Mohamed
Hussein
3
أغسطس 2017·
إنت يابني عايز
تبقى كولجي ؟
- أه يا أستاذ
, ده حلم حياتي يا أستاذ
.
طب ليه عايز تبقى
كولجي ؟
- بصراحه يا أستاذ
عايز أقول الكلام الكبير المجعلص اللي بتقولوه , و أبقى مناضل و ثورجي و بطل و اخد
لايكات كتير .
.
تمام يا ابني تمام
, طب شايف نفسك فين بعد 5 سنين لما تبقى كولجي ؟
- شايف نفسي مشهور
و بقول عر* و معر*صين في كل بوست و كل تعليق و جنبها سمايل فيس , و ألاقي لفيف من زمايلي
الكولجيه يعملو لي لايكات عالكلمه العميقه دي .
.
حقك يا ابني ,
عموما هنعملك اختبار سريع قبل ماتنضم لرابطة شمامي الكوله
- بس انا خايف
يا أستاذ , خايف مانجحش
.
لا يا ابني طالما
عندك العزيمه لشم الكوله هتنجح , و على فكره الخوف ده ظاهره صحيه
- ربنا يستر يا
أستاذ , اتفضل انا مع حضرتك
.
السؤال الأول
: لو مصر بعتت جنود لحماية أمنها القومي في دولة حدوديه يبقى ده اسمه ايه ؟
- تبقى مصر بتحول
جنودها لمرتزقه مأجورين يا أستاذ
.
طب لو تركيا بعتت
جنودها لدوله لا حدوديه ولا لها علاقه بأمنها القومي , يبقى اسمها ايه ؟
- اسمها براجماتيه
و دوله بتوسع نفوذها العسكري و هذا مكر و دهاء عظيم
.
السؤال التالت
, لو الجيش الليبي رفض وجود قوات بحريه ايطاليه في المياه الإقليميه ل ليبيا يبقى اسمه
ايه ؟
- اسمه ميليشات
حفتر يا أستاذ .
.
و لو المجلس المعرفشي
ايه في ليبيا طلب وجود قوات بحرية ايطاليه ؟
- يبقى اسمه المجلس
المعرفشي ايه الوطني العظيم اوي يا أستاذ .
.
السؤال الخامس
, أهم و أكبر قاعدتين أمريكيتين موجودين في دول ايه في المنطقه ؟
- في قطر و تركيا
يا أستاذ
.
طب قطر و تركيا
بيمثلو إيه للمنطقه ؟
- بيمثلو الداعم
الرئيسي لثورات الشعوب و التحرر و هيحررو القدس .
.
قدس أمك يا حبيبي
- ميرسي أوي يا
أستاذ , دي أحلى جمله سمعتها في حياتي
.
أستاذ ايه بقى
, دانت اللي أستاذ
- بجد والنبي ؟
يعني نجحت ؟ و هبقى كولجي .
.
نجحت بامتياز
, و اتفضل الهديه كمان .
- ايه الهديه دي
.
علبة كولة الشعله
, حاجه مفتخره , شم بقى و قسّم و سمعني .
......................................................................................................
Mohamed
Hussein
3
أغسطس 2017·
و تضحك بقى لما
تكتشف إن أغلب الرموز و الحبشتكانات الثوريه اللي ظهرت ( و طفحت ) علينا بعد 25 يناير
, أغلبها لما قرر يسافر قام سافر لدولة أو دويله من الأربعه , أمريكا و بريطانيا و
تركيا و قطر , يعني لما تحب تسأل على حد من اللي كنت بتعتبرهم بطل و أيقونه و يقولو
لك سافر ماتقولشي سافر فين في المطلق ؟ قول سافر لأي دوله من الأربعه , و انت مغمض
عينك كده , محدش راح البرازيل و لا ألمانيا ولا فرنسا ولا اليابان .
.
الدول و الدويلات
الأربعه , بيمثلو حلقات السلسله اللي بترعى الإرهاب و تعلفه و تصرف عليه و تأويه ,
الإرهاب ده اللي خرب المنطقه و دمر جيوش و حرق بلدان و اتسبب في قتل و تشريد ملايين
من العرب , يبقى لازم تسأل نفسك سؤال , هي ايه علاقة 25 يناير بمخطط الدول الراعيه
للإرهاب ؟ و هل الرموز و الحبشتكانات دي ظهرت فجأه فعلا و بالصدفه البحته ولا تم اعدادها
ل ( ميقات يومٍ معلوم ) ؟ و بالتالي صبيان المعلمه لما بيحسو بالخطر بيهربو على طول
و يتحامو في بيت المعلمه , ده بالمنطق البسيط .
.
لما فكرت أعمل
الكتاب كانت الحكايه دي هي الدافع الرئيسي , ال سبع سنين , حجم التشويه و اللعب بالمصطلحات
, الحقايق اللي بتتلوي عمدا , و فيه جيل طالع مايعرفش حاجه عن أصعب 7 سنين مرو في تاريخ
مصر الحديث , الجيل ده هياخد معلوماته منين ؟ و هيكوّن فكرته ازاي ؟ و شكل وطنيته هتبقى
ايه ؟ و مفهومه للحريه هيكون ازاي ؟ هيطلع يقول عسكر و فاشيه و لساها ثورة يناير و
الميدان موجود ؟ هيطلع و فاهم ان خليفة المثليين السفاح حرامي البترول هو بطل و عظيم
؟ هيطلع متخيل ان قناة الخنزيره بتاعة حرية و شفافيه و لامؤاخذه مصداقيه ؟ هيطلع فاهم
ان الإرهابيين و كلاب السكك اللي هربو بره مصر و اللي اتفتحت لهم قنوات و جرايد مخصوص
و اتصرف عليهم مليارات عشان ليل و نهار يشتمو في مصر و في جيشها و تاريخها يبقو مناضلين
و ثورجيه و أبطال من وراء البحار ؟ هيطلع متخيل ان العيال الصيع بتوع حقوق الانسان
و الجمعيات الأمريكيه عيال كيوت كده و حلوين أخر حماده ؟ و إن أمريكا و أوروبا قتلو
و شرّدو ملايين العرب بس بيتشحتفو طول الليل على حال حقوق الإنسان في الوطن العربي
؟!! .
