
- سينا دي منطقه
مهمله من عشرات السنين ( البركه في مولانا ) , و لما تهمل منطقه بحجم سينا , أغلبها
صحرا و مجاوره لعدوك التاريخي تبقى لعبت بشكل عمدي في أمنك القومي , منطقي جدا ان أغلب
سكان المنطقه دي يتحولو تحت بند الإغراء لتجار سلاح و مخدرات و إرهاب .
.
اللي عمله عبد
الفتاح السيسي في سينا مش إنه بس بيحارب إرهاب مدعوم من دول و اجهزة مخابرات , السيسي
كمان بيعمل حائط الصد الأول في سينا , اللي هو التعمير و الإستثمار و التنميه , بيصلح
ما أفسده الدهر ( و أفسده السابقون ) .
.
عشان كده هتلاقي
ايه سيادتك , هتلاقي شوية الصيع الخونه بيعملو حاجتين , الأولى هي التشكيك و التهوين
من أي تنميه بتحصل في سينا ( و التخوين أحيانا ) , و تلاقي صايع زي ممدوح حمزه كده
يقولك أنفاق قناة السويس معموله عشان توصل المايه لاسرائيل , و تلاقي صايع تاني بيقولك
احنا بنبيع سينا لحكومات الخليج , مش استثمار ولا تنميه و لا حائط صد , النوعيه دي
من الأخبار بيروّج لها دايما حد خاين و فاهم و عارف انه خاين , و بيسرح بيها شوية شمامين
برياله مركوبين من الخرفان بقالهم سبع سنين .
.
الحاجه التانيه
اللي بيعملها الصيع و الخونه هما إنهم يدخلو في دايره عجيبه و يحاولو يقنعو نفسهم بيها
, ايه هي الدايره ؟ الدايره ببساطه شديده بتقول , إحنا معندناش ارهاب في سينا , لا
فيه ارهاب بس دي فزاعه عاملها السيسي , السيسي بيقتل جنوده , لا فيه ارهاب و مش فزاعه
و مش بنقتل جنودنا بس احنا فاشلين في التعامل معاه , حلوه دايرة المرقعه دي ؟ حلوه
يا حاج محمد ؟ .
.
النموذج اللي فوق
ده بالورقه والقلم هل ممكن نقول عليه معارضه ؟ عنده أليات المعارضه الوطنيه وبيعرف
يمارسها ؟ يعني الأفكار و التوجهات و الحبشتكانات دي ممكن نلاقيها في أي كتاب معارضه
في العالم ؟ مستحيل , طب نلاقيها في كتاب إيه حضرتك ؟ نلاقيها في الصفحه الأولى في
كتاب الخيانه و المرقعه .
.
هي دي الحقيقه
باختصار , الحقيقه المؤلمه , اللي بتقول إننا معندناش تيار معارض في مصر , احنا عندنا
شوية صيع و خونه و انتهازيين و تجار شعارات , و دي في حد ذاتها كارثه ( من ضمن كوارث
مولانا ) , لأن التيارات المعارضه الوطنيه مهمه جدا لحياة و مستقبل أي دوله محترمه
.
.
أه بالمناسبه
, حمدين صباحي لما طلع من كام يوم يهرتل و يقول السيسي فاشل و ضعيف و ( لا مؤاخذه بيكمم
الأفواه ) كان طالع في قناه بتديرها المخابرات البريطانيه , أه و عهد الله , طالع في
القناه اللي كانت بتشارك الخنزيره في خطة خراب الشرق الأوسط ( ماهي إيد على إيد بتساعد
برضه ) , و المنطق البسيط بيقول لو حمدين عارف كده يبقى خاين و لو مش عارف يبقى حمار
.
...............................................................................................................
Mohamed
Hussein
11
سبتمبر 2017·
من رحمة ربنا بيا
و نعمته عليا حاليا , إنه في يوم زي النهارده و مع استشهاد 18 بطل مصري في سينا , لما
بتمشّى في التايم لاين عندي مش بلاقي غير دعاء لهم بالرحمه و لأهلهم بالصبر , و بوستات
تحدي للإرهاب و دعم لمصر و جيشها و شرطتها , من رحمة ربنا إني مش بلاقي عندي عيل ابن
وسخه صايع يشمت في موت جنودنا و أبطالنا أو يبرر لقتلهم , أوشكت الحمد لله إني أعلن
صفحتي خاليه تماما من الخرفان الإرهابيين و الشمامين المركوبين , صفحه يكون فيها
5000 بني ادم مصري وطني عنده عقل و جوز عيون , حتى لو اختلفنا في شوية حاجات .
