Mohamed
Hussein
21
سبتمبر 2017·
على سيرة حاتم
الجمسي , اللي القنوات المصريه بتعمل معاه مداخلات على انه كاتب و محلل سياسي و اللي
نيويورك تايمز نشرت عنه تقرير و جابته في المطعم الصغير بتاعه و هو بيعمل ساندوتشات
!! , و هوب حملة تريأه , حتى من ناس وطنيين أخر حماده
.
عايز أقول لحضراتكو
- لو انت بتكتب
عالفيس بوك مثلا , تكتب بمعنى تكتب , يعني مش نظام تقول تحيا مصر و اللي بيحب السيسي
يدوس لايك , لا تمسك خبر و تكتب رأيك فيه أو تحليلك له أو تقول فكره و تكتبها , و عندك
أسلوب خاص بيك يبقى اسمك كاتب , لو اهتماماتك سياسيه و قراياتك و تفكيرك و تحليلك مهتم
أكتر بالشأن السياسي , يبقى اسمك محلل سياسي , الحكايه مش كيميا .
.
- و بالتالي لو
قناة فضائيه عملت مداخله معاك فهي بتعمل مع الشخص الفلاني اللي بيكتب بالشكل الفلاني
و أفكاره و أرائه و اسلوبه هما كذا , لا يعنيها بتبيع ساندوتشات ولا بتبيع بطاطا .
.
- فيه 100 الف
واحد في العالم بيتعمل معاهم مداخلات و بيتقال عنهم كاتب و محلل سياسي , اللي محترف
السياسه منهم و اللي خريج سياسه و اقتصاد أو إعلام لا يتجاوزو 10 ألاف , و الباقي هتلاقيهم
بيشتغلو في أي مهنه , طبيب مهندس مدرس عامل صاحب مطعم صاحب ورشه فنان تشكيلي , زي مايكون
.
.
لو فيه شاعر مثلا
بيشتغل مهندس ديكور ( ماهو مفيش مهنه اسمها شاعر ) , و قناة عامله برنامج أدبي و عملت
مداخله معاه بتقول الشاعر الفلاني ولّا مهندس الديكور الفلاني ؟ هو باسم يوسف بيشتغل
ايه ؟ طبيب حضرتك ,ليه بتقول عليه اعلامي و كاتب و محلل سياسي ( أصلا المقاله الوحيده
اللي كتبها كانت مسروقه ) .
.
- طب هبسطهالكو
, اعتقد اني بكتب من سنين طويله و اعتقد اني ليا أسلوب في الكتابه , و اعتقد ان اهتماماتي
كلها سياسيه , لو حصل و قناه فضائيه عملت مداخله معايا هتقول مين ؟ هيبقى تعريفي ايه
؟ هي بتكلم مين اساسا ؟ بتكلم محمد اللي بيكتب عالفيس و في المدونه و رأيه كذا و اسلوبه
كذا , يبقى هتعرفني باسم كاتب و محلل سياسي , مع اني في الحقيقه صيدلي و بكتب و انا
قاعد في صيدليتي , هل ينفع معاليك تصورني في الصيدليه و سط الادويه و تعمل حملة تريأه
و الصيدلي بقى محلل سياسي ؟ وفين التخصص و عايزين تخصص , و ابقى كأني اتقفشت متلبس
وانا ببيع الادويه ؟! .
.
- هو ايه المطلوب
عشان معاليك تقتنع ان اللي قدامك ينفع يتقال عليه كاتب ؟ هقولك انا , مطلوب انه يكون
لابس بدله و كرافته و معندوش شغلانه ياكل منها عيش , يعني صايع , و بالتالي يلهث وراء
الفضائيات و يستنى أي قرشين يجوله , و يقعد على قهوه شيك يستنى المداخله الهاتفيه و
يطبع كروت بإسم ( كبير المحللين السياسيين في معهد علمني العوم و النبي ياحمد للعلوم
السياسيه و الأفكار العميقه ) و يروح السجل المدني يعزم عالموظف بسيجاره كليوباترا
و يغير المهنه من صايع لكاتب و محلل سياسي .
يا أمةً ضحكت من
جهلها الأممُ , و ضحكت على جهلها النيويورك تايمز .
..........................................................................................................
Mohamed
Hussein
21
سبتمبر 2017·
نقول تاني , بالعربي
البسيط
.
- هي مين مصر الحديثه
و إيه سياساتها بالظبط ؟ عبد الفتاح السيسي هو الوريث الشرعي لعبد الناصر ولا الوريث
الشرعي للسادات ؟
بص يا مولانا
:
1- مصر بتسعى بكل
قوتها لاتمام عملية السلام بين الفلسطينيين و اسرائيل , صعوبة الموضوع ده في ان الطرفين
مش عايزين سلام ولا عبد السلام , هما مبسوطين كده مرتاحين كده , انما احنا اللي عايزين
نخلص من قصة عنب ديبو دي و يبقى فيه دوله فلسطينيه عاصمتها القدس الشرقيه .
.
2- ليه احنا اللي
عايزين ؟ عشان ده أمن قومي لمصر , عايزين حدودنا مع قطاع غزه تسيطر عليها دوله مش عصابه
, طب ايه مشكلة العصابه لما تسيطر عليها ؟ شوف اللي حصل من حماس في 10 سنين و انت تعرف
العصابات بيعملو ايه ؟
.
3- ايوه بيعملو
ايه ؟ العصابات يا سيدي مالهمشي أي علاقه بتنمية الأرض اللي بيديروها , الكلام ده مش
مرسل , ده بالدليل , و اتحدى أي غزّاوي يقولي ان حركة حماس في ال 10 سنين اللي فاتو
عملو أي بنية تحتيه في القطاع أو أي مظهر من مظاهر التنميه و البناء .