.
صح إن الدوله لازم
تتبنى مشروع تعليمي ثقافي فكري تنويري متكامل , في المناهج الدراسيه و الإعلام و اللي
و اللي , إنما احنا كمان علينا دور و ماينفعش نكسّل , و صح ان الكتاب هيكون نقطه في
بحر , مجرد نقطه , بس هو البحر أصلا إيه ؟ غير نقطه و نقطه و نقطه .
..........................................................................................................
Mohamed
Hussein
2
أغسطس 2017·
إضحك مع حريم السلطان
.
صحيفه تركيه من
بتوع خليفة الشواذ بتقول ايه بقى
.
بتقول إن تركيا
أنقذت قطر ب 150 جندي تركي فقط !! .
- والله يامولانا
150 جندي كتير, قطر دي أصلا ماتحتاجشي لإنقاذها اكتر من جوز جنود و عصاية غليه و كلب
لولو صغير و فانوسين شابوره , إنما قولي انتو أنقذتو قطر من ايه بالظبط ؟ هو حد قرّب
جنبها ؟ مصر يا ضنايا كاتمه العطسه من سنين , عشان لو قررت تدير وشها ناحية قطر و تعطس
هتغرّقها أكيد , بس المشكله اننا هنغرق دولتين تلاته جنبها مالهمشي ذنب .
.
و بتقول الصحيفه
التركيه إن تركيا تمكنت من صد هجوم حلف الناتو خلال محاولة الإنقلاب الفاشله في خمس
ساعات
- هههههههههههههه
والله انت حد جميل اخر حماده , يعني محاولة الإنقلاب كانت من حلف الناتو اللي انتو
أعضاء فيه ؟ و اللي كل شويه أردوغان لما يترعب يقول حدودنا هي حدود الناتو ؟ قام حلف
الناتو ده جاب شوية ظباط و طيارين و جنود ( من الجيش التركي ) و خلّاهم ينقلبو على
بقية الجيش التركي و يحتلو العاصمه في ساعتين !! قومتو انتو انقلبتو ( على انقلاب حلف
الناتو ) و رجعتو تركيا المخطوفه في 5 ساعات , ولسه أعضاء في حلف الناتو الشرّاني ده
؟ ماتجيب بوسه مشبك !! .
.
و أجمل حاجه بقى
بتقولها الصحيفه التركيه : (( نستطيع احتلال أوروبا في 3 أيام , و أنه فى حالة خروج
الجيش التركى فى الصباح، فسيتمكن من الوصول إلى قصر بيلفو فى ألمانيا مع حلول صلاة
المغرب، وفى الليلة التالية سيكون فى العاصمة الإيطالية روما ))
- استنى و النبي
و النبي , خلّي الطلعه دي عليا انا , و في الليله الثالثه سوف يكون الجيش التركي وصل
إلى حدود واشنطن و بكين و طوكيو و جوهانسبرج و كفر البدماص , بينما ستتمكن فرقه صغيره
من الجيش التركي من احتلال المجموعه الشمسيه و درب التبّانه , وانت يابني , أيوه انت
, تروح تقفّلي حفلة إليسا و حفلة تامر حسني .
.
هو انا الحقيقه
معنديش شك في امكانيات الجيش التركي ( اللي حلف الناتو بحسب زعم الصحيفه عمل انقلاب
من جواه و احتل العاصمه في ساعتين ) و عارف ان الجيش التركي مش هيستعين بالعاهرات و
الشواذ اللي موجودين في 120 ألف بيت دعاره عندهم , هو مش محتاج يستعين بيهم ( اللي
موجود هيسد ) , لانه لما يفكر يحتل أوروبا هتلاقي عساكره نفسها ماشيه ملط في الشارع
, و بما إن الجندي التركي ماشي ملط في شوارع أوربا يبقى أكيد أكيد هيتعرض لهاكر , زي
اللي اتعرض له تميم بن موزه و معتز مطر , اه هيتعرضو لهاكر في شوارع أوروبا , يعني
هيتهاكو .
......................................................................................................
Mohamed
Hussein
2
أغسطس 2017·
دماغ عبد الفتاح
السيسي
.
امبارح وزير التعليم
طلع في مؤتمر صحفي و اتكلم عن تغيير جذري في منظومة التعليم في مصر , حاجه كده ممكن
نسميها ( ثورة التعليم ) , و رغم أي مخاوف جوايا من أليات التطبيق مثلا , و من حكاية
الثانويه هتبقى على 3 سنين ( نعمه ولا ممكن تتقلب لنقمه و خراب بيوت ) , و من حكاية
اعمال السنه و المشاريع المدرسيه ( العنصر البشري و العواطف ممكن تتدخل هنا ؟ ) , إلا
إني واللي عرفته ان الراجل وزير التعليم شغال عالملف ده من سنتين تلاته , يعني من قبل
مايمسك الوزاره , و معاه فريق عمل متكامل و اكيد كل تساؤل جوانا مر عليه , و لما أنا
سالت أصدقاء من اهل الاختصاص اللي عاملين دراسات و أبحاث عن منظومة التعليم في مصر
, قالو على قرارات الوزير نقطة بنقطه ( علامة صح ) !! .
.
وزير النقل النهارده
بيصرح إنه بيهدف لتحويل السكه الحديد لهيئه اقتصاديه تحقق أرباحا , و طبعا المترو بعد
تحريك سعر التذكره في طريقه انه يكون كيان مربح حتى لو احتاج تحريك كمان مره لسعر التذكره
.
.
الوقود اللي كنا
بندعمه برقم قد كداهو من الموازنه اترفع الدعم من عليه تدريجي , و في طريقه بعد سنه
مثلا إنه يكون معندناش وقود مدعم من ميزانية الدوله ( تقريبا الدعم ده كان بياكل
20 % من الموازنه العامه ) .
.
استرداد أراضي
الدوله المنهوبه , و حل مشكلة العشوائيات , و التصالح على المباني اللي اتسكنت والأراضي
اللي اتزرعت و أنتجت ( إدفع حق الدوله ) .