.
فخور جدا بأصدقائي
, كلكو على راسي , و ربنا يرحم كل شهيد مات و هو بيحمي أرضنا و عرضنا .
................................................................................................................
Mohamed
Hussein
11
سبتمبر 2017·
مستر بريزدنت ترامب
- يس ماي صن .
.
إعصار إرما يافندم
, تقدير الخساير لحد دلوأتي 290 مليار دولار , كارثه بكل المقاييس .
- أوووه ماي جاااااد
, تو ماتش تو ماتش , خلاص خلّيهم يجهزو لي طيارة الرئاسه فورا , دلوأتي حالا , ناو
مينز ناو .
.
هتروح فين يافندم
؟ أكيد هتروح فلوريدا تتابع الموقف بنفسك .
- نو ماي صن ,
هروح الخليج العربي .
.
تعمل ايه في الخليج
يا مستر بريزدنت ؟
- أجيب منهم فلوس
, مش بتقول عندنا خساير 290 مليار دولار ؟
.
بس يا مستر بريزدنت
هتجيب فلوس من دول الخليج تحت بند إيه ؟
- تحت بند حمايتهم
من إعصار إرما .
.
يافندم احنا ماعرفناش
نحمي نفسنا من الإعصار , و في نفس الوقت الإعصار ده ملوش أي علاقه بدول الخليج .
- طب خلاص نجيب
منهم فلوس تحت بند شحن و تفريغ و طباشير أبيض و طباشير ألوان و حمايتهم من المد الشيعي
و من السلعوه أم عين حمره .
.
مستر بريزدنت
, اكسكيوز مي , انا مش فاهم حاجه
- طب بص , عارف
نفق العروبه ؟
.
أه عارفه , بس
إيه علاقة نفق العروبه ب دول الخليج و فلوريدا و إعصار إرما .
- يابني افهم
, قبل النفق هتلاقي راجل بتاع عصير .
.
ماله بتاع العصير
ده يا مستر بريزدنت ؟
- وحش , ماتبقاش
تشرب منه .
...........................................................................................................
Mohamed
Hussein
11
سبتمبر 2017·
الكتله الصلبه
.
عارفين أنا شبه
مين ؟ ماقصدش شبه مين في الشكل ( أصلا مفيش حد في جمالي و جمال اللي خلفوني ) , أقصد
شبه مين في العقل و الشخصيه ؟ , شبه ناس كتير بقابلهم حتى عالفيس , و بفرح لما أقابل
حد منهم , كأن يا اخي العقول و الشخصيات بتتقابل و تسلّم و تحضن بعض ( حضن أخوي ماتقلقوش
) .
.
أنا شبه كل واحد
شايل البلد دي تاج فوق راسه , مصر الكبيره أوي بإسمها و علمها و نشيدها و تاريخها و
ترابها و شوارعها و حواريها .
.
أنا شبه كل واحد
عارف و مقتنع تماما ان جيش أي دوله في الدنيا هو عصبها و عمودها الفقري و جهاز المناعه
بتاعها , و إن أول و أبسط قواعد الحماقه إنك تسخر من جيش بلدك و تسفّه منه ( و تبقى
بتعمل أكبر خدمه لأعداء بلدك ) .
.
أنا شبه كل واحد
يعرف قيمة الأزهر حتى لو اختلف معاه في حاجات و مناهج , إنما يعرف مكانته كويس اوي
و يعرف إن حجم الفراغ اللي يخلّفه غياب مؤسسة زي الأزهر هو حجم كارثي , الفجوه دي تتملي
كلها إخوان على وهابيين على بهاليل بدقون كانو في الأصل بيشتغلو فرارجيه و صبي عجلاتي
, يعرف أهمية وجود رُمانتين ميزان في مصر اسمهم الأزهر الشريف و الكنيسه .
.
أنا شبه كل واحد
يعرف أهمية و قيمة عبد الناصر في تاريخ مصر الحديث , حتى لو اختلف معاه في حاجات وقرارات
, إنما أبدا و مستحيل يتغنّى بأيام ملكيه و استعمار و استحمار .
.
