. Mohamed Hussein
17
أغسطس 2017·
في حادث الدهس
في مدينة برشلونه الأسبانيه , الشرطه الأسبانيه صرّحت فورا إن حادث الدهس ده عمل إرهابي
!! رغم إنهم مامسكوش السواق اللي عمل كده ولا حققو معاه ولا يعرفو خلقته , و مع إن
الأقرب للمنطق إنه يكون سواق مسطول او سكران أو ضارب مجموعة براشيم مختلفه و إزازتين
توسيفان أو مختل عقليا أو مراته معكننه عليه بسبب دخلة المدارس او مخنوق لأن حماته
عايشه معاهم و هي تخينة أوي و الشقه ضيقه , إنما لا , عندهم الحكاية دي تبقى حادث إرهابي
, أه هو إرهابي .
و عندنا يابيه
يبقى الراجل شايل 2 أر بي جي على كتافه و حته كلاشينكوف و كام طبنجه في جيبة و لابس
حزام ناسف و رايح برجليه لحد وحدة جيش او كمين شرطه و هو في كامل قواه العقليه و نقولهم
ده إرهابي , يقولك عرفت منين إنه إرهابي ؟!! انت بتشم على ضهر إيدك ؟ ده حتى مش باين
عليه خالص إنه إرهابي , مش جايز يكون معارض كيوت ؟ مش جايز ماتعلمش كويس ؟ , مش جايز
مخنوق من قرارت عبد الناصر اللي كانت من سبعين سنه أو واخد على خاطرة من شجرة الدر
؟ مش جايز خلص الدبلوم و كان حلم حياته يطلع طيار بس الحكومه بنت التيت ماحققتش حلمه
؟ مش جايز ظابط شرطه شخط فيه من 11 سنه وقاله هات رخصك ياض ؟ و تكون الحكايه دي سابت
جواه رواسب نفسيه و سيكولوجيه ؟ مش جايز في يوم من الأيام كان مسافر الصعيد و مالحقش
القطر و اضطر يركب ميكروباص ؟ مش جايز يكون ضحية للمجتمع و الحكومه و النظام و الهكسوس
و المماليك و مجموعة الكومنولث ؟
.....................................................................................................................
Mohamed
Hussein
17
أغسطس 2017 ·
هاتو بقى قرطاس
فيشار كبير و شوية لب و ترمس و فزدق و لزدق عشان نتسلى كلنا
.
بيقولك يا سيدي
ايه ؟ اللهم صل وسلم وبارك على سيدنا النبي , ليلة امبارح خير اللهم اجعله خير , عيل
ارهابي كيوت حاول يتسلل من قطاع غزه لسينا , قامت قوات الأمن التابعه لحماس منعته
, أه و عهد الله زي مابقولك كده , قام الواد مفجر نفسه بحزام ناسف و مات , و فيه واحد
كمان مات واتنين اتعورو و عيل جاله اسهال و خد حبايتين انتوسيد و بقى كويس .
.
قامت حركة حماس
أصدرت بيان بالحكايه دي و انها اللهم صل على سيدنا النبي منعت محاولة داعشي ارهابي
من التسلل لسينا , و هييييييح , اه و عهد الله هييييييح
.
قام تنظيم داعش
أصدر بيان بيأكد فيه بيان حركة حماس , هييييح برضه , و بيقول ان احد عناصرها مات ,
و بيقول نفس البيان حاجتين عكس بعض , ان العمليه جاءت ردا على منع حركة حماس للتنظيم
و السلفيين و الجهادين في قطاع غزه و هدم مساجد تنظيم داعش في القطاع ( انا ماسك لساني
عشان لو بدأت في قصيدة أحا مش هنهيها على خير ) , و في نفس أم البيان بيقول ان العنصر
بتاعها اللي مات كان رايح سينا عشان ينضم لزمايله في الجهاد , ماترسو على بر يا ولاد
الكلب , هي عملية ضد حركة حماس اللي هدت جوامع داعش ولا هو الواد كان رايح سينا ؟!
.
عزيزتي حركة حماس
, بعد السلامو عليكو
- الواد ابن موزه
بقى بيكح تراب و جاب الأتراك و الامريكان والإيرانيين و لامم كلاب السكك عشان يحموه
, و مش عارف يلم فلوسه اللي بعترها اخر 10 سنين , يعني بيسلّم نمر و بيجيب جاز و بالتالي
حنفية الفلوس اتقفلت , دي قصة مفروغ منها , و مصر فاض بيها الكيل بسببكو أخر كام سنه
, دي برضه قصة مفروغ منها , عشان كده عايز أقولكو , إن محاولة تجميل الوجه القبيح محتاجه
مجهود أكبر , مش أفلام ساقطه ابتدائيه , حاولو تجتهدو شوية في فبركة أفلام و قصص و
حواديت , استعينو بالصهاينه في الفبركه أو بمذيعين الجزيره , أدائكو مش عاجبني خالص
.