.
4- أومال عملو
ايه بتوع حماس ؟ باختصار شديد كانت بتجيلهم التمويلات القطريه و الخليجيه تحت بند اعادة
الإعمار , يصرفو نصها على أكل و شرب و متطلبات حياه أوليه للقطاع و الباقي على شرا
سلاح و حفر أنفاق و تنفيذ مخططات صاحب التمويل , و إلا التمويل هيتقطع و السبوبه هتروح
, لأ مش بيشترو سلاح عشان يحاربو الصهاينه , حركة حماس على مدار 10 سنين ماقتلتش جندي
صهيوني واحد
.
5- طب لو بقت فيه
دوله بتسيطر على القطاع ؟ في الحاله دي الدول بيبقى لها إلتزامات و تعهدات دوليه في
عملية تأمين الحدود , و الدول كمان بتلتزم قدام مواطنيها بعملية تنميه و بنية تحتيه
, يعني بتنشغل بحال المواطنين , و ده اللي حاصل مع الكيان الصهيوني , اسرائيل هتتردد
مليون مره في انها تدخل في أي حرب نظاميه أو تبان في الصوره ( مع إنها العقل المدبر
لكل الأحداث الأخيره ) , عشان عندها تعليم و بنية تحتيه وصناعه ( يتبكي عليها ) , يعني
تخاف عليها , حاجات كلفت مئات المليارات و عشرات السنين , انما العصابات معندهاش حاجه
تبكي عليها و من هنا بتيجي خطورتها و بيسهل استخدامها .
.
6- طيب عبد الفتاح
السيسي هو مين بقى ؟ عبد الفتاح السيسي لما قلب الترابيزه عالأمريكان في 30 يونيو و
وقف لهم زي العضمه في زورهم و كانت علاقتنا بأمريكا في أسوأ حالاتها على مدار 4 سنين
, و أوباما كان ناقص يطلع عالهوا و يرفع شعار رابعه , السيسي في الحاله دي ( كان وريث
عبد الناصر ) .
.
7- و نفس عبد الفتاح
السيسي لما بدأ يستعيد العلاقات مع أمريكا و يطالب بعملية سلام شامل , هو الحقيقه عمل
كده للسبب اللي فوق ( اللي هو أمننا القومي )و سبب تاني انه شاف بعنيه حال العرب و
خصوصا عرب الخليج !! يعني السيسي مستلم وطن عربي ملعوب في أساسه للصبح و الدول التلاته
اللي كان ممكن نتحالف معاها و نتسند عليها هي الدول الحضاريه , سوريا و العراق و اليمن
( اللي بالصدفه البحته راحو في الوبا !! ) يبقى العنجهيه هنا ملهاش مكان , و ممكن تقول
انه في اللحظه دي ( وريث السادات ) .
.
8- إنما الصوره
الكامله بتقول ان السيسي لا وريث عبد الناصر ولا وريث السادات , هو وريث الإتنين ,
او بمعنى أصح هو ابن بهية الأصيل , بيتعامل مع ظروف مختلفه و توقيت مختلف و معطيات
مختلفه تماما , في التوقيت ده , الخنوع بيعني الضياع , و العنجهيه و فتحة الصدر بيعنو
الضياع برضه , و عبقريتك كرئيس انك تكون بتعرف تمشي عالحبل .
.........................................................................................................
Mohamed
Hussein
20
سبتمبر 2017·
الحكومه النهارده
وافقت على تعديل قانون الجنسيه , بموجب التعديل ده أصبح من حق الدوله إنها تسقط الجنسيه
عن كل واحد صدر ضده حكم قضائي يفيد بانتمائه لجماعه أو جهه ( داخليه أو خارجيه ) تهدف
لتقويض نظام الدوله و استقرار الوطن و بتنتهج العنف , يعني باختصار كل الأعضاء الرسميين
في الجماعه الإرهابيه أصبحو تحت مرمى نيران قانون الجنسيه .
.
يوم ما مصر بقى
تقدر تتخلّص من 100 ألف خروف , أعضاء رسميين في التنظيم الإرهابي الدولي و تسقط عنهم
الجنسيه المصريه اللي لا يستحقو شرف حملها هنبقى تخلّصنا من أكبر حجر شايلاه مصر على
ضهرها من 90 سنه .
.
الحقيقه و رأيي
الشخصي , عندنا فساد و رشوة و جهل و مرض و زي ما تقول قول , إنما أكبر و أخطر 3 تحديات
بتواجهها مصر هما التالي
.
1- وجود تنظيم
إرهابي دولي لا يعترف بفكرة الوطن و الحدود و التاريخ و الهويه , تنظيم خاين معدوم
الإنتماء و مع ذلك هتلاقي عناصره و أفراده عايشين معاك في العماره و الشغل و الشارع
و المترو و المدرسه و المستشفى الحكومي وفي ( بطاقة التموين ) !! .
.
2 - وجود الكيان
الصهيوني كدوله حدوديه بكل ما يحمله الكيان ده من نوايا و خطط و أحلام توسعيه , و استغلالة
لخيانات بعض العرب و حماقات البعض الأخر .
.
3- ظهور البترول
في جزيرة العرب , البترول اللي اتحول من نعمه لنقمه , البترول اللي خلّى منطقتنا العربيه
و أمننا القومي مليان بالخونه و العملاء و ممولي الإرهاب و الخراب و مليان كمان بالقواعد
العسكريه الأجنبيه ( بتاعة القوى الإستعماريه القديمه ) .
..............................................................................................................