.
كل الملفات اللي
فوق دي عباره عن مجموعه رائعه من حقول الألغام أو جحور الأفاعي , عبد الفتاح السيسي
سمّى بالله و مد إيده , في ملفات ( عفّنت ) عالفساد جواها , كنا وصلنا إن كل قطاعات
الدوله خسرانه , المترو و السكه الحديد و الكهربا و أراضي الدوله منهوبه ( و لسه ماسبيرو
و غيره ) , و أسعار السلع الحكوميه مابتتحركش لمدة عشرين سنه , و التعليم في الناااااازل
, و اللي حكم مصر 30 سنه كان عايش بطريقة ندلّع الزبون و نهشتكه و نكسب شعبيه وهميه
.
.
هي دي بقى دماغ
عبد الفتاح السيسي , المواجهه , التفوير , هنبني كل حاجه من جديد على نضافه , على حساب
شعبيتي ؟ أه على حساب شعبيتي ايه المشكله .
.
طب هنوصل لإيه
؟ يقيني و قناعتي إننا في 2022 هنوصل للشكل ده , موازنة دوله مفهاش بند اسمه دعم الوقود
( الدعم = صفر ) , مفهاش دعم للكهربا و السكه الحديد و المترو ( هتبقى كيانات مربحه
مش خسرانه ) , بنيه تحتيه و طرق و كباري و أنفاق بطول مصر و عرضها , كيانات صناعيه
و اقتصاديه و مراكز بحث علمي , منظومة تعليم متطوره و ( أدميه ) , جيش قوي متنوع التسليح
, مفيش ملفات ( معفنه ) في الأدراج .
.
عشان كده لازم
نركز جدا في مين رئيس مصر سنة 2022 ؟ الإختيار هنا في منتهى الاهميه , لو مكانشي السيسي
يبقى مين ؟ , ماينفعشي نرجع تاني لسكة ( ندلّع الزبون و نعمل ملفات و نرميها في الدرج
و تعفن و نرجع للدعم والطابونه ) , و ماينفعش نجيب عيل صايع من بتوع ( احنا بنشتري
سلاح ليه ) , اعتقد ان حتى النقطه المقلقه دي عبد الفتاح السيسي ( و أجهزة الدوله السياديه
) مش هيسيبوها للظروف , صح انتخابات و ديموقراطيه و صناديق , لكن مستقبل الاوطان مش
دور كوتشينه بيتلعب على قهوه ( كل الدول الكبيره بتعمل كده على فكره ) , بتجهز أكتر
من بديل , و مش ضروري يكون البديل اللي بيتجهز عسكري , انما ضروري جدا يكون مصري ,
مصري للغايه !! .
..................................................................................................................
Mohamed
Hussein
2
أغسطس 2017·
اتعلمنا و نجحنا
و تفوقنا الحمد لله , مع ان المعاناه كانت هي الصديق المستمر طول الطفوله , الصديق
الصدوق , تذاكر على لمبة جاز او كلوب أو حتى شمعه , و تشوف اللحمه مره كل شهر و يمكن
شهرين , و لو لقيت سرير تنام عليه مابتلاقيش مرتبه , و لو لقيت مرتبه يبقى السرير اتكسر
و اترمى , و غالبا الحكايه بتصفّي على حصيره , الفلوس بناخدها بالتيله , مافتكرش لحد
تالته اعدادي كانت عندي علبة ألوان كامله فيها 6 أقلام كلهم بيلونو , البرجل و المنقله
بستلفهم من بنت عمي , و البرايه بتاعتي هي موس الحلاقه اللي أبويا كان بيحلق بيه دقنه
, بعد مايستخدمه بتاع 17 مره , و أول شنطة جلد شيلتها في حياتي كانت في الثانويه .
.
أحيانا بيجيلي
يقين تام , إن المعاناه هي أهم سبب للنجاح و التفوق , مش العكس زي مالناس فاهمه , يعني
حماده اللي هتوفر له كل طلباته و تعمله اضاءه مخصوص مايله بزاوية ماعرفش كام درجه و
تدوّر له على فيتامينات عشان يا حبة عين مامته مابياكلش كويس , و تشتريه له من كل حاجه
اتنين و تلاته و تديله فلوس من غير حساب و تعمل لون الحيطان بتاعة أوضته كذا عشان ترفع
من حالتة السيكولوجيه و المنفلوطيه , و تدعك له صوابع رجليه و عضله السمانه عشان يذاكر
, عمره ما هيفلح .
.................................................................................................................
Mohamed
Hussein
1
أغسطس 2017·
الإحتياطي النقدي
لمصر تجاوز 36 مليار دولار !! .
.
- قرار التعويم
كان قرار صائب جدا , شر لابد منه , صح أثر كتير على الأسعار و بالتالي أثر على حياتنا
كمواطنين , لكنه أنقذ الدوله و خزينتها و إلا كان زمانا بنتكلم على احتياطي نقدي خمستاشر
ستاشر مليار دولار بالكتير .
.
- الحدوته مكانتشي
بس دخل قليل من العمله الصعبه بعد الضرب المتعمد للسياحه و بعد عودة المصريين من ليبيا
, ولا كانت بس سوق موازيه بيتلم فيها الدولارات و تتخزن خارج البنوك , العمليه دي كانت
معركة من ضمن الحرب الاقتصاديه علينا , الدولارات كانت بتتلم من العاملين في الخارج
, و بتتلم من الناس في مصر بأسعار خرافيه , واللي بيشتري الدولارات دي في النهايه
( يعني البيج بوس ) هو مش شخص هو دوله أو دويله أو كشك , كشك عالخليج معندوش مانع يخسر
خمسه سته مليار دولار ( فرق سعر ) في مقابل انه يوصلّك ك ( مصر ) لمرحلة الإفلاس بالاعتماد
على قاعدة و نظرية إن أرقامك الاقتصاديه زيك زي أي دوله بتبقى معروفه , و ان اقتصادك
و دولاراتك هما أضعف نقطه ممكن تتمسك منها .