.........................................................................................................
Mohamed
Hussein
16
أغسطس 2017·
تتفرج مثلا على
تقارير ال BBC تلاقي حاجه جميله أوي أخر حماده
.
المراسل لو بيتكلم
عن حرب مصر ضد الإرهاب يقول الأجهزه الأمنيه المصريه في مواجهه مع الجماعات المعارضه
المسلحه !! .
لما يتكلم عن اللي
بيحصل في ليبيا , يقول الأجهزه الامنيه في مواجهه مع جماعات مسلّحه
.
هنا ييجي على بالك
سؤال بسيط أوي , يسأله حتى أي عيل في ساتّه ابتدائي , أو بلاش نخليه سؤال , نخلّيه
حوار , ممكن نجيب ( المزه ) اللي شغاله مراسل لل بي بي سي من شعرها كده و نسألها بنفسنا
.
قولي لي يا مزه
- نعم يافندم
.
انتي بتشتغلي ايه
؟
- بشتغل مراسله
للبي بي سي , اعلاميه يعني و عندي حصانه و حرية الإعلام و كده .
.
لا انتي بتشتغلي
في الدعاره .
- لا مستحيل ,
كله إلا الشرف , دعارة ايه ؟ دانا حتى لابسه كويس اهو
.
يا كتكوته الدعاره
مش لحم عريان و ست نايمه على سرير
- أومال ايه الدعاره
؟
.
الدعاره الحقيقيه
إنك تلوي الحقايق و تلعبي بالمصطلحات و تبقى بوشين و تساعدي في خراب الأوطان و الدول
و قتل الأبرياء و تقبضي فلوس على كده , و هثبت لك انك بتشتغلي في الدعاره
- طب اثبت لي
.
قولي لي بقي ,
من وحي التقرير الجميل المفتكس بتاعك
- نعم حضرتك
.
هو فيه حاجه اسمها
جماعات مسلحه ؟ او مجموعات مسلحه ؟ المصطلح ده موجود عندكو في أوروبا ؟
- يعني ايه مش
فاهمه ؟
.
يعني ده اختيار
موجود عند المواطن أو مجموعة المواطنين في مفهوم الدوله ؟ نقول مثلا , مجموعة مواطنين
شايلين شنط ورايحين الجامعه , مجموعه مواطنين شايلين ورد ورايحين يقابلو الجيرل فريند
, مجموعه مواطنين شايلين سلاح ورايحين يحاربو الدوله ؟ ولا حكاية شيل السلاح دي من
حق الأجهزه الامنيه ( جيش و شرطه ) وبس ؟
- حقيقي مش فاهمه
.
.
هبسّطهالك , يعني
لو الشرطه في دولة أوروبيه بتطارد مجموعه شايله سلاح بتقولو انها بتواجه مجموعات مسلحه
؟ ولا بتقولو انها بتواجه عصابات اجراميه ارهابيه ؟!! .
- بصراحه مش لاقيه
رد
.
طب تمام , نسأل
السؤال التاني بقى , هو فيه حاجه اسمها الأجهزه الأمنيه بتقول كذا و لم يتسنّى لنا
سماع رأي الجماعات المسلحه ؟ يعني عندكو بتكدّبو الأجهزة الأمنيه و بتبقو محتاجين تأكيد
من العصابات الإجراميه ؟ ولا حكاية ( لم يتسنى ) دي معموله لنا احنا بس ؟ .
- ممممممممم حقيقي
مش لاقيه رد .
.
طبيعي ماتلاقيش
رد
- ليه طبيعي ؟
.
مانا قلت لك ,
عشان انتي بتشتغلي في الدعاره و ده أكل عيشك .
...................................................................................................................
Mohamed
Hussein
16
أغسطس 2017·
حقايق لا ينكرها
إلا الأغنام
.
- الإرهابي عبد
الرحمن عز متهم بالقتل , اتهام رسمي , قتل و تحريض على الإرهاب , مصر بعتت مذكره للانتربول
لتوقيفه , اتقبض عليه في ألمانيا بموجب مذكرة التوقيف دي , و اتحقق معاه شويه و بعدين
سابوه عشان معاه جواز سفر بريطاني !! , مش عارف سابوه يروّح لوحده ولا بعتو معاه وزير
خارجية ألمانيا يوصله لحد البيت .......... أومال فين الإنتربول و التعاون الدولي ؟
ابقى تعالى و انا أقولك فين .
.
- عمر البشير صدر
ضده قرار توقيف من محكمة دوليه , سافر عمر البشير من فتره لجنوب أفريقيا , و هناك فيه
قاضي أصدر أمر باعتقاله بموجب مذكرة التوقيف , و هوووب بقى عمر البشير في خبر كان
, في اللحظه دي ظهر السفير الأمريكي و قابل البشير و البشير خد عصايته و رجع السودان
!! , .....أومال فين بقى القانون الدولي و المحكمه الدوليه و الانتربول و الإنترفاكس
و الإنتركم ؟ ابقى تعالى برضه و انا أقولك فين .