Mohamed
Hussein
20
سبتمبر 2017·
عبد الفتاح السيسي
في حوار مع فوكس نيوز الأمريكيه : ربما يستغرق الأمر مزيد من الوقت حتى تعلن واشنطن
أن جماعة الإخوان متطرفه !! .
.
و عزة جلال الله
الراجل عبد الفتاح السيسي ده دماغه ألماظ , و الله ألماظ .
.
الترجمه بقى :
احنا بنتعامل مع واشنطن و بنحاول نوصل لأحسن علاقات بس عارفين انكو ولاد وسخه , وانكو
مستحيل هتنضفو و مستحيل هتعلنو الإخوان جماعه إرهابيه , عشان مفيش أم في الدنيا بتفرّط
في ابنها ضناها ( كلمة مزيد من الوقت هنا بتعني انه مش هيحصل و اننا عارفين انه مش
هيحصل ) .
...............................................................................................................
Mohamed
Hussein
20
سبتمبر 2017·
الواد ابن الهبله
.
كالعاده العيال
شمامين الكوله ماكدّبوش خبر و بدأو حملة تشوية و افتكاسات في شركة المحمول الجديده
, زي مابيحصل مع أي حاجه و أي مشروع بيتعمل في مصر
.
اتكعبلت بالصدفه
بعيل ابن هبله منهم كاتب ان الشركه دي عملها الجيش مخصوص عشان يراقب مكالمات المصريين
لأن الجيش طلب من شركات المحمول التلاته انه يراقب المكالمات عندهم و هما قالو له لا
, عليا الطلاق ماتراقب , دي خصوصيه , خصوصيه يا عالم .
و بناء عليه قام
الجيش عمل الشركه دي عشان يراقبنا كلنا بقى , و بيوجه الواد ابن الهبله نداء لأصدقاؤه
اللامؤاخذه الأحرار انهم مايشتروش من الشركه الجديده خصوصا لو كان لهم رأي حر و متحرر
و حرّان و كده .
.
عزيزي الواد ابن
الهبله
- كل شركات المحمول
في مصر و العالم بتنتهي خصوصيتك فيها عند إذن النيابه , يعني إذن نيابه قد كداهو يخلّي
رقمك و اتصالاتك كلها متراقبه , سواء كانت الشركات دي ملك للدوله أو للقطاع الخاص أو
حتى للمغول و البيزنطيين , و ده مابيحصلش إلا لو كان فيه أهمية قصوى زي إنك تكون إرهابي
او فاسد او مرتشي أو قاتل ... المهم بإذن نيابه الدوله راقبت ألاف الأرقام في شركات
المحمول التلاته يابن الهبله .
.
عزيزي ابن الهبله
- الدوله هتعمل
ايه بشركة محمول رابعه لو هي مش عارفه تراقب التلاته التانيين , اللي فيهم 90 مليون
مشترك , هتستنى يجيلها 17 نفر في الشركه الجديده و تراقبهم مثلا ؟ .
.
عزيزي ابن الهبله
- لما يكون عمرك
عشرين سنه و صايع غالبا , و متخيل ان الدوله و الجيش و المخابرات فاضيين ل ك*مك , و
سهرانين طول الليل يفكرو إزاي يراقبو مكالمات ك*مك عشان انت أصلك خطر على الأمن القومي
و بتهدد استقرار مصر و سلامة أراضيها انت واصحابك الصيع قصدي الأحرار .
.
عزيزي ابن الهبله
- كل الحكايه إنك
ضحيه زيك زي ألاف غيرك , ضحية قيادات صايعه و تجار شعارات , فهّموك إنك جبار و بتمشي
عالحيط و ان الدوله دي فاشيه و بتاكل دراع العيال الصغيره , و فضلو يعملو بيبي في ودانك
لحد مابقى مخك عامل زي فرده شراب معفنه , و لو عندك ذره عقل كنت بصيت على صفحتك هتلاقي
نفسك عامل الصفحه باسمك و صورتك و بياناتك و كل يوم تدخل تشتم الدوله و السيسي و تنشر
هبل و اشاعات , طب الدوله هتعوز مكالمات تليفونك في ايه مانت صفحتك موجوده؟ ياهبل يابن
الهبله .
.
عزيزي ابن الهبله
- انا مضطر اصارحك
بالحقيقه , و أسف اني هجرح شعورك , انت و كل أصحابك الصيع الأحرار و كل رموزك و حبشتكاناتك
ملكوش أي تلاتين لازمه ولا حد شاغل باله بيكو ولا حتى عم محفوظ بتاع الجراج , و خالتك
ذات نفسها تلاقيها بتتلخبط في إسمك , لأ انت مش مهم ولا حاجه , انا اسف مره تانيه اني
جرحت شعورك الثوري .
..........................................................................................................
Mohamed
Hussein
19
سبتمبر 2017·
صفقة القرن
.
ايه هي صفقة القرن
؟ هي السلام الشامل بين الفلسطينيين و اسرائيل و إقامة الدوله الفلسطينيه .
.
ليه مصر حريصه
أوي عالحكايه دي ؟ عشان القدس و الأقصى و الحدوته الحلوه دي ؟
- لأ خالص .
.
أومال عشان ايه
؟
- عشان نحمي الأمن
القومي بتاعنا .
.
نحمية من مين ؟
- نحميه من حكم
العصابات و اللي حصل مايتكررش
.
يعني ايه ؟
- يعني انت عندك
عدو أزلي اسمه اسرائيل , مبقاش يدخل في حروب نظاميه , الموضه دي بطلت , بقى يحاربك
بعصابات ( عربيه ) .
.