.
- اوعى تتخيل في
يوم ان الكائن عضو الجماعه الإرهابيه هو كائن قادر على التفكير و التخطيط , احنا شوفناهم
بعنينا و شوفنا اخر قواهم العقليه , الخروف أخره ينفذ تعليمات مش اكتر .
.
- الدويلات و الأكشاك
و الجماعه الإرهابيه استغلو كمان وقتها شريحة الفاسدين في مصر , و استغلو الناس ضعاف
النفوس , وبقت حكاية لم الدولارات شغلة مئات الألاف من الشعب , الناس كانت بتسحب ودايعها
اللي بالجنيه المصري من البنوك و تشتري بيها دولارات و تخزنها و تتاجر فيها , تخزين
الدولارات مش محتاج مخازن على مساحات شاسعه , , دي حضرتك بتتشال تحت المرتبه عادي أو
في أي درج فاضي ورا البوكسرات مثلا .
.
- كان صعب جدا
و من رابع المستحيلات إنك تعمل رقابه عالموضوع ده , لا من سابع المستحيلات , و إلا
هتكون مضطر تفتش نص مليون شقه بتوع مواطنين عاديين زيي و زيك , وتفضل شهور تشيل في
مراتب و مخدات و تفتح في أدراج .
.
- الخلاصه عايز
أقول , مش كل حاجه ينفع نهري فيها و نعمل خبراء , و احيانا يبقى القرار قدامنا شكله
غريب و مفاجئ و صادم , لكنه جراحه عاجله لابد منها .
...................................................................................................................
Mohamed
Hussein
1
أغسطس 2017·
الدوله ماينفعشي
تنفذ القانون في جزيرة الوراق , عشان الناس هناك غلابه أوي و معدمين يا بيه , يعني
هي ماتجيش كده غير عالغلبان المعدم ؟ .
.
و الدوله ماينفعشي
تنفذ القانون في الزمالك , عشان الناس هناك أغنيا اوي و كلاس يابيه , يعني هي ماتجيش
كده غير عالأغنيا الكلاس ؟ .
.
أنا رأيي بقى إن
الدوله تبطل تعمل مشاريع و تبطل تنفذ القانون و تحلّ الوزارات و الهيئات و الشرطه و
الأجهزه دي , و الحكومه كل يوم الصبح تصحى من النوم تغسل وشها و تدّي لكل مواطن مصروفه
في إيده , يعني ميزانية الدوله تتقسم علينا و ناخدها مصروف يومي , و احنا ناخد الفلوس
و نعمل بيها اللي عايزينه , عايزين نعمل مترو أنفاق ماشي , نعمل مشروع سياحي في جزيره
ماشي , نرصف حته في شارع ماشي , نعمل فاسقيه ماشي , نستورد بالفلوس لبان دكر ماشي
, و نلم من بعض و نعمل المشروع اللي ييجي في دماغنا ولو اختلفنا نفركش الموضوع , و
كل واحد ياخد فلوسه , و لو اتخانقنا بقى و احنا بنقسم الفلوس تاني نروح القسم و نحتكم
لدولة القانون , بس هنروح القسم مانلاقيش حد ( لأننا سرّحنا الشرطه ) و ندور على دولة
القانون مانلاقيهاش , نقوم ندور على عقد عمل و نسافر السعوديه , و نجيب مروحتين و احنا
راجعين , نبيع واحده و نخلي التانيه معانا و نبقى كأننا خدنا المروحه بتاعتنا ببلاش
, اه و عهد الله زي ما بقول لكو كده .
....................................................................................................................
Mohamed
Hussein
31
يوليو 2017·
حبيبي ؟
- نعم
.
حبيييييبي ؟
- نعممممم .
.
بقولك يا حبيبي
.
- قولي .
.
مش ناوي تشتري
لنا فيلا في الساحل الشمالي بقى ؟
- لا يا ستي ,
الساحل فيه قناديل بحر اللي هي الجيلي فيش , و دي مش بتقرص غير الستات الحلوين أوي
و انا خايف عليكي .
.
طب شاليه في العين
السخنه ؟
- لا العين السخنه
عندهم حوت و مش بيعض غير الستات الحلوين أوي و انتي ماتهونيش عليا .
.
طب خلاص هات لنا
شقه في جمصه ؟
- لا جمصه ايه
, دي الناس هناك بتنزل البحر بالجلابيه و اللباس , و ده منظر مش حضاري إطلاقا خصوصا
للستات الحلوين اوي , يعني ماينفعشي تشوفيه .
.
ممممممممم يعني
انت شايف اني حلوه أوي و بتخاف عليا ؟
- أكيد .
.
بجد يا حبيبي ؟
- طبعا يا حياتي
, و استني كده , ايه ده ؟ مش معقوله ؟ انتي خسيتي أوي عن ما شوفتك من ربع ساعه .
.
بجد والنبي ؟ يعني
الدايت بان عليا ؟ .
- إلا بان , دانا
ماعرفتكيش من كتر ما خسيتي .
.
ربنا يخليك ليا
يا حبيبي
- و يخليكي ليا
يا حياتي
.............................
من كتاب ( ترويض
التنين بأي كلمتين حلوين ) .
.....................................................................................................................
Mohamed
Hussein
31
يوليو 2017·
الغرب الكيوت الجميل
بتاع حقوق الإنسان و العصافير الكناريا
.
تخيل كده حضرتك
لو أنا بشتغل حلّاق , اه حلاق , و عملت صالون حلاقه , و كنت كل يوم بشد كرسي واقعد
قدام الصالون , يا ترى عيني هتكون فين ؟ عيني هتكون بالتأكيد على شعر الرجاله اللي
رايحين جايين في الشارع , بلمحهم من بعيد , اللي شعره كبير ده اكيد لازم يحلق , لو
فات عليا و مقالش سلامو عليكو انا اللي هقوله عليكم السلام و بصوت عالي , يمكن يكون
مش واخد باله انه شعره كبر أوي , طب ايه الكابوس اللي ممكن احلم بيه بالليل , بالنسبالي
؟ كحلاق يعني ؟ الكابوس الوحيد اللي هيتكرر معايا إنه تحصل حاجه مجهوله في الدنيا و
الرجاله شعرها يبطّل يكبر , يعني يتوقف عن النمو , الكابوس ده معناه اني باختصار مش
هلاقي أكل انا و عيالي .