.
- جامعة هارفارد
جامعه عريقه طويله عريضه و بتمشي عالحيط , و في نفس الوقت ممكن تقدم منحه دراسية لواحد
ارهابي صايع ملوش أي تلاتين لازمه و أخره كان يشتغل كاشير في محل قماش , طب فين بقى
المعايير و التقييم و الاختبارات اللي ماتخرش المايه ؟ مممممممممممم يابني مانا قلت
لك لما تيجي هقولك فين .
.
- جامعة كامبريدج
جامعه عريقة و برضه بتمشي عالحيط , رفضت التعاون في التحقيق بتاع مقتل الشاب الإيطالي
الأمور الكيوت ( ريجيني ولا تغديني ) , اللي الأنطاع في مصر اعتبروه علينا شهيد ,
, اومال فين السمعه و المصداقيه و الشفافيه و البطاطس المقليه ؟ تاني هتسأل نفس السؤال
؟ .
.
-
هو انا عايز أقول
لحضرتك ايه بقى ؟ عايز أقولك في مفاهيمك الدوليه لازم تحط قاعدتين ثابتين , اوعى تنساهم
ابدا
1- مفيش حاجه اسمها
في المطلق منظمات دوليه و شفافيه و مصداقيه في العالم , يا صديقي هذا العالم ألعن بكثير
مما تتخيل , كل المنظمات مسيسه بشكل ما أو في توقيت ما , المخابرات البريطانيه و الأمريكيه
و اللوبي الصهيوني مسيطرين تماما , من أول الأمم المتحده و مجلس الامن لحد الجرايد
و القنوات العالميه , لحد مراكز حقوق الإنسان , لحد الجامعات الشهيره و العريقه , كله
مسيس و كله لخدمة مصالح محور الشر , يعني تستيف أوراق و تقارير بشكل مظبوط , الورق
ورقهم و الدفاتر دفاترهم .
.
2- مصر على المستوى
الرسمي و كل دول العالم مضطره للتعامل مع المنظمات الدوليه مهما كانت درجة قذارتها
, عشان هي دي أصول اللعبه , انك تتعامل و تحشد أوراقك و قوتك و ترد و تهاتي و انت عارف
انك في النهايه بتتعامل مع كيان قذر , على المستوى الرسمي مفيش مسئول يقدر يصرح بلعبة
( القط و الفار ) الدوليه , انما الحل دايما عند الشعوب , انها تفهم و تستوعب و بالتالي
تعرف تقرا الخبر و اللي ورا الخبر و هتلاقي التفسير سهل أوي , لسه عايش انت في دور
المصداقيه و الشفافيه و حقوق الإنسان و العصافير و المنظمات و الحبشتكانات و الناس
اللي فارشه بسبح و سجاجيد صلاه ؟ تبقى انت حد جميل اخر حماده , انت الزبون يا معلم
اللي بياكلو عيش على قفاه .
.........................................................................................................................
Mohamed
Hussein
15
أغسطس 2017 ·
في حدوتة المواريث
.
أنا مش متدين أوي
ولا مقطع حُصر الجامع , و أصلا بكمل صيام رمضان بالعافيه , إنما اللي عملته دار الإفتاء
التونسيه في موضوع المواريث هو نوع من العبط لا أكتر ولا أقل .
.
بصو , هو احنا
ممكن نتكلم في حاجات كتير و نحطها تحت بند التحرر و العلمانيه و المساواه و العقل و
نتخلص من عادات كتير فهمناها غلط , نتكلم في النقاب اللي هو ممكن يكون وسيله للتنكر
و بالتالي خطر على امن المواطن و أمن الوطن و نوصل في الكلام لتجريمه مش بس تحريمه
, ممكن نتكلم في حج النافله ( اللي هو بعد قضاء الفريضه ) و نقول إن المرضى و الفقراء
و المحتاجين لو كتير يبقو أولى بفلوس حج النافله , و نوصل برضه لتحريمه و تجريمه .
.
إنما تقولي المواريث
؟!! اللي هي نصوص صريحه في القرأن , و كل حاله لوحدها , و على فكره مفهاش المفهوم العام
بتاع الراجل زي الست مرتين , فيه حالات بتبقى الحسبه مختلفه و حالات بتبقى الست اكتر
من الراجل ( راجعو رد الأزهر على بيان الإفتاء التونسيه ) .
.
ربنا سبحانه و
تعالى حط لنا القرأن ده عشان يبقى كتالوج , و كان يقدر يختصر حكاية المواريث في كلمتين
( الولد زي البنت ) و خلاص , إنما لما يذكر كل حاله على حده و بالتفصيل و التقسيمه
يبقى له حكمه في كده , هو اللي خالق الخلق و هو الأدرى بيهم .
.