برضه مش فاهم
- يعني يا مولانا
لما حدودك مع قطاع غزه تكون بتسيطر عليها دوله اسمها دولة فلسطين مش عصابه , مش هيحصل
الهبل بتاع الأنفاق و الإرهابيين و تهريب السلاح , و أي عيل صايع ابن وسخه يروح يرمي
للعصابه شوية فلوس ( يضربو بسيفه ) , الدول النظاميه مهما كان اللي بيحكمها بيبقى عندها
التزامات و تعهدات دوليه في عملية تأمين الحدود .
.
طب ايه أصعب حاجه
في عملية السلام دي ؟
- أصعب حاجه ان
الصهاينه مش عايزينها ولا الفلسطينيين عايزنها , هي سبوبه و فته عايش على وشها الإتنين
, من هنا بتيجي الصعوبه .
.
طب لما مصر تسعى
بكل جهدها لسلام شامل بين الفلسطينين و اسرائيل تعمل ايه ؟
- تعمل جلسات و
مباحثات مع أبو مازن و بتوع حماس عشان تصالحهم الأول , و بعدين تقعد مع نتنياهو و المباحثات
دي تتكرر .
.
بس انا زعلان من
حكاية ان السيسي يقعد مع نتنياهو دي
- طب حاضر , حقك
علينا , المره الجايه لما نفكر نحيي عملية السلام بين الفلسطينين و اسرائيل هنبقى نقابل
قاده فلسطين و بعدها على طول نقابل امبراطور اليابان أو رئيس وزراء بوركينافاسو .
.............................................................................................................
Mohamed
Hussein
19
سبتمبر 2017·
بينما أنت تلهو
, أو نايم على بطنك عالسرير فاتح التابلت و بتكتب هاشتاجات و عسكر و فاشيه و دولة الزولم
, و بتفتى و تهري في أي حاجه , و أي عيل فايت جنب السرير بيركبك و يسرح بيك .
.
كان جيش مصر بيعمل
ايه بقى ؟ و المخابرات بتعمل ايه ؟ و الخارجيه بتعمل ايه ؟ أضلاع المثلث التلاته ,
في الخطه الشامله المتكامله .
.
- جيش بيحارب الإرهاب
في سينا , الإرهاب المدعوم من دول و دويلات و أكشاك, و أنفاق و أسلحه و مليارات الدولارات
و مسلحين مرتزقه من دول مختلفه.
.
- جيش منع المرتزقه
و الارهابيين و اللي وراهم و اللي قدامهم واللي بيمولهم و يخطط لهم , من انه يرفع علم
جماعة ارهابيه على متر من أرض سينا ( لما كانو خواجات الجزيره جاهزين معاهم بالكاميرات
لعمل فيلم تسجيلي بالصدفه البحته !! ) .
.
- جيش تحمّل مسئولية
تأمين حدود بطول 1200 كيلو مع ليبيا , تأمينها من طرف واحد , 1200 كيلو كلهم صحرا
, و مفيش دوله في الجهه التانيه عشان تعمل التأمين المشترك معاك , و فيه ترسانة أسلحه
ليبيه اتنهبت و نفس الخو* اللي دفع للارهابيين عشان يدخلو من غزه لمصر دفع للارهابيين
التانيين عشان يدخلو من ليبيا لمصر , تأمين حدود بالشكل ده و في الظروف دي , من جهه
واحده وفي وقت طوفان !! و عزة جلال الله كان يكفي لإسقاط دول عظمى و تدمير جيوشها
.
.
- المخابرات المصريه
اشتغلت بهدوء , حتى في قلب ليبيا و في قلب قطاع غزه , جمعت الأدله و البراهين و التسجيلات
و الاعترافات , أخطرت دول خليجيه زي السعوديه و الإمارات و بالأدله ( إن الدور الجاي
للكلب القطري هيكون عليكو يا معلمين ) , فككت مكعبات التحالف ده اللي كانت بتمثل فيه
السعوديه و الامارات غطاء سياسي للخو* القطري , عملت تحالف جديد وبدأت المقاطعه .
.
- الخارجيه المصريه
في نفس الوقت ستّفت أوراقها قدام كل المحافل الدوليه , عارفه ان امريكا و بريطانيا
هما العقل المدبر لكل الارهاب , بس دي دول عظمى لازم تلاعبها بطولة بال , و تتعامل
مع الأمم المتحده و الإتحاد الأوربي و غيره من الكيانات و انت عارف انها مسيسه انما
بتجبرهم على تغيير في الخطاب السياسي , بتكشف الأقنعه .
.
المجهود المشترك
و المتواصل لمدة سنين , بين أضلاع مثلث القوه المصري , الجيش و المخابرات و الخارجيه
وصلتنا للحظه النصر , انت مش بس بتفرض سيطرتك و استقرارك السياسي و الأمني على ربوع
مصر في وقت الطوفان , لا انت كشفت الغطاء عن الخو* القطري , و بالتالي منعت التمويل
,و بالتالي اتلم الإرهابي اللي بيحكم قطاع غزه , و بالتالي قدرت تجمع الفصائل الليبيه
و الجيوش تحت مظلة مصر لتكوين جيش ليبي موحد مع كامل الدعم من جيش مصر العظيم .
.
مصر تنتصر ولا
عزاء للخواجات .
..................................................................................................................
Mohamed
Hussein
18
سبتمبر 2017·
الوحيدين اللي
مش هيتأثرو لما قطر تقع و تشحت عالقهاوي هما المذيعين و المذيعات بتوع قناة الخنزيره
, لأن شغلهم موجود و العقود جاهزه على التوقيع في قنوات الهوتبيرد بتاعة ( نحن بنات
عائلات محترمه ) .