أنا شبه كل واحد
في الدين ممكن يكون مش متدين ولا مقطع حصر الجامع , و له اخطاء و خطايا و كوارث , إنما
في لحظه دموعه تنزل لما يسمع ترتيل الطبلاوي او تواشيح للنقشبندي , و في لحظه تانيه
تلاقي عنده نزعه صوفيه ( صادقه ) , و النبي مانعرف بتيجي منين و بتيجي إزاي .
.
أنا شبه كل واحد
مايحنيش ضهره للركوب , لا بإسم الدين ولا بإسم الثوره ولا بإسم الوطنيه و لا بإسم التحرر
ولا بإسم العلمانيه ولا بإسم الفكر اليساري ولا بأي إسم و أي مصطلح من المصطلحات اللي
حوّلت ناس كتير لمجرد مطيّه و أشباه بني أدمين .
.
أنا ممكن أكون
شبه الكتله الصلبه في البلد دي , الكتله اللي محافظه للبلد على شوية من ريحتها و طعمها
, الكتله اللي متأثرتش أوي ب ( حَدْف ) الشرق ولا ( حدف ) الغرب , أنا ممكن أكون باختصار
شبه مصر و انا مش عارف .
...............................................................................................................
Mohamed
Hussein
10
سبتمبر 2017·
عويس الشديد
.
المشهد , ليل داخلي
, شقه مفروشه جنب بابها متعلق لوحه ( جبهة التضامن للتغيير ) , ورا الباب مكتب و كرسي
يجلس عليه شخص يبدو إنه ممدوح حمزه ( حاطط منديل في قفاه عشان العرق ) , و كرسي تاني
قاعد عليه حازم عبد العظيم , أه قاعد عليه , يدخل راجل فلاح بلدياتي لابس جلابيه بكم
واسع و على راسه عمّه .
.
الراجل بلدياتي
: سالامو عليكو
- ممدوح حمزه
: أهلا , خير ؟ عايز ايه .
.
بلدياتي : أنا
جاي بخصوص الإعلان اللي انتو عاملينه
- ممدوح حمزه
: إعلان ايه ؟ .
.
بلدياتي : الإعلان
بتاع إنكو في الجبهه هنا بتدوّرو على ريس .
- ممدوح حمزه
( بتهكّم ) : وانت بقى عايز تبقى ريس ؟ اشتغلت ريس قبل كده ؟
.
بلدياتي : إلا
اشتغلت ريس , دانا شغال ريس لمركب من 17 سنه , انت ماسمعتش عن الريس عويس الشديد ؟
.
- ممدوح حمزه
( بانفعال ) : انت جاي تهزر يا راجل انت ؟ احنا مش ناقصينك .
.
بلدياتي : طب خلاص
مايبقاش طبعك حامي كده , انا بهزر , و بصراحة جايب لك شغلانه انت و الأمّور اللي قاعد
جنبك ده ( بيشاور على حازم عبد العظيم ) .
- ممدوح حمزه
: جايب لي انا شغلانه ؟
.
بلدياتي : أه شغلانة
هتعجبك أوي و تريّحك .
- ممدوح حمزه
: شغلانة ايه دي .
.
بلدياتي : بقى
حدانا في البلد فيه ناس رجاله عتاوله شغلتهم انهم ينخلو الدقيق و الحاجات دي .
- ممدوح حمزه
: ها و بعدين ؟.
.
بلدياتي : مانا
جايلك في الكلام اهو , الراجل من دول وهو بينخل بيقوم جسمه يتهز كده و كده , و كل حاجه
فيه تتهز .
- ممدوح حمزه
: هي ايه الحاجات اللي بتتهز دي ؟ و احنا هيبقى دورنا ايه ؟
.
بلدياتي : مممممممممم
طب قرّب ودنك أوشوشك عشان محدش يسمع , دوركو يا مولانا هو أ أ أ أ.
ممدوح حمزه (وشه
يحمر و يطلع دخانه من ودانه ) : غور من هنا يابن ال @#$% يلعن @#ٌ$%أهلك .
....................
مشهد 2
حازم عبد العظيم
( كان مشغول عالموبايل بتاعه و فاتح النت و مش مركز في المشهد ) , يبص لممدوح حمزه
: مالك يا بوص بتتخانق ليه وعروقك باينه ؟.
- ممدوح حمزه
: انت مش شايف الراجل ابن ال@##$ جاي يقول ايه
.
حازم عبد العظيم
: سيبك منهم , دول شوية رعاع عبيد بياده , خلينا في المهم
- ممدوح حمزه
: هو ايه المهم ؟.
.