ماهو مش ممكن تكون
متخيل ان ربنا سبحانه و تعالى لقى صفحتين تلاته فاضيين في القرأن فقال يكمّلهم بحالات
مواريث مختلفه !! فنقوم احنا بقى نقول لا احنا مش محتاجين الصفحتين تلاته دول و نختصر
الحدوته في كلمتين , يخرب بيت أم الدماغ لما تضرب و تجيب جاز .
.......................................................................................................
Mohamed
Hussein
15
أغسطس 2017·
توقيع عقود قطار
( السلام .. العاصمه الإداريه ..مدينة العاشر من رمضان ) .
.
المشروع طوله
66 كيلو بيربط العاصمه الإدارية الجديده بمدينة السلام و العاشر من رمضان , تكلفته
مليار و ربع , و يخلص في سنتين ونص , شركات صينيه و مصريه هتقوم بالتنفيذ
.
بص بقى يا سيدي
, لما تعمل مشروع عملاق زي مشروع العاصمه الإداريه الجديده , اللي مساحتها يا طولها
يا عرضها و عدد السكان المتوقع 6 مليون نسمه يعني قد أربع دول خليجيه .
.
في المشاريع دي
بتخطط و تفكر في كل حاجه , عندك نيه لحل جذري لمشكلة الكهربا و هتعمل 3 محطات عملاقه
( بتوع سيمنز ) يبقى نخّلي محطه منهم في العاصمه الجديده و واحده في الصعيد و واحده
في بحري , هتربط العاصمه الجديده بالقاهره بإيه ؟ يلزمك شبكة طرق محترمه و شبكة مواصلات
, مش كل الناس معاها عربيات , يبقى نعمل لهم خط قطار مكهرب , و مع قرب التسليم النهائي
لمشروع العاصمه الإداريه يكون خلص مشروع القطار , الكلام ده في 2019 أو 2020 .
.
بالمناسبه , لما
تفكر تروح تحجز شقه في العاصمه الجديده اللي هي فنكوش من فناكيش السيسي هتلاقي الأسعار
نار و مش هتلحق حاجه ( عشان احنا شعب مش لاقي ياكل و بيكح تراب ) , و الأسعار اللي
انت شايفها نار دلوأتي وسعر المتر قد كده هتلاقيها وقت التسليم حماده تاني خالص و مش
بعيد تلاقي الشقه بتتباع بالسنتيمتر و الفيمتومتر !!, مانا بقولك فنكوش أهو , بس إنما
ايه ؟ فنكوش عجب .
.
احلى حاجه في السيسي
انه سايب العيال الصيع و العواطليه يهرو براحتهم , السجاده الحمره و جاب الكوتشي بكام
و العجله اللي سايقها نوعها ايه , و هو ماشي في سكته بتخطيط و تركيز , و بيدّي كل حاجه
أهميتها و حجمها و وقتها , يعني أبو شلن بشلن و أبو جنيه بجنيه , ماهو أصل المشاريع
العملاقه بتختلف تماما و نهائيا عن فكرة عمل كشك سجاير , اللي هي : نبني الكشك النهارده
و نجيب فيه بضاعه بالليل و نشتغل من صباحية ربنا و نكسب بقى و نبيع بسكوت و لبان و
سجاير و كروت شحن , ده اخر القوى العقليه للصيع و العواطليه على فكره .
.
مره عيل منهم أول
ماسمع خبر اكتشافات الغاز في البحر المتوسط بعد ساعتين بالظبط حط المشروع في خريطة
انتاج الدوله و بقى يسأل فين فلوس الغاز اللي اكتشفناه في البحر المتوسط يا حراميه
يا نصابين ؟ ده طبعا على أساس اننا بنكتشف الغاز النهارده و تاني يوم ناخد كام أنبوبة
غاز فاضيين و نغطس لنا في البحر غُطّيسه و نعبّي الأنابيب و نطلع نفرش بيهم على شط
البحر و نبيعهم للأجانب , عايز كام أنبوبة غاز يا خواجه ؟ طب تعالى على جنب كده و اوعى
القنديل يعضك .
...................................................................................................................
Mohamed
Hussein
14 أغسطس 2017·
إيطاليا تقرر عودة
سفيرها للقاهره !! .
.