من غير انترفيو
ولا حاجه , السي في بتاعهم زي الفل , و سمعتهم سابقاهم .
...................................................................................................................
Mohamed
Hussein
18
سبتمبر 2017·
بقالي 7 سنين بكتب
عالفيس , أعتقد كتبت 10 ألاف بوست , مفيش بوست فيهم هتلاقي فيه جمله من الجمل دي ,
شاهد قبل الحذف , عاااااجل و شير للأهميه القصوى , مصدر سرّي قالي معلومه خطيره , قريبا
جدا الكشف عن عصابة أجراميه اسمها عصابة nph 756
, محدش يضغط عليا يا جماعه مش هقول المعلومه السريه اللي عندي , انتظرو خلال أيام مفاجأه
مدويه تقلب العالم رأسا على عقب , انهيار حلف الناتو و سقوط سور الصين العظيم يوم سبعه
الساعه سبعه.
.
شوية ( فرقعه
) حلوين , زي الفرقعات الإعلاميه كده , و زي العناوين الفستك اللي مش بيبقى لها أي
علاقه بالمضمون في الصحافه , الفرقعه و الهجص ده بقى بيجيب اللايكات و الفولورز بالكيلو
و الكيله .
.
بس أنا عمري ما
كتبت كده ولا هكتب , عشان بحترم عقول الناس و أدميتهم , و بحترم كمان عقلي و أدميتي
, ممكن تكتب تحليل سياسي و تصيب فيه أو تخطئ , ممكن تقول رأيك و قناعتك و يطلعو مظبوطين
أو مش مظبوطين أوي أو يطلعو غلط تماما .
.
أما انك تتعمد
الفرقعه دي ( اللي مفيش أسهل منها على فكره ) فهقولك أنا بشوفك ازاي , عارف يا مولانا
العيال الإرهابيين اللي كل دورهم في الحياه فبركة تقرير مع صورة مضروبه من اي مكان
في العالم و عنوان فخم من بتوع عسكر السيسي بياكلو دراع العيال الصغيره و بيغتصبو النساء
و الأطفال و السحالي النتايه ؟ .
.
طب عارف كمان العيال
بتوع صورة رداء الرسول و نعل الرسول , و شوف لفظ الجلاله مكتوب على شجره و على بيضه
و شوف الفرخه ام 7 رجول و الجحش أبو راسين و المعزه أم مناخير تلات فتحات , اعمل لايك
و شير و قول سبحان الله ؟.
.
طب عارف بقى البنات
اللي بينزلو صورهم عالفيس كل ساعتين , و مره حته من صدرهم باينه و مره سمانة الرجل
و الخلخال و تقولك أنا ثحلانه عشان محدش بيقولي سباح الخير ؟ وأه ياني سنّتي واجعاني
؟.
.
أهو انت معاليك
ماتفرقشي عن النماذج دي في حاجه , بتمارسو نوع رخيص جدا و مبتذل من الفرقعه و الترويج
و الدعايه لنفسكو , إما لغرض متعمد ( زي الإرهاب و تجهيل الناس ) أو من غير غرض ( لو
كنت بتعاني من إفلاس فكري و مش عارف تكتب كلمتين ), بس للأمانه العلميه هي مش إسمها
دعاية و فرقعه , اسمها الحقيقي دعاره و مرقعه
...............................................................................................................
Mohamed Hussein
17
سبتمبر 2017·
سبحان الله يا
اخي , تعمل حصار على قطر بنت التيت من هنا , تلاقي بعدها مفيش مسئول سوداني طالع بتصريح
من تصريحاتهم العبيطه بتاعة حلايب و شلاتين و مثلثات الجبنه النستو اللي أقدم من أهرامات
الجيزه , و في نفس اللحظه تلاقي حركة حماس مطلّعه بيان و تقول موافقين على المصالحه
و حكومة الوفاق تيجي تستلم قطاع غزه و موافقين على الإنتخابات و موافقين على كل حاجه
و بنشكر مصر و بنحب مصر و هاتي بوسه يا مصر .
..........................................................................................................
Mohamed Hussein
16
سبتمبر 2017·
الأخ رشا العزب
زعلان من حكاية تحية العلم في الجامعه , و شايف ان دي كده تبقى عقلية دولة موسوليني
المعفنه !! .
.
في دولة موسوليني
يا ولاد بيطلبو من طلبة الجامعه انهم يقفو باحترام قدام علم بلدهم ويقولو تحية العلم
دي , أو يقولو النشيد الوطني , يقولو تحيا جمهورية مصر العربيه أو يقولو بلادي بلادي
.
.
العلم ده يا ولاد
في دولة موسوليني اللي بيحييه الظباط و الجنود و اللواءات في جيش مصر العظيم , و النشيد
ده يا ولاد اللي بيقوله المنتخبات المصريه في أي محفل عالمي مع السلام الوطني و يقوله
أعضاء البرلمان , و العلم ده يا ولاد اللي مرفوع على سفارات مصر في كل ركن في العالم
و اللي مات عشانه مئات الألاف من شهداء مصر في حروبها عبر التاريخ , و العلم ده يا
ولاد اللي بيتلف فيه أطهر و أنضف جثمان في الكون , جثمان المقاتل المصري الشهيد , و
العلم ده يا ولاد اللي هو رمز الدوله العظيمه اللي اسمها مصر .
.
بس العلم و تحية
العلم مش عاجبين الأخ رشا العزب .
.