حازم عبد العظيم
: ايه ده ؟ انت مش واخد بالك ؟ انا كتبت تويته حالا , اعملي ريتويت بقى و النبي , و
النبي و النبي .
................................................................................................................
Mohamed
Hussein
10
سبتمبر 2017·
يعني ايه مصر الحديثه
بقى ؟
.
يعني تجيلك القوات
الأمريكيه تعمل معاك تدريب عسكري مشترك في مصر ( النجم الساطع ) , و في نفس الوقت تكون
قوات المظلات بتاعتك بتعمل تدريب عسكري مع الروس في روسيا ( حماة الصداقه ) .
.
مصر الحديثه دي
مش بتاعة حد , مابتدخلشي تحت عباية حد , لا معسكر شرقي و لا معسكر غربي , مصر بتاعتنا
احنا و بس .
........................................................................................................
Mohamed
Hussein
10
سبتمبر 2017·
شوفت يا عم اللي
حصل ؟
- ايه خير حصل
ايه .
.
ممدوح حمزه عامل
جبهه اسمها ( التضامن للتغيير ) و بيلم لها ناس .
- إخص عليه الخاين
الواطي , اللي معندوش أصل ولا انتماء , مالها شركة قطونيل يعني ؟ ماهي قطن مصري و زي
الفل .
.
يا جدع قطونيل
ايه ؟ ده بيتكلم عن تغيير سياسي .
- بجد والنبي يقصد
تغيير سياسي ؟ أنا جه في ذهني إنه يقصد تغيير الملابس الداخليه , و كنت ناوي أنضم للجبهه
و ألحق لي بوكسرين .
..................................................................................................
Mohamed
Hussein
9
سبتمبر 2017·
حمدين صباحي في
برنامج بلا قيود : هذه السلطه الحاليه ( اللي هو السيسي ) أضعف و أفشل سلطه حكمت مصر
, و يداري ضعفه بالقمع و العنف و تكميم الأفواه !! .
.
أستاذ حمدين صباحي
, انا انتخبتك في 2012 , اه و عهد الله , و دلوأتي بس هقول انا مش عارف انتخبتك ليه
, انما هعتبرها حاجه من ضمن الحاجات الهايفه اللي عملتها أيام ما كنت بشم كوله , و
لازم أقول ألف مره , أسف يا مصر .
.
أستاذ حمدين صباحي
, السلطه الضعيفه دي وقفت في وش الأمريكان و البريطانيين و الأتراك و قطر بنت الوسخه
, في وش الطوفان و المليارات و الإرهابيين و ترسانات الأسلحه , في وش المؤامره و خطة
الخراب , في وش نص الكره الأرضيه عشان ترجّع لنا بلدنا اللي اتسرقت مننا على ايد الفصيل
الوطني و رفقاء الميدان يا شوية صيع .
.
أستاذ حمدين صباحي
, السلطه الفاشله دي عملت بنية تحتيه في مصر ماتعملتش في 30 سنه , حلت مشاكل الطرق
و الكباري و الكهربا و اعادت تسليح الجيش المصري و عملت مشاريع و أنفاق و مزارع سمكيه
و صوامع و مدن جديده و مطارات و بتعمر سينا و تزرع قمح في الصحرا , في سنتين تلاته
بس , الحاجات دي بتتعمل عشان الغلابه يا تجار الغلابه
.
أستاذ حمدين صباحي
, عايز أقولك اخيرا , السلطه بتاعة القمع و الفاشيه و تكميم الأفواه , انت بتخرج من
بلدها و من مطارها و تركب طيارتها و تروح عشان تظهر في برنامج تهرتل فيه براحة راحتك
و تعجن على كيف كيفك , و ترجع تاني بيتك تنام على بطنك عالسرير و انت مشغل التكييف
, لا حد بيقولك سلام ولا كلام , تعرفو ايه بقى عن الفاشيه و القمع يا تجار الشعارات
و تجار الثورات و تجار الغلابه , تعرفو ايه عرة مخاليق ربنا ؟ .
.........................................................................................................
Mohamed
Hussein
9
سبتمبر 2017·
و انتي يا حبيبتي
بتشتغلي ايه ؟ بتشتغلي إيه يا بيضا ؟
- أنا حضرتك ناشطه
سياسيه من بتوع 25 يناير .
.
أاااه , 25 يناير
, و دي كان شعارها ايه ؟
- دي شعارها حضرتك
العيش
.