مممممممم مش عارف
رأي الحاجه أم خالد سعيد ايه في قرار الحكومه الإيطاليه ده ؟ و إيه تحليلها السياسي
و الأمني و الإقتصادي و المنفلوطي للموقف ؟ هل يا ترى هتقبل بالقرار ولّا هتروح للسفير
الإيطالي هي و الأستاذ خالد علي و بقية شلة المقاطيع و العواطليه , و تقوله انت ازاي
ترجع تاني عندنا و دم ابنكو الشهيد ريجيني لسه مابردش ؟ ابنكو ده شهيد و احنا اللي
قتلناه و الحاجه أم ستيته جارتنا لسه مأكّدالي الموضوع ده و هي بتنشر الغسيل , قالت
لي و النبي يا حاجه أم خالد سعيد ياختي أنا ليلة امبارح بعد ما عشيت الحاج أبو ستيته
جوزي و دخلت انام جالي واحد في المنام لابس أبيض فابيض و قالي يام ستيتة , قلت له نعم
ياخويا ؟ قالي احنا اللي قتلنا ريجيني و الرساله دي لازم توصليها للحاجه أم خالد سعيد
بسرعه و إلا ستيته بنتك خطوبتها هتبوظ و الواد ابنك هيسقط في الدبلوم و بعد الشر يموت
في حادثة موتوسيكل , قلت له أوصلهالها ياخويا ماوصلهاش ليه يعني ؟ هو انا كنت عويله
ولا كنت عويله ولا تكون فاكرني عويله ؟ .
....................................................................................................................
Mohamed
Hussein
14
أغسطس 2017·
حاجات كتير بتخليني
أرفض طلبات الصداقه من النظرة الأولى , بغض النظر عن صفحة اللي طالب الصداقه و عن توجهاته
و شكله و هيئته و مركزه و وظيفته و شياكته و ابن مين في مصر و راكب عربيه مرسيدس ولا
بيتشعلق في الأتوبيس و عنده حساب كبير في البنك ولا من مستحقي الدعم زي حالاتي , بياكل
بإيده ولا بياكل بالشوكه و السكينه , و بيقول عالطعميه طعميه ولا جرين بيرجر .
.
من أهم الحاجات
دي على الإطلاق إن الشخص يكون مصري و ضربت في دماغه يحط علم دوله على صفحته قام حط
علم دوله غير مصر !! أيا ما تكون أسبابه و حيثياته و مبرراته و افتكاساته و حلقاته
و برجالاته , كده علامة إكس و صفر من عشره , و لو فيه درجة أقل من الصفر كنت معاليك
خدتها بجداره , و على فكره مابتفرقشي معايا إنت حاطط علم دولة اسمها ايه ؟ السعوديه
السودان فرنسا ألمانيا أمريكا تركيا البرازيل فلسطين هونج كونج ياكشي يكون علم قبائل
الكوتوموتو , والله ما بتفرق معايا , خد الباب وراك بقى و وريني جمال خطوتك و سمّعني
رنة الخلخال .
............................................................................................................
Mohamed
Hussein
14
أغسطس 2017·
الشيخ على الجفري
: عندما أشاهد ما حل باليمن أدرك كم هو عظيم فضل الله على مصر بجيشها !! .
.
أهو على الجفري
ده بالذات بقى عسكري أمن مركزي متنكر في صورة شيخ يمني ( بشال و عمّه ) , أنا كنت شاكك
مع إني متأكد , و شغال تبع اللجان إلكترونيه بتاعة المخابرات و الأمن الوطني و الأمن
الغذائي و أمن المواني و أمن و سلامة المواطنين ( يعني زميل في اللجان الإلكترونيه
) .
.
و بعدين يا شيخ
على ماله اليمن ؟ ماله اليمن يا راجل يا ( لجنة ) انت ؟ ماهو زي الفل أهو , الناس مش
لاقيه تاكل ولا الحكومه عندها مرتبات ولاتعرف مين بيحكم اليمن أساسا و ظهرت فيها امراض
اتلغت من كتاب الطب من 500 سنه , و أي سبعتاشر نفر معاهم سلاح بيتجمعو و يعملو جيش
صغير و يحاربو في السبعتاشر نفر التانيين , يعني الربيع العربي نجح في اليمن و جاب
امتياز , حتى اسأل المناضله و الثائره ( الثائره أوي , الثائره جدا ) توكل كرمان اللي
هربت و خدت الجنسيه التركيه بعد ماخربت اليمن و جابت دورفها .
.....................................................................................................
Mohamed
Hussein
13
أغسطس 2017·
كامل الوزير في
جزيرة الورّاق
.
إزالة المخالفات
, و تعويض المتضررين , و خطة شامله لتطوير الجزيره , و ترحيب تام من الأهالي .
- أومال فين بقى
المستثمر الإماراتي و المستثمر الموزمبيقي و فين جمال مبارك و جمال عبد الحميد , و
فين الجيش اللي طفى النور عالجزيره بالليل و نزل فيهم طحن بالطيران و الدبابات و المنجنيق
؟
ممممممم أنا عارف
فين بس مش هقولك .
..........................................................................................................
Mohamed
Hussein
13
أغسطس 2017·
اعتصام رابعه و
مفهوم الدوله
.
- تخيل حضرتك
, حاول تتخيل بس , انت قاعد في قاعده فيها 30 نفر منهم اتنين قاعدين بيشربو حشيش و
الباقي عارف ان الاتنين دول بيشربو حشيش , اه اتنين بس , و البوليس كبس عليكو , هيقبض
على مين ؟ عالاتنين اللي بيشربو حشيش ولا عال 30 نفر ؟ طب انت ياعم مابتشربش , كنت
قاعد في القاعده بس , و أصلا أصلا بتدوخ من المايه الساقعه , يا عزيزي القانون لا يحمي
المغفلين ولا البهايم .