عزيزتي و حبيبتي
و نور عيني مصر , هاتي إيدك كده , أبوسها الف مره , و أقولك , و شبكة العشره دول انا
مانا عارف أعتذر إزاي عن سنه عيشتها في حياتي , سنة الغيبوبه , سنه كنت بعتبر فيها
ان شوية الصيع و الجربانين المعفنين دول لهم لازمه في الحياه , والله مانا عارف اعتذر
و أكفر عن ذنبي ازاي .
.
أما بالنسبه للفاتنه
رشا العزب , عايز أقولك , و انا بكتب البوست قعدت أفكر في تشبيه يليق , أو مهنه تليق
بيكي و بامكانياتك العقليه دي , الحقيقه مالقيتش , حتى المهن الدنيا زي البواب و الخدامه
هي مهن أشرف و أنضف مليون مره من انك تشتغليها , فكرت إني أقولك مثلا : اخرك توطي و
يتحط على ضهرك ( غبيط ) و يتعبى فيه سباخ من الناحيتين , يعني تبقى زي حمار السُخره
, بس والله و الله والله حسيت إني بظلم الحمار و بهينه .
.
الحدوته بتقول
باختصار , لما بتقطع الإيد اللي بتصرف و تموّل , بتلاقي كل حاجه ظبطت لوحدها , سيبو
الرجاله تشتغل
..............................................................................................................
Mohamed Hussein
16
سبتمبر 2016·
الأخ رشا العزب
زعلان من حكاية تحية العلم في الجامعه , و شايف ان دي كده تبقى عقلية دولة موسوليني
المعفنه !! .
.
في دولة موسوليني
يا ولاد بيطلبو من طلبة الجامعه انهم يقفو باحترام قدام علم بلدهم ويقولو تحية العلم
دي , أو يقولو النشيد الوطني , يقولو تحيا جمهورية مصر العربيه أو يقولو بلادي بلادي
.
.
العلم ده يا ولاد
في دولة موسوليني اللي بيحييه الظباط و الجنود و اللواءات في جيش مصر العظيم , و النشيد
ده يا ولاد اللي بيقوله المنتخبات المصريه في أي محفل عالمي مع السلام الوطني و يقوله
أعضاء البرلمان , و العلم ده يا ولاد اللي مرفوع على سفارات مصر في كل ركن في العالم
و اللي مات عشانه مئات الألاف من شهداء مصر في حروبها عبر التاريخ , و العلم ده يا
ولاد اللي بيتلف فيه أطهر و أنضف جثمان في الكون , جثمان المقاتل المصري الشهيد , و
العلم ده يا ولاد اللي هو رمز الدوله العظيمه اللي اسمها مصر .
.
بس العلم و تحية
العلم مش عاجبين الأخ رشا العزب .
.
عزيزتي و حبيبتي
و نور عيني مصر , هاتي إيدك كده , أبوسها الف مره , و أقولك , و شبكة العشره دول انا
مانا عارف أعتذر إزاي عن سنه عيشتها في حياتي , سنة الغيبوبه , سنه كنت بعتبر فيها
ان شوية الصيع و الجربانين المعفنين دول لهم لازمه في الحياه , والله مانا عارف اعتذر
و أكفر عن ذنبي ازاي .
.
أما بالنسبه للفاتنه
رشا العزب , عايز أقولك , و انا بكتب البوست قعدت أفكر في تشبيه يليق , أو مهنه تليق
بيكي و بامكانياتك العقليه دي , الحقيقه مالقيتش , حتى المهن الدنيا زي البواب و الخدامه
هي مهن أشرف و أنضف مليون مره من انك تشتغليها , فكرت إني أقولك مثلا : اخرك توطي و
يتحط على ضهرك ( غبيط ) و يتعبى فيه سباخ من الناحيتين , يعني تبقى زي حمار السُخره
, بس والله و الله والله حسيت إني بظلم الحمار و بهينه ..
..............................................................................................................
Mohamed Hussein
16
سبتمبر 2016·
النقض تؤيد حكم
السجن المؤبد لمرسي في قضية التخابر مع قطر !! .
.
نقول تاني و عاشر
و مليون , زي ما قولنا من أول يوم , عشان اللي عنده طفل يشرح له ببساطه و اللي لها
أخ شاب مراهق تعرف تفّهمه بهدوء
.
1 - اسرائيل هي
العدو الدائم من 90 سنه , بس مش هي العدو الوحيد , ممكن يظهر لك كل فتره أعداء ( حتى
لو مؤقتين ) , على فكره العدو المؤقت ممكن يكون مجرد سكرتير لاسرائيل و بينفذ تعليماتها
, إنما ده ماينفيش عنه صفة إنه أصبح عدو .
.
2- كلمة التخابر
لازم تكون مقرونه بجهة اجنبيه او دوله اجنبيه , مش بالضروره تكون اسرائيل , اسمها التخابر
مع جهه اجنبيه ( و سيب القوس مفتوح لتحديد اسم الجهه أو الدوله ) .
.
3- كل الدول بالنسبالك
اسمها دول اجنبيه , كلها بلا استثناء , ألمانيا السعوديه فرنسا ايطاليا البرازيل جنوب
افريقيا اليابان السودان اليمن , كلها دول اجنبيه .
.
4- التخابر هنا
بتعني التواصل بشكل غير شرعي و بما يضر الأمن القومي لمصر , يعني تهرّب وثائق سرية
لدولة اجنبيه او جهه اجنبيه , توعد بتوطين يهود في جزء من ارض مصر , تعمل على تفكيك
جيش مصر بمساعدة الدوله الاجنبيه دي , تتصرف بموجب انك رئيس دوله و بدون علم و موافقة
الجهات السياديه , يعني بتشتغل مع نفسك و لحساب نفسك أو حساب جماعة معينه بتنتمي لها
.
.