صح شعارها العيش
, ثم ؟
- ثم الحريه .
.
ثم ؟
- ثم العداله الإجتماعيه
.
.
أاااه قولتي لي
بقى , العداله الإجتماعيه , ثم ؟
- لا مش عارفه
ثم اللي بعد كده .
.
بس أنا عارف و
ممكن أقولك بقية قصيدة ثم .
- طب قول كده
.
.
ثم بعد الشبشب
و القبقاب تصيّفي في هاسيندا عشان تاخدي تان و تقولي يا ويتر هات لي أي سمسينج اشربه
.
.....................................................................................................
Mohamed
Hussein
9
سبتمبر 2017·
المرقعه القطريه
.
تميم ابن موزه
اتصل بولي عهد السعوديه , تمام ؟ , مفيش دقايق كانو فبركو خبر الإتصال بصوره مش حقيقيه
, يعني مين كلم مين و قاله ايه ؟ كدبو كالعاده , لدرجة ان الخارجيه السعوديه طلعت بيان
.
.
طب ايه اللي بيحصل
و هل قطر مستعده فعلا لقبول شروط الرباعي العربي و التفاوض ؟ الإجابه لأ , قولها بالفم
المليان .
.
بس أمريكا دخلت
في الموضوع !! ماهو ده أول سبب بيخليني أقولك لأ , قولا واحدا , لأن أمريكا مابتدخلش
في أي موضوع عشان تحله , دي السياسه الأمريكيه المعلنه رسميا ( بندخل أي مشكله عشان
نعقدها مش نحلها ) .
.
طب ايه تاني يخليك
تقول لأ و انت مالي إيدك ؟ بص يا حبيبي , قطر مجرد دويله ملهاش أي تلاتين لازمه في
الحياه و معاها فلوس كتير و الفلوس لوحدها برضه ملهاش أي تلاتين لازمه .
.
يعني ايه الكلام
ده ؟ يعني يا سيدي من أهم المطالب ال 13 اللي طلبهم الرباعي العربي حاجتين قطر مستحيل
تنفذهم , اللي هما طرد الإرهابيين من أراضيها و قفل قناة الخنزيره , القناه دي اتعملت
من أكتر من 20 سنه و اتصرف عليها عشرات المليارات عشان تقوم بدور معين , اللي أنشاها
حدد لها الدور , صح هي قامت بيه على اكمل وجه و شاركت بكل قوتها في خراب دول زي العراق
و سوريا و ليبيا و اليمن , لكن لسه برضه لها زبون , مش زي الأول صحيح انما لسه فيه
قطيع بيتفرج عليها , و لسه لها دور جايز في خراب دول زي السعوديه و الإمارات !! .
.
قناة الخنزيره
و الإرهابيين اللي عايشين في قطر هما اسطوانة الأكسجين لتميم ابن موزه و امه , من غيرهم
قطر تبقى مجرد صفر عالشمال , و بالتالي التفريط فيهم مش بالساهل أو تقدر تقول مستحيل
, يعني تميم نفسه معندوش رفاهية الإختيار.
.
أومال ايه الإتصال
اللي عمله تميم النهارده بولي عهد السعوديه ؟ لا ابدا , دي مجرد مرقعه قطريه متوقعه
, على شوية مياصه حلوين , هتشوف منهم كتير الفتره الجايه , طب نقعد , طب نتفاوض هنا
, طب بلاش النقطه دي , طب نغير المكان اللي بنتفاوض فيه , طب هاتو قلم تاني القلم ده
مش عاجبني , طب انا تعبت نبقى نكمل بعدين , و هكذا .
..............................................................................................................
Mohamed
Hussein
8
سبتمبر 2017·
أحلام بعد ما عملت
عمليات التجميل بقت مزه أخر فيصل , أه دخلت في المكنه إياها , المكنه اللي تدخل فيها
من الناحيادي و انت أحلام , تطلع من الناحيه التانيه و انت إليسا .
.
بالكو أنا لو دخلت
في المكنه دي ؟ هطلع من الناحية التانيه تامر حسني , و الحمد لله عندي شعر في صدري
, يعني مش محتاج شغل كتير .
...............................................................................................................
Mohamed
Hussein
8
سبتمبر 2017·
مساء الخير يافندم
, جود إيفيننج , معاك لوسي من هيومان رايتس واتش .
- أهلا أهلا لوسي
, جود ايفيننج .
.