.
- طب تخيل معاليك
انك قاعد في اعتصام فيه 30 ألف نفر منهم 50 بس معاهم سلاح , وانت قاعد و عارف ان فيه
50 معاهم سلاح , بس انت مش معاك سلاح ولا الحاجه أم شوشو اللي قاعده جنبك , انما اعتصامكو
ده يبقى اسمه ايه و انت و الحاجه تبقو قدام القانون و قدام مفهوم الدوله اسمكو ايه
؟ يعني لو تمت عملية القبض عالمعتصمين تفتكر حضرتك قدام القانون مذنب ولا مش مذنب
, تخيل إنك في امريكا او سويسرا أو البرازيل هتبقى مذنب ولا مش مذنب ؟
.
- اعتصام رابعه
هو مجزره حقيقه فعلا , مجزره راح ضحيتها 40 ظابط و عسكري شرطه و جيش , العدد ده , اللي
هو 40 لما يروح في اشتباك في فض اعتصام يبقى معناها ان الطريقه الأمثل لفض الإعتصام
كانت الضرب بالطيران من فوق , أه و عهد الله زي مابقولك كده , يا جدع و عزة جلال الله
انا بكتب البوست ده و انا متوضي و لسه قايم من على سجادة الصلاه , يلعن ميتين أم شعاراتك
و افتكاساتك بتاعة الإنسانيه و الضمير , ياض انت لامؤاخذه و بتشتغل لامؤاخذه و أمك
عارفه
.
- لو اعتصام في
أمريكا بلد الحريات و حقوق الإنسان و العصافير الكناريا , و التوقعات الأمنيه توقعت
بس انه فض الاعتصام ده لو تم عالأرض بصورة مباشره هيروح فيه 5 جنود !! هيبقى القرار
فورا مفيش فض عالأرض , فيه ضرب بالطيران , مش هضحي ب 5 جنود في فض اعتصام مسلح , و
كل اللي في الاعتصام طالما عارفين انه مسلح و عملنالهم ممر أمن و رمينالهم منشورات
بتقول اتفضلو روحو بيوتكو لو ماروحوش يبقو ارهابيين مجرمين ( حتى و هما مش معاهم سلاح
و كل اللي في جيبهم سواك و قلم فرنساوي ) .
.
- النهارده تحديدا
هتلاقي القنوات و الجرايد فاتحه بيبانها عالبحري , وقاعات الإجتماعات المؤتمرات و الكاميرات
و حتى البرلمانات , للكلام عن فض رابعه والربعميت قتيل يووه قصدي ال 5 ألاف قتيل يا
عم بقولك 600 ألف قتيل , لا هما 70 مليون قتيل , فين الكلام ده و المؤتمرات دي ؟ في
أمريكا و بريطانيا و تركيا و قطر بنت الوسخه , نقولهم لك تاني ؟ أمريكا و بريطانيا
و تركيا و قطر بنت الوسخه , الدول و الدويلات و الأكشاك الأربعه اللي لمّت قيادات الإرهابيين
الهاربين و بتصرف عليهم و تعلفهم , مش عارف مفهومك ايه عن العقل البشري و امكانيات
الترجمه عندك بتكون ازاي ؟ لما أقولك أمريكا وبريطانيا , بريطانيا و أمريكا ؟ هه حسيت
بايه ؟ فهمت ايه ؟ ترجمتها ازاي؟ نقول تاني ولا كفايه ؟ أقولك ايه تاني عشان تفهم إنك
عار على مفهوم المواطن , عار على مفهوم الدوله , عار على العقل البشري , عار حتى على
مفهوم الضمير و الإنسانيه .
.
يا صديقي , ليسَ
ضروري أن تكون خائنا لتخدم عدوك , يكفي جدا إنك تكون عيل لامؤاخذه و أمك عارفه .
......................................................................................................
Mohamed
Hussein
13
أغسطس 2017·
حبس المخرج سامح
عبد العزيز بتهمة تعاطي و حيازة المخدرات !! .
.
حبايبنا الحلوين
الفكسانين الكتاكيت المبلولين , تعالو بقى , عندكو حاجه جديده تهرو فيها , ابدأو يالله
, ولا أقول لكو ؟ خلّو الطلعه دي عليا أنا
.
- القضيه ملفقه
و ظابط الشرطه في الكمين قال للمخرج هات رخصك ياض انت يابن ال #$@#4 . فالمخرج رد باسلوب
مش كويس قام الظابط رامي له حته حشيش في العربيه و حتتين كلاشينكوف و حته F16 و 3 صواريخ باتريوت عشان يلبسه التهمه , إلا متأكد
؟ طبعا متأكد , ابن عم جوز خالة واحد قريب واحد صاحبي كان فايت جنب الكمين بالصدفه
و شاف المشهد بعنيه
.