.
طب تمام , تخيل
بقى حضرتك إني بصنّع سلاح , و شديت نفس الكرسي و قعدت قدام مصنع السلاح بتاعي , وانا
قاعد في الشارع هبقى عيني على ايه و تفكيري في ايه ؟ أكيد تفكيري في خناقات تحصل بين
الناس , و الخناقه لازمها سلاح ( للطرفين ) و نبيع بقى ونتنغنغ و نجيب هدوم جديده للعيال
و ندلعهم اخر دلع , طب ايه الكابوس اللي ممكن احلم بيه و يتكرر معايا ؟ الكابوس هو
إن الناس تعيش في سلام و أمان و محبه , و الجيران مايتخانقوش مع بعض , عشان ده معناه
ان البضاعه اللي عندي مش هتتباع و إني هفلس و أشحت أنا و عيالي .
.
أصدقائي الأعزاء
, الكلمتين اللي فوق دول لازم تقولوهم لولادكو , عشان مايطلعش جيل مشوه , الدول الغربيه
زمان كانت دول استعماريه بالمفهوم التقليدي للاستعمار ( نهب الثروات و تخريب الدول
بشكل مباشر ) , و لما الدنيا اتطورت بقت تعتمد في استعمارها و خرابها على عبط الدول
( و المواطنين ) في العالم التالت , الدول الاستعماريه القديمه كلها حاليا بتصنع أسلحه
ثقيله و أسلحه متطوره , البضاعه دي هترطرط عندها لو مانشبش حروب و صراعات و خناقات
في أماكن متفرقه من العالم , الكابوس بالنسبالهم إن الدول تحترم جيرانها و تحترم مواطنيها
, و إن المواطنين يحترمو مفهوم الدوله , يعني تبقى الدنيا بيس و أمان , الحكايه دي
تعني إفلاس المصانع و مبيعاتهم من السلاح تكون صفر و بالتالي جزء كبير من دخلهم يختفي
, عشان كده الدول دي هتفضل باستمرار و مدى الحياه حريصه على خلق بؤر توتر و نزاعات
و حروب في كل منطقه في العالم , و خلق جماعات متطرفه داخل الدول نفسها ( قصدي جماعات
اسلاميه و كده ) , اهي مصلحه و سبوبه حلوه , و نبقى بالمره ضامنين لنا نفوذ سياسي و
استراتيجي خصوصا في الشرق الأوسط ( لأهميته ) , و بنعرف نلوي دراع أي حد و نساومه
.
.
أومال ايه حكاية
الجرايد العالميه و حرية الصحافه و المصداقيه و النزاهه و مراكز حقوق الانسان ؟!! مممممممممممم
يا حبيبي كل ده فستك , بلح , محاوله بائسه لتجميل الوجه القبيح و في نفس الوقت ورقه
ضغط عالدول التانيه ( يعني سلاح برضه ) , الورق ورقنا و الدفاتر دفاترنا .
.
السيد الرئيس عبد
الفتاح السيسي , عانينا كتير أوي بسبب جهل جزء كبير مننا بالكلمتين اللي فوق , ماينفعشي
طالب مصري يتخرج من الجامعه و هو فاهم ان كوكب الأرض ده حد جميل أخر حماده (و يُدار
بالحب ), و إن الحكومات الغربيه قلبها قلب خسايه و بتنام تتشحتف طول الليل على حقوق
المواطنين في مغاغه و السنبلاوين و حلب و الموصل , الطلبه لازم تفهم ياريس , مناهج
التعليم لازم تخرّج بني ادم عنده أبجديات العقل و المنطق و يعرف ألف باء سياسه .
............................................................................................................
Mohamed
Hussein
30
يوليو 2017·
خمس ستات و بنات
مش هيوردو على جنه ولا على نار , هيقفو كده في الأوفسايد
.
- البنت اللي تبقى
سايقه عربيتها و يبقى على يمينها جنينه فتلمح بطرف عنيها حاجه سوده صغيره جنب شجره
في الجنينه , تفتكرها فار , تقوم دايسه فرامل فجأه في نص الطريق , و نرشق احنا بقى
.
.
- الست اللي تدخل
تعمل أكاونت عالفيس فتسمّيه , قلبي لزوجي , روحي لأحمد , عيوني لسعيد , كليتي الشمال
لابراهيم , مناخيري لعويس .
.
- البنت اللي طول
النهار عالفيس تتكلم عن البرج بتاعها , احذر من غضب أنثى الدلو , الرجال لا يجيدون
التعامل مع أنثى الدلو , أجمل الصفات تجتمع في أنثى الدلو , العالم يقف احتراما أمام
أنثى لدلو , الإتحاد السوفيتي انهار و الأوزون اتخرم بسبب صرخات امرأه من برج الدلو
.
.
الست اللي كل ما
تكتب بوست تكتب في نهايته ( و هما عارفين نفسهم كويس ) , و لو عطست عطسه على صفحتها
او كحت مرتين هتكتب جنبهم , مقصوده , موجهه .
.
البنت اللي يبقى
لسه الصابون و الرابسو على ايديها و منقوعه بقالها ساعتين قدام الغساله و طشت الغسيل
و أمها ماسكالها الشبشب , و تدخل تكتب على صفحتها , يشرب موكا في كوستا كوفي , يشعر
بالروعه و الإسترخاء .
.........................................................................................................
Mohamed
Hussein
30
يوليو 2017·
الرجاله مابتقعشي
في الفخ
.
اجتماع التحالف
الرباعي العربي في المنامه انتهى , دول التحالف أصرت على المطالب ال 13 , و كل شويه
هتلاقي مسئول أو وزير في دوله من الدول الأربعه يطلع بخبر عن الشاذ تميم و دعمه للإرهاب
و علاقاته المشبوهه بقوى الشر و ملياراته اللي بيصرفها في أوروبا و أمريكا لتلميع الوجه
القبيح .