معاليك طلبت مننا
نكتب تقرير عن اللي بيحصل في السجون المصريه
- أيوه حصل .
.
طب حضرتك ماقولتش
نكتب ايه في التقرير ؟
- اه استنى هملّيك
اللي تكتبه , ولّا أقولك , مفيش داعي أملّيك , افتح قناة الجزيره أو قناة الشرق و شوف
الإخوان بيقولو فيها ايه و اكتب الهري اللي بيقولوه في التقرير زي ماهو .
.
لكن يافندم !!
- مالكنش ولا حاجه
.
.
طب و مصداقيتنا
؟!
- هههههههههههه
انت هتصيع عليا ياض ؟ مصداقية ايه يابن الوارمه ؟ وانتو من امتى كان عندكو مصداقيه
؟ عايز تعمل شيخ على صاحب البار اللي بتسكر فيه ؟
.
خلاص خلاص , اللي
تشوفه معاليك
- أه استنى .
.
خير يافندم ؟
- كتّر في التقرير
من حكاية الإختفاء القسري
.
بس يافندم العيال
دول بيبقو هربانين و ( بيجاهدو ) بره مصر أو شاقطين مزز في الغردقه و قافلين موبايلاتهم
.
- اسمع الكلام
اللي بقولك عليه يا حيوان
.
حاضر يا فندم
.
استنى تاني .
.
خير معاليك
- و ماتنساش تتكلم
عن النساء اللي بتغتصب في السجون
.
نساء مين اللي
هتغتصب ؟ دول كلهم شبه الواد مرعي بتاع الكانتين , يعني عدم اللامؤاخذه ماينفعش معاهم
اغتصاب .
- مممممممم واضح
يا لوسي انك لسه جديد في هيومان رايتس , ابقى خلّي المدير بتاعك يكلمني , و حاول تجتهد
في شغلك شويه , انت مرتبك يعادل مرتب 5 أساتذة جامعه , اظن كلامي واضح .
.
واضح يافندم ,
بعتذر لمعاليك .
- جود باي ماي
صن .
.......................................................................................................
Mohamed
Hussein
8
سبتمبر 2017·
إنت يا خبيبي مسلم
و متدين و ريليجيز ؟
- اه و الله يا
خواجه مسلم و متدين و البتاعه اللي بتقول عليها دي .
.
مش حقيقي يا خبيبي
, قولي عملت ايه عشان اقول عليك متدين ؟
- ازاي بس يا خواجه
, دانا بقالي سنين طويله بسمع كلامك بالحرف عشان ابقي متدين .
.
سمعت كلامي و عملت
ايه يعني ؟
- روحت جاهدت في
افغانستان و حاربت الإتحاد السوفيتي الكفره لحد ما وقعناها , و جيت السودان و جاهدت
برضه ضد الجنوب الكفره لحد ماقسّمنا السودان بعون الله , و جاهدت في الصومال لحد ما
خربناها و جاهدت في فلسطين لحد ما قسمناها , و جاهدت في البوسنه , و جاهدت ضد جيش السوري
العلوي الكافر و جاهدت ضد جيش بلدي , و كل مكان كنت بتقولي عليه بروحه .
.
مش كفايه يا خبيبي
, نوت إيناف , انت عايز تموت شهيد و تقابل خور العين , خور العين دي حاجه جميله خالص
, فيري بيوتيفل , لازم تبذل مجهود اكبر , لازم جريت إيفورت .
- انا كل أملي
يا خواجه أموت شهيد و اقابل حور العين , أعمل ايه تاني بس ؟
.
تروح يا خبيبي
بورما و تجاهد ضد البوذيين الكفار , انت ماشوفتش حال اخوانك المسلمين هناك ؟ ماشوفتش
الصور و الفيديوهات اللي بننشرهالك في جرايدنا و قنواتنا ؟ ايه يا اخي ماعندكش قلب
, نو هارت ؟ تسيبهم كده تو بي كيلد لايك تشيكن ؟, و بعدين لما تروح تجاهد في بورما
تعمل لنا شوية قلق جنب الصين و الهند لحد ماتموت شهيد , الشهداء يا ولدي لهم الجنه
, زا بارادايز .
- حاضر يا خواجه
, اروح و اجاهد , بارك الله فيك .
.
جود بوي , بارك
الله فيك يا ماي صن .
.............................
.............................
مشهد من رواية
( الحمير لا يدخلون الجنه ) .
..........................................................................................................
ليست هناك تعليقات:
إرسال تعليق