- المخرج ده بيمثل
الفن و الإبداع , إزاي الدوله تحبس مبدعينها ؟, دي اعتداء على حرية التعبير و حرية
الإبداع , احنا عملنا ثورتين عشان نحبس المخرجين و المبدعين ؟ ( بالمناسبه نقيب الصحفيين
لما اتقبض عليه كان مقبوض عليه بتهمة ايواء اتنين عيال صيع مطلوب القبض عليهم بإذن
نيابه لا اكتر ولا أقل , بس احنا اعتبرناها اعتداء على حرية الصحافه و قصف القلم و
سرقة البراية بتاعة النقيب المبدع اللي أتحدّى يكون حد قراله مقاله قبل كده او كان
يعرف إسمه قبلها ) .
.
- الحكايه دي واضحه
زي الشمس , شغل مخابرات عشان يدارو على موضوع القطرين بتوع اسكندريه , هاهاهاهاها بص
العصفوره ؟ ( أه صح , محسن بيه بتاع المخابرات اتصل بالمخرج و قاله والنبي قاصدينك
في خدمه , تاخد حتة حشيش و تدخل عالكمين و يقفشوك و تتحول لنيابه و سجن , المخرج قاله
طبعا متأخرش أبدا , ده كله عشان خاطر مصر و عشان نداري على موضوع القطرين , بس ليه
يا محسن بيه نعمل كده ؟ انتو قلقانين الناس تهيج بسبب موضوع القطرين و تنزل الشوارع
بالملايين و تزنزن الزنازين ؟ يابني هو فيه حد زنزن أي نيله قبل كده ؟ لا يا محسن بيه
, مانا عشان كده بسالك , لا احنا كمخابرات مصريه مش قلقانين خالص بس بنعمل كده عشان
احنا فاضيين ومش ورانا حاجه فتقدر تقول ( بنسلّي صيامنا ) و كمان انت عارف ان عندنا
قسم في المخابرات اسمه قسم ( الحاجات اللي بنغطي بيها على الحاجات التانيه ) و الرجاله
في القسم ده إيديهم نمّلت من قلة الشغل , من ساعة الفيديو الأخير بتاع (مناخير ) غاده
عبد الرازق .
..........................................................................................................
Mohamed
Hussein
12
أغسطس 2017·
تروح و ترجع لنا
بألف سلامه يا حاج , حج مبرور و ذنب مغفور بإذن الله
- متشكر يا ابني
متشكر , هبقى أدعيلك في الحرم .
.
اه و النبي يا
حاج تدعي لي , بس قولي صحيح
- نعم يا ابني
.
هي دي الحجه رقم
كام ؟
- يا ابني دي حاجه
بيني و بين ربنا بس لجل الحلفان دي الحجه السابعه .
.
ما شاء الله تبارك
الله يا حاج , حجيت الفريضه و بعدها 6 مرات نافله ؟
- أيوه يا ابني
والله , انا هكدب عليك ليه يعني ؟ .
.
و دفعت 100 ألف
جنيه يا حاج ؟
- أه طبعا .
.
المهم ماتكونشي
نسيت تسلم على جارتك الست الأرمله اللي مش معاها فلوس تربي ولادها ولا عارفه تجوّز
بنتها الكبيره , و جارك الصنايعي اللي ايده اتصابت و مبقاش قادر يشتعل و مش معاه حق
الدوا .
- أه طبعا عدّيت
عليهم و قلت لهم اني طالع الحج , و هجيب لهم سجادة صلاه و سبحه زي كل مره .
.
مانا جاي لك بخصوص
الموضوع ده
- موضوع ايه
.
أصل جارك الأسطى
عوض الصنايعي اللي ايده اتصابت , بيقولي إنه عنده 6 سجاجيد صلاه و 6 سبح بس معندوش
علبة الدوا بتاعة السكر ولا جهاز يقيس بيه السكر بتاعه !!
- يعني ايه مش
فاهم ؟
.
ولا عمرك هتفهم
يا حاج , يالله إلحق انت طيارتك و ادفع 100 ألف لجيوب شركات السياحه و أصحاب الفنادق
, واغسل ذنوبك في مكه , اوعى حد يضحك عليك يا حاج و يقولك ان ذنوبك دي تعرف تغسلها
عند جارك المسكين و جارتك الأرمله و مرات خالك اللي محتاجه كرسي بعجل تمشي بيه أو حتى
عكاز تتسند عليه .
................................................................................................................
Mohamed
Hussein
11
أغسطس 2017·
اللي تاجر بدين
ربنا قبل كده , و هو في الأصل إرهابي قاتل كدّاب منافق خاين لبلده .
.