5- التخابر بتعني
خيانة الوطن , عشان محدش يلاعبك بالمصطلحات , التخابر تعني الخيانه , بالنسبه للجماعه
الارهابيه مابيعتبروهاش خيانه لانهم مايعرفوش لا وطن ولا دوله ( دي حقيقه ) , وطنهم
و دينهم و دولتهم هي الكيان الإرهابي ذات نفسه , عشان كده ممكن تلاقيه عادي جدا بيتخابر
مع جهه اجنبيه و هو متوضى و رايح يصلي العصر , الفرق هنا في القناعات .
.
6- فكرة ان عدوك
هو اسرائيل وبس , هي فكره في منتهى الحماقه اللي في الدنيا , و الحكايه لها تشبيه بسيط
, لو انت عايش في حاره , الحاره دي لك فيها عدو دائم اسمه فلان , و انت ليل و نهار
تشرح لولادك ان عدوكم يا ولاد هو فلان ده , وفجأه ييجي ابن عمك اللي في نفس الحاره
يقتل ولادك و يغتصب مراتك و يحاول يحرق بيتك , في اللحظه دي يبقى ابن عمك هو عدوك
, زيه زي فلان بالظبط , ماينفعشي تقول لا مايصحش ده برضه ابن عمي الله يرحمه و الدم
عمره مايكون مايه و عشان خاطر عضم التُربه , دي بقى اللي اسمها الحماقه , و لها إسم
تاني أكتر دقه , اسمها المرقعه .
.
7- بالمناسبه
, شايف الواد شمام المركوب دايما من الخرفان , شايفه و هو بيقرا البوست و بيجهز التعليق
اللزج بتاعه , اللي هو السيسي و ترسيم الحدود , شايفك يا ضنايا و الله , و هعتبرك مريض
في عقلك مش إنك فاهم و بتستعبط ولا حاجه , انما هقولك , زي ما بنشرح للاطفال عادي
, ترسيم الحدود ماتمش في بير سلم ولا في أوضه مقفوله , ترسيم الحدود أخد شهور بمشاركة
خبراء و متخصصين و تحت إشراف كامل من كل الجهات السياديه في الدوله بما فيها الجيش
و المخابرات و الخارجيه و اتفتح فيه حوار مجتمعي و راح للبرلمان و نوّاب الشعب , و
اختيار التوقيت و الإصرار عليه له غرض , إما الغرض اللي اعلنت الدوله عنه و هو الإستفاده
من ثرواتنا في البحر الاحمر , أو لغرض و فايده غير معلنه , برضه فكرة إنك تحاول تسقط
خيانتك على غيرك و تحاول تلوّث اسم السيسي و جهات مصر السياديه و تشكك الناس في كل
اعمدة الدوله , الحكايه دي اسمها الإسقاط , و هي نوع تاني من أنواع المرقعه ( مع كل
احترامي لبعض الشرفاء الوطنيين اللي لهم رأي مختلف من غير مايكونو خونه ولا مركوبين
)
........................................................................................................
Mohamed Hussein
15
سبتمبر 2017·
في السنه الجايه
, انتخابات 2018 بإذن الله , صوتي و حنجرتي كلها و بصمة إيدي لعبدالفتاح السيسي , قولا
واحدا , يعني باصم بالعشره , لو كان له عمر و ليا عمر , و أيا ما يكون اسم المرشحين
المنافسين , تقولي مرشح مدني , تقولي مرشح منفلوطي ؟ ولا بيفرق معايا الهجص ده .
.
يابني مصر دي كبيرة
أوي , و مصر مختلفه أوي , ماينفعشي يحكمها خاين ولا صايع ولا عواطلي ولا حرامي ولا
خمورجي ولا شمام كوله ولا ارهابي , ولا ينفع انت ك ناخب يركبوك بشعارين فارغين و كلمتين
هايفين و بؤ حمضان , ماتخليش حد يركبك .
..................................................................................................
Mohamed Hussein
15
سبتمبر 2017·
شوفت تقرير جميل
أوي , حاجه ممتعه الحقيقه , تقرير بيتكلم عن نقل اليهود الأكراد من اسرائيل لمدينة
الموصل العراقيه , شراء أراضي , أه و عهد الله شراء أراضي , تحت ستار معين , و بمساعدة
الموساد الإسرائيلي , يعني أكشن تاني مره , بنفس السيناريو و نفس الترتيب , تحقيق حلم
الصهاينه من النيل للفرات , بس سكة النيل مقفوله , مقفوله بالضبه و المفتاح يا مولانا
, يبقى نلحق سكة الفرات , نلقط لنا كام حتة أرض و نوطّن كام ألف يهودي في شمال العراق
خصوصا ان ده وقت مناسب جدا .
.
العراق في أضعف
حالاته بعد ماشاف الديموقراطيه الأمريكاني , حلوه الديموقراطيه الأمريكاني يا حاج محمد
؟ و الشرق الأوسط الجديد رسمته اسرائيل بالقلم و المسطره في ساعة عصاري , و هوووب يا
مولانا تلاقي صدام عنده اسلحة دمار شامل , هوووب ندمر الجيش العراقي , هوووب يطلع المخابيل
يهتفو , هووب الجزيره تعلن عن سقوط مطار بغداد ( قبل سقوطه ب 3 ايام ) , هوووب مانلاقيش
حاجه اسمها العراق ولا نعرف مين بيحكمها و مين بينام في حضن مين , هوووب نقول سوري
احنا أسفين يا جماعه , التقارير بتاعة أسلحة الدمار الشامل طلعت فستك يعني بلح we are so
sorry
, هووب نلاقي الوقت النموذجي لتوطين اليهود في شمال العراق , و ابقى سلّم لي على ديموقراطيتك
و ربيعك العربي ياهبل يابن الأهبل .
