Mohamed
Hussein
17
أغسطس 2017·
دعوة للعقل
............ بهدوء شديد
.
- أنا ضد افتكاسة
الإعجاز العلمي في القرأن الكريم , و الإعجاز العلمي في فرائض ربنا سبحانه و تعالى
( و نواهيه ) .
.
- احنا بنصوم رمضان
عشان ربنا امرنا بالصيام مش عشان العلماء اكتشفو فوايد صحيه للصيام !! , و إلا لو عالم
بكره الصبح عمل بحث ولقى أضرار للصيام و نشرها نبطل نصوم بقى .
.
- احنا مابناكلشي
لحم خنزير عشان ربنا نهانا عن أكل لحم الخنزير مش عشان العلماء لقو دوده في لحم الخنزير
, و إلا لو الدوده دي ظهرت في حيوان تاني ربنا احل أكله نقوم احنا مناكلوش بالقياس
بلحم الخنزير أو ناكل لحم الخنزير بالقياس بالحيوان التاني .
.
- عدة المرأة المطلقه
و الأرمله ربنا ذكرها في القرأن , و مع وجود اجهزة حديثه لكشف الحمل و تحاليل و خلافه
, تبقى عدة المرأه زي ماهي , ماينفعشي نستخدم العلم في تغيير أمر الله , لأنه و ببساطة
شديده العلم نفسه متغير و مفيش قاعده علميه في تاريخ البشريه مؤكده بنسبة 100 % , و
طالما دخل العنصر البشري و عنصر الأله يبقى الخطأ وارد , حدود الله ماينفعشي تسيبها
لخطأ وارد .
.
- العلماء قالو
الأرض كرويه , ماتطلعش تجري و تقول شوف شوف دي مذكورة في القرأن من 14 قرن , هتعمل
ايه يا فالح لو جة فريق بحث علمي تاني و قالك عندنا اجهزه اكثر تطورا أثبتت إن الأرض
مش كرويه بشكل كامل ؟ او مش كروية خالص ؟ .
- المرأه ممكن
تتجوز أربعه طالما الدنيا اتطورت و لو بقت حامل هنعرف بتحليل ال DNA المولود ده ابن مين من الأربعه , طبعا ده كلام فارغ
لنفس السبب السابق , و أي قاعدة أو نظرية علميه قابله للتشكيك و التغيير لاحقا أو حتى
النفي , و بالتالي الموضوع هيبقى فيه نفس الخطأ الوارد ( ممكن هنا نضرب الف مثال على
فكره ) .
.
- ماية زمزم مباركة
مش عشان زغلول النجار لقى فيها نسبة أملاح كذا و اكتشف العلماء انها بتعالج من كذا
, لأ مباركة عشان هي مباركه , و إلا لو ظهر عالم و قال انه عمل بحث و سيرش و لقى ماية
زمزم بتصيب بأمراض كذا نقع احنا في حيص بيص و نبطل نشربها .
.
- قصة و افتكاسة
الإعجاز العلمي في القرأن و في فرائض الله و نواهيه ظهرت بشكل واضح من مشايخ الوهابيين
و السلفيين , و بقت سبوبه حلوه مع انها في الحقيقه ( حقل ألغام ) , و النتيجه اننا
أقحمنا العلم في الدين ولا بقى عندنا علم ولا بقى عندنا دين .
.
- ربنا سبحانه
و تعالى مش محتاج يخلق لك دوده جوه لحم الخنزير عشان تقتنع بأسباب التحريم , و لا محتاج
إن إسمه أو إسم نبيه ينزلو على ورقة شجر او على بيضه مسلوقه عشان تقول سبحان الله
, لو عايز تقول سبحان الله و انت محتفظ بكامل قواك العقليه , بص حواليك هتلاقي مليون
سبب تقول عليهم سبحان الله , من أول الشجر و الريح و السما و خلق الأجنه و تعاقب الليل
و النهار و الشمس و القمر و النجوم و كون ماشي زي المسطره .
.
- باختصار يا سادة
, الأصل في البحث العلمي إنه متغير مش ثابت و الأصل في الدين هو قول ربنا سبحانه و
تعالى ( سمعنا و أطعنا ) , مش سمعنا و دوّرنا على أسباب علمية للأمر الإلهي و بعدين
أطعنا .
..............................................................................................................
Mohamed
Hussein
17 أغسطس
2017•
أسبانيا ممكن تكون
من الدول الأوروبيه اللي ماشاركتش في معجنة الشرق الأوسط بشكل واضح , لا بالقتل ولا
بالتحريض ولا بالتخريب , و مع ذلك بتدفع فاتوره .
.
بريطانيا اللي
هي العقل المدبر لكل الشرور في العالم و المتورط الأول في خراب الشرق الأوسط , لما
عرفت ان الفاتوره هتندفع في يوم من الأيام و إن اللي صنعوه بإيديهم هيوصل لحد أوروبا
, قامو خلعو من الإتحاد الأوروبي , المخابرات البريطانيه مابتضيعش وقت و بتعمل حساب
كل حاجه .
.
- لا لا ماتقولش
كده , مستحيل , دي بريطانيا خرجت من الإتحاد الأوروبي باستفتاء شعبي و ديموقراطيه و
صناديق و الشعب سيد قراره , مش بتخطيط المخابرات البريطانيه
.
ههههههههههههه
تعالي ياض انت هات بوسه عشان أحطك جنب الحيطه , و ابقى سلّم لي على سيد
- سيد مين ؟
.
سيد قراره يا حبيبي
.
ليست هناك تعليقات:
إرسال تعليق