.
مش مهم حضرتك تثق
في الدول الخليجيه التلاته اللي في التحالف , انا شخصيا بثق تماما في القياده المصريه
, و عارف إن مصر هي اللي بتدير الملف ده , اللي بيحصل هو تسوية الشاذ القطري على نار
هاديه , و القرارات بتبقى تصاعديه , من غير صدام , و الصدام هنا مش معناه صدام مع الكشك
اللي عالخليج ( لأنه صفر عالشمال ) , الصدام هنا معناه الوقوع في الفخ , الفخ اللي
كاتبه نفس الشيطان كاتب السيناريو اللي شغال من 2010 , و الصفحه الحاليه من السيناريو
بتتكلم عن صدام و حرب إقليميه يشارك فيها مصر و السعوديه و الإمارات من جهه و تركيا
و إيران من جهه , و الغرض منها هو تقسيم السعوديه و في نفس الوقت معركة تكسير عظام
بين ال 3 جيوش القويه اللي في المنطقه ( مصر و تركيا و إيران ) و طبعا معروف مين المستفيد
, بس احنا مابنقعشي في الفخ .
.
كاتب السيناريو
في يناير 2011 مكانشي بيتكلم عن ربيع عربي ولا ربيع ياسين , اللي حضرتك تم استدراجك
فيه هو إزاحة مبارك عشان الجماعه الإرهابيه تحكم مصر , يعني إزاحة مبارك كانت مجرد
الطعم اللي شكله حلو , الرجاله بقى اللي مابيقعوش في الفخ سابو الشعب يزيح مبارك فعلا
عشان مكانشي ينفع مبارك و حاشيته يستمرو أكتر من كده ولا ينفع التوريث ولا الهبل ده
( خدنا الجزء الحلو في السيناريو , بلعنا الطعم بمزاجنا ) و نفس الرجاله سمحو لنفس
الشعب مايقعشي في الفخ بتاع إن الجماعه الإرهابيه تحكم مصر ( يعني تجنبنا الجزء الشيطاني
, ماشبكناش في السناره ) .
.
ده بالظبط اللي
بيحصل في الملف القطري , كاتب السيناريو عارف ان قطر بقت كارت محروق فقام راميها لنا
( عشان تبقى الطعم ) بس عايز يجرك لحرب اقليميه ( السناره ) انت من مصلحتك ان قطر تتحرق
و شطارتك بقى انك تحرقها من غير ما تقع في الفخ ( يعني من غير ما تشبك في السناره
)
.
و كل مره كده
, تسيب الشيطان يقرقض ضوافره و يشد في شعره و يقطع الورق اللي بيكتب فيه من عشره خمستاشر
سنه بسبب طريقة تفكيرك , يابني البلد دي فيها رجاله عارفين كويس أوي هما بيعملو ايه
, مصر مابيحكمهاش خمس ست عيال صيع شعرهم منكوش قاعدين على قهوه من قهاوي وسط البلد
.
.............................................................................................................
Mohamed
Hussein
30
يوليو 2017·
الصديق العزيز
الأستاذ خلف خلف خلاف اللي مش محامي !! .
.
في مناقشه مستفيضه
مع صديق عزيز قدر إنه يجمع على صفحته بين متناقضين بمنتهى البراعه , صوره للملك فاروق
و صوره لعبد الفتاح السيسي !! , عملتها إزاي دي يا جدع ؟ دانت سبحان من أبدعك و الله
.
.
و في النقاش و
الحوار , كانت المحصله كالتالي , ماهي أفة حارتنا في حاجتين , إنك مضطر تشرح الأبجديات
و تحاول تجيب كلام من هنا و كلام من هناك عشان تقنع شخص مثلا إن الفرخه بتبيض و إن
الديب من الحيوانات أكلة اللحوم يعني مابياكلش جرجير ولا خس , و ثانيا إننا عندنا قدره
عجيبه على الهري حتى في الحاجه اللي مانسمعشي عنها غير في الأفلام و الكتب المضروبه
بالجزمه .
.
نقطتين بس جاوبت
عليهم في النقاش مع صديقي خلف خلف خلاف اللي مش محامي , و في التالته انسحبت عشان أحافظ
على المراره و السلام النفسي و الإجتماعي و السلام الجمهوري قصدي السلام الملكي !!
.
.
الأولى , إن زراعة
القطن في مصر اتدمرت بعد ثورة 23 يوليو !! أه و عهد الله قالها كده , و إن ألاف الأفدنه
اللي كان جلاله الملك بيديها لمحاسيبه والصيع بتوعه كانت للحفاظ على رقعه زراعيه كبيره
و ( حته واحده ) عشان نعرف نحافظ على زراعه القطن بقى !! , و اعتقادي أنا و يقيني إن
صديقي الغالي كل اللي يعرفه عن القطن هو اللي بيشوفه في المخدات أو يعرف مثلا إن (
القطنه مابتكدبش ) , إنما مش عارف زراعه قطن ايه اللي اتدمرت سنه 52 دي ؟ أومال اللي
كنت بزرعه وأقلعه و أنقّيه من الدوده و أجمعه سنه 90 ده كان ايه ؟ فدان الأرض اللي
كانو أهالينا بيستغلو محصوله كل سنه لجواز حد من ولادهم او لبنى بيت كان تبع مين ؟
قطن ايه اللي تتدمر زراعته لما ال 10 ألاف فدان يتقسمو على 10 ألاف فلاح , بدل مايبقو
بيشتغلو كلافين عند مولانا الباشا الصايع بتاع الملك ؟ تعرف ايه عن زراعة القطن يا
ضنايا ؟ اللي اعرفه انا عن القطن ممكن أعمله في كتاب كبير منفصل , لان زراعه القطن
مكانتشي مجرد زرعه , دي كارنافال متكامل , و في أخر صفحه في الكتاب هلعن جدود أبو فلان
الفلاني و يوسف والي و تحديدا في نهاية التسعينات مش سنة 52 يا أستاذ خلف .
.