.
اللي لسه مش عارف
مصر عملت ايه في ال 4 سنين اللي فاتو ؟ و منعت ايه ؟ و الحدوته كانت ايه ورايحه فين
؟ اللي لسه مش عارف حكاية الإرهاب في سينا كان غرضها ايه و مين بيدعمها و ليه الجزيره
و ليه حماس و ليه قطر بنت الوسخه و ليه مليارات تتصرف و ليه طيارات تنضرب ؟ اللي لسه
مش عارف ليه أمريكا كانت مستمتعه أوي ب 25 يناير و ليه أوباما كان بيقول فيها قصائد
مدح و ليه انقلب على مصر بعد 30 يونيو ؟ و ليه لمّ الخرفان حواليه و فتح لهم الكونجرس
و البيت الأبيض ؟ , اللي لسه مش عارف و مش فاهم ييجي يقف في الصف جنب شقيقه في العروبه
اللي فرح بالديموقراطيه الأمريكاني في العراق , صف المخابيل و الحمقى , اللي اخطر على
اوطانهم من الأعداء .
...........................................................................................................
Mohamed Hussein
15
سبتمبر 2017·
لو سمحت
- نعم يا حبيبي
.
أنا حاسس بفراغ
و ملل و حاسس إني وحيد , و مش عارف عايز ايه
- غور ياض من هنا
, اعوذ بالله من غضب الله .
.
لا لا حضرتك فهمتني
غلط , انا بس عايز أشغل نفسي بحاجه و أحس إني ليا لازمه في الحياه .
- أه فهمتك فهمتك
, طب دي سهله خالص , ركّز معايا بس و سيب لي نفسك .
.
مانا سايب لك نفسي
أهو , سايبها خالص , أقرب منك كمان ؟
- ياض انت اخشن
و إلا و عزة جلال الله بالجزمه على دماغ اللي خلفوك , سيب لي نفسك يعني سيب لي دماغك
مش حاجه تانيه .
.
حاضر , اهو , قولي
اعمل ايه
- بص انت تعمل
حساب على تويتر .
.
عندي حساب على
تويتر بس أنا حاسس بفراغ و حاسس اني وحيد .
- اللهم طولك يا
روح , ما علينا , تعمل ايه على تويتر بقى ؟
.
اعمل ايه حضرتك
؟ اللي هتقولي عليه هعمله , أي حاجه هتقولي عليها هعملها , لأني حاسس بفراغ و حاسس
اني وحيد .
- الصبر من عندك
يارب , المهم يابني تدخل على تويتر كل شويه و تهري في أي افتكاسه حمضانه مايقولهاش
عيل عنده 7 سنين .
.
زي ايه حضرتك ؟
علمنى ؟ انا سايب لك نفسي اهو , لأني وحيد
- يعني مثلا تقول
ميزانية الجيش كام و ليه مش بيقولنا عليها , تقول أمير قطر الشاذ عاجبني , تقول هو
ليه سامح شكري مش بيطلّع الأدله اللي تدين قطر بالإرهاب و يذيعها عالهوا بعد نشرة تسعه
, تقول قطر ارهابيه ازاي لما أميرها بيزور ألمانيا .
.
حاضر حاضر , هعمل
كل اللي حضرتك قلت لي عليه , لأني حاسس إني وحيد و مش لاقي حد يدّيني منصب أو يدّيني
وزاره , بس انا لما اعمل كده هلاقي حد يدّيني ؟
- أه طبعا هتلاقي
حد يدّيك , هتلاقي اكتر من حد بيدّيك , المهم انك تكون عندك رغبه صادقه انك تاخد ,
و تصرّ على رغبتك دي .
.
أنا ؟ أنا عايز
أخد , أنا نفسي أخد .
- بس كده تمام
أوي , باقي أخر خطوه .
.
هي ايه الخطوه
دي ؟ قولها بسرعه لأني مستعجل , مش قادر استنى , لأني وحيد .
- انت تروح السجل
المدني و تغير بيانات البطاقه , تكتب الإسم ( حازم عبد العظيم ) و المهنه ( بدوّر على
سبوبه ) و النوع ( حاسس إني وحيد )
..................................................................................................
Mohamed Hussein
15
سبتمبر 2017·
بعد 5000 سنه من
النهارده , يعني بإذن واحد أحد سنة 7017 , اللي هيكون عايش من حضراتكو بقى ( أنا ماعتقدش
اكون عايش وقتها ) هيشوف بعنيه , هيشوف ايه حضرتك ؟ هيشوف بلد فات عليها 1500 رئيس
دوله و زيد و عبيد و محمد و احمد و زداحمد و كاني و ماني و دكان الزلباني , و في نفس
السنه 7017 هيلاقي شوية ناس متجمعين كده وقت العصاري و وقف وسطيهم واحد و قال يا قوم
يا قوم , قالو له نعم , قال لهم عارفين مين سبب مشاكلنا و كوارثنا ؟ قالو له مين ؟
قال لهم عبد الناصر !! عبد الناصر خربها يا قوم , و هو اللي أكل الجبنه , عندي شهود
بالكلام ده و عماد صاحبي مأكّد لي .
.
وقتها بس الناس
هتفهم يعني ايه تكون زعيم , زعيم بمعنى الكلمه , و عامل ثقب أكبر من ثقب الأوزون في
دماغ البهاليل و المخابيل و العواطليه , حتى لو كنت ميت من 5050 سنه .
...............................................................................................................
.
ليست هناك تعليقات:
إرسال تعليق