و اللي تاجر بالثورات
و تحرر الشعوب قبل كده و هو في الأصل عيل صايع أو عميل بايع نفسه للبريطانيين و الأمريكان
.
.
واللي تاجر بالوطنيه
قبل كده و هو مجرد انتهازي وصولي بيدوّر على مصلحه أو سبوبه .
.
اللي يتاجر في
الحاجات اللي فوق دي مش هستغرب لما يتاجر في دم و أرواح الضحايا اللي توفو النهارده
في حادث القطار , ليسَ بعدَ الكُفْرِ ذنب , مفيش بعد النطاعه و الوساخه و الخيانه أي
حاجه ممكن تفاجئني , لما تكون وصلت لأعلى ليفل في الشيطنه و الإنحطاط يبقى مش هستنى
في يوم من الأيام إنك تتحوّل و تنضف و تبقى بني ادم .
..................................................................................................................
Mohamed
Hussein
11
أغسطس 2017·
النائب العام يأمر
بفتح تحقيق عاجل في حادث قطاري اسكندريه , الحادث فيه حتى الأن 36 حالة وفاه و أكتر
من 120 مصاب .
.
محافظ اسكندريه
: إشاره سيمافور خاطئه من عامل بالسكه الحديد هي السبب في الحادث !! اسكت يا معالي
المحافظ لو سمحت , اتعلم فقة السكوت , طالما اتفتح تحقيق يبقى تسكت و تستنى نتيجة التحقيق
و اللجنه الفنيه , انت مش بتشم على ضهر ايدك ولا بتقرا الفنجان .
.
سيادة الرئيس عبد
الفتاح السيسي
- من غير تهويل
ولا تهوين , صح حوادث القطارات بنسمع عنها كل يومين في مكان مختلف في العالم , و صح
الحوادث دي وارد حصولها , تصادم قطارات او حرايق ضخمه او انهيار مباني او سقوط طائرات
او غرق مراكب عملاقه و عدد الضحايا بيكون قد كده 100 مره .
.
بيقولو ياريس سواق
القطر اللي جاي من القاهره كان مزود السرعه و قطر تاني كان عطلان فجأه و واقف , و كأن
مفيش تنسيق , صح سواقين القطارات بعد فتره بيعتقدو انهم سايقين توكتوك مش قطر فيه ألاف
البشر , و صح هتلاقي منهم اللي بيشرب مخدرات و اللي بيشرب جاز , لكن التحقيق لازم يشمل
الكل , السواق و المساعد و عامل السيمافور و رؤسائهم المباشرين , و السيد رئيس السكه
الحديد و معالي وزير النقل لازم يتحقق معاهم , ده مش اتهام مسبق بالتقصير , ولا بالقتل
العمد ولا بالقتل الخطأ , ولا بالمسئوليه انما التحقيقات و النيابه و اللجان الفنيه
هي اللي هتبيّن , وعشان دي أرواح ناس و احنا مش علينا فواتير لحد يبقى اللي يثبت تقصيره
يتعاقب و يتجازى أيا ما يكون إسمه أو صفته .
.
ربنا يرحم اللي
توفّو و يشفي المصابين .
...........................................................................................................
Mohamed
Hussein
11
أغسطس 2017·
وزير التنميه المحليه
: في حملة استعادة أراضي الدوله المنهوبه استردينا حوالي 1.7 مليون فدان !! .
.
عارفين الرقم ده
؟ 1.7 مليون فدان , يعني مليون و 700 ألف فدان , يعني 40 مليون قيراط , يعني 7 مليار
متر مربع من أراضي الدوله .
الأراضي دي تم
الإستيلاء عليها في مرحلتين , الأولى مرحلة الطابونه و التانيه مرحلة الربيع اللامؤاخذه
العربي , لما ماسورة الحريه انفجرت و كله تخيل إن الدنيا بتخرب فبقى ينتش و يهبش ,
على طريقة ( لو خربت دار أبوك خد لك منها قالب ) .
.
الرقم اللي فوق
ده مش فلوس هترجع لخزينة الدوله , دي أراضي , إنما لو عايز تعرف قيمتها كام بالفلوس
, فممكن تحسب سعر المتر 100 جنيه و ده أقل سعر لمتر في مصر حتى لو في قلب الصحرا ,
يعني حضرتك بتتكلم في 700 مليار جنيه كحد أدنى , و القيمه الحقيقيه طبعا هتتجاوز التريليون
جنيه , أه يا عم احنا استولينا على أراضي للدوله بقيمة تريليون جنيه , رجال اعمال فاسدين
و مسئولين و إعلاميين أكتر فسادا و حتى المواطن اللي كان بيطول حاجه بياخدها بوضع اليد
و وضع الرجل و وضع المؤخره .
.
كلمة ( طابونه
) هو الوصف العبقري اللي قال عليه السيسي و هو بيوصف أخر 20 سنه في تاريخ مصر .
........................................................................................................
ليست هناك تعليقات:
إرسال تعليق