و التانيه , ان
مصر أيام أم جلالة الملك كانت بتقرض الدول التانيه , و عملتها تساوي كذا , والله مانا
عارف أقولهالك ازاي , انا شرحت و كتبت لحد ايدي ما وجعتني , لو فيه راجل متجوز و مخلف
100 عيل , و مسرّحهم كلهم يشتغلو في الأراضي , حافيين , لا أكل ولا شرب ولا دوا ( ولا
شبشب في رجليهم ) , وبياخد المحصول اللي بيزرعوه يصدره و مابيستوردش حاجه ولا بيصرف
عليهم عشان الحافيين الجعانين لازم يعيشو العيشه الزباله دي , يعني 100 عيل فيهم
98 عيل بينتجو و بيتفحتو و بس , و عيلين يلبّسهم نضيف و يصورهم و ينزل صورتهم في الكاريته
!! ايه رأيك بقى , الراجل ده هيكون معاه فلوس كتير و عمله قويه و صورة كاريته حلوه
بس عنده شعب ميت , شعب مايسمعشي حتى عن خط الفقر ..... يارب تكون فهمت يا أستاذ خلف
.
.
الحاجه اللي ماقدرتش
أجاوب عليها و خلّتني أنسحب من النقاش , هي ببساطه شديده , رأي صديقي العزيز , إن الإنجليز
كانو بيكرهو الإخوان و بيكرهو الملك , عشان كده هما السبب في اللي حصل للملك وفي اللي
بيحصل للإخوان !! هع هع هع , و عهد الله ماعندي رد تاني غير هع هع هع ( تلاته هع ماينقصوش
هع واحده ) .
.......................................................................................................................
Mohamed
Hussein
29
يوليو 2017·
قولي لي يا ساره
يا بنتي
- نعم يا بابا
.
.
إنتي ليه متمسكه
أوي ب سي حازم بتاعك ده ؟
- هو سبب واحد
يا بابا مخليني متمسكه بيه .
.
سبب ايه ؟ ده لا
غني ولا عنده شقه ولا حيلته حاجه .
- السبب بصراحه
إنه قالي و وعدني يفضل وفي ليا طول العمر و يستحملني مهما عملت و مهما حصل منّي , و
مهما رخّمت و مهما حرقت الأكل , حتى لو ولّعت له في الشقه .
.
مممممممم هو حازم
أهلاوي ولا زملكاوي يا ساره ؟
- زملكاوي يا بابا
.
.
صدّقيه يا بنتي
, و اوعي تفرطي فيه .
....................................................................................................................
Mohamed
Hussein
29
يوليو 2017·
قول خرفان الجماعه
الإرهابيه و ماتقولشي الفلسطينيين .
.
- لما مجموعه من
الشباب الفلسطيني يهتفو ضد مصر و السيسي قدام المسجد الأقصى فالحقيقه ده مش شعب فلسطين
ولا حاجه , و بالتالي مش من حقنا نرد الشتيمه بشتيمه زيها و نقول الشعب الفلسطيني كذا
, ماهو لما بنفهم مابنخلطش الأوراق و بنرتاح , و الحدوته ببساطه بتقول :
.
- قدام المسجد
الأقصى هتلاقي مجموعه من الخرفان الحمساويين ( اللي هما أعضاء في التنظيم الإرهابي
الدولي ) , دي فرصه هايله عشان يشتمو مصر و السيسي , ماتقولشي انهم شباب فلسطيني ,
اسمهم خرفان حماس , سمّي الأشياء بمسمياتها .
.
- لما مسئول مصري
بيسافر أي دوله أوروبيه , إيطاليا مثلا , بتظهر مجموعه تانيه من نفس التنظيم الإرهابي
الدولي و تقوم المجموعه دي من القطيع بترديد الهتافات ضد مصر و السيسي و المسئول المصري
( ومحاولة الإعتداء عليه ) , مابنقولشي وقتها المواطن المصري الإيطالي ولا المواطن
الأردني الإيطالي عمل كذا , لا اسمه الخروف الضاني اللي عايش في ايطاليا .
.
- في مساجد أمريكا
بيطلع الخطباء , اللي أغلبهم خرفان , يعني اعضاء في الجماعه الإرهابيه ( و أيا ما تكون
جنسيتهم ) , يطلعو عالمنبر و يشتمو مصر و جيشها و السيسي , برضه ماسمهوش خطيب جزائري
أمريكي ولا خطيب ليبي أمريكي , اسمه خروف ضاني عايش في أمريكا و بيأدي نفس الدور ,
دور القطيع , لقب قطيع ده أصلا مابيجيش بالساهل .
.
و هي دي كل الحدوته
, تنظيم إرهابي دولي , أعضاؤه اسمهم الخرفان , و الخرفان لما يتجمعو مع بعض يبقى اسمهم
القطيع , و القطيع ده في أي دوله بيقوم بنفس الدور , بمجرد ضغطة زرار , ولّا انت حضرتك
فاهم إن جدران و بوابات وأسوار مصر كلها من شرقها لغربها اللي صحينا من النوم في يوم
من الأيام لقينا مكتوب عليها نفس الجمله القذره في حق عبد الفتاح السيسي , فاهم ان
الحكايه دي حصلت بالصدفه ؟ ولا حصلت عشان أعضاء الجماعه الارهابيه مفكرين و عظماء ؟
لا خالص , حصلت عشان انت في النهايه بتتعامل مع مجرد قطيع من الخرفان بينفذ تعليمات
الخروف الأعظم .
...............................................................................................................
Mohamed
Hussein
29
يوليو 2017·
ألو , مساء الخير
, الإعلامي الكبير الخطير الأستاذ معتز مطر؟
- أيوه يافندم
, أنا الإعلامي الكبير الخطير الأستاذ معتز مطر .
.
طب و الله كنت
عايز أسأل حضرتك عن حاجه كده ؟
- اتفضل طبعا
.
.
هي ايه حكاية الصفه
اللي اتكتبت قبل اسمك في صفحة الفيس , العر* , هل هي حقيقيه ؟
- لا خالص خالص
, مستحيل طبعا , ده الحساب بتاعي إتهاك , أنا أصلا عشان إعلامي كبير و مشهور فتلاقيني
على طول بتهاك .
.
ممممممممممم والله
كده حضرتك حيرتني .
- حيرتك ازاي بس
؟ .
.
مش عارف أسمع كلام
الفيس بوك و أصدق إنك (عر* ) و لا أسمع كلامك انت شخصيا و أصدق إنك بتتهاك ؟!
.............................................................................................................
Mohamed
Hussein
29
يوليو 2017·
من أهم المشاهد
الهزليه اللي حصلت بعد 2011 , إنك تلاقي مثلا خمسه سته مجتمعين في قناة فضائيه مصريه
و برنامج توك شو , بيتكلمو لمدة ساعتين تلاته عن اهم الطرق و الأليات و الأطروحات لمستقبل
مصر , و نظام الحكم يبقى إزاي ؟ برلماني ولا رئاسي ولا نص برلماني و نص رئاسي ( و نص
بسطرمه ) ؟! .
.
و تفوت الأيام
و السنين و تكتشف بعدها إن الخمسه سته اللي كانو مجتمعين وبيحددو مستقبل و خريطة مصر
( أعظم دوله في الكون ) كانو عباره عن واحد إرهابي خاين و واحد صايع بياخد تمويل أمريكي
( يعني خاين برضه ) و واحد حرامي ملفات و ولّاعات و واحد كان بيكتب على صفحته انضربت
بالخرطوش و إلحقوني ( و هو سكران طينه مع حبيبته في شقه مفروشه ) و واحد أخره يشتغل
حلّاق حمير .
.
المشهد الهزلي
الكوميدي التراجيدي المأسوي ده كان بيتكرر قدام عنينا كتير , تجميعه رائعه و بديعه
من الصيع و الخونه و العواطليه و حلاقين الحمير , عشان كده هفضل دايما أبصم بالعشره
إن ثورة 30 يونيو هي اعظم ثوره في تاريخ مصر الحديث .
............................................................................................................................
Mohamed
Hussein
28
يوليو 2017·
طارق قابيل وزير
الصناعه : 1300 مشروع صناعي في 6 شهور بتكلفه استثمارية 23 مليار جنيه .
.
ده بالنسبه للعيال
اللي ماشيه بلبانه اسمها : نهتم بالصناعه , لازم نهتم بالصناعه , عايزين نهتم بالصناعه
, المفروض نهتم بالصناعه , و امتى بقى هنهتم بالصناعه !! , دي مجموعة مصانع حصلت على
موافقات و تراخيص في أخر 6 شهور بس , المصانع دي هتوفر 81 ألف فرصه عمل .
.
طب الحدوته بتقول
ايه ؟
الحدوته بتقول
إن الصناعه يلزمها بنيه تحتيه , شبكة طرق و كباري , توفير مصادر الطاقه ( كهربا و بترول
و غاز ) , و ده اللي عملته مصر و عمله السيسي في السنتين اللي فاتو .
.
مكانشي ينفع تركز
في مصانع و انت معندكشي الطرق اللي تستحمل نقل بضاعه و مواد خام , زمن النقل ( بالجمال
) انتهى و الله .
.
مكانشي ينفع تركز
في مصانع و انت معندكشي مصادر الطاقه اللي تشغّل المصنع , المصانع سيادتك مش بتشتغل
بشمعه و لا بلمبة جاز و لا بتشتغل ببركة دعا الوالدين .
.
ده الفرق بين إدارة
الدوله و إدارة الطابونه , عشان توصل للمربع رقم 5 لازم تعدّي عالمربعات رقم 1 و رقم
2 و رقم 3 و رقم 4 , انما المشكله إن اللي بيقعد يفتي و يهري عالفيس مابيكونشي عنده
أي فكره عن إدارة كشك سجاير حتى , و يقولك احنا نعمل المصنع و مش مهم أي حاجه تانيه
, أه حاضر حاضر , احنا نعمل مصنع و نجيب حصيرة ننام عليها و نحط شمعه جنبنا و نربط
الجمل قدام المصنع عشان نبقى ننقل عليه البضاعه .
.......................................................................................................................
Mohamed
Hussein
28
يوليو 2017·
بحلم
.
لما ربنا يسهل
و مرحلة الطوفان دي تخلص و أحسّ كمواطن مصري إني متطمن على بلدي , لما الإرهابيين و
كلاب السكك يكنّو أو يتفرمو , و لما أمريكا و بريطانيا يلمّو تعابينهم من المنطقه
, و لما الكولجيه يلاقو ناس و قيادات حزبيه تعالجهم من شم الكوله و تنضّف دماغهم اللي
بقت عامله زي حمامات رمسيس العمومي , و تعمل بيهم أحزاب سياسيه حقيقيه
.
بحلم بعدها إني
أروح أبني بيت صغير في قلب الصحرا بعيد عن الزحمه و الهيصه و الوش , يكون حواليه سور
و قدامه حتة أرض حلوه , أزرعها فاكهه و خضار و ورد , و أعمل جنب البيت عشه طيور , على
كل شكل و لون , و جنبها قنايه مايه أربّي فيها سمك و أصطاده لما يكبر , و فوق البيت
أعمل بنّية حمام ( الفلاح اللي جوايا دايما بينتصر ) .
.
و مش عايز أي حاجه
لها علاقه بالتكنولوجيا الحديثه , لا لابتوب ولا موبايل ولا نت ولا راوتر , عايز تليفزيون
بس و يكون بيجيب قناه واحده و القناه دي بتشتغل وقت برنامج واحد , اللي هو برنامج الأستاذ
وائل الإبراشي , عشان كل يوم بعد ماكون راعيت الأرض و الزرع و أكّلت الطيور و الحمام
و اصطادت سمك أفتح التليفزيون 5 دقايق , أشوف الأستاذ وائل الإبراشي و هو بيهري و يعجن
في أي حاجه و بيطلّع دخانه من ودانه أقوم أبتسم و أضحك و أحمد ربنا بقى عالقرار بتاعي
و ماحسش بأي ندم .
...............................................................................................................
ليست هناك تعليقات:
إرسال تعليق